رواية لاتمثلين احتياجج لي وانتي بحضن غيري مقزرتها -15
مشاري : خاالتي .. وهاذي بعد تعدينها خالة .. ماتذكرين شسوت بأمي ..
ام علي : أنت صج ماتستحي على ويهك .. وماعرفت تربيك أمك
مشاري يصارخ : أقول أنتي الي أمج ماعرفت تربيج .. لو كانت عارفة تربيج جان ما طعنتي أختج بشرفها
أم هوازن قربت من مشاري وعطتة كف
مشاري : .....
ام علي : أنت الظاهر ماتعرف شي عن أمك .. ايي معذوور شبتقولك .. بتقولك عن سواد ويها
مشاري صارخ : لحد يتكلم عن أمي بهالطريقة أمي أشرف منكم كلكم
ام علي : طير زين
.................................................. .................................................. .........
( بالسرداب )
فاطمة : أنت موشايف ويهك شلون متغير .. علي خلاص .. أنسى .. مبين انها ماتحبك
علي : انتي شفيج .. شفيج على البنت .. فطوم ممكن ماتتدخلين وتخليني أحل مشاكلي بروحي ..
فاطمة : لا بتدخل وبتدخل .. عيل تبيني أشوف أخوي الوحيد قاعد ينذل وينهان جدامي وتبيني أسكت .. لا حبيبي والله لروحلها وآخذ حقك منها
علي : فطوم عاد سمعيني وحطيني على بالج .. مني وبس .. ترى والله أذا تدخلتي أخذ بيني وبين أشواق بطلع لج ويهي الثاني
فاطمة : شنو .. علي ليش تكلمني بالهطريقة .. هاذا وماصار شي وأنقلبت عليي .. لو باجر تزوجتها
ثنيان نازل من الدري : هلاا شبااااااب
فاطمة مصدومة : هلا :11:.,
علي : أووووه ثنيان
ثنيان : ايي شرايك باللوك اليديد ...
فاطمة : لاااااااااااااااااااااااااااااااااااااا موووصج .. ثنيان يالخاايس شمسوي بروحك .. واااااي صاير تهبل
ثنيان : هههههههههه نيو لوك .. أظبطج بس شرايج بالقصة اليديدة ..
فاطمة : زوووغه والله زووغه ..
علي : والله وكبرت ثنيان .. زين غيرت شكلك صرت ستاايل .. الا مشاري وينة ماشفتة
ثنيان : مادري والله شكلة طلع ..
علي : عاد بغيت أسلم عليه من زمان ماشفناه
ثنيان : دق عليه شوف وينة
علي : لا خلاص خلها وكت ثاني .. يلا أنا أستأذن بروح فوق
ثنيان : أذنك معاك
....
فاطمة : يالخايس ثنيان كل هالسوالف وخاش عني ماقتلي شي .. وينك بالبي بي أشوفك بس وكت الحاجة تدز بنقات
ثنيان : فطوم كل شي صار بسرعه بسرعه
فاطمة : وشنو الحين بتسوي بتكلمها
ثنيان : اي بكلمها وبذلها نفس ماذلتني بس نطري عليي .. أهيا الحين ولا بعدين راح تتصل لانها عرفت أني أخو مشاري .. وبما أنها تحب مشاري أكيد بتقهرة وبتكلمني .. وبعد ماتخلص هالخطوة راح تيي الخطوة الي وراها
فاطمة : شنو هالخطوة
ثنيان : كل شي بوكتة حلو ياحلو .. فطوم من زمان مو قاعدين مع بعض والله فقدج ليش ماتمرين
فاطمة : شدراني كل ماقول حق أبوي بمركم يقولي أنثبري بالبيت أحسن
ثنيان : ليش .. شنو أهو مايبيج تزورينة
فاطمة توهقت : لا لا شكو .. بس يقولي أنثبري درسي .. مو عشان شي
ثنيان : أهاا أوكي .. يلا أمشي خل نتغدى حدي يوعان
.................................................. .................................................. ..........
( بيت أشواق .. بالتحديد عند باب البيت *
أشواق : يلا كاني بس خل ألبس عباتي
عادل : ماشي عيل .. خل أشغل السيارة .. أنطرج بالسيارة
أشواق : اوكي ..
( يمكن تقولون عني غبية .. متهوة .. ماعرف أتصرف .. أدري .. بس لاتسألوني شلون طاوعني قلبي وركبت مع عادل السيارة عقب الي سواه .. مرات الانسان قلبة الي يقودة م عقلة .. وبهالحالة قلبي الي قادني وركبت السيارة معاه .. وركبنا السيارة.. والجو كان هادي .. وبعد نص ساعه وصلنا المخفر )
عادل : يلا نزلي نطريني منيه أنا أسفط السيارة وأييج
أشواق : اوكي ماشي
( وبهاللحظات الي عادل تركني فيها تذكرت الي صار .. تذكرت علي عند باب البيت .. أنا شسويت .. ليش طردتة من البيت .. لالا أنا ماكنت غلطانة .. علي وايد قام يتمادى .. قام يتصرف وكأنة المسؤول عني .. واااي خلاص مخي بينشل من التفكير .. انا ليش موقادرة أشيل علي من بالي .. )
عادل : أشواق
أشواق ماكانت منتبها : ....
عادل : أشواق
أشواق : هاا .. هلا
عادل : يلا أمشي
أشواق : اييه اييه أوكي
......
( مخفر السالمية .. بالتحديد الزنزانة الي فيها بو أشواق )
بو أشواق من شاف أشواق ركض لها ومسك أيدها وقعد يبوسها
: يبا أشواق شلونج .. جذي يبا ماتزويني .. اي ماصدقتي لى الله يقطوني بالسجن وترتاحين مني
أشواق : لا يبا لاتقول جذي .. والله أني مانام الليل وانا أفكر فيك .. شلونك يبا .. انشاءالله مرتاح منيه
بوأشواق : الحمدالله يبا .. الحمدالله .. السجن أبرك لي من القعدة بالبيت .. انتي طمنيني عليج .. محتاجة شي .. مظايقج شي
أشواق : لا الحمدالله .. ام أحمد ماقصرت وياي
بو أشواق : أصيلة . طول عمرها أصيلة وقايمة بواجبها
أشواق : اي والله يبا .. تفضل طابختلك مجبوس من أيدي
بو أشواق : تسلملي ايدج يبا .. ( دمعت عيونة * : أشواق عقب كل الي سويتة وليلحينج تحبيني يبا
أشواق ( حسيت بغصة .. ماقدرت أتكلم .. وبعد مابلعت ريجي بكل حرارة قتلة ) : انت عزوتي وانت أبوي .. أذا ماحبيتك بحب منو يايبا .. أكيد بحبك ولو تحط السجين على رقبتي وتذبحني بتم أحبك ..
بو أشواق : آآآآآخ .. انا صج كنت غبي .. هلذهبة كانت جدامي طول هالسنين وماعرفت اعاملها نفس الناس
أشواق : بس يبا لاتقول جذي ترى والله عورت قلبي
بو اشواق : الحسنة الوحيدة الي سوتها أمج أنها خلتج معاي
أشواق : ههههه .. زين طلع منها شي
بو أشواق حط أيدة بمخباتة وطلع مفتاح : يبا شفتي هالمفتاح
أشواق : اي يبا شفيه
بو أشواق : هالمفتاح مال الصندوق الي فوق كبتي .. هالصندوق راح تشوفين فيه صورة أمج الي كنت خاشها عنج ... وعنوان بيتها أذا ماغيرتة
أشواق : وليش .. ليش عقب هلسنين
بوأشواق : لاني ماضامن عمري .. ومن بعد عيني لازم تكونين تحت ظل أحد
اشواق : يبا لاتقول جذي لك طولة العمر أنشاءالله
... : أنتهت الزيارة
أشواق : يبا تامرني على شي
بو أشواق : آخر طلب يبا .. أذا عادل طلب أنا يتزوجج لاترفضين .. ترى عادل راح يعيشج مثل الملكة .. راح يغنيج عن كل شي ..
أشواق : بس يبا
بو أشواق : مع السلامة
.................................................. .................................................. ..........
( السكن الجامعي )
جوان : حسنا ألى اللقاء وشكرا على الدعوة
جاك : لا شكر على واجب
جوان : أراك غدا بالجامعه
جوان : حسنا ..
جاك قرب وباس جوان على خدها :$:$:$
أعتني بنفسك جيدا
جوان : انت أيضا
......
جوان ( بطلت باب الغرفة ولا أشلي قاعدة على فراشي وحاطة اللاب بحضنها .. )
جوان : ماذا تفعلين هنا
آشلي : تعالي .. كيف كان اللقاء
جوان : عادي :$
آشلي : أريد التفاصيل
جوان : لا شي مهم
آشلي : آآه منك جوان .. لماذا لاتريدين أخباري بالتفاصيل
جوان : هههه .. حسنا .. تغدينا وتمشينا ..
آشلي : وايضا
جوان : وقالي لي بانه يحبني
آشلي : ياااااااااااااااااااااااااااااااااااااي
جوان : نعم .. وانتظري .. قام بتقبيلي تواً
آشلي : ونااااسة ..
جوان : هههههه .. يلكويتية ماعبر
آشلي : ههههههه ..
جوان : أممممم .. كيف حالك أنتي وجراح
آشلي : بخير
جوان : قبل قليل رأيت جراح وأخبرني ماحصل بينه وبين الدك
آشلي توهقت : ماذا .. متى .. وماذا قال لكي
جوان : قال لي كل شي .. آشلي أنا أعرف جراح جيدا .. لم يقصد بأن يجرح مشاعر والدك
آشلي : اأأأه .. وأنتي ماأدراك .. لقد تعمد ..
جوان : آشلي لاتتصرفين بهذه الطريقة .. صدقيني أذا تعاملتي مع جراح بهذه الطريقة فأن هلاقتكما لن تستمر
آشلي : جوان انتي لاتعرفين شيئا ... جراح يحبني ومهما فعلت لن يخلى عن حبه لي
جوان : وهناك أيضا سؤال يحيرني
آشلي : أوووه هل أنت تحققين معي
جوان : لا ولكني صديقتك ..
أشلي : ماذا هناك أيضا
جوان : هل تصالحتما أنتي وجراح
آشلي : بالطبع لا
جوان : أذا قبل قليل .. قبل أن أخرج مع جاك ألم تقولي بأنك كنتي تتحدثين الى جراح بالهاتف .. كيف وانتما متخاصمان .. وعندما أخبرتك عن جراح قلتي بأنكما على مايرام
آشلي : جوان .. بلييز خلاص .. لا أريد التحدث بالموضوع
جوان : آشلي .. هل تلعبين لعبة مع جراح
آشلي : ههههههه ماهاذا الكلام
جوان : أجيبي بنعم أم لا
آشلي : وأن كنت ألعب معه .. ماذا ستفعلين .. هل ستقولين له بأن آشلي لاتحبك ولا تعشقك وانت مثل الاهبل تلحقها من مكان اللى مكان
جوان : أيتها الحقيرة .. سوف أخبر جراح بكل شي ..
آشلي : وهل تظنين بأنه سيصدقك
جوان : بكل تأكيد
آشلي : أذا أريد أن اخبرك أمرا آخر .. بالطريق قومي بأخباره بأنيي أجهز له مفاجآة
جوان ( قثتني حيل .. حقيرة . قربت منها بلتها كف ولا تمسك أيدي ) : ياحقيرة
آشلي : لاتفكرين بأن تضربيني .. ووفري عناء أخبار جراح لانه لن يصدقك أبدا .. هل تفهمين لن يصدقك أبدا
جوان : أخرجي من غرفتي .. اخرجي ( طلعتها من الغرفة .. مادري شسوي .. شقول حق جراح .. راح يتحطم اذا عرف حقيقة آشلي .. لاا ماقدر أقولة .. بس لازم أقولة .. ماقدر أخليه على عماه .. مرات الانسان يكون مخير بين شيين .. أن قتلة واويلاه وأن ماقتلة هم واويلاه .. يارب ساعدني )
............................................
جراح : آشلي
آشلي : جراح حبيبي انا آسفة جدا على ماحصل .. هل أستطيع أن أراك
جراح : بكل تأكيييد
.................................................. .................................................. ..........
( بيت بوهوازن )
على السفرة
علي ( كل دقيقة أطالع تلفوني .. قلت يمكن تتصل .. بمكن تدز مسج .. يمكن يحن قلبها عليي .. بس ماكووو .. )
بو هوازن : يبا علي ليش ماتاكل
علي : الحمدالله شبعت
بوهوازن : بس ماشفتك كليت شي
علي : ماكل بالجامعه .. عن أذنكم
..
ام علي : مادري شفيه هالولد هالأيام جذي منقلب حالة
ام هوازن : أنتي قعدي معاه يما .. أكيد يمر بحالة صعبة
فاطمة : ماما لاتحاتين خلي علاوي علييي
ام هوزان : على ايدج ..
ثنيان : أنا بعد الحمدالله شبعت
بوهوازن : ماشاءالله عليك زين ماكليت الصحن
ثنيان : بابا عود قول ماشاءالله
الكل : هههههههههههههه
..............................................
رن تلفون علي
علي : ....
أشواق : قوة علي
علي بنفسية : هلا
أشواق : شلونك
علي : تمام
أشواق : من زمان ماشفتك
علي : بس قبل شوي كنت شايفج ولا نسيتي
أشواق : امممم .. علي انا داقة أعتذر منك على الي صار .. والله ماكان قصدي أكلمك بهالطريقة .. بس كنت منفعلة
علي : أشواق أنا ماني طوفة هبيطة عندج .. وكت ماتحتاجيني تدقين ووكت ماتحتاجيني طاقتني بالطوفة .. ترى انا أنسان وعندي مشاعر
أشواق : عليي منو قال أنك طوفة هبيطة .. علي أنت كل شي بحياتي والله انا .....
علي : انتي شنوو
آشواق / انا أعزك
علي : شفتي أشواق .. منتي قادرة تنطقين فيها .. خلاص أشواق انا تعبت والله تعبت معاج ..
أشواق : اسم الله عليك من التعب .. فيني ولا فيك يانظر عيني
علي : أشواق انا الحين بسكر ماقدر أكلمج .. انا مع اهلي
البارت الثاني و العشرون
:$:$
.,
هوازن ( على فكرة أنا كنت قاعدة بالصالة الي فوق صالة الغدى وسمعت كل شي .. ليلحيني أعاتب ام علي ألي اهي أختي على هالكلام .. كبرنا وعيالنا صاروا اطول منا وليلحينها تعيارني لاني حبيت .. اي لاني حبيت .. الحب لا حرام ولا عيب .. والقلب ماينطر الاشارة عشان يهوى .. القلب من يطق بابة يهوى .. ام علي تزوجت بو علي يوم كان عمرها 17 سنة ماشافت من الدنيا شي .. ماعرفت الحب ومعناته ., لكنها لو عاشت الي أنا عشتة جان ماتكلمت ولا عايرتني .. بس شسوي هاذي الدنيا .. بس الي كسر خاطري وليدي مشاري .. اييه تذكرت سعد أبو مشاري .. ياحسرتي على وليدي .. ام علي دامها قطت هالكلمة عسى ماتبطل صفحات قديمة وتصدم وليدي .. بس أم علي ستري على المستور ترى كما تدين تدان يوخيتي .. )
.................................................. .................................................. ..........
( شاطئء عقيلة )
مشاري ( لأول مرة تنزل دمعتي الحارة على خدي من بعد وفاه أبوي .. اي نزلت دمعتي الحارة لان الغارية الي فيني ماسمحتلي أسمع هالكلام عن أمي وأسكت .. ياريتني أعرف السالفة الي يدي بغى يقولها لي .. بس مرات الانسان لو مايكشف الممستور يكون أفضل وأحسن .. بس انا ماراح أسكت اليوم راح أقعد مع يدي وأعرف السالفة كلها .. منو اهيا عشان تعايرني بأمي .. انا ماراح أسكت لازم أبطل الصفحات المدفونة من حياه أمي .. ولازم أدور الحقيقة .. )
.................................................. .................................................. ..........
( أمريكا لوس آنجيلوس )
جوان ( وانا بعد مثل حالة مشاري .. لازم أبطل صفحات قديمة وأعرفف آشلي شنو الي تبيه من جراح .. انا اليوم بس ولا أقول من هاللحظة لازم أقول حق جراح عن كل شي قالتة آشلي لي قبل لا تسبقني وتلف راس جراح علييي .. بس ياربي شنو هالحظ .. كل مادق التلفون خارج التغطية .. انا لازم أروح أدور جراح )
....
آشلي ( مسكينة جوان .. انها لاتعرف مالذي يدور بذهني .. بهذه اللحظة كنت مع جراح نستمتع بالهواء الطلق * )
جراح : آشلي لقد قربت الساعه وحان موعد عوتي للديار .. انه فقط شهر واحد وسأعود للكويت سأفتقدك كثيرا
آشلي : وانا أيضا حبيبي سأفقتقدك .. أممم جراح
جراح : عيون جراح
آشلي : هناك شيء يشغل بالي ولكني لا أعرف ماذا أفعل ... لقد جلست طويلا بيني وبين نفسي أفكر هل أخبرك أم لا
جراح : ماذا هناك .. لاتخبئي شيئا عني .. اخبريني بكل شي ..
آشلي : الموضوع يخص جوان
جراح : مابها جوان
آشلي : جوان على علاقة مع جاك
جراح : وأن يكن
آشلي : امممم .. حسنا أنها تتمادى بعلاقتها مع جاك .. ليلة البارحه قامت بتقبيله على شفتاه .. وعندما رأيتها وأخبرتها بأن هاذا الفعل مشين ويتعارض مع دينك أخبرتني لا عليك .. وجراح هو السبب
جراح : أنا السبب .. لماذا :@:@
آشلي : قالت بأني سأنتقم من جراح لانه أحبك وتركني .. وقالت هاذا الكلام أمام جاك أيضا وأذ لم تصدقني سوف أتصل به الأن
جراح :@ : لا اني أصدقك .. جوان تمادت كثيرا .. لن أتهاون معها أذا وصلنا للكويت سأخبر أخاها عن أفعالها الشنيعه.. وكيف تقوم ببناء علاقة مع هاذا الشاب الكل يتحدث عن أخلاقه السئية بالجامعه وخارج الجامعه
آشلي : وما أدراني .. نعم لقد تذكرت .. عندما قلت لها بأن جراح لم يقصد بأن يجرك قالت فليذهب للجحيم أبن السا.......
جراح وقف على حيلة وعصب : ماذا .. انا أبن الساا .... لا أصدق بأن جوان تقول هاذا الكلام .. أراويها .. جوان أنتي يطلع منج كل هاذا
آشلي : جراح حبيبي لم أخبرك بهاذا الكلام لكي ألفق المشاكل بينكم ولكني لم أتحمل بأن أراها تتكلم عنك بهذه الطريقة
جراح : أنا أروايج ياجوان .. انا أراويج .. حسنا أشلي أنا ذاهب الأن
آشلي : الى أين
جراح : الى جوان .. يجب أن اوقفها عند حدها كي لاتتمادى ..
آشلي : ولكن جراح
جراح : لاعليك .. لاعليك
.................................................. .................................................. ..........
آشلي : حسنا لقد تمت الخطوة .. أذهب لها الأن ولا تنسى عندما تراه قم بتقبيلها
جاك : حسنا ً
.................................................. .................................................. ..........
( بيت أشواق )
أشواق ( ماني قادرة انام .. افكار تييبني وأفكار توديني .. الاعجاب غير عن الحب والعشق .. ماني قادرة أحدد مشاعري اتجاه علي .. يعني لمن أشوفة ماحس قلبي يفز له .. لم أشوفة ماحس أني أتخصبق مثل ماأشوف بالأفلام .. الشي الوحيد الي أحسة من ناحية علي اهو الأمان .. اي أنا أحس بالأمان من قرب علي مني .. بس معقولة هالأمان أهو بداية الحب الي بينة .. يمكن .. كل شي جايز )
.........................................
( بيت بوعلي .. الساعه 11 مساءأ )
بو علي : شرفتي حجية
أم علي : اي شرفت ..
بو علي : حمدالله على السلامة
ام علي : الله يسلمك
علي : انا رايح غرفتي
بوعلي : وانت شفيك جذي لا سلام لاكلام وتتكلم من غير نفس
علي : السموحة يبا بس تعبان شوي .. مو نايم هاذي قعدتي من الصبح
ام علي : روح نام يما أرتاح شوي .. صج تعبت وايد .. بس مو تنسى باجر الجمعه عشان تروح المسجد تصلي
علي : لا ماني ناسي يما .. تصبحون على خير
فاطمة : أمممم ..
ام علي : شفيج أنتي بعد
فاطمة : ولا شي .. :$
بو علي : شلون عمي وخالتي
ام علي : يسلمون عليك .. وأمي تقول المرة الياية تعال زورها ترى من زمان ماشافتك
بو علي : أمج عارفة رايي بالموضوع
ام علي : قتلها .. يلا عيل انا استأذن تامرني على شي
بو علي : سلامتك
فاطمة ( هاذي اللحظة .. وأخيرا أمي بتصعد الغرفة .. واخيرا راح نتم بروحنا .. انا لازم أقول حق امي كل شي .. علي قاعد يموت جدامي كل يوم وأنا ساكتة .. محد راح يبعد أشواق عن طريج علي غير أمي .. بس يافاطمة أنتي تدرين سعاده علي مع أشواق .. ياربي موقفي صعب .. مادري شسوي )
....
علي ( صعدت غرفتي حطيت راسي على المخدة ومافارقت عيني صور أشواق .. بعرف شنو السر ورى أشواق .. ليش موراضية تقولي أحبك .. انا بنطر وبنطر وبتحمل .. بس المهم انها تكون قريبة مني .. ... .. شنو هالصوت .. جنة احد قاعد يطق طريشو غرفتي )
أشواق ( أييه هاذي أنا .. شفت ليت غرفة علي ينور قلت أتحرش فيه .. خذيت صخر من الارض ونفس الافلام الاجنبية قعد احذف الصخر على دريشة علي )
علي ( طليت من الدريشة ولا أشوف أشواق تطل عليي من حوش بيتهم وتظحك .. بطلت الدريشة ولا بأبتسامتها المشرقة كالعادة وأسنانها البيض الي مثل اللولو .. وعيونها العسلية مثل العسل ... دايما أشواق جذي .. تطالعني وبكل نظرة تخليني أذوب من اناظر عيونها )
أشواق : بس بس
علي : ههههه شنو قطو عندج تبسبسين
أشواق : عشان محد يسمعنا
علي : شعندج قاعد تتحرشين
أشواق : ماكو شغل .. أممم أنت بعد عندك شغل
علي : لا ماكو فاضي
أشواق : عيل شرايك تصعد السطح وتشقح سطح بيتنا
علي : ههههههههه .. وانتي تطلين على بيتنا حسستني قاعدين بالفرية يوم هند تطل على صالح الملا ويتصروع من حياه الفهد ..
أشواق : هههههههههههه .. علي شكو .. حدك مظيع .. المهم يلا أنا ناطرتك فوق ..
علي : يلا سرينا
.................................................. .................................................. ..........
( بيت جاسم )
قمر : مادري شسوي ألحين أدق ولا ماأدق .. أنا شفيني شنو باخذ خيرة ... أكيد بدق
: تووووووووووت ... تووووووووووووووووووت
( بكل رنة فون قلبي يرن معاها )
..
ثنيان : ألووو
قمر : هلا ثنيان .. شلونك .. انشاءالله ماأزعجتك
ثنيان : هلا فيج .. والله الحمدالله تمام .. لا مافيها أزعاج .. اصلن متمل زين دقيتي
قمر : ههههه .. يعني ييت بوكتي
ثنيان : اووف حدج .. بس شلون قمر بجلالة قدرها نزلت من مستواها ودقت على ثنيان البريعصي
قمر : منو يقول
ثنيان : مو هاذي كلمتج .. ههههه ترى وايد صايرة تنسين ..
قمر : خلاص ثنيان .. أنسى كل شي وخل نفتح صفحة يديدة
ثنيان : نفتح صفحة يديدة وشورانا .. هههه
( وتمينة نسولف من الساعه 11 لي الساعه 3 الفجر .. ماحسينة بالوقت ... ماقدر أوصف لكم سعادتي وانا اكلم قمر .. وقمر بعد أسلوبها بالتلفون غير .. مادري أحسها تحط الغروور الي تتصنع فيه بالمدرسة على جانب وتتكلم .. قمر قالتلي كل شي عن حياتها وقالتلي عن فقدها لامها وأهي صغيرة .. حسيت فيها لاني بعد فقدت ابوي .. كسرت خاطري .. مادري ليش حسيت أني زحت مشاعر الكره لها وحاولت أجردها من كل غرورها .. حطيت في بالي هدف .. وهدفي أهو أني راح أعدل قمر .. بخليها أنسانة أحسن على أيدي .. )
.................................................. ...
مشاري ( بهالوكت الي قاعد يرضع فيه ثنيان أنا كنت ليلحيني قاعد على البحر .. قاعد أفكر بالدنيا وشلون اهيا صج دنية .. وشلون الناس قاعد ياكلون بعضهم .. وشلون القيم تغيرت والعادات والتقاليد صارت بالأرض .. قعد أستغفر ربي على كل الذنوب الي سويتها .. وأنا اتأمل البحر قعد يمي واحد فيه بالأربعين .. كان يتكلم بالتلفون .. عاد انا ملقووف قطيت أذوني معاه )
...... : أنزين أنتي سمعيني لو بس هالمرة .. انا بغير كل الي صار .. سمعيني .. انا والله أحبج والله أحبج
..... : لا تقول أحبج والله قاعد أتعذب من أسمع هالكلمة على لسانك .. بعدين احنا خلاص وايد أشياء واقفة بطريجنا .. وأول هالمعوقات أهم عيالنا .. اي عيالنا
...... : عيالنا .. عيالنا نفاتحهم بالموضوع وأكيد ماراح يوقفون بطريجنا .. اكيد بيتفهمون ولانهم يحبونة أكيد ماراح يوقفون بطريج سعادتنا
...... : بس أنا عيالي غير .. ماراح أقدر أقنعهم .. وعندك امي .. يوم كنا شباب وقفت بطريجنا .. والحين شنو تتوقع منها
...... : أنا قتلج هالمرة راح اوقف بويهم كلهم .. محد بياخذج مني فاهمتني....
مشاري ( ياللاااه .. والله هالريال دش قلبي .. حبيتة .. حبيت تمسكة بالي قاعد يكملها .. طبعا انا أستنتجت سيناريو حق قصتهم وانتجت فلم .. الظاهر يحب وحدة وبيتزوجها وعندهم عيال وخايفين يوقفون بطريجهم .. ايييه هالريال ذكرني بسالفة أمي يوم سألتنا أذا بتتزوج ... هههههه سبحان الله .. شفيهم الأمهات والأبهات متفقين ولا شنوو .. )
...... ( قعدت اطاعه ولفت أنتباهي .. قعد يما على الكرسي وكان الصمت سيد الموقف .. وتنهدت وطالعته ... ولفيت ويهي ولا يقولي )
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك