رواية لاتمثلين احتياجج لي وانتي بحضن غيري مقزرتها -23
( بيت جاسم .. )
قمر قاعد تغني : تِعذَّبني ولا تِـدري بعذابـي عذاب الحُب يذبح مِن يصيبه
بحر حُبَّك غدا بي وإنتحى بـي ولافزعـه ولاديـره قريبـه
أصيح صياح ماحيٍ درى بـي مصيبه وإن حكيت أكبر مصيبه
ولو أخفيت مايخفى صُوابـي صُواب الحب طبَّه مِن طبيبـه
جاسم توة داخل البيت وكمل الاغنية عن قمر :
ولاجاني وِصـاة ولاكِتـابِ أسلَّي به عُيوني وأهتنـي بـه
ألا ياسيد تلعـات الرقـابِ خساره حب غيرك وش أبي به
ولكِن مِن بغى وصلك يهابِ ولا ياصلك علمٍ أو يجي بـه
قمر : أووه أووه الوالد اليوم مزاجة رايق
جاسم : اي وشلون ماتبين مزاجي يصير رايق وانا توني راد من عند هوازن
قمر : مس هوازن .. يه يه .. شنو هالتطورات .. وين شفتها وشصار بينكم
جاسم : شفتها بشوكليت بار .. وسولفنة قرابة ساعتين .. وليلحيني مامليت منها
قمر : بعد شناطر يبا .. متى تبي تخطبها
جاسم : لمن تتعدل ظروفها بالبيت .. وقالت لي أنها ماراح تتزوج من غير موافقة مشاري ولدها
قمر : عيل أنطر بعد 20 سنة ثانية على مايوافق مشاري
جاسم : وانتي ليش تفاولين .. المهم ماقتيلي شسويتي بالامتحان ..
قمر : والله الحمدالله .. حليت والباجي على الله .. بس ألحين ناطرة النتيجة .. وأخيرا خلصنا مومصدقة أني تخرجت ..
جاسم : الحمدالله رب العالمين .. وأذا طلعت النتيجة وين بتقدمين أنشاءالله
قمر : والله مادري بابا .. خل أشوف النتيجة وعلى النتيجة بشوف .. الحين أهم شي أني خلصت الدراسة ..
رن تلفون قمر واصلها مسج
ثنيان : قمر .. أنا ادري الي صار مو سهل .. بس ليش ماتردين علي ولاتحطين عينج بعيني .. أعتبري ألي صار ماصار .. وخل نرجع مثل الأول
قمر : أووووف ...
جاسم : شفيج بابا
قمر : لا ولاشي .. بس صايرتلي مشكلة مع وحدة من رفيجاتي .. عن أذنك بابا أنا بروح غرفتي ...
وحشتيني
وحشتيني .. وجيت اسأل واظن اني على بالـــــــــــك
عسى ماشر ماتسأل وش اللي غير احوالــــــــــــــــك
وحشتيني ..
رغم بعدك وتقصيرك .. ورغم انك معي قاطــــــــــــع
تزاعلني واجي لرضاك .. واحبك وارضى بالواقــــــع
وحشتيني ..
ترى مهما جرى مني .. ومهما كنت انا الغلطـــــــــان
سؤالك عني ما يمنع .. ولو قلبك علي زعــــــــــــلان
وحشتيني ..
احبك يا اجمل الاحساس .. وحشني حبك المجنـــــون
متى ترضى علي وتحن .. يا انت يا احلى مافي الكون
وحشتيني ..
( صعدت غرفتي وعلى طول من غير تفكير اتصلت على ثنيان ) : ألوو هلا ثنيان
ثنيان : هلا فيج قمر .. جذي تخليني أحاتيج .. شلونج اليوم عقب الطيحة ..
قمر : والله الحمدالله صرت زينة .. أنت شلونك
ثنيان : انا الحمدالله .. بس ناقصني صوتج .. قمر لاتعيدينها .. أذا مرة ثانية طنشتيني جذي ترى راح أرتكب بنفسي جريمة
قمر : لا أسم الله عليك .. لاتقول جذي
ثنيان : عيل مرة ثانية لاتقطعين ولا تطنشين أتصالاتي .. أي نسسيت مبروك التخرج وأخيرا خلصنا
قمر : الله يبارك فيك .. الحمدالله عدت السنة على خير الحين الله يعين النتيجة شنو بتطلع
ثنيان : لا لاتحاتين .. أقول قمر مشاري ماأتصل عليج بهالفترة
قمر : لا ليش ... اهو فيه شي
ثنيان : والله مادري .. من صارت سالفة أمي وأبوج وأهو مختفي ماشفناه ..
قمر : يمكن رايح عند واحد من ربعه .. أنت دق على رفيجة المقرب له .. ماتعرف أحد
ثنيان : اي صح شلون طافت عليي السالفة .. حيدر .. حيدر أقرب ربعه .. خل أتصل عليه واشوفة .. أكيد يعرف شي عنة .. يلا قمر أنا ألحين اخليج ...
قمر : الله وياك
.....
ثنيان : انا شلون غابت عني هالفكرة .. خل أدق على حيدر .. ( وأتصلت على حيدر .. المرة الأولى مارد على التلفون .. المرة الثانية رد علي )
حيدر : هلا ثنيان شلونك من زمان ماشفناك ..
ثنيان : هلا فيك بو حسين .. والله موجود بس تدري مشاغل المدرسة والامتحانات
حيدر : اي الله يعينكم
ثنيان : أقول حيدر مشاري مامرك .. ماأتصل فيك ..
حيدر : لا والله .. ليش صاير شي
ثنيان : صارلة فترة ماشفناه .. قلت أكيد أنت تعرف عنه شي .. أمي بالها مشغول عليه حيل وقاعد تحاتيه ..
حيدر : والله ثنيان أنا بقولك وفيها الي فيها
ثنيان : شنو قول
حيدر : مشاري سافر الامارات وقال بيقعد فترة بروحة بيفكر شوي .. مايبي أحد يعكر مزاجة
ثنيان : انزين وماتدري بأي فندق نزل
حيدر : أهو العادة ينزل بفندق جولدن ستان .. هاذا الي اعرفة ..
ثنيان : مشكور حيدر وماقصرت .. يلا أخليك في امان الله ..
.................................................. .................................................. ...............
.................................................. .................................................. ...............
غرفة هوازن
هوازن ( دخلت الغرفة وغيرت ملابسي ... آآه اليوم كان حيل حلو ماتمنيت أنا يخلص .. مشاري .. انا شلون طلعت وأستانست ومافكرت بمشاري .. يما مشاري سامحني .. وانا أعدل فراشي ولا أشوف رسالة مكتوب عليها من مشاري .. بطلت الرسالة وكانت مضمونها كالتالي )
مشاري : يما أنا فكرت وايد بالموضوع .. ولقيت انا من حقج تتزوجين وتعيشين حياتج .. انتي ظحيتي وايد عشانة .. ويا الوكت الي نظحي فيه عشانج .. أنتي عمرج ماجربتي طعم الحب لا مع أبوي ولا مع أبو ثنيان .. وأعتقد حان الوقت عشان تجابلين روحج شوي .. بس يما لا تعتقدين أني راح أحب ريلج .. راح يكون زوج أمي وبس لا أكثر ولا أقل .. وقمر بنتة الدعلة بعد ترى من الحين أقولج ماأواطنها .. وأذا هالشي راح يسعدج أكيد راح يسعدني .. وبهالدقيقة وبهالثانية كتبت لج الرسالة وسافرت الساعه كانت 9:45 دقيقة أنا الحين بالأمارات .. سافرت وقلت أغير جو شوي .. يما من يوم ورايح ماراح أتدخل بحياتج أكثر .. أنتي تستاهلين كل خير .. والي يتكلم ولا يمسج بكلمة أنا بوقف بويها .. أنا أقصد خالتي أم علي .. لاتقعد تقط عليج كلام وانتي تسكتين .. ردي عليها يما .. أنتي الي سويتيه لاعيب ولا حرام .. اي يما مو عيب .. ومرة ثانية أقولج أنتي تستاهلين كل خير .. وأشوفج على خير ياأغلى أم بالدنيا .. ولدج الي يعشق ترابج مشاري
هوازن ( مسكت الورقة وحضنتها بصدري .. حسيت مشاري أهو الورقة الي حظنتها .. قعدت أبجي .. بس هالمرة دموعي دموع فرح .. ماتوقعت مشاري تتغير وجهة نظرة بهالسرعه .. حبيبي وليدي نظر عيني .. حبيبي يفكر بامة .. يارب أحفظ عيالي لي ولاتحرمني منهم .. يارب لاتفرق شملنا .. يارب وفقنا وأستر علينا .. )
ثنيان دخل الغرفة وبدون أي مقدمات
: يما لقيت مشاري .. مشاري مسافر الامارات توني كلمت حيدر رفيجة وقالي أنا نازل بفندق قولدن ستان .. يلا يما على أول رحلة خل نروج ونرجعه ..
هوازن والدمعه بطرف عينها : ادري يما .. أدري
ثنيان مصدوم : وشدراج ..
هوازن : حطلي رسالة .. ثنيان مشاري أقتنع أني أتزوج ..
ثنيان : صج .. شلون بس
هوازن : شوف الرسالة
وقعد يقرى ثنيان الرسالة
ثنيان : كااااااااااااااااااااك متأكدة هاذا مشاري .. لا مومعقولة مشاري يطلع منه هالكلام والله صدمة
هوازن : أنا مثلك بعد أنصدمت شلون تغير راية بهاذي السرعه .. آآخ عليك يماا آآ شمسوي ألحين نايم قاعد .. شالدنيا فيك
ثنيان : لاتحاتينة يبا مشاري سبع ذيب يقدر يدبر روحة .. تلقينة متشقق ألحين من مكان لي مكان بالامارات مايهجع ..
هوازن : من وين له فلوس .. ليش ماتكلم
ثنيان : كرامتة ماتسمحلة ..
.................................................. .................................................. ...............
( الامارات فندق أتلانتس )
مشاري ( أيباا .. والله أني مدلع نفسي .. حجزت بفندق أتلانتس ليلتين .. الجو بالفندق عجييب .. رحت سبحت مع الدولفين وبستة .. بس عاد مو على شفايفة هههه هاذي سوالف بنات .. بستة على خدة .. عاد لاحظت خدودة حمرت ماتحمل بوستي .. وانا نازل أتمشى بالفندق دعمت بواحد بالغلط .. كان شكلة ريال تكانة وكويتي بعد .. عرفته من لهجتة .. )
محمد بالتلفون : أبيع ولا ماأبيع..
سعد : لا بيع بيع دام السهم مرتفع
مشاري : طلع الحبيب صاحب اسهم
محمد : بعت بعت ..
سعد : أشتر بعد وأهيا زلقة بطيحة .. نظرب عصفورين بحجر
محمد : خلاص صار .. صار
مشاري : أشتر شوراك بعد .. خل أتوكل على الله وأروح دبي مول أتسوق أتغدى حدي يوعان .. ولا أقول قبل لا أروح خل أشوف هاذا شسالفتة .. خل يعلمني على الاسهم .. قرب مشاري من محمد
مشاري : السلام عليكم أخوي .. شكلك كويتي من عيال ديرتي
محمد : هلا .. بس شدراك
مشاري : الدم يحن وانا أخوك ..
محمد : اي والله وأنت الصاج ..
مشاري : الا بقيت أسألك .. قبل شوي سمعتك تتكلم بالتلفون وتقول بيع وأشتر .. شكلك راعي أسهم وتعرف حق الأسهم عدل .. صحيح
محمد : اي والله .. كنت قاعد أكلم صاحب الشركة .. انا أدير أسهمة بدبي ..
مشاري : وشنو طبيعة شغلكم
محمد : ماكو والله كل واحد يمسك أسهم الشركة بديرة ويديرها .. يعني أحنا أفرع شركتنا منتشرة بكذى دولة .. وكل دولة معينين مجموعه موظفين يديرون الشركة
مشاري : يعني انت مهاجر من الكويت وياي تعيش بدبي
محمد : ههههه لا شدعوة .. ترى أنا وراي بيت أجابلة .. في موظفين بالشركة هني بدبي .. أنا مجرد المدير عليهم يعني اتابع شغلهم من فترة لي فترة ..
مشاري : اي حلو .. وشلون أذا الواحد بيقدم على وظيفة عندكم .. السالفة سهلة
محمد : لا والله .. الشركة ماتوظف أي احد .. لازم تكون خريج جامعه على الأقل أو عندك خبرة تتعدى ال5 سنين .. شغلة الأسهم موسهلة .. بس أذا تبي تشتغل مثل السكرتارية أو تسويق أو وظايف ثانية تقدم أوراقك وعلى حسب ملفك عاد شوف حظك تنقبل بالشركة ولا لا
مشاري : والله حلو ..
رن تلفون محمد
محمد : هلا بو مشاري
سعد : الأسهم نزل سعرها بالكويت .. قد ماتقدر أشتر أسهم ..
محمد : حاضر على أمرك طال عمرك .. يلا مع السلامة
مشاري : أنزين
محمد قاطعه : عن أذنك أخوي أنا ألحين حيل مشغول .. تفضل هاذا كرتي
مشاري أخذ الكرت : مشكور عساك على القوة
( للمرة الأخيرة أنبهكم .. أبو مشاري مامات .. ومشاري يدري أنا أبوه مامات .. في غلط مطبعي .. عشان لاتظيعون بالبارتات الياية .. يعني مشاري يدري أبوه طلق أمة يوم كان صغير .. ومن يومها وأهو مايدري ولا يعرف عن أبوه شي .. )
.................................................. .................................................. ...............
....
( بيت أم أحمد )
أحمد : توني شفت أشواق رادة مع هاذا الي ماينتسمة
أم أحمد : الحين آنا بروح أكلم أم الولد وبمر أشواق بعد أكلمها بالموضوع ..
أحمد : اي يما .. ترى هاذي بنت مهما يكون ..
ام أحمد : يلا أنا رايحة .. وأذا قعدت جوان من النوم لاتطلع مكان .. يمكن أشواق تمرها ولا شي ..
يلا عن أذنك يما
أحمد : أذنج معاج
.................................................. .................................................. ...............
( بيت أم علي )
علي : فطوم وين ..
قاطمة توها نازلة من غرفتها : كاني .. زين تذكرت أنا عندك أخت ..
ام علي : شنو هالكلام يما
فاطمة : هاذا الصج يما .. أنتي ماتشوفين عليوي .. هالأيام لاهي .. مادري منو ماخذ عقلة ..
أم علي : يما منج أنتي
علي : محد ماخذ عقلي غيرج ههههههه
طق جرس باب البيت
فاطمة : يملقك ..
سرينا : ماما في واحد يقول أسم ماما أم احمد يبي أنت
أم علي : أم أحمد .. منو هاذي أم أحمد
فاطمة : ايه هاذي الي ساكنة بأول الفريج .. شفيج نسيتي يما
أم علي : اي أيه تذكرتها
علي : ياترى شنو تبي .. اووه فطوم الظاهر بتخطبج
فاطمة : ومنو قال عاد لو صج بتزوج .. هاذا الي ناقص
......
بالطرف الثاني من الصالة
أم علي : حيا الله أم احمد تفضلي .
أم أحمد : الله يحييج .. دام فضلج
أم علي : شلونج شلون لعيال .. أنشاءالله بخير
أم أحمد : الحمدالله رب العالمين .. انتوا شلونكم ..
أم علي : الحمدالل تمام .. كل هاذا بفضل الله سبحانة
أم أحمد : أنشاءالله ناخذيتج من شغلج
أم علي : لا لا أخذي راحتج .. ماعندي شي .. بس خير أم احمد شنو سبب الزيارة هاذي
أم أحمد : والله يا أم علي مادري شقولج .. بس الموضوع شوي حساس
أم علي : حساس .. خرعتيني يا أم أحمد .. قوليلي شصاير
أم أحمد : والله الموضوع يتعلق بولدج علي
أم علي : شفيه ولدي
أم أحمد : والله مادري من وين ابتدي .. بس أم علي الكلام الي بقولة لج عشان مصلحة ولدج ومصلحة بنتنا أشواق
أم علي بصدمة : أشواق .. !! أشواق بنت راعي الخمر .. وأنتي خابتني ومخرعتني .. وسين وجيم .. وولدج علي ..
أم أحمد : أم علي أنت سمعيني للآخر وبعدين حكمي على الموضوع
أم علي : قولي الي عندج وانا أسمعج .. !!
أم أحمد : ولدي أحمد شايف أشواق جم مرة تركب مع ولدج علي السيارة .. وهالشي مثل ما أنتي عارفة غلط .. والناس تتكلم .. أذا ماعليج أمر قولي حق ولدج يبتعد عن أشواق .. ترى أم أشواق مخليتها أمانة برقبتنا .. وانا مسؤولة عنها من بعد أمها .. وأنتي تدرين أنها بروحها ساكنة بالبيت وموحلوة بحقها الناس تشوفها مع ولدج ومو حلوة بحقكم بعد
أم علي عصبت : أم أحمد أنا ماأسمح لج تتكلمين عن ولدي بهالطريقة .. وبنت أبليس اهي الى قاعد تتحرش بولدي وتتلزق فيه ... ولا ولدي شنو يبي بهالأشكال .. أبو خمار والبنت خريجة سجون والام مسافرة وقاطه بنتها ماتدري عندها .. تف تف .. اللهم لاشماتة
أم أحمد : ماأسمحلج أم علي
أم علي قاطعتها : أنا الي ماأسمح لج .. داشة بيتي وتتهمين ولدي بعد .. أذا سمحتي تفضلي من غير مطرود
أم أحمد : انا طالعه .. بس أنا عطيتج أنذار .. وأذا ولدج ماأبتعد عن أشواق بينة مخافر ..
أم علي : يلا يلا يلا .. مخافر .. روحي أشتكي يعني عبالج بخاف منج .. وأنتي قولي حق بنت أبليس عن الحركات هاذي لاتعشم عمرها .. ترى ولدي مايفكر بأشكلها ..
أم أحمد طلعت من بيت أم علي
أم علي : صج قليلة الأدب .. ياية بيتي وتتهم ولدي بعد .. ( قعدت تصرخ بصوت عالي ) : علي .. علي
علي : خير اللهم أجعله خير .. نعم يما
أم علي : تعال الحين بسرعه الصالة ..
فاطمة : وصارت يعليوي .. أمي جكتك
علي : أحسن .. انا هاذا الي أبيه
...
نزل علي الصالة ..
علي : هلا يما .. خير شصاير
أم علي بصوتها الحاد : صج الكلام الي سمعته
علي : اي كلام
أم علي : تقول أم أحمد أنك تركب بنت أبليس معاك السيارة وولدها جم مرة يشوفكم مع بعض .. وتقول بعد أنك قاعد تقص على بنت أبليس ..
علي : يما لو سمحتي .. أول شي أسمها أشواق .. والكلام الي قالتة كلة صج .. وأنا وأشواق نجب بعض وأنا بتزوجها
أم علي فتحت عيونها على الآخر : شنهاو شنهاو .. سمعني حبيبي .. أقول حامض على بوزك تاخذ بنت السكير القمار .. هاذي الي ناقص أحنا أناسب هالأشكال .. أنا أقول ليش أنت وأبوك صافين معاها .. طلعت حاط عينك عليها ..
علي : اي حاط عيني عليها .. وبتزوجها بعد ..
ام علي : علي أنتبه .. أنت قاعد تكرر الغطة الي صارت مع دلال .. خلني أنا أختار لك .. أنا شايفتلك بنت أجاويد تطيح الطير من السما عيونها عس
قاطعها علي : يماآآ أنا أعرف مصلحتي .. وأشواق مو توني أعرفها .. أنا مراقبها من زمان والبنت أعرف أخلاقها وأعرف أهيا شنو .. فرجاءا من يوم ورايح لاتغلطين عليها لانها بتكون مرتي سامعتني ولا لأ
أم علي : بس أنا قتلك لآ .. ماراح تتزوجها
علي : أي ليش .. شنو السبب .. أنتي عطيني سبب واحد مقنع الي مايخليج توافقين
أم علي : حم مرة أقولك .. أبوها راعي خمر ومخدرات .. وأمها مسافرة وماتدري عن هوى دار بنتها .. وأهي قبل جم شهر داشة السجن وصورها منتشرة بالجرايد .. شنو تبي الناس تقول عنه .. علي ولد بو علي يتزوج وحدة لا لها لا أصل ولا فصل
علي ( تظايقت حيل من هالكلام .. حسيتة مثل السم الي يمشي بدمي .. وقفت بويه أمي وقتلها بكل جرآة ) : هاذي حياتي وكيفي .. وغير أشواق ماراخ أتزوج فاهمة يما آآ .. وأذا ماعطيتيني أشواق
لا أنا .. لا أنا ( مو قادر أنطق فيها )
أم علي : لا أنت شنو
علي : لا أنا ولدج ولا أنتي أمي
أم علي عصبت : انا تقولي هالكلام .. تبيعني عشان بنت أبليس .. لا هاذي أكيد ساحرتك .. مسويتلك عمل .. أنت مو ولدي علي الي شلتة في بطني 9 شهور ..
علي : أنا طالع وفكري بكلامي عدل .. في آمان الله ..
.................................................. .................................................. ...............
بعد مرور يومين
نيويورك
مشاري : ياهلا الوالد .. شلونك شخبارك .. شعلومك
جاسم : أنا الحمدالله تمام .. أنت شلونك يبا .. مرة وحدة أنقطعت أخبارك .. لاتدق ولا تتصل .. نسيت
انا عندك أبو وأخت ينطرونك بالكويت
جراح : السموحة يبا .. بس الامتحانات كانت شاغلتني
جاسم : معذور يبا .. ها بشر .. شصار وياك وين وصلت بالدراسة
جراح : والله خلصت يبا .. تخرجت وأخيرا بعد عناء طويل .. بس ناطر الشهادة تطلع وأنشاءالله برد الديرة ..
جاسم : اي الحمدالله .. قبل لاتوصل عطنا خبر عشان نستقبلك بالمطار .. بس عجل يبا لاتطول ترى أشتقنالك
جراح : بس أشتقتلي .. والله حاس في شي خاشة عليي
جاسم : ههههه .. أهو في شي .. بس أنا ناطرك ترد الديرة وفي موضوع أبيك فيه
جراح : يصير خير يبا .. الشهادة كلها يومين وأنشاءالله طالعه .. وحدي متحمس بعرف الموضوع
جاسم : ههههه .. دير بالك على نفسك يبا .. يلا مع السلامة
جراح : سلم على قمر يبا .. وعطها بوسة مني .. وماتامروني على شي وانا راد
جاسم : لا سلامتك يبا .. يلا مع السلامة
جراح : مع السلامة
( أخييه ياني مشتاق لكم يا يبا شوق ماينوصف .. مشتاق للكويت ديرة الأحباب .. آآه ياكويت مشتاق لترابج .. وأخيرا خلصت سنين الغربة .. وأخيرا راح أرجع لديرتي .. أي صج .. جوان .. )
.
..
آشلي : هل رحلت ..
جاك : نعم رحلت منذ يومين تقريبا
آشلي : ولماذا لم تخبرني هاا .. وماذا حل بالصور .. لم يصلني شيء على البريد الألكتروني
جاك : الصور .. ( بتوتر ) لقد نسيت امر الصور
آشلي تعض على اسنانها حيل : جاااك.. جااااك .. هل تسخر مني أم ماذا .. هل أصبحت تميل لهذه العربية المسلمة أم ماذا ..
جاك : لاا .. من قال .. ولكني نسيت أمر الصور لاغير ..
آشلي : أحذر ياجاك .. أذ كنت تتلاعب معي فستنال جزاءك من الرئيس وأنت تعرف ماذا بأمكان الرئيس أن يفعل
جاك : أعلم .. سوف يقطعني الى أشلاء
آشلي علت صوتها : جااااك أسمعني جاااااك
بدخلة جراح
آشلي ترقع الموضوع : نعم لاتخافي من جاك .. لايستطيع ان يفعل شيءً بك .. ولكن لماذا لم تخبريني بانك سافرت للكويت .. لم نقم بتوديعك ..
جاك : ماذا حصل ..
آشلي : نعم جراح بجانبي ..
جاك : حسنا الى اللقاء ..
آشلي : حسنا سؤبلغه سلامك
جراح : أعطني الهاتف لكي أتحدث معها
آشلي : أووبس لقد قامت بأغلاق الهاتف ..
جراح : أهاا أوكي .. ماذا كانت تقول
آشلي : كانت تخبرني بأنها سافرت اليوم للكويت ..
جراح : ولكن الم تقل بانها ستأتي الى هنا
آشلي : نعم لقد قامت بتغيير مخططاتها .. للأسف لم نلحق بها لكي نودعها .. آآه كم أنا مشتاقة لها
جراح : نعم للأسف .. أممم .. آشلي يؤسفني أخبارك بأنني سأرحل بعد يومين أيضا .. ولكني أنتظر الشهادة
آشلي : ترحل .. !! لماذا ..
جراح : لقد أشتقت لوالدي ولأختي .. وأبي يريد اخباري شيئا .. ولكن لاتخافي .. سوف نقوم بزيارتك أنا وجوان
آشلي : حسنا .. ولكني سأشتاق لك كثيرا
جراح : وانا أيضا ..
.................................................. .................................................. ...............
( بيت أشواق )
أشواق : اممم الساعه ألحين 10 اكيد جوان قعدت من النوم .. خل أروح بيتهم أسلم عليها ..
طلعت آشواق من بيتهم وراحت بيت أم احمد .. وبهاللحظة أم علي طالعه من بيتها وبكل شرها متوجهة بيت أشواق .. وقفت عند باب البيت وقعدت تطق الباب حيل وتصارخ .. بس محد كان يرد لانة أشواق اصلن مو بالبيت ..
........
( بيت أم احمد )
جوان ( توني رفعت راسي من المخدة .. شفت الساعه ولا صايرة 10 .. أوووله نمت واايد .. خل أنزل الصالة أقعد مع أحمدو وأمي )
بالصالة
أحمد ( طول ما أشواق قاعدة وانا منفس عليها .. ماشلت عيني عنها .. نظراتي كانت كلها أستحقار لها .. بس أهيا كانت معطيتني طاف .. وجودي وعدمي واحد .. الي باط جبدي انها تتصرف ولا كأنها مسوية شي .. باردة هالبنت .. مو طبيعية .. )
احمد : أنا رايح أدخن زقارة وراد
أشواق ( أدري أنك ماشلت عينك عني .. أروايك أحمدو أن مااقهرك ) : أممم .. أحمد أنت ليلحين مابطلت من هالزقاير .. جم مرة أقولك أنها مضرة بالصحة .. وجم مرة أييبلك بروشرات من المستوصف عن أضرار التدخين
أحمد بنفسية : جسمي ولا جسمج .. انا الي بنظر ولا أنتي .. مشكورة وفري نصايحج حق نفسج ..
أم احمد : يما أحمد .. عيب
أشواق تظحك من تحت لي تحت : والله خالتي مادري شفيه أحمد .. كل ماأنصحة ماياخذ بنصيحتي .. كيفك .. باجر أذا بتتزوج ماكو بنت ترضى بواحد مدخن خلك عايش عزوبي ..
أحمد يأشر حق أمة عشان تفاتح أشواق بالموضوع
أحمد : مو بس أنا محتاج نصيحة .. وايد ناس بعد محتاجين حق النصايح ( وقمت من مكاني وطلعت أدخن زقارة .. حدي تنرفزت من كلامها .. )
أم أحمد : اييه بقينا بروحنا أنا وأنتي
أشواق : ههههه .. والله خالتي أحمد ولدج يظحكني
أم أحمد : أنشاءالله دوم تظحكين .. أممم .. يما أشواق ترى انا ادري بكل شي يصير بينج وبين هاذا الي أسمة علي .. ولدي أحمد قالي كل شي
أشواق ساكتة : ....
أم احمد : يما اشواق أنتي تدرين أمج خلنج عندي أمانة .. وانا لازم أصونج وأحافظ عليج .. وأنتي بنت وحالج من حال جوان بنتي .. لو أمج ألحين موجودة أكيد راح تزعل عليي لاني خليتج تاخذين راحتج وايد .. أذا أهو يبيج ونية زواج خل يتقدم لج
أشواق ( كنت اسمعها وانا ساكتة .. حسيت أني أذا نطقت راح أفجر قنبلة .. وهالقنبلة راح تظايق أم أحمد فقلت أسكت أحسلي )
أم أحمد : ويما ترى هاذا التصرف مو عدل .. والريال الي يخلي البنت تطلع من ورى اهلها هاذا مايعتبر ريال .. ومثل ماقتلج أذا نيتة زواج خل يتقدم لج
أشواق ( قاطتها .. ونزلت راسي بالأرض ) : يتقدم لي .. أم أحمد من صجج .. من منو تبينة يتقدم لي .. من أبوي الي خايس بالسجن ولا من أمي الي توني أكتشف أنها مو مسافرة وأنا بالسجن .. أصحي أم أحمد .. أصحي
أم أحمد بصدمة : أشواق أنتي ..
اشواق ( وقفت بويها وأنا أصارخ ) : اي .. انا عرفت كل شي .. كل شي كنتوا خاشينة عني عرفتة .. عرفت انا أمي داشة السجن بجريمة قتل .. وعرفت أنها كانت مظلومة وعرفت انا أبوي كان السبب .. وعرفت انا كان راعي مخدرات .. ألحين قوليلي .. علي بيتقدم لي عند منو .. تكلمي أم أحمد .. تكلمي .. ( ماقدرت أكمل .. انهرت وطحت على الارض وأنا أبجي .. ) : أم أحمد ليش انا مو مثل باجي البنات .. ليش الناس مستخسرين السعادة عليي .. قوليلي ليش .. ترى أنا أنسانة ولي مشاعر .. ترى انا أحس ماني حيوانة .. محد راضي يفهمني محد .. علي الأنسان الوحيد الي فهمني ووقف معاي .. أهو الانسان الوحيد الي تقبلني مثل ما آنا .. ولا عمرة ياب طاري أمي ولا ابوي بالشينة .. يدري عن كل شي ولا عايرني .. وأنتوا مستخسرين عليي أني أكون معاه .. هاذي حياتي وانا كيفي .. محد له دخل فيني
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك