رواية لاتمثلين احتياجج لي وانتي بحضن غيري مقزرتها -21
علي : خلاص الله كريم .. يلا ألحين خل نسكرة عشان أنام ورانا قعدة من الصبح
أشواق : أوكي حياتي .. تصبح على خير
علي : شنو قلتي .. عيديها شواقة
أشواق أستحت : حياتي .. !!
علي : يما فديتاا والله .. وأنتي من أهلة يا أحلى شواقة بحياتي ..
.................................................. ...............................................
( بيت هوازن .. غرفة ثنيان )
فاطمة : يلا روح ولها وخلني على الخط أذا ماتبي تتم بروحك
ثنيان : مادري فطوم أحس قلبي قاعد يرقع حيل
فاطمة : شدعوة ثيون .. محسسني بتقول حق وحدة أحبج .. هههههه
ثنيان : والله أقول حق وحدة احبج أرحم .. مادري موقادر أحط عيني بعينها .. الي سويتة أحسة غلط .. رفعت صوتي عليها وأهي أمي ..
فاطمة : ثنيان والله يننتني .. يلا عيل أنا بروح أنام باجر وراي مدرسة
ثنيان : لا لا لا فطوم .. كاني ألحين بروح
ومشى ثنيان لين وصل غرفة أمة هوازن .. طق الباب وردت عليه هوازن
هوازن : أدخل
ثنيان ( دشيت الغرفة وانا حاط عيوني بالارض مادري من وين أبتدي .. شفت عيون أمي كانت عليها غشاوة شكلها كانت تبجي .. قربت منها وطالعتها وأهي بدورها نزلت راسها ونزلت دمعاتها .. ميكت أيدها وبستها )
ثنيان : يمأأآ أنا آسف ..
هوازن : أنا الي آسفة يما آآ أني خشيت عليكم .. أنت سامحني .. ثنيان أذا أنتوا ماتبوني أتزوج انا خلاص ما اتزوج .. المهم أنت ومشاري تكونون مستانسين .. أنا أصلن عايشة عشانكم ..
ثنيان : يما الموضوع انا فكرت فيه وايد ولقيت أن من حقج تعيشين حياتج .. أنتي كبرتينا وعلمتينا وربيتينا 20 سنة .. وعطيتينا كل شي .. ولا مرة طلبت منج شي وماوفرتيه لي .. يما أنا موافق انج تتزوجين .. وهالمرة عيشي حياتج حق نفسج مو حقي ولا حق مشاري .. مثل ماأنتي ماقصرتي معانا هالمرة لاتقصرين مع عمرج
هوازن لمت ثنيان : يما حبيبي ثنيان .. أنا شلت الموضوع من بالي .. المهم انتوا
ثنيان : أنتي خايفة من ردة فعل مشاري صح
هوازن : اذا أنت وافقت مشاري ماراح يوافق
ثنيان : لاتحاتين مشاري .. خليه عليي ..
هوازن : مشاري صعب وانا اعرفة .. من صارت السالفة مابين بالبيت .. كل ساعه أروح أطل بغرفتة .. أكيد زعلان والحين مستحيل يكلمني ..
ثنيان : مالج شغل فيه قتلج .. خليه عليي .. ترى مشاري داخلة طفل صغير على قولتهم .. وأذا ماوافق كيفة .. انا موافق ..
هوازن : لآ يما .. من حقة مشاري يبدي راية ..
.................................................. ...............................................
( لوس آنجيلوس .. غرفة جوان )
الساعه 6 الصبح
جوان ( آآه راسي .. بطلت عيوني ولا الساعه 6 الصبح .. لقيت نفسي بفراشي .. حسيت ببرودة .. ملابسي .. وين ملابسي .. شصار .. غرفة النوم .. ملابسي .. آمبيه .. جاك .. ياربي .. لا لا .. لايكون .. قمت لبست ملابسي وأنا أرجف ... جسمي يرجف .. كل شي فيني يرجف .. مابي أصدق الي صار .. شلون صار الي صار .. ألحين شسوي .. ماني قادرة أمشي .. طحت على الارض وأنا حدي مصدمة .. طالعت العصير وشفت علبة المخدر .. سواها جاك .. الحقير .. طلعت صرختي وصارخت صرخة الي هزيت السكن الجامعي .. حقييير .. حقيير .. آآآه يماا آآ ... أنا شسويت .. شلون دخلتة عندي .. شلون ماصدقت جراح .. ألحين وين أروح شسوي .. وين أولي .. مادقر احط عيني بعين امي عقب الي صار .. جراح وينك والله محتاجك .. بس شقول حق جراح .. شقولة .. )
وقعدت جوان قرابة ال ساعه تبجي ..
جوان : آآآه آآآآه ... أه يماااا آآ .. بنتج تغربت بالغربة يايما .. ( قعدت أطق روحي مثل الهبلة واردد ) : يالهبلة ياجوان .. يالهبلة ياجوان .. يالهبلة ياجواااااااااااااااااااااااااااااااان ..,
عدنا والعود احمد .., هالبارت عبارة عن بارتين تعويض لكم ..,
هلة هلة بالردود السنعه .,
البارت التاسع والعشرون
لوس آنجيلوس .. عند جوان
جوان : التسجيل .. اييه التسجيل .. ( قعد اركض بأرجاء الشقة وأدور فوني .. عفست الغرف والصالة وحتى بالحمام دورت .. مالقيت فوني .. اتصلت على جراح تلفونة كان مفصول عن الخدمة .. غيرت ملابسي ورحت ركض عند جاك .. آآه ياقلبي .. رحت بريولي حق الحقير .. أنا الغلطانة .. كان المفروض ما أأمن بأشكالة .. جراح وايد حذرني من هالانسان وقالي الكل بالجامعه يتكلم عنه .. بس ليش ياربي ليش أتغلني .. ليش حياتي مو راضية تترقع .. وقعدت أمشي وأمشي وأمشي لين وصلت عند شقتة .. كنت أرجف كل ما أتذكرة .. وأيدي ترجف طقيت باب البيت ولا يطلع بكل حقارة ويقولي أهلا بالجميلة جوان .. درعمت الشقة وكانت شقة عربدة البنات بكل مكان .. )
جوان : ياحقير .. ياسافل .. ماذا فعلت هاا ... لماذا .. لماذا .. ماذا فعلت لك كي تعاملني بهذه الطريقة .. ماذنبي .. هل ذنبي أني وثقت بك
جاك وبيدة بطل خمر : جوان الجميلة
جوان ( كل مايقولي جوان الجميلة أشمئز من نفسي .. أكره نفسي أكثر وأكثر .. قربت منه وعطيتة كف ) : لا تنطق بأسمي .. أنت وأمثالك أناس حقيرون .. سوف تنكشف لعبتك أنت وآشلي لن أترككم أبدا .. ولماذا تدعي انك مسلم .. هل المسلم يتصرف بهذه الطريقة
جاك : ومن قال بأني لست بمسلم .. أنا مسلم ولكن ولائي لأسرائيل .. فلتحيا أسرائيل
الكل بالشقة : نخب أسرائيل
جوان ( طحت على الارض وقعدت أبجي .. قعدت أندب حظي العاثر .. قرب مني وفاحت منة ريحة الخمر .. وخرت عنه وطالبتة يطلع تلفوني ) : أين هاتفي النقال .. أين أخذته
جاك : هل تبحثين عن هاذا
جوان ( مديت أيدي باخذ التلفون ولا يدزني على الارض ماقدرت آخذ .. بطل التسجيل وقعدت أسمع المحادثة الي صارت بينة .. ولا )
جاك : تعالي ياحلوة .. هل تريدين الهاتف
جوان : أعطني الهاتف
جاك ظقط على علامة المسح : هاا .. ودعي التسجيل لقد قمت بمسح التسجيل .. لم يتبقى لديك أي دليل الآن .. ماذا ستفعلين أيتها العربية
جوان : عااااااااااااااااااااااااااااااااااااااااا .. سأقتلك .. سأقتلك
جاك : أبتعدي عني .. لقد سئمت منك ..
جوان : ستندم .. ستندم ..
( طلعت من شقتة وآمالي تحطمت .. خسرت كل شي .. التسجيل كان الدليل الوحيد الي راح يكشف آشلي على حقيقتها عند جراح .. الحين ماعندي أي دليل .. راح أرجع الكويت وانا خالية ... راح آرجع مع الذكريات المؤلمة الي عشتها .. قلت أسافر وأرد بشهادتي وارفع راس أمي وأخوي .. بس الحين برجع لهم وراسي بالأرض .. الي صار مو شوي .. الي صار حطمني .. باي باي أمريكا يادولة المآسي .. باي باي ياحظي العاثر )
.................................................. ...............................................
( بطرف ثاني .. نيويورك )
جراح : وأخيرا وصلنا .. آآه الجو هنا بارد جدا ..
آشلي : نعم جدا .. هيا بنا
جراح : الى أين .. لنقوم بحجز فندق بالأول وتاليا نذهب
آشلي : لا سنسكن عند صديق مقرب لدي
جراح : ومن هو صديقك
آشلي : ستعرف قريبا .. هيا بنا
جراح : حسنا .. هيا
.................................................. ...............................................
( مدرسة الرجاء الخاصة .. قاعه الأمتحان )
مشاري ( دخلت القاعه وانا مو دارس على الله وعلى المعلومات الي أتذكرها .. يعني متخيلين .. آخر أمتحان فاينال كتاب كامل مادة الرياضيات وانا مودارس شي وبالأنقليزي بعد .. قعدت على كرسي المعتاد رقمي كان 9 ورقم ثنيان 25 وقمر 40 يعني انا أول الصف وأهم آخرة .. أمتحنت وحليت أي شي عشان بس أطلع من الأمتحان .. طلعت من القاعه وحت المطار على طول .. حجزت أول تذكرة حق الأمارات ... الرحلة كانت الساعه 4 العصر .. وبعدها طلعت رحت البيت ودخلت من الباب الخلفي عشان لحد يحس فيني .. جهزت لي جنطة على قدي .. وبطلت بوك التوفير الي كنت احط فيه كل شهر 50 عساس أوفر .. خذيت 500 دينار ورديت مرة ثانية المطار .. وقبل لا أطلع من البيت مريت غرفة الوالدة وحطيت لها رسالة تحت مخدتها .. )
على أنغام أغنية توصي شي ..
توصي شي,, أنا بكرا مسافر
وابي الليله اسافر,, قبل بااكر
ولاكن قبل مآآرحل,, ودي تعرف ,, ترى موتي ولا موت المشآآعر
انا رتبت جرحي مع ثياابي,, واخذت احزاني والالامي تذاكر
يرووح العمر ماآآرحت همومي,, صحيح الي يقول الهم كافر
مشاري : ايييييه .. ايييه والله الهم كافر بس على أيدي راح أخليه يسلم ..
رن تلفون مشاري
مشاري : هلا بوحسين
حيدر : هلا بو المش
مشاري : شلونك
حيدر : الحمدالله تمام .. انت شلونك
مشاري : الحمدالله تمام .. حيدور آنا أسف على الي صار أمس والله ماكان قصدي أعلي صوتي بس كنت متظايق
حيدر : لا حصل خير ... انا داق أتطمن عليك .. شصار وياك
مشاري : اليوم طيارتي .. الساعه 4 العصر
حيدر : وين راح تروح ..
مشاري : ماقدر أقولك .. بس أبي أبلغك أني راح أسافر شهر ويمكن أكثر ..
حيدر : مشاري وايد شهر .. كل هاذا بتقعد مع نفسك تفكر
مشاري : ايييه .. انا من زمان مو مختلي بنفسي .. خلني أغير جو وبمر فندق أتلانتس ببوس الدلفين بعد وبدزلك الصورة واتساب
حيدر : هاا .. هههههه .. طحت بلسانك يعني بتروح الامارات .. عيل خلاص انا بعد بسير عليك أذا خلصت فاينال
مشاري : هههههه .. انا هالطبع مادري متى أخلص منة دايما أفضح نفسي بنفسي ..
حيدر : لانة قلبك طيب ..
مشاري : لاترفع وايد من جوي .. هالسالفة شكو بهالسالفة هاا ..
حيدر : ههههههه .. مشاري بطلبك طلب قبل لاتسافر دق على علي وتأسف منة ترى الريال طلع متظايق أمس .. مهما يصير بين الكبار
مشاري قاطعه : حيدر انا ماغلطت وعفية هالموضوع خلاص سكرة .. يلا تامرني على شي
حيدر : سلامتك حبيب بو المش .. دير بالك على روحك .. وانشاءالله لي يية عن قريب
مشاري : الله يسلمك وبستناك
حيدر : أييه ذكرتني ب أليسا .. بستناك وبتمنى أعيش العمر دة كلو يا حبيبي معاك
مشاري : ههههه .. بس أسكت الجام تكسر من سمع صوتك
حيدر : أوولة شدعوة لهالدرجة صوتي بشع
مشاري : للأسف وأكثر ..هههههه
حيدر : ههههههه .. يلا مع السلامة
.................................................. ...............................................
قمر ( طلعت من الأمتحان وانا راسي حدا يعورني .. حاسو بدوخة مو طبيعية .. طول الليل مانمت قعدت أفكر بموضوع أبوي ومس هوازن .. وفوق كل هاذا قعدت أدرس وأفكر بعد بثنيان .. ومن الصبح ماحطيت شي بريجي .. وانا بطلع من القاعه ولا أطيح على الأرض من غير لا أحس على عمري )
ورود : قمر .. قمر قومي .. مس هوازن .. قمر طاحت
هوازن ( ركضت عندها وخذيناها غرفة الاخصائية .. ) : مس كاثرين هل يمكنك أن تجلبي القليل من العطر
مس كاثرين : حسنا ً
ورود : مس شفيها قمر
هوازن : مادري .. يمكن شوي ضغوطات ولا موماكلة شي من الصبح
ثنيان ( كنت داخل غرفة الاخصائية كاثرين ولا أشوف قمر طايحة وأمي و وورود يمها ) : قمر .. ورود شفيها قمر ..
ورود : مادري طاحت علينا فجأة
ثنيان : ليش طاحت ..
هوازن : ثنيان وخر عنها شوي خل تعرف تتنفس ..
قمر ( بطلت عيني حطيت أيدي على راسي .. آآخ راسي يعورني .. كل الناس الي زعلتهم متيمعين حواليني .. ثنيان .. ورود .. مس هوازن .. ماتحملت الوضع .. لميت ورود حييل وقعدت أبجي ) : وروود لاتقوليلي صداقتنا أنتهت .. والله مشتاقتلج .. ماتدرين شصار فيني بدونج والله ظعت ..
ورود : قمر حياتي أنسي كل الي صار .. أهم شي سلامتج .. أنشاءالله صرتي أحسن
قمر : اي الحمدالله .. بس أبي ماي .. ريجي ناشف
ثنيان ( ركضت ويبت لها قلاص ماي ) : تفضلي ( خذت قلاص الماي مني ونزلت رايها بالأرض .. ماتبي تحط عينها بعيني ) : قمر ..
قمر ( ماقدر أكلمة .. مفتشلة من الي صار .. انا السبب بالمشكلة الي صارت بين امة وخالتة ) : ورود خل نمشي
ثنيان مسك أيد قمر : قمر شفيج .. ليش ماتبين تكلميني
قمر : ثنيان خلني أروح
ورود : يلا قمر .. شوي شوي
قمر : يا الله
ومشت قمر و وورود وبقت هوازن وثنيان بالغرفة
ثنيان : شفيها قمر موراضية تكلمني .. أنا شسويت لها
هوازن : يما اكيد متظايقة من الي صار .. أنطر شوي عليها وأكيد كل شي بيرجع مثل ماكان
ثنيان : انشاءالله .. ماما ماشفتي مشاري
هوازن : لا .. أنا يوم ناوبت عليكم بالأمتحان ماكان موجود
ثنيان : اي خلص الامتحان وطلع بسرعه .. أكيد مايبي يكلم أحد
هوازن : الله كريم .. ماردة حق البيت .. وين بيروح يعني
.................................................. ...........................................
( كلية الأعلام )
دانة : أنتي يعني موراضية تيوزين .. خلي الريال بحالة .. دلال أنتي الغلطانة بالموضوع كلة .. انتي الي خسرتي علي
دلال : أي ولأني خسرتة برجعه .. ما أتحمل أشوفة ماسك أيد وحدة ثانية غيري
دانة : مادري شنو هالحب الي نزل فجأة عليج من السما
دلال : هاذا موحب .. هاذا أنتقام .. راح أبلش بأختة فاطمة
دانة : دلالو .. شتبين بأختة .. حرام عليج .. البنت توها بداية عمرها .. ترى مالها ذنب
دلال : بحرق قلبة بأختة مثل ماحرق قلبي
دانة : انا مالي شغل بألاعيبج .. خليني بعيدة عنج .. ولاتدخليني بأي شي
دلال : أنتي خلج بعيدة .. بس حجزي لج مقعد بالدرجة الأولى وأستمتعي بالفلم الي بيصير
دانة : الله يشافيج .. شكلك ينيتي على آخر عمرج
دلال : علي السبب .. اهو السبب ..
دانة : .....
.................................................. ...............................................
( بيت أشواق )
أشواق ( الساعه 10 الصبح .. قعدت من النوم وغيرت ملابسي .. أتصلت على علي أقعدة من النوم .. )
علي بصوتة الخشن : ألوو
أشواق : هلاو عيني
علي : هلا فيج
أشواق : وين الي يبي يقعد من الساعه 7 الصبح .. يلا قوم الساعه صارت 10 ..
علي : أولة 10 ليش ماقعدتيني
آشواق : مادري قلت خل ينام شوي حرام أمس سهرتة لين الصبح .. يلا أذا خلصت عطني رنة وأنا اطلعلك
علي : اوكي ..
.....
( بيت علي )
علي ( جسمي صاير ثقيل من النوم وحدي خدران ... بالغصب شلعت عمري من لفراش .. دخلت الحمام وغسلت ويهي .. نزلت الصالة وكليت لقمة وطلعت حق أشواق .. ركبت السيارة ورحنا المركزي عشان نشوف أمها )
بهاللحظة أحمد ولد أم احمد طالع حق دوامة وشاف أشواق تطلع مع علي .. وهاذي مو أول مرة يشوفها تطلع معاه
احمد : يما آآ السالفة زادت عن حدها .. ترى أذا أنتي ماتكلمتي أنا أعرف شلون أتصرف مو عدلة
أم احمد : شنو شصاير .. شفيك يما آآ
أحمد : يما آآ آشواق
ام احمد : بعد شفيها أشواق .. شنو مسوية هالمرة
أحمد : يما جم مرة أشوفها تطلع مع واحد من شباب الفريج مادري وين تروح
أم احمد بأستغراب : أشواااااق !! أنت متأكد
أحمد : اي يما .. يعني شنو أنا بتبلى عليها .. انتي تدرين أنا أشواق مثل اختي وانا
ماأرضى بلي قاعد يصير
أم احمد : ومنو هاذا الي قاعد تركب معاه
أحمد : مادري جنة أسمة علي مادري محمد .. هاذا ولد جيرانهم .. دايما أشوفة يوقف عند باب بيتهم اهي تفتح له الباب .. يما ترى عيب هاذي بنت وبروحها بالبيت .. والشيطان شاطر .. وفوق كل هاذا أنتي نسيتي أمها موصيتنا عليها .. يعني اهي امانة برقبتنا
أم أحمد : خلاص خل الموضوع عليي أنا .. اليوم بقعد معاها أكلمها .. وأم الولد أنا بعد بمرها البيت أكلمها
أحمد : مو حالة هاذي .. أستغفر الله العظيم من كل ذنب عظيم .. يلا أمشي تأخرنا
.................................................. ...............................................
( سيارة هوازن .. على انغام أغنية ملكة الأحساس نوال )
أنا مليت .. من قهري , طولت " بالي " والأحزان ..
انا مليييييت , من [ صبري ] .. ادور .. في هو1ك : إنسان!
ولا باقي معااك " ايام " ولا ( حتىّ ) بقايا أحلام!
جرحك كبير .. وهانت | ليلة غيابك : بانت !
خلاص اليوم .. انا مليت , تعبت [ أشتاق ] تعبت [ فراق ] !
تعبت " أصرخ " انادي لكِ .. خسارة راح اللي راح ..
بقى لي منك : ألم وجراح .. ألم وجراح..
ثنيان : أأخ عليج يا نوال على الوتر الحساس ..
هوازن : اي والله صح ألسانك .. ماكو على نوال
رن تلفون هوازن مسج من جاسم
: اليوم بشوفج .. مثل أيام قبل ..
هوازن : مادري على حسب الظروف
جاسم : أذا ظروفك سمحتلج أشوفج شوكليت بار البدع
هوازن : أوكي ماشي على خير
.................................................. ..............................................
( سيارة قمر )
ورود : قمر أنتي فيج شي ... من زمان مو مسولفين مع بعض قوليلي شصار وياج
قمر : ويييه يا ورود صارتلي أشياء تشيب الراس .. الكويت صج صغيرة ..
ورود : شلون يعني
قمر : مس هوازن موطلعت أم ثنيان ومشاري
ورود : اي
قمر : مس هوازن طلعت حبيبة أبوي من 20 سنة وماتزوجوا لانة أهلها مازافقوا على أبوي
ورود شرعت حلجها : شنوو .. من صجج .. قوليلي السالفة كلها وشلون عرفتي ..
قمر : أقولج .......... ....... ........ ....... ( وقعدت تقولها السالفة من أولها لي اخيرها )
.................................................. ..............................................
مطار الكويت الدولي
جوان ( رجعت لديرتي ديرة الأحباب .. آآخ ياكويت .. والله مامثلج ديرة .. هواج غير .. ناسج غير .. ترابج غير .. واخيرا انتهت أيام الغربة بأمريكا .. مستحيل أرجع مرة ثانية هناك .. انا شلي خلاني أسافر .. لو دارسة بالكويت مو أحسن .. ياني مشتاقة لج يا يما .. ياني مشتاقة لك ياخوي .. وانتي يا أشواق .. شالدنيا فيج .. ليلحينج تعانين من أبوج ياترى .. عندي وايد سوالف .. عندي وايد همووم أبيج تشاركيني فيها .. ركبت سيارة التكسي وعطيتة عنوان بيتنا .. وبعد لحظات راح أشف الوالدة .. بطيح بحظنها وأبي أشم ريحتها .. أبي أنام اليوم كلة بحظنها .. بحس بالامان .. بحس بالحنان الي فقدتة طول هال 4 سنين .. )
قبل لا أبدي في غلط مطبعي قوي .. ترى أبو مشاري سعد مامات .. توني قاعد أقرى البارتات الأولى في مقطع مشاري قال حق هوازن لو أعيش عند أبوي أحسن .. البارت الثالث جنة .. خخخخ مشوا الموضوع عساس مامات
البارت الثالاثون
:$:$ ..
.....
( الخطوط الجوية الأماراتية )
المضيفة : بعد 5 دقائق سوف تقلع الطائرة في مطار دبي الدولي ..
مشاري : الحمدالله لك يارب وصلنا بالسلامة ..
( نزلت من الطيارة وشلت اغراضي المكونة من هاند باق صغير على قدي .. تليت أغراضي ورحت عند الكاونتر .. ختموا على جوازي .. توجهت عند واحد من مكاتب تأجير السيارات وأجرت سيارة .. سألني عن المدة الي أبي أأجر فيها سيارة قتلة مدة شهر .. سلمني سويج السيارة وقعدت أفتر بشوارع دبي .. ماشاءالله عيوني تطاير من الدهشة والأنبهار .. مباني دبي مختلفة بأشكالها وألوانها .. بطلت الدريشة وقعدت أتنفس الهواء الطلق .. وانا أفتر بشوارع دبي مريت على فدندق أسمة جولدن ستان .. قلت أنزل أدورلي حجز حق جم يوم أقزرها .. حجزت بالفندق ودخلت الغرفة حطيت اغراضي .. الساعه كانت 6ونص .. كنت حدي هلكان .. حطيت راسي على المخدة ورحت بسابع نومة .. )
.................................................. ...............................................
( نيويورك .. بالتحديد بيت جون أبو آشلي )
جراح : هل وصلنا
آشلي : نعم .. هيا بنا
جراح ( وصلنا عند بيت أمريكي .. البيت كان مثل البيوت الأمريكية .. بسيط .. صغير .. يتكون من طابقين وحديقة .. وطبعا البيت الأمريكي مايخلى من القرميد قفوق كل دريشة ... عجبني البيت حيل وخاصة الحديقة البسيطة المزروع فيها أنواع مختلفة من الورود الحمرا .. والصفرا .. والبنفسجية .. قربت يم الوردة الحمرا وشميتها .. غمرتني بريحتها الحلوة .. )
آشلي : ههههه .. يبدو أنك أحببت المكان
جراح : كثيرا .. أحببته كثيرا ..
آشلي : هيا لندخل ..
جراح ( دخلنا البيت .. البيت داخل بعد ستايلة بسيط .. صالة المعيشة جدرانها مطلية باللون البيج .. والسوفات ( المطارح ) لونها بني غامج .. وبطرف الصالة طاولة الطعام المكونة لأربع أشخاص .. قعدت على وحدة من السوفات .. وآشلي راحت المطبخ تييبلي ماي .. مسك ريموت التلفزيون وكنت حاط على اخبارcnn .. )
المذيعه : قام أحد العرب المسلمين بقصف أحد المجمعات الشهيرة بمنطقة سان فرانسيسكو .. وعندما تم أستجواب حليفه اي مساعده قال بأنهم يبيدون المسيح بأسم الاسلام .. وعند السؤال عن هوياتهم وأي بلد ينتمون قال الحليف أنهم من باكستان وأنهم يجاهدون في سبيل الله .. وقد تعرض 50 فردا لجروح أثر التفجيرات التي حدثت بينما قتل 20 فردا
جراح : لاحول ولا قوة الا بالله .. هالأشكال قاعد تشوه صورة الأسلام بنظر الناس .. كل يوم طالعين لنا بسالفة الجهاد ..
جون : مرحبا جراح
جراح فز من مكانة : مرحبا .. ( بأستغراب ) : جون ماذا تفعل هنا
جون : انا أسكن هنا
جراح : أممم .. والمنزل الذي تسكن فيه ب لوس آنجيلوس منزل من يكون
جون : أيضا منزلي
جراح : ماشاءالله ..
جون : هل سمعت أخبار التفجيرات
جراح : نعم .. سمعتها لتوي
جون : ومارأيك
جراح : لا أعرف .. ولكني كنت أقول لنفسي بأن بعض المسلمين يهينون الأسلام بهذه الطريقة ويجعلون الناس الذين يعتنقون الديانات الأخرى بأن ينظرو للمسلمين بأنهم أرهابيين .. الاسلام دعى الى الجهاد في سبيل الله ولكن ليس بهذه الطريقة البشعه
جون : نعم وأنا معك أيضا ..
آشلي : مرحبا أبي مس يو
جون : انا أيضا حبيبتي .. كيف حالك ..
آشلي : بخير ..
جون : اي زميلتكم ماكان أسمها
آشلي : جوان .... لقد قررت بأن تلحقنا بعد بضعه أيام ..
رن تلفون آشلي
جاك : مرحبا
آشلي : مرحبا
جاك : تمت المهمة .. وقد قمت بتصويرها
آشلي : أحسنت .. اخبار مفرحة .. حسنا قم بأرسال الصور عبر الأيميل وأكتب عليها المسلمة العربية في أمريكا .. وقم بوضع تعليق أكتب فيه .. ( الدين الأسلامي يدعو الى الابتعاد عن الزنى والله تعالى يعاقب من يزني بالدنيا والآخرة .. وهذه الصور تثبت بأن المسلمين يدعون الى توحيد الله وطاعه أوامره بينما تظهر هذه الفتاة التي أسمها بفعل المعصية حيث أنها تزني مع شاب أمريكي .. وكيف يدعون الى أعتناق ديانتهم وهم لا يطيعون ربهم ولا يحترمون مبادىء دينهم .. )
جاك : حسنا دونت الكلام بورقة .. وبعد ذلك ماذا أفعل
آشلي : بعدما ترسلها لي قم باخفاء وجهيكم وأرسلها لطبة الجامعه وجميع الطلبة سيعرفون بأنها جوان .. لانها الفتاه المسلمة الوحيدة التي أسمها جوان في جامعتنا .. وبعد ذلك اعتقد بأن الطلبة الذين تأثروا بكلامها عن دينها سوف يرجعون عن تغيير دينهم
جاك : حسنا .. سوف يتم الأمر .. ألى اللقاء
آشلي : الى اللقاء
عند جون وجراح
جون : نعم سوف أرجع الى الأسلام ..
جراح : خيرٌ مافعلت .. أنت تعرف بأن الأسلام هو الدين الحق ..
جون : نعم اعلم .. وسوف تدخل آشلي معي الى الأسلام
جراح : صدقا ً .. ولكن هل ستدخل بمحض أرادتها أي مقتنعه بذلك أم مجرد فترة وتعود الى سابق عهدها
جون : لا أعتقد .. لقد جاءت الى هنا لكي تبدأ حياة ً جديدة تحت ظل الأسلام .. وسوف تلبس الحجاب قريبا ..
جراح : لقد فرحت كثيراً لسماع هاذا الخبر ..
آشلي : لقد عدت ..
جراح : آشلي لقد أفرحتني كثيرا
آشلي : لماذا
جراح : لقد أخبرني والدك تواً بأنك ستعتنقين الأسلام وستبدإين حياة ً جديدة
آشلي : نعم .. قبل أسابيع قمت بقراءة القرآن وذهبت لأحد المفسرين وقام بتفسير بعض الآيات .. لقد أحسست بروحانية .. أحسست بأني كنت غافلة عن ربي طوال هذه المدة .. ولقد أقتنعت بأن الذي كتبه الله لأمي كان مقدر حدوثة .. وأبي أيضا .. أقتنع بأنه قضاء وقدر .. وأمي كان مكتوب لها بعالم الذر بانها ستموت بهذا اليوم ..
جراح : واااااااو .. يبدو أنكي أخذتي دروساً مكثفة في التفسير ..
آشلي : ههههه نوعا ما .. ( تغمز حق أبوها ) : حسنا أنا سوف أذهب لأرتاح قليلا لقد تعبت من الرحلة .. وجراح لقد قمت بتجهيز غرفة لك في الطابق العلوي ..
جراح : حسنا ً سوف ألحقك بعد قليل
آشلي : حسنا .. عمتم مساءا
جراح وجون : عمتي مساءا
.................................................. ...............................................
( سيارة علي ..)
أشواق متنحة بعيون علي : علااو
علي : هلا
أشواق : توني ألاحظ شغلة
علي : شنو
أشواق : توني ألاحظ انا عيونك عسلية وشعرك أشقر
علي : ههههههه أوووولا صح النوم حجية أم سعيد
اشواق : انا أم سعيد هاا
علي : ههههه .. خلاص لاتزعلين حجية ام حسن
أشواق : اي جذي انا أرضى
علي : فديتها ام حسون والله
آشواق : خلاص أستحي .. يلا وصلنا خل ننزل حدي متحمسة
علي : شدعوة
آشواق : ههههههه .. وايد سولفت حق امي عنك وأخيرا راح تشوفك
علي : هههههه .. انشاءالله ماطلعتي فظايحي
أشواق : لا لاتحاتي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك