رواية بين قلبين حب اعمى -8
خالد : طيب ومع الثوب أي جزمة البس
هبه : البس جزمتك السودة الجديدة اللش شريتها لك
خالد : ايي صح نسيت .. بلبسها .. طيب .. بقوم اجهز ( توه بيمشي الا طالع فيها ) وانتِ .؟
هبه : انا شنوو؟
خالد : ماجهزتي ؟؟
هبه : الا من مساااعة جهزت ..
خالد : زيين زيين .. يالله بروح
راح وهبه فتحت اللابتوب ودخلت ع الفيس بوك ..
شافت اضافات جديدة من
Sara Abdul Al Aziz
[ اقبل] ... [ ليس الآن]
Remas Hussain
[ أقبل ] ... [ ليس الآن]
Dalia Abdul Al Rahman
[ أقبل] ... [ ليس الآن ]
هبه في قلبها : ياقلبي انتووا .. فديتكم .. طبعاً أقبل هع ..
سوت قبول لصداقتهم وحطتهم لـ قآئمة المفضلة
..
...........................................
سارة بعد ماجهزت اغراضها راحت عند اللابتوب .. وقالت
سارة : بشوف كان البنات قبلوا صداقتي .. خل العب بأعصابهم شوي ...
ريماس : ههههههههه انتي أي احد يقبل صداقتك تحرقي له اعصابه
سارة : ومن متى ؟؟
ريماس : نسيتي لما قبلتي صداقتي ؟؟ شسويتي لي .. نشفتي دمي
سارة تذكرت وقعدت تضحك : هههههههههههههههههههه
داليا : سووويرة عليها حركااات
سارة تكمل كلامها : ترفع الضغط
داليا : بقووووة
سارة رفعت حاجبها وقالت : ماااشاء الله عليك
داليا : ههههههههههههههههه
سارة سجلت دخولها بالفيس بوك
شافت اشعار مكتوب ""قامت Hebah Abdul razag / بالنشر على حائطك ""
سارة مندمجة مع اللابتوب وشافت
Hebah Abdul razag
أسألهم عن غلاتك يقولون : مادرينا
أسألهم عن حلاتك يقولون : مادرينا
أسألهم عن غموضك يقولون : مادرينا
قلت : شفتوا القمر لا طلعت الشمس شلون يستحي ويغيب
بالمثل انتوا معاها
" لبى قلبك ياقمممر .. والله وبنشوفك بكرة "
سارة شافت اللي مكتوب وعلقت ع الحالة
Sara Abdul Al Aziz
يعجز القلم عن الوصف لأمثالك .. ، شكراً لك ..
فأنت التي يعجز عنك الوصف ..
وتحتار الأحرف .. بما تجازيه الالسن ..
" وه فديتك .. ياااعمري انتِ .. ايوا تجهزي عشان اشوفك مع البنات "
هبه شافت سارة داخلة بالفيس بوك وكلمتها ع الدردشة واتفقوا مع البنات انهم يلبسوا الملابس اللي شروها من المارينا مول
نشوف المحادثة ع الدردشة :
Hebah Abdul razag
هلا سوور
Sara Abdul Al Aziz
ياهلا بـ هيبووو والله ..
Hebah Abdul razag
كيف حالك يآقممر ؟؟!!
Sara Abdul Al Aziz
من الله بخير وانتِ ؟؟ والبنات كيفهم ؟؟
Hebah Abdul razag
تمام والله .. ها جهزتي للشاليه
Sara Abdul Al Aziz
إيواا .. جهزنا ..
Hebah Abdul razag
انا جهزت من اول ماقال ابوي مشاري .. اما خلوود بعد التحطيم توه يجهز
Sara Abdul Al Aziz
اووووف .. وليه توه يجهز .. متى ينام يعني
Hebah Abdul razag
هههههه ^* .. بيجهز وبينام .. سوور خلينا نلبس الملابس اللي شارينها من المارينا مول .. انا والبنات بنلبسهم .. طقموا معانا
Sara Abdul Al Aziz
اوووكيه
Hebah Abdul razag
تحبي التصوير ؟؟
Sara Abdul Al Aziz
إيوا ،، ليييه ؟
Hebah Abdul razag
لا .. بس شفت تصويرك بِ الصفحة توني .. ماشاء الله رهيب لك مستقبل
Sara Abdul Al Aziz
هههههههههه .. لا مارح اصير مصورة .. هذي مجرد هواية وامارسها .. لكن طموحي هو هندسة ديكور
Hebah Abdul razag
الله .. يعني نفس الطموح ويآآآآي وحتى البنات يبون نفس التخصص
Sara Abdul Al Aziz
وووي .. أجل القلوب عند بعضها .. حتى دلوو < تقصد داليا .. تبي نفس التخصص .. ريماس تفكر بـ طب بس ابقنعها تصير ويانا ان شاء الله
Hebah Abdul razag
ياسلااااام .. ^* .. ايوا اقنعيها
Sara Abdul Al Aziz
ولا يهمك .. بس تعالي كم يوم بالشاليه بنضل ؟؟
Hebah Abdul razag
3 day .. مابنطول كلها ثلاثة ايام
Sara Abdul Al Aziz
اهااا .. يالله انا اخليك الحين ..
Hebah Abdul razag
على ويين ؟
Sara Abdul Al Aziz
بااااخذ لي شور ..
Hebah Abdul razag
يالله .. أجل مع السلامة
Sara Abdul Al Aziz
مع السلامة
سكرت سارة اللابتوب .. وراحت اخذت لها
شور سريع .. ونامت
.....
في بيت بو سعود
ليلى : يالله اخرتووونا الساعة 8 او ربع
مها : ممكن تسكتي .. خليني اسكر هالشنطة اللي ماتسكر ابد ..
عبير : شحااطة فيها
مها : لابتوبي .. وكاميرتي وملابسي
ليلى : ماااالت بس
مها : عليك انتِ وخشتك
ليلى تجاهلتها بغرور وراحت تنتظرهم بالحديقة
طلع ياسر وهو توه مخلص شآآور وشعره رطب
نزل لتحت وقال له عبد الرحمن
عبد الرحمن : اخللللص .. ترى السواق يقول ان عمي مشاري الساعة 8 ونص بحركوون
ياسر : زيين زين .. بس بدق على زياد ..
عبد الرحمن : لييش ؟
ياسر : ابيه بشغلة
دخل سعود وهو يلبس شماغه ومقابل المراية
سعود : خلصتوا نمشي ؟؟
عبد الرحمن : اييه خلصنا
مها تبي تسكر الشنطة مو عارفه : سعود تعال سكرها لي
سعود جاها وبحركة بسيطة سكر الشنطة وقال بهدوء : خلصتي الحين ؟
مها فتحت عيونها : شلون سكرتها .. أيوا خلصت
سعود ابتسم : ايدي فيها الخير والبركة
ياسر يكلم سعود : تعال .. البدي قارد اخذ كل الشنط ؟
مها : بققت شنطتي
سعود : عطييني اياها احملها واعطيها البدي قارد
مها ابتسمت : اووكيه
طلع ابو سعود مع ام سعود
ابو سعود : يالله صارت 8 ونص .. بوخالد جاي بـ سيارته يبينا نمشي مع بعض
عبير : يالله يبا مشينا
بو سعود : يالله
وطلعوا وركبوا بالسيارة ومشوا مع ابو خالد
.....
هبه ركبت سيارة الحرس مع البنات وخبرتهم انوو سارة راح تجي بس لحححد يحسس خالد لان مسوين مقلب
ضحى : هههههههههه مسكين ولد خالتي
ريهام : شفته مبووز ههههههههههههههه
امل تسمع الكلام ومنقهرة : عااادي يمكن فيه شيء
ناظرتها هبه بنص عين : مافيه الا العافية اقوول
ليلى تبي تقهر هبه : حبيبتي امل معليش بس نوصل طيبي خاطره بكلمة
امل : فدييتك ..
هبه عصبت: لو سمحتي ياأمل .. اخوي خالد مو لك .. وهو يحب .. ويحب سارة بعد وش عندك ؟
امل تسوي روحها مو مهتمة : بنشوووف
ضحى فلعت امل بعلبة النشاف وقالت : هييي انتي ماتفهمي .. هو يحب .. خلااااص خليه بحاله مااااالت عليك
امل طالعت في ليلى وقالت : ليووول قلوب العذاااال مشتغلة اليوم صاااير شي ؟
ليلى : هههههههههههآي ماعليك من احد
امل : وانا مو مهتمة ..
هبه طالعت في امل بنظرة استحقار خلت امل مقهورة طول الطريق
وبين سوالف البنات بالسيارة رن جوال هبه
هبه : هلا
سارة : هلا هيبو
هبه تبي تقهر امل : هلااااا حبيبتي .. هلا سووور اشتقت لك يادووبا
سارة بشك : ههههههه توك شايفتيني
هبه : آمري ياغناتي ؟؟
سارة : مايامر عليك عدو .. بس خلي واحد من الشباب يدق على خالي فهد يدليه ع الشاليه لان عدينا المحطة
هبه : صجج .. طيب عطيني رقمه واخلي ابوي مشاري يدله
سارة : اوكيه .. 053 ............
هبه : طيب ,.الحين يتصل
سارة : يالله مع السلامة
هبه : بااااي حياااااااااتي
.. امل تطالع في هبه وهي منقهرة .. وقلبها يشتغل من داخل بس ماتبي تبين .. مع ان وضح فيها هالقهر والغيرة
..
هبه تكلم البدي قارد الاسباني
: جااااك ( اسمه جاكسون) .. اتصل ع ابوي مشاري وعطه هالرقم وقول له يدل فهد بالشاليه
جاكسون : ok .. now?
هبه : yes, now
ومدت له الورقة اللي كتبت فيها الرقم واتصل بو خالد ع فهد
فهد :السلام عليكم
بو خالد : هلا هلا والله بفهد ( يعرفه لان فهد يشتغل بالشركة اللي يتعامل بو خالد معاها)
فهد : هلا عمي شخباركم ؟
بوخالد : تمام والله .. آمر ؟ كانه الحرس يقولون ماتدل الشاليه ؟
فهد : أي والله عمي .. مادله انا عديت المحطة ..والحين توني لاف من الاشارة
بو خالد : ايووا ..
وقال له بو خالد مكان الشاليه
فهد : تسلم عمي
بو خالد : الله يسلمك ،، تفضل معانا
فهد : لا والله مقدر يعمي عندي التزامات
بو خالد : معليش تعال .. انا ودي اعرفك بـ اخواني
فهد : والله ودي بس ..
بو خالد : يالله بس تعال .. شدعوا مو طالب منك فلوس
فهد يضحك : هههههههههه .. خلاص لعيونك
بوخالد : ههههههههه .. اجل انا انتظرك ونلتقي بالشاليه
فهد : يالله فمان الله
بوخالد : فمان الله
.....................
بسيارة الشباب اللي هالمرة يسوقها فيصل
خالد يطالع بـ اخوه : زياااد علامك مبوز ؟؟ مانسمع لك حس ؟
زياد طالع فيه ولا رد .. جاله ياسر وضربه على كتفه : يالله قول شعندك
زياد عصب : ماااااافيني شيء
خالد طالع اخوه : اذا فيك شيء قولي ؟
زياد نزل راسه ورفعه : واذا ماقلت ؟
خالد : انا اعصب عليك صحيح .. لكن اذا شفتك كذا اتضايق
جاا له عبد العزيز اللي كان معاهم : قوول لـ اخوك يازياد
زياد استسلم وسند راسه لـ ورا : خالد انا امس رحت الدكتور
خالد عرف لان زياد كان فيه مرض بصدره من قبل : ايواا وش قال ؟
زياد ابتسم بأسى : احتمال تفقدوني
خالد انصدم مع الشباب : إييييييش ؟؟ .. انت شقاعد تقول .. لاتلعبها علي .. ادري مقلب
زياد ضحك بسخرية : هه .. المرض مو لعبة ياخالد .. الدكتور يقول .. ان الفحوصات تشير بسرطان بالرئة .. بس لسه ماخلص التحليل
خالد انصدم ومسك زياد ودموعه متحجره بعينه : اش .. اشـ قـ .. اشقااااعد تقووول ؟
زياد تنهد لان الشباب كلهم يطالعوا فيه منصدمين وقال : ليش تطالعون فيني ،، مو أول واحد يمرض
خالد ماقدر لان اخوه الوحيد : زيااااد متأكد ماتمزح
زياد عقد حواجبه : هذاا طبعي صحيح .. لكن انا مامزح .. انا احتمال يكون عندي سرطان بالرئة
خالد نزلت دموعه ومسحها بسرعة : خبرت ابوي .. امي عندها خبر
زياد : محححد عنده خبر ومالازم احد يدري
خالد ماقدر يمسك دموعه وسند راسه لـ ورا وقعد يبكي
جااا له زياد وقرب منه اكثر ومسك ايد خالد وحطها ع صدره : موو بيدي
خالد : لييش ؟ زياد انا مااتحمل ماشوفك وياي
زياد ووده يضحك في حلقه : آآآآآآه .. الدنيا ماخلت احد لحاله .. ( طالع بالشباب وهو يأشر عليهم بصبعه ويغمز لهم ) لححد يخبر الوالد او الوالدة
زياد شاف اخوه يبكي وضحك بصوته : هههههههههههههههههههههههههههههههههههه
خالد انصدم : انا ابكي وانت تضحك حرااام عليك
زياد ماقدر يوقف ضحك : هههههههههههههههههه والله وجا اليوم اللي اشوف دموعك فيه ياخويلد
خالد انصدم : شلوون ؟
زياد : هااا عجبك المقلب ؟؟
خالد فتح فمه وضرب اخوه ع راسه : خوووفتني عليك ياااحماااااااار
زياد يرفرف برموشه : لهدرجة انا غالي عندك
خالد ضم اخووه : ايه يااااهبل .. والله وطلعت تعرف تمثل
( طالع في الشباب اللي يضحكوا ) وانتوا متفقين معاااه ؟
الشباب ماتوا من الضحك
حسام : فلللللله .. تصلحوا للتمثيل .. أي هذي خطة ياسر
ياسر : ههههه .. امس اتفقنا اياه .. قلنا الا ننزل دموع خويلد
خالد : ياااااااااااا.. مدري شقول ؟؟ قهرتووني .. ( طالع زياد) بس انت لو تروح لـ mbc يرشحوك لأفضل نجم خليجي
زياد بدلع يقلد ع الحريم بصووته : طبعاا حياتي .. ادري
فيصل : سكتووا خلااااص .. والله لنشرها بالفيس بوك
خالد عصب :لاااااااااااااااااا
الشباب : هههههههههههههههههههههه
...............................................
وأخيراً الساعة 10 وصلوا
نزلت سارة وريماس وداليا وراحوا ع طول للبنات ودخلوا
فهد شاف بو خالد يأشر له
جاا له وسلم عليه
فهد: هلا عمي
بو خالد : هلا فهد .. شخبارك ؟
فهد : الحمدلله ياعمي
بوخالد ناظر بـ اخوانه
بوخالد : فهد .. اللي بالشركة اللي اتعامل معاها لتصدير المبيعات
اخوان بو خالد : تشرفنا
فهد نزل راسه ورفعه وشاف الشباب ..
وراح لعندهم وسلم عليهم
وتعرفوا عليه الشباب وتعرف على خالد وهشام وباقي الشباب .. والشباب حبوه كثير ..
...........
عند البنات
البنات كلهم شالوا عباياتهم الا سارة وداليا وريماس
هبه شافتهم : سوووير شيلي عباتك مافي احد من الرجال
سارة ابتسمت : اوكيه
كانت امل واقفة من بعيد .. وكانت سارة لابسة مثل البنات اللي من المارينا مول .. وكانت تناظرها بحقد وغيرة لان الملابس طالعة حلوة عليها وبرزت اكثر الملابس ع سارة برشاقتها .. كانت لابسة تنورة جينز لنص الفخذ مع قميص فوشي نص كم ورافعه اكمامه بشكل حلو ..ولابسة جوتي سبورت لونه ابيض مع فوشي .. وناثرة شعرها بشكل حيوي .. والبنات اللبس كان مثلها بالضبط
ضحى : سوويرة قمممر
سارة : وانت عسسل
داليا : وانااا ؟
ضحى : وانتِ سسكر
ريماس : وااناا ؟
ضحى : خخخخخ .. وانتِ بدر
سارة طالعت بأمل .. وابتسمت بوجها ..
لكن امل ناظرت سارة بغرور وراحت لعند ليلى
جاات ام خالد وشافت سارة & داليا & ريماس
هبه : يممه هذولة البنات اللي قلت لك عنهم .. سارة وداليا وريماس
ام خالد تناظر سارة ومبتسمه : ياهلا فيكم نورتوا
هبه تطالع بأم خالد : وهذي امي .. ام خالد
سارة استحت والبنات ردوا : ياهلا فيك ياخالة
جلست سارة &داليا&ريماس عند البنات ع مايجهزوا الخدم الفطور
وام خالد تسولف مع خواتها وخوات زوجها عن سارة .. وهم يطالعون فيها ومبتسمين
ام فيصل : ماشاء الله قمر
ام خالد : ايه والله .. هذي بنت عبد العزيز الـ .. الله يرحمه
ام سعود : ماشاء الله والنعم فيهم
ام تركي : هذي بنت عايشة الـ .. ؟؟
ام خالد : بالضبط ايه
....
جهز الفطور وقاموا البنات ياكلون
البنات قاعدين يهذرون ويضحكون وامل تطالع فيهم مع ليلى ..وكأنها مو مهتمه لكن قلبها محترق من نار القهر والغيرة اللي ذابحتها
ضحى تضحك بصوت عالي :ههههههههههههههه الله يعقلك ياريماااس شالسوالف اللي عليك
سارة مبتسمة : ههههههههه ماشفتي شي أجل
داليا : وماخلفها اعظم
سكتوا البنات ع صوت ريم وسناء يتهاوشون عن النوادي السعودية
ريم : والله مامردك الا الهلاااااال فديتهم
سناء : ويييع .. خلك ع الاهلي احسن
ريم : مو هذا اللي كآآن ناقصني .. كل يخسرون
سناء : مااااالت عليك
ريم : وعليك
.. امل اخذتها فرصة عشان تقهر سارة
قالت امل وهي تطالع بسارة : بسس عاد سكتوا .. شمتوا الغريب فينا
سارة انقهرت وقامت : انا شبعت .. الحمد لله وين الحمام
هبه حست بسارة : هناااك
راحت سارة ومن بعدها قاموا البنات اللي رموا امل بنظرات قهرتها
وبقت معاها ليلى
كانت سارة تغسل .. وتذكرت كلام امل وتألمت
شافوها البنات ودخلوا لها جنب المغاسل
ريم : اعتذر ع الموقف اللي صار
ريهام : هالحقيرة ماعليك منها
سناء : طنشيها ولا تهتمي لها
سارة شافت البنات وابتسمت .. : هههههههههه خلاص عاد مو مستاهلة
ارتاحوا البنات .. وبعدها قرروا يطلعون يتمشون ع البحر ..
طلعوا البنات كاميراتهم .. وراحوا كلهم ع البحر
.. وكل وحده من البنات تسأل سارة عن التصوير ..وسارة تعلمهم .. ارتاحوا لها البنات اكثر ..
سارة كانت تمشي وتصور .. شاف خالد وحده تصور وقرب منها وانصدم شافها سارة لانها كانت متحجبة مع البنات
خالد فاتح عيونه : سااااااااارة ؟
سارة انتبهت : ههههههه ايه
خالد : متى جيتي تقول هبه انك مارح تجين
سارة : تبيني امشي يعني
خالد ضحك :لالالالا .. انا بغيتها من الله تجين ..
سارة : إيش اخبارك ؟؟
خالد : تمام .. وانتِ ؟
سارة : بخير ..
خالد طالع الكاميرة وقال : تحبين التصوير ؟
سارة ابتسمت : كثيير
خالد : ماشاء الله .. شكلك حلو وانتِ تصوري
سارة ضحكت : هههههههه شكرا
خالد :يالبى هالضحة
سارة : تسلم
خالد : شرايك بأمي .. وخالاتي .. العيلة كلها
سارة بابتسامة : حبييتهم من كل قلبي
خالد ابتسم وتنهد : احمم .. لانهم يقربوا لـ خالد طبعا
سارة : خووويلد .. الثقة بس
خالد : هههههههه .. احم .. طبعاً لانك تحبيني مو ؟
سارة رفعت حاجبها : ولييه تسأل
خالد ناظر بعيونها وقال : لاني ادري
سارة : كييف ؟
خالد : من عيونك .. واااضح كل شيء .. ( سكت شوي وقال ) تحبيني ؟
سارة استحت وطالعة بالكاميرا .. وهي تحافص بها
خالد : جااوبيني
سارة تستهبل : إيواا
خالد شبه عصب : تحبييني ؟
سارة خافت وهزت راسها بـ إي
خالد : واخييييييراً
سارة : ارتحت الحين ؟
خالد : طبعا
سارة : انا بروح مع البنات اكمل تصوير
خالد : ابشوف الصور
سارة ابتسمت : اوكيه
وراحت لعند البنات وكملت معاهم
ودخلت وشافت امل اللي قاعدة تطالع فيها وفي البنات ومنقهر
راحوا البنات بالغرفة وتركوا امل بالصالة .. وانقهرت
قعدوا البنات يسالفون عن سارة قدام ام خالد .. وام خالد عجبتها سارة ...وعجبها خجلها
سارة حست بـ ام خالد تناظرها وتسألها : كم عمرك ؟؟
سارة ابتسمت : كبر البنات ياخالة 17 سنة بثاني ثانوي
ام خالد ارتاحت : ماشاء الله ..
سارة ابتسمت .. وشافت امل دخلت وجلست بملاقتها قدام امها .. وقبال ام خالد اللي مو طايقة امل ..
امل قعدت تسولف مع ام خالد بمياعة بس ام خالد مو عاطيتها وجه ابد .. وكل اجاباتها من طرف لسانها .. امل
انقهرت اكثر لما شافت نظرات ام خالد رايحة لعند سارة
وهي مبتسمة ..
وكانت سارة تسولف مع البنات وهم مستانسين
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك