رواية لاتمثلين احتياجج لي وانتي بحضن غيري مقزرتها -22
أشواق : توني ألاحظ انا عيونك عسلية وشعرك أشقر
علي : ههههههه أوووولا صح النوم حجية أم سعيد
اشواق : انا أم سعيد هاا
علي : ههههه .. خلاص لاتزعلين حجية ام حسن
أشواق : اي جذي انا أرضى
علي : فديتها ام حسون والله
آشواق : خلاص أستحي .. يلا وصلنا خل ننزل حدي متحمسة
علي : شدعوة
آشواق : ههههههه .. وايد سولفت حق امي عنك وأخيرا راح تشوفك
علي : هههههه .. انشاءالله ماطلعتي فظايحي
أشواق : لا لاتحاتي
ومشوا أشواق وعلي لين وصلوا الغرفة المعتادة .. غرفة الزيارة
أم فيصل دخلت الغرفة : السلام عليكم
آشواق قربت ولمتها : هلا يما .. شلونج شخبارج
أم فيصل : الحمدالله رب العالمين .. نحمدة ونشكرة على كل شي
آشواق : ماما هاذي علي الي قتلج عنه
علي : السلام عليكم خالتي شلونج
أم فيصل : الحمدالله يما وأنت شلونك
علي : الحمدالله ..
أم فيصل : أشواق وايد تسولف عنك .. تقول عنك خوش ريال وشهم .. وينشد الظهر فيك و ..
علي : من ذوقها خالتي واهي بعد خوش بنية ..
أشواق : ماما الحين أنا وعلي بنروح حق العنوان الي عطيتيه لي وبكلمهم وأنشاءالله يقتنعون
ام فيصل : يما لا تتعبين نفسج .. قتلج روحتج ماراح تغير شي
علي : لاتفقدين الامل خالتي .. الله فوق .. والله بيسر الامر أنشاءالله
أم فيصل : أنشاءالله ( طاحت عينها بعين علي ) : عيونك موغريبة .. أحس جني شايفتك من قبل
علي : هههههه .. لا كلش ماعتقد ..
أشواق : ههههه شكلج مشبهة عليه يما .. أمممم .. أنزين أحنا الحين لازم نترخص .. أشوفج على خير
ام فيصل : الله وياكم .. علي دير بالك على أشواق
علي : أشواق بعيوني خالتي لاتحاتين .. حاطهة بعيوني ومغمض عليها
أشواق أستحت : يلا علي تأخرنا ..
( شوكليت بار البدع )
هوازن : ثنيان وافق وقالي انا موافق بس مشاري قط وماري وين أختفى .. الحين صارلة يومين أدق على تلفونة مفصول عن الخدمة .. حيل خايفة عليه
جاسم : لاتحاتين .. مشاري صار ريال ليلحينج بتمين تحاتينة
هوازن : لعيال مهما يكبرون يتمون بعيون أهاليهم صغار
جاسم : اي والله صدقتي .. بهاذي صج معاج حق
هوازن : انا دوم معاي حق مو بس هالمرة .. !!
بطرف ثاني
بو علي : بوخالد هذيك الطاولة الي يم الدريشة زينة .. ماحب أقعد بمكان صاد .. احب أشوف الناس
بو خالد : يلا شورك وهداية الله
** ستوب ** الحين كرسي بوعلي صار ورى كرسي هوازن بالظبط .. يعني معطين ظهرهم حق بعض بس كراسيهم لازقين في بعض **
هوازن : وييه تذكر كنا دايما نتواعد بهالمكان
جاسم : اييه أيام هههههه .. ويوم اختج أم علي تطيح عينا يبووي سوتلنا فظيحة
هوازن : اي والله مادري شلون يات هالمكان .. مزاجها كان عالي .. هاذي أول مرة يخليها بو علي تطلع مع صديقاتها
جاسم : ههههه تصدقين الموقف جنة صار أمس .. الوكت ماشاءالله صاير بسرعه يمر
..
بوخالد : يعني بتاخذ الثانية .. خلاص عزمت
بوعلي : اي عزمت آخذ الثانية .. هاذي كلش مو مريحتني من صجك ..
بوخالد : وبتقولها أنك بتاخذ الثانية
بوعلي : اي أكيد بقولها .. والله ماتنتطوف لاتشوفها ذهبة .. 5 نجوم أفا عليك
بوخالد : عيل توكل على الله .. والله يكتب الي فيه الخير
..
بعد ساعه
هوازن : يلا عيل أنا أستأذن تأخرت
جاسم : وين تو الناس ..
هوازن : الحين امي تفتحلي محضر تحقيق وين كنتي وين رحتي ومع منو قعدتي
جاسم : ماشاءالله عليها امج مازهقت 40 سنة وأهي تسألج هالسؤال
هوازن : ليلحيني بنظرها هوازن بو 12 سنة الله يهداها
جاسم : عيل لاتتاخرين عليها لاتسويلج سالفة وتعاقبج
هوازن : ههههه .. يلا مع السلامة
..
بو علي : هالشعر الأشقر مو غريب عليي شايفة من قبل
بوخالد : ههههه .. لاتسمعك ام علي لا ألحين فظيحتك بيزة
بو علي : لايحوشك .. يلا بوخالد انا ماشي تامرني على شي
بو خالد : سلامتك .. بس قولي شيصير على الثانية عطني خبر
بو علي : انشاءالله .. يلا في أمان الله ..
.................................................. ...............................................
( منطقة الروضة .. بالتحديد ق 3 جبال الفرع )
أشواق : هاذا البيت .. بس موجنة محد ساكن فيه
علي : شكلة جذي .. البيت حيل عتيج ..
أشواق : بس هاذا العنوان ..
علي : مادري خل نطق الجرس ونشوف منو يرد علينا
أشواق : يلا توكل على الله
علي : بس تصدقين جني شايف هالمكان من قبل بس مادري وين .. ومتى
آشواق : صرت أمي الثانية عليوي .. شفيكم اليوم كلكم مشبهين .. ( شفت هندي جدامي ) : أووه علي شوف الهندي الي واقف مناك
علي : اييه شفيه
أشواق : مشبها عليه .. يشبه ابووي
علي :ههههههههههههه .. تستظرفين دمج .. يلا جدامي لاتنطقين
أشواق : هههههه .. شدراني عنكم .. امشي على جوك وجو الوالدة
علي : صج تعالي شنو أسم راعي البيت
أشواق : مادري ..
علي : مو من صجج .. وأمج ماتعرف أسم صاحب البيت ماسألتيها
أشواق : ويت جنة مكتوب أسمة بالورقة .. (طلعت الورقة ) : أممم مكتوب محمد الساعد
علي : الساعد .. أنتي متأكدة ان محمد الساعد
أشواق : اي متأكدة .. ليش
علي : مادري الأسم مار عليي بس مادري وين سامعه ..
أشواق : أوووهووو .. عليوي لاتسويلي سوالف .. مشبه على البيت .. مشبه على الاسم
علي : هههههه .. خلاص يبا سحبت كلمتي .. أمشي خل نطق جرس البيت
طق علي جرس البيت .. ونطروا 5 دقايق على ماطلع صاحب البيت
علي : السلام عليكم
صاحب البيت : وعليكم السلام .. آمرني أخوي
علي : هاذا مو بيت محمد المساعد ..
صاحب البيت : كان بيت محمد المساعد .. بس البيت أنباع علي قبل 20 سنة
علي : وماتتذكر منو باع البيت عليك
صاحب البيت : والله ماتذكر الاسم بالظبط .. بس البيت ماكان مسجل بأسم محمد المساعد كان مسجل بأسم واحد ثاني ماأذكر أسمة والله .. والناس كانوا يقولون أنا محمد صاحب رفيج البيت وكان ساكن بالملحق
علي : انزين ماتدري وين راحوا أصحاب البيت
صاحب البيت : لا والله مادري .. بعدين اغلب الي كانوا ساكنين بالفريج قبل 20 سنة باعوا بيوتهم وطلعوا من المنطقة ..
علي : مشكور أخوي يعطيك العافية
صاحب البيت : العفو
..
أشواق : أوووف الحين شلون ..
علي : مادري .. أممم خلينا نفتر ونشوف أذا احد يعرف أصحاب البيت
أشواق يلا عيل مشينة
( وقعدوا يفترون بين بيوت المنطقة وبقطعه 3 بالتحديد .. بس ماكانوا يلقون جواب حق تساؤلاتهم ..)
أشواق : أنا خلاص تعبت كفاية اليوم علينا خل نرد البيت وباجر يصير خير نحلها ألف حلال
علي : يلا عيل سرينا
.................................................. ...............................................
( بيت أم أحمد )
أحمد : الحمدالله رب العالمين .. يارب لك الحمد والشكر على هالنعمة .. يارب زيدها وبارك لنا فيها .. تسلم أيد يما على هالطبخة ..
ام أحمد : بالعافية يما .. مطرح مايسري يمري ..
احمد " شفيج قلبتي أم أحمد .. شنو فيج عرج من ورانا
أم أحمد : ههههه توني شايفة فلم مصري لقطت الكلمة .. يلا روح غسل أيدك وتعال حلي
احمد : ماكو مجال للتحلية .. بس يمكن على حسب التحلية أتشجع وأحلي
ام أحمد : مسويتلك تشيز كيك
احمد : أيباااا .. عيل أغسل أيدي وأييج .. جهزي لصحون ..
طق جرس البيت
أم أحمد : يما بالطريج شوف منو عند الباب ..
أحمد : أنشاءالله يما ..
( راح أحمد يبطل الباب ولا تطلع جوان بويها )
أحمد : جوان
جوان : احمد ( لميت أحمد اخوي وقعد أشم ريحتة .. ريحة ابوي الله يرحمة .. لميتة وحسيت أني مابي اتركة .. جلبت فيه واهو قعد يبوسني على راسي ويرحب فيني .. حسيت بأمان .. حسيت أني تحت ظل أخوي .. اخوي عزوتي .. الي محد يقدر يمسني بوجودة يمي .. تمنيت أنا أحمد كان معاي باللحظلات الأخيرة بوجودي بأمريكا .. بس الحين ماينفع الندم .. )
أحمد : جوان أنتي متى وصلتي .. وليش ماقلتي لنا انج وصلتي الديرة
جوان : كنت بخليها لكم مفاجأة .. وين أمي
أحمد : بالمطبخ ..
جوان ( ركضت المطبخ .. مطبخنا المتواضع .. في بيتنا المتواضع .. بيت مافيه كراهية .. بيت كلة أمن وامان .. بيت تحس فيه أنك صج ساكن تحت سقف واحد .. سقف عايلتك ... الغربة صعبة .. تحت هالسقف ماتحس أنك غريب بين ناس ماتعرفهم .. ناس قلوبهم حقودة .. بالعكس الكل بهالبيت قلبهم على بعض .. هاذا البيت أهو بيتنا .. لميت أمي وقعدت أبجي بحضنها .. حسيت أني أنولدت من يديد .. تذكرت نظرات جاك وزادت شهقاتي .. ولهت على أمي )
: يماا آآ أشتقت لكم حيل والله أشتقت لكم
أم أحمد : حبيبتي .. يانظر عيني يما .. شلونج .. شخبارج ..
جوان : الحمدالله .. الحين صرت زينة بشوفتكم
أم احمد : تعالي قوليلي كل شي صار .. الدراسة شلونها .. وجراح شلونة .. وخلصتي دراسة ولا بعد ..
جوان : جراح الحمدالله تمام .. والدراسة الحمدالله خلصتها .. بس بعد جم أسبوع تطلع النتايج وعلى ماتطلع الشهادة يبيلها مدة طويلة ..
احمد : وييه جوان كبرتي حييل .. حيل تغيرتي ..
جوان : شلون يعني محلوة .. جكرانة ..
أحمد : صارة حلوة وظعفانة بعد حيل ..
جوان : اييه الدراسة ظعفتني .. 24 ساعه مجابلة الكتاب .. والأكل كلة جبن وتوست ولا قيمر .. وسلطة .. وأذا كثرنا كليت شبس ..
أحمد : وييه ليش
جوان : لانة اللحم مو حلال .. ومطاعم الاسلامية قليلة حيل .. وبعيدة عن السكن الجامعي
أحمد : يلا عاد رديتي الكويت راح تدبينها عدل مع أم أحمد
أم احمد : يما بنيتي يوعتج امريكا .. حسبي الله عليها
جوان : يما بنتج صارت داعية .. دخلت امريكان الاسلام
أم احمد : ههههه .. يحليلج يما .. لج الأجر انشاءالله ..
جوان : أنا الحين ماقدر طقت ساعتي بروح أنام تصبحون على ألف خير
أم احمد : وانتي من هلة يما ..
جوان ( صعدت غرفتي المتواضعة .. حطيت راسي على مخدتي الزرقا .. لميت سبونج بوب وقعدت أبجي .. كل ماأتذكر الليلة الي طافت أدش بحالة هستيرية .. أهو ماعتدى عليي .. بس أكيد خدرني عشان سبب .. والوضعية الي شفت روحي فيها موطبيعية .. خلاص .. مخي أنشل مابي اتذكر .. مابي أفكر بلي صار .. )
البارت الحادي و الثلاثون
.....
أرد وأقول لكم ترى في غلط .. بو مشاري سعد مامات ومشاري يدري انا أبوه مامات .. وهاذا غلط مطبعي مني السموحة .. وجوان جاك ماسوالها شي .. يعني مونفس ما البعض يفكرون خخخخخ .. وسوري على هالأخطاء الي قاعد تواجه الرواية ..,
....
( بيت أم أحمد )
أحمد : توني شفت أشواق رادة مع هاذا الي ماينتسمة
أم أحمد : الحين آنا بروح أكلم أم الولد وبمر أشواق بعد أكلمها بالموضوع ..
أحمد : اي يما .. ترى هاذي بنت مهما يكون ..
ام أحمد : يلا أنا رايحة .. وأذا قعدت جوان من النوم لاتطلع مكان .. يمكن أشواق تمرها ولا شي ..
يلا عن أذنك يما
أحمد : أذنج معاج
.................................................. .................................................. ...............
( بيت أم علي )
علي : فطوم وين ..
قاطمة توها نازلة من غرفتها : كاني .. زين تذكرت أنا عندك أخت ..
ام علي : شنو هالكلام يما
فاطمة : هاذا الصج يما .. أنتي ماتشوفين عليوي .. هالأيام لاهي .. مادري منو ماخذ عقلة ..
أم علي : يما منج أنتي
علي : محد ماخذ عقلي غيرج ههههههه
طق جرس باب البيت
فاطمة : يملقك ..
سرينا : ماما في واحد يقول أسم ماما أم احمد يبي أنت
أم علي : أم أحمد .. منو هاذي أم أحمد
فاطمة : ايه هاذي الي ساكنة بأول الفريج .. شفيج نسيتي يما
أم علي : اي أيه تذكرتها
علي : ياترى شنو تبي .. اووه فطوم الظاهر بتخطبج
فاطمة : ومنو قال عاد لو صج بتزوج .. هاذا الي ناقص
......
بالطرف الثاني من الصالة
أم علي : حيا الله أم احمد تفضلي .
أم أحمد : الله يحييج .. دام فضلج
أم علي : شلونج شلون لعيال .. أنشاءالله بخير
أم أحمد : الحمدالله رب العالمين .. انتوا شلونكم ..
أم علي : الحمدالل تمام .. كل هاذا بفضل الله سبحانة
أم أحمد : أنشاءالله ناخذيتج من شغلج
أم علي : لا لا أخذي راحتج .. ماعندي شي .. بس خير أم احمد شنو سبب الزيارة هاذي
أم أحمد : والله يا أم علي مادري شقولج .. بس الموضوع شوي حساس
أم علي : حساس .. خرعتيني يا أم أحمد .. قوليلي شصاير
أم أحمد : والله الموضوع يتعلق بولدج علي
أم علي : شفيه ولدي
أم أحمد : والله مادري من وين ابتدي .. بس أم علي الكلام الي بقولة لج عشان مصلحة ولدج ومصلحة بنتنا أشواق
أم علي بصدمة : أشواق .. !! أشواق بنت راعي الخمر .. وأنتي خابتني ومخرعتني .. وسين وجيم .. وولدج علي ..
أم أحمد : أم علي أنت سمعيني للآخر وبعدين حكمي على الموضوع
أم علي : قولي الي عندج وانا أسمعج .. !!
أم أحمد : ولدي أحمد شايف أشواق جم مرة تركب مع ولدج علي السيارة .. وهالشي مثل ما أنتي عارفة غلط .. والناس تتكلم .. أذا ماعليج أمر قولي حق ولدج يبتعد عن أشواق .. ترى أم أشواق مخليتها أمانة برقبتنا .. وانا مسؤولة عنها من بعد أمها .. وأنتي تدرين أنها بروحها ساكنة بالبيت وموحلوة بحقها الناس تشوفها مع ولدج ومو حلوة بحقكم بعد
أم علي عصبت : أم أحمد أنا ماأسمح لج تتكلمين عن ولدي بهالطريقة .. وبنت أبليس اهي الى قاعد تتحرش بولدي وتتلزق فيه ... ولا ولدي شنو يبي بهالأشكال .. أبو خمار والبنت خريجة سجون والام مسافرة وقاطه بنتها ماتدري عندها .. تف تف .. اللهم لاشماتة
أم أحمد : ماأسمحلج أم علي
أم علي قاطعتها : أنا الي ماأسمح لج .. داشة بيتي وتتهمين ولدي بعد .. أذا سمحتي تفضلي من غير مطرود
أم أحمد : انا طالعه .. بس أنا عطيتج أنذار .. وأذا ولدج ماأبتعد عن أشواق بينة مخافر ..
أم علي : يلا يلا يلا .. مخافر .. روحي أشتكي يعني عبالج بخاف منج .. وأنتي قولي حق بنت أبليس عن الحركات هاذي لاتعشم عمرها .. ترى ولدي مايفكر بأشكلها ..
أم أحمد طلعت من بيت أم علي
أم علي : صج قليلة الأدب .. ياية بيتي وتتهم ولدي بعد .. ( قعدت تصرخ بصوت عالي ) : علي .. علي
علي : خير اللهم أجعله خير .. نعم يما
أم علي : تعال الحين بسرعه الصالة ..
فاطمة : وصارت يعليوي .. أمي جكتك
علي : أحسن .. انا هاذا الي أبيه
...
نزل علي الصالة ..
علي : هلا يما .. خير شصاير
أم علي بصوتها الحاد : صج الكلام الي سمعته
علي : اي كلام
أم علي : تقول أم أحمد أنك تركب بنت أبليس معاك السيارة وولدها جم مرة يشوفكم مع بعض .. وتقول بعد أنك قاعد تقص على بنت أبليس ..
علي : يما لو سمحتي .. أول شي أسمها أشواق .. والكلام الي قالتة كلة صج .. وأنا وأشواق نجب بعض وأنا بتزوجها
أم علي فتحت عيونها على الآخر : شنهاو شنهاو .. سمعني حبيبي .. أقول حامض على بوزك تاخذ بنت السكير القمار .. هاذي الي ناقص أحنا أناسب هالأشكال .. أنا أقول ليش أنت وأبوك صافين معاها .. طلعت حاط عينك عليها ..
علي : اي حاط عيني عليها .. وبتزوجها بعد ..
ام علي : علي أنتبه .. أنت قاعد تكرر الغطة الي صارت مع دلال .. خلني أنا أختار لك .. أنا شايفتلك بنت أجاويد تطيح الطير من السما عيونها عس
قاطعها علي : يماآآ أنا أعرف مصلحتي .. وأشواق مو توني أعرفها .. أنا مراقبها من زمان والبنت أعرف أخلاقها وأعرف أهيا شنو .. فرجاءا من يوم ورايح لاتغلطين عليها لانها بتكون مرتي سامعتني ولا لأ
أم علي : بس أنا قتلك لآ .. ماراح تتزوجها
علي : أي ليش .. شنو السبب .. أنتي عطيني سبب واحد مقنع الي مايخليج توافقين
أم علي : حم مرة أقولك .. أبوها راعي خمر ومخدرات .. وأمها مسافرة وماتدري عن هوى دار بنتها .. وأهي قبل جم شهر داشة السجن وصورها منتشرة بالجرايد .. شنو تبي الناس تقول عنه .. علي ولد بو علي يتزوج وحدة لا لها لا أصل ولا فصل
علي ( تظايقت حيل من هالكلام .. حسيتة مثل السم الي يمشي بدمي .. وقفت بويه أمي وقتلها بكل جرآة ) : هاذي حياتي وكيفي .. وغير أشواق ماراخ أتزوج فاهمة يما آآ .. وأذا ماعطيتيني أشواق
لا أنا .. لا أنا ( مو قادر أنطق فيها )
أم علي : لا أنت شنو
علي : لا أنا ولدج ولا أنتي أمي
أم علي عصبت : انا تقولي هالكلام .. تبيعني عشان بنت أبليس .. لا هاذي أكيد ساحرتك .. مسويتلك عمل .. أنت مو ولدي علي الي شلتة في بطني 9 شهور ..
علي : أنا طالع وفكري بكلامي عدل .. في آمان الله ..
.................................................. .................................................. ...............
بعد مرور يومين
نيويورك
مشاري : ياهلا الوالد .. شلونك شخبارك .. شعلومك
جاسم : أنا الحمدالله تمام .. أنت شلونك يبا .. مرة وحدة أنقطعت أخبارك .. لاتدق ولا تتصل .. نسيت
انا عندك أبو وأخت ينطرونك بالكويت
جراح : السموحة يبا .. بس الامتحانات كانت شاغلتني
جاسم : معذور يبا .. ها بشر .. شصار وياك وين وصلت بالدراسة
جراح : والله خلصت يبا .. تخرجت وأخيرا بعد عناء طويل .. بس ناطر الشهادة تطلع وأنشاءالله برد الديرة ..
جاسم : اي الحمدالله .. قبل لاتوصل عطنا خبر عشان نستقبلك بالمطار .. بس عجل يبا لاتطول ترى أشتقنالك
جراح : بس أشتقتلي .. والله حاس في شي خاشة عليي
جاسم : ههههه .. أهو في شي .. بس أنا ناطرك ترد الديرة وفي موضوع أبيك فيه
جراح : يصير خير يبا .. الشهادة كلها يومين وأنشاءالله طالعه .. وحدي متحمس بعرف الموضوع
جاسم : ههههه .. دير بالك على نفسك يبا .. يلا مع السلامة
جراح : سلم على قمر يبا .. وعطها بوسة مني .. وماتامروني على شي وانا راد
جاسم : لا سلامتك يبا .. يلا مع السلامة
جراح : مع السلامة
( أخييه ياني مشتاق لكم يا يبا شوق ماينوصف .. مشتاق للكويت ديرة الأحباب .. آآه ياكويت مشتاق لترابج .. وأخيرا خلصت سنين الغربة .. وأخيرا راح أرجع لديرتي .. أي صج .. جوان .. )
.
..
آشلي : هل رحلت ..
جاك : نعم رحلت منذ يومين تقريبا
آشلي : ولماذا لم تخبرني هاا .. وماذا حل بالصور .. لم يصلني شيء على البريد الألكتروني
جاك : الصور .. ( بتوتر ) لقد نسيت امر الصور
آشلي تعض على اسنانها حيل : جاااك.. جااااك .. هل تسخر مني أم ماذا .. هل أصبحت تميل لهذه العربية المسلمة أم ماذا ..
جاك : لاا .. من قال .. ولكني نسيت أمر الصور لاغير ..
آشلي : أحذر ياجاك .. أذ كنت تتلاعب معي فستنال جزاءك من الرئيس وأنت تعرف ماذا بأمكان الرئيس أن يفعل
جاك : أعلم .. سوف يقطعني الى أشلاء
آشلي علت صوتها : جااااك أسمعني جاااااك
بدخلة جراح
آشلي ترقع الموضوع : نعم لاتخافي من جاك .. لايستطيع ان يفعل شيءً بك .. ولكن لماذا لم تخبريني بانك سافرت للكويت .. لم نقم بتوديعك ..
جاك : ماذا حصل ..
آشلي : نعم جراح بجانبي ..
جاك : حسنا الى اللقاء ..
آشلي : حسنا سؤبلغه سلامك
جراح : أعطني الهاتف لكي أتحدث معها
آشلي : أووبس لقد قامت بأغلاق الهاتف ..
جراح : أهاا أوكي .. ماذا كانت تقول
آشلي : كانت تخبرني بأنها سافرت اليوم للكويت ..
جراح : ولكن الم تقل بانها ستأتي الى هنا
آشلي : نعم لقد قامت بتغيير مخططاتها .. للأسف لم نلحق بها لكي نودعها .. آآه كم أنا مشتاقة لها
جراح : نعم للأسف .. أممم .. آشلي يؤسفني أخبارك بأنني سأرحل بعد يومين أيضا .. ولكني أنتظر الشهادة
آشلي : ترحل .. !! لماذا ..
جراح : لقد أشتقت لوالدي ولأختي .. وأبي يريد اخباري شيئا .. ولكن لاتخافي .. سوف نقوم بزيارتك أنا وجوان
آشلي : حسنا .. ولكني سأشتاق لك كثيرا
جراح : وانا أيضا ..
.................................................. .................................................. ...............
.................................................. .................................................. ...............
أحمد ( طلعت أدخن زقارة ولا أشوف أشواق مشرفة مع ولد أبليس .. ماشاءالله البنت أفتلتت من دخل أبوها السجن .. وايد خذت راحتها زيادة عن اللزوم
سيارة علي
علي : طمنيني عليج أوكي ..
أشواق : أوكي من عيوني .. يلا مع السلامة .. سلم على فاطمة
علي : يوصل .. ديري بالج على روحج ..
أشواق : من عيوني .. ( نزلت من السيارة وأتلوفت يمين ويسار .. لمحت أحمد يدخن زقارة وعيونة مانشالت عني .. بلعت ريجي .. اكيد صارت .. أحمد شافني وأنا نازلة من سيارة علي .. مشيت وسويت روحي ماشوفة ولا بصرخة وحدة هزتني )
أحمد : أشواااااق .. !
أشواق : ههه...هلا أحمد .. شلونك
أحمد : وين كنتي ... ومنو الي راكبة معاه السيارة
أشواق : كنت ... انا كنت ... أيه أنا كنت رايحة أزور أبوي بالسجن .. والي كنت معاه بالسيارة يصير أخو رفيجتي شافني متوهقة قالي أوصلج بدربي
أحمد : ومنو هاذي رفيجتج ..
آشواق : أحمد شنو بتفتح لي محضر تحقيق يعني .. عن أذنك
أحمد : جوان رجعت من أمريكا
آشواق : شنو .. صج ..
أحمد : اي قبل شوي يات ..
آشواق : أنا بغير ملابسي وبمركم .. انشاءالله قاعدة ..
أحمد : لأ .. ردت تعبانة .. حطت راسها ونامت ..
آشواق : عيل أنا بعد صلاة العشا بسير عليكم .. وأذا قعدت قبلها خل تعطيني خبر .. خل تدق على فون بيتنا ..
احمد : أقولها .. ويلا دشي البيت .. مو حلوة جدام الناس بنت بروحج بالبيت وطاقتها فرارة من مكان لي مكان .. ترى الناس تحجي وتتكلم ..
آشواق : عن أذنك ..
.
.................................................. ..............................................
( بيت جاسم .. )
قمر قاعد تغني : تِعذَّبني ولا تِـدري بعذابـي عذاب الحُب يذبح مِن يصيبه
بحر حُبَّك غدا بي وإنتحى بـي ولافزعـه ولاديـره قريبـه
أصيح صياح ماحيٍ درى بـي مصيبه وإن حكيت أكبر مصيبه
ولو أخفيت مايخفى صُوابـي صُواب الحب طبَّه مِن طبيبـه
جاسم توة داخل البيت وكمل الاغنية عن قمر :
ولاجاني وِصـاة ولاكِتـابِ أسلَّي به عُيوني وأهتنـي بـه
ألا ياسيد تلعـات الرقـابِ خساره حب غيرك وش أبي به
ولكِن مِن بغى وصلك يهابِ ولا ياصلك علمٍ أو يجي بـه
قمر : أووه أووه الوالد اليوم مزاجة رايق
جاسم : اي وشلون ماتبين مزاجي يصير رايق وانا توني راد من عند هوازن
قمر : مس هوازن .. يه يه .. شنو هالتطورات .. وين شفتها وشصار بينكم
جاسم : شفتها بشوكليت بار .. وسولفنة قرابة ساعتين .. وليلحيني مامليت منها
قمر : بعد شناطر يبا .. متى تبي تخطبها
جاسم : لمن تتعدل ظروفها بالبيت .. وقالت لي أنها ماراح تتزوج من غير موافقة مشاري ولدها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك