رواية حبك رسمك في ناظري وين ما اروح -1
روآية : حبك رسمك في ناظري وين ما أروح ..
للكــآتبتان Kramella & Chocolita ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
السلام عليكم ورحمة الله وبركاته .
. .
اعزائي قراء غرام ...,,
قررنا انا Kramella وصديقتي Chocolitaعقب عناء طويل في ايجاد فكره تصلح نكتبها
وطبعا حاولنا قد مانقدر نييب فكره جديده عن الروايات
المطروحين .. وهذي أول مره نحاول فيها الكتابة
والروايه رومانسيه كلها خيال في خيااال
وقررنا نطرحها في غرام
لأنه جفنا فيه تفاعل يحمس الكتاب
وانشاءلله ما يـخييب ضــنا
وحماسكم بيكون سبب في تطورنا
<
>
<
>
كل الدروب توصل القلب بابك
الحب خلد سيرتك داخل الروح
تبقى حبيبي لو بقى لي عذابك
حبك رسمك بناظري وين ما اروح
لو كان مافي الوصل غايه و مصلوح
مشكلتي اني ما اتحمل غيابك
يزيدني قربك احاسيس و جروح
و اقول حظي زين مادام جابك
الصمت عذبني و عذبني البوح
حتى استوى عندي خطاك و صوابك
رغم الجراح و رغم ما راح مسموح
اعاتبك و انسى الالم في عتابك
حسبت اشواقنا غابت وأثاري الشوق تو ما فاق
وأثاري بقلبي الساهي حنين لك بعد باقي
أنا ما كنت أحسب أن القلوب الساهية تشتاق
ولكنت أحسبك في يوم تجي وتحرك اشواقي
سهيت بصفحة كتابي لقيتك بأول الأوراق
أنا لاهي مع كتابي لقيتك كلك أوراقي
ألا يا حبي الأول ألا يا غايتي مشتاق
هقيتك مانت في قلبي وأثرك داخل أعماقي
من أشواقي أهلي بك حياتي والغلا سراق
نعم لأجلك سهى فكري حياتي وكنت لي باقي
أهلي بك من الفرحة أهلي بك من الأعماق
حسبتك ما انت لي باقي وأثرك مالك اشواقي
.
.
.
.
البـــارت الأول
في ليل كان القمر ساطع في نص السماء والنجوم حوالينه تلمع بشكل جميــل يسر النظر .. في بـــنت خارجه من البيـــت ولابسه عبايتها وقاطه الشيله بشكل عشوائي عليها وتركض بأقصى سرعتها ... تركض وكانــت بقمة التوتــر والخــوف تلتفت وراها وترد تكمل ركض ليــــن .... فــجــــــــــــأه !!!!!! فتـــحت عيوونها على وسعهــااا ووقفت مكانها مصدومه..!!!
...............
في مكاان ثاني في مجلس الرياييل في بيت بو زياد كانو متجمعين و خالد (بو زياد) تعلو وجهه اكبر ابتسامة عقب ما استلم الكتاب من يد الملاج و جاف توقيع فهد فيه
بو زياد ((خالد)) يشتغل مدير في دائره حكوميه طماع يحب الفلوس و يحب عياله بس الفلوس اكثر وكلمته مسموعه في البيت
. نادى ولده زياد
بو زياد : زياد
زياد : سم يبا
بو زياد : خذ يا يبا الكتاب وده حق اختك توقع
زياد : ان شاء الله
زياد البجر عمره 26 بشرته حنطيه طويل وعريض ممـــلووح متخرج من الجامعه من 3 سنين والحين يشتغل في المطار
قسم الجمارك مسؤل قسم
راح زياد داخل البيت.. تحمحم حق يسوون له طريج
عطا امه الكتاب حق توديه حق اخته , و الام طايرة من الفرحة بنتها دلوعتها راح تتزوج
ما يدروون بالي يواجههم في الغرفة !!!!!
راحت الام للطابق الثاني حق غرفة بنتها غزلان و كل دريه تصعدها ابتسامتها تكبر على شفاتها
ام زياد (( لولوه )) ربة بيت حليوه وحنونه تحب عيالها واايد وعلى نياتها طيــبه
وصلت عند باب الغرفة
ام زياد تطق الباب : ما في اجابة !!!
ام زياد :غزلان يما فتحي الباب
ام زياد : غزلان يا غزلااان تسمعينيي ؟؟ حاولت تفتح الباب لقته مفتوح و انصدمت و فتحت عينها بصدمة و خوف من الي بداخلها و شكوكها
راحت جهة الحمام ( الله يعزكم ) لقت الباب مفتوح و ما فيه احد
قامت تركض تجـيـك كل حجرة و هم ما لقتها
ايأست لولوة ( ام زياد) و اتصلت حق ولدها ايي من الباب الوراني و يصعد لها فووق و يجوف شسالفة
وصل زياد حق امه
زياد : يما اشفيج !!! انصدم لما امه رفعت راسها و جاف دموعها
ام زياد : اختك . اختك يا زياد الحق
زياد : يمااا شتقولييين فهميني اشفيها اختي وينها ؟؟؟؟ ... الام تصيح و ما ردت عليه
راح بسرعه جاف الحجرة مرتبة و الفستان مكانه و كل شي ما تغير استغرب , رد حق امه و بعصبية : يماا غزلان وين ؟؟
خافت الام لانها اهية اصلا ما تدري
زياد توهق ما عرف شيسوي يوم عرف ان اخته حبيبته اشردت و حطتهم في هالموقف
توهق زياد و ما عرف شيسوي يوم عرف ان اخته شردت من البيت , فكر و فكر و ما لقى الا حل واحد انه يقول حق ابوه و الي يصير يصير
اتصل حق ابوه ....
زياد : يبا لا تتكلم ان انا اكلمك اعتبرني واحد من الربع في مشكلة صايرة و لازم اتيي بسرعة
بو زياد ما عرف شيقول تم ساكت ما يدري شسالفة غير انه قال : اوكي مع السلامة احيين بطرش لك الاوراق
بو زياد : اعذرني يا فهد بس هاي موظف يبي ملف مهم اعتبر البيت بيتكم ما راح اتأخر
راح بو زياد بسرعة يجوف اشصاير
بو زياد تخرع يوم جاف ويوهم الي كلش ما تبشر بخير
زياد : ي ب اا يب اا غز ز لان ( من الخوف من ردة فعل ابوه لما يعرف )
بو زياد : تحجي اشفيك انت اشفيها غزلان ؟؟؟
تشجع زياد : يبا غزلان شردت
الابو و كل عصبية الدنيا تيمعت في ويهه : شنننننووووووووووو !!!!!؟؟؟؟؟؟؟؟؟؟؟؟
و كمل : مو من صجكم اشلوون و ووجه كلامه حق مرته : انتي شلون سمحتيلها وينج عنها ؟؟
ام زياد خايفة و تصيح : يا خالد و الله مادري انا حالي حالكم ييت و جفتها محد
و احين شنسوي و الريال الي ينطر في الميلس يجوف مرته والمعازيم الي مقعدين شنقول لهم يافضيحتنا بين الناس
وتم بو زياد رايح ياي على المرر يفكر بالمصيبة الي نزلت عليه و مو عارف شيسوي ؟
و فجأة طرت على باله فكرة جهنمية : و وجهه كلامه حق ولده زياد : زياد ييب الكتاب و القلم بسرعة
راح بسرعة زياد و يابهم و ما يدري شسالفة
و صرخ على زوجته : لــــــــــــــــــــــــــــو لـــــوة !!!!!!!!!
قالت له : سم بو زياد
رد عليها : وقعي بسرعة
ام زياد و زياد أنواع الصدمة بدت تظهر على ويوهم !!!!
تــابع
.........................
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نرد شوي على ورى
فجأه
سيــــاره مسرعهـ صدمــتها بالقوه وطاارت من مكانها وطاحت على الأرض
الناس تيمعت حواليــن المكان
وصــوت الأسعاف والشــرطه الي قاعد تمنع الناس من انهم يجربون داخل المكان
وأوادم توقف سياييرها وتنزل متطفلين
يبون يجوفون شالسالفه ومن مسوي حــــادث ..
بنــت طايحه على الارض وويها (( وجها )) مليان دم
ورجال الأسعاف قاعدين يسعفونها ويحاولون يشيلونها من على الأرض
بكل حــذر علشان ماتتعور او تنكسر ريلها (( رجلها )) او رقبتها او ظهرها بالغلط ..
حطوها على السرير ودخلوها داخل سيارة الاسعاف وانطلقو باقصى سرعه الى المستشفى
وصلت السياره الى المستشفى وبسرعه دخلوها الى غرفة العمليات
ساعه .. ساعتين .. ثلاث ساعات
ليــن ماطلع الدكتور من الغرفه معلن انتهاء العمليه علشان يخبر
أهل البنـــت ..
لكــن انصدم مافيه أحد من أقربائها .. ألا واحد من رجال الشرطه علشان يحقق وياها
وقف الشرطي وتوجه للدكتور علشان يخبره بحالة البنت
الدكـتور : الحمدالله انجحت العمليه .. كان عندها نزيف في الراس بس الحمدالله
قدرنا نوقفه لـــكن للأسف دخلت في غيبوبه بسبب النزيف الحاد واهيا الآن تحت الملاحظه
الشرطي : الحمدالله انها نجت من الحادث بس متى انشاءالله تصحى من الغيبوبه
الدكتور : والله ما نقدر نقرر هذا بيد الله
الشرطي : والنعم بالله.. عيــل متى ماتصحى لازم تخبرونا علشان التحقيق
الدكتور : انشاءالله اكيد بنخبركم
.....
نرد اشوي حق بيت بو زياد ..
انصاعت ام زياد حق اوامر بو زياد (لان بوزياد ان عصب ما يتجابل ) ووقعت في الكتاب و بجذي صارت غزلان زوجة فهد بدون ما تدري
اما زياد فكان خايف على اخته و كلش ما قدر يحتج على قرار ابوه فكلما حاول يتكلم
يقاطعه بو زياد : زيااد لا تتدخل انا ادرى بمصلحة بنتي , و على بصوته بنبرة تهديد : و ليكووون احد يدري بالي صار سامع و انا الحين نازل و راح اتصرف بدون لا احد يحس بشي
نزلت ام زياد حق ضيوفها و كانت متنرفزة من نظرات ام فهد و بنتها ريم الي تطالع الناس بغرور بس ما همها و لبست قناع الفرح و اهيا نازلة لهم و اصواات اليـــباب تتعالى ( كللوووووووووش )
ام زياد : سامحوني طولت عليكم , و الف مبرووووووك يا وخيتي
ام فهد : لا عادي , الله يبارك في حياتج و تمت تيبب مع ام زياد
كملت : الا بسالج وينهي العروس ما جفناها لحين ؟
ام زياد بتوتر : و الله مادري شقولج بس البنت مستحية ..
ام فهد : يلا كلا واحد اهم شي انها وافقت و قاموا و باركوا لبعض
اماا في مجلس الرياييل وصلت اصوات اليباب عندهم
فهد تشقق من الوناسة و في هالحظة وصل بو زياد
بو زياد : سامحوني طولت عليكم , و الف الف مبروك
قام فهد و باس راس بو زياد : يبارك فيك عمي
و كل واحد تم يبارك حق الثاني
فهد : عمي ودي اجوف مرتي قبل لا اسافر بعد اذنك
بو زياد و اهوة منقهر من تصرف بنته : سامحني و الله ما عرف شقول لك بس البنت تعبانة شكلها ماخذة برد , انشاءالله لا رديت اتجوفها
فهد تحطم لان كان وده يجوفها بس عذرها : ما تشوف شر ان شاء الله و سلملي عليها
فهد : يلا بالاذن مع السلامة .
نهاية البارت
غزلان تتوقعون شنو سالفتها ؟؟؟
ومن الي دخلت في الغيبوبه ؟ وهل تتوقعون تقوم منها ؟؟
بو زياد هل بيلقى غزلان او لا ؟؟
وفهد هل بيعرف انه زوجته اختفت او لا ؟؟
ننتظر توقعاااتكم ياا حلوين
وان شاءلله يعجبكم البارت
.......
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البــــارت 2
عقب ماخلصة الملجه وودعو المعازيم طلعت عايلة بو فهد من فلة بو زياد متوجهين لبيتهم
وصلة عايلة بو فهد البيت او نقدر نقول قصرهم
ونزلو من السياره
ريم : جفتي يمه حتى ولا نزلت من فوق شلون جذي ولا جفناها زوجة اخوي
ولا اعرف شكلها شينه او حلوه اكييد شينه دامها مانزلت .. هذي من اولها جذي عيل ينعاف تاليها
ام فهد : اي والله اااه بس تفشلت المعازيم يسألوني وانا اقولهم مريضه
رنا : لاتضلمونها يمكن صج مريضه البنت ولا في بنت ليلة ملجتها ماتنزل وهم ماتجوف زوجها مايصير
ريم : سكتي انتي يالعاانس مسكينه والله انتي .. ماتعرفين هالسوالف هذي تبي اتبين
لنا من الحين انها قويه وماتبي كلمة احد تمشي عليها
فهد : سكرو السالفه خلااص انا طوفتها بمزاجي انها ماتطلع اليوم
لكن خلني ارد من السفر بوريها
كلمن سكت عقب فهد ولا حاولو يتكلمون عقبه لانه كلمته تمشي في البيت من عقب أبوهم
عايلة بو فهد
الاب سالم متوفي
الام جواهر لاهيا بالطلعات والمناسبات ومايهمونها عيالها ومغرووره جايفه نفسها
فهد مغروور 27 غني وعنده شركات ودايما يسافر برع وكلمته تمشي في البيت طويل ومملوح بشرته مايله للبياض اكثر
رنا 30 طيبه وحليوه دايما تنصحهم بس مايسمعون لها ودايما ريم تسميها العانس تشتغل في بنك حلوه جسمها حلوو مو متينه ولا ضعيفه شعرها صابغته جوكليت وقاصته قصة فكتوريا
ريم 18 تدرس في المدرسه توجيهي شيطانه ومغروره وماتحترم احد والي في بالها اتسويه جميييله بيضا وعيونها عسليه
شعرها لي نص ظهرها اشقر ناعم جسمها حلو
كل من راح على غرفته
رنا راحت تجهز بعض الاوراق المهمة للبنك قبل لا تنام , و فهد قرر يجهز شنطته لان ما بقى على سفرته شي .
اما ريم فاول ما دخلت غرفتها سكرت الباب و تمت تعتني باظافرها و تبردهم و سمعت رنة تلفونها
شوف الجبل واقف و لا هزته ريح ... شوف القمر عالي و لا يمكن يطيح ..> ريناد تتصل بك
ريناد : هلا و الله بالقاطعة
ريم : هلا فيج حياتي
و كملت : شسوي كنت مشغولة رحنا اليوم نملج حق اخوي فهد
ريناد (انصدمت) : افااااا ملجة اخوج اليوم و انا اخر من يعلم
ريم : شسوي و الله عذريني كلشي صار بسرعه بسرعة و اصلا بس لنا بروحنا عائلية لان اخوي بيسافر
ريناد (منقهرة حدهااااا بس ما بينت) : اهااا , عالعموم الف مبرووك
ريم : يبارك فيج
ريناد : الا شخبار العروس عسا بس مو جيكرة ( شينة )
ريم : وييي ما قتلج ست الحسن و الدلال تعبانة ما تقدر تنزل اتجوفنا اعصابها بس
ريناد (بحقد) : مالت عليها تتدلع مع ويها اكييد انها خايفة انها ما تعجبكم فتصدمكم بعدين
ريم : اي و الله انا فكرت بعد جذي بس شنسوي الشكوى لله , فهد ما خلانا نتكلم خلاها على راحتها
ريناد خافت دموعها تفضح مشاعرها فقررت تنهي المكالمة بسرعة : امممم ريم اكلمج بعدين عندي خط ثاني
ريم : اوكي سي يو
ريناد : باي
ريناد سكرت المكالمة و دموعها نزلت شلال على خدها و كل ساعه يكبر حقدها على ريم و انها لازم تنتقم منها
في هاللحظة .... فهد جهز كل شي و جاف الساعة الا كانت الساعة 10
فهد : ما بقى شي على الطيارة لازم ارووح بسرعه قبل لا تفوتني
طلع من غرفته و راح سلم على امه و خواته و عطى امه بطاقة بنك فيها مبلغ كبييير مهر حق غزلان و قالها تشتري هدايا لهم و توديهم لبيت بو زياد
.........
في بيت بو زياد
بو زياد مقوم البيت من عصبيته
ما بقى احد ما صرخ في ويهه ام زياد تعبت و طاحت عليهم
بنتها وحيدتها مو عارفين وينها صادها هبوط و انخفض السكر في دمها
اما زياد فراح يدورها بالشارع
و بو زياد يتصل في المستشفيات و مراكز الشرطة و كلهم يردوون عليه ان ما عندهم احد بهالاسم
خذا سماعة التلفون و رضخها بالطوفه و تكسرت قطعه قطعه
قعد على اقرب كرسي و يحاول يهدي عمره و يتصرف بالمصيبة الي طاحت على راسه
خالد (بو زياد) يكلم نفسه : ياربــــــــــي اشهالورطة الي بلشتينا فيها يا غزلان جذي تسوين فيني , اشوة انه الريال مسافر جان وين بودي ويهي منه
لاحظ الساعه جاف ان الوقت متاخر . عاد قام يرتاح و لي باجر يتصرف
اما زياد فتعب من الدوارة و اهوة و لا بلاقي اثر حق اخته و الدنيا ليل ما راح يستفيد بشي , فقرر يرد البيت و لي باجر يصير خير
...
الساعه 9:30 الصباح
صحى زياد على صوت رنة تلفونه > سيف يتصل بك
زياد و صوته كله نووم : اللوووووو
........... : عاش من سمع هالصوت , وينك يا القاطع ما تقول عندك رفيج تسال عنه
زياد : اووه هلا هلاا السموحه يا خوي و الله وايد انشغلت
...... : اشدعوه عاد تنشغل عني , قلت ما في الا اتصل فيه اجوفه
و كمل : بسكككك رقااد قووووم
زياد : سيفوووو مالي خلقك لا قمت اكلمك
سيف : اقولك قوووم يا اخي انت اشفيك اليوم كلش مو عاجبني
زياد : و الله شقولك صايرة مشاكل عندنا , اشرايك بعد نص ساعه نتقابل في كوفي شوب و اقولك كل شي
سيف : خلاص تم
سكر زياد الموبايل و قام يغسل ويهه و يصلي و يبدل حق يروح حق رفيج عمره
عند سيف
حط المبايل على الطاوله الي يمه وقام واهو يغني حق كاظم الساهر
احبيني بلا عقد وضيعي في خطوط يدي
احبيني لاسبوع لايام لساعات فلست انا الذي يهتم بالابد
احبيني احبيني
تعالي واسقطي مطرا على عطشى وصحراى
وذوبي في فمي كالشمع وانعني باجزائي
احبيني احبيني
احبيني بطهري او باخطائي
احبيني وغطيني ايا سقفا من الازهار ياغابات حناءي
انا رجلا بلا قدرا فكوني انتي لي قدري
احبيني احبيني
احبيني ولاتتسائلي كيف ولاتتلعثمي خجلا
ولاتتساقطي خوفا كوني البحر والمسناء كوني الارض والمنفى
كوني الصحوة والاعصار كوني اللين والعنف
احبيني احبيني
معذبتي وذوبي في الهواء مثلي كما شاءتي
احبيني بعيدا عن بلاد القهر والكبت
بعيدا عن مدينتنا الني شبعت من الموت
احبيني احبيني
يوم خلص قاال بصوت عالي احبــــــــــــــــهاااااااا يااناااس
وراح ياخذ له شور
من ورا الباب كان فيه شخص متطفل
وشيطان ومايمر يوم مايسوي فيه مقالب
مرت من يم غرفة اخوها وقبل لاتتعداها
سمعته واهو يغني تحب صوته فوقفت تسمعه لين ماخلص
خطرة عـــلى بالها خطـــه عجيـــــبه
جان تضحك ضحكتها الشيطانيـــه مواهاهاهاهاهاهاهاهاهاهاهاها
وانطلقت بسرعه اتييب الأدوات قبل لايطلع اخوها من داخل
راحت المطبخ بسررعه وخذت سطل وعبته ماي وبعدين خذت
الوان زيتيه وكبته معا الماي وخلطته وصار لون الماي احمر
خذت السطل والحبل وركضت على الدرج علشان توصل عند غرفة اخوها
خذت السطل وربطت فيه الحبل وحطته فوق الباب
وربطت باقي الخيط في مقبظ الباب بحيث لو فتح اخوها الباب ينسحب السطل
وبنكب عليه
راحت وقعدت على الكنبه الي جدام غرفته وخذت الكيمرا وفتحتها
وتمت تنطره يطلع
مرت 10 دقايق واهيا قاعده على احر من الجمر
ثواني والا ينفتح الباب ووووو فجأه
طططططططططططططططشششششششششش
شهـــــــــــق سيـــــف بقــــوووووه اااااااااااااااااااااه
واهيا تصوور ومستااانسه
والآن يخرج الاخ سيفوو من الغرفه وووو طططش مسكين هذا الفتى
انه يتلعووز بالمااي المولون ههههههههههاااي
روان : هههههههههههههههههههههههاااي هههههههههههههههه
سييفوه ههههههههههههههههه جووف شكلك هههههههههههههههههههه
سيف: واقف منصدم وفاتح يدينه ومسكر عيونه
فجاه صررخ باعلى صوته
روااااااااااااااانووو ياللللللللغبيييييه اووووريييييج
جااااااااان يروح لها واهيا تحط ريلها وتنحاااااش ركككض وتنزل تحت
واهو ورااها وينقط منه الماي وطبعا لونه احمر من الالوان
وتنزل من الدرج واهو وراه وعلى اخر عتبه من الدرج
حط سيف ريله جااان
يطيييييييييييح على الارض ويتزحلق بقوووووووه لين مايصدم في الباب طااااااااااااااخ
ورواان خلاص موو قادره من الضحك طاحت على الارض مو قادره تتنفس
هههههههههههههههههههههههااي سيفووه ههههههههههههههههههههههههههه مستحييل
واهيا اتصوره
جان يقوووم سيف ويشيلها من بيجامتها واهياا تصررخ والله تووووووبه مااعيدها يمممممممممه
سيف : كل يوم نفس الكلام ما ادري متى بتوبـــين
ويتوجه للحمام ((اكرمكم الله )) ويفلعها في البانيو
ويفتح ماي باااااااااااااااارد ويرشه عليها ويغرقها
قامت اتشاهق وهي تحت الماي وتصررخ
واهو يضحك تستااهلين
دخلت ام سيف الحمام وشهقققت
يمممه سيييف خل اختك عننك ذبحتها بتمرض
سيف : يمه خلها تتادب علشان مره ثانيه ماتسوي فيني جذي
ام سيف : انت الحين هدها خلها تروح ... وانتي ياروان ما ادري متى بتعقلين
جذي تسوين في اخوج مسبحته بهالالوان اعتذري منه
روان: انشاءالله .. السموحه اخر مره
سيف : خلاص بس روحي معني ادري مستحيل تكون اخر مره
طلع وراح غرفته مره ثانيه واخذ له شور وبدل وطلع
يروح حق رفيجه.
عايلة بو سيف
ابو سيف (( جاسم )) من اكبر التجار في البلد لكنه متواضع حيييييل وحنون ويحب عياله وزوجته
ام سيف (( عائشه)) حنونه وكشخه كله تتعدل وتحب عيالها وزوجها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك