رواية بين قلبين حب اعمى -9
سارة ابتسمت .. وشافت امل دخلت وجلست بملاقتها قدام امها .. وقبال ام خالد اللي مو طايقة امل ..
امل قعدت تسولف مع ام خالد بمياعة بس ام خالد مو عاطيتها وجه ابد .. وكل اجاباتها من طرف لسانها .. امل
انقهرت اكثر لما شافت نظرات ام خالد رايحة لعند سارة
وهي مبتسمة ..
وكانت سارة تسولف مع البنات وهم مستانسين
<<<<<<<<<<<<<<
<<<<<<<<<<<<<<
عند الشباب
خالد : انت خال سارة ؟
فهد : إيوا
خالد : والنعم
فهد : فيك
ياسر : وماشاء الله كم عمرك ؟؟
فهد ابتسم : 21 سنة ..
زياد : إيش تشتغل ؟
فهد :اشتغل بشركة تصدير المبيعات واستيرادها ,, اللي يتعامل معاها ابوك
زياد : ايييييه ...
خالد اخذها جو مع فهد .. والا بدخلة بو خالد
قام خالد وراح لـ ابوه
خالد : يباااا
بو خالد : سم ؟
خالد يطالع زياد : شوف زياااااد
بوخالد رافع حاجبه : ولييه شمسوي ؟
زياد اللي ميت ضحك : ههههههههههه ابد ماسويت حاجة .. بس لعبنا بـ أعصابه شويية
بو خالد : ان لله .. وإيش سويت بعد ؟
خالد : يببه لعب علي .. يقول عنده سرطان بالرئة .. وهو ماخذها مقلب علي خلاني اصيح
زياد : لابعد .. ضم ابوي وابكي مثل الحريم
خالد : ماشاااااء الله عليك .. اقول حياتي ورا ماتسكتين
بوخالد كشر : لاحووول .. وانت ياااازياد .. احد يسوي مثل هالمقلب
زياد ناظر بـ ياسر اللي جنبه واشر عليه بصبعه : هذا اللي قالي
ياسر تبعلم : لاتكذب
زياد : اهااا . بس ..
بوخالد ناظر بـ ياسر ورفع حاجبه
ياسر انحرج : كنت ابي اشوف دموع خالد
خالد كشر : ماااااالت اقوول
زياد يرفع حواجبه : وانا الممثل
بوخالد ضحك وهو يكلم فهد : ههههههههههه شفت يافهد .. هذي حالتهم كل يوم
فهد يضحك :هههههههههه .. بيكبرون ان شاء الله
بو خالد : ان شاء الله
..........................................
.. : الوو
ام سارة : السلام عليكم
ام ناصر : هلا ام سارة .. كيف الاحوال
ام سارة : تمام بخيير والله
ام ناصر : دوم ياربي ..
ام سارة : آمري اختي ؟؟
ام ناصر : بغيت أسألك بخصوص موضوع سارة وناصر ؟
ام سارة انحرجت وقالت : والله ممدري شقول لك ياختي .. بس البنت مالها نصيب .. مع ناصر
ام ناصر تأثرت بس عرفت ان هذا حق كل بنت لما تتزوج ولانها مجربة هالشيء : ولايهمك ياختي الزواج قسمة ونصيب اهم شيء ان علاقتنا مايمسها حاجة بسبب زواج
ام سارة ارتاحت : ان شاء الله يارب ..
ام ناصر : عن اذنك ..
ام سارة : مع السلامة
.. سكرت ام ناصر والتفتت لـ ناصر اللي يقول لها
ناصر : إيش قالت ؟
ام ناصر ناظرت ولدها : مع الاسف هي مو لك ياولدي
ناصر وقف منصدم : ارفضتنييي ؟
ام ناصر هزت راسها بـ أي
وقال : شلووون .. شلون ترفضني .. بس انا ابيها .. ابتزوجها غصب ..
ام ناصر منصدمة : ناااااصر .. اجلس والزواج قسمة ونصيب .. شنو هالاسلوب .. لاهو منك ولاقالها الله
ناصر منقهر : يمممه تعرفي شلون انا ابي سااارة
ام ناصر هزت راسها بـ أي وقالت : اعرف .. بس ماقلوا بنات الناس ..
ناصر باصرار : بس انا ابي سارة وباخذها غصب عنكم كلكم ..
وطلع من البيت وام ناصر تنادي ولدها : نااااصر .. ناااااصر يمممه تعااااال ناااااصر .
.....................................
الساعة 1 بالليل ..
والكل نايم ماعدا البنات والشباب ..
في غرفة البنات
سارة : هههههههههههههههه بس ضحى بطني المني
ضحى : فدييييييتهم اللي يضحكوا
سارة مسكت بطنها : ههههههههههههه خلاااااص مااااقدر
ضحى : ههههههه
سناء ماسكة كاميرتها : بنااااات ... قوموا نروح نصور البحر بالليل .. بيطلع خيااااااال
سارة : ايوا .. خل نسلي روحنا شوية
عبير طلعت كامريتها : يالله
طلعوا البنات وكل وحده عندها كاميرتها .. وسارة واقفة جنب ريماس وداليا وهبه وقاعدين يصورون صخرة جنب البحر ..
مشت سارة شوي وبعدت .. ماشافت قدامها الا خالد
خالد : في نااااس يبوا يقولوا لك شيء
سارة التفتت وشهقت .. شافته عبد العزيز .. رجعت خطوتين لـ ورا وقالت : شننوو ؟
خالد مسكها وقدمها شوية ..
عبد العزيز : انا آسف ياسارة ع اللي سويته .. وانا ندمت .. وتبت لـ رب العالمين .. وعشان اضمن قبول التوبه من الله .. ابيك تسامحيني والله انا متأسف ع اللي سويته لك
سارة ابتسمت : اذا الله غفور رحيم .. انا راح اسامحك ..
واذا انت ندمان ع اللي سويته .. انا مافيني ارد قلب ندمان من غير ما أسامحه .. (سكتت شوي وقالت) .. تطمن ياعبد العزيز .. انا مسامحتك
عبد العزيز : مشكورة ياسارة .. ربي يكثر من امثالك
سارة ابتسمت وراحت لعند البنات .. وقرروا يدخلون داخل
.....
دخلوا البنات داخل .. وضحى تكلم جوال اخوها تركي يبونهم .. يودون الاغراض اللي جابها لعندهم
خلود : إيش فيه تركي
ضحى : ابد .. يبيني اودي البيبسي مع الشييبس لـ الشباب ..
خلود : قومي طيب
قامت ضحى ودخلت المطبخ
وقعدت تدور ع الاغراض .. دخل زياد وشافها
ضحى مانتبهت له : اففففف .. انا شكل ببدل عقل هالرجال .. شنو وين مودي الاغراض .. شدعوا احتلال صهيوني عشان يطيروا
زياد ظل يناظر وهو فاتح عيونه ومتعجب من جمال ضحى .. اللي كانت بشرتها بيضة .. وشعرها بني طويل .. وعيونها عسلي .. كانت لابسه بيجامتها .. برمودة وردي مع بلوزة ربع كم ورافع شعرها شينون ..
انتبهت له وخجلت لما شافته يطالع فيها .. وراحت تخبت ع طول ..
وهو حس ع روحه وطلع
وهو يكلم نفسه : مااااشاء الله من هالقمر هذي ؟
.. اما ضحى خجلت وبعدها تتذكر الموقف االلي زاد نبض قلبها .. واخيرا انتبهت لـ الكيس اللي جنبها كان فيه الاغراض اللي طلبهم اخوها تركي
.. راحت لعند البنات وقالت لـ هبه تخلي البدي قارد يوصلونه عند الشباب ..
دخلوا البنات الغرفة , وقعدوا يطالعون بالصور اللي صوروها .. واخيرا طفوا كاميراتهم وراحو ع التلفزيون ..( الشاشة البلازمآ الموجودة بالغرفة )
اسماء تناظر سارة : شنو النوع المفضل عندك من الافلام ؟
سارة : امم آكشن .. مرعب ..
خلود : لا الرومانسي خياااال
اسماء ناظرت خلود بنص عين : أححد طلب راااايك ؟!!><
البنات : هههههههههههههههه
حطوا البنات ع قناة mbc 2 في هذا الوقت كانو جايبين فلم مرعب ( THE FUG ) .. والبنات يتابعوه ومستانسين .. انتهى الفلم والبنات راحوا وناموا ^^ << ابدد رايحين فيها هع ..
في الغرفة اللي كان فيها بو خالد وام خالد
ام خالد : تعرف فهد اللي جبته معاك ؟
بوخالد : إيواا .. شفيه ؟
ام خالد مبتسمة : بنت اخته ماشاء الله عليها ..
بوخالد ضحك : هههههه ليه يعني غيرانة منها ؟؟
ام خالد رفعت حاجب : ههههههه وليش اغااار .. مو واثقة من نفسي مثلا
بوخالد ابتسم : هههه أجل لييه ؟
ام خالد : ودي اذا كبر خالد .. وصار نصيب .. تكون من نصيبه
ابو خالد : تو الناااس يابنت
ام خالد : بس هالبنية فرصة ماتتفوت .. جمال وأخلاااق وأدب ..
ابوخالد : إيوا .. داري انا عارفهم هذولة .. ابوها عبد العزيز .. الله يرحمه .. يعني ماشاء الله قمممة في الاخلاق
ام خالد : ماشاء الله ..
بوخالد يناظر بالنور : طفي النور .. بنام
ام خالد ابتسمت : نووم العواافي ..
وطفت النور وناموا ..
..........
في صباح اليوم الثاني .. جالسة تمشط شعرها والبنات وراها يسولفون .. وهي تتذكر الموقف اللي امس ..
ضحى في قلبها : معقوولة !! .. شلون يناظر فيني كذا .. لالا طيب يمكن مو قصده .. هبله انتي شفيك تتكلمي عن الرجااال كذا .. اووه الحمدلله والشكر .. عقلي مهنق هاليومين ..
سارة جت وحطت ايدها ع كتفها بهمس : السرحااان مو زيين ( ابتسمت) ولييه ماسمعنا لك حس اليوم .. بـ العادة تضحكينا ..
ضحى ابتسمت : ههههه .. ولايهمك الحين اموتك ضحك
سارة : لالا .. استني .. خل يجينا الظهر .. وقولي سوالفك
جآآآت ريم وماسكة الآيباااد تبعها .. وكانت في لعبة اسمها اسئلة الصرااحة .. وكانت توجه كل سؤال للبنات ويجاوبوون ..
جااا دور سارة وسئلتها
ريم وهي تناظر بالآيباد : سااارة .. يقول السؤال .. لو غلط عليك ابوك .. وتبراا منك .. ( طالعت في سارة ) مثلا .. لاسمح الله .. وجاااك بعد يومين واعتذر منك تسامحه ؟؟
سارة ابتسمت بألم : الوالد توفى الله يرحمه .. ولو كان عايش اكيد بسامحه ..
البنات تأثروا وريم تبي تغير السؤال دورت ع سؤال هبل واخيرا شافته
ريم تكلم ضحى : ضحى .. السؤال يقول .. هل تقبلين الزواج .. برجل اهبل .. ؟؟
ضحى ماقدرت وانفجرت ضحك :ههههههههههههههههههههههههههههه شالسؤال الله يغثك .. طبعا لا .. بايعة نفسي انا !! >< << سؤال آخر زمن ..
البنات : ههههههههههههههههههههههههههه
دخلت هبه عليهم وهي تقول
هبه : بناااات .. يلا جهز الفطور
سارة : دقيقة ببدل وبطلع
هبه : للحييييين مابدلتي
سارة ابتسمت : هههه .. لا اا
هبه : يلا بدلي بسرعة انا بستناك ( طالعت في البنات) وانتوا روحوا ع ماتلبس سارة
البنات : اووووكييشن
.. راحت سارة تبدل ..وطلعت من الحمام وكانت لابسة بنطلون سكيني اسود مع قميص ابيض منقط بأسود نص كم وفيه حزام احمر ع الخصر .. ربطت شعرها بفيونكة حمرة .. وحطت لها قلوس احمر خفيف وكحلة وبلاشر وردية ..
هبه تطالع فيها : بسم الله ماشاء الله .. ياحظ اخووي فيك
سارة ابتسمت بخجل : شكراا .. وانتِ أحلى
هبه : قمممر انتِ قمممر
سارة خجلت وقالت بتغير الموضوع : مانطلع ؟!!
هبه انتبهت : يالله ..
وطلعوا البنات وشافوا سارة جت لهم
ام خالد ابتسمت وهي تطالع سارة : وشش هالزين وش هالحلا يابنتي
سارة بخجل : الحلا منك ياخالة .. تسلمي
هبه تنحز لسارة : ياااحظ اللي له فييك نصييب
سارة خجلت وشافت نظرات ام خالد عليها ..
جااات الشيخة وجلست وقعدت تطالع في سارة
الشيخة : من الحلووة هذي ؟
البنات : سااارة .. حجية
الشيخة : ياهلا ياهلا .. بنت مين انتي ؟
سارة : بنت عبد العزيز الـ ...
الشيخة : ايه انت بنت عايشة
سارة : ايوا ..
الشيخة كل دقيقة تقرب من سارة شيء وتقول لها اكليه
الشيخة قربت من سارة صحن الجبن : تفضلي يابنتي
سارة : مشكوورة ياخالة مابي
الشيخة : عشاااني
سارة ماردت لها الطلب واخذته ،، امل طول الوقت وجالسة منقهر . حمر وجهها بسبب القهر اللي عندها وقالت : شدعووا ياشيخة .. تعطيها ولاتعطيني
الشيخة عصبت : سكتي .. سكتي لابارك الله فيك .. انا بعطي البنات كلهم الا انتي
امل سكتت منقهرة تعرف انها لو بتتكلم بكلمة ثانية بتنحرج وضحى من سمعت الشيخة وهي ماكتمت ضحكتها : ههههههههههههههههههههههههه حلووووة
امل : بلا بياااخة ياغبيييييية
ضحى رفعت حاجبها :اخت امل .. (اشرت ع الملعقة اللي بـ ايدها ) سكتي لاتجيك ع راسك
امل ضحكت بقوة : هههههههههآي .. ماتقدري
ضحى : متأكدة ؟
امل : اييييييييه
ضحى قامت وضربت امل بالملعة وقالت : والحييين
امل انقهرت : وجععععع
الشيخة : وججع على بليس .. لاتقولين وجع مرة ثانية
سارة تكلم امل : معلييش ياامل .. بس اللي تسوينه غلط
امل كشرت وهي بتقوم تكلم سارة : انتِ لاتتكلمي .. ولاتتدخلي .. ومححد طلب رااايك .. اساساً وجودك سبب مشاكل
سارة انصدمت وقفت : املل لوسمحتي لا ...
قطعت امل كلامها : ماناقص الا انتِ تقومين وتهزأيني .. بكونك شنو .. بنت عبد العزيز اللي اصغر من ابو محمد بكثييييييييييييييير .. قد النملة ..
سارة انقهرت وفي عيونها متحجرة الدموع : الحمدلله .. المقامات مو بالفلوس .. اذا ابوي بعين كل الناس صغير .. فهو بعيني كبير ( وسكتت بغصة ) وابوي مااات الله يرحمه
وقامت سارة .. وراحت داخل الغرفة .. وامل جلست ولاكأنها مسوية شيء .. حتى انها فرحت انها جرحت سارة .. وام خالد تفاجأت وانصدمت ورمت امل بنظرة استحقااار وكره وقهرتها
..
داليا وريماس دخلوا ع سارة اللي كانت تبكي
داليا : حبيبتي سارة .. ماعليك منها خليها تولي
ماردت سارة وجلست جنبها ريماس
ريماس : وانتِ بنت عبد العزيز الـ .. تهتمي لها ؟؟
سارة وهي تبكي : انتِ شفتيها شلون تغلط ع ابوي .. شفتي كلامها .. شفتي شكيف تقهر .. وش فيها هذي ع ابوي هااااا ؟
ريماس منقهرة ع سارة: خلااااص حبيبتي ماعليك منها
الا بدخلة البنات
سارة قامت تمسح دموعها : انا برجع بيتنا
البنات : لااااااا
سارة نزلت دمعتها : ااذا وجودي يسبب مشاكل لكم ماله داعي اظل .. وآسفة ع الازعاج
جات لها هبه ومسكتها : سارة .. لاتهتمي لـ امل .. وبالنسبة لكلامها لك .. فهي وحده جاهلة وعقلها صغير لاأكثر .. وبعدين احنا نبيك تظلين معانا .. وماعليك منها
والمشاكل كلها من راس أمل
مسحت هبه دموع سارة وقالت : ترى بيزعل خلوود لو درى انك تصيحي
سارة خجلت من كلام هبه .. ماشافت الا بدخلة ام محمد ( ام امل ) وام خالد
ام محمد جلست جنب سارة وام خالد قبالها
ام محمد : انا آسفة يابنتي على أمل ,, عارفة انها قهرتك
واعتذر على تصرفها ..
سارة ابتسمت : ولا يهمك ياخالة .. خلاص السالفة انتهت اصلا
ام خالد : الله يكثر من امثالك يابنتي
الجميع : آميييين
سارة : ووين أمل ؟
ام محمد انصدمت على كل اللي سوته وتسأل عن امل
ام محمد : تمشي مع بنت عمها ليلى ع البحر
سارة : ممكن توصلين لها اعتذاري ..
ام خالد انصدمت : بس انتي ماغلطتي
سارة رفعت حاجب وقالت : عشان اعلمها ان ابوي كبير .. وهذي تربيته .. مهما كان صغير بالنسبة للناس .. ففي ابوي خيير وهو عند الله كبير.. وانا ماسويت هالشيء لأمل .. بالعكس انا سويت هالشيء لاني عارفة لو ابوي عايش كان راح يقول لي سوي هالشيء
ام خالد ابتسمت وعجبتها شخصية سارة .. وكل دقيقة وهي تكبر بعينها
ام محمد : ان شاااء الله راح اوصل لها اعتذارك
قامت ام محمد .. وطلعت من وراها ام خالد ..
وجلسوا البنات يسولفون ..
<<<<<<<<
عند الشباب ,..
كان سرحان باللي شافه امس ..
هذي ملااااك ولا إيش !! ..
ابي اعرف بنت مين هذي .. لازم اعرف لازم ..
جا خالد وضرب زياد ع راسه : شفيك سرحاااان .. لاتقول لي عندك سرطااااااااان بعد ..
زياد ابتسم بضحكة خفيفة : هههههههههه .. أي وش عندك
خالد : اقووول قوم جنب الشباب .. ماراح تتسبح معانا ع البحر
زياد ناظر الباب وقال : اجججل قووم ويآآآي
وقاموا وطلعوا مع الشباب
عبد الرحمن وهو في البحر : هااااا بو الشباب .. ليش توك جاااااي
زياد حب يتمسخر مثل كل مرة : لاااا ابد .. بس كنت ابيع حلييب بقر .. والحمدلله ربحت فلووس واااجد
عبد الرحمن يستهبل : هههههههههه ومن البقر هذولة بعد ؟؟
زياد يرفرف برمووشه ويأشر ع عبد الرحمن : انت يااااقلبي احلى بقرررررررر ..
عبد الرحمن : ياااااااااادووب ..
وسحب زياد لناحية البحر وابتدت مسرحية الضحك عند الشباب
زياد يبي يتنفس : بسس خلااااص موتتني
عبد الرحمن : عشااان ماتدخل سوق البقر مرة ثانية وتغلط
زياد كشر : ان لله .. ويعترف انه بقرة بعد
عبد الرحمن : ترى اموتك
زياد : هييييين بس
خالد من بعييد : اقوول انت ويااااه .. ورااا ماتسكتون ..
زياد كشر وطلع لسااانه
خالد يضحك : هههههههههههه هبل والله العظيم
زياد يرفع حاجبه ويأشر ع خالد : طاااالع عليك
خالد : لبى هباااااااااااالي
هشام جااا وضرب خالد ع راااسه وقال : اقووول لايكثر بس
خالد : ههههههههه ابد .. بس نتشبه بـ الأخ ( وأشر ع زياد)
زياد يرفرف برمووشه :فديتني
وراح صوب ياسر وحسام ..وقعدوا يتسبحون ..
<<<<<<<
مر الوقت وصارت الساعة 3 والكل نايم ..
كانت تحلم بأحلاااام مزعجة .. تروعت وجلست من النوم .. شافت هبه وداليا وريماس وضحى نايمين ..
أخذت القرآن وصلت ع النبي < اللهم صلي على محمد وآل محمد .. صلوا ع النبي يالله خخخخ ^*
وقرأت شوي وقامت تشرب مووية
راحت للمطبخ وفتحت الثلاجة وصبت لها موويه .. وشافت أمل دخلت وقالت : وصلني اعتذارك
سارة تروعت .. ورفعت حاجب : اييه الحمدلله
امل تناظر في سارة من فوق لتحت : هالاشكال مو مقبولة اعتذاراتهم
سارة عقدت حاجبها وحطت ايدها ع كتف امل وضحكت ضحكة ساخرة : هه .. اما انا ماعتذرت عشااانك .. ولا انا مو غلطانة اصلا .. ولا هم يحزنون .. اعتذرت فقط عشان تعرفي ان هذي تربية عبد العزيز الـ.. وابوي الحمدلله كبييير كبييير .. وفوق ماتتصوري ..
امل شالت يد سارة عن كتفها وهي منصدمة .. اما سارة ابتسمت وطلعت من المطبخ ..
وفرحت خصوصا انها ردت ع امل .. وبينت لها انها ( بنت الاكابر .. حتى لو عند الناس صغااااار)
وراحت ونامت .. اما امل بالمطبخ محترق قلبها .. ومهما يصير مو راضية تحسن علاقتها مع سارة
....
وفي الصباح جلست سارة وكلمت امها ..
وتجهزوا البنات لانهم بيرجعون لـ بيوتهم بعد شوي ..
واخيرا بعد ماجهزوا البنات .. طلعوا لـ برا وكل واحد ينتظر سيارته ..
والكل الحمدلله ع الساعة 11 وصل بيته ..
دخلت سارة مع ريماس وداليا وسلموا ع ام سارة ..
ودخلوا البنات وكل وحده منهم نامت .. من تعب الطريق ناموا للساعة 5 ونص ..
جلست سارة وراحت للحمام وانصدمت لما شافتها الساعة 5 ونص .. توضت عشان تجهز للصلاة ..
وجلست داليا وريماس .. نزلت تحت ع مايأذن ماشافت احد موجود .. عرفت ان امها وخالها كانوا طالعين ..
... بعد نص ساعة اذن المغرب .. وصلت مع البنات .. بعد ماخلصوا .. كانوا جوعانين .. ونزلوا تحت شافوا الاكل موجود بالثلاجة بس يبي له تصخيين ..
جهزوا اكلهم وهم ياكلون
سارة : شفت امس امل الساعة 4 تقريبا
ريماس : إيش سووت
سارة : ابد .. تقول انها رفضت الاعتذار ..
داليا : لاتهتمي مو مهم تقبل
سارة : اكييد .. بس انا رديت عليها .. وبينت لها انا منو .. وخليتها تسكت وطلعت عنها
ريماس ابتسمت : عفيية عليك
سارة سمعت صوت جوالها .. شافت الرقم خالد
سارة : ألوو
خالد : هلا حبيبتي .. شخبارك بعد مارجعتي ؟
سارة : بخيير .. وانت؟
خالد : الحمدلله .. شكلك توك جالسة من النوم
سارة : اخذتني نومة انا والبنات وماجلست الا الساعة 5 ونص ..
خالد : اووف .. لـ5 ونص .. طيب أكلتي شيء ؟؟
سارة : انا الحين آكل ..
خالد : زيين .. خالك فهد موجود ؟
سارة : لا طالع مع الوالدة
خالد : اهاا .. يالله أجل انا اخليك ..
سارة : سي يااا
خالد : مع السلامة
سكر الخط وكملت أكل ..
<<< ..<<< ..<<<
طبعاً بعد هالأحداث مرت الايام .
. وسارة راحت بثالث ثانوي وكبرت .. وخالد تخرج واشتغل مع ابوه .. في مجال ادارة الاعمال التجارية .. وابوه عنده اكثر من شركة بالبلد وبرا البلد ..
في آخر أيام الاختبارات النهائية .. تحديداً يوم الشهادات
فرحت وراحت لريماس
ريماس : كم نسبتك ؟
سارة : 99 وربع
ريماس : زيييين .. أحسن مني
سارة : كم ؟؟
ريماس : 97 ونص
سارة : يالله ماعلييه .. نسبتك حلوة
جآآآت لهم داليا مع البنات وكلهم يتكلمون ع النسبة
واخيراً الكل طلع .. داليا راحت لبيتهم .. وريماس مستقرة مع سارة
رجعت سارة البيت وفتحت الباب : يمممه .. يممه وينك ؟
ريماس : شوفيها يمكن بالمطبخ
راحت سارة ع طول للمطبخ .. وكانت امها مسندة راسها ع الطاولة ونايمة .. راحت لها تصحيها ..
ظلت تناديها وماردت .. خافت عليها وراحت لها تهزها
سارة وهي تبكي : يمممه لاااااااااااااا .. ردي عليييي .. يممه انتي نااااااايمه صحح يممممه
ام سارة ماردت .. وايدها طاحت من ع الطاولة .. سارة بعددت لـ ورا .. وهي تبكي وحاطة ايدها ع فمها .. مو مستوعبة .. ريماس رااااحت لغرفة فهد لاشعوريا وهي تبكي
ريماس : فهد افتحححح الببااااب بسرعة
فهد فتح الباب وشافها تبكي : شصاااااااير ياريمااااس
ريماس ودموعها ع خدها : الحق شووف ام سارة الله يعلم اذا ماصااااير لها شيء .. نكلمها ولااااااااا ترد
.. نزلوا تحت وشافوا سارة قاعدة تبكي وهي تكلم امها ..
فهد ظل ينادي ام سارة وهي ماترد علييه ..
فهد ودموعه متحجرة بعيونه : ام سااااارة .. عاااااايشة ... ردي
حط ايده ع وريدها اللي ماينبض .. وحتى انه ماسمع انفاسها
فهد ودموعه نزلت : إن لله وإن إليه راجعون
سارة صرخت وهي تبكي : لاااااااااااااا ..يمه .. يممه لاتروحي وتخليني .. يمممه ..
ريماس مسكت سارة وحاولت تهديها .. تفاجأت من سارة اللي تقول
سارة ودموعها ماوقفت : ادرري .. امي نااايمة صح .. ريماس جااااوبيني صح ؟؟
ريماس نزلت دموعها ولاردت ع صديقتها سارة .. اللي انهارت بكااا ..
اما فهد ودموعه خانته وبدا يبكي .. بعد ساعة اتصل ع المستشفى وطلب اسعاف ..
واخذ معاه ريماس وسارة .. والدكتور خبرهم ان ام سارة ماتت .. وسارة بعدها تبكي وهي مو قادرة تستوعب ..
وبالمستشفى اغمى عليها
.................................................. .........
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك