رواية بين قلبين حب اعمى -10
ريماس نزلت دموعها ولاردت ع صديقتها سارة .. اللي انهارت بكااا ..
اما فهد ودموعه خانته وبدا يبكي .. بعد ساعة اتصل ع المستشفى وطلب اسعاف ..
واخذ معاه ريماس وسارة .. والدكتور خبرهم ان ام سارة ماتت .. وسارة بعدها تبكي وهي مو قادرة تستوعب ..
وبالمستشفى اغمى عليها
.................................................. .........
بو خالد : شنووووووو ؟
: والله هذا اللي سمعته .. الحين بيسووا مراسم الدفن
بوخالد : شقااااعد تقول .. زوجة عبد العزيز الـ .. متأكد
فيصل : والله متأكد ياعمي انا اللي سويت لها الفحوصااات ياعمي ..
بوخالد : ان لله وان اليه راجعون ..
فيصل : عن اذنك عمي .. بنتها مسكينة اغمي عليها والحين بروح اسوي لها كشف
بوخالد : لاحول ولاقوة الا بالله .. مابقى لها الاخالها وعمها بالهدنيا .. مسكينة .. الله يكون بعونها
فيصل : آمين .. يالله مع السلااااامة
بوخالد : مع السلامة ياولدي .. وبشرني عنها .؟
فيصل : من عيوني
سكر بوخالد الخط والعائلة مجتمعين ع الغدى .. شافوا بوخالد متغير ولا كمل أكله
خالد : يببه شصااااير ؟
بوخالد : عايشة زوجة عبد العزيز الـ ... توفت
خالد انصدم : إيييييييييييش .!!؟
زياد : متتتتتتتتتى . ؟
بوخالد : اليووم
ام خالد : ان لله وان اليه راجعون
خالد قام بسرعة لفوق واتصل ع جوال سارة
............................
ريماس كانت بالغرفة .. كانت مع الدكتور فيصل اللي يكشف ع سارة .. وفجأة سمعت جوال سارة يرن .. قررت ماترد بس شافته خالد وردت
ريماس : ألوو
خالد : الوو هلا سارة
ريماس : انا ريماس
خالد : ووين سارة
ريماس : اغمي عليها الحين ..
خالد : يعني صحيح اللي سمعته
ريماس بصوت مخنوق : ايه ..
خالد بغصة : البقية بحياتكم .. شخبارها سارة الحين ؟
ريماس : والله ممدري شقول .. من طلع الدكتور وقال ان امها توفت اغممي عليها والحين قاعدين ياخذون عليها فحوصات .. وركبوا عليها مغذي
خالد : انا بخلي هبه تجي لازم خل تتطمن عليها .. وبجي معاها
ريماس : طيب
سكر خالد الخط .. واتصل ع هبه لانها ببيت ابوها بوفيصل اليوم ..
خالد : الوو
هبه : هلا خلوود
خالد : لحقي ياهبه ..
هبه : شصاير .؟
خالد : ام سارة توفت
هبه انصدمت : إييييييش ؟؟ ويين سارة الحين ؟؟
خالد : بالمستشفى اغمى عليها .. ابي اشوفك عشان اروح لها انا وانتي وتطمنيني عليها
هبه : اوك .. الحين انا بجهز وبروح ..
خالد : يالله دقايق وانا عندك
................
نزل خالد لتحت بسرعة بعد مالبس ثوبه .. وكان ينزل من ع الدرجة بسسرعة .. شافه بوخالد وقال له : خااالد بتروح المستشفى لعند فهد ؟؟
خالد : ايه يبا
بوخالد : اانا جاااي معاك
خالد :ايه يالله عشان بمر على هبه توااسي البنية ..
بوخالد : يالله مشينا
طلعوا وراحوا لعند هبه ومروا عليها وصلوا للمستشفى
بوخالد مع خالد دخلوا ع فهد اللي جالس ع الكرسي ومسند راسه وقاعد يبكي .. لانه فقد اخته اللي ربته .. حتى ان فهد ماشاف امه .. ام سارة هي اللي ربته .. فهد كان صعبه عليه ان يفااارق اخته ..
لانـــــه فاااااااارق .. أمــــــــــه وأختــــه بنفس الوقت
بوخالد راح لجنب فهد : البقية بحياتك ياولدي عظم الله أجرك
خالد : عظم الله أجرك
فهد وهو يمسح دموعه : أحسن الله عزاكم ..
جلس بوخالد جنب فهد وقعد يهديه .. لكن فهد كلما تذكر اخته بكى ..
اما خالد راح لـ هبه وقال لها تدخل لعند سارة وتطمنه عليها ..
دخلت هبه وشافت ريماس وراحت وضمتها وريماس تبكي ..
سارة صحت .. وهي لساتها تبكي .. جلست جنبها هبه وقعدت تهديها .. اما سااارة موفي الدنيا .. صارت الساعة 8 بالليل وريماس قامت مع هبه عشان يساعدون سارة اللي كانت منهارة عشان تلبس عبايتها وتروح لبيتهم ..
لبست عبايتها وطلعت برآآ .. مسكها خالها عشان يطلعها بره ..
اما خالد كان منصدم .. لان سارة كانت طالعة وهي تبكي وخايفة .. وحتى ماناظرت خالد ..
وخالد في نفسه .. معقوولة ؟؟ .. معقولة حبيبتي منكسرة قدااامي كذا .. اه يالقهر .. مو بيدي ياسارة .. ولا كان جيتك وضميتك لـ صدري .. الله يكون بعونك
بعد ماطلعت سارة مع ريماس وفهد ..
كان بوخالد مع هبه جااايين لخالد عشان يمشون
ابوخالد بحزن : مسكينة هالبنية .. شفتها شلون خايفة .. الحين فاقدة الام والابو مع بعض ..
خالد وده يبكي : مشينا يالله
طلعوا من المستشفى .. وهبه خبرت البنات .. والبنات انصدموا .. اما امل مع ليلى عااادي عندهم .. وفرحانين بعد لان الحين سارة تعتبر لحالها من غير لآ ام ولآ ابو ..
وصلت سارة للبيت .. وراحت لغرفة امها .. وارتمت ع السرير وهي تبكي .. ، جااات ام ناصر .. وعمها ابو ناصر .. ولدهم ناصر ..
وبعد يوم جاااهم الناس يعزونهم .. سارة مارضت تطلع للناس .. لانها كانت تبكي بقووة
دخلوا عليها البنات وهي بغرفتها تبكي وتشاهق وحاضنة صورة امها ..
البنات : عظم الله أجرك ياسارة ..
سارة انتبهت ومسحت دموعها : احسن الله عزاكم ..
جاا لها البنات وجلسوا جنبها يهدون من نفسيتها .. وكانت داليا حاضنة سارة .. وجنبها عبير وريم ريهام وسناء .. وضحى وهبه واسماء وخلود .. و .. لحظة لحظة .. ليلى صديقة امل معاااهم .. ، اكمل لكم وضحى وهبه واسماء وخلود وليلى جالسين ع الكناباية قبالها .. البنات يحاولون يهدون من نفسية سارة بس ليلى كل شوي تتأفف ..
وبعدين قامت وقالت : شنوو هالدلع مو أول وحده تموت امها .. يالله بس بلا بكااا زايد
وطلعت من غرفة سارة ونزلت تحت جنب الحريم مع ام ناصر يعزونها ..
اما سارة زاد بكاها لما سمعت كلام ليلى .. ، .. والبنات انقهروا من حركتها ..، حتى عظم الله أجرك ماقالت لها ، وحاولوا يواسونها أكثر ..
..
وعند الرجال ..
فهد وابو ناصر وناصر .. والرجال جآآآيين يعزونهم .. وفهد مو قادر يكتم بكاااه ..
..
مرت الأيام ..
مرت السنين .. 4 سنوات تقريباً
تخرجت سارة من الثانوية .. دخلت تخصص هندسة ديكور مثل ماتبي ومعاها البنات .. وعمرها كان 22 سنة ..
..
انقطعت عنها أخبار خالد .. وحتى ماصار يسأل عنها
او يتصل عليها .. افتقدته كثير ..
..
في هذا اليوم .. بعد مارجعت من الجامعة مع ريماس ..
خذوا لهم شآآآور سريع وناموا .. وجلسوا من النوم وراحوا يتابعون تلفزيون
ونسينا مانقول لكم .. ان ريماس تحسنت علاقتها مع فهد وصارت تكلمه جوااال وبعدين خطبها << (( >< )) شدعوآآ ..
وهم يتابعوا التلفزيون رن جوال ريماس .. وكلمت فهد
ريماس : فهد شالكلاااام ؟؟؟
فهد : ياقلبي ع اللي يستحوون
ريماس : هههههههههههه
فهد :يالبى هالضحكة،، جهزي حاااالك مابقى الا عشرة ايام ع العرس
ريماس : ايييه يعني لاتجي البيت
فهد منصدم : ولييه ان شآآآء الله ؟!!
ريماس : مابيك تشوفني الا ليلة العرس ..
فهد : ماااااااافيه
ريماس : هذا آخر كلام عندي .. ولا انا بطلع
فهد باستسلام: لالا .. ..لاتطلعين .. خلااااص انا اطلع ..
ريماس بانتصار : يسس .. طيب انا بسكر .. بروح جنب سووير
فهد بتحطيم >< : طيب مع السلامة
ريماس :باااااي
........................................
كانوا مجتمعين ببيت ابو فيصل .. الشباب والبنات .. بمناسبة تعيين حسام مدير ع القسم اللي يشتغل فيه .. هندسة معمارية ...
...
كانوا البنات مجتمعين وأخيراً خلصوا الحفلة .. قامت وقالت
ضحى : يالله انا بطلع .. تركي ينتظرني برآآ
هبه : افف طيب جلسوا سهروا معانا
ضحى : تعرفين تركي .. عصبي شوي معليش لازم اطلع
طلعت قبل خواتها .. وفتحت الباب وصقعت باللي قدامها ..
رفعت عيونها وشافته زياااد ..
ارتبكت ضحى وقالت : أأأ .. أأنا ... آسس ,, آسفةة
زياد ابتسم وهو يناظرها : معلييش .. مقبولة من الحلوين بس لاتعيديها مرة ثانية
ضحى ارتبكت وعصبت شوي .. وطلعت ع طول لـ سيارة تركي .. وهي متوترة .. الكل طلع ودخل زياد لـ هبه
زياد : هبه
هبه : هلاااا
زياد : ابسألك ؟
هبه : خيير ؟
زياد : من الحلوة هذي اللي عندها شنطة صفرة .. طلعت لما كنت انا جآآآي
هبه طالعت فيه معصبة و منصدمة : هيي انت ليكون سويت شيء للبنية؟؟
زياد حط ايده في ذقنه : لالاااا ابد بس من هي ؟
هبه بنص عين : ماابقوول لك
زياد برجااا: قوولي هبوووي
هبه : بششرط
زياد : شنوو ؟
هبه : توديني المطعم مع البنات وتعشيني على حسابك
زياد : طيب .. امرنا لله
هبه : ضحى بنت خالتي ام تركي
زياد : والله
هبه : اييه وليه يعني .؟
زياد بقلبه .. والله وطلعتي قمر ياضحى ..
تنهد وانتبه : هااا .. لا لا ولاشيء بس سؤال
هبه بشك : ليكوون حاااط عينك عليها
زياد يغير السالفة : انا بطلع .. بكرة ورااي جامعة
هبه كشرت : مع وجهك .. الناس تقول تصبحين ع خير وانت وراااي جامعة .. تكدر مزاااجي
زياد بملاقة : ههههههه ياحياتي .. ( تنهد ) اقول ذلفي
هبه مكشرة : مووولت ..
طلع زياد وهو مستانس لانه عرف البنية ..
............................................
بعد مرور عشر أيام .. في الصبااااح ..
سارة :ريماس يالله بسرعة .. السواق برآآ .. قوومي بنروح للـ كوافيرة
ريماس وهي تلبس نقابها : طيييب
وطلعوا وركبوا السيارة ومروا ع داليا وراحت معاهم
وصلوا للـ كوافيرة .. وريماس قاعد تتشرط .. وطفشت الكوافيرة
الكوافيرة تطالع سارة : شوفي لها حلل ؟
سارة : معليش ( تطالع في ريماس) ليلة عرسك وانتي طفشتي العااالم يالله خلصينا
ريماس : اووك ^*
بدأت الكوافيرة تحط الميك آب لريماس ..
وسارة وداليا كانوا الكوافيرات يعدلونهم ..
خلصوا وصارت الساعة 7 ونص ..
طلعت ريماس وهي لابسة الفستان الابيض .. وحاطه لها الميك آب الناعم .. اللي ببرز جمالها ونعومتها ..
سارة : مااااشاء الله قممر .. يابخت خااالي فييك
ريماس بخجل : شكككرآ ..
سارة :انا بروح البس فستاني وبرجع لك ..
راحت سارة تلبس .. ومن بعدها داليا ..
كانت سارة رافعه شعرها بتسريحة صاير ريكلاكس وناعمة بقووة .. وحاطه لها ميك آب ناعم .. كانت لابسة فستان بنفسجي .. طويل وشكله حلوو مرة عليها ..
وداليا مسوية لها نفس تسريحة سارة .. بس الميك آب يختلف .. والفستان صاير لونه أخضر .. وطويل
طلعوا وشافتهم ريماس ،، وطلعوا لان السايق تحت ..
،،،،،،،،،،،،،،،،،،،،،،،،،،،،،،،،،،،،
وصلوا للفندق ..
وراحوا لغرفة العروووس
انتظروا نص ساعة الا بدخلة البناااات ..
ضحى شافت ريماس : أهليييييييييين بالعروس .. كيف حااالك
ريماس بخجل : تماااام
عبير : قمممر ماشاء الله
ريماس : شكرا
هبه : مبرووك ياعروسة
ريماس : الله يبااارك فيك ..
اسماء : منه المااال .. ومنك العيال
سارة ابتسمت : آآآآمين .. يارب
جلسوا البنات جنب ريماس شوي وطلعوا ومعاهم سارة .. بس داليا بقت مع ريماس
كانت سارة تمشي ع المسرح مع هبه والكل يطالع فيها .. وكانت مبتسمه بس استغربت ان الكل يطالع فيها
سارة بقلبها : شفيهم هذولة يطالعون فيني .. ليش فيني شيء !!
رفعت حاجبها وراحت جلست ع الكووشة .. وجآت المصورة وصورت سارة وداليا .. وريماس لحالها قبل يدخل فهد
.....................................
عند الرجال
بوخالد : بالمبارك يافهد بالمبارك
فهد مبتسم : الله يبارك فيك ياعمي
خالد وهو يسلم ع فهد خشم خشم << سعودية هالحركة .. كانكم فهمتوها ^*
خالد : منك المال ومنها العيال
فهد : آآآمين
زياد : مبرووك .. وعقباااالي
فهد : هههههه .. الله يبارك فيك .. آمين يارب
ياسر : وانا بعد ابتزوج
فهد يطالع بعبد الرحمن وفيصل وحسام : وانتوا ماتبون تعرسون؟
فيصل : لا مشروع عزااابية
فهد رفع حاجبه
وضحك فيصل وقال : ههههههههه صدقت .. من يبي مايتزوج .. خلااااص ع إيديك اخطب لنا
فهد يضحك : ههههههههههه .. يالله عزموا ( اشر ع خشمه ) ومن هالخشم
فيصل : تسلم ماتقصر .. لا استنى علينا شوي وبعدين نعرس ان شاء الله
ياسر : انا مستعجل الصراحة .. ابعرس قريب ان شاء الله
الشباب :هههههههههههههههههه
بوخالد : كل واحد يصبر على نفسه شوي ... وبعدين نعرسكم كذا بالساهل مافييه لو تحلموا
ياسر : ليييه عمي ؟
بو فيصل : اصبر شوي .. نعرس اللي اكبر منك وبعدين انت
ياسر رفع حاجبه : وانا شدخلني فيهم
تركي : انا اكبر منك .. استناني اعرس وبعدين تكلم..
زياد مو مقتنع : لاتخربه .. يالمزيوون
تركي : وقسم بالله اراويه هههههههه بليلة عرسه لأطفي عليه الكهرب
ياسر : تلاااايط ..
.. سكتوا الشباب .. ومر الوقت وصارت الساعة 9
......................................
سارة : ريماس .. يالله بدخلوا فهد
ريماس خايفة : يمممه
سارة : ههههههههه والله وجاانا اليوم اللي نشوفك خاااايفة
ريماس رفعت حاجب : شنو شايفتني
داليا تضحك : ههههههههه هي ماتقصد شيء .. بس ماشاء الله عليك .. شخصيتك قووية
ريماس : طبعا فديتني
سارة وداليا طالعوا ببعض : هههههههههههههه
سارة : يالله بيدخل الحين ..
ريماس ظلت خايفة .. واخيراً زفوها ع موسيقى هادئة ..
ودخلت عند فهد .. اللي مستانس وناسي عمره
راحوا لغرفة التصوير
والمصورة تصورهم ..
ريماس : لاااا ... فهد لاتسوي هالحركة ( توجه كلامها للمصورة ) لاتطيعيه
فهد : كيفي .. يالله تعالي .. بعد انتي زوجتي وكيفي
ريماس : ترآآ ازعل
فهد : خلااااص
المصورة : يالله بسرعة .. خلصوني ابطلع بعد شوي
فهد رفع حاجبه : لا بعد طقيني
ريماس فيها الضحكة .. لان اليوم المصورة حاطة دووبها في فهد .. وكل شوية تتخانق معاه .. واخيرا
خلصت الحفلة والكل راح ع بيته
.................................................. ........
وصلت البيت مع داليا بنت عمها .. اما العروسين فأخذوا لهم استراحة اسبوع .. وبعدين يرجعون مع سارة
..
في الصباح .. وبالاستراحة تحديداً
جلست من النوم ماشافته جنبها .. رفعت الغطآآ وشاففته توه داخل الغرفة
فهد مبتسم : صحح النوم
ريماس : لييه ماجلستني ؟؟
فهد : شفتك نايمة .. قلت خلها ترتاااح ..
ريماس : اجل انا بقوم الحمام ... وبجي لك ..
راحت ريماس الحمام وخذت لها شآآآور .. واتصل فهد ع مطعم فخم عشان الفطور ..
طلعت ريماس وكانت لابسة فستان وردي لنص الفخذ ..
نثرت شعرها بحيوية .. وحطت لها كحلة وقلوس خفيف ..
وراحت لعند فهد اللي جاها وقالها : حبيبتي وصل الفطور ..
ريماس : يالله ..
راحت ريماس جلست تفطر .. وكان فهد هو اللي يأكلها بيده ..
ريماس : بس فففهد خلااااص انا آكل
فهد : مااافيه .. خليني أأكلك فيها شي ؟؟
ريماس : never .. بس انت ماكلت شيء
فهد : زوجتي وحبيبتي .. وأبي أاكلها بـ ايدي .. وبعدين انا انسى الاكل وكل شيء عشااانك
ريماس : ياحياااااتي والله ..
ناظر في .. .... ... و ....
,,,,,,,,,,,,,,,,,,,,,,,,,,,,,,,,,,,,,
في بيت بو خالد
زياد : خوييييييلد لاتروح
خالد : ابروح .. كلها شهر وانا جآي لكم .. بعدين الشركة يحتاج من يديرها ,,
زياد : اففف .. ومتى بتروح المطار
خالد : اذا جااا ابوي بروح ويااااه ..
طلعت ام خالد وهي توصي ولدها ينتبه ع نفسه ..
لانه بيروح .. باريس .. بيدير شركة ابوه اللي هناك وبيرجع
طلع بوخالد وقال لخالد : مشينا
خالد : ايه يبااا ..
طلعوا وراحوا متجهين للـمطار ..
وأخيرا بعد عنااااء طويل .. وصل خالد لـ باريس ..
وابتدآ في ادارة امور الشركة ..
......................................
بعد مرور اسبوع كامل ..
رن الجرس وراحت تفتح الباب
سارة شهقت بفرحة : قوووة فهووودي .. شخبااااارك .؟
فهد مبتسم : تمااااام وانتِ
سارة : بخيير .. كذا تخليني اشتقت لك يآآآدوب
فهد راح وضم سارة ..
ريماس تكلمت : سوووير .. مافي قووة .. مافي هلا .. مافي سلاااام .. ماهكذا الظن بك
بعدت سارة عن حضن فهد وقالت وهي تضحك : يوو .. نسيت في نااااس يغارون ,, هلا والله بـ زوجة خالي
ريماس رافعة حاجب .. وبعدين ماقدرت راحت وضمت ساااارة : ياااادوبا ياسوووير ولهت عليك
سارة عقدت حاجبها : مححد قالك تتعرسي الدووب هذا ( واشرت ع فهد ) وتخليني
فهد بهيااام : يالباااها .. فديتها ماتخليني
ريماس استحت وسارة تضحك : كككككككآآآآآك ..
ريماس عصبت : سوووير
سارة طنشتها وراحت لفهد : فهوود .. بعد شهر ان ماسمعت ان هذي ( اشرت ع ريماس ) حااامل .. لا أسوي فيكم جريمة قتل ..
ريماس عصبت ووهربت ساااارة .. وهي تلحقها : يااااااااااادوباااااااا تعالي
فهد : ههههههههههههههههههههه
...............................................
ماسكة جوالها وتلعب ..
تذكرت وهي مبتسمة لما ضربت فيه بالغلط ..
.. والله شكله خطير هـ الزياد
[ وصف سريع لـ زياد .. اخو خالد .. عمره 22 سنة .. يشبه اخوه بس شعره اقصر من خالد .. بشرته ابيض من خالد اخوه .. هو واخوه خالد نفس هيئة الجسم فيهم عضلات بس خالد اطول من زياد شوية ] << كذا انتوا ولا بلااااش (( ^*))
نكمل
والله شكله خطير هـ الزياد .. ماشاء الله كبر .. صار يشبه اخوه وابوه بقووة .. يااااغبية تحبيه .. لالالا شالبقااارة اللي فيك .. معقولة ..
ريم : ضحححححححححححى
ضحى تخرعت : بسم الله شتبي روعتيني
ريم : ابعزززم سااااارة وريماس وداليا بـ بيتنا ..
ضحى نقزت : ونااااااااااااااسه .. متى ؟
ريم : بوووكرآ ع خيير
دخلت ريهام .. : خيير شالاصواااات اللي طالعة ؟؟
ضحى : بنعزم سآآآآآرونة وربعها
ريهام : صجج .. متى ؟؟؟؟؟
ضحى وريم : بوووكرا
.............................................
ريماس : يعني مايتصل عليك ولايكلمك
سارة بأسى : لاااا .. افتقدته ياريماس كثييير .. وربي اشتقت له 4 سنوات مادريت عنه ..
داليا قربت منها : تحبييه ؟
سارة : بجنووووووون
داليا : مشاغل الدنيا كثيرة تلااااقي
سارة : اووك .. بس ع الاقل مرة في الشهر يطمني عنه .. يحسسني بوجوده مو يقطعني
ريماس : ارااااويه لازم يااااخذ جزاااه
سارة : ههههه شبتسوين له يعني
ريماس بتوعد : خلييه علي
سارة : هههههههههه ..
داليا : انتِ ياريماس خبرينا عن فهووود وعنك
ريماس ابتسمت : مثل السمنة ع العسل ..
سارة : زييييييين واخيراً عرستك ياريماااس ( طالعت في داليا ) وعقبال داليا مع هشام << لان داليا الحين تكلم هشام موبايل
داليا انحرجت : انقلععععععي
سارة ترفع حواجبها : اوووه اتخيلك بليلة زوووااجك
ريماس : خخخخ .. اما دلوو .. شككلها خطيير
داليا مستحية ومعصبة : انطموووا
سارة وريماس : هههههههههههههههههههههههههه
بين هالحديث .. اتصلت ع سارة ريم تخبرها ع العزيمة ..
وانها بوكرا
سكرت الخط وقالت : ريم عازمتنا ع بيتهم مع البنات
ريماس: ونااااسه
داليا : متتى ؟
سارة : بووكرا
دق باب غرفة سارة فهد يبي ريماس وطلعت له ,,
اما سارة جالسة سرحانة بجوالها في رقم خالد ..
اللي آخر مكالمة من 4 سنوات لما وصلوا من الشاليه ,,
...
وداليا قآعدة ع اللابتوب .. وتكلم رفيقاتها ..
رن جوال سارة وردت
سارة : الوو
مارد اللي متصل عليها
سارة : الووو .. الو مين معي
ناصر : احم احم .. سارة
سارة : إيوواا مين ؟
ناصر : انا ناصر
سارة رفعت حاجب : اهلا .. آمر
ناصر : ممكن نلتقي اليوم بلييز
سارة : وليييه ؟
ناصر : ضروري ..
سارة : ممقدر
ناصر برجآآ : بس هالمرة .. والله
سارة بتفكير : اووكيه ..
ناصر : خلاااص اليوم في مجمع الظهران اشوفك
سارة : ok ,, ساعة وحده بس
ناصر : طيب استناك
سارة : باي
ناصر: مع السلامة
سكرت الخط
و
...
التفتت لـ داليا اللي مشغولة بـ اللابتوب وقالت :نااااصر اخووك
داليا عقدت حواجبها : شفيييه ؟
سارة : يبي يشوفني
داليا : في ويين ؟
سارة : في مجمع الظهران
داليا تناظر بسارة : وبترووحي
سارة : بروح .. يبي يقول لي شيء ضروري
داليا : اهمم .. انا بتصل ع سواقنا بخليه يجي يوصلك لـ المجمع
سارة : ok
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك