رواية لاتمثلين احتياجج لي وانتي بحضن غيري مقزرتها -19
ام علي : يبا شفيك بعد أنت صاير جبريت .. يما شوفيهم
ام هوازن : أنا بالمطبخ بسوي الشاي ..
ام علي : اوووف .. .. .. انتي شنو أمج ومنو بنتة
هوازن ( لأ قمر لاتتكلمين .. لأ لاتنطقين .. )
قمر : أنا أسمي قمر بنت جاسم المهناز
ام علي وقفت على حيلها : شنهاااو شنهااااااااااااااااااااو بنت جاسم المهنااز .. أيا قليلة الأدب ..
بوهوازن وأم هوازن : أنتي بنت جاسم المهناز
قمر : اييه ..
ام علي : لآ عاد منيه وبس .. انا أقول هوازن شلون رضت تدخلج البيت مو لله
بو هوزان : أم علي سكتي ..
ام علي : لا عاد منييه وخلاص .. والله ماراح أسكت .. وانتي بنت جاسم .. قولي حق أبوج ترى عيب هالحركات .. هاذي حركات مراهقين .. قوليلة هوازن عندها صبين اطول مني .. والي ماقدرت تسويه قبل 20 سنة ماراح تقدر تسويه ألحين
هوازن دموعها أختلطت بصوتها العالي: أم علي رجاءا سكتي ..
مشاري بعصبية : خالتي شقصدج
ام علي : يعني أنت ماتدري .. انا خلاص بكسر الجرة وبتكلم
بوهوازن وأم هوازن : ام علي روحي بيتج ريلج ينطرج
هوازن * طحت على ريولها وترجيتها تسكت : أم علي خلاص
مشاري عصب أكثر : يما شقاعد تسوين .. قومي من على ريل خالتي .. خالتي شنو هالشي الي خلا أمي تنذل لج تحجي .. تكلمي
ام علي : أمكم الي تسوي روحها شريفة روما قبل 20 سنة كانت على علاقة مع أبو هاذي .. وأبوك تزوجة بالغصب عشان تغطي فظيحتها .. الكل بالفريج قام يتكلم عن امك وعن سواد ويها .. والحين عقب هلسنين كلها يايبة بنتة البيت عندكم ومقعدتها وسطكم صج ماتستحين ..
هوازن * قمت علىى حيلي وفورت ويهي قام يطلع منا شرارة .. تليت أم علي من ملابسها وطرتها برا البيت : طلعي براا .. طلعي برااا ..
ام علي : انا طالعه بس لاتحطين في بالج راح تردين تتزوجينة .. عقلي كبرتي .. مالت عليج وعلى الشي الي تسمينة حب
قمر * ( الكلام الي سمعته مثل السم الي أنتشر بجسمي .. حسيت أني صغيرة جدام أهل البيت كلة .. جدام بو هوازن وامها ... جدام ثنيان ومشاري .. ماقدرت أحط عيني بعينهم .. يعني مس هوازن اهي الي أبوي كان يقصدها .. أنسحبت من ساحة المعركة بكل هدو وطلعت من بيتهم .. )
مشاري : ييي...يييمااا .. قولي انا اللكلام الي قالتة خالتي مو صج ..قولي انها جذابة
هوازن : ......
مشاري صارخ : قولي .. تحجي تكلمي ..
هوازن *نزلت راسي بالارض : كلامها عدل ..
مشاري : يعني تزوجتي أبوي وأنتي ماتحبينة
هوازن : ايييه كنت مغصوبة أتزوجة .. بس مشاري أبوك كان مايرحمني .. أبوك كان يعايرني بفلووسة .
مشاري : خلاااص مابي أسمع شي منج سكتي ..
ثنيان : يماا ليش كنتي خاشة علينا .. ليش يماا آآ
هوازن : شنو تبي أقولكم يعني .. تبي أقولكم أمكم كانت عايشة قصة حب .. ولا تبيني أقولكم اني برد أتزوج مرة ثانية من الانسان الي أحبة
ثنيان : بس انتي سألتينة وقلتي بتتزوجين .. لو كنتي صريحة من البداية جان ماوصلنا حق هالطريج
بوهوازن : ثيان الي راح راح .. مانقدر نغير شي
ثنيان : بس بالنسبة لي ماراح .. انا ومشاري مستحيل نسامحج .. مستحيل
ام هوازن * بقلبها : زين سوت أم علي .. من زمان ناطرتها تنطق
هوازن : آآآه يبا .. شفت يبا شسوت أختي .. هدمت بيتي .. أنا شمسوية لها .. ليش تعتبرني عدوة لها ..
بوهوازن يمسح على راسها : خلاص يبا .. لاتبجين قطعتي قلبي ..
هوازن : يبا خسرت عيالي .. ثنيان يمكن يسامحني بس مشاري مستحيييل .. مستحييل يسامحني
يلاا بنات وهاكم العيدية ..
بنات هالبارت خليتة طويل تعويض لكم لاني بسافر أنشاءالله .. يعني ماراح أقدر أنزل بارت لين ارجع أنشاءالله .,
.,,
البارت السابع والعشرون
.....
( عند باب بيت بو هوازن )
قمر ( كنت واقفة عند باب بيت مس هوازن وأنا حدي متحطمة .. أنهرت حسيت أني صغيرة جدامهم .. كنت قاعدة على طرف الدري ناطرة أبوي يمرني .. ولا يطلع مشاري من باب البيت ويستلمني )
مشاري : أنتي ليلحينج قاعدة عند باب البيت .. خرا عليج وعلى أبوج .. يلا قومي عن باب البيت وروحي ذلفي بيتكم أنتي وبأبوج .. الله لايوفقكم ..
قمر : مشاري أنت شفيك .. ترى أنا مالي ذنب .. الي صار صار ومانقدر نغيرة .. عبالك أنا مستانسة يعني يوم سمعت هالكلام
مشاري نزل على مستوى قمر ومسكها من شعرها : سمعيني قمر مني وبس .. قولي حق أبوج خل يوخر عن طريج أمي لا والله أرتكب فيكم جريمة أنتي واهو .. وثنيان .. ثنيان أخووي أذا قربتي منة ولا أذيتيه تأكدي أنة نهايتج بتكون على ايدي سامعه ولا لآ
قمر : آآي مشاري خلاص وخر عني ..
مشاري : آآآخ والله لو الذبح حرام جان الحين نحرتج أنتي وابوج وعلقتكم عند باب بيتنا .. يلا ذلفي
قمر : ...
..
قمر ( تعديت عن باب بيتهم وشخط مشاري من جدامي .. نطرت أبوي عند رصيف بيت الجيران .. شكلي كان حيل غلط .. شعري أنفل من بعد ماكمشني مشاري .. والكحل ساح على خدي .. بس شفت سيارة أبوي ركبت وانا أرجف من الخووف .. كنت أبجي وأبوي يسألني شفيج بس ماقدرت أرد عليه .. وطول الدرب أبوي يسألني شفيج وانا ماني قادرة أتكلم كنت أبجي بدون لا أوقف )
جاسم : يبا خرعتيني شصار .. لايكون أذوج .. قوليلي طمنيني يبا .. قعدتيني على أعصابي والله حاس أني بموت بمكاني شصار
قمر * طالعته وحطيت عيني بعينة وقتلة : منو هوازن ..
جاسم وأهو مصدوم : هوازن
قمر وأهي تصارخ : منو هوازن .. وشنو الي صار بينكم .. وليش ماتزوجتوا .. وليش اهلها يكرهونك .. جاوبني
جاسم تنهد : وأنتي شعرفج بهوازن ..
قمر ودمعاتها مختلطة بصوتها المبحوح : ثثثث ..ثثنيان الي كنت عندهم أمة مس هوازن .. وخالتهم .. خخخخخااالتهم دخخخخلت البيتتتت وسمعتنااا كلاااممم لايسر صديق ولاااا عدوو
جاسم : خالتها أم علي
قمر : انت شععععرفففك فيييههههااا !!!
جاسم : انا راح أقولج كل السالفة من أولها .. بس أنتي الحين أستهدي بالله وتعوذي من ابليس .. وابيج تسمعيني للآخر بدون لاتقاطعيني وأنتي كبيرة وفاهمة ومابيج تحكمين علييي بدون لاتقعدين مع نفسج وتراجعين الموضوع براسج
قمر : أنشاءالله .. بس أنت تكلم وريحي
جاسم : آآيييييه قبل 20 سنة .. ليلحيني اتذكر الموضوع قبل عشرين سنة ( وقعد جاسم يقول حق قمر كل الي صار مع هوازن )
قمر مسحت دمعاتها من خدها وأبتسمت : وانت ليلحينك تحبها
جاسم : أجذب عليج يبا أذا قتلج لآ بس الخوف من عيالها ..
قمر : عيالها .. ثنيان مقدور عليه بس مشاري هاذا ويييه صعب صعب أنة يقتنع بسرعه
جاسم : وانتي شدراج
قمر : بابا نسيت مس هوازن معاي بلسكول وعيالها معاي بعد بلسكول
جاسم : اييه نسيت .. بقولج شر بيني وبينج
قمر : شنوو
جاسم : تدرين ليش سميت جراح جراح وأنتي سميتج قمر
قمر : لا ليش
قبل 20 سنة
جاسم : وليش تبين تسمين ولدنا جراح ..
هوازن : جراح .. آخييه على أسم جراح .. أحس هالأسم فيه رجولة مادري جذي احسة أذا نطق الكل يخاف ويرتجف .. أحسة هيبة .. وعلى أسم أبوي بعد هههه
جاسم : اي قولي من الأول أسم أبوج مو تقولين هيبة ومادري شنو .. أنزين والبنت ليش أخترتي لها أسم قمر
هوازن : لاني حاسة بنتنا راح تطلع مثل القمر .. متخيلة ويها ينور من بياضها .. وسواد عيونها يلفت حيل .. ورموشها طوال .. اما شعرها كستنائي وتتخللة خصلات شقرا .. شوف مثل هالصورة .. هاذي بنتنا قمر
جاسم : هههههه .. خيالج واسع .. اييه هوازن .. متى راح أيي اليوم الي نسكن فيه تحت سقف واحد .. ويملونة جراح وقمر بصريخهم ولعبهم .. عاد تييلج قمر تبجي تقولج ماما شوفي جراح يتحرش فيني ويكمش شعري .. وانا أوقف مع جراح أقولة زين تسوي فيها
هوازن: جاسم حرام عليك .. شلون تهون عليك بنتك هاا .. زعلت خلاص
جاسم يمسك أيد هوازن : هههه .. لا كل شي ولا زعل أم جراح ..
...
قمر :ههههه بابا طلعت موهين هاا .. أشوف لمن جراح كمش شعري قلت حق أمي الله يرحمها خليه خو أخوها ويلعب معاها
جاسم : ههههه .. انا دايما أصف مع الرياييل
قمر : بابا يعني أنت ماحبيت أمي .. كنت متزوجها بس جذي
جاسم : قمر بابا في فرق بين الحب وبين المعزة .. انا كنت اعز أمج لانة كانت بينة عشرة سنين .. بس قلبي كان دايما عند هوازن .. وامج كانت تدري أني كنت أحب قبل لا أتزوج وانا صارحتها من البداية ماخشيت عليها .. الله يرحمها ماقصرت معاي بشي علمتي أشياء كنت غافل عنها من سنين ..
قمر : أخيييه أبوي طلع مراهق بالأربعين .. متى تبي نخطب لك هوازن
جاسم : والله أذا على قولتج ولدها مشاري عسر يعني خلاص نغسل أيدنا
قمر : لا مالك شغل أنا راح أوقف معاك .. لاتحاتي بنتك قمر شقردية عن عشر رجال
.................................................. ...............................................
( زنزانة بو أشواق )
عادل : يبا خلاص مثل ماطلعناك منها قبل راح أطلعك منها الحين
بوأشواق : عادل انا عطيت أشواق مفتاح الصندوق
عادل : اي صندوق .. لايكوون !!
بو آشواق : اييه .. الصندوق الي خبينة فيه كل الأسرار .. الأوراق الاصلية والأوراق المزورة .. وصورة أم فيصل ودفتر ذكرياتها ..وكل شي كل شي
عادل : أنت شلون عطيتها .. مافكرت شراح يصير .. الحين بلة أشواق راحت حق الشرطة وسلمتهم الأوراق تدري راح نروح وطي .. شلون تهورت وعطيتها المفتاح وليش .. لاتقولي ظميرك صحى بعد هالسنين كلها
بو أشواق : والله ماجذب عليك أذا ماقتلك ظميري صحى .. دخلتي السجن غيرت وايد أشياء فيني .. لآول مرة وبهالخطوة حسيت أني صج أبو .. أنا خسرت فيصل ومو مستعد أخسر أشواق
عادل : وانت تتوقع لمن عرفت الحقيقة راح تطل بويهك ولا تسامحك .. انت غلطان .. انت هدمت آخر همزة وصل كانت تربطك أنت وأشواق .. عقب الي شافتة بالصندوق تحلم أشواق ترجع تتطلع بويهك ..
بو آشواق : لا أنا متأكد انها راح تييلي وتقولي يبا سامحتك
عادل : أصحى من هالأوهام حميد .. أصحى .. انت سلبت منها أجمل أيام عمرها بقرب أمها .. بسببك أم فيصل دخلت السجن .. تعرف شنو يعني بسببك
بو آشواق : خلاص عادل .. تدري أنك مثل الشيطان .. تخليني أبتدي وأسوي الغلط وبعدها توسوس براسي وتخليني أتحسف وأعيش بتأنيب الظمير .. كل الي صارلي من تحت راسك .. الله يسامحك
عادل : أنا .. اقول الشرهة مو عليك .. على الي ياي يساعدك ويمدلك أيدة .. يلا انا بتوكل وفي امان الله .. خيس بالسجن وبشوف منو بيطلعك ..
بو آشواق : هاذا الصج ليش زعلان .. ومنو قالك انا بطلع من السجن .. مشكور مابيك تتفضل عليي
عادل : انت صج مو ويه نعمة وبو ويهين .. أشوفك كنت تترجاني أني أوقف مع بنتك أول ايامك بالسجن شنو تغير ألحين .. أييه نسيت .. ألحين اشواق عرفت امها .. امها الي بتوقف معاها .. يلا في آمان الله .. وهاذا اللقاء الاخير .. وهاذا الوداع
........
بعد ساعات
أشواق ( وصلت عند باب المركزي .. طلبت أني أقابلة ... أنا مادري شلون سامحتة عقب كل الي سواه ..هالمرة رحتلة وانا كلي حقد وكراهية له .. عقب الي عرفتة مستحيل ألحين أسامحه .. حتى كلمة يبا مستحيل أنطق فيها له مرة ثانية .. انا ماعاد لي أبو ... أنا بس عندي أم .. ام وحدة الي أهيا أم فيصل الي حرمني منها طول هالسنين )
... : بو أشواق زيارة
بو أشواق : شفيهم الأوادم اليوم كثرت زياراتهم لي .. يمكن هالمرة ربحت سيارة ولا شي
... : يلا جدامي
...
أشواق ( كنت أنطر في الغرفة الي كالعادة أزورة فيها واخفف ظلمة السجن عنه .. كنت دايما أصبرة وأقولة الله راح يفرجها .. كنت بكل لحظة أتلهف عشان أشوفة .. بس هالمرة غير .. من سمعت خطوات ريولة تخطي باب الغرفة لفيت ويهي على الطوفة .. ماني قادرة احط عيني بعينة .. أستجمعت قواي .. ماكنت أبي أنزل دمعتي جدامة لانة مايستاهل يشوف دمعتي الغالية .. دخل الغرفة وكان متلهف يشوفني .. بكل وقاحة يبتسم ويقولي يبا أشتقتلج .. عقب الي سواه يقولي بعد يبا .. )
أشواق بأستغراب: يبا أشتقتلج .. !!
بو أشواق : اي يبا أشتقتلج
أشواق * قربت منا وطالعته من طرف عين : أنت شنو .. أنت من شنو مخلوق .. عقب كل الي صار وتقولي يبا .. لا أنت مو أبوي .. ( تنهدت ونزلت دمعتي .. سحبت دمعتي ودخلتها مرة ثانية داخل عيني ) : كنت أقول الأبو عزوة ياناس .. كنت أقول الأبو عمود البيت .. على كل الي سويتة وعلى كل المذلة والاهانات الي كنت أحصلها وظليت أقول أبوي تاج راسي .. أبوي عزوتي .. أبوي سندي .. بس أسمع أحد يمسك لو بكلمة أوقف بويها وأدافع عنك أقولهم بس .. خلاص .. هاذا أبوي .. هاذا تاج راسي . .. الي يمسة يمسني .. وانت .. انت شنو .. تستقصد تحطمني .. تستقصد تدمرني .. انا مو بنتك هاا .. تكلم أنا موبنتك ..
بو آشواق : يبا شفيج .. ليش تقولين هالكلاك
أشواق : الصور .. الأوراق .. ذكريات أمي .. آآآه أميي ... أم فيصل .. ليش خشيت عليي .. خليتني أصير ناقصة .. البنات كانوا يعايروني .. يقلولولي أنتي ماعندج ام وأبوج سكير قمار .. كل البنات بكل المراحل الي مريت فيها كانوا يتفوقون ويلقون أمهم تبتسم فيهم وتفتخر بالأنجاز الي وصلوا له .. الا انا .. كنت أتفوق وألتفت يمين ويسار أدور أمي .. وينها .. وين أمي أبي أطيح بحضنها واقولها يما .. هاذا التفوق الي حصلتة بفضلج .. بس ماكنت أحصل أمي تدري ليش .. لانك أنت السبب .. أنت الي دخلتها السجن .. مريت بمرحلة مراهقة الي كل بنت تحتاج امها بهالمرحلة .. كنت أستحي أقولك شنو الي كنت أمر فيه .. ولمن كبرت بكل وقاحة وجرآة وقفتني جدام ربعك وقتلهم باركوا حق بنتي صارت حرمة .. ليش .. انا مو بنتك .. شلون تبطل موضوع خاص فيني جدام ربعك .. أنا ماراح أسامحك لي يوم الدين .. الله ينتقم منك .. كلمة يبا أستخسرتها فيك .. ماتستاهل أنطق فيها عشانك .. روح عساك أنشاءالله .. ( ماتحملت أنفجرت وقعدت أبجي ) : آآآآه آآآه ماقدر .. أخلاقي وتربيتي ماتسمحلي ... ودي أقولك روح الله ياخذك .. بس ماقدر .. ماقدر يايبا .. ماقدر
.................................................. ..............................................
( بيت أم علي )
أم علي دشت البيت وأهيا تتحلطم
أم علي : آآخ بس .. والله لو ماسكتها من شعرها وتالتها برا البيت .. مابردت جبدي فيها .. مالت عليها أهيا وأبوها .. وبكل وقاحة تدخلها البيت .. أكيد بترجع ترسم على أبوها موبعيدة عليها ..
بو علي : شفيج قاعد تتحلطمين
ام علي : بعد شفيني ..
بو علي : متهواشة مع أختج
ام علي : بس متهاوشة معاها .. انت ماتدري جليلة الحيا شنو مسوية
بو علي : بعد شنو مسوية
ام علي : يايبة بنت حبيبها الغبر بيتها تخيل وبكل جرآة .. بترد ترسم على الريال مرة ثانية .. صج جليلة الحيا .. عقب هالعمر مافكرت بعيالها لا وطاع العذر تقول بنتة صديقة ثنيان بلسكول على قولتها .. وين قاعدين احنا قاعد تخرب عيالها وتبيهم يشمون على خطاها
بو علي عصب : انا جم مرة قايلج لاتروحين بيتهم بس انتي ماتفهمين ..
ام علي : بو علي شفيك خو أنا رايحة زايرة أمي ..
بو علي : من يوم ورايح ماتروحين بيتهم سامعتني .. وعيالج مابيهم يحتكون بعيالها خاصة فطوم .. بدال هاذي اختج مو راضية تيوز عن سوالف المراهقين هاذي باجر تقعد تفر مخ بنتي وانا مو ناقص بعد ..
ام علي : اييه بلة وانت الصاج .. ماتدري باجر ثنيانو العوي شنو يسوي حق فطوم يقعد يخرب أخلاق بنتي ويعلمها خرابيط من الي متعلمها بمدرستة الأنقليزية ..
..
فاطمة ركضت غرفتها وتلت تلفونها ودق على ثنيان
ثنيان بصوت مبحوح : هلا فطوم
فاطمة : الحين قولي شنو صاير .. شفيها أمي داشة البيت بقوة وقاعد تتحلطم على خالتي هوازن ..
ثنيان : فطوم مالي خلق اتكلم .. ممكن تسكرين التلفون أبي أقعد بروحي مع نفسي بفكر شوي
فاطمة : لا موممكن .. ثنيانو من متى وأنت تخش عليي شي .. يلا تكلم
ثنيان : فطوم انا حاس أني مقموت مو قادر أقعد بالبيت .. شرايج نلتقي بستاربكس جمعية الزهراء خو أمج عادي تخليج تروحين الجمعية مع السايق
فاطمة : خلاص صار .. أقولها بروح أشتري جم شغلة من المكتبة وبمر الجمعية .. أنت أسبقي مناك وانا لاحقتك
ثنيان : أوكي صار ..
...
( ستاربكس جمعية الدعية )
ثنيان يأشر حق فاطمة : هني فطوم ..
فاطمة : يلا كاني أوكي شفتك .. ( قعدت على الكرسي وشفت ثنيان حيل متظايق أول مرة أشوفة جذي .. شايل هموم الدنيا على راسة ) : ثيوني شفيك
ثنيان : فطوم أنا تعبان ..
فاطمة : اي أدري أنك تعبان .. صارلك ساعتين من كلمتك وانت تقول تعبان .. شنو صار .. وشنو الي متعبك ..
ثنيان : اليوم أمج مرت بيتنا ورفيجتي قمر الي قتلج عنها معاي بلسكول كانت عندنا .. وأمج ماشاءالله تحب المشاكل وانتي عارفتها ماخلت كلمة ماقطتها على أمي .. انتي ماتستحين ومادري شنو .. ولا أمج تسأل قمر أنتي بنت منو .. قمر قالتلها بنت جاسم المهناز .. ولا أمج تثور .. وأمي تترجى أمج تسكت ولا أمج تقول لأ مني وبس ..
فاطمة قاطعته : أنزين وبعدين .. شقصدها منيه وبس
ثنيان : خو أنتي نطري قاطعتيني خليني أكمل .. يوم قمر قالت بنت جاسم المهناز ولا أمج تقولها أنتي ماتستحين عبالج أبوج راح يقدر يسوي ألى ماقدر يسويه قبل 20 سنة ..
فاطمة : أمبيييه وبعدين
ثنيان : طلعت أمي كانت تحب أبو قمر قبل 20 سنة .. وماتزوجتة بسبب أمج و يدتج ام سعد .. وقبل فترة أمي قالتلي أنا ومشاري أذا أحد تقدملي توافقون أتزوج .. طلعت قاعد تمهد الموضوع لنا .. آآخ أحس راسي راح ينفجر
فاطمة : وانت شرايك
ثنيان : رايي بشنوو ..
فاطمة : انا أمك ترجع تتزوج
ثنيان : شنو .. فطوم من صجج وهاذي بعد فيها راي ..
فاطمة : ثنيان لاتفكر بقلبك فكر بعقلك .. أمك وايد عانت من تزوجت أبو مشاري وتدري شلون كان يذلها .. وغلطت مرة ثانية يوم تزوجت أبوك .. الكل كان يظن أنهم عايشين بسعادة بس أمك عمرها ماذاقت طعم السعادة لا مع أبوك ولا أبو مشاري .. فمن حقها ألحين تذوق هالطعم عقب الظيم الي عاشتة .. وانت فكر فيها أمك كانت تقدر تقطك أنت ومشاري على ماما عودة تربيكم وتتزوج .. بس خالتي شسوت .. خالتي ظحت بشبابها عشان تربيكم وماخلت عليكم قاصر ..
ثنيان : فطوم بس لا تخليني أحس بتأنيب الظمير
فاطمة : ثنيان حياتي هاذا عين العدل .. وانا أدري انك مو أناني .. خل أمك تعيش حياتها لو مرة وحدة .. أنا من زمان ماشفت خالتي هوازن تظحك .. دايما أحس أنها مقموتة وتكتم مشاعرها بقلبها .. والدنيا كلها واقفة بويها .. وانا أدري ماما عودة ليش ماتحب أمك
ثنيان : ليش
فاطمة : لانها تطلقت من أبو مشاري سعد .. سمعت أمي مرة تقول حق أبوي هاذي غبية عافت القصور والأراضي وتطلقت .. سعد بغى يسجل عمارة بأسم أمك و مزرعه بالوفرة و بيت بالقادسية بأسم ماما عودة .. قالها اذا تطلقتي راح تخسرين كل شي وأمك طلبت الطلاق .. لانها قررت تحافظ على الباقي من كرامتها ..
ثنيان : ماما عودة هاذا تفكيرها .. بلفلوس .. يعني باعت أمي بالبداية عشان لفلوس ومنعتها تتزوج الأنسان الي كان راح يسعدها .. خرا على لفلوس ألي تغير النفوس ..
فاطمة : اي والله خرا عليها
ثنيان : هووب .. البنات مايقولون خرا .. البنات يقولون أي شي على لفلوس الي تغير النفوس
فاطمة وثنيان : ههههههههههههههههه
فاطمة : اي أظحك .. خلني أشوفك دايما مبتسم .. يلا ثيوني تأخرت خل أمر المكتبة أشتري دفتر لا أطلع جذابة جدام أمي وأبوي
ثنيان : يلا حياتي سي يو .. ولاتقطعين عاد ..
فاطمة : اي أوكي .. بينة بيسيات
.................................................. ..............................................
( لوس آنجيلوس )
جاك : بعد يومين سوف تغادر
آشلي : على أي رحلة
جاك : لم يتسنى لي الوقت لكي أتطفل على رقم الرحلة ..
آشلي : حسنا لايهم على أي رحلة ستغادر أني واثقة بانه سوف لن يلحقها ولكنه سوف يتواجد بالمكان نفسه الذي ستتواجد فيه
جاك : أنا أيضا أعتقد ذلك .. يبدو بانه تربطهم علاقة متينة جدا تتعدى المحبة
آشلي : نعم .. هذه القوة التي يسميها الصداقة .. ويقول أيضا بأن دينهم الأسلام يقول وباليتامى والمساكين هل تعرف معنى هاذا ..
جاك : نعم .. الله تعالي وصانا في القرآن بأن نقف ألى جانب اليتامى .. اليتامى اللذين فقدوا أمهم أو أبيهم .. ولقد سمعت من جوان بأن جراح صديق الطفولة ولم يفترقا أبداً .. ولكني لا أعرف كيف أستطعتي بأن تتدخلي بينهم وتحطمي الصداقة التي تربطهم
آشلي : هههههه .. هاذا سر المهنة
جاك : حسنا يجب أن أقفل الهاتف الآن ..
آشلي : لاتنسى .. انه اليوم الموعود ..
جاك : لا تقلقي لقد مررت على صديقنا وأشتريت منه الاداه المطلوبة .. بأذن الله كل شي سيكون تحت متناول يدك أنت وجون
آشلي : ههههاااااي تعجبني جرأتك
...
القاعدة ( أسرائيل )
جون : يا رئيس أنتظر وسوف يتحقق مرادك .. أبنتي آشلي وصديقها جاك يعملان على الموضوع .. ولكن يجب أن تنظر حتى لا يشك الطرفان العربيان بأننا نخطط للأنتقام منهم
الرئيس : سوف أنظر ولكن يا جون أذ لم تنجح أبنتك وتلاعبت بنا سوف تلقى أنت وهي حتفكم وهاذا وعدُ مني ووعدٌ مؤكد هل سمعتني
جون : نعم يا رئيس .. ولكني لم أخذلك أبدا ً .. لقد أتممت أربع عمليات مع أبنتي آشلي ولم نخذلك يوماً أليش كذلك
الرئيس : نعم لم تخذلوني أبدا ولكني غير مطمئن من صديقها جاك ..
جون : جاك يتعاون معنا للنيل من الفتاه .. أما آشلي فأنها تخطط للنيل من الشاب .. ولكن أين تفضل أن تتم العملية .. في دولتهم أم في لوس آنجيلوس
الرئيس : لا أفضل في لوس آنجيلوس .. أنت تعرف بأنه في الآونة الأخيرة دخل الكثير من الأجانب في الولايات المتحدة الى الأسلام تحت شعار الناس سواسية .. وأنا أريد الحد من دخولهم الى الأسلام فغدا سيكونون عدوا قوي لنا .. فدينهم يحتوي على سلاح لانملكه وهو القرآن .. ألا تعلم بأن القرآن كما يقولون بأنه حل لكل مشكلة
جون : نعم أعلم .. لقد كنت مسلما يوماً أيها الرئيس وكلامهم لا يخطأ .. بالقرآن هناك حل لكل مشكلة .. الله تعالى ذكر كل أسرار الكون بهاذا الكتاب
الرئيس : عجبا ً عجبا ً .. حسنا .. نلتقي عما قريب وقل لأينتك آشلي بأن لاتتأخر في أداء المهمة
جون : حسنا سيدي الرئيس الى اللقاء
.................................................. ..............................................
( على شارع الخليج .. بالتحديد سيارة علي )
على انغام أغنية نوال علي بصوتة الخشن كالعادة يغني
نايم حبيبي ؟ نام " نوم العو1في " ..
يسعد [ مساااك ] جعل / تصبح على خير ..
ما أحلاك .. وما أحلى شوفتك و أنت ( غاااافي ) ..
شوفها / يخون وصفها " أي " تعبير ..
أحس .. كن اللي ’ بـ ~ هالقلب خافي ..
ودهّ { يغرّد } لك من الشوق ويطير !
علي ( وانا مندمج بالأغاني ولا أشوف مرسيدس قاعد تبتون جدامي .. مالاحظت صاحب السيارة لانها كانت مغيمة .. ماعرتها أي أهتمام .. كملت مسرتي وانا أغني ولا الحجي الي بالسيارة يوقف وراي ويترك لي .. هاذا شسالفتة قلت أصفط يمين أشوف شسالفتة .. وسفطت ولا تطلع دلال .. هالبنت ماتمل ولا تكل .. شتبي بعد .. نزلت من السيارة وتخصرت جدامي .. ونزلت معاها دانة رفيجتها .. وقفت وطالعتها بنفسية )
:
خير دلال .. يعني ماكفاج الكلام الي قطيتة لج قبل شوي .. بعدين شنو هالحركات تبتونين جدامي وتتركيلي خير نعم ..
دلال ( قربت من علي حيل .. لين أختلطت أنفاسي بأنفاسة .. وهمست بأذونة .. علي أنا أبيك .. )
علي ( ماأجذب عليكم وأقولكم ماحسيت بشي من قربت مني دلال هالكثر .. بس الشعور الي حسيتة مو لاني أحبها لا بالعكس .. لانة أي أحد بيكون مكاني بيحس بشعوري .. بس انا قدرت أقاوم هالشعور و وخرتها عني .. تدرون ليش .. لأن أشواق بقلبي .. لانة أشواق بعيوني .. لانة أشواق بعقلي وفكري .. وانا مستحيل أخون أشواق لو حتى بظرة حق دلال .. دزيتها على السيارة وقتلها كلمة وحدة .. )
: أنتي زبالة .. وانا مايشرفني أوقف بالشارع والناس تطالعني يم زبالة ..
( أنا مو من شيم أصلي ولا من تربيتي أني أكلم بنت بهالطريقة .. بس دلال ماخلت جدامي غير هالطريج عشان تبتعد عني اهي ومشاكلها .. وبعد ماقتلها هالكلمة تعديت عنها وركبت سيارتي ... طلعتها من المنظرة الجانبية .. كانت مصدومة طاحت على الارض واهي تبجي ودانة تسكتها )
دانة : قومي دلال خلاص قومي
دلال : آآآآآه انا زبالة .. آآآه ... والله لعلمك منو لزبالة ياعلي .. الأيام بيننا
.................................................. ..............................................
أشواق ( وصلت البيت وريولي موشايلتني .. تنهدت وقطيت راسي على فراشي .. فصخت لفتي ونثرت شعري على المخدة .. طالعت السقف وقعدت أفكر .. شنو الذنب الي أقترفتة عشان يصير يني جذي .. ياربي انا شنو سويت عشان يصير فيني جذي .. وبعدها تذكرت قول الله في كتابة الكريم .. أن الله مع الصابرين أذا صبروا .. الساعه كانت 5 العصر .. دخلت المطبخ وطلعت كل الجدور الي بالمطبخ .. طلعت العيش والبصل والطماط ومعجون الطماط والدياي .. انا فيني طبع لمن أفكر وايد أطبخ .. الطباخ يشتت أفكاري .. قعدت أقص الطماط وحطيتة بالجدر وبديت أطبخ .. طق باب البيت رحت أفتح الباب ولا علي بويهي .. تنحت .. بس دخل البيت ولا يلمني حيل ويصرخ ويقول أحبج .. السجين كانت بيدي زين ماطعنته وانا مادري .. أما انا كنت أبجي .. طحت بالأرض وانا أبجي ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك