رواية حبك رسمك في ناظري وين ما اروح -2
قامت اتشاهق وهي تحت الماي وتصررخ
واهو يضحك تستااهلين
دخلت ام سيف الحمام وشهقققت
يمممه سيييف خل اختك عننك ذبحتها بتمرض
سيف : يمه خلها تتادب علشان مره ثانيه ماتسوي فيني جذي
ام سيف : انت الحين هدها خلها تروح ... وانتي ياروان ما ادري متى بتعقلين
جذي تسوين في اخوج مسبحته بهالالوان اعتذري منه
روان: انشاءالله .. السموحه اخر مره
سيف : خلاص بس روحي معني ادري مستحيل تكون اخر مره
طلع وراح غرفته مره ثانيه واخذ له شور وبدل وطلع
يروح حق رفيجه.
عايلة بو سيف
ابو سيف (( جاسم )) من اكبر التجار في البلد لكنه متواضع حيييييل وحنون ويحب عياله وزوجته
ام سيف (( عائشه)) حنونه وكشخه كله تتعدل وتحب عيالها وزوجها
سيف رفييج زياد الروح بالروح 26 وسيــــم لابعد درسه حنطاوي عيونه عسليه ورموشه غليضه
طويــل وعريــض يشتغل ويا ابوه في الشركه واهو ذراعه اليمين
اخته روان 18 شيطانه وحلووه ودلوعه البيت ومايمر يوم ماتسوي فيه مقلب حتى الخدم مو سالمين منها تدرس اخر سنه في المدرسه واهيا في مدرسه خاصه جميله تاخذ من ملامح اخوها شوي عيونها عسليه وموكبار ولا صغار متوسطين بيضا شعرها لين كتوفها لونه بني وجسمها حلوو
أمينه : اختهم الكبيره عمرها 28 طيوبه وحلوه وتحب زوجها متزوجه عندها مريم عمرها 6 سنوات ملسووونه وتييننن حدها كيووت عندها خدوود ودكم تفرصونها تموت على خالها سيف وو سيف يحبهااا ومدلعهااا
زوجها حمد ولد عمها عمره 33 طيب وحبوب وحلو يحب زوجته
نــهاية البـــارت
اتمنى يعجبكم ^^
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مرحبا حبوبات معاكم "chocolita " و تفضلوو هاي البارت الثالث وصل ...
البارت 3
الساعة 4 الفجر
في هذا الوقت وصلت الطيارة المتوجهة الى باريس
نزل فهد من الطيارة و خلص الاجاراءت و كل شي و كاان الجو واايد بارد .. طلع من المطار وكان بانتظاره تاكسي لحسن الحظ مااضطر ان ينتظر بسبب الزحمه الي كانت بالمطار ..
في احد ارقى الاحياء الباريسيه الي تمتاز بطابعها التقليدي الراقي وقف التاكسي جدام الشقه الي راح يسكن فيها فهد
فتح الباب وتنهد بأرتياح بعد طول الرحله
الشقه عالستايل الامريكي اول ماتدخل في صاله عاليمين فيها شرفه تطل على منظر طبيعي رائع واذا مشينا لقدام شوي ندخل على غرفة النوم الي يطغى عليها اللون البني الراقي بتدرجاته ويتوسطها سرير شراشفه بلون الاوف وايت
قرر انه يكمل باقي الجوله بعدين وهو يفسخ جاكيته طاحت عينه عليه السوفا وبدون شعور رمى نفسه عليها بتعب
نرد للبحرين ...
الساعة 10 الصبح
سيف و اهوة بسيارته البورش (سبورت) كان مستطرب و مشغل له اغاني بالسيارة
رن تلفونه جاف المتصلة و فز قلبه الي ينبض باسمها >>> يا عيني على الحب ههههه
سيف وطى صووت المسجل و رد عليها
سيف : هلا و الله بنوارة حياتي
نورة : ههههه هلا فيك
سيف : شخبارهم الحلوين
نورة (احمرت خدودها ) : الحمدالله بخير و انت ؟
سيف : عسااه دووم يا رب . انا بخير دامج بخير
نورة : عسى بس مو مشغوول ؟
سيف : لا و الله عادي افضى لج يا الغالية , بس رايح حق رفيجي بتفطر معاه
نورة: يلاخلاص ما ازعجك لا خلصت كلمني حبيبي اوكي
سيف : اوكي حياتي , ما وصيج اعتني بنفسج
نورة انشاءالله و انت بعد .. يلا مع السلامة
سيف : الله يسلمج
و بنفس الوقت زياد وصل للكوفي شوب بسيارته اللكزس (سبورت)
و نزل و قعد على اقرب طاولة تعب من التفكير و المشاكل الي تطيح على راسه
و تزيد اهمومه و اهوة يتذكر اخته الي شردت وولا يدري وينها
وصل سيف و نزل من سيارته بكشخته المعتادة و عيون البنات تلاحقه من وسامته
شاف رفيج عمره و اخوه و راح له شافه سرحان و باين عليه انه مهموم
سيف : اشفيه الحلو سرحان
زياد : هلا و الله هلا بسيف هههه شسوي من الي فيني .. حياك بس
سيف : افااا و انا اخوك كلمني و قولي شفيك و انشاءالله راح ترتاح و انا ما راح اقصر عليك بشي و راح اساعدك
زياد : لا المشكلة مو مشكلة فلووس يا زياد المشكلة اهيا .....
سيف : قوول يا يا زياد لا تخبي بقلبك
زياد : اختي , اختي يا سيف
سيف : ليش اشفيها ؟؟؟!!
زياد ( متكدر واايد ) : و الله شاقول لك , امس المفروض تكون ملجتها يوم رحنا نبيها توقع فجأه مالقينا احد بالغرفه و ............................
( و كمل له السالفة كلها )
نروح شوي لبيت نورة
سكرت التلفون من حبيبها سيف و اهية تتنهد بكل حب >> اااااه يا سيف متى اتخرج من الجامعه و تخطبني
قطعت عليهااا اختها احلامها الوردية <<< خخخخخخ
نور : يااا عيني توامتي بشنو سرحانه ليكون فيني ههههه
نورة :هاا !! لا سرحانه ولا شي بس ما علينا اشفيج
نور : بدال قعدتج قلت اناديج اتيين نتريق (نتفطر) مع امي قبل لا انروح الجامعه , كفاية انها كلا بحالها ما عندها ونيس بالبيت و احنا لاهين مع الجامعه
نورة : اوكي يلا نقووم كلشي و لا ست الحبايب عاد
نور : ههههه يلا عيل قمناا
نزلوو التوام نور و نورة حق امهم في الصالة جافوها قاعده و تجهز الفطور
نورة : يماا افا تشتغلين و احنا بناتج موجودين
نور : اي يما صح الي قالته نورة
ام نورة : الله لا يحرمني منكم بس ما حبيت ازعجكم و اتعبكم حق تتجهزون حق الجامعه على راحتكم
نور : افاا يالغالية تعبج راحة
نورة : يبي الصحون عنج و انتي استريحي نازلين نفطر معاج يلا اشتبين احطلج ؟
في هالحظةو اهما يفطرون اتصلت ام ناصر
شالته نور : الوو
ام ناصر : هلا نور شخبارج ؟
نور : هلا خالتي , بخير الحمدالله
ام ناصر : الوالدة موجوده ؟
نور : اي موجوده لحظة اناديها
ام نورة : السلام عليكم
ام ناصر : و عليكم السلام شخبارج اختي ؟
ام نورة : كلنا بخير انتي شخبارج و شخبار اخوي و ينه لا يجي يسال و لا شي ؟
ان ناصر : و الله كلنا بخير .. من جذي انا اتصلت فيج اجوفج اذا ما عندج شي نمر عليج بعد صلاة المغرب
ام نورة : حياكم الله باي وقت البيت بيتكم
ام ناصر :عيل يلا ماطول عليج اجوفج بعدين ... مع السلامة
ام نورة: الله يسلمج
عايلة ام نوره الاب متوفي
أم ماجد (( ساره )) أخت ام سيف طيوبه وماعليها من احد وتحب بناتها وايد
التوأم
نوره و نور : عمرهم 20 بس نوره اكبر من نور بدقيقتين ونوره فيها حبة خال على خدودها اما نور مافيها
ونوره شعرها لين جتوفها ونور قصير قاصته فكتوريا وبجذي يقدرون يفرقون بينهم
اما الملامح بالضبط نفس الشي نسخه من بعض حلوات وطولهم متوسط وبشرتهم بيضا
في مدرسة الـ... الخاصه الساعة 1:00 ظهرا
عند روان قاعده في اخر الكلاس بروحها مايمها احد
صفها كله شباب والبنات الي فيه ماترتاح لهم
ولايعه جبدها من الشباب الي قاعدين وعيونهم عليها ولا ماعطين الاستاذ اي اهميه
واهيا ولا هامها سرحانه تفكر في مخططاتها الي بتسويها لو ردت البيت
فجــــأه !
صرخ الاستاذ
روااااااااااااااااااان
الحوار بالانجليزي بس بترجمه بالعربي :P
روان بكل برود : نعــــم
الاستاذ : جاوبي على هالسؤال بسرعه
توهقة روان شلون بتجاوب واهيا ولاتدري بشي
ضلت ساكته وتطالعه
الاستاذ : لين متى ياروان بتضلين اتفكرين في الاجابه
بسررررررعه جاوبي ولا ترى ناقصه 5 درجات
رواان متوهقه وهقه موو طبيعيه لازم ماتنقص هالخمس درجات بينزل مجموعها
فجــــاه!!
طق .. طق.. طق,.. صوت الباب يطق << هع
دخلت المشرفه عندها اوراق
استاذنت من الاستاذ علشان اتكلمهم دقيقه
وروان دوروها من الفرحه افتكت من الجواب على السؤال
وكان خاطرها تروح تبووس هالمشرفه الي انقذتها
المشرفه : مرحبا يا طلابنا الاعزاء
قررنا انه انوديكم رحله الى مزرعة تفاح في جزر حوار .. وترى مابتروحون تلعبون
لازم تكتبون تقرير عن المزرعه
وهذي الاوراق الحين بنوزعها عليكم علشان موافقة ولي الامر عليها ولازم
نستلمها باجر ضرووري وطلعت من الصف
تعالت صرخات الطلاب مستاانسين انهم بيطلعون من المدرسه
لاعت جبدهم من الروتين اليومي كل يوم دراسه
اما روان فماعجبها كلام المشرفه
وقالت في خاطرها : ماااالت بس قال مابتلعبون قال .. والله لا اطلع لهم قرون هناك
وعلى التقرير اييب لها تفاحه من المزرعه واسكتها هههههههاي صج ماعندها سالفه .
دقايق وطقق الجررس معلن انتهاء اليوم الدراسي
ماعرفت شلون تاخذ شنطتها وتفلت الكتب فيها
تبي تطلع بسررعه وتروح البيت حدها تعبانه
النوم مسيطر عليها جدا جدا
ماحست الا واحد معترض طريقها
.... : هااااي روان بتروحين الرحله عقب باجر ولا ؟
روان متفاجأه خصوصاً انها مو متعوده تكلم الشباب ماردت عليه
... : يلا عااد بتروحين او لااا ترى وجودج مهم يااحلوه ^_*
روان ماقدرت تتحمل التفتت عليه وبعصبيه: صــــــــج انك قلييل ادب مالك شغل اروح ولا مااروح !!
...: جاوبي على سؤالي
روان : ابعد عن طريجي احسن لك
دزته وراحت برع المدرسه تدور السواق وين واقف
جافته وراحت تركب السياره
روان : هييييي انت رااجووو بسرررعه حرك رووح البيت
راجو : انشاءلله مدام
روان : مداااام في عييينك قول مــس
راجو : اوكي
ولا سوى لها سالفه خخخخ
وصلت البيت ورمت شنطتها في الصاله وعلى طوول ركبت فوق تبي توصل غرفتها
بأي طريقه مو قادره تجوف الطريج من النوم
صادفتها امها
ام سيف : هلا حبيبتي شخبارح
روان : بخيير الحمدالله << واهيا شوي وتصيح من التعب
ام سيف : يالله ورحي بدلي ثيابج وتعالي بنجب الغدا
روان : لااا يمااا ما ابي غداا بنام حدي تعبانه لو قمت اكلت
ام سيف : براحتج حبيبتي .
نـــهاية البـــارت
يلا حبايبي توقعاتكم في البارت القادم ؟؟!!!
فهد و سفرته في فرنسا ؟ هل راح يكتشف سر هالزواج ؟
و شخبار البنت الي في المستشفى ؟ تتوقعون في تطور في حالتها ؟
روان و الرحلة في جزر حوار ؟
نورة شاخرة قصة حبها مع سيف ؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مرحـــــبا يــا حلوين وهذا البارت الرابع وصـــل
البارت 4
نروح لمكان من زمان عنه ..
في المستشفى في قسم العناية المركزة كانت الممرضة
تلقي نظره على فحوصات المريضة الي صار لها اسبوع نايمه على هالسرير
فجأه حست بحركه خفيفه من الجسم المستلقي بضعف
قربت اكثر تبي تتأكد ..
المريضه رجعت رفعت يدها كأنها تقاتل الضعف الي فيها
بعد ماشافت الممرضه هالاشاره ركضت بسرعه تنادي
الدكتور الي كان بالغرفه الي جنبهم يفحص مريض ثاني
وصل الدكتور
البنت رجعت غمضت عيونها بعد الجهد الي خذته الحركه منها
بعد مافحصها الدكتور رفع راسه بأبتسامه : المريضه قامت من الغيبوبه
الممرضه: الحمدلله >>كان يبين على الممرضه الخوف خصوصاً انها جديده بهالمجال
الدكتور: خلاص خليها ترتاح وراقبيها كل فتره
بعد كم ساعه فتحت عيونها ببطء ورجعت غمضتها
بسبب الضوء القوي الي دخل بعينها الي ماشافت النور لأيام ..
رجعت فتحتها تبي تشوف المكان الي اهيا فيه
جاها صوت الممرضه الي دخلت من شوي : صباح الخير
:صباح النور ... كانت بتنطقها بس حست كأنها مشلوله خصوصاً ان الماي والاكل مادخل جسمها وغذاءها الوحيد كان عبر المغذي
الممرضه حست فيها : عطشانه؟
هزت راسها بضعف
الممرضه بتعاطف: الدكتور مانع تاخذين اي شي بهالوقت بس تقدرين تبللين فمك بالثلج
.. ثواني بس
لفت راسها بعد ماطلعت الممرضه : ليش انا هني .. شاللي صار لي
قطع سرحانها الممرضه داخله وبيدها كوب فيه ثلج
مررت الثلج على شفايفها بس عشان تبللهم
بعد ماخلصت حملت الممرضه الكاس وقالت لها بأبتسامه: الدكتور راح يجي بعد شوي عشان يفحصج
:لحظه .. قالتها بضعف
وحاولت تصيغ جمله: انا ليش ... وسكتت شوي : ليش موجوده هني
الممرضه بتوتر : كل الي اعرفه انج تعرضتي لحادث
والي صدمج هرب وماقدرو يوصلون له للحين
حطت يدها على راسها بخوف وهي تحس بأحساس غريب
كأنها مو قادره تستوعب شي ...
*
*
نروح حق بيت بو زياد ...
بو زياد دش البيت بصراخه : الله لا يبارك في بنتج انشاءالله
انا وين اودي ويهي و ما بقى مكان ما دورتها فيه مالها اثر اختفت
ام زياد و حالتها حالة بس طول اليوم تفكر و تصيح : الله يردها بالسلامة اهىء اهىء اهىء
بو زياد : اخخخخخ بس لو اصيدها راح تجوف شي عمرها ما جافته
ام زياد ............ ساكته ما حبت تزيد المشكله و دموعها تنزل
نزل زياد من الدرج و شاف الوضع مكهرب
زياد : السلام عليكم
ابو زياد و ام زياد : و عليكم السلام
زياد : ها يبا بشر اشصار ؟؟ عسى بس في اخبار تبرد القلب؟
ابو زياد : لا و الله انا من الصبح ما بقى مكان ما رحته ما لقيتها
زياد : خلااص يبا انت ارتاح و انا اجوفها
ابو زياد : وين ارتاح و انا مادري وينها فيه !!
اشوة الي الرجال مسافر جان مادري شبسوي
زياد : لا يبا ارتاح انا الحين رايح ابدل و ادور عليها بالمستشفيات
ابو زياد : الله يوفقك يا ولدي و بشرني اذا لقيت شي
زياد : ان شاء الله بالاذن
راح زياد فوق غرفته و غير ملابسه و طلع
توجه للمستشفيات واحد واحد و كل مستشفى يدش فيه
يسالهم عندكم مريضة اسمها غزلان خالد ال ....
و كلهم يردون عليه ب لا و اهو يطلع و يروح مستشفى غيره حتى صار العصر
و اهو داخل و طالع من كل مستشفيات البحرين
حتى وصل لآخر مستشفى وقف السيارة في المواقف و نزل
من السيارة وووووووو فجـــــأه !!!! ...............
*
*
تــــابع
*
في بيت بو فهد
كانت ريم تسولف مع رفيجتها ريناد على المسن ..
ريناد : انزين ها شقلتي ؟؟؟
ريم : بخصوص شنو !!!
ريناد : عن الطلعة . و الله وناسة بنقعد في كوفي بعدين بندخل السينما وعقب بنتعشى
ريم : امممم ، انزين انتي متى قلتي ؟؟
ريناد: يوم الخميس ، يلا عاد وافقي ترى تمللنا من قعدة البيت
ريم : اسفة و الله بس ما اكد لج بس بجوف امي اذا رضت اوكي ؟
ريناد : اووه ريووم يلا عاااد و الله ابيج تروحين معاي
ريم : اوكي اوكي بجووف قلت
ريناد (ضحكة بخبث ) انا ارويج : ايوة جذي تعجبيني
ريم : هههههههه قلنا بنجوف انتي تدرين لو امي عندها شي نو واي تخليني اروح
ريناد : اهااا يلا ما علينا حاولي
ريم : اوكي يا عسل
طق طق طق >>> رنا تطق باب غرفة ريم
ريم : تفضل
رنا و تطل من فتحه الباب : هلا ريومة يصير ادخل !!
ريم : اكييد
رنا ( ابتسمت ) لان تدري ان اختها من داخلها قلبها طيب
ريم : اشفيج ؟
رنا : ولا شي بس البيت مافيه احد و كنت حدي متملله قلت ايي اقعد معاج
ريم حز بخاطرها ان اختها دايم تتقرب منها اما اهية دايم تكسر بخاطرها
ريم : اكييد حياج اتيين باي وقت ..... و كتبت حق ريناد برب
ريم : قولي لي شخبار الشغل معاج ؟
رنا : و الله ما فيه شي مثل كل يوم و انتي اخبار المدرسة ؟
ريم : لا جديد بس ريناد صديقتي توها اتقولي ان تبي تروح المول وتبيني اروح وياها
رنا : ريم ريناد هاذي الي اخر مرة يات بيتنا صح ؟؟ الي قلتي توج متعرفة عليها ذي السنة و الا انا غلطانة ؟
ريم : اي اي هاذي ريناد
رنا : انا اختج و احبج و اخاف على مصلحتج بس ذي ريناد بلييز تركيها عنج كلش ما ارتحت لها !!!
ريم و معصبه حدها من كلام اختها : اقووول لا تسوين لي فيها مصلحة اجتماعية فكينا من نصايحج انا غلطانه الي مجابلتج عندج شي عدل قوليه ما عندج جوفي الباب انجلعييي !!!!!!!
رنا و اهيا طالعه من الغرفة : الله يهديج بس
ريم ردت فتحت المسن
ريم : باك
ريناد ولكم باك
ريم : ريناد انا مضطرة اسكر احين اكلمج وقت ثاني
ريناد اوكي و لا يهمج باي
ريم : باي
____________________________
خلونا شوي نروح بعيد عن اجواء المملكه لباريس حيث كان بطلنا فهد
في احد الشركات الفخمه الي كان يتعامل وياها فهد
وقع على الصفقه الي كان حاظر علشانها وسلم عليهم
وطلع من الشركه متوجه حق مكتب السفريات يحجز له
رحله للبحرين
بس للأسف مالقى حجز الا حق بكره
طلع من المكتب متوجه لكوفي شوب يقعد فيه
فهــد بعصبيه : والله مب وقته مافيه حجز
وانا الي قدمت موعد الصفقه علشان ارد البحرين بسرعه
واجوف الي ملكت قلبي وعقلي
بس معليه ياغزلان انا وراج والزمن طوييل عيل ماتبين تجوفيني يوم الملجه
ياايـــج وباراويج منهو فهد الي تعاندينه
_________________
دخل الدكتور على مريضتنا الي كانت سرحانه بعمق
الدكتور:السلام عليكم
...:وعليكم السلام
د.:شخبارج الحين ان شاء الله احسن
ردت وهي تحس بعافيتها بدت ترجع لها خصوصاً بعد ما سمح لها الدكتور بالاكل : الحمدلله ..
الدكتور: الحين نقدر نتكلم شوي .. وبعد مااكلمج في شخص من الشرطه حاب يسألج كم سؤال بخصوص حالتج بس
وكمل بأبتسامه عشان يهديها: تقدرين تقولين لي اسمج
هذا السؤال الي كانت تحاول تجاوب نفسها عليه : م ... مادري
تفاجأ الدكتور: كيف .. في احد مايعرف اسمه
فجأه بدت تبجي بهستيريه: قلت لك ماعرف اسمي ماعـــــــــــــرف من انـــــا ولا شي
عن روحي ولا شييييييي ولا شييييييييييييييييي
بدت تضرب بيدها على السرير بقوه وهي تبجي : ليش يصيدني جذي
احس كأني عمـــيا توها تفتح وتشوف الظلمه حولها انا شفيييينيي
الدكتور بدى يحس بقلق على حالتها مافكر انها ممكن ......
د. :سستر بــــــسرعه عطيها ابره مهدئه
طلع برع الغرفه حيث الشرطي كان ينتظر
عدل وقفته : بشر دكتور نقدر نباشر بالتحقيق
الدكتور نزل راسه : للأسف ماراح يفيد ..
استغرب الشرطي
د. : كنت حاط احتمال ضئيل على هالشي بس ... المريضه فاقده الذاكره
الساعة 6 المغرب في بيت بو سيف
صحت روان من النوم بالغصب ودخلت الحمام (( اكرمكم الله )) تتوضى
علشان تصلي المغرب .
خلصت ونزلت من على الدرج واهيا تفرك عيونها
لقت امها واخوها سيف قاعدين في الصاله يجوفون برنامج ديني
فلتت روحها على الكرسي بقوه وقالت لهم : صبااح الخير << عبالها الصبح مسكينه خخخخ
سيــف باستنكار : صباح الخير .. ترى الحين المغرب اي صباح ويا ويهج
ام سيف : بسم الله على بنتي ينت , أي صباح يمه
روان : بسم الله الرحمن الرحيم كليتوني هئ ترى توني قايمه من النوم وعقلي مو ويااي
فماركزت
سيف : ههههههههه وانتي متى ركزتي او مخج كان ويااج كله مفهيه ولا تدرين شالسالفه
روان : سيييفوووووه اسكت عني احسن لك لاتخلي شياطيني تطلع ترى تعرفني عدل
سيف : يييمه ييييمه بس خفت رووحي زين لااعطيج بووكس اطير ويهج
روان : الله يرحمك ياسلوم بو تيله ويينك تجوف شصار فيني من بعدك
سيف : ههههههههههههههههههههه الحين شدخل سلوم بوتيله
روان : اسكت اسكت مالك دخل
ام سيف معصبه : ببببببببس عااااااااد خلاص انتو ماتتجابلون وتتكلمون مثل الناس كله هوااش
روان + سيف : اسفيييين يمه عااد كلش ولا الغاليه .. وقامو يغنون .. ســـت الحبااايب يااااحبــيـــبه << هع
وراحو يبوسون راسها
قعدو شوي وهم ساكتين .. فجأه !! صرررخت روااان
روان : يييييييييييييييييييييمه والله اني احبج واغليج وانتي احلى وحده في الدنيا وممممحد يسواج
وقاامت اتغني وترقص .. امي ياا اول حب عشته بدنيااي
ام سيف وهي تضحك : روااااااان بسس شفييج شتبين ادري وراج شي
روان : فاااهمتني فاهمتني يايمه .. وراحت قعدت على الارض جدامها وتربعت
الله يسلمج ياست الحبايب انتي يعني تدرين امم انه المدرسه دايما يودونا رحلات
ويعني اليوم عطتنا المشرفه ورقة رحله حق جزر حوار ويعني تدرين بيودونا مزرعة
تفااح هناك علشان التقرير الي بنسويه
يعني الله يخليج واااااافقي
سيـــــف : نعم نعم لا والله حلفي بس .. تدرين انه مدرستكم خلط وثانيا بتروحون جزر حوار يعني
بعيده عن الديره لازم تطلعون بالسفينه
روان : يييمه جوووفيه
ام سيف : والله الي يقوله اخوج اهو الصح
روان : سف سف حبيبي تدري لازم اسوي التقرير ومايصير اسويه الا لو رحت هناك
سيف : اولا خربتي اسمي شنو سف سف هااا
وثانيا قلت لا
روان : بليييييييييييييز يالله عاااد لاتصير جذي والله ترى طالعين رحله تعليميه حق نسوي
تقرير مو لعبه
سيف ساكت ومعصب
روان : سيوفي يالله واافق
سيف : افكككككر << ويسوي حركات في وجهه علشان ينرفزها
روان : جووف النذل يالله عاااد
سييف : نذل هاااا جوفي من بيوقع على الورقه
روان : لا والله السموحه يا خوي بس والله بالغلط طلعت الكلمه
وهذا راسك وبسناه
سيف : اووف بعدي عندي ياللزقه خلاص روو....
وقبل مايخلص سيف كلامه ماااجااافو الا غبااارها واهيا ترركض فووق تيب الورقه
قبل لا يهون اخوها
سيف : يالخبله لاتطيحين شوي شوي <<< هع
ام سيف : الله يهديها بس ما ادري متى بتعقل
سيف : ما اضن بتعقل خخخخ
شوي والا يطق الجرس متواصل ورى بعض
طييييييييينق طووووونط طيييييييييييييييييييينق طوووووووووونق << صوت الجرس هيهيهيهي
ام سيف : بسم الله الرحمن الرحيم من الي يطق الجرس جذي
سيف : ما ادري بروح اجوف الله يستر بس
انزييين صبروو شوي دقيييقه بفتح البااااب
فتح الباااب وووو جاااااااااااااااف
بنت اخته واخته وزوجها ...
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك