رواية لاتمثلين احتياجج لي وانتي بحضن غيري مقزرتها -17
علي ( طلعت أشوق وكانت لابسة نفنوف مشير ياي على اللون البصلي .. والكعل العالي الأسود .. وحاطة مكياج خفيف .. راسمة عيونها بالكحل ... وحاطة قلوس خفيف على شفايفها .. وشعرها كان منثور على ويها بعفوية .. أنا طارت عيوني من شفتها .. أول مرة أشوفها بهالصورة )
• (((((ملاحظه هامة : ترى أشواق مو متحجبة للعلم .. بس يعني مرات لمن تطلع بسرعه تقط اللفة على راسها وتلبس عباية )))))))
أشواق * قعدت أرمش بعيوني حق علي : شرايك فيني
علي : ياااربااه .. قمر .. قمر 14 .. أصلن أنتي من زمان قمر مو توج
أشواق : هههههههههههههه شدعوة علي .. لاتبالغ وايد
علي : لا والله حشى مو قاعد أبالغ هاذا الصج .. يلا عيل سرينا
أشواق : سرينا .. * ( ستوب شوي .. انتوا اكيد تتساألون ... تقولون هاذي أشواق فقيرة من وين لها هالنفنوف والمكياج .. وشلون تعرف بالمكياج والموضه .. ههههه .. ام احمد .. اي أم أحمد .. قتلكم من وكت الفراغ الي عندي علمتني وايد أشاء .. ووحدة من هالاشياء أنها عطتني دروس بالموضة ودروس بالمكياج .. والنفنوف الي كنت لابستة والكعب أم أحمد خاطتة لي .. اما الجوتي فشرتة لي مرة من المرات .. وهاذي أول لبسة لي .. كنت حيل مستانسة .. شكثر سمعت بنات الفريج يتكلمون عن حياتهم الجامعية .. حبيت مرة أجرب وأروح الجامعه .. انا ماخذيت الا شهادة متوسط وماكملت دراستي .. مادري قعدت أفكر بالطريج أني أكمل دراستي .. وييت الصندووق .. يبوووي أدري أنكم بتذبحون زووزوو لانها موراضية تخليني أبطل الصندووق بس ماعليه سامحوها عشاني .. أنا وعلاوي واسطتها .. خوو البنت قاعد تظبط الوضع لنا ههههههه)
.................................................. .......................................
نرجع نكمل القصة .. * قبل 20 سنة
.... : أنزين أنت سايسهم يمكن ينطرون عليك .. خلاص انا هالمرة راح أسلفك بس عاد هاذي آخر مرة .. ترى انا قاعد أيمع فلوسي عشان ببطل مشروع ولو أنك موصاحبي ترى جان قتلك بلعنة .. هاذا شرفك وانت كيفك بس لاني أحبك مابي أطيحك بهالموقف
..... : والله أنك أخووو وأكثر من أكووو .. مشكور علة وقفتك معاي .. بس انا ودي أبطل ودي أهد هالشي .. خلاص جسمي ماعاد يقوى أحس أني قاعد اتعذب
.... : أنت مو كنت تتشكى وتقول البيت .. والحرمة ولعيال .. وانت الي قلت تبي شي ينسيك كل همومك .. انا عطيتك الحل وحذرتك من البداية بس أنت الي كنت مصر .. انت دشيت بهالطريج وانا قتلك اذا دشيت بهالطريج ترى صعب تطلع منة .. وانت رضيت
.... : اييه كنت راضي .. بس الحين لو يرجع الزمن فيني جان ماجربتها ..
..... : هونها وتهوون
..... : يلا أنا رايح البيت .. تامرني على شي
.....: لا سلامتك
.......
( بيت ...... )
ام فيصل : يماا فصوولي .. يماا وينك
• ستووب ( طبعا فيصل ولد أم فيصل قبل 20 سنو كان عمرة 4 سنين .. يعني ياهل وانتوا تعرفون اليهال يحبون يقلدون ابوهم وأمهم بما أنهم القدوة .. )
أم فيصل : يما وينك
فيصل يتكلم بطريقة مكسرة : ماما شوفي .. بابا يسوي جذي
ام فيصل * ركضت وتليت الابرة من ايدة .. : لا كخ ماما كخ .. لاتمسكها مرة ثانية ديدوو .. يعور
فيصل : بابا يسوي جذي .. بسوي مثل بابا
ام فيصل * لميت ولدي بين ايدي وقعدت أبجي : لا مااماا مو زين .. لاتممسكها مرة ثانية بعدين تصير مريض
فيصل : ماما شنو هاذي
ام فيصل : هاذي الابرة مالت السكر مالت بابا .. روح أقعد يم أختك الصغيرة نايمة بفراشها
.......: سلام عليكم
ام فيصل : وعليكم السلام .. أنت ماتقولي متى بتبطل من هالواهي الي تاخذة .. يا أخي تبي تخربط برا البيت .. ولدك فيصل توة أخذ الأبرة زين لحقت عليه .. يبي يقلدك ويقز نفسة بالابرة .. خلاص أنت ماتحس .. ماعندك ظمير .. والله أن صار بولدي شي ماراح أسامحك .. تعرف شنو يعني ماراح أسامحك
.... : اووه طيري زين أنتي وولدج .. أذيتينا كل ماصار شي قلتي ولدي وولدي .. شنو محد عندة ولد غيرج
أم فيصل : ايي محد عنده ولد غيري أنا شتبي ..
...
أم فيصل ( أنا مادري شلي بلاني وتزوجت هالريال .. بس الحسنة الوحيدة الي طلعت منه بنتي وولدي فيصل .. ولا أهو مالت عليه .. نفس الآفة .. بس ياكل وينام ويتأمر .. والساعه 1 يطلع يسهر مع ربعه .. المهم بهاللحظة بس بهاللحظة الي تغيرت حياتي .. حطيت الغدى وناديتة .. بوفيصل ... الغدى جاهز )
... : يلا كاني .. نجبي الغدى ..
( بوفيصل أخذ أبرة مخدرات قبل لايروح يتغدى .. وطاحت من مخباتة أبرة ثانية ماانتبه عليها )
ام فيصل : سم بالله
... : بسم الله ..
ام فيصل * ( قعد ياكل جنة مو ماكل دهر .. شكلة وحشي .. ويها وحشي .. كل شي فيه وحشي .. لوع جبدي .. قلت أروح أطل على بنيتي بسريرها نايمة .. شكلها ملائكي .. وكل ماأشوف عيونها أحس بالأشواق لأمي .. ماشاءالله تشابه أمي بكل شي .. رجعت على السفرة .. وفقدت ولدي فيصل .. قعدت أناديه .. مالقيتة )
ام فيصل : فصوولي .. يما فصوولي .. فصولي ..
... : يامرة بسج بطيتي راسيي يعل راسج البط
أم فيصل : أنت شفيك ماعندك أسلوب .. تكلم عدل .. يعني ماتشوفني أنادي وليدي ..
... : روحي شوفيه أكيد كالعادة قاعد يلعب بالغرفة يم أختة
ام فيصل : توني طالعه من غرفة أختة ماشفتة .. خل أشوف يمكن قاعد يتعبث بمكياجي كالعادة .. يحليلة يحب يحط يرسم بالحمرة ..
( وصلت عند باب الغرفة .. حطيت ايدي على يدة الباب ولا قلبي ينقمت .. حسيت جنة أحد يقرص قلبي .. ريجي نشف .. عيوني تنحت على يدة الباب مادري ليش حسيت بهالشعور .. بطلت الباب ولا ألاقي ولدي فيصل أمدد على الأرض وبيدة أبرة من أبر أبوه .. )
قربت ماني مستوعبة الوضع .. حطيتة بحضني وقعدت أناغيلة .. ماكنت أبي أصدق الي صار .. فيصل كان دايما يسويلي نفس الحركة يسوي روحة طايح ولمن أقرصة وأعظة على خدة وأبوسة يظحك حيل .. قربت وقعدت أقرص خدودة .. ماشفتة تحرك .. رديت ودلدغتة .. مارد عليي .. بستة على ايدة وخدودة ... مارد عليي .. رفعت أيدة وهديتها ولا تطيح .. شفت الأثر مال الابرة .. شفت عروقة صايرة سودة .. شفت عيونة واتتحرك .. ولسانة واقف .. حاولت أصرخ .. حاولت أطلع الصرخة بس ماقدرت .. لساني أنربط .. يالي بوفيصل شافني متنحة .. شفايفي صارت زرقة ويهي صار أصفر . انخطف لوني . حط ايدة على كتفي ولا أصااارخ .. واخيرا صرخت )
فييييييييييييييييييييييييصل يمااااا آآآ ,,, آآآآه يمااا آآآ آآآآه وين رحت وخليتني .. يمااأآآ قووم . قوووم خلني أبوسك .. قوم خلني أعضك .. يماا آآ قوم .. لاتسوي فيني جذي .. يما والله قلبي أنشلع من مكانة .. يماا آآ فيصل لاتروح .. قوم شوف أختك قامت تناديك .. منو الحين الي بيلعب معاها .. منو بيكون عزوتها .. يماأ آآ فيصل توك صغير .. ماشفت شي من الدنيا .. بعدك صغير .. يما ياشمعه دنيااي ... لاتنطفي وتخليني .. يماا آآ أقعد خل أناغيلك .. آآخ يماا آآخ
.... : فيصل .. فيصل يباا ..
ام فيصل * قمت وصارخت عليه .. عفست الغرفة على راسة .. كسرت الابجورة على راسة .. وماكفاني .. بذبحة .. خذى أغلى ماعندي خذى ولدي
: لاتقول يبا .. لاتقول يباا .. الله ينتقم منك .. الله ياخذك .. ولدي مات بسبتك .. آآه يماا آآ .. تدري قبل الغدى شقالي .. قالي بابا يسوي جذي .. انت السبب
....
طبعا أكيد بتعرفون شنو السبب الصجي الي دخلت فيه أم فيصل السجن ...
عقب الي صار أم فيصل لحقت (....) لي بيت الي يتاجر بالمخدرات .. وحفظت بيتة .. وبعد يومين كانت تراقب الوضع في بيتهم .. عرفت انا عندة ولد وبنتين
ام فيصل ( آآه خذى كل ماأملك .. حفظت بيتة .. عرفت كل شي عنة .. قعدت أراقبة شهر كامل .. عندة ولد مثل الملاك .. ولدة أشقر وعينة عسلية .. بس أشوفة قلبي يفز له .. يذكرني بولدي فيصل .. وبعد شهر قررت أنتقم منة وىخذ أغلى مايملك وأهو ولدة .. بحرق قلبة مثل ماحرق قلبي ... مثل ماحرق قلبي .. ودشيت بيتهم وتلثمت .. ودشيت غرفة ولدة ..شفتة نايم مثل الملاك .. قربت منة وحطيت السجين على قلبة .. بطل عيونة وشافني بنظرة بريئة . قالي ماما .. أنا سمعت كلمة ماما أنهرت .. لميتة بحضني وقعد أبجي وأنادي فيصل ولدي .. قلبي ماطاوعني .. ماطاوعني اقتل هالبراءة المرسومة على ويها .. وصوتي على بالبجي ولا أبوه وامة يدشون الغرفة .. شفت أبوه تذكرت كل الي صار .. قربت منة ومن غير لا أفكر غرست السجين بقلبة .. قعدت أظحك بشكل هستيري .. قتلتة .. قتلتة .. هههههههه .. الحين أكيد بترتاح يماا آآ فيصل أكيد بترتاح .. )
وبعد الي صار طبعا مرتة دقت على الشرطة .. وخذوني بتهمة القتل .. ماقدرت أدافع عن نفسي ولا أنطق بأي كلمة .. اي ماقدرت .. صرت طرمة .. ماقدرت أدافع عن نفسي .. وماني متندمة ولا متحسرة على الي صار .. لو أني ماذبحتة جان صار مصير ويوه بريئة مصير ولدي فيصل .. )
أول ليلة لي بالسجن .. حطيت راسي علا المخدة وتذكرت فيصل
( تذكرت غرفة العمليات يوم طلع من بطني .. تذكرت يوم طلع من الاربيعين وصورتة .. تذكرت يوم كمل السنة وسويتلة عيد ميلاد .. تذكرت يوم كمل السنة ونص ونطق ومشى .. تذكرت يوم كمل السنتين وفطمتة وترك الرضعه .. تذكرت يوم دش بالسنتين ودخلتة الحضانة .. تذكرت يوم دش بال 3 سنين ودش أولى روضة .. تذكرت يوم علمتة يكتب أسمة بالأنقليزي .. تذكرت يوم كمل 4 سنين وتحرج من الروضة .. وآخر ذكرياتي يوم ولدت بنتي وكان يغار منها .. بس كان دايما يبوسهاا على خدها ويقولي ماما أحب أختي .. آآهه يااا يماا أأ آآه يماا وليدي .. رحت من بين أيدي .. )
اقتباس:
*
اقتباس:
أقروا هالشعر عشان تدشون جو .. أنا عن نفسي قمت أبجي واانا اكتب البارت .., أخيييه على قد الاحبة أخيييه .., تذكرت ولد عمتي الله يرحمة .. وتذكرت عمتي شصار فيها وأختة .. سوري أذا ظايقتكم .., ( zooz )
اقتباس:
....
آنه الوالدة وجور الوكت ذبني وأحس الروح راحت من رحت يبني
***
أنصبت وسط القلب مهدك يضي العين وأضلوعي تحرسك من مرام البين
وإعلى هز المهد يبني أسهرت سنتين وأشباح السهر جانن يبارني
***
تكبر والأمل يبني كبر وياك لدارك من تطبها بلهفة أتلقاك
تصد عيني إعلى طولك والكبد يرعاك ماأدري تروح وتنفقد مني
***
وين سنين عمري الجانت تباريك وين السهر يبني اللي سهرته إعليك
بسرعة تروح مني ماجنت أدريك فقدك وأنقطع منك بعد ظني
***
تنوح الوالدة الغاب الولد عنها اشلون اللي أبنها ينفقد منها
مايبطل بجاها ولايخف ونها وأنا خلافك يفت صم الصخر وني
***
عشت ويا النباب وبقلي ربيتك مني تنفقد وتروح مدريتك
آنه لو أدري بسواد عيوني ضميتك لامن بعدك أحمل هالغصص ذني
***
يامن جنت شمعة زاهية بداري وياوجه البراءة العاش بأفكاري
أحن إعليك يبني ليلي ونهاري وحتى الفاجدات أجزعن من حني
***
من بعدك أقضي بالحزن يومي يجيني الليل وأتوسد على همومي
كل لحظة أفز مرعوبة من نومي جنك مامتت آنه المتت جني
***
رحت وبقلبي كم لوعة حزن خليت ومثل ون الحمامة الفرقتك ونيت
جنت أتمنى تحظر دفنتي ياريت وبيدك ياشريك الروح تدفني
القصيدة للشاعر الأديب جابر الكاظمي
>>>
... ( أكيد بتعرفون أنا شصار وياي .. الي صار ماأثر فيني .. بالعكس .. أستانست لاني قدرت أورث مرتي .. مرتي كان عندها شركة مسجلة بأسمها وشقة بلندن .. بعتهم وشريت فيهم الي يريحني .. وبنتي ماربيتها وأهملت >><
>>>>>
اقتباس:
همسة زوز
.. , : أأأخ ياقلبي .. والله في ناس اعرفهم جذي الابو راعي مخدرات والام اللهم يا كافي والبنت محصنة نفسها والولد يبجي دم لانة مايقدر يتزوج بسبب أمة وأبووه .. أنشاءالله روايتي الياية راح أكتب قصتهم ..
... ( أكيد بتعرفون أنا شصار وياي .. الي صار ماأثر فيني .. بالعكس .. أستانست لاني قدرت أتحكم بحلال مرتي .. ولانها كانت مسوية لي توكيل عام ونست تلغيه.. مرتي كان عندها شركة مسجلة بأسمها وشقة بلندن .. بعتهم وشريت فيهم الي يريحني .. وبنتي ماربيتها وأهملت تربيتها .. كانت تبجي وماعطيها الرضعه .. كنت بس أصرخ عليها .. عمرها كان سنة طفى بريئة .. شذنبها بلي صار .. ماكان عندي قلب .. ولمن كبرت شوي قتلها أنا أمج سافرت وخذت أخوانج وخلتج .. )
.........
( جامعه الكويت .. كلية الاعلام )
علي : يلا أشواق نزلي شنو مستحية ..
أشواق : علي والله فشلة شنو بتقول حق الي بيشوفونة مع بعض
علي : بقولهم هاذي مرتي .. وخطيبتي وهاذا الصج
أشواق : ههههه .. لا واله صج .. وين خاتم الخطوبة عيل
علي : عبالج ماجهزتها
( طلعت خاتم كنت شاريه من محل البنات هاذا الي اذونة فيه كليرز هههه .. ولبستها الدبلة .. خخخخ أدري دبلة موصجية بس عشان لحد يتكلم عليها )
علي : تفضلي .. يلا جدامي لبسيه
أشواق : وااي عليوي ماعندك ذرة رومانسية .. لازم تركع على ركبتك وتقولي هل تقبلين الزواج بي
علي : أفاا عليج .. ( سويتلها نفس الافلام .. ) : أشواق .. هل تقبلين الزواج بي
أشواق ؛ سويت روحي منفعلة : نعم أقبل أقبل
علي وأشواق : ههههههههههههههههههههههههه
علي : يلا خل ندش قبل لا نفصل أكثر
.................................................. ......................................
( بالقاعه )
علي : تعالي قعدي يمي ..
حيدر * يأشر على أشواق : منو
علي : هاذي مرتي ..
حيدر : هههههه .. تشرفنا
أشواق بخجل : الشرف لي
..
دلال : دانوو تشوفين الي أنا أشوفة
دانة : شنوو
دلال : شوفي البنت الي مع عليوي .. ياترى منو هاذي ..
دانة : شدراني علمي علمج
دلال : وااي بنبط .. شنو هالجرآة الي فيها .. طاع شلون قاعدة ورافعه خشمها وع على شنو .. تلوع الجبد .. مع خشمها العوي ..
دانة : ههههه .. شدعوة وين .. والله حلات خشمها ماشاءالله سلت سيف .. الغيرة بس وماتسوي
دلال : والله لفشلها
دانة : شنو بتسوين
دلال : نطري وبتشوفين
....
حيدر : عليوي أنت حدك جريء .. الحين حنانو النسرة شبتسوي فيك
علي : هههه ماراح تلاحظ
حيدر : اي يصير خير ..
....
الدكتوىة حنان بدت تنادي الاسامي وكل شي كان طبيعي .. وبدت تشرح الدرس ومالاحظت وجود أشواق .. ولا دلال ترفع ايدها
: دكتورة
الدكتورة حنان : نعم دلال .. شعندج بعد هالمرة
دلال : في طالبة يديدة مو معانا بالجماعه وحاظرة المحاضرة قلت أبلغج .. وبما أنج حاطة قانون ممنوع الزوار قلت أبلغج
الدكتورة حنان : وين الطالبة اليديدة .. خل ترفع أيدها
حيدر : هاذي شتبي .. صج ماتستحي
علي عصب : لقافة .. أشواق لاترفعين أيدج
أشواق * ( هههه كنت بسوي جو .. رفعت أيدي ) : انا
دكتورة حنان : وانتي منو .. وشلون دخلتي القاعه .. ترى أحنا قاعدين بحرم جامعي مو جمعية الكل يدخل ويطلع فيها
علي : دكتورة البنت معاي
دكتورة حنان : ومنو تكون
علي : بنت عمي .. هاذي سنة التخرج .. قلت أخليها تيي تشوف بعيونها الجامعه عشان أذا عجبها الوضع راح تقدم السنة الياية هنيي
دكتورة حنان : علي أبيك بعد المحاضرة بمكتبي
أشواق : ههههههه .. خوش ترقوعه
حيدر : يبوووي الله يعينك على ألسانها
علي : ههههه كل شي عشان عيون أشواق يهوون ..
....
بعد ماخلصت المحاضرة ..
اشواق : علي حياتي بطلبك طلب ..
علي : أنتي تامرين أمر
أشواق : حاسة أني تعبانة برجع البيت
علي : من عيوني .. يلا عيل سرينا .. وسوري على الي صار .. مسحيها بويهي
أشواق : لا محشووم كل شي لعيون علي يهوون
......
أشواق ( وأخيرا وصلت البيت .. المشوار كان طويل حييل .. حطيت راسي على فراش أبوي وغمضت عيوني .. رديت بطلتها ولا تلمح عيوني الصندووق .. بسرعه ركضت وتليتة وبطلتة .. كنت خايفة مادري ليش .. يمكن كنت خايفة أنبش صفحات وأتحسف عليها بعدين .. بس لا .. لامجال للتراجع .. بطلت الصندوق .. أول شي طاحت عيني عليه الصورة ..قعدت أقلب فيها .. مادري أطلعها ولا لا .. وأخيرا يتلي الجرأة وطاعت الصورة .. شنووو .. لاا مستحييل .. آآآه لييش ياربي يصير معاي جذي .. اهيااا .. امييي .. معقولة أمييي .. آآآآآآه يبا حرام عليك .. آم فيصل .. ام فيصل أمي .. لااااااء .. ماراح أسامحك يبا .. ليش خشيت عليي .. عقب هلسنين طلعت أمي موجودة وبالسجن .. يعني أمي مدمنة مخدرات .. وتزوجت بعد أبوي ... لا لا أكيد في أسرار بعد .. مع الاوراق شفت ورقة وفاة .. يوم شفتها ولا مكتوب فيها فيصل حميد ال ... سبب الوفاه جرعه زايدة .. وشفت أوراق تحقيق .. والقضية مقفلة .. نبشت بعد .. يعني كل الي أبوي قالة جذب .. عادل .. عادل رفيج أبوي سكر القضية .. كان له معارف وماحققوا بسالفة فيصل .. شفت أوراق مزوة مكتوب فيها سبب الوفاه تسمم .. يعني مشوا الموضوع على أساس جرثومة تسمم فيها فيصل . شنو فيصل .. يعني كان عندي أخو أسمة فيصل .. اييه كاهي صورة .. بس شنو قضية الجرعه الزايدة .. نبشت أكثر ولا دفتر مكتوب عليه مذكرات أم فيصل .. امي كاتبة فيه كل شي صار معاها ومع فيصل أخوي .. كتبت راح انتقملك بافيصل .. عرفت كل شي .. أبوج جذب عليي طول هالسنين .. آآه يماا آآ يمااااا آآ ... طعلت من البت حافية .. ركضت من بيتنا لي المخفر .. ركضت وطلبت أني أشوف امي ألي أهي أم فيصل .. ... ... :eh_s (2):
البارت الخامس والعشرون
..,
علي : اوووه حيدر والله نسيت هالقبسة .. ألحين برد أكلمها أنت رقع الموضوع قولها أني رحت كان عندي موعد بالطبيب ولا شي من هاذا القبيل
حيدر : وانت عاد بتصدق أنا حيزبونة بتصدق .. يبا هاذي حنان والله ماتطوف عليها هالسالفة
علي : يبا حاول عشاني حيدور شدعوة ماعندي لك شان
حيدر : لا حبيب بوحسين أفاا عليك .,, الحين أروح مكتبها طياري ولاتحاتي
...
مكتب الدكتورة حنان
الدكتورة حنان : شوفي دلال أنا هالسوالف مو عليي .. علي مستحيل يطلع منه هالشي .. أنا مصدقتة .. وأكيد مثل ماقال هاذي بنت عمة وياية تشوف الجامعه
دلال : دكتورة الله يهداج أي بنت عمة .. مبين أنها مو بنت عمة ..
الدكتورة حنان : أوكي حتى لو مو بنت عمة .. والمطلوب مني .. شنو تبيني أسوي
دلال : ترفعين فيه كتاب .. دكتورة اذا علي تطاول وياب بنت من الشارع الحرم الجامعي ماتدرين باجر بعد شيسوي
الدكتورة * علت صوتها على دلال : دلال رجاءا طلعي برا مكتبي .. بعدين تعالي شلي بيند وبين علي الي شايلة هالعداوة علييه ماتقوليلي
دلال * تنحت والدمعه بطرف عيني : ولا شي .. مابيني وبينة شي .. وبعدين حتى لو كان واحد ثاني مكان علي كنت بسوي نفس الشي ..
الدكتورة حنان : عيل تفضلي براا ..
دلال : ..... ( آآآخ ياربي .. انا ليش هزأت نفسي ... انا شنو أبي من علي .. ايه احبة .. أحبة ومابي وحدة ثانية تاخذة مني .. علي أذ أنت فكرت ترتبط بوحدة ثانية غيري .. تحمل .. تحمل الي بيجييك مني .. ماراح أخليك علي .. ماراح أخلييك )
.......
خل نرجع قبل 3 سنين
حيدر : وين بتروح اليوم
علي : والله طاق بمزاجي ربياان وأحلى هامور مشوي
حيدر : ههههه .. من صجك أنت .. انزين شلون بتاكل ربيان ومهاموور
علي : والله مادري يخووك .. بس هاذا الي طق براسي ..
حيدر : أممم .. عيل شرايك نروح فش ماركت .. يقولون عليهم اكل بحري ولا على الحسبان على قولتهم
علي : يلا عيل سرينا .. الاااه عاد الجو اليوم خطير .. حلات جو الكويت والله ماكو مثلة .. الكل يحسدنا عليه
حيدر : ههههه اي صح الكل يحسدنا علييه .. يوم مطر ويوم غبار ويوم رطوبة ويوم شمس تظرب براسك
علي : الحمدالله .. على الاقل مو براكين وفيضانات ومش عارف أيش
حيدر : هههههههههه
** وركبوا علي وحيدر السيارة وراحوافش ماركت .... وفي زاوية من زوايا المسافط كان في سيارة بورش سافطة والاغاني كاسحة الجو .. أغاني عراقية على أغاني خليجية .. على أغاني أجنبية .. والي لفت نظر علي وحيدر البنات الي كانوا يهزون جسمهم وسط انغام الموسيقى .. كانوا طربانين حيل ..
علي : أستغفر الله العظيم من كل ذنب عظيم .. يعني هذول بنات ويوم الجمعه بدال مايقعدون بالبيت وسط أهلهم قاعدين يترقصون ويتمايلون بجسمهم وسط الشباب .. الله يستر عليهم ويستر على بناتنة أنشاءالله
حيدر : اي والله وانت الصاج .. زمن أغبر .. وين زمن أمي وأمك الحرمة ماتطلع من بيتها الى للظرورة القصوى .. لا والساعه 6 من تغيم الدنيا ماتعتب عتبة البيت ..
علي : أنا ماني قادر أسكت .. حيدر أمش معاي
حيدر : وين
علي : بروح أكلمهم يمكن شوي الله يهديهم
حيدر : عليوي من صجك الله يهديهم .. أقول خل نتوكل ونروح بطيريجنة ومالنا خلق مشاكل .. شايف هالشباب كل واحد مثل الجثة .. يعني بكس واحد بيطير لك أسنانك
علي : بس الي قاعد يصير مالازم أسكت عنه .. الساكت عن الحق شيطان رجيم
حيدر : علي أسمحلي أمي ناطرتني وتبيني وماني بايع نفسي
علي : خلاص براحتك أنا رايح .. وفيها الي فيها ..
.. ** على أنغام أغنية هزي هزي
دانة : يلاااا يلااا .. وهزي دللاااالووو هزي خصرج
الشاب 1 : أخييه على الخصر .. والله وفديتا أنا ..
دلال : وهزي هزي ... ياااااااااو ... دانو تعالي معاي ..
دانة : وين
دلال : بوقف فوق السيارة وبهز .. ابي كل بنت تشوفني تحسدني على جسمي وكل صبي يحسد هالشباب لانهم واقفين جدامي
دانة : ههههه والله خبلة ..
دلال * وقفت على السيارة وكملت الرقص والردح
وبهاللحظة الي دلال كانت مندمجة ولا فة ويها علي ماشي بأتجاه الشباب الي كانو بالطرف الثاني من السيارة
علي : السلام عليكم
الشاب 1 : وعليكم خير
علي : انتوا تعرفون هالبنات
الشاب 2 : لا والله كنا قاعدين بالسيارة قاعد نسمع أغاني ولا يرزون ويهم ويترقصون بعد مانقولهم لا ..
الشاب 1 : انت شكو ..
علي : اليوم يوم الجمعه ماتخافون من عذاب الله .. يعني الناس بهالوكت قاعدة فبيوتها تتعبد وانتوا مشغلين الاغاني على حدها ومخلين البنات يترقصون ترى عيب وحرام .. أنتوا الي بتشيلون ذنبهم لانكم سمحتوا لهم بهالشي .. وبعدين أنت ترضى على خواتك يكونون بموقف هالبنات ..
الشاب 1 * تهجم على علي وسدحاه بالارض وقعد يطقة .. : لا تييب طاري خواتي على لسانك ياخسييس .. خواتي أشرف منهم
دلال ودانة وأخيرا أنتبوا ولفوا على الاتجاه الثاني من السيارة
دانة : أمبييه هاذا شقاعد يسوي .. روح شوف صاحبك لايذبح لصبي
دلال * واقفة ومتنحة بمكانها ودموعها أربع أربع
الشاب 2 : حمود خلاص .. خل الولد .. لاتذبحة وتبلشنة
الشاب 1 : انت سامعه شيقول عن خواتي ..
دلال * صارخت : بس هدة ..
الشاب 1 قام من على صدر علي .. وعلي كان موقادر يتنفس .. قعد يشاهق .. والدم حوالينة .. كح كح
الشاب 1 : هيي ليش قاعد تبجين .. يعني انا الذربة
دانة : دلوول شفيج
علي ( انا ماكنت ملاحظ البنات لانهم معطيني قفاهم .. يوم رفعت راسي ولا أشوفها .. دلااااال .. لااا ممستحييل تكون دلال .. وين حجابها .. وين سترها .. شنو هالملابس
الفاضحة .. شنو هالمكيااج .. شعرها .. مطلعه شعرها .. أأأخ والله تمنيت الارض تنشق وتبلعني .. معقولة تكون دلال .. غمضت عيوني وحكيتها .. قلت يمكن انا مشبه ولا غلطان .. بس لاا .. أهي دلال .. )
دلال * قربت من علي وحطت ايدها على كتفة : عليي تعورت
علي ( وانا أصارخ .. بس ماكنت أصارخ علنا .. كنت أصارخ بقلبي .. وتسأليني تعورت .. أنتي عورتي قلبي وغرستي سجين فيه .. ليش يادلال .. ليش ) : وخري عني
دلال : علي انا
علي بصريخ : أنتي شنوو .. انتي شنوو من انسانة ... أنتي دلال الي أنا حبيتها وأحترمتها .. أنتي متأكدة انج دلال : دلال أمج ماقالتلج أنا أمي اليوم أتصلت وخطبتج رسمي لي .. يعني كنا بعد أسبوع راح نحدد الملجة .. تعرفين شنو يعني .. يعني كنا بنتزوج يا دلال .. بس الحين أنتي شسويتي .. خربتي كل شي .. أنتي حطمتيني .. أنتي ذذبحتيني .. ليش ... انا شسويت لج .. ماتقوليلي شسويت لج .. أنا صنتج وماحطيت عيني بعين بنت .. أنا عمري ماكلمت بنت عشانج .. حبي كان طاهر وصادق لج ... وانتي .. قاعد تترقصين مثل .. مثل .. أستغفر الله لساني مو قادر ينطق فيها .. يعدين مو عشاني .. عشان أهلج .. لو أخوج ولا أبوج ولا ولد عمج كان مكاني .. مافكرتي شكان راح يصير فيه .. حرام علييج يادلال
دلال : علي أنت ماقتلي .. مابينت لي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك