رواية ذكريات مراهقة -7
عبير ابتسمت ابتسامة سخرية : توك تكتشفين
انا : افف ترا مالي خلق مزحك ...... الا شرايك تروحين معي للحمام بضبط حجابي (كانو فاسخين عباياتهم ولابسين حجابات)
عبير : اوكي .... حتى انا بعدل الكحل
(دخلنا دورة المياه و بنفس الوقت دخلو الشباب و عماني للفندق)
عمي نايف للبنات : وين عبير و نوف ؟
الهنوف : بدورة المياه ... نوف تعدل حجابها و عبير تعدل كحلها
عمي نايف : قوليلهم عمكم نايف يبي كل البنات بموضوع
الهنوف : اوكي ..... (وراحت)
ريما : عمي الحين السويت حقنا وين بيكون موقعه بين الباقي ؟
عمي نايف : انا كلمتهم و الحين بنشوف وين السويت حقكم بس الظاهر انكم انتم و الشباب بدور و احنا بدور
لمياء بدلع : لالالا بابي لا تقول كذا انا ما اقدر افارق مامي
وليد : انا معك بنفس الدور اذا احتجتي شي دقي علي او على مشعل
لمياء : بس مامي غير
وليد : اقول بلا دلع انا الي يدي مكسورة و محتاج للرعاية ما تدلعت مثلك
لمياء بزعل : اوكي
انا و عبير جينا مع الهنوف
انا : هلا عمي شبغيت مننا ؟
عمي نايف : لا بس كنت بقول لكم ان السويت حقكم و السويت حق الشباب بدور و احنا بدور
عبير : عادي معنا اخوانا ....(وتلتفت على البنات).... صح بنات ؟
البنات : صح
عمي نايف : يعني موافقين ؟
البنات : ايه
عمي نايف : خلاص الحين بنشوف السويت حقكم و السويت حق الشباب و حقاتنا
خالد : استأذن .... انا و مرتي بنروح نرتاح بسويتنا
عمي محمد : اذنك معك
العنود : الا ليش جدي و جدتي ما جو معنا ؟
بشاير : ايه صح ..... احس فله لو كانو معنا
عمي فيصل : توهم راجعين من الشرقية و يبغون يستقرون ..... صعبة يسافرون الحين
العنود+بشاير : اها
مهى : نبي نروح غرفنا نرتاح ساعتين بعدين نطلع
انا : ايه نبي نرتاح ...... بس ترا اذا كنتو بتطلعون و انا فيني النوم ماراح اروح
مهى : ايه حتى انا
بشاير : و انا بعد
انا و مهى ناظرناها ودنا نصفقها لأنها اذا جلست بيخرب كل شي
غادة : يوووه عاد انتي مستحيل تشبعين من النوم
بشاير : ليش في احسن منه ...... يلا نروح نشوف سويتنا
عمي نايف : انا بوديكم له ....(التفت عشان يكلم الشباب).... تعالو انتم بعد تشوفون سويتكم
الشباب : اوكي
ورحنا كلنا نشوف السويت حقنا و حق الشباب
كان السويت الواحد عبارة عن صاله و مطبخ صغيير و 3 حمامات و 4 غرف نوم الغرفة الوحدة فيها سريرين و لأن عمي طلب اسرة اضافية صارت غرفتين فيها ثلاث اسرة
ترتيبنا بالغرف
انا - مهى - ريما
رغد - لمياء - الهنوف
العنود - غادة
بشاير - عبير
كانت الساعة 8 و قمت على الساعة 10 و نص وكان الكل طالع الا مهى الي كانت تناظر التلفزيون بالصالة
انا بصوت كله نوم : الباقين طلعو ؟
مهى : ايه .... يلا البسي عشان نطلع
وشوي وتجي بشاير من وراي وتحط يدها على كتفي : وين بتروحون له ؟
انا : بسم الله ....(والتفت على مهى).... مو انتي قلتي كلهم طلعو ؟
مهى بصدمة : انا طليت بغرفتها مالقيتها
بشاير : ايه كنت طايحة من السرير يمكن عشان كذا ما شفتي
مهى بدهشة : طحتي من السرير ولا قمتي
بشاير ببرود : لا
انا من دون نفس : افف صراحة تقهرين ليش ما رحتي معهم
بشاير : خير ..... وش تحسين فيه جاملي على الاقل
انا : انا كذا ما احب اجامل ..... بس بما انك قعدتي بنقول لك مخططنا
بشاير : وشو مخططكم ؟
مهى قالت لها كل شي عن اننا نروح و كذا
بشاير : بروح معكم دقايق بس عشان البس
انا : حتى انا بلبس
مهى : بسرعه
لبسنا و بما ان عائلتنا الكريمة راحت لعاليه رحنا للسلدير
انا : مهى اتصلي على السواق قوليله يجي ياخذنا
مهى : قلت له .... هو تحت ينتظرنا
بشاير : يلا اجل خلونا ننزل له
(بعد ما نزلنا و ركبنا و قلنا له يودينا للسلدير و وصلنا)
انا : اوف ... اوف ....... انا قد سمعت ان السلدير كله خليجين بس ما توقعت يكون لهالدرجة زحمة
بشاير : ما شفتي شي بالعادة يكون زحمة اكثر
مهى : خلونا نتمشى بعدين ندخل المحلات
انا : اوكي .... انا ولا مره رحت للبنان عشان كذا غصب عني امشي على هواكم
بشاير+مهى : ههههههه
انا : يلا امشو ولا يكثر (ورحنا)
في وحدة من القهاوي حقت السلدير
........: اوف ... اوف وش ذا صاروووخ و ربي شهالجمال ؟
........: ههههههه شفيك لهالدرجة انا حلو ؟
........: موب انت ..... الصاروخ الي شفته تو وربي عليها جمال ليتك تشوفها
........: وينها ؟
........: راحت هي و الي معها يتمشون ...... بصراحة ما توقعت ان فيه سعودية بذالجمال لو تشوف عيونها
........: ليش وشلون عيونها ؟
........: انا كنت احسبها لبنانية لأن عيونها كحلية بس حجابها و لهجتها...وه بس فديتاه...تعال بدورها ارقمها
........: هههههههه شكلك موب صاحي
........: ترا منيب فاضي لك تجي معي حياك الله منتب جاي بكفيك
........: لا وين تروح ...... بروح معك
........: يلا (وراحو)
............................................نهاية البارت...........................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
آآآآسفة على التأخير
بس كان عندي شوي ضروف
و ادري البارت قصير
عشان كذا يمكن انزل بارت ثاني اليوم
ما اطول عليكم
.......................
البارت (13)
في السلدير
مهى : بشاير امشي نسلم على رويدا
انا بأستغراب : مين رويدا ؟
مهى : وحدة لبنانية نعرفها تشتغل بمحل بالسلدير و طيبة و حبوبة عاد احنا صادقناها
انا : اهاا .... طيب يلا ابي اشوف اشكلها
بشاير : الحمدلله على نعمة العقل ....... يلا
(ورحنا ودخلنا وحدة من المحلات)
بشاير : رويدا
رويدا و الي كانت مشغولة مع زبونة : دئيئة بس لخلص هي الزبونه (دقيقة بس بخلص هذي الزبونة)
رويدا بعد ما خلصت و التفتت علينا : هئئئئ ..... لك مهى بشورة انتم اجيتو ع لبنان ؟
مهى : ايه ...... كيفك ؟
رويدا : صرت منيحا بس لشوفتكون ...... انتو كيفكن ؟
بشاير : تمام الحمدلله
رويدا : وينا غادة ما شفتا معكن
مهى : جبنا معنا وحدة احسن من غادة
رويدا وهي تمد يدها لي : تشرفنا حبيبتي .... انتي شو اسمك ؟
انا : نوف .... تشرفت بمعرفتك
بشاير : رويدا انتي الى الان تشتغلين بهالمحل ؟
رويدا : اي .... هيدي الضروف يلي بتجبرني اشتغل هون
مهى : يعني ماراح تكملين دراسة الجامعة ؟
رويدا : لا طبعا رجعت كملتا ..... مرت ابي ما أصرت دفعت كل رسوم الجامعه
بشاير : اها ..... الله يخليها لك
رويدا : امين ....... هيي متل امي و اكتر
انا : رويدا كم عمرك ؟
رويدا : 22 سنة انتي كم عمرك ؟
انا : 20 سنة
رويدا : العمر كلو انشالله ....... تفضلو ليش وائفين تفضلو
بعد ما جلسنا على الكراسي
رويدا : شو بدكن ضيفكن
بشاير : مو ضروري
رويدا : لاء ولو دئيئة بس لجيب العصير
الكل : شكرا
انا بعد ما راحت رويدا : ياحرام شكلها محتاجة
مهى : ايه فوق ما تتصورين
بشاير : عندها اخو اصغر منها و امها و ابوها ماتو وهي تعيش مع مرة ابوها
انا : اها
شوي ويدخل ........ و ....... للمحل
......... : السلام عليكم
انا+مهى+بشاير : وعليكم السلام
......... : كيفكم ؟
انا+مهى+بشاير عطيناه نظرة يعني انثبر ولا تتعدا حدودك
......... : يعني ما تردون علي ؟ ....... حرام عليكم والله قلبي تقطع عليك انتي وعيونك الكحلية
انا بعصبية : انت هيه لا تتعدا حدودك
......... : انا ما تعديت حدودي صح يا نواف ؟
نواف : صح
بشاير وهي تقوم : الظاهر هذولا ما ينفع معهم امشو نطلع
مهى : و رويدا ؟
بشاير : بعدين بنقول لها الحي امشو نطلع
بعدين طلعت بشاير ومهى و انا كنت بطلع بس ...... مسك يدي
........ : نواف كأن الحلو بيطلع ؟
نواف : بصراحة احسها قوية ولا احد يشوف هالوسامة ويطلع
انا بأستهزاء : ايه ..... انا اشوف هالوسامة و اطلع
........ : هههههه على العموم اسمي احمد
انا بنفاذ صبر : طيب ممكن تترك يدي لأني بجد مالي خلق لك
مهى : اتركها احسن من اني الم كل الي بالسلدير عليك
نواف : فيك الخير تنادينهم
مهى : ليش تحسبني بخاف منك ؟ ...... لا حبيبي المفروض انت الي تخاف مني
بشاير : اتركها احسن لك
احمد بأستخفاف : شبتسوين ؟ ..... يا حلوة لو تعرفين عائلتي و اسم ابوي انبهرتي غيرك يموتون على تراب رجولي
انا بأستهزاء : يموتون على تراب رجولك ؟...لا الصراحة انا غلطانة يوم ما مت على تراب رجولك ...... اتركني احسن لك انا الي اسم ابوي بيخليك تحب رجولي
احمد بأستهزاء : ليش فيه احسن من اسم ...... احمد ناصر الـ
انا بثقة و كل فخر : طبعا اسم نوف عبدالعزيز الـ
احمد : واذا يعني ؟ ..... صدقيني ماراح تطلعين من هالمحل الا اذا
ويقاطعه صوت رندا الي ماسكة العصير وجاية : خلصت العصير تفضلو ....(طبعا انتبهت للوضع الي احنا فيه) .... هئئئ لك شو صاير
نواف : انتي وش دخلك يالمنتفه انثبري وياويلك اذا سمعت لك حس
رويدا : انت شو عم تحكي ..... انا بدي اتصل ع داني مشان يتصرف معكن
نواف : هه ...... يلا ورينا داني الي بيتصرف معنا
رويدا : طلعت من المحل وراحت لمحل قريب منها و نادت داني>>>>>طبعا داني يصير اخوها من ابوها
داني ومعه رجالين : شو الأصة ؟
احمد تركني وقال : حسابي معك بعدين لا تحسبين ان السالفة بتعدي (وطلع ومعاه نواف)
انا : شكرا اخ داني
داني : ولو هيدا واجب
بشاير : دن دن .... كم عمرك ؟
داني : هههههه حسستيني اني بعدي صغير ..... عمري 23
بشاير : وه بس يازينك
داني : ههههه شو عم بتأولي
انا : تقول شكرا
مهى : ايه هذي طريقتنا بالشكر
داني : اها
بشاير تناظرنا وهي مادة بوزها
رويدا : يلا تفضلو شربو العصير
انا : يله ......(بعد ما جلسنا وشربنا شوي من العصير)...... بصراحة يجنن انتي الي سويتيه
رويدا : ايه
انا : يهبلل
رويدا : هيدا من زوئك حبيبتي
مهى : طبيعي الي مسوي العصير رويدا تبغونه ما يطلع حلو
رويدا : هههههه ايه ولو لعيونكن صار حلو
بشاير بعد ما خلصنا العصير وجلسنا شوي مع رويدا : يلا يا بنات تأخرنا ..... الحين يجون اهلي يسون لنا فضيحة
انا+مهى : يله
رويدا : لاااء خليكون معي شوي
مهى : معليش بس بنزورك مره ثانية
بشاير : رويدا قولي لداني بشورة تسلم عليك ..... ااااييي >>>>>>قبصتها مها
رويدا : شو صار لك ؟
بشاير : هاه لا ولا شي بس اذا جيناك قولي لداني يجي ...... اااااييي
رويدا بأستغراب : لك شو بكي ؟ ..... عموما رح الو يجي
انا : يلا بنات ...... باي
رويدا : باي
(بعد ما طلعنا من المحل تعديناه بشوي مسك يدي احمد)
احمد : انا قلت ان السالفة ماراح تعدي على خير يعني ما راح تعدي على خير (وراح)
انا بخوف : وش تتوقعون بيسوي
مهى : مدري ..... بس طنشيه امشي نروح للفندق الحين يجون اهلي و يفضحونا
انا+بشاير : يلا
(وصلنا لباب الفندق بس للأسف كان فيه واحد يلحقنا بسيارته و ما انتبهنا له)
انا : يالله بنات امشو بنطلب عشا من الفندق
مهى+بشاير : يله
بشاير : تعباااانة ..... ما نمت زين
مهى : هئئئئ الحين كل هالنوم الي نمتيه وتقولين ما نمت زين ؟
بشاير : يوووه يعني مستكثرة علي ساعتين ؟
انا و انا رافعة حاجب : بس انتي بالطيارة كنتي نايمة ..... لا تحسبين ان العنود ما قالت لي
بشاير بعصبية : وهالبنت ما تفكر بيوم تسد حلقها ؟
انا : عادي انا اختها الكبيرة طبيعي تقول لي كل شي
بشاير : مالت عليها هي و اختها الكبيرة .... اما ريما فديتها ما تذبح حشرة
انا و انا اضحك : ما تذبح حشرة .... بس تذبح انسان كامل
مهى : ايه بسم الله عليها ...... الا نوف هالفترة خلي ريما معك عشان اذا قرب منك احمد زي ما قال تذبحه
بشاير : من جد
انا : والله فكرة ...... بس لا ما اتوقع يتجرأ لأن من بكره بنصير نطلع مع بعض يعني بيكون معنا الشباب و عماني
بشاير+مهى : صح
............................................نهاية البارت...........................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هذا البارت لعيونكم
البارت (14)
في اليوم الثاني بسويت البنات الساعة 10 الصباح
انا طالعه من الغرفة و بصوت كله نوم : افطرتو ؟
ريما : ...... تعالي اقعدي معنا بعد شوي بنطلع نفطر برا
انا : و الفطور حق الفندق ؟
لمياء و هي تضحك : كالعادة الشباب و البنات ما يفطرون بالفطور حق الفندق الا نادر ... بس الاهل الي دايم يفطرون
انا و انا اجلس : من جد
ريما : غسلي وجهك الله لا يبلانا
انا : غسلته
ريما : اها مو مبين
انا : طبعا ماراح يبين مسحت الموية
رغد وهي تزين اضافرها : بعد نص ساعة بنطلع خلونا نتجهز
الهنوف : انا عن نفسي لابسة وجاهزة بس احط حجابي على راسي
ريما : والميك اب ؟
الهنوف : الي يسمعك يقول مكياج كامل ..... تراها بس روج و مسكرة و بلشر خفيف
رغد : انا بروح ابدل
لمياء : خذيني معك (وراحو)
انا : يلا ريما امشي نبدل
ريما : اوكي
الهنوف وهي تقوم : انا بروح اقوم البنات
انا+ريما : اوكي
(بعد نص ساعة صار الكل جاهز)
مهى : وين الباقين ؟
الهنوف : يعني ما تعرفين بشاير تحب النوم ما رضت تقوم
لمياء : وعبير تقول نزلت تفطر معى اهلي
مهى : والعنود و غادة ؟
انا : نفس الشي رفضو يقومون
الهنوف : احسن عشان يتأدبون ...... على فكرة ترا بنتمشى بعد الفطور
الكل : طبعا
(بعد ما طلعنا و قعدنا ننتضر السواق يجينا كانو بعض الشباب طالعين)
وليد : صباح الخير
البنات : صباح النور
ماجد : وين باقي البنات ؟
رغد : نايمين
رائد : وانتم وين رايحين له ؟
انا : بنفطر و نتمشى شوي
راشد : تبغون اوديكم مطعم على البحر عشان تتمشون اذا خلصتو
البنات : ايييه
فهد : بس بشرط
البنات بملل : وشو ؟
فهد : اني اعزمكم على الغدا و بنتغدى كلنا مع بعض ...... اوكي ؟
البنات : اوكي
رائد : يلا تعالو معي بسيارتي انا بوصلكم
مهى : بس احنى قلنا للسواق يجي يمرنا
رائد : اي واحد كلمتو ؟
لمياء بدلع : ايمن على ما اعتقد
رائد وهو مفهي : خلاص اركبو السيارة بأتصل عليه اقوله ما يجي
البنات : اوكي
(طبعا ركبنا بسيارة رائد و انا كنت جالسة بالكرسي الي جنبه)
رائد هو يركب للسيارة : اكتملتو ؟
انا : ايه يلا
رائد : طيب دقيقة خلي راشد يحرك سيارته عشان الحقه لأني ما اعرف الطريق
انا : اوكي
ريما : راشد شغل اغنية
رائد وهو يضحك : اشغل اغنية خليجية بلبنان
ريما : عادي .... لأن لبنان بتكون زحمة من الخليجين
انا : لا غيرو شوي شغل اغنية اجنبية احلا
رائد : وش تحسين فيه ...... من جدك تبيني اشغل اغنية اجنبية ؟
انا : ايه شفيها ؟
رائد : لا بس ما تليق .... بشغل اغنية خليجية احسن
انا : طيب وش الاغاني الي عندك
رائد : دقيقة بشوف ........ نسيت السي دي حق الأغاني
ريما : يعني ما فيه شي ؟
رائد : لا
لمياء : خسارة
رائد : اذا تبين رجعت وجبت الشريط
لمياء : لا خلاص عادي ....... احنا متأخرين خلقه....المفروض نتغدا مو نفطر بهالوقت
رائد : اوكي
(بعد ما وصلنا ونزلنا من السيارة و نزلو الشباب من سيارة راشد)
راشد : تبون هذا المطعم ؟
البنات : ايه
راشد : طيب دقيقة بروح اشوف اذا في طاولة او لا
رغد بدلع : افف شمس يليتني جبت نظارتي الشمسية
انا : من جد
مهى : هناك يبيعون نظارات اشترو منها
انا : لا حقاتهم مو حلوة ....... رودي حبيبي
هنا الشباب فطسو من الضحك
رائد بعصبية وخجل : رودي بعينك ما تشوفيني رجال ؟
انا : افف طيب خلاص ...... رائد ابي نظارتك الشمسية
رائد بأستهزاء : ما سمعتك وش قلتي ؟
انا ببراءة مصطنعه : ابي نظارتك .... انت اخوي الكبير لازم تحمي عيون اختك الصغيرة....(التفتت على لموي).... صح لموي ؟
لمياء بفهاوة : صح في ايش ؟
رائد : هاه ..... لا بس كانت تبي نظارتي و انا بعطيها (وفصخ نظارته وعطاني اياها)
انا : شكرا
رائد : لا عادي انتي اختي الصغيرة لازم احمي عيونك من الشمس >>>>>>>يتميلح
لمياء بفهاوة : حظك عندك اخو مثله
وليد رافع حاجب : ليش و انا وين رحت ؟.......لا يكون نسيتي اني ساتر على مصيبتك انتي و البنات و المشكله على حسابي
انا احاول اصرف الموضوع : ههههه ... لا بس ... هاه ... ايه ... شسمه ... لا
وليد وهو يضحك : الحين وش سالفة الكلمات المتقطعه هذي
انا : اا...اا...اا ... ذاك الشي
وليد مات من الضحك علي
الهنوف : نوف تعالي ابيك شوي
انا بعد ما رحت لها : وش تبين ؟
الهنوف بغيرة : مو كأنك طقيتي الميانة مع وليد بزيادة
انا بأستغراب : ليش احنا من متى ما نمون على عيال عماني ؟
الهنوف : بس حتى ولو مو لهالدرجة
انا : الهنوف شفيك انا دايم اتكلم كذا مع عيال عمي
الهنوف : بسس
انا قاطعتها : الهنوف اذا انتي تحبين وليد قوليلي احاول اخفف الميانة معه بعدين انا كنت اصرف موضوع الحادث ومو قصدي شي ثاني لا يروح بالك بعيد
الهنوف : اسفه ..... بس انا استحي منه و اغار منك لأنك تكلمينه عادي وتمونين عليه
انا ابتسمت : لا عادي .... بعدين انتي اول ماكنتي تستحين منه .... تتذكرين يوم لقانا تحت الكراسي تذكري طريقة كلامك معه كيف كانت و قارنيها بطريقتك مع الحين
الهنوف : معك حق .... اسفه مره ثانية
انا : لا عادي لا تعتذرين .... يلا نروح عشان ما يشكون
الهنوف : اوكي (ورجعنا للشباب و باقي البنات)
شوي وجا راشد ومعه القرسون
راشد وهو يضحك : الحين كم عددنا ؟
فهد و هو يستوعب عددنا و يضحك : دقيقة بحاول اعدنا
ريما..نوف..الهنوف..رغد..مهى..لمياء..رائد..راشد..ول يد..ماجد ...... عددنا عشرة
القرسون : بدكن طاولة لعشر اشخاص ؟
راشد : ايه
القرسون : اي تكرم عينك دئيئة بس (وراح القرسون)
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك