رواية لاتمثلين احتياجج لي وانتي بحضن غيري مقزرتها -20
قول الله في كتابة الكريم .. أن الله مع الصابرين أذا صبروا .. الساعه كانت 5 العصر .. دخلت المطبخ وطلعت كل الجدور الي بالمطبخ .. طلعت العيش والبصل والطماط ومعجون الطماط والدياي .. انا فيني طبع لمن أفكر وايد أطبخ .. الطباخ يشتت أفكاري .. قعدت أقص الطماط وحطيتة بالجدر وبديت أطبخ .. طق باب البيت رحت أفتح الباب ولا علي بويهي .. تنحت .. بس دخل البيت ولا يلمني حيل ويصرخ ويقول أحبج .. السجين كانت بيدي زين ماطعنته وانا مادري .. أما انا كنت أبجي .. طحت بالأرض وانا أبجي .. )
علي خايف : أشواق شفيج ..
أشواق : علي .. أمي طلعت عايشة .. امي مو ميتة
علي تنح : ششش ...شششنو
أشواق : اييه .. المفتاح .. الصندوق .. بالغرفة .. قريت كل شي ..
علي : أشواق شوي شوي ماني فاهم .. مسحي دموعج وتعوذي من أبليس ..
أشواق : علي .. كتبت له هالشعر .. كنت ناطرة ازورة مرة ثانية وأعطيه الورقة
غآلي ياأبويّ وقلتها بقلبٍ فخورٌ..
............... ياتاجْ أحطّه فوق راسِي وين أسيرُ
ياللي غلاكْ في قلبي باني له قصور ..
................|قلبي|بلادك وأنت يا أبويّ الأمير
وأن جيتْ ألّـف الكونْ ذا كله وأدور ..
................بــ / آلقاك شيءّ بـ هالزمنْ ماله نظـير
يعني أختصارْ إللي بقوله من شعور
.............. [ بنتكْ يا ضيّ عيونها تحبكْ كثيرٌ]
علي ( لميتها حيل بحضني .. كانت دموعها تنمسح بقميصي .. مادري شسوي .. مادري شنو أقولها .. ماعرف أتصرف بهالمواقف الحزينة .. حاولت أهديها .. قريت عليها قرآن لين هدت وغمضت عيونها ونامت بين أيدي .. كانت مثل الملاك بريئة .. شعرها متناثر على ويها .. وعيونها عليها غشاوة من الدموع .. شلتها وحطيتها بفراشها .. غطيتها بالشرشف .. طلعت بهدوء من الغرفة .. وبعدها طلعت من البيت ورحت بيتنا .. )
.................................................. ..............................................
لااضُآق صَدرك مدّ لله : يدينك ’
وآلليْ قسمه " الله " لْك آقنع به و أرضُ
و آضمُن لْك آن الآإرض تصَغر" بـعينُك "
و تشَوف ضيُقة صدرَك آوسَع مُن الآإَرضُ .|~.
مشاري : حيدر أنا خلاص قررت أسافر
حيدر : وين مشاري .. مو من صجك ... لاتخلي هالشي يأثر عليك .. الدنيا الله خلقها وخلقنا فيها وحطلنا فيها أختبارات .. هاذا أول أختبار لك بالدنيا وأستسلمت ..
مشاري : حيدر الي صار مو شوي .. موشوي ..
حيدر : اي أدري موشوي .. بس انت لازم توقف مع أمك .. لازم تسكر حلج كل واحد يتكلم عنها بالشينة .. امك ماكو مثلها بالدنيا يا مشاري .. أمك كافحت عشان توقف على ريولها
مشاري : حيدر هاذي مسألة تخصني .. وانا ماقتلك بسافر عشان تقعد تنصحني وتذكرني بمثاليات أمي ..
حيدر : عيل ليش دقيت عليي
مشاري : لاني محتاج فلوس .. باخذهم منك دين ولمن أرجع راح أردهم لك
حيدر : بس فلوس .. غالي والطلب رخيص .. بس مشاري انا أبيك تقعد مع نفسك وتفكر عدل قبل لاتتخذ هالخطوة
مشاري : حيدر أنا قلت بسافر عشان أصفي ذهني وأفكر عدل .. يمكن لمن أبتعد شوي أقدر أقولب السالفة بمخي ..
حيدر : خلاص الله وياك .. وتأكد أني بكون معاك وكت ماتحتاجني وأي شي تبي لا يردك ألا لسانك
رن تلفون حيدر
علي : وينك حيدر
حيدر : بالديوانية حياك
علي : يلا دقيقتين وأكون عندك
حيدر : حياك الله ..
مشاري : والله حيدر مادري شكنت راح أسوي بدونك .. حبيب وأخو وصديق ماعمري شفت احد مثلك
حيدر : شدعوة مشاري .. انت وايد وقفت معاي وهاذا شوي ماسويت شي
علي دش الديوانية .. : السلام عليكم
مشاري : علي
علي : أووه هلا مشاري
حيدر : هههه تعرفون بعض
مشاري : أي عرفة .. ولد خالتي وياشين هالنسب .. وبعدين أنت لك عين بعد تسلم عقب الي صار
علي : ليش شصاير.. أنت شفيك مينون ..
مشاري : تسوي روحك ماتدري يعني هاا .. روح أسأل أمك
حيدر : هووب مشاري .. هد أعصابك .. عيب عليك هالكلام .. الريال مالة شغل بلي صار
مشاري : أقول حيدر انا طالع .. وأذا المكان صار نظيف من الوساخة الي فيه عطني خبر
حيدر : مشاري عاد كلش ولا علي .. ماأسمحلك تتكلم عنة بهالطريقة
مشاري : ماشاءالله .. خل ينفعك ولد أمة .. أنا ماشي .. والي طلبتة منك مابيه .. فمان الله
حيدر : مشاري .. مشاري
علي : حمدالله والشكر هاذا شفيه .. وانت من وين تعرفه
حيدر : وييه هاذا رفيج عمري من الأبتدائي لين تخرجت .. بس أهو كان شيطان قوع وانت من وين تعرفة
علي : قالك ولد خالتي .. بس مانشوفهم وايد ..
حيدر : حياك .. حياك .. سامحني على الي صار أمسحها بويهي ..
البارت الثامن والعشرون
.....
( لوس آنجيلوس الساعه 12 ليلا )
جراح ( اليوم .. كان يوم السبت ومستحيل انسى هاليوم .. كنت أراقب جوان من بعيد عشان أتحرى أخبارها .. شلونها .. شمسوية .. تاكل .. تنام .. مستانسة .. متظايقة .. كنت مثل الحرامي أوقف ورى الشجر وأطلطل .. وبهالمرة الي كنت أطل فيها ولا جاك واقف وراي خرعني )
جاك : مرحبا ً
جراح : بسم الله الرحمن الرحيم .. هاذا أنت شتبي ها
جاك : ماذا تفعل هنا ..
جراح : وانت شكوو .. أنت الي ماذا تفعل هنا
جاك : أنا جئت كي أودع جوان .. أنها الليلة الأخيرة لها هنا في لوس آنجيلوس
جراح : أعلم .. وماذا تريد الآن .. ولماذا تخبرني
جاك : لأن جوان ستفرح عندما تراك تودعها في المطار ..
جراح : لادخل لك ..
جاك : لماذا علاقتك متدهورة مع جوان .. هل بسبب آشلي
جراح : أنت شكووو ..
جاك : أهدأ جراح .. أنا لا أريد سوى أن أنصحك .. آشلي هي السبب بما يجري بينك وبين جوان .. لاتجعلها تتدخل بينكم لتخرب الصداقة التي تربطكم .. آشلي تريد الأنتقام منكم لأنكم عرب ومسلمين .. فوالدها زرع الحقد والغليل بقلبها للعرب المسلمين .. وأخبرها بأنهم جميعهم أرهابيين
جراح عصب : وانت ماأدراك .. من أين تعرف كل هذه الأمور .. ولماذا أصدقك .. الجميع يتكلم عنك .. الجميع يقول بأنك أنسان فاشل ومتهور ودايما تكذب .. وانا احذرك اذاتقربت أكثر من جوان وآذيتها فستندم
جاك : هههههه .. لاتقلق .. أني أحضر مفاجآة ساخنة لجوان ..
جراح : ياسافل .. سوف أقتلك ( قربت منة ودزتة على الارض وشتة على بطنة .. وعطيتة جم طراق عدلت ويها له )
جاك وقف على حيلة : هل تعتبر هذه رجولة .. وهل تعتقد أني سأخشاك أذ قمت بضربي .. أنت الذي ادخلت جوان بهذه المسألة .. أنت السبب .. سوف تعيش بتأنيب الظمير حتى تمووت .. هههههههه .. أنا وآشلي لن نترككم أبدا ً
جراح : لا تنطق بأسم آشلي على لسانك القذر .. انا اعلم بأنك تريد اللعب معي .. تريدني أن أفترق عن آشلي .. وأنا أعلم بأنك أنت من أقحمت تلك الأفكار في رأس جوان عن آشلي ..
جاك : يعجبني ذكاؤك .. يعجبني جدا ذكاؤك .. نعم أنا من اقحمت رأس جوان بهذه الأفكار .. وماذا ستفعل .. هل ستخبرها بأنيي أنسان حقير واناني ومجرد من الأخلاق .. هل تعتقد بأنها ستصدقك .. جوان محتك من ذاكرتها .. انت الذي فضلت آشلي على جوان .. يجب عليك أن تتحمل النتائج ..
جراح : سوف أقتلك .. سوف أقتلك
جاك : أذا قمت بضربي الآن سوف أدخلك السجن بتهمة الأعتداء بالضرب وتعرف ماهي عقوبتك .. والآن أنا أستأذن أريد الذهاب الى شقة جوان لتوديعها
جراح : حقيير ساافل
جاك : ههههههههههه عربي مسلم ..
جراح ( مادري شسوي .. هاذا الانسان قاعد يلعب بجوان .. أنا خايف يسويلها شي .. وقفت أدور طريقة أقنعها أنا جذاب وقاعد يستغلها .. وبهاللحظات أهو سبقني شقتها ... ماتحملت أشوفة يدخل عندها الشقة وأدري أنا ممكن يأذيها وانا واقف .. ركضت وصعدت عندها الشقة .. طقيت الباب ولا فتح لي .. طالعتني بنظرة ولا تعطيني ظهرها وتمشي .. دشيت الغرفة وشفته قاعد على الكرسي ويظحك .. حسيت ودي أعلقة على حبل المشنقة وأذبحة .. أشتطيت حيل )
: جوان أنتي لازم تبتعدين عن جاك ... والله هالأنسان راح يظيعج .. توة قبل شوي قالي بعظمة ألسانة انا مجهز لج مفاجآة .. تعرفين شقصدة ..!! .. جوان أحذرج منة هالريال مو زين .. راح ياخذ منج كل الي يبيه وبعدها يقطج .. جوان أنا
جوان قاطعته : انت شنوو .. أنت شتبي .. ماكفاك المذلة الي ذليتني فيها .. ليش ياي بعد .. ( بلعت ريجي لاني موقادرة أكمل .. غمضت عيوني ورديت بطلتها ) .. تذكر الاسبوع الي طاف يوم قتلك نفس الكلام عن آشلي .. أنت صدقتني .. لآ .. شنو سويت .. لفيت ظهرك وقتلي ماتوقعتها منج .. انت عبالك أنا اطلع كلام على آشلي لاني أغار منها .. لا بالعكس .. آشلي تتعمد تخلق المشاكل بيني وبينك وانت كنت دايما تصدقها وتجذبني .. والحين ياي تقولي أنا هالريال موزين .. بأي حق ..
جراح : جوان لاتخلطين الامور مع بعضها .. هاذي السالفة مالها شغل بهاذي السالفة ..
جوان : لا بلة لها شغل .. جراح أذا سمحت أطلع برا الشقة .. ألي بيني وبينك أنتهى من زمان
جراح : جوان صدقيني راح تندمين وتقولين قال جراح ..
جوان : اطلع برااا قتلك .. ومشكور لأنك حذرتني ..
جراح : أنا طلع جوان .. طالع .. بس ديري بالج على نفسج وانا ماوصيج .. تمسكي بعاداتج وتقاليدج لاتسمحين حق أحد يهز تربيتج الي تربيتي عليها لو منو يكون
جوان : مشكور
( طردت جراح من البيت وانا مخي غارق بالتفكير .. قعدت على الكرسي يم جاك وقعدت أقلب السالفة بمخي .. الكلام الي آشلي قالتة لي بالضبط أهو نفس الكلام الي جاك قالة حق جراح .. في شي بالموضوع ... السالفة وراها شي .. معقولة جاك يكون معاون آشلي بالموضوع .. بس ليش .. ليش يسوون جذي )
جاك : جوان .. جوان مابك .. بماذا تفكرين ..
جوان : لا لا .. لاشي .. أمممم جاك هل كنت تعرف آشلي من قبل .. أقصد هل كنتم صديقان أو شي من هاذا القبيل
جاك : آشلي .. لا .. انها أنسانة متكبرة ومتسلطة جدا ولا أحد يحب الأقتراب منها
جوان : ولكن
جاك مسك أيد جوان : ولكن ماذا .. دعك الآن من آشلي ومن جراح ودعينا نستمتع بلحظتنا هذه قبل رحيلك
جوان : ولكن
( جاك قرب أكثر وأكثر مني .. لزق فيني وحاول يبوسني بس قدرت أوخر عنه .. رحت المطبخ عساس أسويلة عصير عشان أرقع الموضوع .. )
: أعطني ثواني لكي أحضر لك العصير
جاك : حسنا ً .. أنا في أنتظارك
جوان ( وليييه الحين شلون أصرفة .. أنا لازم أدق على جراح وأقولة كل شي .. لازم أفهمة وأربط الأحداث له .. لمن آشلي وجراح كانوا متزاعلين جاك شلون عرف بسالفتهم .. أكيد آشلي كانت على أتصال معاه .. ولمن سألت آشلي على منو تدقين قالت جراح وبهالوكت كانوا متزاعلين .. يعني أكيد كانت تكلم جاك .. والمطار .. اييه المطار .. آشلي شنو هالصدفة الي عرفت فيها أني بروح المطار .. وبالضبط الوكت الي كنت أحجز فيه تذاكر .. يعني جاك يتعاون مع آشلي .. يااااربي .. انا لازم أسجل صوتة وأهو يعترف .. وبهالطريقة جراح راح يصدقني .. خل أودي العصير حيل تأخرت ) .
: تفضل العصير .. ( عطيتة العصير وحطيت العصير مالي على الطاولة .. قتلة بروح الحمام عساس أجهز التسجيل .. )
جاك ( في هذه اللحظة قمت بوضع المخدر في عصير جوان .. مسكينة جوان لاتعرف مالذي ينتظرها .. سوف أعمل على تشويش أفكارها .. سأدلها على الخيط الذي تبحث عنه ولكن في المقابل سأقوم ب.. )
جوان : حسنا لقد عدت .. والآن جاك هل تريد أخباري بالحقيقة .. من غير آكاذيب .. لقد عرفت كل شي .. تحدث ولا تكذب علي
جاك ظحك : هههههه .., ماذا عرفتي
جوان ( مسكت العصير وشربت .. وطالعته بنظرة يعني عرفت خطتك .. حطيت قلاص العصير على الطاولة .. وحطيت ريل على ريل .. وجاك كان يطالعني بنظرات حقيرة .. نظرات واحد طوووووووووط .. ) : جاك مابك .. هيا أخبرني ماحصل .. ( فجأة حسيت راسي يفتر .. ماقمت أطالعه عدل .. صورتة قامت
تتشوش .. بس كان قاعد يتكلم .. كان قاعد يعترف )
جاك ( عندما رأيتها بحالة التخدير أخبرتها بكل شي .. ) : نعم أنا وآشلي أصدقاء .. وأصدقاء مقربون جدا .. نعمل لدى القاعدة في أسرائيل ومهمتنا أن ننتقم من العرب المسلمين .. وسوف تسألين عن السبب الذي نريد الأنتقام فيه من العرب المسلمين سأخبرك ياجميلة .. لانة المسيح هنا أصبحوا يدخلون بكثرة بالاسلام وعنده كثرة المسلمين سيكثر الارهاب في الدولة .. وسيقومون بالقضاء على الديانة المسيحية ..
جوان ( ماني قادرة أستوعب الموضوع عدل .. قرب جاك مني وهمس بأذوني وهاذا آخر شي أتذكرة )
جاك : جوان .. لا أنكر بأني احببتك .. فأنت جميلة جدا .. والكل يرغب بك .. ولكني مطر بأن أكمل ما أبتدأت به .. وفي مجال عملي الحقد يغلب على مشاعر الحب .. والآن هيا بنا ..
جوان : اتركني ياحقير .. اتركني .. ( وغفت عيني وانا مادري شلي صار .. )
.................................................. ...............................................
جراح : ولكن يا آشلي أنتي وانا نعرف ماذا بأستطاعه جاك أن يفعل بجوان
آشلي : نعم اعلم .. لاتقلق جراح .. جوان صديقتي منذ مدة وأنا أعرفها جيدا .. لن تتهور ولن تتمادى بعلاقتها مع جاك .. ( تصنعت الحزن ) : اني مشتاقة
لها جدا جدا .. جاك السبب .. انه من يقوم بتشتيت أفكارها .. وهو من يحرضها علينا .. هل تعلم جراح ماذا يجب أن نفعل
جراح : ماذا
آشلي : يجب أن نسافر بعيدا .. يجب ان نقوم بتصفية أذهاننا
جراح : وجوان ..
آشلي : لاتقلق على جوان .. سألتصل بها الآن .. وصدقني بأنها ستقول لي بأنها تركت جاك وقطعت علاقتها به .. وأنها عرفت حقيقتة الخبيثة .. أنتظر
( آشلي سوت روحها داقة على جوان )
: جوان حبيبتي كيف الحال .. لم نلتقي منذ مدة ... نعم انا مع جراح .. نعم أخبرني بكل شي ... أهاا .. حسنا ... والان .... لوحدك بالمنزل ... لقد قمتي بطرده من المنزل .... نعم ..... حسنا هل تريديني أن نمرك أنا وجراح ... اها تريدين الجلوس لوحدك .... حسنا .... لاداعي .... حسنا أريد أخبارك بأني سأسافر مع جراح اليوم الى نيويوك لماذا لاتأتين معنا وتتركي كل شي وراء ظهرك .... حسنا لاعليك ... سأبلغه سلامك .. الى اللقاء
جراح : هاا .. ماذا حصل .. هل آذاها .. هل ضربها .. هل
قاطعته آشلي : ههههه .. مابك .. قلت لك .. لقد قالت بانها عرفت حقيقة جراح وانها قامت بطرده من المنزل
جراح : الحمدالله لك يارب ظهر الحق
آشلي : وأيضا عندما أخبرتها بأن تسافر معنا قالت أنتم أذهبوا وأنا سألحق بكم لاحقا
جراح : لماذا
آشلي : قالت بأنها تريد أن تقوم بتوديع اصدقائها وأن لديها مشروع آخير تريد تسليمه
جراح : حسنا أذن .. هل نقوم بتجهيز أمتعتنا
آشلي : نعم .. وهيا بنا لنستعد للرحيل
جراح : نعم هياا بنا ..
( أنا ليلحين مومتطمن .. قلت أدز لها مسج أتاكد انها قطعت علاقتها بجاك .. وعشان بتطمن عليها .. ردت عليي بمسج بالانقليزي .. عاد هاذي أول مرة تدزلي مسج بالانقليزي I'M FINE JARAH DON’T WORRY ,. AND ABOUT TRAVILLING I WILL WAIT FOR 2 DAYS BECAUSE I WANT TO COMPLET MY PROJECT)
جراح : الحين قلبي تطمن وأقدر أسافر
آشلي : ماذا
جراح : لا شي .. هيا بنا الى شقتي أريد أن أوضب اغراضي
.................................................. ...............................................
( بيت بوهوازن )
غرفة هوازن
أمشي آنآ و دربي - مآلي سوى ربّي ’
[ و آلدمع من قلبي مآ تمسحه آيدين ] ..
مثل آليتيم آجوف حآلي بلآ خلآن ~ و منك آبيك معروف :
يآ دنيآ آو آحسسآن ’
شلت آلآلم بدري حتى آنحنى ظهري ’
[ يآ دنيآ من يدري شلي يجي بعدين ] ..
آلغربه غربه آلروح مو غربه آوطآن - و عمر آلوطن مآ يروح :
و يضيع بـ آلنسيآن ’
و آنآ غربه شمسي ، و في دنيتي منسي ’
[ في آلغربه آنآ و يآسسي ] ..
صرنآ آعز آثنين ’
هوازن ( ليش ياربي يصير فيني جذي .. أختي من صوب وعيالي من صوب .. مادري شسوي .. أتزوج يعني غصبن على الكل .. بس عيالي .. ثنيان ومشاري .. أذا تزوجت من غير لايدرون يمكن مايكلموني ويمكن يكرهوني .. أم علي السبب .. السالفة كانت راح تمشي على الهداوة .. ليش تدخلت .. لهالدرجة ليلحينها مو قادرة تنسى .. بس أنا نسيت لها حركة ريلها .. سامحت ريلها يوم عرفت بلي سواه وموراضية تسامح اختها لانها حبت .. آنا الي سويتة مو جريمة .. بس الي سواه ريلها اهو الجريمة .. ماقدر أخش بقلبي لازم أدزلها مسج .. يمكن ظميرها شوي يصحى .. بطلت تلفوني ودزيت لها مسج * الله يسامحج يا أختي .. هدمتي بيتي .. ليلحينج موراضية تنسين .. ريلج لمن سوة فعلتة نسيتي .. وانا سكت مافضحتة عند عيالة .. وانتي تتعمدين تفرقيني انا وعيالي .. شنو تبين مني بعرف شنو تبين .* نطرتها ترد على المسج بس ماردت .. حطيت راسي على المخدة على أمل أني انام ولا يرن تلفوني .. جاسم .. اكيد عرف بلي صار .. اكيد قمر قالتلة .. والله فشلة .. بأي ويه برد عليه .. شقولة )
جاسم : السلام هوازن .. شلونج
هوازن وصوتها مبحوح : وعليكم السلام تمام الحمدالله
جاسم : هوازن ... أنا .... أنا آسف على الي صار .. قمر قالتلي كل شي ..
هوازن : لا أنا الي آسفة .. ماكنت أبي السالفة تكبر جذي .. بس أم علي وأنت تعرفها عدل .. ماتقدر تحط ألسانها بحلجها
جاسم : أنزين وبعدين شراح يصير .. السالفة راح تنتهي عند هالنقطة
هوازن : موبيدي يجاسم .. أنت شفت شلي صار .. مشاري طلع من البيت وموراضي يرد على تلفونة .. وثنيان مايكلمني
جاسم : اكيد هاذي بتكون ردة فعلهم .. هالشي طبيعي .. بس أنتي لازم ماتفقدين الأمل ..
هوازن : جاسم سالفتنة مو راضية تمشي من 20 سنة ..
جاسم قاطعها : هوازن أنسي الي صار قبل 20 سنة .. أنسي .. أحنا عيال اليوم .. هوازن أنا لو شنو يصير ماراح أتخلى عنج هالمرة .. سامعه
هوازن : جاسم
جاسم : عيونة
هوازن : أنا احبك .. والله أحبك
جاسم : آآآآآآآآآخ .. من زمان ماسمعت هالكلمة من حلجج .. ربي لايحرمني منج .. هوازن احنا راح نتحدى الكل عشان نتزوج .. وعيالنا أذا اليوم رفضوا أكيد باجر بيوافقون
هوازن : أنشاءالله .. جاسم أنا الحين لازم أسكر ..
جاسم : ديري بالج على روحج يانظر عيني ..
هوازن : وأنت بعد .. تصبح على خير
.................................................. ...............................................
( بيت أم علي )
أم علي : طاع هاذي يعني عبالها قاعد تهددني
بو علي : ليش .. شقالت بعد
أم علي : قاعد تقولي أنتي فظحتيني عند عيالي بس لمن ريلج سوى سواتة أنا ماتكلمت وفظحتج عند عيالج
بوعلي : نعم .. خير .. هلا عفية خل تفظحني عند عيالي .. هاذي أختج الظاهر ماتعلمت من الدرس الي عطيتا لها .. الظاهر تبي درس ثاني
ام علي : مالك شغل فيها .. أنسانة فاضية .. بعدين علي وينة .. الساعه جريب ال 1 وليلحين ماشرف البيت
بو علي : أكيد بالديوانية .. انتي بعد لاتقعدين له على الوحدة ..
ام علي : بوعلي مو ملاحظ تصرفاتة مو طبيعية هالجم يوم .. وايد أشوفة يسرح ويفكر ..
بوعلي : لا بالعكس عادي
ام علي : أنا خايفة بنت أبليس أشواقوا قصت عليه ..
بوعلي : أنتي ليش تتكلمين عن البنت بهالطريقة
أم علي : مادري .. ماحبيتها .. لمن أشوفها قلبي ينقمت .. ماأرتاح لها
بو علي : أستهدي بالله .. البنت ماشاءالله الي يشوفها يرتاح .. تنحط على الجرح يبري
ام علي : شنو .. أنت شدراك .. قاعد معاها .. مسولف معاها .. حط عينك بعيني وقولي الصج
بو علي : ههههه .. طلعتي تغارين أم علي ..
ام علي : أكيد بغار .. يعني اذا ماغرت على ريلي أغار على منو يعني
وبعد لحظات علي دخل البيت
علي : السلام عليكم
ام علي : أنت وينك الساعه صارت 1
بو علي : يعني ولا جني توني اتكلم
علي : كنت بالديوانية عند صاحبي حيدر .. بعدين تعالي شصاير بينج وبين خالتي أم مشاري
ام علي : وانت شدراك .. في أحد قالك شي .. خالتك كلمتك
علي : لا .. بس شفت مشاري بالديوانية عند حيدر وماخلة ولا كلمة ماقالها لي ..
ام علي : ماعليك منه .. هاذا معقد مثل أمة
علي :أنا بعرف شنو هالعداوة الي بينج وبين خالتي ..
ام علي : عليوي شوف .. من يوم ورايح مابيك تروح بيت خالتك سامعني .. وأذت قربت ولا كلمت مشاريو ولا ثنيان يويلك
علي : يما ترى ماني فطوم تقوليلي أمش مع هاذا ولاتمشي مع ذاك .. أنا أمشي مع الي أبي .. بعدين أنا راد وراسي صاك حدي تعبان .. بروح غرفتي تامروني على شي
بو علي : روح يبا الله وياك ..
علي : تصبحون على خير ..
أم علي : انت ليش أدقرني جدام ولدك ..
ابو علي : قتلج الريال كبر وعارف شنو يسوي .. بعدين وين قاعدين تقوليلة لاتمشي مع فلان وعلان
ام علي : لانة مشاريو انا أعرفة ألسانة مفتلت ..
بو علي : .... انا بعد رايح أنام تصبحين على خير
......
( بغرفة علي )
علي : شواقة أنشاءالله مو نايمة وقعدتج من النوم
أشواق : لا وين تغمض عيوني وأمي بصوب وابوي بصوب وانا مادري وين الله قاطني
علي : انشاءالله الله بيفرجها عن قريب ..
أشواق : انشاءالله
علي : أشواق أنتي ماتقوليلي شنو مسوية فيني .. قلبتي حالي فوق تحت .. خصبقتيني
أشواق : ههههه .. شدعوة عليوي عيارتك
علي :لا والله مو عيارة .. صوتج كلش ماتفارقني .. أشواق أنا والله لو يوم ماكلمج ولا أشوفج جدامي أحس أني ظايع .. أحس في شي ناقصني ..
أشواق : ساحرتك
علي : اي والله ساحرتني .. بس ساحرتني بحبج .. أشواق أبيج توعديني أنج لو شنو يصير ماتخليني
أشواق : اوعدك
علي : وأبيج توعديني أنج ماتجرحيني وتحطمين قلبي
أشواق : أوعدك .. بس شنو مناسبة هالكلام الحين
علي ( دلال .. بقيت أقولها دلال .. بقيت أقولها كل الي صار .. بس مادري ليش ماتكلمت ) : بس جذي .. الدنيا مامنها امان .. وأنتي لازم تديرين بالج على نفسج سامعتني
أشواق : اي سامعتك .. أممم أنزين علي
علي : عيون علي
أشواق : باجر محتاجتك بشغلة
علي : أنتي تامرين أمر .. بس شنو هالشغلة
أشواق : بروح بيت الناس الي أمي ذبحت أبوهم .. بحاول فيهم وبترجاهم أنهم يتنازلون عن القضية .. بسوي المستحيل عشان أمي تطلع من السجن
علي : حاضر من عيوني .. أنتي عندج العنوان ..
آشواق : اي أمي عطتة لي لمن زرتها .. بس قبل هاذا أبي أروحلها السجن وأبيك تيي معاي
علي : من عيوني
أشواق : ومابيك تنطرني بالسيارة .. أبيك تنزل وتتعرف عليها
علي : أوكي
أشواق : وبعدها نروح نتفاهم مع الناس ..
علي : ماشي .. جم أشواق أنا عندي ..
أشواق : انزين ومحاظراتك
علي : باجر أوف ماعندي دوام .. أأممم ..
أشواق : زين .. الحمدالله على حظي
علي : أمممم .. وأبوج .. شراح تسوين
أشواق بصوت مبحوح : علي سكر موضوع أبوي .. أنا خلاص ماعندي أبو .. أنا بس عندي أم أسمها ام فيصل ..
علي بيظع الموضوع : أنزين شرايج ألحين آخذج ونروح البحر نقعد شوي
آشواق : صج .. ودي اغير جو .. بس شلون هالمرة بتنط بعد سطح البيت ..
علي : هههه .. اي شوراي بعد ..
آشواق : يلا عيل 5 دقايق وأكون عندك
علي : طاع هاذي صدقك .. يلا قعدي مكانج .. هالحزة الشرطة بكل مكان يفترون .. تبينهم يجرجرونة المخافر ..
آشواق : اي شدراني
علي : ههههههه .. خليها باجر نتريق على البحر ..
آشواق : علي مشكور على كل شي .. مشكوور .. الله لايخليني منك
علي : ماسويت شي .. أنتي عيوني شواقة وتستاهلين كل شي .. بعدين انا خلاص ماقدر أتحمل أكثر لازم أكلم أمي عشان أخطبج ونتزوج
أشواق ظحكت بأستهزاء : بتخطبوني منو منو .. من أبوي ولا من أمي ..
علي : من أمج طبعا
أشواق : وين بالسجن !!
علي : اي شفيها
أشواق : لا علي .. أمك ماتدخل مخافر .. أنشاءالله لمن تخلص قضية أم نتفرغ حق قضيتنا ..
علي : خلاص الله كريم .. يلا ألحين خل نسكرة عشان أنام ورانا قعدة من الصبح
أشواق : أوكي حياتي .. تصبح على خير
علي : شنو قلتي .. عيديها شواقة
أشواق أستحت : حياتي .. !!
علي : يما فديتاا والله .. وأنتي من أهلة يا أحلى شواقة بحياتي ..
.................................................. ...............................................
( بيت هوازن .. غرفة ثنيان )
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك