رواية ذكريات مراهقة -6
رغد بدلع وهي تطلع : اففف عاد تراك ما تضحكين ابدا
غادة : طيب قولو لدانة تجي معنى لبيت جدي
عبير : انا بقول لها
المهم قالت عبير لدانة تجي لبيت جدي بدال بيت عمي فيصل طبعا ببيت جدي مر الوقت وصارت الساعة 9 و نص
عبير و دانة و لمياء يسولفون مع بعض
ريما و مهى يحشون بشخصيات المسلسل الي تتباعة العنود و العنود تهددهم اذا ما سكتو بس لا حياة لمن تنادي
رغد تقرا رواية باللاب توب و تقعد تبكي عليها و المناديل منتشرة بكل مكان بالجلسة الي قاعدة فيها
بشاير و غادة و الهنوف يتسمعون على الشباب (طبعا الشباب بالخيمة و البنات برا الخيمة)
انا قاعدة على اللاب توب حقي ابحث عن رقم ...... عشان يساعدني و يفكني من طلال (يعني بالعربي الشخص الي بيساعد نوف مو من العائلة)
انا بفرح وبصوت عالي : لقيت الرقم
البنات كلهم صارو يناظروني
دانة : اي رقم
انا بأرتباك : لا بس كنت اقرا قصة و البنت الي فيها لقت رقم امها الي ما شافتها طول عمرها
رغد وهي تمسح دموعها : شكل روايتك حلوة وش اسمها ؟
انا : مدري ..... صديقتي ارسلت لي الرواية بدون الاسم ...... بعدين خلاص كملو شغلكم
الكل رجع على وضعه وما شافوني و انا اطلع من باب الغرفة
طبعا رحت لغرفة الضيوف
انا بعد ما اتصلت : الو ..... السلام عليكم
........: وعليكم السلام و رحمة الله وبركاته
انا : اخوي انت حضرة الشيخ .......؟
..........: ايه انا الشيخ .......
انا : والله يا شيخ انا ابيك تسمع قصتي و تفهم موقفي و انا ما اتصلت فيك الا لأني محتاجة مساعدتك
الشيخ : تفضلي يا بنيتي و مالك الا اني اساعدك ان قدرت
انا : يا شيخ ... انا من فترة اتصل علي واحد و كلمته و كان يكلمني كانه عارفني ..... انا عرفت من كلامه انه يعرف
قريبتي مع العلم انه مو من محارمها و هو يسجل لها مكالمات و طلب مني اطلع معه و اذا رفضت بينشر التسجيلات
انا ترددت بس قلت له اني ابي يكون الوضع بالتدريج يعني اول شي مكالمات بعدين اطلع معه
و انا مو قصدي اني بطلع معه انا بس كنت ابي وقت عشان ادور على رقمك
الشيخ : و المطلوب يا بنيتي ؟
انا : يا شيخ .... انا ما ابي اعالج الغلط بالغلط و اكلمه لأن هذا الشي حرام ...... بس انا ابيك تساعدني بدون فضايح
و بدون ما يعرفون اهل قريبتي ..... انا ابيك تمسكونه و تاخذون منه التسجيلات وبعدها تتصرفون معه
الشيخ : خلاص ما يصير الا خير انشالله بس ابيك تقولين له انك بتطلعين معه في مكان ....... الساعة ...... يوم .....
و قولي انك تبين صورته عشان تعرفينه و اذا اعطاك اياها ارسليها لي و بعدين بنمسكه انا و جماعة الخير
انا : مين جماعة الخير ؟
الشيخ : هذولا يا بنيتي الهيئة الله يبارك فيهم ما يقصرون ...... و انا بشرح لهم الوضع
انا : طيب يا شيخ انا بسوي الي قلت لي عليه بس مافيه شي ثاني
الشيخ : لا يا بنيتي بس انصحي قريبتك و علميها ان الي تسويه حرام
انا : مشكور يا شيخ ....... و يكون بينا اتصال عشان ارسلك الصورة
الشيخ : الله يستر عليك وعلى بنات المسلمين ..... مع السلامه (وسكر)
انا تنهدت تنهيدة قوية ما صدق القى احد يساعدني
و انزل تحت للمطبخ اسوي لي اندومي طبعا بعد ما حطيته على النار الا اشوف من الشباك بشاير و غادة و الهنوف يتسمعون على الشباب
انا في نفسي :" وش عندهم ذولا ؟ ...... بروح اروعهم"
(واروح اخذ عبايتي و عباية وحدة من البنات و احطها فوق راسي و اتلثم بالطرحة و اروح ورا البنات اطلع اصوات)
انا و انا ورا البنات : مممم ... ممممم ... ممممم
بشاير : بنات اسكتو فضحتونا الله يفضحكم
انا : اممممم ..... اممممم .... اممممم
غادة : الهنوف بلا هبال
انا : اممممم ..... اممممم ..... امممم
الهنوف : وش دخلني موب انا
انا : اممممم ..... (وارفع صوتي) ....... اممممم
البنات على طول لفو لجهتي و صارخو: اااااااااا
(طبعا لازم تعرفون ان البنات معهم طرحهم عشان يتحجبون اذا شافو احد من الشباب)
الشباب كلهم طلعو من الخيمة
ماجد : شفيكم
البنات : اااااااااا
انا صارخت يوم شفت الشباب : ااااااااااا
الشباب ارتاعو من شكلي وصرخو : ااااااااااا
جدي طلع على صوت صراخنا بعدين شافني وصرخ : ااااااااااا
بعدين كلنا صرخنا : اااااااااااااااااااا
جدي بعد ما خلص صراخ قال بصوت عالي حتى الجيران يسمعونه : بس
الكل سكت من صوت جدي العالي
جدي شالسالفة الحين
غادة بخوف و هي تأشر علي : ج ... ج ... جن ... جني
الهنوف بنفاق : كنا نتمشى وشوي يجي لجهتنا
انا كنت بفضحها بس ما اقدر عشان ما يعرفون صوتي قمت انحشت على طول و الشباب يلحقوني
رحت ورا البيت و فتحت الشباك الخلفي >>>>>>اتوقع ما نسيتوه...... ودخلت منه و قفلته من جوا عشان ما يلحقوني
بعدين فصخت عبايتي و شلت العباية الي كانت فوق راسي و حطيتها تحت وحدة من الجلسات و رحت على طول للمطبخ >>>>>>>>عشان اذا شافو الاندومي يحسبون اني كنت بالمطبخ طول الوقت
طبعا دخلت المطبخ و قعدت اقلب في الاندومي على بالي من زمان موجودة هنا
وشوي و يدخلون الشباب و اقعد ارمي عليه الملاعق و اصارخ و اقول : اطلعو ما تحجبت
و يطلعون كلهم الا فهد ورائد
رائد : نوف .... ما شفتي جني ؟
انا بأستخفاف : لا ...... لايكون شايف واحد ؟ >>>>>>بريئة
فهد : ايه لقينا شي اسود خوف البنات
انا : لا ماشفت شي .... (بعدين سويت نفسي خايفة) .... اقول اقعدو عندي لين يخلص الاندومي حقي بعدين بروح للبنات
فهد وهو يطلع : عندك رائد
انا بنفاق : رائد لا تروح خلك عندي
رائد وهو يطلع : مشكلتك والله
انا بصوت عالي اسوي نفسي خايفة : لالالالا خلك معي شوي >>>>>>>ابيهم يسمعون عشان يدرون ان مالي دخل
رائد : افف ....... اخلصي
انا : طيب بس بحطة في الصحن
رائد بملل : بسرعة
انا بعد ما حطيت الاندومي بالصحن : خلاص روح
رائد وهو يطلع : اوكي
طبعا انا طلعت فوق عند باقي البنات وسويت نفسي بريئة ما ادري عن شي
عند الشباب
راشد لفهد و رائد : وش سالفة اختكم ؟
فهد : تسوي لها اكل
الشباب : اها
خالد : طيب ما شافت الجني ؟
رائد : لا
ماجد كان بعالم ثاني ما يدري وش السالفة
وليد الي ما لحقني لأن في رضوض برجله كان يقول لماجد : مين الي ماخذ عقلك يتهنى به ؟
ماجد : محد .......(ويكلم باقي الشباب)....... يلا ندخل الخيمة
الشباب : يلا
عند البنات
كنت جالسة اكل و الباقين على وضعهم
وشوي و يدخلون علينا غادة و بشاير و الهنوف
الهنوف : بنات ....... بنات
الكل وجه نظره لهم بمعنى تكلمي
الهنوف : شفنا جني
مهى : هه...هه...هه .... تراك سخيفة على فكره
بشاير : لا والله شفناه ...... حتى جدي و الشباب شافوه
ريما بدهشة : ليش ما قلتو لي اجي اشوفه ؟
لمياء : كيف كان شكله ؟
غادة : طوله عادي يعني تقريبا مثل طولنا و كان اسود
دانة : يعني ما عنده عيون ؟ ماعنده اذن ؟
بشاير : الا اتذكر عيونه كانت كحلية
الهنوف : كيف شفتيها ؟ ...... كان ظلام
بشاير : سمعت الشباب يقولون لجدي انهم يوم لاحقوه شافو عيونه و كان لونها كحلي
انا هنا جتني جلطة لأن محد في العائلة عيونه كحلية الا انا و مشعل بس كان معهم يعني انا المشتبه بها
العنود : مين تتوقعونه ؟
غادة : كيف مين نتوقعه ؟
العنود : انتم عارفين انه مستحيل جني اكيد احد بيستهبل عليكم
الهنوف : بس الوحيد الي عيونه كحلية هو مشعل وكان موجود وقتها
رغد : نوف عيونها كحلية
انا :"جعلك الموت قولي امين يعني الا تفضحينا" بس انا كنت اسوي اندومي و الشباب كلهم شافوني بدون حجاب بس طلعو بسرعه وقتها
بشاير : خلاص انسو السالفه ....... الا رغد ما كنتي تصورينا
رغد : لا بس انا حطيتها على الطاولة عشان اذا احتجنا للتصوير خذيناها
بشاير وهي تناظر الكمره : زين ... لاني بقول احداث قصتنا مع الجني عشان نتذكرها اذا كبرنا
(خذت بشاير الكمرة و عطتها رغد وجلست و غادة و الهنوف جنبها وكانو يقولون كيف طلع الجني عليهم و رغد تصورهم)
نامو البنات على الساعة 4 بعد ما صلو
وقامو على الساعة 1 و صلو الظهر و افطرو بعدين الكل صار يتجهز عشان السفر
على الساعة 3 الكل صار جاهز و راحو لمطار ..... خلوني اقولكم وش صار بالمطار
طبعا بسيارة ماجد كان السواق هو الي يسوق (عشان يرجع السيارة) وماجد جالس جنبه
الهنوف و انا و مهى رغد جالسين ورا
و باقي البنات بسيارة الجد و سيارة رائد اخوي و الشباب متقسمين في السيارات و السواويق هم الي كانو يسوقون السيارات >>>>>عشان يرجعون السيارات
بعد ما وصلنا للمطار و نزلت رغد و مها و الهنوف و كنت بنزل بس مسكني ماجد
انا كنت متلثمة لأننا بالمطار : هلا ماجد .... بغيت شي ؟
ماجد وهو يناظر عيوني : انتي الجني الي امس صح ؟
انا بأرتباك : هاه .... لا انا كنت اسوي اندومي
ماجد بجدية : انتي الي امس صح ولا لا ؟
انا : لااا .... انت ما تفهم
ماجد : نوف ..... انتي و مشعل الوحيدين الي عيونهم كحلية ومشعل كان معنا يعني ما يبقى الا انتي
انا بعصبية : انت شلون تكلمني بهالطريقة .... انا ما اكذب قلت لا يعني لا
ماجد بصدمة : يعني مو انتي الجني ؟
انا : للمره الالف .... لا
ماجد : طيب اسف ما كان قصدي .... بس شكيت لأن مستحيل يكون في جني
انا : حتى انا شكيت بمشعل بس ما كنت متأكدة ..... بعدي كرهتوني بعيوني هي ولونها الغريب
ماجد : ههههههه ...... خلاص روحي للبنات انا بنزل الاغراض
انا : اوكي .... "افف ما بغى يصدق"
(قبل ما انسى اقولكم .... ارسلت لطلال رسالة اني ابي اشوفه و الشيخ و الهيئة بيتصرفون معه)
اوراقنا جهزوها اهلنا و الاغراض دخلوها بالطيارة و احنا ركبنا بالطيارة
تقسيمنا بالطيارة
ريما و الهنوف (عشان يخططون للمقالب بما ان الهنوف متخصصة بهالشي)
غادة و عبير (يتكلمون عن الماركات و المكياج ..... الخ)
لمياء و رغد (رغد كانت تصور العائلة الكريمة تقول لحظات ما قبل السفر)
بشاير و العنود (ما ادري ليش مع بعض ... مافيه شي واحد مشترك بينهم)
و دانة كانت جنب خالد زوجها
و عماني كل واحد و زوجته و الشباب عشوائي
(طبعا لازم تعرفون ان اهلي مالقو لي انا و مهى بالدرجة الاولى مكان فحجزو لنا (افق))
قبل ما تقلع الطائرة عندي انا و مهى
انا : مهى فلله بناخذ راحتنا ما معنى احد
مهى : من جد مع انهم معنى بنفس الطائرة بس احس راحة نفسية
انا : من جد ..... بس الحمدلله ماخلو ثنين من الشباب يجلسون اماكنا
مهى بثقه : ليش احنى بنسمح لهم ؟
انا : ههههه .... والله انك صادقه ...... بس بأسألك المقعد الي جنبك مين فيه ؟
مهى : مدري ..... بعدين ليش تسأليني ؟...شايفتني الي ينظم المثاعد
انا : لا بس يعني توقعتك تعرفين بما انك ما يفوتك شي
مهى : اها
(وشوي ويجي واحد يهببل لجهتنا ويقعد يناظر رقم المقعد)
الرجال : معليش اختي بتتضايقين لو جلست جنبك لأن هذا مقعدي ؟
مهى : ايه
الرجال بأستغراب : ليش ؟
مهى : ما نبيك
الرجال وهو يضحك : "ما عندها وقت هالبنت" ...... ليش ما تبوني
مهى : ما نبيك و بعدين بيني وبينها (تأشر علي) اسرار ما نبي احد يعرفهها
الرجال : هههههه طيب خلاص بتفاهم مع المضيفة (وراح)
انا : يههههبل صح ؟
مهى : اسكتي بغيت اروح فيها ..... شهالوجه الي يفتح النفس
(وشوي و يرجع الرجال)
الرجال : اختي المضيفة تقول اجلس و اذا اقلعت الطائرة بندور لك مقعد
انا : خلاص اجلس سمحنا لك ... بس ترا بس وقت الاقلاع و بعده تفارق
الراجل بصدمة ما توقع ان في بنت بهالجرأة : انا اول مره اشوف بنت بهالجرأة ؟
انا : الحين شفتها ... ممكن تقعد ؟
الرجال : اوكي .... (وجلس)
انا : مهى معك بندول راسي يصدع اذا اقلعت الطيار...... باخذة الحين عشان مفعوله يبدا بعد الاقلاع
مهى : لا
الرجال : انا معي لو بغيتي
انا : لا شكرا
الرجال : ترا عادي
انا : قلت ما ابي يعني غصب اخذ ؟
الرجال : طيب هذي اعصابك
انا : اسفة .... بس انا من النوع الي يعصب بسرعة
الرجال : لا عادي
(اقلعت الطيارة وجت المضيفة عشان تقول للرجال عن المقعد)
المضيفة : يا استاز >>>>>>لبناينة
مهى : شكله نام
انا : حرام خلوه اذا قام يغير مكانه ما راح يضر لانه نايم
المضيفة : يعني بروح و بس يصحى بتنادوني ؟
مهى : ايه ..... شكرا
المضيفة : ولو هيدا واجبي .... (وراحت)
............................................نهاية البارت...........................................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت (12)
في الطيارة
انا : مهى بعترف لك اعتراف
مهى : قولي
انا : انا هو الجني الي طلع في بيت جدي امس
مهى : ههههههه والله اني كنت حاسة من اول ماقالو ان عيونه كحلية
انا : والله انك توأمي و تفهميني
مهى ابتسمت : حتى انتي نفس الشي
انا : متى تتوقعين نوصل لبنان ؟
مهى : يمكن بعد ثلاث ساعات مدري على حسب
انا : اسمعي اذا رجعنا شرايك ننوم شوي بعدين نسحب على البنات و نروح للسلدير ؟
مهى بأستهزاء : يعني ما تعرفينهم ؟ ..... تلقين كل وحدة خططت نفس ذي الفكرة هي والي جنبها
انا بملل : طيب نبي شي جديد ..... يعني محد يفكر فيه من البنات
مهى : اسمعي هم اكيد بيطلعون مكان ...... واحنا بنقول لهم اننا ماراح نروح معهم
انا : والله وجبتيها يا مهاوي ...... خلاص بنسوي هالفكرة
مهى : طيب بس نبي مكانين ماراح تفرق لو رحنا لها اكثر من مره ..... يعني عشان لو قالو نروح لها ما تخرب علينا
انا : شوفي اذا هم بيروحون للسلدير بنروح لعاليه ........ و اذا هم بيروحون لعاليه بنروح للسلدير
مهى : اوكي ........ بس يا رب يروحون لعاليه والله مشتاقة اروح للسلدير
انا : ترا بس سنتين على اخر مره رحتو فيها للبنان
مهى : ايه انا احاول اقول لهم اننا نروح للبنان بس ابوي يقول نبي شي جديد
انا : انتم مثلنا ابوي ما يحب يكرر السفرات ....... بس يالله اشبعي منها يمكن ما تروحين لها مره ثانية
مهى : من غير شر انشالله ....... بس بصراحة احبهاااا هالمدينة بالذات مدري ليش !!
انا : هههههه ....... يلا طيب الحين نامي عشان اذا وصلنا ما نكون تعبانين
مهى : شرايك نقول لأهلنا ياخذون لنا سويت خاص ... يعني بس لنى احنا البنات و دانة معنى
انا : لا ما اتوقع دانة تكون معنا
مهى وهي تتذكر : ايه صح ....... حتى يمكن ما تطلع معنى كثير بسبب اخوي خالد
انا بأستغراب : ليش ؟
مهى : يعني ما تعرفين خلود اخوي ...... مسوي رومانسي يطلع مع زوجته لحالهم
انا : ههههههه
مهى : المهم طلعي لك فلوس من اول ما نوصل للمطار ما نبي نطلع و نتوهق
انا : هههههه ....... تدرين ذكرتيني الصيف الي فات كنت بطلع انا وريما بدون العنود لأننا كنا متطاقين معها
مهى : بعدين وش صار ؟
انا : سوينا نفسنا تعبانين و خليناهم يطلعون بدونا لأن ابوي لو قلنا له بنطلع مكان بيقول خذو العنود معكم
مهى ساكته بمعنى كملي
انا : طلعنا بعد ما راحو و تمشينا بس لما رحنا نتعشى صارت المصيبة
مهى بحماس : وش صار ؟
انا : طلبنا العشا و تعشينا و بالأخير طلبنا الفاتورة و المشكلة ريما قالت لي حاسبي انتي انا ما عندي شي وانا على بالي معها فلوس و توهقنا و القرسون يتكلم انقليزي بس شوي ...... ولما قلنا له ان ما معنى فلوس عصب وصار يتكلم فرنسي ولا فهمنا شي منه صرنا نناظر بعض بس صار رائد مواعد صديقه بمكان قريب من المطعم وشافنا و انقذنا
مهى : ههههههه ...... اتخيل اشكالكم
انا : من جد بس لو تشوفين وش المحاظرة الي قالتها لنا امي عن الاخوة و المحاظرة الي قالها لنا ابوي عن الادب و الاستأذان
مهى وهي تقلد اسلوب ابوي : المفروض استأذنتو ..... و المفروض انكم ما تركتو اختكم
انا و انا اضحك : هههههه بس بس ..... ترا بتموتيني بس ........ و ترا ما اسمح لك لأنه عمك الي هو ابوي
مهى : ادري و انا مستحيل اتهزا بعمي بس يعني اضحكك
انا بدلع مسطنع : فديت الي يبي يضحكني
مهى : هههههه فديت المايعة
انا : ههههه ....... الا شرايك بما اننا رايحين لبنان ناخذ لنا واحد لبناني بدال السعوديين الي عندنا
مهى : يالله اختاري لك واحد و عطيني اخوه او صديقه
انا : ههههه انشالله بس خليني القى واحد يعطيني وجه
مهى : من جد ....... لو يشوفون وجهك بينتحرن
انا : هئئئئ ليش وش فيه وجهي ؟.......انا بكبري كأني لبنانية يعني ما تشوفين عيوني
مهى : ترا حتى مشيعيل لون عيونه كحلي
انا : انا قررت قرار
مهى : ايش ؟
انا : باخذ مشيعيل معي ارزه عندهم عشان يحسبوني لبنانية
مهى : نوف بصراحة عليك طلعات
انا : طلعاتي حلوة صح ؟
مهى بأستهزاء : ايه ... تجنن
مره الوقت في الطياره نوم و سوالف و اكل مو بس علي انا و مهى .... على الكل
طبعا الرجال كان نايم طول الوقت و ما قام من نومه الا لما وصلنا لبنان
وصلنا لمطار لبنان الي كان زحمة من السعودين و الاماراتين و كثير من الخليجين
انا : ما توقعت لبنان زحمة لهالدرجة
بشاير : الحين المطار يعتبر عادي بس انتي اول مره تجين لها ما تعودتي
انا : يمكن
رغد لعماني : مين بيستقبلنا ؟
عمي محمد : انا قلت لواحد اعرفه من المرة الي فاتت يجيب لنا كم سيارة مشالله علينا كثيرين
مهى : ترا نبي سويت خاص فينا احنا البنات و بس
عمي نايف : انا ما عندي مانع بس كل وحدة تاخذ اذن ابوها
عمي محمد : انا عن نفسي راضي ان بناتي يروحون في سويت لحالهم
ابوي : انا بعد خلهم يوسعون صدورهم
عمي فيصل : بس اهم شي يصير سويتهم قريب من باقي الغرف
عمي محمد : خلاص اجل بطلب سويت اضافي لهم
رائد يستهبل : واحنى مالنا رب ؟
ماجد بأستهبال : حسيت اننا منبوذين ...... شكلنا بنرجع للسعودية احسن لنا من الأحتقار اللي عايشينه
عمي محمد : هههههه ...... من عيوني احجز لكم
تركي : هذي سيارتنا ؟
عمي محمد وهو يلتفت : ايه هذي هي ...... و انتم يا بنات اركبو السيارة البيضا و الحريم اركبو بالسودا و احنا بنقابلكم بالفندق
الحريم و احنا : انشالله
عمي فيصل : و انتم .....(يقصد الشباب)..... هزو طولكم وشيلو الشناط مع العمال
الشباب : انشالله
في سيارة البنات
رغد بدلع وخوف : الحين عمي ما يخاف يخطفنا السواق ؟
السواق : لك تكرم عينك بدي اخطفك جنيتي ؟ ...... انا مستحيل اعمل هيك
ريما داخلة عرض : ما عندكم بلبنان مصارعة ؟
السواق بأستغراب : مصارعة شو ؟.....لك جنيتي ؟ ..... بعدين شو بدا بنت متلك بالمصارعة ؟
ريما : مالك دخل
السواق يغير الموضوع : هي اول مره بتجو ع لبنان ؟
مهى : بعضنا اول مره
السواق : اها ...... ازا بدكن فرجكن ع لبنان دؤولي (ويمد كرت لمهى)
انا :"جت من الله عشان اذا جينا نطلع" ...... مهى خذيه
مهى : اوكي (وخذت الكرت)
الهنوف بأستغراب : ليش تبغونه ؟
انا اصرف : يعني ما سمعتيه ....... عشان اذا احتجنى احد يودينا
الهنوف : طيب اهدي ما قلت شي ..... شفيك كليتيني
انا ببرائة : لا بس عشان سؤالك الغبي
غادة وهي مفهية : تصدقين يا نوف
انا : لا ما اصدق
غادة : لا جد اتكلم انا
انا : ايش ؟
غادة : انتي حلوة بس ما تستغلين جمالك
انا بأستهزاء : ليش فأيش تبيني استغله ؟
غادة : يعني في العروس و العزايم ليش ما تضبطين لك كم حرمة
العنود بعيون تلمع : تبي تكون لها قصة حب
انا : اول شي انا ما احب اضبط ثاني شي انا ما ابي قصة حب ثالث شي تلايطو
(ملاحظة : انا نسيت اقول لكم مواصفات ابطالنا .... بس للمعلومية انا بقول مواصفات البنات اما الكبار و الشباب ما راح اقول مواصفاتهم و الشخصيات الرئيسية الجديدة بقولكم مواصفاتها اذا تعرفتم عليها بالمستقبل ان كان موجود شخصيات جديدة)
نوف , شعرها بني غامق لنصف ظهرها و عيونها كحلية بشرتها بيضا عيونها مكحلة و رموشها كثيرة
العنود , شعرها لكتوفها لونه بني غامق و عيونها سودا و بشرتها بيضا رموشها كثيرة
ريما , شعرها اسود تحت كتوفها بشوي لونه اسود و بشرتها حنطاويه فاتحه عيونها بنية
بشاير , شعرها اسود لنصف ظهرها بشرتها بيضا و عيونها عسلية و عيونها مكحلة
مهى , شعرها اسود لنصف ظهرها بشرتها بيضا عيونها سودا مكحلة ورموشها كثيرة
غادة , شعرها بني غامق تحت كتوفها بشوي بشرتها سمرا عيونها بنية و مكحلة
لمياء , شعرها بني غامق لنصف ظهرها بشرتها بيضا و عيونها رصاصية
عبير , شعرها بني لنصف ظهرها بشرتها سمرا عيونها عسلية و رموشها كثيرة
الهنوف , شعرها بني غامق تحت كتوفها بشرتها بيضا عيونها عسلية و مكحلة و رموشها كثير
رغد , شعرها اسود لنصف ظهرها بشرتها بيضا عيونها بنية و رموشها كثار
دانة , شعرها بني لكتوفها و بشرتها بيضا وعيونها رصاصية و مكحله
(خلونا نرجع لقصتنا الحين)
بعد ما وصلو البنات و الحريم للفندق كانو الحريم و بعض البنات جالسين و باقي البنات واقفين
انا : افف رغد وخري شوي بجلس جنبك تعبت من الوقفه
رغد بدلع : لا معليش بعدين بيصير ضيق و انا ما اتحمل
انا : مالت عليك (ورحت اوقف جنب البنات)
عبير : لا تحاولين برغد اذا انا و انا اختها الكبيرة عيت تقوم شلون انتي
انا : اختك انانية استغفرالله
عبير ابتسمت ابتسامة سخرية : توك تكتشفين
انا : افف ترا مالي خلق مزحك ...... الا شرايك تروحين معي للحمام بضبط حجابي (كانو فاسخين عباياتهم ولابسين حجابات)
عبير : اوكي .... حتى انا بعدل الكحل
(دخلنا دورة المياه و بنفس الوقت دخلو الشباب و عماني للفندق)
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك