رواية لاتمثلين احتياجج لي وانتي بحضن غيري مقزرتها -18
علي بصريخ : أنتي شنوو .. انتي شنوو من انسانة ... أنتي دلال الي أنا حبيتها وأحترمتها .. أنتي متأكدة انج دلال : دلال أمج ماقالتلج أنا أمي اليوم أتصلت وخطبتج رسمي لي .. يعني كنا بعد أسبوع راح نحدد الملجة .. تعرفين شنو يعني .. يعني كنا بنتزوج يا دلال .. بس الحين أنتي شسويتي .. خربتي كل شي .. أنتي حطمتيني .. أنتي ذذبحتيني .. ليش ... انا شسويت لج .. ماتقوليلي شسويت لج .. أنا صنتج وماحطيت عيني بعين بنت .. أنا عمري ماكلمت بنت عشانج .. حبي كان طاهر وصادق لج ... وانتي .. قاعد تترقصين مثل .. مثل .. أستغفر الله لساني مو قادر ينطق فيها .. يعدين مو عشاني .. عشان أهلج .. لو أخوج ولا أبوج ولا ولد عمج كان مكاني .. مافكرتي شكان راح يصير فيه .. حرام علييج يادلال
دلال : علي أنت ماقتلي .. مابينت لي
علي : يعني الي يحب لازم يتكلم ويبلغ العمووم انا يحب .. شنو كنتي تبيني أسوي .. اكتب على ظهري أحبج دلال .. الحب الصجي يكون بالقلب .. تعرفين شنو يعني بالقلب .. القلب الي دشيتي فيه بدون لا تستأذنين والحين كسرتي أعمدة هالقلب .. والقلب الي بدون اعمدة مايقدر يعيش .. آآخ حسافة يادلال حسافة ..
دلال : علي أحبك
علي : جب .. ( اول مرة ألوث ألساني ) : لا تييبين طاري أسمج على لساني ..
والله عورت قلبي .. بس ممكن ألحين تستأذن ترى خربت السهر علينا الله يهداكالشاب 1 :
علي : عيب على الي يلعب بعرض بنات خلق الله ويقول خربت السهر .. الله يهديكم أنشاءالله .. الله يصلح حالكم
دانة : دلاال .. هه .. هه .. هاذا علي
دلال رفعت راسها للسما وقالت : ايييه هاذا عليي .. أنا غبية .. آآخ غبية .. آآآه آآآه ( وتعالت صوت صرخاتها بالبجي .. * )
...
حيدر : عليوي شفييك .. شصار
علي : ماصار شي .. خل نمشي بنروح البيت ..
حيدر : شنو ماصار شي .. طاع ويهك شصار فيه .. أكيد طقووق انا قتلك لاتروح ,, أمش خل أوديك المستشفى
علي صارخ : أوووه خلاص شايفني ياهل عندك قتلك ماصار شي .. ودني البيت وبس .. لاتطول السالفة
حيدر : ...... حاضر من عيوني
.................................................. ...............................................
مكتب الدكتورة حنان
الدكتورة حنان : تفضل
حيدر : دكتورة بغيت أبلغج أنا علي قالي السموحة يمكن يتأخر عليج لانة الوالدة مريضة وأخذها المستشفى
الدكتورة حنان : ماعلييه قولة خل ياخذ راحتة
حيدر مصدوم : هاا .. اي اي حاضر على أمرج
.................................................. ...............................................
( زنزانة أم فيصل )*
ام فيصل : مهاا قلبي مقمووت مادري شفيني
مها : أستهدي بالله .. وأستغفري وتعوذي من الشيطان
أم فيصل : اعوذ بالله من الشيطان الرجيم .. بس مادري حاسة راح يصير شي ..
... : أم فيصل زيارة
أم فيصل : اللهم أجعله خير ..
مها : زيارة .. منو ياي زايرج عقب هالسنين كلها ..
أم فيصل : عشان جذي قلبي ناقزني ..
....
أشواق ( بكل الشوق الي فيني .. بكل الحنين الي فيني .. بكل الحب الي فيني كنت ناطرة اللحظة الي أشوفها فيها .. كنت ناطرة اللحظة الي تحطني بحظنها .. اللحظة الي تقولي فيها بنيتي .. اللحظة الي تغمرني بحنانها .. اللحظة الي تنسيني هموم الدنيا كلها .. اللحظة الي أفتح قلبي مثل ما البنات يفتحون قلبهم لمهاتهم .. وهاللحظة ياات .. دخلت ام فيصل .. أقصد امي الغرفة الي كنت ناطرتها فيني وكانت علامة الصدمة على ويها .. وبدون لاحس ركضت .. مثل مايركض الياهل لمن يشوف امة .. وطحت بحضنها وبجييت .. وصااارخت .. وقتلها )
: يمااا آآآ يماأأأآآ .. يمااااااااااااااااااااااااااااااااااااااا
أم فيصل ( قلب الام مايخييب ,, آآه يايماا آآ آآه ... هاللحظة الي كنت دايما أتخيلها طول ال 20 سنة الس رواحوا .. اللحظة الي كنت أتخيل فيها بنتي أشواق تدخل وتلمني .. اللحظة الي كنت أنطرها تقولي فيها يمااآآ .. كلمة يماا آآ حركت فيني مشاعري .. نزلت دمعتي الي مانزلت من قبل 20 سنة .. قلبي كان قاسي 20 سنة .. وأشواق لينت هالقلب .. )
آآآه يماا آشوااق .. وأخيرا ... الله كريم .. الله دايما كريم .. مافقدت الامل أبد .. مافقدت الامل بأني راح أشوفج .. كنت أصلي ليل نهار .. كنت أصلي وأدعي الله انا نلتقي .. ولانة قلبي محروق عليج .. الله أستجاب دعائي .. ولانة قلبي طاهر الله بلغني فيج .. وأول يوم شفتج قلبي فز لج .. حسيت أنج قريبة من قلبي حيل .. وتمنيت انج تكونين بنتي ... شفت بعيونج علامات اليأس من الدنيا .. شفت بعيونج شوقج لمج .. ويوم قتيلي عن أبوج وعن ظروفج تأكدت انج بنتي .. آآخ يماا .. آآآخ أشواق
أشواق وأهيا تشهق : يماا آآ والله فقدتج .. ليش يمااآآ ليش ..
ام فيصل : يماا آآ كنت مظلومة .. أبوج ظلمني
أشواق : انا عرفت كل شي .. عرفت كل شي .. ماراح أسامح أبووي .. ماراح أسامحها .. حرمج وحرمني منج 20 سنة .. أنا حيل محتاجتج يماا آآ طلعي من هنيي .. طلعي ..
أم فيصل : بس ماقدر يماا آآ محكوم عليي مؤبد ..
أشواق : لاا في حالة وحدة .. اذا أهل الريال تنازلوا .. أذا تنازلوا عن دمة
أم فيصل : وبعد كل هالنين بيتنازلون ..
اشواق : انا أكلمهم .. انا أقنعهم .. بس أنتي قوليلي وينهم .. وين عنوانهم تذكرينة ..
أم فيصل : اي أذكرة وشلون تبيني أنساه .. محفور بمخي ..
أشواق : سجلي بهالورقة ..
أم فيصل تسجل العنوان : هاذا العنوان .. يما لاتقطعين أمج .. حاولي تزوريني ... حاولي ..
أشواق : ماراح أقطع .. في وايد أشياء بقولها لج .. واايد أشياء ..
أم فيصل : وانا مستعدة أسمعلج .. ( مسكت ويها الملائكي وبستها على خدودها الوردية .. ناظرت عيوها ماشاءالله ماخذة جمال الكون كلة .. أشواق نسخة طبق الاصل عن أمي الله يرحمها .. رفعت راسي للسما وحمدت الله على كل شي وناديت أمي وقتلها .. رجعتلي بنتي يايما .. والحرقة الي بقلبي أنطفت وأخيرا .. )
... : انتهت الزيارة
أشواق ( ماني قادرة أهد أيدي أمي موقادرة ) : يمااآ قوليلهم لاياخذونج مني .. مليت من الفرااق .. مليت من الفراااق ( وقعدت تبجي )
أم فيصل : لاتيأسين يما أأ أن الله مع الصابرين أذا صبروا .. اانا وانتي صبرنا كل هالسنين .. لازم نصبر بعد .. وبأذن الله راح تنفرج .. بأذن الله
أشواق : الله كريم .. الله كريم ..
علي بالسيارة معلي المسجل على اغنية نوال لقيت روحي بعد ما انا لقيتك وقاعد يغني بصوتة الخشن
( لقيت روحي بعد مانا لقيتك
بعد اللقا ارجوك لا لا تغيبي
صعبٍ علي ألقاك وأنا مانسيتك
إحساسي كني بين ربعي غريبي
كل ماتبي من عمري انا عطيتك
كل ماتبي من عمري انا عطيتك
حتى الخفوق ينطق بكلمة حبيبي
حتى الخفوق ينطق بكلمة حبيبي
)
وبعد ربع ساعه وصل الجامعه .. وأهو يتشمى بممرات الجامعه باتجاه غرفة الدكتورة حنان طلعت دلال بويها
دلال : منو هاذي
علي : هووب هووب ويهج ويهج .. أنتي شتبين هاا .. ماتقوليلي شبين .. خلاص يبا .. لين متى بتركضين وراي . انتي ماعندج كرامة فجي عني يا أخي فجي .. اووف
دلال : جاوبني هاذي منو
علي : هاذي حبيبتي وخطيبتي ..
دلال : شنوو .. وانا .. وانا علي
علي : أنتي باااح .. انتي عافج الخاطر من قبل 3 سنين .. أشوف صرت حلوو الحين ..
دلال : علي والله أني ليلحين أحبك .. وانا أدري أنك تحبني .. وعندي الدليل
علي : شنو الدليل .. هاا .. شنو الدلييل
دلال : تذكر يوم ألتقينا بالبحر ..
علي : ايي أتذكر
دلال : هاذا الدليل .. فتحت قلبك لي ..
علي : لاني مالقيت أحد جدامي غيرج .. حتى لو كانت خدامتنا جدامي جان أشتكيت لها الحال .. اي وترى هاذي البنت الي قلج عنها .. شفتيها شكثر حلوة .. أحلى منج .. الحمدالله انا الله فظحج .. لو الله مو فاظحج جان ماألتقيت بهالقمر
دلال : انت ليش تبي تينني
علي : أبيج تحسين بالمر والظيم الي حسيتة .. ترى هاذا ولا شي من الي حسيتة .. أنا يوم شفتج بالمنظر البشع حسيت نهايتي قربت .. تدرين اني بقيت أذبح نفسي لو مو حيدر لحق عليي .. وعشان شنو .. عشانج .. صج كنت غبي .. الحمدالله الله رزقني بأشواق .. الحمدالله
دلال : لاتستانس وايد .. علاقتكم ماراح تدوم دامني موجودة
علي مسك دلال ودزها على الطوفة وقرب منها حيل : سمعيني عاد .. دلال والله أن قربتي من أشواق لتشوفين شي عمرج ماشفتيه .. سامعه ولا لاا
دلال : لا موسامعه .. ومو بس أشواق الي بقرب منها .. وبتشوف .. راح أرد أحرق قلبك لك مرة ومرتين وثلاث وأربع .. ماراح أخليك تتهنى بالدنيا .. سامعني علي .. سامعني
....
الدكتورة حنان : علي .. دلال .. شصاير
علي : ولا شي ..
الدكتورة حنان : تفضل علي
علي : دام فضلج
..
الدكتورة حنان : قبل كل شي .. منو البنت الي كانت معاك .. وقول الصج بدون لاتجذب .. وترى مهما تكون أجابتك علي أنا مصدقتك ..
علي : قتلج بنت عمي
الدكتورة حنان : بس جنك كنت قايل بنت خالك
علي : ايي خو كلة واحد
الدكتورة حنان : اهاا كلة واحد .. ماعليه .. انت ريال كبير وفاهم .. ومو انا الي أعلمك الصح من الخطأ
علي : ....
الدكتورة حنان : أمممم .. انزين ممكن أصير شوي ملقوفة وأسألك سؤال شخصي
علي : اييه تفضلي دكتورة
الدكتورة حنان : دلال ليش دايما تتعمد تختلق المشاكل معاك .. ليش دايما تلحقك وتبي تصيد عليك شي
علي : لا ماكو شي
الدكتورة حنان : خلاص عيل على راحتك
علي : تامريني على شي ثاني
الدكتورة حنان : لا سلامتك ..
علي : الله يسلمج
( واحد من أطباعي اني كتووم بدرجة مو طبيعية .. ماحب أبطل قلبي حق أي أحد .. )
.................................................. ...............................................
( لوس آنجيلوس .. المطار )
جوان : ok , thanx
جاك : سترحلين أذا
جوان : لا ليس اليوم .. بعد 3 أيام ..
جاك : يجب أن نحتفل أولا بأنتهاء اليوم الدراسي قبل أن تغادري حسنا ً
جوان : بكل تأكيد .. ( لفيت ويهي ولا ألمح آشلي .. ويع هاذي من وين تطلع .. مثل الحية .. تحفر وتلسعك بسمها .. شافتني ولا ياية بأتجاهي .. )
جاك : أنظري انها آشلي
جوان : نعم انا أنظر .. لماذا أينما أذهب ألتقيها أمامي .. أممم جاك هل تكلمت مع جراح بموضوعها
جاك : .. لا .. اليوم كنت سأخبره بشأنها .. لاتقلقي .. سأكلمه
جوان : اوكي ولكن لاتخبره بأني سأسافر
جاك : لا لا لن أخبره لاتخافي
آشلي بكل غرور : وااااو أنظروا من هنا .. انها الفتاه العربية جوان .. ماذا تفعلين في المطار الدولي .. ويت دعيني احزر .. أممم .. انك تحاولين الهروب من الواقع الذي تعيشين فيه .. أممم دعيني أرى أيضا .. اهاا انك تهربين من جراح ولاتريدينه ان يعرف
جوان : وانتي مادخلت .. هاا .. أخبريني مادخلت .. الم تربحي .. سلبتي جراح بالاول والآن ماذا .. أستسلبين جاك أيضا أم تسلبي روحي الباقية .. أرحلي وأبتعدي عني .. سأرحل ولن ترينني مجدا ً لا أنتي ولا جراح
آشلي : هههههه .. الان أشعر بالطمأنينة .. أوكي باااي رحلة سعيدة
جوان : أأأأع أريد أن أقطعك بأسناني .. أبتعدي .. جاك هيا بنا
جاك : آشلي خيرٌ لك أن تبتعدي عن جوان وألا
آشلي : والا ماذا
جاك : سأخبر جراح بكل شيء وماهي مخططاتك للنيل منه ومن جوان
آشلي : وهل تعتقد سيصدقك
جاك : نعم ..
آشلي : لا تجعلني أظحك .. هههااهااااههاااا
.................................................. ...............................................
( بيت هوازن )
مشاري : صباح الخير حجي
بوهوازن : اي صباح الا مساء .. الساعه 12 الظهر ليش مارحت المدرسة .. مو أنت تقول بتتخرج .. شصار على طموحك
مشاري : بلعنة بالتخرج زين
بو هوازن : شنو بلعنة ..و لفلوس الي قاعد نصرفها حق المدرسة بلاش
مشاري : اي بلاش .. حجية ناوليني الريموت كنترول
ام هوازن : انت شفيك صاير ماتحشم لا كبير ولا صغير
مشاري : كيفي .. من يوم ورايح تعودوا على طبعي .. قلت حق الحجي .. أذا تبيني أرد أكلمكم نفس الأوادم قوليلي الصج .. قولولي شصار
ام هوازن : شنو الي شصار أذيتنا شصار وشصار .. انت في أحد لاعب براسك
مشاري : لا محد .. أنا أستأذن
بو هوازن : وين على الله
مشاري : بروح أسبح .. ولا شنو حرام بعد
بو هوازن : لا مو حرام ولا شي .. النظافة من الايمان ..
.................................................. ...............................................
( مدرسة الرجاء الخاصة * نهاية الدوام )
ثنيان : يعني عادي أبوج يرضى ..
قمر : اوف كورس .. تعال تعال
ثنيان : وين
قمر : عند أبوي
ثنيان : لاا فشلة ..
قمر : شفيك ثيوني ترى أبوي عادي مايقول شي
ثنيان : اوكي يلا مشينة
..
قمر : قوة بابا
جاسم : هلا يبا
قمر : هاذا صديقي مشاري الي قتلك عنه
جاسم : اي ياهلا .. قمر هالأيام خابتنة ثنيان وثنيان
ثنيان : هههه .. من طيب أصلها
قمر : بابا ثنيان عازمني على الغدى في بيتهم
جاسم : وأهلك بيكونون موجودين وعطيتهم خبر بالأول
ثنيان : ايي
جاسم : ماقتلي انت ولد منو
ثنيان : انا ولد ..... .....
جاسم : والنعم يبا .. خلاص أنا أقطها بيتكم .. خل تلبس وتغير ملابسها ويصير خير انشاءالله
ثنيان : اوكي ماشي .. عيل مع السلامة قمر أشوفج على خير
قمر : أوكي بااي
.....
جاسم: بابا ليش تحرجيني جدام لصبي
قمر : خو بابا مافيها شي رايحة أتغدى في بيت صديقي
جاسم : بس هاذي أول وآخر مرة سامعه ..
قمر : اوكي
...
هوازن : ثنيان وين كنت رايح مع قمر ..
ثنيان : كلمت أبوها قتلة أني عازمها على الغدى
هوازن : شنووو ..
ثنيان : قتلج كلمت أبوها ..
هوازن : أوكي .. يلا أركب السيارة..
.................................................. ...............................................
هالبارت راح يكون عن عايلة هوازن فقط ..,
..,
البارت السادس والعشرون
:$:$ ..
قبل لا أبتدي هالبارت .. بوضح شغلة عن علي وأشواق ودلال ..
سوري أنا خطأت بتوقيت الاحداث .. يعني علي حب أشواق وراقبها من بعد ماصار الي صار مع دلال .. ودلال كانت حب مراهقة .. خخخخ ولمن علي قال اني أراقبج من أيام الطفولة ههههه صيغه مبالغة .. ومن بعد الي صار شاف أشواق جدام عيونة ودشت قلبة .. سوري على الغلط المطبعي .. ولخبطت أفكاركم وأفكاري .... وبسم الله نرجع نكمل القصة ..
........................................
( بيت بوهوازن )
أم هوازن : مييري ميييري
ميري : نعم مدام
أم هوازن : نجبي الغدى
ميري : اوكي مدام
بوهوازن : مشاري اليوم بتتغدى بالبيت ولا بتطلع
مشاري : أكيد بتغدى هنيي الحجية مسوية مطبق زبيدي وتبيني أطوفة يخسي الزلم
بو هوازن : ههههه .. طالع على يدك يموت على السمج
هوازن توها داشة البيت : السلام عليكم
مشاري يسوي روحه مايشوفها : ...
ثنيان : السلام
أم هوازن : وعليكم السلام والرحمة .. يلا بدلوا قاعد ننجب الغدى
هوازن : أووه أووه الشمس من وين طالعه * وتطالع مشاري
مشاري : ....
ام هوازن : ههههههه .. طالعه من غرفة مشاري
الكل : هههههههه
هوازن : يلا ثيوون أمش خل نروح نغير ملابسنة .. يقولك بعض الناس زعلانين علينا
ثنيان : لاتحاتين لمن يشوفون بعض الناس الي بيون راح يتشققون
بوهوازن : ههههههه .. وييه أم هوازن نسيتي رفيجة ثنيان .. خوفج الغدى يبرد .. خل ننطر ربع ساعه وبعدها ننجب
ام هوازن : اييه صح نسيت .. الله يذكرك بالشهادة ..
مشاري : ي رفيجة هاذي .. ويني أنا دايما آخر من يعلم
ام هوازن : أنت خلك نايم .. مو ماتبي تكلم أحد عيل شلون بتعرف أخبارنا
مشاري : ايي يصير خير حجية .. يصير خير ..
......
رن فون هوازن .. ولا جاسم داق
هوازن : ياربي أرد ولا ماأرد .. أرد ولا ماأرد .. أوووه برد وفيها الي فيها
: ألوو
جاسم : ياهلا ..
هوازن : هلا فيك
جاسم : انا الحين بالسيارة قاط بنتي بيت ناس ماعرفهم .. وحاس أني سويت شي غلط وداق أشوف رايج بلي سويتة
هوازن : شنو شصار
جاسم : واحد من أصدقاء بنتي على قولتها عازمها على الغدى .. ويالي وكلمني وقالي عمي عازم بنتك ومن هالكلام بصراحه فاجأني .. وقمر كانت مصرة تبي تروح فقررت أخليها تروح .. وانا مادري أهلها منو وشنو طبيعه بيتهم .. أمه منو أبوه منو .. بس ماحبيت أكسر بخاطر بنتي
هوازن : ههههههههههههههه
جاسم : ليش تظحكين في شي يظحك
هوازن : لاا .. بس تذكرت شغلة .. لا لاتحاتي أكيد اهلها خوش ناس .. وبنتك بأيدي أمينة
جاسم : خلاص الحين تطمن قلبي
هوازن : مع السلامة
جاسم : هوازن
هوازن : هلا
جاسم : أحبج
هوازن : ... مع السلامة
......
قمر ( وصلت عند باب بيتهم وكنت لابسة نفنوف أسود طويل ولابسة كعب أحمر .. وحاطة حمرا حمرا وصابغه أظافري بالأحمر .. وبلشر بروونز يعني بأختصار كالعادة كنت قمر .. وطقيت الجرس ولا أنصدم )
مشاري : قمر
قمر : مشاري
مشاري : شتسوين منييه
قمر : ماقالك ثنيان .. ثنيان عازمني على الغدى عندكم ..
مشاري : أهاا .. انتي !! شلون ماتوقعت
قمر : شنو الي ماتوقعته .. بعدين شنو بتم واقفة مدة طويلة عند الباب
مشاري : حيااج .. حيااااااااااااااااااااااج .. ترى طالعه مومن قلبي
قمر : اي هاذا ويهي ..
هوازن : ياهلا ... هلا بنتي قمر
قمر : مس هوازن
هوازن : اييه شفيج مشتغربة
قمر : أنتي شتسوين منييه
ثنيان : انا عازمها هههههههههههه
قمر : لا والله صج ..
هوازن : انا أم مشاري وثنيان
قمر : ههههههههههههه لا والله .. أمبيييه مومستوعبة ليلحين .. مووصج
هوازن : بس عاد هاذا سر محد لازم يعرفة بالسكول
قمر : لا لا أفاا عليج .. وااي مس حدي أستانست ..
ثنيان : ليش يعني مشتانسة ..
قمر : مادري .. اول شي أنصدمت يوم دريت مشاري أخوك والحين حاشتني صدمة ثانية يوم دريت انا مس هوازن أمكم ... ماشاءالله حدها مومبين أنها أم حق اثنين وبعمركم .. أنا عبالي توها بالعشرينات
هوازن : هههههه .. وايد صغرتيني ..
ثنيان : تعالي خل أعرفج على باجي العايلة
هاذا الحجي أبو أمي وهاذي الحجية أم أمي ..
قمر : تشرفت ..
ام هوازن : ماشاءالله عليج يما شحلاتج والله .. صج أسم على مسمى
مشاري : ويييع عاد ألحين مانحلص .. يبا لاترفعون من جوها وايد ترى الحين ترفع خشمها عليكم
بوهوازن : من حقها ..
مشاري : ويييع حجي لاتخليني ألحين أروح أنتحر
هوازن : خلاص مشاري ماما عيب
قمر : ههههههه ..
مشاري : ....
قمر ( حيل أستانست يوم تعرفت على أهل ثنيان .. حسيت أنهم حسل حبوبين وعايشين على الله .. عايلة كويتية بسيطة الدنيا كلها سهالات عندهم ومومهتمين وايد بالمناظر .. بس طول القعدة وانا بالي مع مشاري .. لاتعتقدون أني نسيتة .. بس كنت أتحاشاه وأسولف مع ثنيان عشان أقثة .. بس لاحظت انا مادرى عن هوى داري )
ثنيان ( أما انا كنت ملاحظ نظرات قمر حق مشاري وكنت أحاول أشتت هالنظرات وأظيع السالفة .. )
هوازن : لا أنتوا لاتشوفون ويه مشاري أول مارفع راسة وشافني أنا المس اليديدة .. ويها صار علامة تعجب
الكل : هههههههههههه
مشاري : ماكو شي يظحك ..
طق جرس البيت
ام هوازن : مييري بطلي الباب
مشاري : انا أروح أبطلة
( بطلت الباب ولا النسرة خالتي أم علي .. وليه حدي مالي خلق أطل بويها عيوز النار )
ام علي : هاذا أنت .. شنو مشغلينك بدال ميري ..
مشاري : اقول خالتي في أحد قالج من قبل أنج مليقة
ام علي : صج ماتستحي .. أهوو وخر عن ويهي
أم هوازن : اووه أم علي .. حياج يما
أم علي : الله يحييج يما .. شنو هاذا مشاريوو متى بيتعلم السنع
بوهوازن : أم علي كفي شرج خيرج ولاتبتدين
ام علي بنفسية : هلا هوازن
هوازن ماردت
أم علي طاحت عينها على قمر وثنيان
: منو هاذي الي قاعدة مع ثنيان
هوازن بكبرياء : زميلتة بالمدرسة وعازمها على الغدى
ام علي : الله أكبر .. اللهه أكبر لا تطيح السما علينة .. لهالدرجة وصلت فيج المواصيل بتخربين ولدج وتبينة يمشي على الي مشيتي فيه
هوازن عصبت : أنا بعرف أنتي شفيج .. ماتقوليلي شفيج .. والله لو مو انج أختي الكبيرة جان عرفت شلون أرد عليج .. انتي ماتملين .. لازم تبطلين صفحات قديمة .. انا أدري ريلج الي وازج .. اي ماكو غيرة .. بس الشرهة مو عليه عليج أنتي الي ماعرفتي شلون توقفينة عند حدا ..
ام علي : يماا سامعتها شتقول .. قاعد تغلط على ريلي .. أنتي نسيتي ريلي شسوى لكم .. لو مو بو علي جان ألحين أنتي وعيالج ماعندكم مكان تسكنون فيه .. وترى الي سواه بوعلي مو عشانج عشان أمي وأبوي
هوازن : يبا مانبي منتكم هاذي .. البيت أخذووه انا الحمدالله عندي معاش يعيشني انا وعيالي وأمي وأبوي ..
مشاري عصب : خالتي رجاءا أحترمي اهل البيت ... موكل مادشيتي علينا قعدتي تنقدين أمي .. أنتي ماعندج شغل غيرنا
ام علي : أنت أسكت .. صج ماعرفت تربيكم .. واحد يطول لسانة على خالتة .. وواحد يايب وحدا البيت وقالبينة سمردحة .. صج عيب عليج
هوازن : ام علي ممكن تقعدين بحترامج ولا البيت يتعذرج
ام علي : أنا راح اسكت مو عشانج عشان أمي وأبوي
مشاري : لا تكفة .. تكفة ..
ام علي : أنت جب ولا كلمة
ثنيان : هلاو خالتي
ام علي : هلا ..
ثنيان : قمر هاذي خالتي أم علي
قمر : السلام
أم علي بنفسية : وعليكم .. أنتي ماعندج أهل يعلمونج الصح من الغلط
مشاري بعصبية : خالتي
بو هوازن : أم علي حشمينا على الاقل .. صارلج ساعتين ماحشمتي أحد .. يبا أذا هاذي زيارتج لنا بلياهة ..
ام علي : يبا شفيك بعد أنت صاير جبريت .. يما شوفيهم
ام هوازن : أنا بالمطبخ بسوي الشاي ..
ام علي : اوووف .. .. .. انتي شنو أمج ومنو بنتة
هوازن ( لأ قمر لاتتكلمين .. لأ لاتنطقين .. )
قمر : أنا أسمي قمر بنت جاسم المهناز
ام علي وقفت على حيلها : شنهاااو شنهااااااااااااااااااااو بنت جاسم المهنااز .. أيا قليلة الأدب ..
بوهوازن وأم هوازن : أنتي بنت جاسم المهناز
قمر : اييه ..
ام علي : لآ عاد منيه وبس .. انا أقول هوازن شلون رضت تدخلج البيت مو لله
بو هوزان : أم علي سكتي ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك