رواية لاتمثلين احتياجج لي وانتي بحضن غيري مقزرتها -16
طبعا انا أستنتجت سيناريو حق قصتهم وانتجت فلم .. الظاهر يحب وحدة وبيتزوجها وعندهم عيال وخايفين يوقفون بطريجهم .. ايييه هالريال ذكرني بسالفة أمي يوم سألتنا أذا بتتزوج ... هههههه سبحان الله .. شفيهم الأمهات والأبهات متفقين ولا شنوو .. )
...... ( قعدت اطاعه ولفت أنتباهي .. قعد يما على الكرسي وكان الصمت سيد الموقف .. وتنهدت وطالعته ... ولفيت ويهي ولا يقولي )
مشاري : تحبها
..... : الا أموت عليها .. والله الدنيا بدونها ماتسوى
مشاري : عيل شناطر أخطبها
............ : صعبة .. حيل صعبة
مشاري : عيالها .
.... : اي عيالها .. وأمها بعد
مشاري : ويييه حيل صعبة صج .. وليش ماتزوجتوا من البداية
...... : ظرووووووف
مشاري : اي والله ظروووف ... آآخ على الحب أحسة احلا شعور لكني ليلحين ماجربتة
..... : احسلك .. الحب مثل الهوى .. بدونة الاسنان مايقدر يعيش .. وأذا فقد هالهوى خلاص .. يعيش بجسد بلا روح .
مشاري : هههههه .. طلعت شاعر وانا مادري ...
............... : اي عيونها خلتني اخط الشعر .. وأبتسامتها حطت النقط على الحروف .. وحنانها تنسقت أبياتي .. وطيبتها أنتهت حروف شعري
مشاري : أممم لابأس فيه بس ترى موموزون
.... : لو عيونها طاحت بعيوني .. جان انوزنت كل أبيات شعري
مشاري : اوووه أوووه كبيير .. الا ماعرفتني على أسمك
..... : أنا .....
.................................................. .................................................. ..........
( السكن الجامعي )
جوان ( واقفة على اعصابي ناطرة جراح يرد السكن .. وينة الساعه جريب الفجر وأهو ليلجين ماشرف .. وفونة كلة مفصول عن الخدمة .. ولا مغلق .. لايكون صار فيه شي لا سمح الله .. وجان تهدى اعصابي .. جاك جنة حاس فيني .. بكل لحظة أتظايق فيها أشوفة جدامي .. هالريال صج غريب أمرة .. شدراه .. جنة داش بأم أفكاري )
جاك : مرحبا جوان .. لماذا تقفين بالخارج وحدك .. الجو بارد جدا
جوان : جااك يا اللاااه .. جئت في وقتك ..
جاك : ههههه .. كنت مارا لكي أمر باحد المطاعم القريبة وصادفتك
جوان : أمممم هل رأيت جراح
جاك : لاا لماذا
جوان : انه لا يرد على اتصالاته .. كلما حاولت الاتصال به يكون جهازه خارج نطاق التغطية
جاك قرب ولم جوان .. : لا تقلقي حبيبتي .. كل شي بخير بأذن الله
جوان : انا خائفة .. آشلي تخطط لشيء .. اني خائفة ألا تفعل به شي
جاك شاف جراح ولا ينفذ طلب آشلي ويبوس جوان على شفايفها ..
جوان : جاك .. أبتعد .. ماهاذا
جاك : ماذا بك
جراح : ماشاءالله .. ماشاءالله .. صاير السكن سمردحة
جاك : هاا .. هاهو جراح
جوان ركضت عند جراح بتلمة ولا يدزها حيل على الارض .. وينزل على مستواها وبتلها من شعرها
: أنتي الظاهر الأدب والطيبة ماتمشي معاج .. ومن يوم ورايح بطلع لج ويهي الثاني
جوان : جراح شفيك .. شسويت ..
جراح : انا ولد السااا ..... أنا الي بتنتقمين مني .. هاذي آخرتها جوان .. انتي ليش جذي تغيرتي ها ليش .. وانا اظرب فيج المثل .. طلعتي من برا هلة هلة ومن داخل يعلم الله
جوان : جراح خلاص هدني .. أنت شتبي .. فهمني أنا شسويت
جراح : مو هاذا كلامج حق آشلي
جوان : آشلي .. جراح آشلي جذابة .. انا صالي دهر أدق عليك بحذرك منها .. بس فونك كان كلة خارج التغطية
جراح : جب ولا كلمة .. ياية تقطين بلاج على غيرج .. آشلي أشرف منج .. على أول طيارة باجر رادة الكويت .. وأبوج وأخوج يعرفون شلون يتعاملون معاج
جوان : خلاص .. انا زهقت ومليت منك .. انت موراضي تفهم .. وآشلي ساحرتك .. جراح آشلي بتنتقم منك .. آشلي بتدمرك بس مادري شنو السبب .. أهي بلسانها قالتلي .. والله آشلي بتدمرك .. أفهم يا أخي .. أفهم
جراح : أنتي الي دمرتيني بلي توني شفتة .. أنتي من صجج قاعد تمشين مع هاذا العوي .. ماتدرين شيقولون عنة بالجامعه وبالشارع .. ولا بتسلمين روحج حق أي زبالة يمشي بالشارع
جوان : جاك مو زبالة .. وانت بعد سلمت روحك حق آشلي .. على الاقل جاك مسلم .. مو انت قاعد تركض ورى المسيحية .. جاك عارف الله .. عارف شنو يعني التوحيد .. مو المسيحية الي عندك
جراح قرب ولتها كف .. : جب .. خلاص جوان سكتي لا تعورين قلبي أكثر .. لاتطيحين من عيني أكثر .. جوان .. لا تتكلمين سكتي .. عذرج أقبح من ذنبج ..
جوان ( طحت على ريول جراح وترجيتة .. ذليت نفسي عشانة ) : جراح دير بالك من آشلي .. دير بالك لا تجرك معاها ..
جراح : وخري عني جوان .. من يوم ورايح لا أعرفج ولا تعرفيني .. هاذا ىخر كلام بيني وبينج .. خل جاك المسلم ينفعج
جوان : جراح آشلي أهي السبب .. دخلت بيني وبينك .. لا يقص الشيطان عليك وتتهور ..
جراح ( عطيتها ظهري .. عطيتها ظهري والدمعه على خدي .. ريولي كانت تجرني جر .. ريولي صارت ثقيلة .. جوان بلي سوتة هزت كياني .. كسرتني .. جوان أختي واكثر .. والي يمسها يمسني .. أذا مشت ورى جاك راح تظيع .. راح يظيعها .. أي مسلم أي بطيخ .. هاذا مايعرف ربة .. راح تظيع جوان ... ماني قادر أمسكها من أيدها .. كل ماأمسكها تفتلت من أيدي .. يارب ساعدني )
البارت الثالث والعشرون
:$:$ ..
..
( سطح بيت أشواق )
علي ( ههههه .. أشواق ذكرتني بأيام المراهقة .. أيام ال 15 و 16 سنة .. كنت أنط سطح بيتنا وأشرب زقارة عشان ماتجكني أمها .. وبهاللحظة كان أبوها يسهر مع ربعه وأشواق كانت تغني لهم .. ياهي من أيام حلوة .. اي والله أيام حلوة .. المهم خلونا من هالأيام الحلوة ... الساعه كانت 12 بليل .. صكيت باب غرفتي وقفلتة وصعد سطح بيتنا وشقحت سطح بيت أشواق ... طبعا يمكن تستغربون شوي .. بس سطح بيتنا طوفة بالطوفة مع سطح بيت أشواق .. وأذا كان بيتكم نظام بيت عربي راح تفهمون قصدي .. المهم وشقحت السطح ونطرت أشواق )
...
أشواق ( بهالحظة صعدت السطح وشفت عليوي واقف عند طرف العمود .. شكلة ظحكني جنة مرتكب جريمة يطالع يمينة ويسارة .. قلت خل أخرعه قربت منه وقتلة واااه فز من مكانة .. ههههههههههههههه .. مسكين حسيت عيونة بتطلع من مكانها .. )
علي : بسم الله الرحمن الرحيم .. أشواقو خرعتيني شنو هالحركات قلت أبوج طلع من السجن ووطاح عليي
أشواق : ههههه لا أرقد وآمن .. شلونك شخبارك عساك بخير ادري تمام .. وانا بعد تمام الحمدالله .. وانت
علي : هههههه خليلي مجال أتكلم الله يهداج كليتي الجو كلة عليي
أشواق : بس ترى طعم الجو مو حلو
علي : يملقي .. أشواق سكتي لا ألحين أتلج وأقطج من فوق السطح
أشواق : ماتقدر
علي : تتحديني
أشواق : اييه
علي ( تميت أركض وراها وقعدنا نلعب نفس اليهال صيدة مصيدة .. وحسنا على بالضحكات .. حسيت هاذي أسعد لحظات عشتها .. ظحكت أشواق تردلي الروح .. لو شنو تسوي هالبنت أتم احبها .. لا وأحبها أكثر وأكثر )
أشواق : هههههههههه .. خلاص هدني علاوي .. قاعد تدلدغني
علي : أحسن .. عشان لا تتحديني
أشواق :
علي : أنا اليوم بقعد عندج ماني مفارقج
أشواق : اي أقعد لا تروح .. علي لاتخليني بروحي .. انا محتاجتك أكثر من الأول
علي : خلاص جهزي الفرشة لنا خل انام هني
أشواق : صج عاد ..
علي : اي صج .. اليوم بحطج بحضني وبغمض عيوني عليج .. وأذا تحركتي راح اعضج
آشواق : هههههه .. عيل كل ساع بتحرك
...
علي ( حطت راسها بحضني وماوعيت ألا غفت عيونها .. قعدت أتأمل عيونها وأفكر باليوم الي يجمعنا فيه القدر .. مرات الواحد يشتهي أشياء بس الظروف توقف بطريجة .. وقال المثل تجري الرياح على مالاتشتهي السفن .. بس انا مستحيل اخلي الرياح تتغلب على سفينة حبي .. راح احارب بكل ماعندي وماراح اتخلى عن أشواق )
أشواق ( عيني كانت تغفي من التعب وتتبطل .. وكل ما أبطل عيوني أشوف علي يبتسم بوهي ويقولي أحبج .. حسيت أني بأمان .. أيه بأمان .. وأخيرا يتلي الشجاعه ونطقت فيها .. علي أحبك .. قتلة أحبك وقطيت راسي بحضنة وغمضت عيوني ونمت .. وفي عالم الأحلام حلمت بأبوي يعطيني المفتاح .. ايي المفتاح تذكرونة .. المفتاح الي قفل فيه الصندوق أنا نسيتة .. بس شنو السر ... ليش حلمت بأبوي يقولي بطلي الصندووق .. فزيت من نومي وأنا أشهق .. ماحبيت أقعد علي .. كانت الابتسامة مرسومة على شفايفة .. تعوذت من بليس وحطيت راسي مرة ثانية ونمت .. )
.................................................. ...........................................
( بيت بوهوازن *)
مشاري ( توني راد من البحر الساعه كانت 3 الفجر .. صليت بالمسجد ورديت .. وعلى حظي بابا عود كان قاعد ... رحت عنده وأنا متأمل كل خير .. بعرف السر ورى النقزات الي خالتي تقطها .. اي والسالفة ألي بقى يقولها لي .. أبي أعرف كل شي واليوم ماراح أهدة الى والحجي طالع من بووءة على قولة المصاروة )
بو هوازن : مشاري .. هلا بوي أنت وينك لاشفناك على الغدى ولا شفناك على العشى ..,
مشاري : بابا عود أذا الخالة أم علي طبت مرة ثانية البيت ماراح تشوفون رقعه ويهي
بوهوازن : ليش يبا شنو هالكلام
مشاري : بابا عود شفتها شلون تتكلم عن أمي .. شنو لااحترمت وجودك ولا وجودي .. هاذي خالة بلة جي تتكلم عن أختها .. وين قاعدين
بو هوازن : يبا مو قصدها
مشاري : بعدين بابا عود تذكر السالفة الي كنت بتقولها لي ونزلت الحجية وماكملتها .. ابيك تقولي التفاصيل كلها ألحين .. وابيك تقولي شنو قصدها خالتي من هالنقزات .. انت وعدتني وانت ريال لازم تكون عند قد كلمتك ...
بوهوازن : ايييه يبااا ... بس بقولك شغلة .. بعض المرات فضول الانسان يقودة حق نتايج ماتسرة .. وانت مدامك مصر وتبي تعرف الحقيقة .. لازم تتحمل الكلام كلة الي بقولة لك .. وكلمة كلمة .. وأبيك توعدني انك ماتتغير معاملتك مع أمك .. ولا تسوي شي تندم عليه باجر
مشاري : حجي تكلم ترى خرعتني .. شالسالفة ..
بو هوازن : السالفة ومافيها أنا امك قبل عشرين سنة .. وقبل لااتتزوج أبوك وأبو ثنيان كانت
هوازن ( بالوكت المنااسب نزلت من الدري .. ايييه قلبي فز من وانا نايمة .. جني حاسة بلي راح يصير .. أبوي الغصة الي في بلعومة مو قادر يتخلص منها .. ودى يتكلم ويفضفض ويقول حق عيالي كل شي .. بس ما باليد حييلة .. ونزلت وظيعت الموضوع )
مشاري يما .. أنت ييت .. من مساع وانا ناطرتك
مشاري : وليييه .. يعني ماراح نخلص من السالفة
هوازن : اي سالفة يما
مشاري ( اول مرة أوقف بويه أمي وأصرخ بهالطريقة .. ) : السالفة الي صارت قبل عشرين شنة .. السالفة الي بسببها خالتي أم علي تتكلم عليج فيها باهالطريقة .. والسالفة الي طالعه فيها لنا بتتزوجين .. أنتي ليش تخشين علينا ترى أحنا كبرنا ومو يهال .. والخبر اليوم بفلوس باجر أبلاش ... خليني أسمع الكلام منكم لا باجر الناس تاكل ويهي وماعرف أرد عليهم ..
أم هوازن تخر أبوها : يبا ماكو سالفة مو جذي .. مشاري يتوهم أشياء مو موجودة
مشاري : رد عليها حجي .. يلا رد
بو هوازن : اييه يبا ماكو سالفة ..
مشاري : أنتوا بتذبحوني صح .. توك قبل شوي بقيت تنطق بالسالفة .. يارباااه .. شنو انتحر أنا أحسن .. أموت روحي أحسن .. ليش ماتتحجون ..
هوازن : اسم الله عليك يما .. انشاءالله يومي قبل يومك ..
مشاري : أنا طالع وماراح أرد .. اذا فكرت حجي تتكلم دق على رقمي .. ومن هاللحظة يما أنسي عندج ولد أسمة مشاري ... أذا حبيتي بعد تتكلمين مع الحجي عطيني خبر .. بس تذكري أنتي الي خسرتيني .. انتي الي مو راضية تتكلمين وتريحيني ..
هوازن : يما مشاري .. اهون عليك تروح وتخليني
مشاري ( طالعتها من طرف عين وبكل أستهزاء قتلها ) : هأ .. عندج ثنيان ولد حبيبج .. روحيلة .. وجودي وعدمي واحد .. لاتحاتين ثنيان يكفي ويوفي
( قربت مني أمي ولمتني حيل لصدرها .. عطتني من حنان الكون كلة .. ذكرتني بأيام الطفولة .. بس هم ماتراجعت عن قراري .. دنيتها عني ودنيت عن حظنها .. وطلعت برا البيت .. سقت سيارتي وأنا حدي مسرع .. كنت أمشي بدون هدف .. كنت أدوس وأدوس وأدووس بدون هدف .. وتميت على هالحال بين طلعت الشمس مثل الاهبل والمينوون .. بس ماخبي عليكم .. ماقدرت أنام .. الأنسان مرجعه حق بيتة .. رجعت البيت وحطيت راسي على المخدة ونمت .. الساعه كانت 6 الصبح .. أووه المدرسة الزفت .. ولله بلعنتين مالي خلق اداوم )
.................................................. ..............................................
( بيت جاسم .. )
قمر ( آآآه بطلت عيوني الساعه كانت 6 الصبح .. أول مرة احس أني نشيطة .. دشيت الحمام وفرشت أسناني وغسلت ويهي .. طلعت ولبست اليونيفورم ونزلت الصالة .. بابا كان سرحان .. )
: بابا
جاسم : .....
قمر : بابا .. هووب وين سرحان
جاسم : هاا .. كاني بابا .. يلا خلصي فطورج لاتتأخرين على المدرسة
قمر : اييه انا خالصة بس أنت .. صارلك ساعه ماسك الخبزة وليلحين ماحطيتها بحلجك .. شفيك .. هالايام صاير وايد تسرح
جاسم وبدون تفكير : قمر بتزوج
قمر : نعم ... هههههههههههههههه لا مومن صجك بابا .. عقب هالعمر ..
جاسم : اييه ليش لا .. شفيه أبوج .. ليلحينة شباب وبكامل صحتي .. وألف وحدة تتمناني
قمر : ومنو العروس أعرفها .. قريبة منا .. بعيدة ..
جاسم : بتعرفينها أنشاءالله .. بس كل شي بوكتة حلوو .. انا قلت لازم بالأول آخذ رايج أنتي وجراح أخوج وبعدين أقدم على خطوتي الي بعدها
قمر : وااي حدي مشتاقة حق جراح .. خلاص اليوم على الغدى نكلمة بالمسن ونبطل الكام وناخذ راية .. عاد أحنا عندنا غدى اهو عندة عشى ... يعني أنشاءالله بنحصلة
جاسم : الله كريمــ يلا سرينا ..
قمر : اييي سرينا
.................................................. ..............................................
( السكن الجامعي )
جوان ( أخيييييه نمت وأنا حدي مادري عن نفسي .. حسيت أني نمت دهر من التعب .. تمنيت انا الي صار كان حلم مو علم .. أنا خلاص ماعاد فيني أتحمل أكثر .. أول ماتخلص الامتحانات كلها جم أسبوع بشيل اغراضي وبرجع الكويت على أول طيارة .. اي برجع ومن غير لا قول حق أحد يعني سكاتي ... )
طق باب غرفتي .. حدي مالي خلق أبطل الباب
جوان : منوو
آشلي : ....
جوان : أكيد هاذي مالت التنظيف
بطلت الباب ولا آشلي بويهي ولا كأنة صاير شي .. هاذي صج ويها منجب ..
جوان : أنتي .. ألم يكفيك مافعلتي بي أنا وجراح .. دخلت مثل الثعبان وحطمتي العلاقة التي تربطنا .. بسببك خسرت جراح للمرة الأولى كحبيب وتنازلت عنه بسببك .. والمرة الثانية خسرته كصديق .. كيف تجرؤين وتطرقي باب غرفتي بعد كل الذي حصل .. أنت من ماذا مخلووقة .. الا تحسين .. أخرجي من منزلي
آشلي دزت الباب بقوة ودرعمت غرفتي : آآه جوان المسكينة .. اآآه .. كسرتي قلبي .. هل صدقك جراح أم وقف معي .. للمرة المليون أقول لك .. جراح لن يصدقك وفري هاذا العناء ..
جوان : أريد أن أعرف أنتي لماذا تتصرفين بهذه الطريقة .. ماذا فعلنا لك .. هاا .. أخبريني .. حذرني جاك منكي كثيرا ولكني لم أصدقه .. أخرجي
آشلي : جااااك .. هااهااهاا .. وهل تصدقين جاك ..
جوان : لن أسمح لك هاذه المرة بالتدخل بيني وبين جاك .. ومهما فعلتي لن أترك جاك ماحييت ..
آشلي : حسنا .. سون أور ليتور .. سترين مايسرك من جاك .. شاااو ماي دير
........................
جوان ( قهرتني هالحقيرة صج ماتستحي على ويها .. رحت الجامعه وانا كالي خلق كلش .. شفت جراح بالمحاضرة وجنة موشايفني كان يتصدى ويتحاشاني .. وبس تطيح عيني بعينة تدنيها بسرعه .. والي قاهرني بعد ماخلصت المحاضرة آشلي .. تمسكة من أيدة وتظحك معاه عشان تقهرني .. قعدت بالكفتيريا مالت الجامعه ودمعاتي تسليني .. جاك شافني وياي يواسيني )
جاك : جوان مابك . لماذا تبكين
جوان : انها آشلي .. أنها تريد التفريق بيني وبين جراح .. لا استطيع التحمل اريد الرجوع للكويت .. أريد أن أجلس مع أهلي .. أشتقت لأمي وأبي .. جراح كان يغنيني عن وجودهم ولكنه الآن أختفى من حياتي نهائيا
جاك : وانا موجود ..
جوان : أعلم .. انت حبيبي ولكن جراح صديق طفولتي وتربينا معا .. أنه كأخي .. ولا أستطيع أن أفارقه ..
جاك : لا عليكي أنا سوف أكلمه وأخبره عن كل شي .. سأخبره عن آشلي وعن ألاعيبها
جوان : صدقا ً .. هل ستخبره بحقيقة آشلي
جاك : نعم .. سأفعل المستحيل لكي تتوقف دموعك التي تسري على خدك .. انا لا أتحمل أن أراك تبكين .. أممم جوان
جوان : نعم
جاك : أذا رجعت للكويت هل سترجعين يوما هنا .. أم ستتخلين عني
جوان : لا لاااا .. سأزورك بكل تأكيد .. وسأتواصل معك عبر البريد الألكتروني ..
جاك : حسنا ً وأنا عندما أنهي دراستي سأزوركم بالكويت وأتعرف على عائلتك
جوان : هههههه .. حسنا .. وسأعلمك كيف تتكلم لغتنا الكويتية .. وستطبخ لك أمي أكلات كويتية أصلية
جاك : يميييي .. يقولون بأن الأكل الكويتي ليس له مثيل .. وشهي جدا
جوان : نعم ... ستحبه كثيرا .. حسنا جاك .. محاضرتي سوف تبدأ أراك لاحقا ً ..
.................................................. .............................................
( بيت أشواق )
علي ( بطلت عيوني ولا أشوف نفسي نايم بسطح بيت أشواق .. يووووه الساعه 8 الصبح .. الحين أكيد أمي مكسرة الباب على غرفتي يبووووووووي الحين شلون أرد البيت .. والله بلشة .. نزلت الصالة وشفت أشواق مسويتلي ريوق ولا أحلى .. )
أشواق بأبتسامتها المشرقة : صباح الخير حياتي
علي : اووووه حياتي بعد .. وفطوور .. أنتي اكيد مو خالية وراج شي ..
أشواق : لاا ماوراي شي .. بس مسويتلك الريووق .. أقلط
علي : ههههه وقلطنا .. ( طبعا عيني طاحت على البيض وطممااط حدي تشققت أشقد أحب هالأكلة .. حطيت اللقمة بحلجي ولا متروسة ملح .. الله يهداها اشواق تارسة الاكل ملح .. قلت أجرب السلطة وهم متروسة ملح ) * : أممممم عجيييبة السلطة
أشواق : هههههه .. والبيض شرايك فيه
علي : اووف حدا خطير حتى شوفي كليتة كلة
أشواق : عياار ( ههههه .. صج عياار عليوي .. انا قاصدة أترسة ملح .. والسلطة بعد .. بشوف ردة فعلة .. بس حرام بيجبر بخاطري جاملني .. عاد كسر خاطري يبتلة عصير برتقال فريش عقب الملح الي ترست جبدة فيه )
: تفضل عصير البرتقال
علي : يماا آآ فديت كل شي من أيدج .. والله عسل ..
أشواق : حبيبي أنت ..
علي : بعد حبيبي .. لا أنا اليوم بحلم ...
أشواق : ههههه .. علاو الحين شلون بترجع بيتكم
علي : ههههه .. مادري .. أقولج .. بطلع من بيتكم وعلى طول بركب السيارة وروح الجامعه .. هالحزة أبوي بالشركة وأمي تطالع تلفزيون ماراح تنتبه ..
أشواق : اي زين .. سلم على الوالدة ..
علي :هههههههه يوصل ..
.................................................. ..............................................
( بيت هوازن )
هوازن ( بطلت الباب على مشاري كان نايم نفس اليهال .. يما وليدي نظر عيني ماتخيلك تروح من بين أيدي .. والله يما ودي أقولك كل شي بس ياخوفي أخسرك للأبد .. شنو تبيني أقولك .. أقولك أمك كانت تعيش قصة حب قبل لاتتزوج أبوك .. وأقوللك أنها ليلحين تحب ورجعت لأبيام المراهقة .. ولا تبيني أقولك أنا أبوك مامات وليلحينة عايش بالدنيا والي ربالك أهو خالك الله يرحمة .. شلون راح تسامحني جذي ماتقولي يما .. مشاري يما .. تحمل أمك شوي .. وتصبر يماأآآ .. ترى أذا عرفت الصج راح تتعذب وماراح تعيش مرتاح ... سامحني يما .. )
قربت منا وطبعت بوستي على راسة ..
..............
أم هوازن : وه وه راح تطيح السما علينا .. أسكت لا تسمعك أمك وتكسر راسك .. عيب عليك .. بعدين هاذي وين أهلها
ثنيان : ههههه حجية شفيج ترى عادي يعني أحنا فريند وأنقلش سكول يعني الدنيا حلوة .. وأبوها بعد يرضى
هوازن : السلام عليكم
الكل : وعليكم السلام
بو هوازن : يما تعالي شوفي ولدج شقاعد يخربط ويقول
هوازن : شنو .. !!
أم هوازن : يقول بييب رفيجتة على الغدى تتغدى معانا
هوازن : ههههه .. اي رفيجة بعد من وين تعرفها
ثنيان : يما قمر الي معاي بلكلاس
هوازن * بلعت ريجي : قمر بنت جاسم ال....
ثنيان : ايي يما .. * طالعتها بنظرة بريئة : يما عفية .. بعزمها على الغدى
هوازن : خلاص يما حياها الله ..
بو هوازن : هههههه .. ماشاءالله الدنيا حلوة .. يما هوازن ترى هاذا بداية طريج الفساد .. أذا ولدج اليوم عزم رفيجتة باجر ..
هوازن * قاطعت أبوي : يبا خلة على الاقل يسوي الشي جدامنا مو من ورانا .. والبنت أنا أعرفها عدل لاتحاتي .. يلا ثنيان يما تأخرنا ..
.................................................. ..............................................
( السجن .. الزنزانة الي فيها ام فيصل و مها )
أم فيصل * غمضت عيوني وتنهدت : مشتاقة حق البيت .. مشتاقة لها مها .. ريحتها ليلحين متعلقة بخشمي ..
مها : وليش ماقلتي لها الصج .. ليش سكتي
أم فيصل : مهااا .. شنو كنتي تبيني أقول .. تبيني أحطم البنت وأدمرها .. بعد كل هالسنين بقولها
مها : بس هاذا الي كان لازم يصير .. انتي ماكان لج ذنب بكل الي صار
ام فيصل : بس تتوقعين كانت راح تصدق .. ماكانت راح تصدقني .. أبوها أكيد تارس مخها بأفكار ضدي .. * تنهدت مرة ثانية : آآآخ يمااآآ .. آآخ يما لو تدرين شكثر أحبج ... والله موبيدي .. الي صار موبيدي .. لو كنت أقدر أرجع الزمن لورى جان ماتزوجت أبوج .. جان أخترت صح
مها * قربت منها ومسحت دموعها الحارة : خلاص أم فيصل لاتبجين .. هونيها وتهون
ام فيصل * ماقدرت أسكت .. تذكرت فيصل وأنهرت .. تذكرت وليدي حشاشة يوفي : يماا آآ فيصل .. يماااآآ سامحني .. يمااآآ ماقدرت أطلعك من البيت .. انا السبب بموتك يماأأ أنا السبب .. لو منعت أبوك من الأول ماخليتهم ياخذونك مني .. خذوك مني بغمضة عيين .. آآخ يماا آآ .. رحت وأنت بعمر الزهور ماشفت شي من الدنيا .. الله ينتقم منك .. أنت أبوو .. ظيعت ولدك بالأول وبعدها ظيعت بنتك .. ماراح أخليك تعيش .. انطرني طالعه من السجن .. طالعه ماراح أخليك
مها : خلاص أم فيصل قطعتي قلبي .. والله قطعتي قلبي ..
....
قبل 20 سنة
..... : الله يسامحك يا ... خليتني أدمن عليها ... ألحين شلون تبيني أتخلص منها .. من وين بييب فلووس من وين ..
...... : دبرها .. ترى هذول مايرحمون .. ترى أذا ماعطيتهم الدين الي عليك يوصلون حتى حق عايلتك .. ممكن ينتقمون منك بأقرب ماعندك يعني بعيالك .. هذول مايرحمون ولا يخلون رحمة الله تنزل أهم شي عندهم لفلووس .. تعرف شنو يعني لفلوووس
.... : اي عارف بس من وين .. ذهب حرمتي وخذيتة .. واثاث البيت وبعناه .. حتى الأرض اليى بلبنان الي كنت بأسس فيها بيتنا بعتها
.... : أووه أنا شسوي .. ترى حتى انا ماعندي بير نفط أصرف عليك .. جم مرة عطيتك ومارديتلي .. خلاص سامحني ماقدر أسلفك أكثر ..
...... : خلاص أنا راح أدبرها بترجاهم ينطروون .. راح أرد لهم الدين ..
..... * يظحك بأستهزاء : ههههه من صجك أنت .. تدري مرة بشنو طالب واحد .. طلب منة يسلمة مرتة .. تعرف شنو يعني يسلمة مرتة ..
...... : اي عادي .. الي عندي عادها حرمة .. حلال علييه ..
( بنات ترى هالقصة بالذات هالمقطع منها مأخوذ من قصة حقيقية أنا قاريتها بالنت وحبيت أظيفها للرواية بس المحادثة غيرت فيها .. الفكرة الي خذيتها .. لانة في ناس يمكن تقول زوز ترى بالغتي وايد مافي ناس جذي .. بس ترى لاا .. فييه ناس جذي ... أنعدمت فيهم الاخلاق .. انعدمت فيهم المسؤولية .. انعدمت فيهم خوفهم على شرفهم وعرضهم وعايلتهم .. وانا القصة حيل شدتني .. حبيت أنقلها لكم بس بصورتي .. بأسلوبي .. وأدري متشوقين بتعرفون باقي القصة .. نطروني بالبارت الياي )
البارت الرابع والعشرون
..
قبل لا أحط لكم تكلمة القصة في البارت الي طاف خل نروح شوي عند أشواق .. عقب ماطلع علي من بيت أشواق ركضت الغرفة تدور المفتاح .. ماتذكر بأي جنطة حطت المفتاح وأخيرا بعد عناء طويل لقت المفتاح
أشواق : أوووف وأخيرا مابغيت الاقي المفتاح .. حدي متشوقة بشوف صورة أمي .. بشوف ويها ... تشبهني .. أشبها .. خشمها شلون .. عيونها شلون .. شعرها شلون ..
طق جرس البيت
أشواق : وليييه منو هالفاضي الي طاق الجرس الحين ..
علي * تليت أشواق من ايدها وركبتها السيارة : يلا بسرعه
أشواق : عليوي وين ..
علي : أمشي معاي باخذج مشوار
أشواق : وين ...
علي : باخذج الجامعه معاي
أشواق : الجامعه :!!! .. بس علي شلون .. طاع ملابسي
علي : مافيها شي خوو .. أنتي حلوة حتى لو لابسة خيشة بصل ..
أشواق * قتلة بدلع : علاو حياتي على الاقل خلني اغير ملابسي وألبس شي سنع ..
علي : بسرعه بس هاا لاتتأخرين
.............................
( بيت علي )
أم علي تطق باب غرفة علي : عليوي يما يلا شلعت قلبي قووم .. لين متى بتنام يعني
فاطمة ( على فكرة انا أدري أنا عليوي مانام الليلة بالبيت .. وأدري أنا نام عند أشواق .. يمكن بتسألوني شلون .. السبب بسيط .. دريشتي بعد تطل على بيت اشواق .. دريشتي أنا وعلي تطل على حوشهم .. واليوم الصبح وانا قاعدة من النوم شفتة يتريق معاها .. بس ماقدر أتكلم .. ماقدر )
: يماآآ عليوي قاعد يكلمني بال بي بي يقول مايبي يداوم تعبان
ام علي : أخوج صاير مستهتر وليش مايرد عليي ها الطير ماكل لسانة
فاطمة : لا يما بس يقول لسانة ثقيل مالة خلق يرد
ام علي : ماشي .. بييلي آخر الاسبوع يقولي عطيني فلوس حسابك عندي ياعليوي
فاطمة :ه ههههههه يما ترى الريال كبر .. أخاف يعني واقف على مصروفج .. عندة اعانة وأبوي كل شهر يزق حسابة فلوس بالبنك
ام علي : مالج شغل فيه .. هاذا أخوج ايد يصرف .. دايما جذي ماتكفيه لفلوس
..................................
علي ( طلعت أشوق وكانت لابسة نفنوف مشير ياي على اللون البصلي .. والكعل العالي الأسود .. وحاطة مكياج خفيف .. راسمة عيونها بالكحل ... وحاطة قلوس خفيف على شفايفها .. وشعرها كان منثور على ويها بعفوية .. أنا طارت عيوني من شفتها .. أول مرة أشوفها بهالصورة )
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك