رواية بين قلبين حب اعمى -15
هشام : حددنا موعد الزواج
داليا : ومتى ؟؟
هشام : بعَد 3 شهور
داليا فرحت : ههههههههه مستعجل
هشام : بقوووة هـ 3 الشهور أعد كل دقيقة تمشي فيها
داليا : لآ حووول
هشام : يالله انا رآيح لأختي ريتاج تبين شيء قبل لآ اسكر
داليا : لآ حياتي مع السلامة
هشام : مع السلامة
... قفلت الخط ونزلت لأمها ..
داليا : يمممه
ام ناصر : نعم يابنتي
داليا : حددوا موعد زواجنا
ام ناصر : متى ؟
داليا : بعد 3 شهور
ام ناصر فرحت : مبرووك يابنتي مبرووك
داليا بخجل : الله يبارك فيك
ام ناصر : بدينا نستحي
داليا : هههههههههههههه
دخل ناصر وابو ناصر
ابو ناصر : شصآير
ام ناصر : حددوا موعد زواج داليا مع هشام
ابو ناصر مبتسم : مبرووك يابنتي ،، متى ؟
داليا وجهها صار الوان : بعد 3 شهور
ناصر من غير نفس : مبرووك
داليا : الله يبارك فيك عقبالك
ناصر ضحك ضحكة سخرية : غير سارة مالي نصيب مع بنات خلق الله
داليا عصبت: ماتفهم انت .. البنت تزوجت .. حرام اللي تسويه فيك وفيها
ناصر عصب : حراااااام اللي تسويه هي فيني
ابو ناصر : إذكر الله ياولدي .. وبعدين خلااااص البنت مو من نصيبك
ناصر : من نصيبي انا وبس ..
وراح عنهمم وهو معصب ..
الساعة 7 بِ الليل ..
البنات مجتمعين عند سارة .. في بيت خالد ..
ضحى : أهلا ياعروووسة
سارة : ياهلا فيك وعقبالك
خلود : شخباااارك ؟
سارة : تمااام
عبير : ماراح تجي داليا وريماس
سارة : كلمتهم يقولون بِ الطريق ,,
ريم : اشتقت لك ياااادووبة
سارة : وانا أكثر وإلهي
جآآآت أمل مع ليلى ودخلوا بعد ماسلموا سلامهم المايع ع سارة ..
امل بكل غرور : شخبارك مع خالد ؟
سارة بتقهرها : تماااام .. منهبل علييي << لعااانة ><
امل تهمس لـ ليلى : ماااجاب نتيجة
ليلى : لسه استني بعد اسبوع او اسبوعين تو الناس علينا ..
إلا بدخلة ريماس وهي ماسكة بطنها مع داليا
ريماس وداليا : كلوووووووووووش
سارة استحت والبنات ضحكوا ع استهبال داليا & ريماس
داليا تسلم ع سارة : بالمباااااارك ياحيااااتي بالمباااارك
جاات لها ريماس وهي ماسكة بطنها بإيدها اليسار وتلم ع سارة بإيدها اليمين : مبرووك ياحلوو .. منه المال ومنك العيال
سارة بخجل تصرف السالفة : شخبار عووش ؟؟
ريماس : ههههههه تلولش وفرحانة بقوووة أمس تكلمني تقول لي : ماما .. وين خالتو سارة ترى طفشت ، وانا اقول لها : مآآآآآلت عليك هذآ اللي تبيه ؟
البنات : هههههههههههههههههههههه
دخلت داخل البيت بتجيب الحلى والقهوة ووإلخ .. عشان تضيف البنات
شافت خالد لابس ثوبه وشماغه الأبيض وقال : انا ماشي للشركة
سارة : بتروح من اليوم
خالد : اليوم الوضع متأزم هناك خل اروح أساعد ابوي شوية ..
سارة : طيب لحظة أقول للبنات يتغطون
طلعت سارة وقالت للبنات يتغطون
مر خالد وريحة عطره مالية المكان كان الكل يطالع فيه وفـ سارة كان شكلهم خطيييير .. وخالد مبتسم على عذب جماله وماسك ايد سارة ويكلمها بـ همس
وسارة وجهها آلواااااااااااااان
اجا وهو يسلم ع البنات : شخباركم بنات
البنات خقوا ع صوته الناهيي : بخييير وانت ؟
خالد : الحمدلله ،، اذا تبون شيء لايردكم الا لسانكم .. قولوا لـ سارة وتعطيكم
البنات استانسوا ع كرم خالد : مشكوور
وراح خالد عنهم وطلع من البيت
..........................................
مرت الأيام .. بعَد 3 شهور .. بآقي اسبوعين ع زواج داليا
..
نذكر لكم الأوضاع بكل بيت
..
في بيت عبد العزيز الله يرحمه ابو سارة
فهد جاااته بنوته حلووة اسمها عايشة < كح كح
ومستانس عليها ..
..
في بيت ابو تركي
ضحى انخطبت لـ زياد .. وبعد شهر بيملكون عليها
..
في بيت ابو فيصل
هبه انخطبت لـ عبد العزيز << تعرفونه مايحتاج نذكركم فيه ..
..
في بيت خالد & سارة وهذي المصيبة .. بعد مارجعوا من السفر لـ شهر العسل ..
الوضع متأزم بين خالد وسارة .. وخالد مايكلم سارة وسارة ماتعرف شنو السبب!! .. وصار في خالد حالة من الغرور والتكبر .. وماهي عارفة شفيه .. وكان دائماً يجرحها بكلامه اللي يسم البدن .. وبعض الأحيان يجيها ولا كأنه صاير شيء ... وهو محيرهاااا ><
..
في بيت ابو تركي انخطبت ريم لـ عبد الرحمن
..
اليوم يوم الثلاثاء << لو تلاحظوا ماقول يوم السبت لآن ماحبه .. ><
نكمل
اليوم الثلاثاء ،، الساعة 9 .. ع العشاء في بيت خالد
كانت سارة تتغصب انها تاكل .. وغصة في حلقها .. وتحس بمغص .. قامت من ع الأكل ..
وخالد شافها وهو معصب وقال : جلسي كملي أكل
سارة : مابي مو جوعانة
خالد مسك ايدها بقوة وجلسها وقال : كلمتي وحده جلسي واكلي
سارة ماقدرت ونزلت دموعها وقالت : ماااااابي مو غصب
خالد شد ع كتفها اللي ألمها بقوة وقال : انا اقوول غصب
سارة قامت وصرخت بوجهه : شنوو الأكل غصب بعد .. وبعدين ياخالد شاللي حصل لك ؟ انا شنو سويت لك هاااا ؟ قوول ولاتعذبني؟؟
خالد بكل غرور : انا ماحصل لي شيء .. واحمدي ربك ع العيشة اللي انتي فيها .. طلعناك من حياااتك التعيسة .. وجبناك بالعز .. شتبينا نسوي لك أكثر من كذا
سارة نزلت دموعها : حلوو .. والله وعرفت تحسبها ياخالد .. بس ابشرك مو علي .. وانا اقول لك ذا الحين اذا مو عاجبتك عيشتي تزوووج وفك نفسك
خالد بتكبر : انا مابي اتزوج .. واذا ع عيشتك ،، أكيد مو عاجبتني .. لازم تفهمي ان مستوانا أرقى من مستواكم .. وان ابوي ولا شيء قدام ابوك
سارة انقهرت وزادت دموعها : الحمدلله .. ابوي هيبته مو بالفلوس ..
خالد انقهر وعصب وقال : شقصدك ؟؟
سارة تكابر : فهمك كفااااية ..
خالد راح ورفع ايده وضرب سارة ع وجهها وبدا يصارخ وكأن فيه حاله نفسية ..
سارة راحت لغرفتها ( لانهم انفصلوا حتى بالغرف ) وسكرت الباب عليها وقعدت تبكي .. وتكلم نفسها ..
شصاااير له .. شفيه خالد .. شسويت له .. ليه هالغرور اللي فيه ليه .. كااان يصارخ وكأنه مرييض نفسسي .. غروره وتكبره كأنه أمل الثانية .. آآآآآه يايممه ويايببه .. شمعنى الحياة من غيركم .. شاللي قااااعد يصير ؟؟!!
راحت وانسدحت ع سريرها والنوم مجافيها .. تبي تنام بس مو قادرة ..تتذكر أيام قبل مع خالد .. تذكر اول ماشافته بالمدرسة ..بس خنقتها العبرة .. وأخيراً نامت ع الساعة 11 .
اما خالد اللي كان منهار من اللي سواه ..
انا شسوويت ؟ .. شاللي سويته لها ؟ ..
بس كانت تستاهل اللي لاقته مني .. أجل تغلط علي .. لآ بالله مارضاها ..
..................................
بعد اسبوعين بِ الضبط ،
، بـ يوم السبت < كتبت يوم السبت علشااانكم هالمرة .. مع ادري الأغلبية ماتحبه ><
نكمل ..
بعد اسبوعين بِ الضبط ،، بـ يوم السبت ،، اليوم زواج داليا & هشام
الداعيات : .... << ادري بتصفق ككككككآآآآآآك
في غرفة العروس .. داليا جالسة وحولها البنات إلا سارة &هبه لسه ماخلصوا ..
ريتاج : ونسي أخووووي اليوم هااا ... وتغمز لها ...
ماريا : أـفأ علييييييييك .. قدها هذي دلوو ..
اما داليا فَـ رآحت فيها وجهها الوااااان ..
.............................
طلعت سارة من الغرفة بعد ماجت لها الكوافيرة للبيت .. مع هبه ..
كانت سارة لابسة فستان لونه أخضر عشبي غامق شوية .. مدرج ويوصل لـ نص الفخذ .. وفيه ورد من فوق
اما تسريحتها كيرلي ورآفعة قذلتها لفوق ومخليتها منفوخة شوي ..
ومكيآجها خفيف وفيه لمعة بسيطة..
طلعت وهي ماسكة عبايتها وشنطتها لـ الصالة ..
انصدمت لما شافت خالد .. قاعد يناظرها ماتوقعت انه موجود ..
..
اما هو كان يناظرها ورايح فيها .. متشوق لها .. قرب منها وقال : ماشاء الله .. شـ الحلآوة
تجمدت كل خليه فيها وقالت بخجل: ءء ..آ ..شكرا
وبعدت عنه ولبست عبايتها ع ماتطلع هبه وهو نظره مـا ابعده دقيــــــــقة عن ساااارة .. وسارة حاسسه بنظراته لها بس تحاول تشغل نفسها عنه
لساته يحبهااا .. بل يعشقها ويمووت فيها .. بس غروره وتكبره مخلييييه شايف نفسه ع زوجته اللي من زماااان عنها .. حتى أخبااارها مايسأل عنها !!
انتبه لما طلعت هبه ..
هبه تطالع سارة : مشينا ؟
سارة : يلآ ..
خالد قطع كلامهم : ءء .. مع مين بتروحون ؟
هبه : السايق
خالد : لآ .. انا راح اوصلكم ع طريقي ..
هبه : يلآ ..
طلع للسيارة وركبت سارة قدام مع خالد وفي خاطرها [ زماااااان ماركبت معاااه بـ السيارة .. اشتقت له .. كان السايق دائما هو اللي ياخذني لـ أي مكان ابيه .. ]
بعد لحظات وصلوا لـ الفنـــدق ..
نزلوا وراحوا لـ غرفة العروس ..
سارة وهي تفصخ عباتها : مبروووك دلوو .. وتروح وتحضن داليا
داليا وخدودها موردة : الله يبارك فيك ياقلبي
سارة تستهبل تبي تطفر داليا : عاااد استلمي هشااام اليوم .. وتغمز لها
داليا استحت وعصبت : سخيييييفة
سارة : هاهاها .. أحد طلب رايك ..
داليا : يااااربي سوووير ..
سارة تضحك : ههههههههههههههآي فديتهم انا ياااااناس
هبه : ياااااهوو .. ترااا في نااس يغارون
داليا سكتت وجهها ألووااااان من الحيا ..
دخلت عليهم ريماس وسلمت ع سارة ..
داليا كانت تطالع في سارة وريماس يتهامسون ..
والفضول ذابحها ع ماتعرف شنو اللي قاعدين يتكلمون فيه
بعدين سمعت سارة & ريماس : كلوووووووووش
داليا فتحت عيونها
سارة : ههههههههههههه ولو..بس حبينا نرد لك الصاع صاعين
داليا بوزت وتسوي نفسها مو مهتمة : ثااانكيوو ..
سارة : ولكموو ياقلبي هههههههههههههههههههآآآآآي
ريماس :هههههههههههههه .. بروح لـ ( مارتينا) ماسكة لي عااايشة خل اشوف شـ علومها ..
ضحى دخلت الغرفة وسمعت ريماس : ههههههههه كلـ (ن) على همه سرآآأ
الكل : ههههههههههههههههههههه
دخلت ام خالد & ام تركي & ام فيصل & ام ناصر & ام سعود & ام محمد & ام حمد & ام سعيد عمة هشام
ام سعيد تسلم ع داليا : مبرووووك ياحبيبتي ..
داليا بـ خجل : الله يبارك فيـك ياخالة
ام خالد : هههههههه يالبى الخـجلآن .. بس مو علينا هاااا .. على حبيب القلب .. وتغمز لها
ام ناصر تضحك ع بنتها اللي خجلانة : احممم .. ولآ تنسين تطلعين الحماااس بـ الجوو ..
اسماء دخلت عرض : وشسمه .. لاتنسينا وياااااك .. خخخ
ضحى تبي تحرر داليا : ومثل ماقالت لك ريتاج ونسي اخووها ولاتقابلي بـ هالوجه احمر فـي أحمممر بعدين مايصير الـ .. وتحرك حواجبها
هنا البنات صرخووا من كلام ضحى ..
وداليا دوروها ماتلقوها .. << اوووم الحااالة .. !!
سارة : لا عز الله احترقت كـروتنا عند هشااام اذا بنوديها له كذآ
دخلت ريماس وقالت
ريماس : ههههههههههه .. سووا برب .. بيدخل هشام وبنزف داليا
البنات بصوت واحد : تيييييييييييييييت ..
انزفت العروس ع موسيقى هادئة وهشام طااااااااااااير من الفرحة ومتشقق .. وداليا مرتبكة وخايفة طول الوقت وهم قاعدين ع الكوشة تهز برجولها ومتوترة
هشام انتبه لها وقال بـ حنان : شفيك ياقلبي ؟
داليا ارتبكت من سمعت صوته .. : ءء .. ولآ شيء
هشام ابتسم لها .. وهي ردت له الابتسامة بـ توتر
وأخيراً راحوا للجناح المخصص لهم ودخلوا للفندق والكل فرحان لـ العروسين ..
بـ الجناح
كانت داليا جالسة ومرتبكة وهشام حاس فيها .. قرب منها وقال : يلا بدلي وتوضي عشان تصلي
داليا بخوف : طيب
قامت وخذت لها شاااور سريع ولبست لها بيجامة نوم خفيفة مرة .. وقصيرة ومن غير أكمام .. ومفتوح من الصدر
طلعت وشافته توه مخلص صلاة .. راحت ولبست الجلال وصلت ..
خلصت وراحت له ..
جلست ع السرير وهي مرتبكة ..
شافها وقال : خلصتي صلاة ؟؟
داليا بخوف : إ..إيوا
ناظرها من فوق لـ تحت وقال : الحمدلله انك من نصيبي
داليا ابتسمت : الحمدلله
هشام ناظرها وقال : مجنون اذا خليتك اليوم .. وغمز لها
داليا وجهها الوآآآآآآآن ودوروها ماتلقوها ..
شافته قرب منها وحضنها لـ صدره وقال بـ همس : أحبك
داليا : وانا أكثر
.. وابتدآآآ مشوووار العرسااان ^^ ..
........................................
رجعت سارة للبيت .. مع خالد .. ودخلت لجناحها ولبست ونزلت لـ تحت ..
قعدت تتابع تلفزيون .. وتفرفر بـ القنوات ولا في شيء عاجبها ..
نزل خالد وقال : جهزي حالك بكره ملكة هبه لـ عبد العزيز ..
سارة استغربت : طيب ..
خالد : طبعاً ملابسك وفستانك والاكسسوارت لاتشتريها .. انا شريتها لك
سارة انقهرت .. خير يشتري لي من قال له انا اللي بلبس ولا هو!!
شاف سكوتها وقال بـ غرور : خير مو عاجبك الوضع
سارة عصبت ورفعت حاجبها الأيمن وقالت : لا .. مو عاجبني شـعندك ؟؟
خالد انقهر وقال : مو انتِ اللي تقررين فاااهمة
سارة انقهرت وقالت : مالك تدخل بلبسي
خالد قرب منها ومسك ايدها بقووة وكأنه يغرز سكاكين عليها وايدها اوجعتها ..
انتبهت له وهو يقول : انا لي تدخل بكل شيء فاااااااااهمة (صرخ) ولا تتكلمي معاي بـ هذا الاسلوب ..[ ناظرها بـ احتقار] شكلك للآن ماعرفتي انا منو وانتِ .. منوو
سارة وعيونها مدمعة : ومنوو تكوون يعني ؟
خالد انقهر وضربها على وجهها كف بأقوى ماعنده خلاها تطيح بـ الأرض .. شنو هذي شكلها ماهي عارفة نفسها .. ماتعرف منو انا .. انا لازم اربيها .. لازم اعلمها وأفهمها ..
سارة انهارت بكااا وكانت بتقوم بس مسكها من كتفها بقووة وآلمها .. صاار كتفها أحمر ,. بعدت ايده عن كتفها
قال لها بتكبر : لازم اربيك .. شكلك ماعرفتي التربية
سارة صرخت في وجهه وهي تبكي : انا متربية ورجااااءً لاتجيب طاري تربيتي على لساااانك .. (كملت) انت نسيت ان ابووي عبد العزيز ..
خالد بكل عصبية وقهر : احترمممي نفسك
سارة ودموعها نزلت : انا محترمة نفسك .. انتِ اللي ...
قطع كلامها وهو يشدها من شعرها : انا شنوو .. ؟ لا الظاهر من جد يبي لك تربية [ وصرخ ] رووووحي عن وجهي يلااااااااااااا
سارة بكت زود وراحت وهي ماسكة كتفها وشعرها اللي آلمها
[ اليوم ناس فرحانة بزواجها .. واليوم ناس مقهورة ومجروحة وذايقة أشد انواع العذاب ]
دخلت للجناح وجلست ع الكنبة وهي لامة رجولها لها
بكت .. و بكت .. وقطع بكاها صوت جوالها راحت له شافت المتصل
[ هيبوو]
مسحت دموعها وغيرت نبرت صوتها : آلوو
هبه : هلا سارة كيفك ؟؟
سارة : الحمدلله .. وانتِ ؟
هبه : بخير .. بس حبيت اقول لك بكرآ ملكتي جاني الخبر اليوم وتفآجأت ..
سارة : مبرووك ياقلبي
هبه شكت بسارة : الله يبارك فيك .. سارة فيك شيء ؟؟؟
سارة انهارت بكاا وهبه تسمع بكاها وقالت : ساااااارةة صاير شيء ؟؟
سارة وهي تبكي : مافيني شيء
هبه : انتظري دقيقة انا جاااية لك ذا الحين .. وقفلت
..
بعد لحظات رن الجرس
وراحت سارة تفتح الباب .. شافت هبه وحضنتها وبكت من قلب
هبه : شفيييك ياااقلبي ؟؟؟
سارة ماردت وكل دقيقة وتنهار بقوة .. وصوت بكاها مسموع مع شهقاتها اللي ملت المكان
شافت خالد طلع وتجمدت مكانها .. خايفة منه وبقوة .. مقهورة منه ..
قال لها وكأنه مو هامة شيء : خير الأخت بزر تبكي
سارة انقهرت ونزلت دموعها .. ياليتك تحس فيني .. شنو هالحياة اللي معااك .. شنو هـ العذااب ؟؟ شنو هالحااالة ؟ ياخي حس فيني
اما هبه منصدمة من اخوها اللي يكلم سارة بـ الطريقة هذي وقالت : خالد شفيها ساااارة ؟
خالد يضحك بـ سخرية : ههه .. ليش ماقالتت لك ؟؟ اسأليها ؟
سارة انقهرت وراحت لـ جناحها وسكرت الباب وهي تبكي من قلب
سمع صوت بكاها اللي يقطع القلب بس كابر .. وغروره هو اللي ذابحها ..
هبه شافته وهي معصبة : شنوو هالمهزلة هذي ؟ هي زوجتك ولا عدوتك ؟؟؟
خالد من غير اهتمام : شتبي بـ الضبط ؟؟
هبه انقهرت من برود اخوها وقالت : صحيح الكلام ماينفع معك .. وراحت لجناح سارة
هبه وهي تسمع بكا سارة : سااارة .. ساارة حبيبتي فتحي الباب
سارة بين شهقاتها : خلـ .. ـيني برووحي .. مابي أشو..ووف .. أحـــ ..ـد
هبه تقطع قلبها على حالتها : انا مو رايحة إلا لما تفتحي الباب
فتحت لها الباب ودخلت مع هبه ..
هبه : شفيك ؟؟ شنو اللي صاير بينك وبين خالد ؟؟
سارة بكت وبقووة .. ولآ ردت ع هبه
هبه رفعت رراس سارة وقالت : قولي وأنا اسمعك
سارة وتحس انها لـ أول مرة ترتاح .. وقالت لها اللي صاير لـ خالد .. وانه متغير كثير عليها ولا تعرف شنو السبب ؟؟
هبه : ياقلبي كل هذا من خالد ؟
سارة حركت راسها بمعنى إيوا
هبه : خلاص حبيبتي .. انتِ ماعليك منه .. هو راح يعرف غلطه ان شاء الله
سارة بـ أمل : إن شاء الله
هبه يقال انها تستهبل : انا موو طالعة من عندك .. وبظل على قلبك بنااام عندك اليووم طبعاً ماابطلع ولا تقولي لي من غير مطروود نياهاهاهااهاهاها
سارة ضحكت من بين بكاها وقالت : ههههههههههههآي .. عسل على قلبي
هبه : فديييييت امـ(ن) جاابتك
سارة ضحكت من قلب : ههههههههههههههآي لآ يآشيخة
هبه : هههههههه دوم الضحكة
سارة : تسلمي ,,
هبه : ماراح تنامي ذا الحين ؟؟
سارة : لآ .. انتِ نامي وراك كوافيرة بكراا
هبه : لا .. انا مو نايمة ذا الحين والكوافيرة بتجيني لـ بيتي .. ومابتجي الا العصر يعني يمدي اسهر معاك ..
سارة : ههههههههههه طيب
...................................
جالس بـ جناحه ..
شنو هـ اللي سويته ياخالد .. البنت ماغلطت عليك .. شنو هـ الحياة اللي معيشها اياها ,, آآآآآهـ ,,
كان يبي يعتذر لها بعد ماسمع بكاها اللي قطع قلبه .. بس مو عارف .. شموخه ، تكبر، غروره ، كونه كـ رجل كل هذا مايسمح له ..
انقهر زود لما سارة صرخت بوجهه .. حس انها تستاهل ..
بس وييين .. ليتك تحس فيها .. لييييتك !!
وهي مقهورة .. مكسورة من كل كلمة يقولها لها .. حتى التربية يهينها .. شـ اللي ناشبه على امي وابووي وعلى تربيتي ؟؟!!
شـ اللي مغيره علي .؟ .. ساعات يجيني ولا كأنه صاير شيء .. وساعات يكون كـ مريض نفسي ؟؟ ياااااربي ساااعدني .. وينك يااايممه .. وينك يااايبه .. حياتي من دونكم ماتسوواا .. ولا شيء !! ..
آآآآآهـ .. الله يساااعدني أتحمل هـ الحياة !!
....................................
اليوم الكل مجتمع في بيت ام فيصل ..
وتحديداً البنات بـ جناح هبه ..
سارة بـ ابتسامة : مبروووك هيبوو .. وربي فرحت لك ياقلبي .. وتروح وتحضنها
هبه بـ خجل : الله يبارك فيك .
اسماء : مبروووك خيتوو والهي اني فرححت لك من كل قلبي
هبه : الله يبارك فيك .. وعقبالك ..
اسماء تستهبل : هع هع على ايدك
هبه : هييييييين بس ><
الكل : ههههههههههههههههههههههههه
ريهام : اما انتِ يآهبه .. بـ اللبس اللي عليك ناوية تجننين عبد العزيز
ريم : من جددد
هبه عصبت بخجل : خلااااااااااص
ضحى : الله .. ودي أشووف الأفلام اللي بتسوونها اليوووم حرككات ..
ريماس : ووي عاااد هبوووي .. وناااسه شكلها هع
سارة : اتخيلها .. هههههههههههآي
هبه عصبت : طلعوووا برررااا يلاااااااااااا
البنات : هههههههههههههههههههههههههههههه
خلود : مش طالعة الا لما تأكدي لي انك بـ تقولين لي كل شيء
عبير : مااااالت عليك يااااخلوودوه
خلود : ــــــــ
سارة تناظر في داليا وتضحك : هههههههههههههههههههههههه لقط لقط
داليا : هههههههههههههههههههههه كفك كفك بسس ...
هبه : براااااااااا كلكم يلااااااااااااااااااااااااااا
طلعوا البنات كلهم قبل لاتنشب فيهم ولا تتركهمم ..
نزلوا لـ عند الحريم .. راحت سارة تسلم ع ام خالد وخواتها وام عبد العزيز ..
ام فيصل وهي تكلم خالد : هلا خالد .. شلون .. طيب .. اوكيه .. انتْ في وييين ؟؟ طيب .. خلاص بجيب وحده من البنات لك .. يلا حبيبي انتبه لـ نفسك .. باي
ام فيصل تناظر في سارة : حبيبتي سارة
سارة : آمري خالة ؟ ..
ام فيصل : مايامر عليك عدو .. بس خالد جايب اغراض لـ هبه .. وتعرفي مايأمن ع الخدامات .. يبي وحده تروح له وتاخذهم ..
سارة : طيب .. اانا رايحة له .. في وين هو ؟
ام فيصل : دخل من باب المطبخ عشان مايمر جنب الحريم
سارة : اووكيه
راحت سارة للمطبخ .. دخلت وشافت خالد
خالد قاعد يناظر فيها وفاااتح عيوونه ويقول بـ خاطره .. محظوظ ياخالد .. عندك وحده تغنيك عن 1000 وحده .. بس ليش صاااير كذا ليش ؟؟ احبها واعشقها بجنون .. احبها موووووووت .. كان يطالع وهو منهبل عليها .. متوله لها . . مشتاق لها ..
اما سارة فـ حست به يناظر فيها وطنشته ..
سارة : ممكن تعطيني الأكياس
خالد انتبه وكابر : تفضلي خذيها
جت امل ودخلت المطبخ وكانت لساتها جاية من بيتهم عشان تحضر الملكة وحلو انها لسه باقية بعباتها
دخلت وشافتهم وقالت بـ كل غرور ودلع وغنج ومياعة : هااااي خالد كيفك ؟؟
خالد : الحمدلله وانتِ ؟
امل بدلع : دوم يارب .. انا بخير الحمدلله .. بس ليه تقطعونا كذا ماتسألون أقلها آلووو
خالد : هههههههه .. شنسوي بعد .. هذا حالنا كلنا ..
سارة انقهر وبدت الغيرة تاخذها .. ياخي مهما صااار تحبه .. تغااار عليه .. وتمووت فيه .. هووو حبها الأول ..
بس شلوون .. ويكلمها قداامي بعَد .. هذولة مايستحوون .. شوف شلون طااااير من الفرحة
سارة خذت الأكياس ولعانة في أمل قالت : حبيبي خالد .. متى بتروح للبيت ؟؟
خالد استغرب بعد ما رفع حاجب وقال : امم بعد مايخلصون
وقرب منها خالد وهو يهمس بـ اذنها : أجل حبيبي هاااا ؟
سارة طنشته وراحت .. وهو راح للرجال .. انقهرت أمل لما شافت خالد يهمس لسارة .. وطلعوا ولا عبرووها .. بتمووت من الحقد والغير والفضول ذابحها ع ماتعرف شنو قال لها >< تبي تعرف نتايج اللي سوته بتججن .. مقهوورة ع حظها ,, مقهورة من سااارة >< ...
............................................
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك