رواية حبك رسمك في ناظري وين ما اروح -17
عايلة بو ناصر ,,, حياتهم روتينيه يتغدون يريحون شوي
يصلون العصر يروحون بيت ام سيف يقعدون معاها
وكل يوم هذي سالفتهم
غزلان وفهد ,, تعذيب فهد مازال مستمر
حق غزلان ولـــكن بطريقه يديده قاعد يعاملها
على انها زوجته وغزلان المسكينه مو ذاكره شي ابد
لكنها توقفه عند حده في كل مره
فيصل وروان ... عايشين بين الشغل
وبين مقالبهم وضحكم
وروان المسكينه مو عارفه شتسوي
او شلون ترد حق اهلها
اكييد الحين عبالهم انها ماتت
شلون ترد وتفاجأهم راسها عورها من التفكير
ريم ,, رجعها عمر بيتهم من بعد اخر شي صادها
حابسه عمرها في الغرفه ولا تروح مكان
حدها تنزل تاكل وجباتها وترد الغرفه
رنا ,, خطبها راشد رسمي ووافقت
وعايشه حياتها , تروح الشغل
وترد البيت روتين
ام فهد ,, ردت من السفره
ومافيها اي تغير هالمله عيالها
ولا تدري عنهم همها طلعاتها
ورفيجاتها
شهد ,, قدرت توصل حق سيف
لكن البلا في سيف نسى الموضوع
_________________________________________
عند غزلان
مريت من صوب الصاله ابي اروح
غرفتي تعبت من الكرف في هالقصر
وخصوصا فهد الي قاعد لي عظم في بلعومي
ما ادري شيحس فيه
حركاته صايره ماتنطاق
وعلى قولته اني زوجته
ساعات احس صج
وساعات اقول مستحيل
حتى لو كنت زوجته
شلون ماعرفتني امه خواته
على الاقل بيعرفون شكلي
اااااااه مادري متى ترجع لي الذاكره وافتك
لكـــــن لحظــــه
شد انتباهي صوت الي يتكلم
كان صووتين شكله فاتح السماعات
رديت على ورا خطوتين
ووقفت مصدوووومه
....: حيااتي انتي
....(( بدلع )) : فهودي حبيبي
فهد: امري يااا قلبي
....: امممم متى بتخطبني
فهد ... بحيله : لين الحين ياقلبي ماتعرفت
عليج اكثر وانا ابي اجوفج ياروحي قبل
مايصير خطيبتي ماجوفها
...: لا حبيبي مايصير شلون تجوفتني
فهد: سهله ياقلبي تقولين حق اهلج انه بتروحين عن رفيجتج
ولكن اتيين ويااي
....: واذا عرفو
فهد بخبث : محد بيقولهم يااا قلبي
يالله باااجر قولي ليهم
انج بتروحين ويا رفيجتج الموول وانا
باخذج من هناك اووكي
....: امممم اووكي
فهد : فدييييييتج ياااا قلبي اموااااه
....: حبييبي استحي لاتقول جذي
فهد : ياعيني على الي يستحووون
يالله ياقلبي باجر على الساعه 5 المغرب
اججوفج
...: اووكي باااي
فهد : باااي
سكر من مكالمته ورجع اتصل مره ثانيه
فهد: الوووو
حارس العماره : مرحبا يااا باشا
فهد : جميل جهز الشقه لاتنسا شي فااهم
واهم شي الي خبري خبرك
جميل : حااظر ياا باشا اي شي تاني
فهد : لااا باي
مستحيييييييل يطلع راعي هالسوالف
الصراحه يااا فهد انصدمت منك
طلعت وااااحد لعاااااب
اووف وانا اشعلي منه في ستين داهيه
مشيت ورحت غرفتي
عند حمد ...
دخل البيت و جاف أمينة و مريومة
في حظنها منبطحة تجوف توم و جيري
باندماج و تضحك وياهم
اما امينة فكانت سرحانه ما تدري بحمد
يوم يدخل و تلعب بشعر مريومة
حمد : السلام عليكم
أمينة : و عليكم السلام
و نطت مريومة لحظنه : بابا بابا
حمد بفرح لمها بحظنه : يا عيون بابا بابا اشفيها حبيبة
ابوها شتامر فيه
امينة تجوفهم و تبتسم
مريومة : ابي اطلع وايد ملل فالبيت
من زمان ما رحنا استانسنا
حمد ابتسم على بنته : بس جذي
مريومة : اي بس جذي
حمد : ما طلبتي غالي و الطلب رخيص
يلا روحي بدلي ملابسج و نخلي
الماما تتجهز و نطلع كلنا اوكي (و اشر على خده )
مريومة باسته و صرخت : اوكي و تمت تترقص
من الوناسة وتصارخ و اهيا رايحه غرفتها
حيوو بابا عاشو و راح نطلع ايواا
و حمد يتضحك على خبال بنته و قعد يم امينة فالسوفا
حمد و يفرص خد امينة : الحلو لحين زعلان
أمينة : لا عادي بس لحين ما تعودت على
فراقها هاي الغالية
حمد : معلي ترحمي لها
و يلا ترى بنتج تمللت من البيت
نبي انونسها شوي بدلي و تكشخي
و انا بنطركم حق نطلع احلى طلعة
قامت أمينة لغرفة مريومة بالاول
تجوفها و لقتها مطلعه لها فستان وردي حلو
و كشخة و تدور في اكسسواراتها و سكرت
عليها الباب و راحت تتجهز
و راحت لغرفتها و فتحت كبتها
و طلعت لها ثيابها و بدلت ملابسها
عقب رفعت شعرها و طلعت علبة
مكياجها و حطت لها كحل و مسكرة
و قلوس وردي خفيف
و لبست عباتها و شيلتها المطرزة
بتطريزات بلون الاسود و حيـــل راقية
و تعطرت بعطرها المفضل من شانيل
و لبست ساعتها و خذت شنطتها
و طلعت لهم في الصاله و جافت مريومة
واقفة يم ابوها
حمد : يه يه يه اشهالكشخة !!
ابتسمت امينة بخجل : يلا انا جاهزة
حمد : يلا نطلع و مسك يد مرومة و طلعو
____________________________________
طبعا بما ان خلال هالفترة خطب راشد رنا
ووافقو و كل شي تم على خير و ملجو على بعض
رنا خذت لها اجازة قصيرة بعد ما رفضت طلب راشد
يوم حب انها تستقيل و اهيا رفضت لانها تحب شغلها
و ما تحب قعده البيت و الملل فاقتنع بوجهتها مع انه يغار
عليها بس ما حب يكسر بخاطرها فخلاها
عند رنا بعد ما رجعت من المجمع و تشرت الي تحتاجه
مسوية لها جدول كل يوم تشتري شي
حق ما تيمع عليها اشياء وايد
.. دخلت غرفتها و قطت الاكياس على الارض
و تمددت على السرير بتعب
آآآآآآآآآآآآآآآآآآآآآآآآآآآآآآآآآآآه !!
غمضت عيونها و اهيا تتخيل روحها بالفستان الابيض
بليله عرسها و تكون احلى ليله و ........
قطع تأملاتها صوت رنة الموبايل رفعته و شافت الاسم
و ردت بخجل : ألوو
راشد : هلا و غلا
رنا : اهليـــن شخبارك ؟
راشد : الحمدالله بخير و انتي ؟
رنا : تمام ماشي الحال بس تعبااانة توني راجعه من السووق
راشد : هههه اي لازم تتجهزين حق حبيبج بعد شلون
رنا ما عرفت شترد استحت
راشد عرف انها مستحية و يبي يسندرها شوي ههه
الا ما قلتيلي اشريتي ؟؟
رنا : راشــــــــــــــــــــــــــــــد !!
راشد : هههههه يا عيوون راشد
رنا : بس عاد لا تحرجني
راشد : انزين معلي بس ابي اجوف فستان
كشخة مثل يوم الملجه كان واااااااااو
رنا : ما شاءالله عليك لحين تذكر مو انت يوم الملجه
ما خليت شي ما سويته كأنك اول مرة تجوفني
راشد : اي شلون عيل هههههه اصلا
في احد يجوف قمر داخل عليه و ينزل
راسه مستحيـــــــــــــــــل !!
رجع بذاكرته ليوم الملجه ..
كان كل شي مرتب بطريقة راقية و ناعمة
و رنا ما تحب المظاهر و لا المبالغه
فخلت الحفله بس للعايلتين بسيطة جدا
فبعد ما تم كل شي طلب راشد رنا حق يلبسها شبكتها
(راشد )
كنت قاعد في المجلس الداخلي
انتظر رنا حق البسها شبكتها
و كلها دقايق و دخلت علي
و كأنها القمر ما قدرت انزل
عيني من جمالها الي سحرني
و رقتها و اناقتها مشت بخطوات قصيرة
و منزله راسها و شكلها حيــل منحرجة
و انا من شفتها وقفت احترام لها
و احلى شي فستانها الي كان
شيفون احمر مناسب بياضها الصارخ
و فيه كسرات من فوق و مزموم على جنب
و طالعة منه ورده حمرة و الباقي
نازل بطريقه حلوة و دلعته وسيعة مبينه جمال رقبتها
قربت منها و بست جبينها
راشد : الف مبروووك يا احلى عرووس
رنا بصوت واطي : الله يبارك فيك
جلست و جلستها يمي عالكرسي
و فتحت العلبة
و داخلها طقم الماس فخم و بنهايته الماس احمر
بشكل دمعة
و بدا يلبسها الطقم الي طلع عليها واااااااااااااو
خصوصا انه مناسب لفستانها
راشد : و ربي محظوظ فيج يا احلى وردة و باس خدها
نرد للمكالمة ..
رنا :راشد بس بس خلاص راح اشتري
كل شي حلو و راح يعجبك و الا مب واثق بذووقي
راشد : واثق و نص بس زعلان عليج
رنا : افا ليش ما ظن اني زعلتك
راشد : احين انا كلها جم يوم و اصير زوجج
و قاعدة لي راشد و راشد
رنا بفهاوة : عيل شاقول مب اسمك راشد
راشد : في حبيبي في روحي
رنا انقلبت حمرة : خلااص اوكي فهمت
لازم اسكر الحين باي
راشد : ما تسكرين قبل لا اسمع كلمة حلوة و الا مافي
رنا : رشووودي
راشد : يازعم الحين كلش رشوودي قتلج مافي !!
رنا : اممممممممممممم اوكي
باي حبيبي ( و سكرت الخط بوييه قبل لا تسمع رده )
راشد : ههههههه معلي يا رنا الييات
اكثر اهم شي سمعتها يا حليلج و الله
__________________________________________________ _______
منعزله في غرفتها كالعاده
مو قادره تستوعب الي صادها لين الحين
شي غرييب ولا في الأفلام
.,,,, رجعت بأفكارها لي قبل 3 اسابيع
عمر: قووووووومي بسررررررعه وياااااااااااي
ريم بخووووف : وييييين
عمر بعصبيييه : مااااالج دخللل لبسي عبااااتج بسررررررعه
ريم واهيا ترتجف : مووو قايمه اول قولي وين بتاخذني
عمر والشرار يتطاير من عيونه : والله ان ماقمتي لا اشيلج
ويااااي
ريم وعيونها غرقانه دموع : انزين
لبست عباتها وشيلتها
وسحبها من يدها وطلعو من الشقه
ريم واهيا ذابحه روحها من الصياح: الله يخليييك
عمررر قولي وين بتوديني والله ماسويت شي
عمر بعصبيه : ســــكتي أحسن لج لا والله اذبحج بيدي
ولا احد داري عنج
ريم اسكتت ولفت ويهها عنه بس مستحيل تقدر تكتم شهقاتها
ريم
وصلنا طريج كله مزارع والظلام يغطي على المكان
مافيه نور غير نور السياره الي تمشي
قلبي بدا يررقع من الخووف شكله ناوي يذبحني خلاص
ولا ليش يايبني هالمكان
... وصلنا عن بوابه كبييره
دق هــرن فتح البواب البوابه ودخلنا
ممر طوييل من يمينه ويساره كله
نخــل وزرع المكان موووحش من الخاطر
انكمشت على روحي من الخوف وتميت اقرا
المعوذات واي ايه حافظتها
شوي الا وصلنا فله كبيره
وقف السياره وامرني اني انزل وياه
نزلت بكل طاعه مالي خلق اجادله لاني
عارفه اخر شي اهو الي بيكسب العناد وبنزل غصب
وصل يم الباب وكلم البديقارد الي واقفين جدام الباب
وفتحو له الباب
الشخص بستهزاء : هلا هلا بعمر تفضل
عمـر واهو يقرب ريم يمه : اقوول ياا أحمد خذ جاسوستكم
وفكوني منها ولا ترا بذبحها
أحمد وقف ومشى باتجاه ريم ونظراته عليها يتفحصها من فوق لي تحت
وبخبث : أي اكيييييد بناخذها صح يااا حلوه
ريم بقرف : عمر والله ما اعرف هالاشكال انا الله يخليك
لاتتركني هني بروحي وياهم والله ما اعرفهم
أحمد بخبث : تؤ تؤ تؤ شلون ماتعرفينا وانا الي قلت
لج روحي تجسسي عليهم في مقرهم
ريم بصراخ : جذااااااااااااااااب والله ما اعررفك
أحمد واهو يامر البديقارد ياخذون ريم وياهم : يالله ياحلوه
روحي على غرفتج
ريم واهيا تصاارخ وتصيح وتحاول تفك يدهم : لاااااااااااااااا
ماااااا ابي اروووح الله يخليييك عمر لاتخليني برووحي وياهم
والله ما اعرفه والله ولا ادري عن شي حراام
بس للاسف سكرو حلجها بيدهم وخذوها وياهم
أحمد واهو يرتشف من زقارته : امممم والحين تقدر تروح
عمر بقرف : أكيد برووح عيل اقعد اجابل ويهك يااا ,,, ولا اقول
مو قايل ما ابي انزل نفسي لمستواك
طـــلع من الفله وتوجه لسيارته وحرك من هالمزرعه
ريم بصراخ : لااااااااااااااا بعدووو عني مالكم دخل فيني
البنت : لو سمحتي هذي اوامر الاستاذ احمد لازم انفذها
يالله قومي اخذي شور بسرعه
ريم وصراخها يعلى : ما ابـــــــــــــــي قلت لج ماا ابي ذلفي
عن ويييهي فاااااهمه
انفتح الباب بقوووه ودخل احمد
احمد : امممم طبعا مو فاهمه ويالله بسررعه
قومي اخذي شور وتعدلي اليوم ابي اكيف علييج ياحلوه
((وبخبث)) والله وطلع منك فايده ياا عمر
يايب لي بنـــت حلووووه
ريم : ياااا قلييييييل الادب الحين تتصل في عمر وتقول له
اني مو وياكم ولا اعرفكم
أحمد بستهزاء : اوووه تبين اتصله واقوله
ماطلبتي شي يااا حلوه بس اول شي نستانت ويا بعض
وبعدين اتصله
ريم وبقرف من كلامه : تخسي الا انت ياااااواطي
احمد : انا اخسي انزين مااشي ياحلوه بعديها لج هالمره
يالله قوومي اخذي شااور
وانتي يا لينا تقدرين تطلعين
لينا : حاظر استاذ
احمد واهو يقرب منها : امممم ماتبين تسبحين وتتعدلين
على هواج اهم شي اخذ الي ابيه
قرب منها حييييل وشالها وقطها على السرير
لكن فجااه
انفتح البــاب بقوووه
...: استاذ احمد الللحق علييينا عمر تحت
وبيده سلاح وقاعد يصوب على اي احد يقرب منه
يقول يبي رييم
احمد : شلووووووووون اووكي انزل بسرعه
وانا بيي وراك
قام من السرير ولبس تيشيرته
بسرررعه
احمد : انتي بتقعدين هني ولاتتحركين فاااهمه
والله ان جفتج معتبه باب الحجره لاحش ريولج حش
ريم .. : ...... اكتفت بظره استحقار له
من الصدمه مو قادره تنطق
احمد واهو نازل من على الدرج : خييييير عمر
شتبي اشهالفوضه
عمر بصراخ : وييييين رييييييييم
احمد : اهاااا ريييم اممم ريم في الحفظ والصوون
عندي شتبي فيها
عمر : خلها اتيي بسرعه باخذها
احمد : ههههههههههه واهو على كيفك بتاخذها
اقووول ارجع من مكان ماييت احسن لك
عمر : قوولهم ايييبون رييم ولا والله بذبحك
ريم: عمــــــــــــــــر الحقنيييييي
ونزلت تركض على الدرج واحضنته
عمر الله يخليك لاتخليني ويااه
عمر مسح على راسها : يالله امشي ويااي
ومشو بيطلعون
احمد : على وييييييييييييين انتو الاثنين
ريييييييم ردي فووووووق
ريم : مالك دخل ولاني راده
احمد : امم انتي احسابج بعدين
عمر اتركها احس لك
ولا والله تعرفني شقدر اسوي
عمر : اعلى مابخيلك
طلع المسدس من جيب بنطلونه
وصوبه على كتف عمر
عمر : ااااااااااااااااااااه
والله ماخليييك ياا احمد
وصوب المسدس على ساقه
وطاح احمد على الارض
عمر : يالله امشي بسرررعه
ريم من الخوف متجمده
عمر بصرااخ : يالله جداااااامي
وركضو عند السياره بسرعه وعمر
يتالم من كتفه وبالمووت قدر يسوق السياره
طلع من المزرعه ومن هالمنطقه بسرعه قياسيه
وريم تصييح من قلب على عمر شكله يتالم
من خااااااطر
ريم : عمر رووح المستشفى
عمر وبالغصب يتكلم : بالسرعه قولي وين بيتكم
ريم بعناد : اوول شي روح المستشفى
عمر واهو يرص على اسنانه : رييييم لاتعاندين
وسمعي الكلام وين بيتكم
ريم : ان شاءالله .. ووصفت له
عمر : يالله نزلي
ريم : بنزل لكن على شرط اتطمني علييك
عمر : انزين سجلي رقم مبايلي عندج
ريم : انزين بتصل لك
اااااااااااااااه يااعمر ياترى شصار لك
ليش ماترد على اتصالاتي ابي اتطمن عليك
وهذي حالتها كل يووم تتذكر الي صاار وتتصل على عمر
واهو مايرد عليها
___________________________________________
بيت شهد ..
قاعده مع رفيجتها فاطمة و يسولفون
و تقولها اشصار في هالاسبوع
شهد : فطووم و الله اخاف نسى و انا حدي
احاتي غزلان البنت ما تستاهل الي يصير لها
و انا عرفت منو اخوها و لازم اوصل له
مايصير البنت تشتغل و فاقدة ذاكرتها
و انا بس قاعدة حاطة يدي على خدي
و انتظر الشيخ سيف يتصل
تخيلي صارلي مكلمته اسبوع قالي هاليومين
مشغول بكلمج اول ما افضى
فاطمة : شتسوين بعد مالج الا تنتظرين
و لا تقولين جذي بالعكس انتي ساعدتيها
و لو وحده غيرج خلتها تولي و لا افتكرت
انتي سويتي الي ما تسويه اخت لاختها
و خصوصا انها غريبة عليج
شهد : بس و الله حبيبتها ما تستاهل
الي يصير لها و ان شاءالله ما يطول
علي و اقدر اوصل لاخوها و اقوله عن مكانها
فاطمة : ان شاءالله
شهد : لهتنا السوالف ما قلتيلي شتشربين
فاطمة : عصير برتقال
شهد : اوكي
_______________
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك