رواية لاتمثلين احتياجج لي وانتي بحضن غيري مقزرتها -24
اشواق ( وقفت بويها وأنا أصارخ ) : اي .. انا عرفت كل شي .. كل شي كنتوا خاشينة عني عرفتة .. عرفت انا أمي داشة السجن بجريمة قتل .. وعرفت أنها كانت مظلومة وعرفت انا أبوي كان السبب .. وعرفت انا كان راعي مخدرات .. ألحين قوليلي .. علي بيتقدم لي عند منو .. تكلمي أم أحمد .. تكلمي .. ( ماقدرت أكمل .. انهرت وطحت على الارض وأنا أبجي .. ) : أم أحمد ليش انا مو مثل باجي البنات .. ليش الناس مستخسرين السعادة عليي .. قوليلي ليش .. ترى أنا أنسانة ولي مشاعر .. ترى انا أحس ماني حيوانة .. محد راضي يفهمني محد .. علي الأنسان الوحيد الي فهمني ووقف معاي .. أهو الانسان الوحيد الي تقبلني مثل ما آنا .. ولا عمرة ياب طاري أمي ولا ابوي بالشينة .. يدري عن كل شي ولا عايرني .. وأنتوا مستخسرين عليي أني أكون معاه .. هاذي حياتي وانا كيفي .. محد له دخل فيني
أم أحمد قعدت تمسح على راسها وتوخر شعرها عن ويها : أشواق يما شوفيني .. لاتقولين جذي .. انا مو مستخسرة عليج أنج تعيشين بسعادة .. بس انا خايفة عليج .. مابيج تطيحين بمشاكل مع أهلة ..
أشواق : لاتحاتين .. أهلة مايدرون عن شي .. وعلي قالي بكلم أمة عني ..
أم أحمد : بس يما
أشواق : لابس ولا شي .. أنا مستحيل أفترق عن علي لو على جثتي .. وهاذا آخر كلامي
بنزلة جوان
جوان ( سمعت كل كلمة طلعت من حلج أشواق .. قلبي عورني عليها .. وتذكرت سالفتي .. ياريتني أقول حق أمي الي صار وأطيح بحظنها نفس ماطاحت أشواق .. ياريتها تمسح على راسي وتطبطب على جرحي وتقولي حصل خير يما .. بس كنت أدري أني راح أكتم هالشي داخل قلبي .. وهاذا راح يكون سري .. نزلت الصالة ولميت أشواق وقعدنا نبجي أنا وياها .. وبعد ماسوينة فلم هندي قعدنا نسولف وندردش .. وقلت حق أشواق الليلة تنام عندي )
.................................................. .................................................. ...............
( بيت ام علي .. غرفة فاطمة )
بالبي بي أم
أسراء : من صجج .. يعني أمج عرفت كل شي صار بين أخوج وهاذي البنت
فاطمة : اي توة طالعه من عندها وحدة من جيرانة وقالت لها كل شي ..
أسراء : امبيه أكيد صارت مصيبة في بيتكم ...
فاطمة : من صجج .. علي قال حق أمي أذا ماخليتيني آخذها لا أنا ولدج ولا أنتي أمي .. يعني بيبيع أمي عشانها
أسراء : والله اخوج حدا قوي .. بس عجبني .. هاذا الحب ولا بلاش
فاطمة : وع لاتلوعين جبدي .. هاذا الي ناقص .. تبينة ياخذ هاذي .. اللهم لاشماتة .. ماصدقت على الله لقت واحد مثل عليوي بسرعه ينقص عليه .. قالت أثبت عمري .. لانها مو ظامنة أحد يتزوجها عقب فظيحتها
أسراء : اي والله وانتي الصاجة .. فطوم أنتي لازم توقفين بويه أخوج وماتخلينة يتزوجها .. ترى باجر الكل يتكلم عنكم ..
فاطمة : من صجج ... أدري .. عبالج بخليهم يتزوجون .. يصير خير .. ويت أسراء برب حوبي اوكي
بالمسن وصلت أضافة حق فاطمة
دلال : هلا والله بالحلوة فطووم .. يقولون من طول الغيبات جاب الغنايم
فاطمة : عفوا منو معاي
دلال : فطوم شدعوة ماتذكريني ..
فاطمة : سوري ماعرفتج
دلال : أنا دلال .. دلال الي كنت خطيبة أخوج علي
فاطمة : اييه تذكرتج .. ياهلا دلال .. شلونج شخبارج .. انتي وينج قطعتي ماقمتي تدشين لا مسن والبي بي معطيتني بلوك شدعوة يعني تزعلين من أخوي وتعطيني انا بلوك
دلال : هههههه .. لا بس كنت أتغلى عليكم شوي
فاطمة : تتغلين فوق ال 3 سنين .. أووولا حدج قديمة .. شمذكرج فيني .. مرت اكثر من 3 سنين ..
دلال : مادري جذي بطلت المسن ومن زمان مو فاتحتة ولا اشوفج شابكة .. قلت خل أسولف معاها .. وبعدين انا استانس عليج .. وبصراحه ولهت عليج
فاطمة : توله عليج العافية حياتي .. فرصة سعيدة ..
دلال : من يوم ورايح بتشبعين مني 24 ساعه بتشوفيني جدامج ..
فاطمة : هههههه .. اي عاد شبكي موتقطعين .. وظيفيني بالبي بي .. عندج بني مو
دلال : اي عندي .. انزين فطامي .. يلا ألحين أنا أخليج باجر وراي جامعه أشوفج على خير حياتي ..
فاطمة : يلا عيل تصبحين على خير ..
دلال : وأنتي من أهلة
.................................................. .................................................. ...............
دانة : دلوول هاذي آخر مرة أحذرج .. ترى ماراح تستفيدين شي من الي بتسوينة
دلال : أووه دانو انا مادزيت لج المحادثة عشان تنصحيني ..
دانة : أنزين وشنو خطتج
دلال : غيرت خطتي .. راح أخلي فطوم توقف معاي ضد علي وحبيبتة اليديدة .. راح اخليها بصفي .. وأهيا راح تعطيني الأخبار أول باول وجذي راح أعرف أتعامل معاهم عدل .. ولمن أخلص من حبيبتة أرجع حق أختة
دانة : أستغفر الله العظيم من كل ذنب عظيم .. الله يكمنج بعقلج دلوول .. انا أستأذن بروح أنام .. تصبحين على خير
دلال : وانتي من هلة
دانة : اي صج نسيت .. قررتي منو بيكون معانا بالبروجيكت .. ترى باجر الدكتورة تبي الأسامي
دلال : أكيد قررت .. راح ندش بقروب علي وحيدر
دانة : نعم .. لا لا مو من صج
دلال : اي والله من صجي .. أصلن مابقى أحد بلكلاس غيرهم .. وأنا وأنتي وسارة وهنادي .. يعني الكل سوالة قروب الأ أحنا ..
دانة : يووووووووه .. الله كريم .. يلا باي
دلال : باي
البارت الثاني والثلاثون
( نيويورك .. منزل جون وآشلي )
بالصالة
آشلي : بابا أن جاك يريد عرقلة عملنا .. لقد مر يومين آخرين وحتى الآن لم يقم بنشر الصور .. وعندما اقوم بالأتصال به لا يرد على هاتفي
جون : ماذا .. لا أصدقك .. ألم تقولي بأنه سيقف الى صفنا .. والأن ماذا سنفعل
آشلي : يجب عليك أن تبلغ القاعدة .. لا أستبعد بأنه يحمل شيئا ضدنا .. وهاذا مؤكد .. لقد تبين أنه يميل الى العربية المسلمة وفي هذه الحالة سيقف بجانبها ضدنا .. وسندخل السجن ..
جون : يجب أن نبلغ القاعدة بأسرع وقت .. ولكن للمرة الأخيرة قومي بالأتصال به وأطلبي الصور .. وعندما يتماطل أو يرفض سنأمر بقتله
آشلي : حسنا ً ..
جون : وهاذا الفتى .. ماذا ستفعلين معه .. الرئيس بدأ يشك بنا أيضا ..
آشلي : دعه الأن .. أعطني مهلة قصيرة لكي أقوم بتنفيذ خطتي .. جراح لا يقتنع بسرعه وهو صعب المنال أيضا .. حاولت كثيرا ولكن من غير جدوى .. اعطني بضع أشهر أيضا وسنتخلص منه
جون : حسنا ً .. سأتصل بالرئيس وأنتي أتصلي بجاك
...
آشلي دقت على جاك ..
جاك بنفسية : نعم ماذا تريدين الآن
آشلي : للمرة الأخيرة ياجاك .. أنا أطلب منك تسليم الصور ..
جاك : لن أسلمها أبدا .. حتى لو قتلتموني لن أسلمها .. الفتاة لم تفعل شيئا .. ماذنبها ..
آشلي بعصبية : ذنبها انا عربية مسلمة .. ألم ترى الكم الهائل من الطلبة اللذين دخلوا بالأسلام بسببها ..
جاك : أمممم ... لن اسلم الصور
آشلي : حسنا ً .. أراك لاحقا .. الى اللقاء
....
جون دق على القاعدة وكلم الرئيس
جون : لا يريد تسليم الصور .. يبدو أنه يميل الى العربية المسلمة
الرئيس بعصبية : والآن ماذا .. ماذا ستفعل
جون : سوف أأمر بقتله .. آشلي تظن بانه يحمل أدلة على نشاطاتنا ..
الرئيس : جون قد نفذ صبري منك أنت وأبنتك وصديقها .. في كل عملية أكلفكم بها لا تأخذ منكم بضع أشهر .. لقد أعطيتكم مهلة كافية .. قل لأبنتك لديها فقط شهر لتكم العملية وأذ لم تنتهي من هاذا العربي المسلم سوف أتعامل معها ومعك أيضا ..
وسكر التلفون بويه جون
.................................................. .................................................. ........................
( شقة جاك .. )
جاك : أنا غبي .. غبي .. كيف أطعتهم واوقعت بجوان .. آآه جوان يامسكينة .. يجب علي الأتصال على جراح وأخباره بكل شي ..
وقام وأتصل على جراح
..
عند جراح الساعه 3 الفجر
جراح ( كنت نايم لاني حدي مواصل .. وانا غرقان بالنوم ولا يرن تلفوني .. طالعت ولا رقم غريب .. رديت )
جراح : الوو
جاك : جراح أرجوك أن لا تغلق الهاتف هناك شيء مهم يجب علي أخبارك به ..
جراح بعصبية : ماذا تريد الآن .. ماذا تريد ..
جاك : آشلي ووالدها جون يتعاونان مع أسرائيل ويريدان النيل منك أنت وجوان
جراح بعصبية : الى متى ستكذب هاا .. الى متى
جاك : أسمعني جراح .. سوف أرسل لك ملفا ً عبر البريد الألكتروني فيه بعض الصور لي أنا وجوان .. قد اوقعت بها الأسبوع الماضي و ...
جراح : جاك .. جاك
( وفجأة سكت جاك ماكمل كلامة .. قعدت أناديه بس بدون جدوى .. نزلت الصالة ولا أشوف آشلي وجون قاعدين بالصالة يشوفون تلفزيون .. أنخسيت ورى الكبت الي بالصالة ولا يرن تلفون جون )
جون : حسنا هل تم الأمر ..
... : نعم لقد تخلصنا منه
جون : أرموا الجثة في البحر وأحذروا أن يراكم أحدا ..
.. : حسنا ..
آشلي : هل تخلصوا منه
جون : نعم لقد تم الأمر .. آشلي الرئيس أعطاك مهلة شهر فقط لاتمام العملية وقال لي أذ لم تتم العملية ستلقى أبنتك ماتلقاه جاك ..
آشلي : أووه لقد مللت من تلقي الأوامر من الرئيس .. هذه آخر عملية أقوم بتنفيذها
جون : لا نستطيع .. أذ توقفنا عن مساعدته سوف يقوم بقتلي وقتلك
.....
جراح ( أنصدمت .. بقيت أطيح من طولي .. مو معقولة .. طلع كلام جوان كلة صح .. أنا شلون أبيعها وأهي أختي وبنت ديرتي وأشتري الغريبة .. آآه شكثر حرحتج ياجوان .. أكيد ألحين مستحيل تسامحيني .. ... مشيت شوي شوي عشان مايبان صوت خطواتي .. صعدت غرفتي وقعدت أفكر بطريقة أفضح فيها آشلي وأبوها .. أبي أفضحهم جدام الصحافة والأعلام .. أبي كل أمريكا تعرف حقيقتهم الخايسة .. أشكال آشلي وأبوها ألي قاعد يخلقون المشاكل بيت المسلمين والديانات الثانية .. وأهم السبب بأنتشار الأرهاب والحروب .. أنا لازم أرجع الكويت بأسرع وكت .. لازم أتأسف من جوان .. وأصلح غلطتي .. وآشلي وجون لي عودة لهم .. ماراح أتركهم .. بس جوان الي راح توقف معاي هالمرة .. ماراح أوقف بويهم بروحي .. )
.................................................. .................................................. ........................
صباحية اليوم الثاني
جراح ( الساعه كانت 8 الصبح .. دشت عليي آشلي الغرفة كالعادة .. محضرة الفطور لي .. بس هالمرة غير .. هالمرة أنا كلش مو طايقها .. كنت دايما أبتسم واتصبح بويها .. أشوفها مثل الملاك الواقف جدامي .. عيووها الخضرا وخدودها الوردية .. أما اليوم كان الوضع غير .. اليوم حسيتها مثل الشيطان .. قبيحة حيل .. ماقدرت أطل بويها )
آشلي : صباح الخير
جراح بنفسية : صباح النوم
آشلي : الفطور جاهز .. أغسل وجهك وتفطر .. وانا أنتظرك بالصالة مع والدي
جراح : لا أستطيع الخروج اليوم معكم .. أريد أن أذهب لأكمل اجراءات سفري وأتسلام الشهادة
آشلي : ستسافر بهذه السرعه
جراح : نعم .. انا مطر .. جوان تحتاجني بجانبها ..
آشلي عصبت : جوان .. جوان .. جوان .. لماذا دائما تأتي بأسمها امامي .. أكرهها .. وأكره نظراتها لك .. تنظر لك بكل حب .. كأنها تقول لك بأنني لن أتركك يداك أبدا .. وأنا .. وأنا ماذا .. أنا حبيبتك أم هي .. هيا أخبرني
جراح : للأسف .. أخطأت في أختيار شريكة حياتي .. آه تذكرت .. متى ستدخلين في الأسلام .. الم يقل والدك بأنكم ستدخلون الى الاسلام وانك ستلبسين الحجاب ..
آشلي بدلع : نعم أنا أخطط للدخول بالاسلام ولكني انتظر ..
قاطعها جراح : الانسان أذا كان مقتنع من الشيء الذي سيقبل عليه لا ينتظر .. بل يشرع في عمله فورا .. وماذا تنتظرين ..
آشلي : جراح مابك .. لماذا تتكلم معي بهذه الطريقة
جراح : أسألي نفسك ..
آشلي : أممم .. لا أتذكر بأني فعلت شيئا يجعلك تستاء مني
جراح : انا مغادر الآن . أخشى بأن أتأخر .. أراك لاحقا ..
آشلي : هاالووو .. أنا أتكلم معك
جراح ( عطيتها ظهري ومشيت )
.................................................. .................................................. ........................
( بيت أم علي .. الساعه 8 الصبح )
بو علي : يلا يبا تأخرت على المحاضرة وتأخرت بعد آختك على المدرسة
علي : يلا كاني الحين أطلع
ام علي : يما علي ييبلي معاك طماط وأنت راد
علي مطنش : ....
أم علي : يما سمعتني ولا أكرر كلامي
علي : .....
فاطمة متنحة
علي : يلا فطوم تأخرنا ..
فاطمة : يلا مشينا .. مع السلامة يما .. مع السلامة يبا ..
بعد ماطلع علي وفاطمة
أم علي : شفت ولدك الي مايستحي على ويها .. يطنشني ولا كأني اكلمة
بو علي : ليش شصاير بعد
ام علي : أنت قول شلي بعد ماصار .. أنا مادري ليش المشاكل جذي تتحذف علينا .. ولدك حاط عينة على بنت السكير القمار حميدو ..
بو علي : أيه يعني وخير ياطير
أم علي : شنو خير ياطير .. أنت من صجك .. يعني يبي يتزوجها ... يبينا اناسب أبوها الي بالسجن وأمها الي ماندري وين الله قاطها بأي ديرة
بو علي : مو هاذا اختيارة .. خلاص .. خليه يتزوجها .. بس باجر أذا الناس عايرتة لا يشتكي أهو أختارها واهو يتحملها
أم علي : آآآخ هاذا الي يبي أينني .. ألقاها من وين ولا من وين
بوعلي : الحين خلج .. ترى انا كلمت بو خالد وقتلة راح أشتري الثانية
ام علي : اي ثانية
بو علي : السيارة الثانية .. ماراح آخذ الوانيت باخذ البورش
أم علي : على راحتك .. انت الي بتسوق السيارة والي يريحك .. بس مو جنة البورش حيل شبابية ..
بوعلي : ليش أنتي شايفتني شايب .. توني شباب وشزيني
أم علي : اي والله وأنت الصاج ليلحينك شباب .. آنا الي عيزت والتجاعيد ملت ويهي .. اي لأنك مو قاعد تذوق الهم الي قاعد أذوقة ..
بو علي : الله يعينج .. يلا عن أذنج أنا رايح الدوام ..
ام علي : أذنك معاك .. ودير بالك على روحك .. أي صج شنو تبي أطبخلك على الغدى
بو علي : والله مشتهي مربين .. من زمان مو طابخة ربيان
أم علي : خلاص ماشي .. أي والله وانت الصاج صارلنا تقريبا شهر مو ذايقين طعم الربيان
.................................................. .................................................. ........................
.................................................. .................................................. ........................
جوان ( نومتي معتفسة حيل .. أقعد الساعه 6 الصبح وأنام الساعه 10 ومرات أقعد الساعه 4 الفجر .. ليلحيني ماظبطت نومتي .. متعودة على قعدة الجامعه بامريكا .. بطلت تلفوني ولا فوق ال 20 مس كول من جراح .. مادري ليش عقلي يقولي خليه يولي .. وقلبي يقولي ردي عليه .. شغلت أغنية ملكة الأحساس نوال
- إرحم عيونيّ / لو عيونك " تبيني " !
حر1م .. هذا [ الحب ] تقتل : معانييييه !
مو حب , هذا اللي تسويهّ ( فيني ) .. فيه فرق بين الحب .. واللي تسويهّ ..
يا ساكن , ما بين [ عيني ] و [ بيني ] .. لا تصدم اللي : صرت { أغلى } أمانيه ..
جيتك .. بـ قلبْ , شايله في " يميني " .. كلمه تجيبه لكّ , وكلمه : توديه ..
)
أحمد طق باب غرفة جوان
جوان : منو
أحمد : أنا أحمد
جوان : تفضل أحمد ..
أحمد : صباح الخير حجية أم سعيد .. شنو خياس نوم مومخلينج تنامين بأمريكا
جوان : هههه .. لا والله بس نومتي ليلحين ماتظبطت .. يبيلي وكت على ماتعود
أحمد : عشتااااو .. ... أممم جوان انا بكلمج بموضوع
جوان ( قلبي قام يرقع .. على طول حطيت في بالي موضوع جاك مادري ليش .. رديت عليه والخوف باين بعيوني ) : أي موضوع ..
أحمد : موضوع يخص آشواق
جوان : شفيها أشواق
أحمد : أبيج تكلمينها .. قوليلها خل تدير بالها على روحها .. والله لو اني ماأعتبرها أختي وحالها من حالج جان ماوصيتج عليها
جوان : هههههه .. خلاص لاتحاتي .. بعدين انت وايد مكبر المسألة ترى ..
أحمد : شنو .. جوان لايكون الغربة غيرت تفكيرج .. ها دير بالج .. أكيد بكبرها .. الي قاعد تسويه عيب وحرام بعد .. تركب السيارة وتظحك مع واحد لاهو من لحمها ولا دمها
جوان ( تنحت شوي .. كلمة الغربة رنت بأذوني .. أيه والله يخوي الغربة غيرتني .. الغربة خلتني أغفل عن أشياء وايد .. الغربة خلتي اخلي الذيب ياكل من لحمي وانا أظحك له .. الغربة خلت أختك تطيح بالحرام .. الغربة آآه يالغربة .. )
أحمد : وين رحتي جوان
جوان : لا ولاشي .. خلاص أحمد أنت أرقد وآمن .. أنا بكلمها أنشاءالله
( رن تلفوني ولا جراح داق .. ماقدرت أرد عليه لانة أحمد قاعد يمي .. حسيت نظرات أحمد لي نظرات شك .. )
أحمد : منو داق ..
جوان : هاذي رفيجتي داقة الظاهر بتسلم علي
أحمد : خلاص عيل أنا اخليج .. عن أذنج .. وسلميلي على رفيجتج
جوان : يوصل أنشاءالله .. يوصل
بعد ماطلع أحمد من الغرفة
جوان ( قلبي بكل رنة يفز على قولة الجسمي فزة حمامة .. رديت على جراح وانا كلي شوق له وعتاب .. مادري اعاتبة ولا أقولة مشتاقتلك ولا أسألة عن أحوالة .. وأول كلمة نطق فيها )
جراح : جوان .. جوان لاتسكرين التلفون ..
جوان ساكتة
جراح : جوان أنا أدري أنج زعلانة عليي ومن حقج تزعلين وتعاتبيني .. والله كنت غلطان يوم ماسمعتج .. كنت غلطان ولو الزمن يرجع جان ماعطيتج الكف الي عطيته لج .. جوان آشلي وأبوها جو ذبحوا جاك
جوان وأخيرا نطقت : شنو .. أنت شدراك
جراح : جوان جاك قالي كل شي .. دق وقالي أنا سوالج فخ وياب طاري صور .. وقالي بعد أنا آشلي وجون يتعاونون مع أسرائيل وكان بيكمل ولا فجأة يسكت .. قعدت أقول ألو ألو محد رد علي
قاطعته جوان : ماقالك صور شنو
جراح : لا بس قالي صور .. مافهمت قصدة .. وبعدها نزلت الصالة سمعت جون يقول تم الامر وكانوا يتكلمون عن جاك ويتكلمون عن عمليات نفذوها ومادري شنو .. جوان سامحيني لاني ماصدقتج من البداية .. والله أني غلطان .. أنا حمار لاني
قاطعته جوان : لاتقول جذي .. أصلن أنا عمري مازعلت عليك جراح ولا عمري راح أزعل .. جراح أنا ..
قاطعها جراح : جوان أنا أحبج .. والله أني أحبج .. طول الفترة الي كنتي بعيدة عني كنتي على بالي .. مافارقتي عيني لحظة .. والغيرة الي كانت تشتعل بقلبي لمن أشوفج مع جاك هاذي غيرة حبي لج .. وانا مالوج على الي صار .. بنت بروحها بالغربة ومالقيتي احد جدامج غير جاك .. وأنا السبب الي خلاج تروحين حقة .. أنا بصحح كل أغلاطي وأول غلطة راح أصححها بس أرجع الكويت أنشاءالله
جوان : آآه جراح .. من زمان ناطرة هاللحظة .. من زمان ناطرة اللحظة الي تنكشف فيها آشلي على حقيقتها .. وأخيرا بانت الحقيقة ..
جراح : اي والله باجوان .. اي والله ..
جوان : متى راح ترجع
جراح : الحين انا بالمطار بحجز حق أقرب رحلة .. وبخليها لج مفاجأة .. ماراح أقولج متى
جوان : يامليق ..
جراح : ههههه .. الله كريم .. يلا الحين أنا بسكر أشوفج على خير يا أغلى ماشافت عيني ..
جوان : الله وياك .. الله وياك
تغربنا تباعدنا نحاول ننسى حالتنا ننسى كل مافينا
اتاري الحب يتبعنا واتاريالسهوى تجمعنا في كل خطوة نخطيها
ياعزة نفس خانتنا سببها يوم تعاندنا ولافكرنا نخفيها
ياقلوب صغيرة ودتنا طريق الشوك وهدتنا خبرة حبمافيها
تندمنا تألمنا بعد مالفرصه فاتتنا في كل لحضة نعاديها
.................................................. .................................................. ........................
( بيت أم علي )
أم علي : بو علي طلع من البيت .. وعلي وفاطمة راحوا دواماتهم .. والحين أكيد بنت أبليس قاعدة بالبيت لا شغل ولامشغلة .. هاذي الفرصة المناسبة خل أروح أغسل لها شراعها .. هاذا الي ناقص اناسب هالأشكال
طلعت ام علي وراحت بيت أشواق ... وبهاللحظة أشواق قاعد تطبخ الغدى عشان توديه حق أمها السجن
طق باب بيت أشواق
أشواق : أكيد هاذا عليوي حياتي .. مايقدر يروح الدوام من غير لايمر يسلم ... خل أروج أبطل الباب
أشواق واهيا تبطل الباب : هلا علي حيا..
ولا توقف وتنصدم ..
: منو أنتي
أم علي درعمت البيت ودزت أشواق على الأرض
أم علي : أنا منو .. أنا منو يالعقربة .. انا أم علي .. أم علي الي قاعد ترسمين عليه ..
أشواق : خالتي انا
أم علي : تخلخلت حنوجج قولي آمين .. أنتي صج ماتسحين على ويهج .. بأي عين تلفين حوالين ولدي وترسمين عليه .. أنتي منو .. شايفة ويهج بالأول أنتي .. ولا شايفة أبوج .. من صجج انا بعطيج ولدي .. أي مالومج شفتيه مدمغ قلتي أقص عليه بجم كلمة .. أضمنة يكون زوج لي .. لانة محدد باجر يرضى يناسبني ..
أشواق : خالتي أنتي
قاطعتها : لاتقوليلي خالتي ( قربت منها ومسكتها من طرف دراعتها ) : شنو هاذا .. دراعه .. ورخيصة بعد .. ( شمت فيها ريحة طباخ ) : أفووو .. وريحة طباخ بعد .. بصل وطماط ومعجون .. على شنو انتي شايفة روحج .. ترى علي ولدي مايبيج حبا فيج لا .. بيقزرها غليج بس .. شافج بنت بروحج ماعندج ظهر يسندج قال أقزرها على أفاا ولا أنتي منو أصلن بيطل بويهج
آشواق : رجاءا بس .. وبعدين أنتي شنو من أم .. في أم تتكلم عن ولدها بالهطريقة .. والله عيب
قربت منها أم علي وعطتها كف ..
أم علي : هالكف راح يعلمج شلون تتكلمين مع ألي أكبر منج .. عمامج .. وشوفي يا بنت أبليس .. هاذا آول وآخر آنذار ... أحذرج .. علي وخري عنه .. وأن قربتي منه ماتلومين ألا نفسج .. ترى أنا أقدر بدقيقة بس .. بس أأشر ألزق فيج تهمة شكبرها وأردج السجن .. عاد لو أنا تدخلت بالموضوع تغسلين أيدج تطلعين منها .. بعدين أستحي على ويهج .. الي مكانج تخش روحها بالبيت وماتطلع .. انا لو أبوي مثل أبوج والله مالقي ويهي حق أحد .. أروح أنتحر احسن ..
وعطتها ظهرها أم علي وطلعت من البيت واهي تظحك بطريقة خبيثة .. حست انها مسوية أنتصار وأنجاز .. أما أشواق
أشواق ( أما أنا تحطمت .. تألمت .. كلامها كلة صح .. انا شلون فكرت أني أرتبط بعلي .. لاني من مستواه ولاهو من مستواي .. علي فوق وأنا تحت .. رحت ورديت الكل يسميني بنت السكير القمار .. وأمي الي بالسجن .. بعدين باجر الكل بيعاير علي لانة خذاني .. وانا هالشي ماأرضى فيه .. خلاص انا قررت أني راح أنسحب من حياة علي نهائيا .. راح أنسحب عشان لا أجرحة ولا أنجرح أكثر .. )
.................................................. .................................................. ........................
.................................................. .................................................. ........................
( بيت هوازن )
هوازن : ثنيان .. ثنيان
ثنيان : هلا يما خير ..
هوازن : تعال بسرعه عندي لك مفاجأة
ثنيان : شنو
هوازن : حجزت تذاكر .. طيارتنا باجر .. بنروح حق مشاري أخوك وبنرجعه الكويت
ثنيان :صج يما .. عاد جنج قاعد تقرين أفكاري .. وبالطريج عاد خل نطقها سياحة بدبي ..
هوازن : يما منك .. أنشاءالله يصير خير .. بس الحين روح جهز أغراضك لانة الرحلة بتكون الساعه 10 الصبح
ثنيان : أيباا ... ياسلام
أم هوازن : شفيه ثنيان وايد مستانس
هوازن : يما أنا حجزت تذكرتين بنسافر انا وثنيان بنروح الامارات
أم هوازن : شمالة هالسفرة يعني
هوازن : مشاري طلع مسافر .. وبنروح نرجعه الكويت
أم هوازن : يعني الي يكون زعلان ... يزعل اليوم وباجر بيرضى ..
هوازن : مهما يكون يما هاذا ولدي وماقدر أشوفة زعلان وماأسوي شي
أم هوازن : يعني أشتغلت غريزة الأمومة عندج .ز ألف مبروك
هوازن : يعني ماتعرفين ألا تطنزين يما .. أبي مرة تقوليلي كلمة حلوة تطيب خاطري .. ماتعرفين تصفين الكلام الحلو الى حق أم علي وانا مالي من هالحجي صيب
أم هوازن : لمن تصيرين مثل ام علي تعالي تكلمي .. على الاقل أختج ظافتنا في هالبيت .. ولا نسيتي أنا ريلها الي سجل هالبيت بأسمي .. لا وبعد فوق كل هاذا سجل مزرعه بأسم أبوج .. أنتي قوليلي شنو خذيت من رياييلج الأثنين .. ماخذيت غير الظيم وعوار الراس
هوازن : اللااه .. ألحين صارت أم علي الزينة وانا صرت الشينة .. مو أنتي الي غصبتيني أتزوج سعد .. وينة الي بيعزني ويرزني .. خليها على الله .. أحنا مالنا غير الله .. اي وترى ماقتلج .. أنا عن قريب راح أتزوج وراح أطلع من البيت
أم هوازن مصدومة : تتزوجين .. بعد هالعمر .. والله عيب
هوازن : حياتي وأنا حرة فيها .. بس حبيت أعطيج خبر عشان تكونين بالصورة .. عن أذنج يما .. أنا طالعه مع السلامة
ام هوازن : الله لايسلم منج مغز أبرة
هوازن : ههههههه .. ماراح تتغيرين يما .. مستحيل تتغيرين .. الله يسامحج بس ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك