رواية كثر ما قلتلك اكرهك كثر ما انا اهواك -14
جلست جنبه و سحبت منه الخرطوم .. ناظرني و سكت .. جلست أرش الزرع الباقي و أنا جالس جنبه ..
و هو جلس يلعب بالزرع بيده و ساكت .. ما كنت أعرف شلون أبدأ معه .. بس تكلمت ..
نواف : نـايـف ..
نايف : همممممممم ..
نواف : نايف شفيك .. منت على بعضك هذه الأيام .. قول لي شفيك و أنا أخوك ..
ناظرني عقب رد يناظر الزرع .. سكت فترة .. راعيته ممكن مهوب عارف شلون يتكلم مثلي .. أخيـــرا همس ..
نايف : البتول ..
ناظرته و أنا أصك على أسناني بارتباك .. لا لاااا يقول انه يحبها .. يكفيني راكان ..
نواف : علامها ؟
نايف : أعــــشــــقـــهـــا ..
قالها و هو يبتسم و بدون ما يناظرني .. ناظرت ملامحه شفت ابتسامته زادت .. ابتسمت أنا بعد .. ما أدري شلون
أوصف لكم شعوري .. بس بصراحة جاني خاطر أضمه من قلب .. و فعلا سويتها و هو استغرب بس بالأخير ضحك ..
نايف : ههههههههههه نواف شفيك ..
نواف : ما أدري بس خليني كذه ..
لمني و هو يضحك أكثر ..
نايف : لا يكون تحب من وراي ههههههههههه تسويها نواف ..
بعدت عنه و ناظرته ..
نواف : لا أبدا ما أحب .. بس تدري ..
نايف : وشو .. ؟؟!!
نواف : لو كانت سالفة كل هذا التفكير سخيف كان لميتك بكف ..
نايف : ليش مهوب سخيف بنظرك ..
نواف : أفـــااا عليك .. توأمي يحب و أعتبره سخيف .. لا أبد والله انه يفدى هذا الأصبع و صاحبه ..
وريته أصبعي و هو ابتسم و مسكه و جلس يمسح عليه ..
نايف : أهــااا عشان كــذه .. !!!!
نواف : وشـــو الـ كذه .. ؟؟؟!!
نايف : حسّيت بنغزه قبل شويّ ..
نواف : ههههههههههههههه تستاهل خلك تتلعوز مو أنا بس اللي أتلعوز ..
نايف : أفـــداك ..
نواف : زيـــن و بــعـــديــــن .. ؟؟!! ..
نايف : وشــــــــو بــعــدين ..
نواف : ما تبي تخطبها .. شرأيك بكره ..
نايف : لااااا اليــوم أحــســـن ..
طشيت وجهه بـ المويه ..
نواف : هههههههههههههههههههه في عينك اليوم .. بالله أحد يروح يخطب الساعة 12 الليل ..
مسح وجهه و هز كتفيه ..
نايف : ايه عادي ثم هي بنت خالتي .. يعني نــــمـــــون ..
قمت و جلست أطشه بـ المويه .. و هو كل اللي سواه انحنى و غطى وجهه بيديه ..
نايف : نـــــــوافـ ـوه خــلاص حــرام عليــك ..
نواف : لما تعقــــل يا نايــــفــــوه حـ أوقف طش ..
نايف : خــــــلاص بعــقـل بـ ـس تـكـفى وقــف ..
وقفت لما شفته كله مغرق .. قام هو و يضـم نفسه ..
نايف : والله حرام عليــك وشــو ذا ..
شفته ينتفض .. شي طبيعي الجو بدي يبرد في المملكة .. رحت له ..
نواف : بـــردان ..
ناظرني بنظرة و هو يرتجف .. ابتسمت و سحبته .. بس هو غافلني و أخذ خرطوم المويه و أخذ حقه ..
نواف : ههههههههههههههههههههههههههه نـــــايف بس والله تــوبه ..
مشيت على ورى .. كان في خرطومين عندنا .. ركضت له و هو وراي .. و صلت للخرطوم جلسنا نطش
بعض و نضحك .. شوي جات أمي و لما شافتنا شهقت و جات لنا ..
ام نايف : هيييييييي انتم إنهبلتم .. على هالبرد تطشون بعض .. تبون تترقدون في المستشفى ..
نايف : ههههههههههههههههههههههه يمــه هــذا نــواف ..
نواف : لااااا هــو اللي بــدي آآآآآآ هههههههـ يـمـــه قــولي له يوقف .. نايــفوه قــسم بالله
لا أفــضحك هههههههههـ لااااا كنــت أمــزح ..
نايف : هههههههـ نــاس ما تمـشي الا بالعيــن الحمــراء .. نــواف خلاص وقف و انــا أوقــف ..
ابو نايف : هيييييييي انتم شتسون .. ام نايف شيسون عيالك ..
وقفنا لما شفنا أبوي واقف عند باب البيت .. ناظرناه و ابتسمنا ..
ابو نايف : شفيكم انتم .. انجنيتوا .. ولاّ وشو ..
نايف : يبه كنا نمـزح مع بعض ..
لمحت أبوي معصب .. من حقه يعصب .. قفلت الصنبور و أنا أسمعه يهزئ ..
ابو نايف : هذا هبال مهوب مزح .. عيب عليكم كل واحد شنباته طلعت و تسوون مثل البزران متى بتعقلون هااه ..
ام نايف : ثم هذا بيضركم .. و لاّ منتم حاسين بالبرد ..
نواف : زين ما راح نعيدها ..
ابو نايف : يالله قدامي هالحين كل واحد يغيّر ملابسه عن تترقدون اليوم ..
مشينا أنا و نايف أبوي يوم يكون معصب أمشي من عنده لأن لو شافك بيعصب أكثر ..
طلعت من الحمام و أنا أنشف شعري بالفوطة شفت نايف جالس على النت .. رحت رميت روحي فوق السرير ..
نواف : كله منك شفت أبوي شسوى ..
نايف بطنازة : أيــــه مني أنا .. شايف اشلون ..
نواف : هههههههههههههههههههههههههه يا حرام تأجلت الخطوبة ..
ناظرني بسرعة .. و جاه لي ..
نايف : لاااااااااااااااااااااا من قــــال ..
نواف : أنا .. لأن أبوي معصب ..
نايف : بيهدى بكره ..
هزيت رأسي ببرود .. أبي أولّع نايف و أصلا أدريبه هالحين محروق ..
نواف : لاااا انت تعرف أبونا ما يهدى بسرعة ..
مشي عني و طلع بره الغرفة .. قمت جلست فوق السرير و أناظر الباب .. استغربت شفيه طلع ..
قمت و لحقته شفته ينزل للصالة .. نزلت وراه جلست في نص الدرج أشوف وش بيسوي ..
شفته يروح لأبوي و يسلم على رأسه .. ابتسمت والله انه مصلحجي ..
ابو نايف : ليش نزلت من غرفتك .. شفيك ما نمت ..
شفته جلس و هو يفرك يدينه في بعض ..
ام نايف : روح يا وليدي نام .. الوقت متأخر ..
نايف : زين بنام .. بس أبي وعد ..
ابو نايف : وعـــد ؟؟!! لا تقول تبي تغير سيارتك توها مالها سنة ..
نايف : لا لاااا يبه شي أكـبـــر ..
ابتسم أبوي و أنا جالس على أعصابي و أناظرهم و هم مب منتبهين لي ..
ابو نايف : شي أكبر وشو .. لا تكون طيارة خاصة بس ..
نايف : ههههههههههههههههه لا يبه ..
ام نايف : طيب وشهو .. قول لا تحرق أعصابي ..
ناظرهم .. عقب نزل عينه .. و رجع رفعها لأبوي ..
نايف : تعرف يبه خلاص أنا تخرجت من الجامعة .. و تعرف ان ابو سعد وظفني أنا و نواف في شركته ..
(( ابو سعد هو صديق أبوي .. )) ..
ابو نايف : و الزبدة أعرف كل ذا ..
نايف : يبه .. أنا .. أبـ .. أبي أتـ ..
صرخت بأعلى صوتي ..
نواف : يـــــــــبــــــي يــــــتـــــــزوج ..
ابو نايف مبتسم : انت شجابك يا السوس هااااه ..
ناظرني نايف و هو مبتسم ..
نواف : جابتني رجولي ..
ام نايف : أنـــزل بس أنــــزل ..
رحت لهم و جلست جنب نايف ..
ابو نايف : زين منهي اللي تبيها و لاّ بتخلي أمك تختار لك ..
نايف : والله بصراحة يا يبه أنا أبي بنت خالتي سما ..
ام نايف : بنت خالتك منهي .. عندها البتول و الهنوف ..
نايف : لا أبي البتول ..
نواف : و أنا أبي أتزوج بعد ..
نايف : الله يعينك على غيرتك مسرع جيت تقلدني ..
نواف : ايه بقلدك .. و الله ما أخليك تمر بهذه المرحلة لوحدك ..
ابو نايف : زين انت من تبي ..
نواف : الهــــنـــوف ..
ام نايف : متـــأكد مو لازم تكون مثل نايف في كل شي ..
نواف : شدعوة يمه قالوا لك نواف بـــزر .. لا أنا أبيها عن طيب خاطر ..
ابو نايف : زيــــن يوم الإثنين بنروح نخطبهم ..
نواف / نايف : لاااااااااااااااااا بـــكرة تكفى يبه ..
ام نايف : ههههههههههههههههههه لا تخافون ما بيطيرون ..
نواف : تـــــــــــكـــــــفـــــــون ..
نايف : نـــــــخـــــيــــنـــــــاكـــــــم ..
ابو نايف : هههههههههههههههههههههههههههه خلاص مثل ما تبون بس اذا ما راح كل واحد على سريره
هالحين انسوا موضوع الزواج كله .. الا بعد سنه ..
فزينا أنا و نايف على غرفتنا .. أول ما دخلنا .. ناظرنا بعض و ابتسمنا .. مسك يدي ..
نايف : نواف متــــوتـــر ..
نواف : هههههههههههههههههههههههه والله مثلك ..
ضحك و راح على سريره و غطى نفسه ..
نايف : ههههههههه الله يعين ما بيجيني النوم .. يالله تصبح على خير ..
ابتسمت و رحت على سريري و غطيت نفسي ..
نواف : و انت من أهله ..
************************************************** *************
نهآيه آلبآرت السآدس عشر ..
آن شآء الله عجبكم '$
آلبآرت السآبع عشر ..
************************************************** *************
.. (( تــــــركـــي )) ..
إلياس : يـالله عاد تركي تعال ..
تركي : قــســـم بالله مالي خلق .. تكفى إلياس خلها مرة ثانية ..
إلياس : ايييييييييه هذه كلمتك دوم خلها مرة ثانية و لا عمرها جات هالمرة الثانية تكفى لازم تشوفه ..
تركي : زيـــن ان شاء الله بجي بس كافي لا ترجني ..
إلياس : اذا ما جيت صدقني بزعل حيل منك ..
تركي : لااا كلش و لا زعلك بجي خلاص ..
إلياس : ايه ناس ما تجي الا بالعين الحمراء هههههههههههههههههه ..
تركي : هههههههههههههههههههههههههههه حأعديها لك هالمرة ..
إلياس : و كل مرة .. يالله أحتريك ..
تركي : زيــــن ..
قفلت من عند إلياس و أنا داش الصالة .. جلست و مسكت الريموت و جلست أقلب في القنوات ..
كان يبيني أجي عنده .. اليوم عازم أولاد خالاته و بعد أولاد أعمامه و عماته .. و يبيني أجي ..
يووووه مره مالي خلق بس هو يبيني أشوف خالد أخو الحبيبة .. على قوله || تركي لازم تشوف نسيبي || ..
ههههه مصدق روحه من الحين .. قمت و لبست الشماغ و العقال و تشخصت و مشيت لبيتهم ..
بس قبل لا أوصل بيتهم .. مريت على بيت خالتي لأنه بالطريق .. تذكرت فطيمه لازم أروح أعلمها السنع ..
وصلت ضغطت عـ الجرس .. فتحت لي الخدامة و مشيت ..
دخلت الصالة و من حسن حظي اني لقيتها أول وحدة .. و ما في خالتي لأني أحب أعلم السنع بطريقتي .. !!
تركي : فـــاطـــــمــــة ..
شفتها نطت من مكانها و ناظرتني و جلست تقزّ و الله لو ريمان كان طارت من قدامي بأسرع ما عندها ..
فاطمة : خيــر شفيك تنافخ .. الناس يدخلون و يسلمون عقب يسألون عن الحال .. مو مثلك يا دافع البلى تدخل
تهاوش .. ثم شتبي مني ..
ناظرتها من فوق لتحت .. و ببرود جلست فوق الكنبة و أنا أضبط شماغي .. و هي جلست تناظرني محروقة ..
جلست ألعب بجوالي .. عقب تكلمت و ببرود ..
تركي : انت المفروض تبلعين لسانك .. لك وجه تتكلمين ..
فاطمة : ليش شمسوية عشان أبلع لساني .. اللي يسمعك يقول ذابحه لك وااحد ..
تركي : و الله ما أدري شمسوية .. كل اللي أعرفه اني شفتك قبل كم يوم في المول .. لااا و شفت اللّي
جلستي تتبسمين له ..
رفعت عيني لها بحدة عكس نبرتي الهادية و الباردة .. شفتها ارتبكت و جات بتلف للدرج ..
بس و الله مو تركي اللي يعديها .. قمت و مسكتها من ذراعها ..
تركي : قسم بالله يا فطيمه .. هذه المرة راح أعديها .. لكن عقبها و اللي خلقني و ما أكون تركي ان ما حشيت رجلك
حش .. فاهمه و لاّ لا .. تكلمي ..
فاطمة : ايه خلاص .. بس فكني ..
دفيتها عني و طلعت الدرج .. رايح لغرفة خالتي .. دخلت شفتها جالسة على السجادة و تسبح و تستغفر ..
و اللي يشوفها يقول مهيب أم هذه الداشره .. بس هذه خالتي ما تقوى على فاطمة و لسانها ..
رحت لها و غمضت عيونها أبي أفاجئها لأن لي شهرين ما رحت لها ..
أم صالح : هههههههههههههه صالح شتبي منيب رايقه لك ..
مديت فمي .. كــأنّ ما عندها غير صالح ..
تركي : ما عندك غير صالح .. صالح و صالح أزعجتينا به ..
لفت بسرعة علي و سلمت و حضنتني و هي تضحك ..
أم صالح : هههههههههههههه يا شين الغيرة بس .. اشلونك حبيبي والله اني زعلانه منك ..
بعدت عنها و جلست جنبها ..
تركي : أفـــااا وشو له القمر زعلان ..
أم صالح : وينك فيه .. لي شهرين ما أشوفك ..
قمت و سلمت على رأسها و يدها عقب جلست ..
تركي : السموحه خالتي .. بس انشغلت شوي ..
أم صالح : زين كيف العروسة .. أمك قالت لي انها وافقت ..
تركي : ايه وافقت .. هي أصلا يحصلها تركي ..
و ابتسمت بس بسخرية ما لاحظتها خالتي .. قال وافقت قال ..
أم صالح : زيـــن اشلونها ..
تركي : و أنا شيدريني .. مالت على حظي بس .. خلني أحتريها لين تجي ..
أم صالح : بس أمك ما تبيها .. مع أن ريم بصراحه حليوة و بنت مؤدبة و حشيمة ..
ابتسمت .. يا زينك حتى خالتي تمدحك ..
أم صالح : بس ما عليك من أمك يوم تتزوجها بترضى و تتعود عليها ..
تركي : ايه أدري .. الا خالتي لازم أروح هالحين وراي عزيمة ..
أم صالح : ايه عشان كذه متكشخ .. مهيب من عاداتك الكشخة ..
تركي : هههههههههه والله و تحطيم على أصول .. حرام عليك خالتي أنا مو عادتي أتكشح و لاّ صالح ..
أم صالح : لااااااااااااااااااا بعدي والله صالح أحسن منك ..
قمت و أنا أضحك ..
تركي : هههههههههههههههههههه زين و لا يهمك صالح أحسن مني و بمليون مرة .. يالله يا الغالية أنا رايح ..
سلمت على رأسها و يدها ..
أم صالح : في حفظ الله حبيبي انتبه على نفسك و لا تسرع ..
تركي : زين و لا يهمك ..
أم صالح : مع آلسلآمهـ ..
نزلت تحت و لما وصلت آخر الدرج شفت فاطمة ترقص قدام التلفزيون مع اغنية شو هالليلة ..
كانت ترقص برجه .. جلست أناظر رقصها قبل لااسال نفسي أنا شجالسس اسوي الحين لازم أروح ...
مشيت و هي لما انتبهت لي احمر وجهها .. مشيت و فتحت الباب و طلعت و أنا عند سيارتي سمعت اسمي
لفيت أناظر و ابتسمت يوم شفت صالح رحت له و سلمت عليه و هو لمني بحضنه ..
صالح : وينك يا شيخ لك شهرين ما نشوفك ..
تركي : والله جاتني مشاغل .. و اليوم حسيت نفسي فاضي قلت أجي عندكم ..
صالح : أجل تفضل البيت بيتك ..
تركي : تسلم والله بس توي خارج .. وراي عزيمة ..
صالح : أهــااا زين يا الغالي خلنا نشوفك مو تختفي ..
تركي : هههههههههههههههههه لا لاااا تخاف و لو اختفيت تقدر تلقاني سوّي search بس ..
صالح : ههههههههههههههههه رايق ..
تركي : بقوة .. يالله صالح أشوفك في يوم ثاني ان شاء الله ..
رجع سلم علي و ربت على كتفي ..
صالح : في حفظ الله ..
مشيت على سيارتي و رحت على بيت إلياس .. داري بتجيني كم تهزئيه بس يالله .. بس قبل خلني أقول
لكم عن خالتي ام صالح .. هي توفى عنها زوجها و خلاها مع اثنين أكبرهم ما يكمل ثلاث سنين .. جوها
كثير خطبوها بس رفضت و كرست نفسها لهم .. و الحين صالح عمره 26 سنه و فاطمة 24 سنة ..
و فاطمة عليها لسان أطول منها .. بس لما يكون صالح موجود تبلعه .. ما أقول غير الله يعين خالتي عليها ..
**************************************************
.. (( لـنـ السـ 7:20 الفجر ــاعة ـدن )) ..
كنت جالسة مع عمي نحتري خالي و بعد معنا جمّون .. لأننا بنروح المتنزه بعد ما يوصل خالي ..
بتفطر عقب نرد على الشقة .. كانت جمّون سانده رأسها على كتف عمي و مغمضة عينها ..
و عمي يلعب بجواله و أنا سانده نفسي على كتفه الثاني ..
ريمان : آآآآآآآآآآآآآآه تـــ ع ـــبت ..
جمانه : و أنا استويت ..
خالد : هههههههههههههههههههه جد حريم ..
ريمان : ههههههههههههه تسلم يا رجّال ..
شوي قطع علينا صوت المضيفة اللي تعلن عن وصول الطيارة من ليفربول .. قمنا كلنا و رحنا
لجهة القادمين كنت متحمسة .. أخيرا بشوف خالي .. ناظرت عمي كان يلف بعيونه في الداخلين ..
ناظرت جمّون .. كانت حـيـل عادية و مو مبين شي عليها .. رديت عيني على عمي يوم رفع يده
و هو مبتسم و من قلب .. ناظرت قدام شفت واحد يأشر لخالد و هو مبتسم كان مخفف شعره من الجانبين
و في الوسط كثيف و لون شعره أسود .. كان أبيض و عيونه واسعة شوي عكس عمي اللي عيونه ضيقة ..
حط عينه في عيني و ابتسم .. إما أنا مشيت له .. و وراي عمي و جمّون ..
وصلت لخالي و ضميته من قلب و هو حط شنطته في الأرض و لمني ..
خليفة : شحالج يا الغالية .. والله لج وحشه ..
ريمان : والله انت اللي لك وحشه .. اشلونك خالي ..
بعدت عنه و أنا أمسك نفسي عن الصياح ..
خليفة : أنا بخير و صحة .. انت شحالج ..
ريمان : الحمد لله بخير بشوفتك ..
خالد : هلاااا والله هلاااا تو ما نورت لندن ..
ابتسم خليفة و سلّم على خالد ..
خالد : هااااه اشلونك ..
خليفة : تمام التمام و انت ..
ريمان : الحين ما كاّنّكم كنتم مع بعض أمس ..
خالد : ههههههههههههههههههههه ..
خليفة : ههههههههههههههههه هيه جنّآ ..
لف على جمّون و ناظرها لحظات قبل لا يبتسم ..
خليفة : شحالج جمانه .. عساج طيبة ..
جمانه : الحمد لله بخير .. و الحمد لله على سلامتك ..
خليفة : الله يسلمج ..
عقب ناظرنا كلنا .. و شل شنطته من الأرض ..
خليفة : هااااه وين بنسير هالحين ..
خالد : على المقهى ..
شل خالد عنه الشنطه و حوط كتفه و جمّون مسكت يده الثانية أما أنا حوط خالي كتفي و مشينا ..
ركبنا سيارتي .. بس هالمرة مو أنا اللي أسوق لاااا .. عمي اللي يسوق و خالي جنبه و أنا و جمّون ورى ..
وصلنا و جلسنا على طاولة دائرية أنا و جمّون جنب بعض و خالد و خليفة مقابلنا ..
خليفة : و الحين جم بجي لكم ..
جمانه : خلاص بقي ذا الأسبوع و ننتهي من يصدق كيف مرّت الأيام بسرعه و الله وناسة أخيرا بنرد السعودية ..
كانت جمّون تتكلم بعفويه .. لكن خالي كان يناظرها و هو مبتسم و واضح مستانس بشوفتها يا ويلي عليه ..
والله انه ما يحشم ناظرت عمي كان يناظر خالي و هو مبتسم و رافع حاجبه .. و شوي قرّب و همس لخالي بشيء ..
و خالي جلس يضحك ..
خليفة : هههههههههههههههههههههه زين السموحه ..
خالد : ههههههههههههههه قم بس جيب لنا شي نأكله ..
خليفة : لا والله هالحين أنا ياي من سفر .. من المفروض يسير ..
خالد : انت .. يالله تحرك ..
خليفة : كـ عادتك ترمي كل شي عليّ أناا ..
قام خليفة .. و أنا قمت بروح معه ..
ريمان : خالي خذني معك ..
مد يده و هو مبتسم و لمني له و مشينا نشتري ..
ريمان : خالي الله هداك .. لا تجلس تقز طول الوقت ..
خليفة : ههههههههههههههههههههه والله مهوب بيدي .. أنا يالس أطالعها عادي ..
ريمان : ايييييه واضح ..
خليفة : ههههههههههههه اممممممممم شوه رآيج نشتري شوه ..
ريمان : اممممممممم ما أدري .. بس خلنا نشتري معجنات و كوفي ..
خليفة : انزين ترييني هني .. أشتري و أيبج ..
راح اشترى و رجع .. و حنا راجعين لعمي و جمّون تذكرت أولاد أخوالي ..
ريمان : ايه صح .. خالي كلمت أولاد أخوالي ..
خليفة : نــــوب .. بعدني ما رمستهم ..
ريمان : ليــش .. و الله متحمسة أشوفهم ..
خليفة : بالله عليج ما تذكرينهم ..
ريمان : لا .. ما أدري حاولت أمس أتذكر أولاد أخوالي كلهم بس يمكن اذا شفتهم أعرفهم ..
.. : عــمــي خــلــيــفــة ..
لفينا على ورى و انصدمت يوم شفت هيثم و فارس .. كانوا يمشون بسرعة لنا .. ناظرت خليفة و هو ابتسم ..
خليفة : جوفيهم أولاد أخوالج .. يوا بنفسهم ..
وصلوا لنا و خليفة ناولني الأكياس و ضم فارس عقب هيثم .. كان هيثم يناظرني باستغراب ..
عقب ناظر خالي يوم تكلم ..
خليفة : الطيب عند ذكره .. شحالكم يا شباب ..
فارس : بــخيـــر و انت ..
خليفة : شرات ما تجوفون .. ما أشكي بأس ..
هيثم : عمي شتسوي هني في لندن ..
تخصر خالي و ناظرهم بقهر .. و قلد هيثم و صوته الهادي ..
خليفة : عمي شتسوي هني .. و الله يبــا لكم طراق انت ويّاه .. جيه ما قلتم لي انكم هني في لندن ..
فارس : والله هب شغلنا .. انت ليش ما رمست و قلت انك بتيي ..
خليفة : يعني حرام الواحد يفاجئكم .. بس انتم ما تنعطون ويه ..
ابتسموا اثنينهم .. بس هيثم ناظرني و ناظر خالي بنظرة تساؤل .. و خالي ضمني له و بكذه أحرجني قدامهم ..
خليفة : خمنوا منوه هاي ..
هيثم مد فمه بملل .. أما فارس قال بطنازة ..
فارس : مـــرتـــك ..
خليفة : ههههههههههههههه الله يغربلك يا فارسوه .. يالله عاد خمنوا ..
هيثم : ما ندري بس هي ويّانا في الجامعة .. " و ناظرني و ابتسم " صح ريمان ..
خليفة : ههههههههههههههههه لا و تعرف اسمها بععد .. انزين يا شباب .. هاي بنت عمتكم ..
حسيت عيونهم بتطلع من مكانها من الصدمة ..
فارس / هيثم : شــــــــــــوه .. ؟؟!!
ما قدرت أمسك نفسي عن الضحك .. كانت أشكالهم تجنن ..
ريمان : ههههههههههههههههههههههههههه ..
ناظرني هيثم و بنظرة مليانه حنيه و لمعة أول مرة أشوفها .. تبون الصراحة خلتني أموت من الحيا ..
هيثم : تضحــكــين .. !! لا يكون تعرفين من البداية ..
خليفة : ههههههه لا والله ما تدري .. عاد لو تجوفونها يوم عرفت شرات الهبلة تطالع عمها ..
الا أنتم وراكم سوالف اشلون عرفتم اسمها .. " و ناظرني " .. لا يكون مضايجينج يا ريم ..
فارس : هااااه .. لا ماشي شي ..
خليفة : شوه ماشي شي .. اشلون عرفتوها .. ريم اشلون عرفوج ..
ناظرت هيثم اللي ابتسم ببراءة و ناظر فارس .. أما فارس ناظره و هو ماسك ضحكته و مبين هذا الشي ..
ريمان : عرفوني و بس ..
خليفة : لا والله ..
ناظرت خالي ببراءة و تكلمت ببراءة أكثر ..
ريمان : ايه والله ..
خليفة : ههههههههههههههههههههههههه ارحموني بس .. البراءة واضحة في ويوهكم انتم الثلاثة ..
ضحكنا كلنا عقب شل خليفة عني الأكياس .. و ناظر فارس و هيثم ..
خليفة : تعالوا بس يلسوا ويّانا .. " مشينا كلنا " ..
فارس : منو ويّاكم ..
ريمان : عمي خالد و جمّون ..
هيثم : عمج .. !! " و ناظر خالي " .. هو ربيعك عمي ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك