رواية كثر ما قلتلك اكرهك كثر ما انا اهواك -22

رواية كثر ما قلتلك اكرهك كثر ما انا اهواك - غرام

رواية كثر ما قلتلك اكرهك كثر ما انا اهواك -22

استفحل مني الخبيييييث .. ركبت سيارتي .. درت بـ المفتاح و مشيت عـ البيت ..

يالله عسى تأخر منيتي لين أشووووووفه ....!

**************************************

.. (( السعـ السـ 8:20 الليل ـاعة ـودية )) ..

نهى : الو .. فطططوم ..

فاطمة : ايه هلا نونه ..

نهى : فاطمة .. تعالي ولد خالتك المجنون شفته قبل كم يوم ..

فاطمة : ميييين تركي ؟!!

نهى : ايه ما غيره كنت أشتري من الباسكن و يوم طلعت ناداني واحد مو باسمي طبعا .. المهم كان هو و رفيقه ..

فاطمة : عسى ما عرفك ..؟

نهى : لا طبعا ما عرفني و لا شي ..

فاطمة : أشـوى بس هو سافر قبل أمس لـ الامارات ..

نهى : عشان ملكة المدام هااااه ..

فاطمة : ايه .. أحسن ملكت و ارتحت منها أول كنت خايفة يتزوجها ..

نهى : الحمد لله .. عموما هالحين دورك .. كلميه بالتلفون و اعترفي له انك تحبينه ..

فاطمة : بس والله خايفة و مترددة ..

نهى : خليك أجل على خوفك لين يتزوج غيرك ..

فاطمة : اوكي أحاول بس خليه لما يرد و لاّ أحسن و هو هناك ..؟

نهى : ايه أحسن لك كلميه و هو هناك ..

فاطمة : اوكي .. أكلمه اليوم شرأيك هو له يوم هناك و أظن ان ملكة ريمان بكره ..

نهى : خلاص أجل كلميه و لا أوصيك تدلعي ..

فاطمة : هههههه زين يالله أتركك الحين بايو حبي ..

نهى : بايو ..

**************************************

.. (( أبـوو ظـ السـ 2:20 الليل ـاعة ـبي )) ..

كنت جالس أتقلب بسريري .. بكره ملكتها يعني خلاص حلال عليه .. بموت يا عالم الأفكار تآخذني و توديني

يمين و يسار .. رن جوالي استغربت من اللي يتصل في ها الوقت رفعته شفت الرقم غريب .. رديت ..

تركي : ألــووووو ..

.. : تركي ..

جيت بقفل منيب رايق / بس قبل لا أقفل ..

.. : تركي أنا فاطمة ..

تركي : اشلون ؟

فاطمة : بنت خالتك ..

فزيت على سريري جالس ..

تركي : خير عسى ما شر خالتي فيها شي ..؟

فاطمة : لا بس كنت أبي أقول لك شي ..

تركي : وشهو ..

فاطمة : أنا .. أنا من زمان حاولت أبين لك بس انت ما كنت تشوف الا ريمان ..

تركي : شدخلها ريمان هالحين ..

فاطمة : قصدي أنا احبك و كنت أبين لك بس انت ما كنت تشوف غير ريمان ..

تنهدت فاطمه مهما سوّيت مب راضيه تفهم اني اشوفها كأخت و بس ..

تركي : فاطمه تدرين وراي سهره بكرا و أحتاج انام ..

ما حبيت اجرحها عشان كذه قلت ها الكلام ..

فاطمة : أقول لك أنا أحبك تقول لي عـندك سهره و لا بعد سهره ميين .. شفها اللّي شويّ و تحب ثراها

بتآخذ غيرك و لا درت عنك و عن اراضيك ..

حسّيت بعصبيّه من دخّلت ريمان و بحده همست ..

تركي : لا تجيبين طاريها على لسانك فاهمه .. و أذا ما تفهمين أنا باقولها لك

أنتي بالنسبه لي بنت خاله و بس ..

فاطمة : بس أنا أحبك ..

تنهّدت و مسحت وجهي قبل لا أهمس ..

تركي : فطيم أنـا ما أقدر مستحيل أحب أحد غير الريم و انتي تعرفين هالشيء ..

فاطمه : تبي تقنعني أنك ما راح تتزوّج و تعيش كذاا ..

تركي : أنا ما قلت اني ما راح اتزوّج بس إذا تزوّجت ما بأخذك فاطمه ..

قفلت على وجهي أحسن مع السلامة بعد / مسكت جوالي و اتصلت على إلياس ..

بس قبل لا أضغط آخر رقم غيرت رأيي .. أكيد نايم و أنا خلاص بجيه بكره ..

رميت الجوال فوق الطاولة و انقلبت على اليمين و غطيت وجهي و أنا أحاول أنام ..

*********************************

نهآيةة البارت السابع و العشرين ..

ان شاء الله عجبكم ..

و توقعاتكم للملكة /

- لتركي ,

- لألياس ,

- لريمان و هيثم ,

- خليفه و جمون ..

آلبآرت الثآمن و العشرين ..

طوييل شوّيتين و أتوقع يقطّع قلوبكم ..

*********************************

(( يـ الملكة ـوم )) ..

من يصدق ان اليوم ملكتي على هيثم .. يا ويلي مرة متوترة و خلاص هالحين وقعت معي جمّون

و شاهه بنت خالي و شوي بندخل و نجلس في أماكننا بس اللي مخوفني .. ان تركي بيكون موجود ..

ام متعب : يالله يا شاهه انت أول وحدة .. بتنزفين عقبج الريم و عقبها جمانه ..

قامت شاهه و انزفت هي و فارس و جلسوا في مكانهم و أنا عقبهم .. لما حطيت يدي في يد هيثم ..

توترت كنت فرحانة صدق لكن بعدني متوترة .. ناظرته بعد عناء .. شفته مبتسم و يناظرني ..

هيثم : ما راح تقولينها الحين ..

استغربت شيقصد ..

ريمان : ايش ..

هيثم : أنا بـ مره قلت لج اني احبج .. أنا الحين أبـا أسمعها منج .. قوليها ليش متلومة تراني ريلج ..

و هم ادري انج تحبيني ..

ريمان باحراج : هيثم خلاص عاد ..

ضحك و مشينا و جلسنا و بعدنا جمّون و خالي خليفة و فارس عقب قاموا يباركون لنا ..

ثم بدوا متعب و جاسم و ماجد و محمد يدقون الطبل و حميد أخو فارس يعرف للعود

فصار يعزف و بعد يغني و ياه نواف و نايف .. و بندر و سلمان و راكان يصفقون معهم هزاع و ضاحي أولاد أخوالي ..

درت بعيني بالمجلس ..

و جات عيني على تركي كان يضحك و هو يسولف مع بندر .. كان الكل يسولف .. شلت عيني لهيثم يوم تكلم ..

هيثم : هااااه .. ما ودج تقولينها ..

ريمان : كل شي بوقته حلو .. ليش مستعجل عليها ..

ضحك و جذبتني ضحكته فديته ...

هيثم بهمس : انطري لين نكون لحالنا وقتها و هذا ويهي ان ما خليتج تقولينها ..

نزلت عيني بارتباك .. يا ويلي .. هذا بيموتني من الحيا ..

****************************

ضاحي : قسم بالله أحس رأسي يدور ..

تركي : ههههههههههههههههه محد ضربك على يدك و قال لك قم أرقص و ولول ..

ضاحي : هههههههههه لا عاد لزوم الكشخة .. جدام الشيخات ..

تركي : ههههههههههههههههههههههههههههه منت صاحي ..

هزاع : لا الله هداك هاي ضاحي هب صاحي ..

تركي : ههههههههههههههههههههههههههه زيــن زين ..

ردوا يصفقون و يرقصون و يولولون و هم جالسين في مكانهم .. جد انهم رجه و يردون الروح

مو مثل فارس و هيثم يسدون النفس .. ناظرت هيثم و ريمان .. واضح عليها مستانسه ضغطت على جوالي بـ عصبية ..

و لفيت أناظر ماجد يوم تكلم ..

ماجد : شباب ترى حميد بيغني هب السعد .. قوموا ارقصوا ..

نايف : أنا أقوم بس بشرط معي واحد ..

نواف : خذ تركي يعرف يرقص و بـ العصا و السيف بعد ..

ضاحي : لاااا صج .. عيل ليش يالس نش ورينا رقصك و ولولتك ..

تركي : لا ما فيني على الهبال ..

و الله لو يطيرون ما أرقص في ملكتها .. كافي اني أحاول امسك روحي ..

خالد : قم يا تركي ارقص .. لو مرة وحدة .. يالله عاد ..

ناظرت خالد بنظرة و هو ابتسم ببراءة ..

حميد : يالله تركي و نايف نشوا .. خلوني أبدأ ..

قام نايف و جاه لي وسحبني و أنا ما لقيت حل غير أني أرقص في ملكة حبي ..

************************************

انصدمت يوم شفت تركي يرقص جنب نايف و نايف همس له بشي .. و هو ضحك و دفه بكتفه ..

ما جاه على بالي أبداً انه بيقوم يرقص .. جلست اناظره لين انتبهت لكلام هيثم ..

هيثم : ولد عمك هاي غريب يوم كنت عندكم في ملجة بندر .. جان شوي و يذبحني ما ادري ليش ..

ابتسمت يا روحي أنا لو تدري بس .. خلك جاهل أحسن .. رديت عيني لتركي يوم ولول هو و نايف يوم خلصت

الأغنية عقب ابتسم .. و رد لمكانه و هو يضبط شماغه .. و الله ما توقعت ان تركي يعرف يرقص ..

هو الأحسن من بين كل اللي قاموا رقصوا و بعد ولولته خبال لما جلس ناظر بندر و ابتسم ..

عقب مال برأسه و رفع عينه لي .. حسيت بعيونه كلام / كلام كثيرررر ..

شلت عيني على هيثم و طنشته و طنشت كل الكلام اللي كان يدور بعيونه .. سمعت حمده بنت خالتي تكلم

ظبية أختها .. هم توأم ثنينهم .. و عمرهم 17 سنه ..

حمده : ياي والله انه ينان ..

ظبية : منو .. كلهم ييننون ..

حمده : ذاك .. اللي كندورته سوداء ..

كانوا يقصدون تركي .. ابتسمت و الله و صار لك معجبين بس لو يدرون عنك كان ما ناظروا فيك ..

ريمان : هييييييي انت معها عيب عليكم .. توكم صغار ..

حمده : ههههههههههههههه يووووه سمعت رمستنا العروسة الله يعين ..

ضحكت و لفيت على هيثم و مر الوقت .. عقب راحوا يتعشون و أنا رحت للغرفة عشان ابدل الجلابية لأن هالحين

بنقعد أنا و هيثم لوحدنا و بتعشى معه بعد .. رحت لبست .. فستان لونه أحمر و كات بدون اكمام و لحد الركبة ..

و ضيق .. و لبست الكعب الأسود و شعري خليته وراي .. و كنت مسوية ظل أسود مع روج أحمر لامع

رحت له معي بندر و لما وصلت ابتسم و حب رأسي و بارك لي و مشي .. أخذت نفس الله يعينني الحين و الله منحرجه

و هو حلف ما يتركني .. دخلت شفته واقف و يلعب بالتحف اللي فوق الطاولة ..

و لف علي يوم دخلت .. ابتسم و ناظرني من فوق لتحت .. عقب قرب مني و حب جبهتي حسيت ان قلبي انتفض ..

هيثم : ألف مبروك و ان شاء الله أروم أسعدج ..

ريمان : و أنا بعد ..

هيثم : و الحيــن .. بترمسين بالطيب ولاّ بالغصب ..

ريمان : وشو بالغصب .. وشو بتسوي يعني ..

هيثم : امممم لا تختبريني يا عمري .. أنا أسوي اللي أقوله ..

و ناظرني بنظرة .. موتتني من الحيا ..

ريمان : لا تناظرني كذا ..

هيثم : هههههههههههه آنزين رمّسي ..

ريمان : تهديد هو ؟!

هيثم : هههههههههه هيه يا الله ارمسي ..

ضحكت باحراج و بالقوه همست و عيوني على يدّي ألعب بأسوارها ..

ريمان : اوكي خلاص .. أنا .. أ .. أحبك ..

ابتسم و سحبني أجلس معه . .

*************************************

.. (( إليااااس )) ..

نزلت بسرعه من غرفتي و أنا ألبس الكاب أبي ألحق تركي ... أكييييد وصل هالحين و أنا أخذني النوووم ..

و أنا دااااخل الصاله شفت أمي و أبوي جالسييين و معهم يوسف و سما ..

(( سما هي أخته الصغيرة و دلوعته )) ..

ابتسمت لهم و جيت بـ أسلم على أبوي و أمي قبل لا أروووح لـ تركي بس لما دخل ياسر أخوي البيت .. ابتسمت له ..

إلياس : هييييييييييي أشووووووف الناس مكشتين هنا .. لااا يكوون مسوينها من وراي ..

ياسر : ههههههههههههههههههه لاااا لا تخاااف .. تعااال انت أجلس ..

إلياس : لا .. السموحه .. تاخرت على تركي بـ المطار يحتريني بـ أروح له ..

ابو ياسر : بـ حفظ الله بس لا تتأخر ..

تقدمت و حبيت رأس أبوي و أمي ..

إلياس : لااا ان شاء الله ما أتأخر ... تآمرووون على شيء الغوااالي ..

ام ياسر : ما نبي غييير سلااامتك يا ولدي ..

ابتسمت لها أي سلامه الله هدااااها و أنا أذبل كل يوووم !!.. ناظرت سومه و ابتسمت لها ..

من الصبح و أنا مو شايفها شديت خدها ..

إلياس : الحلللوه وين كانت متخبيه ..

سما : هههههههههه ما كنت متخبيه .. كنت نايمه و لما صحيت انته نمت ..

قالتها بـ تعلثم الأطفال المعتاااد حبيتها مع خدها عقب ناظرت في ياسر ..

إلياس : يالله ياسر أنا رااايح .. تخاويني ..

ياسر : لااا بـ سلامتك أبجلس مع أبوي و أمي .. انت روح و أرجع مبكر بـ أحتريك ما وراي سالفه بكره ..

سلمت عليه ما أدري شقول بس حسييييت و أنا أسلم عليهم انه آخر سلاااام و كلاااام .. بعدت عني الوساوس

اللي بـ رأسي .. أكيييد من كلام الدكاتره الله يهديهم بس .. ناظرت في يوسف و ضربت رأسه بـ مزح ..

إلياس : أسمع اذا بـ تطلع لا تسررررع مفهووووووووم ..

يوسف : يوووووووه انت ما تمل من نصايحك ..

إلياس : هههههههههههههههه لااا .. عندك مانع ..

يوسف : لا مانع و لا فيصل ..

إلياس : ههههههههه زين يالله يا جماعه أنا رايح ..

الكل : في حفظ الله ..

مشيت و طلعت و ركبت سيارتي ... دخلت عـ الشارع العام و أنا ماشي كنت حاس بـ الغبنه ..

يا عاااااالم معقووووووله اللي أحس فيه هالحين .. يصيييير جيت بـ أرفع جوااالي بـ أتصل في تركي ما أبي

أفكر بـ اللي فيني بس يووووووه نسيته في البيت أيا القهر ناظرت ساعتي /

الساعه .. " 1 الليل " .. يالله خلني ألحقه بس يووووه توني قايل لـ يوسف لا تسرع و أنا هالحين أسرع ..

خففت سرعتي و أنا لاف بـ لفه ودي أختصر الطريق لـ المطار .. بس حسيت بـ يدي تنشلللللللللللل عـ الطاره

يوم شفت تريلا داخله عليّ .. شديت عـ الفراااامل و لفيت بـ الطاااااااااااره أببعد ..

و أنا أصك على أسنااااني بس ما حسيت بـ روحي الا و سيارتي منقلبه كمـّــــ[ ن ] قلبه . . . . .

******************************************

.. (( السعـ السـ 1:40 الليل ـاعة ـودية )) ..

من وقت حطيت رجلي في السعودية أخيراً بس بعد للحين ما جاني إلياس .. قال انه بيستقبلني وينه فيه ..

ما أدري ليش كان قلبي منقبض كنت جااالس في صالة الانتظار بس طلعت و رحت لـ المواقف لما بديت أرتبك ..

و أرتبكت أكثر لما ما لقيته / يا ربيييييييي المشكله أن آخر مره ما كان عاجبني أبد و الحين قلبي كل ماله ينقبض

و ينقبض .. شديت على قبضة يدي بـ ارتباك .. غطيت وجهي و أنا أصك على أسناني بس تذكرت جوالي ..

طلعته من جيبي و فتحته و أول ما فتحته جاني اتصال من إلياس .. رديت بسرعة كأني ما صدقت خبر ..

تركي : إلياس وينك فيه .. أقلقتني الله هداك ..

.. : تـ ـركي ..

لا هذا مهوب إلياس هذا ياسر أخوه و صوته حـيـل متغير و ضايق ..

تركي : ياسر علامك فيه شي .. لا تروعني يا أخوك تـ ـكفى تكلم ..

ياسر : تـ ـركي إليـ ـاس مسـ ـوي حادث و هو جايـ ـك .. و ..

حسيت ان الدنيا تدور بي جلست على الرصيف و بقوة همست ..

تركي : في أي مستشفى ..

ياسر : مستشفى السعودي الالماني ..

قفلت و أشرت لسيارة ليموزين .. ركبت و رميت شنطتي الصغيرة ورى .. قلت له يوديني البيت ..

رميت الشنطة عند المدخل و فوقها الشماغ و العقال و الطاقية ..

و ركبت سيارتي و رحت و بـ 160 للمستشفى .. طول الطريق و أنا يمر ببالي شريط حياتي معه ..

وشو شريط هو كل حياتي .. لا يارب لا رجيتك كل الدنيا خذها الا إلياس ..

حسيت بـ جبيني عرق من التوتر مسحت وجهي بالمنديل لما وصلت عند المستشفى ..

ركضت و دخلت و أنا أناظر يمين و شمال رحت و سألت الاستعلامات ..

تركي : لو سمحت إلياس بن فهد الـ .. .. .. ـي جابوه عندكم مسوّي حادث وينه فيه الحين ..

.. [ ايه هو في الدور الخامس في غرفة .. " الإنعاش " ] ..

دارت بي الدنيا و ظلمت .. مشيت بسرعة للمصعد و أنا اتذكر اني أنا و إلياس نسميها .. " الـ إن عاش "

نفصل الكلمة يعني ما به أمل / مسحت وجهي و انا استغفر , فتح باب المصعد و مشيت بسرعة .. لفيت في الممر ..

و هناك شفت ياسر جالس و مغطي وجهه بيديه / حسيت ان قلبي ينحرق و يتآكل داخلي ..

يا رب كان بتحقق أمنية وحيدة أبي إلياس حي رجيتك .. بديت أمشي ببطء خايف أنصدم لا وصلت تنهدت و استغفرت ..

و ياسر لما حس بي رفع رأسه .. قام بسرعة و حضني و هو ينتحب وقتها خلاص حسّيت بانقباض ...

تركي : مـا مـات صح ..؟ تـوّ المـوت مـا جـاه .. تــوه صغير صــح ياسر ..

نشج و بعد عني و هو يمسح وجهه بشماغه همس ..

ياسر : ما مات .. بس الدكاترة يقولون ان ما في أمل بالذات ان معه سرطان الدم ..

تهاويت على الكرسي مع الصدمة الثانية .. ليش ؟ ليش يا إلياس ما قلت لي ..

تركي : من متـى .. مــا قـال لـي ..

ياسر : مـا قـال لـك لأنه مـا يبي يصدمك و له شهرين من اكتشفناه و هو خلاص انتشر في جسمه أدعـي لـه

يـا تـركي تـكفى أدعـي لـه تـراه شمعة البـيت ..

تركي : وبعد هو شمعة دنيتي لا تــوصي شــخص عـلى روحـه لا تـوصي يـا ياسر ..

و جلست أنتحب و أنا ادعي له و ياسر يحاول يهديني مع ان حاله أشين من حالي ..

مستحيل ابو فزعة يروح عني .. مستحيل / يعني ما راح أسمع لدغة الراء كل ما ينطق باسمي ..

مستحيل ميين اللي بيوقف معي قدام مصايب الدنيا .. مين اللي بــــيساندني مين اللي بيرد لي روحي بعده ..

تركي : مـيـن اللـي صادمه ..

ياسر : تـ .. تريلا و هو كان الغلطان كان .. كان عاكس الدرب ..

غطيت وجهي لا لاااا يا ربي لا تريلا مرة وحدة .. قلت لياسر من بين شهقاتي ..

تركي : مسـكــوه ..

ياسر : أيـه مسـكـوه و مـا تـنازلـت ..

طلع الدكتور و أنا فزيت من مكاني و يوم شافنا .. جاه لنا ..

ياسر : هــااااه .. دكتور بشر تكفى ..

مسح وجهه عقب ناظرنا ..

الدكتور : انتم تؤمنون بالقضاء و القدر و أنا سويت جهدي .. والله أنا حاولنا بس للأسف و لأنه به الخبيث .. فما قـ ..

تهاويت على الكرسي و أنا أحس الدنيا تظلم بعيوني ..

ياسر : مـ ـات ..

الدكتور : لا بعدنا نحاول نوقف النزيف بس انتم ادعوا له .. أملنا بالله لكن من فيكم تركي ..

رفعت عيني له بمرارة و ياسر قال له انه أنا ..

الدكتور : لو سمحت أخ تركي .. إلياس توه قال انه يبيك ..

ياسر بـ سرعه : هو صاااحي ..

الدكتور : اييييه توّخ وعي و نتوقع يدخل في غيبوبه و لاّ يـ .. يتوفى لا قدر الله .. بس أسرع أخ تركي دامه صاحي ..

و الشغله ذي ممنوعه بس .. بس خفت يكون آخر شيء يطلبه و ما ألـ ..

قمت بسرعة ما أبي اسمع أكثر / و دخلت و وراي ياسر يوم شفته .. تصلبت رجولي كان صدره كله كدمات ..

و في شق ينزف منه و بعد في جبهته و الممرضين يحاولون يوقفونه و هو كان يتأوه ..

و لما انتبه لي ابتسم بألم و بالقوة رفع يده .. ما رحت له كنت واقف و بس و دموعي هي اللي تتحرك ..

كنت صاك على أسناني بقوة من الألم اللي بداخلي رديت بـ خطوتي لـ ورى بس انتبهت لـ ياسر و هو يحط يده على كتفي

و ياشر لي أروح .. ناظرته و هزيت رأسي بنفي و بالقوة همست ..

تركي : مـ ـا أقـ ـدر ..

ياسر : روح تـراه يـحتاجك و مـا طلبــك الا لأنه يـعزك ..

مشيت له .. وصلت عنده و جلست أناظره .. مد يده و أنا حضنتها بين يديني ..

إلياس : تـ ـركي ..

همست و أنا أشد على يده ..

تركي : تـحمل يـا أخـوي .. تـكفى تـحمل علـى روحـك الدكـ ـتـور يقول فـي أمـل .. تـحمل يـا أخـوك ..

شفت الدموع على خديه تسري .. عني كانت دموعي تسري من يوم وصلني الخبر ..

إلياس : لا غـلـطان .. أنـا مـيت يا تـركي مـيــت ..

و جلس ينتحب و يتأوه في نفس الوقت .. هزيت رأسي بألم بمعنى .. " لا " .. عقب همست ..

تركي : لا أنـا قـلت لك اذا خنت مـا راح أسـامحـك طلبتك لا تروح قـلـت لـك مـا لـي غـيرك هالحـين ..

إلياس : مـب بيـدي لو بيـدي كـان تـمــيت حي .. تـركي طلبتك انتـ ـبه علـ ـى نـفـسـ ـك كـ ـان تـ ـعزني ..

و لا تـ ـهمل روحـ ـك .. و لا تـ ـهمل دواك .. أدريـ ـبك ما يهـ ـمك كـ ـان أخـذتـ ـه .. و لاّ لا ..

تركي : إليـاس طـلبتك لا توصـيـني .. انـ ـت تـذبحني بـكلامك .. يا أخـوي .. انـا ما فـيني حيل أتـحمل بـعادك ..

ما فـيني حيـل ..

إلياس : هـ ـذا الـ ـقدر و محد يـ ـعارضـ ـه .. و لـ ـو بيـدنا كان تجنـ ـبـنـا المـ ـصائب (( أنّ و تأوّه ))

تـ ـركي لا أوصـ ـيـ ـك انتـ ـبه علـ ـى نفـ ـسك كـ ـان تـ ـعزني آآآه ...

ضغطت على يده و أنا أنتحب و أشوفه ينتفض و وجهه يششحب ..

تركي : أنـا ما أقـوى على الدنـيا بلياك .. تـكفى لا تتـركني .. إليـاس قـول ان الـ ـمـوت بـيـنك و بيـنه سنين تـكفى ..

ابتسم بمرارة و هو ينتفض شد على يدي ..

إلياس : أوعـ ـدني أول طفل لـ ـك باسـ ـمي ... زيـ ـن يـ ـا ابـ ـو هوشه ..

تركي : إليـاس لا طلبـتك مـب الحـيـن تــروح مـب الحـيـن ..

إلياس : يـ ـاسر قول لأمـ ـي و أبـ ـوي انـ ـي أحبـ ـهم و انهـ ـم ما قصـ ـروا مـعي و بعـ ـد انتـ ـبه عليـ ـهم ..

و تـ ـراني أحبـ ـك انـ ـت و يـ ـوسـ ـف بـ ـعـ ـد .. و سمـ ـا لا تـ ـخـ ـليـ ـها تـ ـفقدنـ ـي ..

ياسر جلس ينتحب ينتحب و أنا معه .. شديت على يد إلياس و هو ناظرني ..

إلياس : لا تـصيـحــون تـرى الدنــيا ما تــسـوى . . . . تـ ـركي قـ ـرب منـ ـي ليـ ـه كـ ـذه بـ ـعيـ ـد ..

انتحبت و أنا أجلس على ركبي و أشد على يده كنت قريب حيل منه .. لكني تيقنت انه مفارق / مفارقني للأبد ..

و هو كانت دموعه تسري و ينتفض / شفت الممرضين يتحركون قريب منه و الدكتور ترك جهاز الصدمه ..

قمت أناظرهم و أنا أقلّهم بصوت متقطّع يسوون شيء أي شيء ..

حسّيت بيدّه ترتجف في يدّي و سمعت الممرضين يلقّنونه الشهاده و شوي تمتم بها و سكن و هديت نفضته ..

و يدّه بعدها في يدّي .. غمضت عيوني استغفرت قلت كلّ الأدعية اللّي أعرفها من كنت عرفت نفسي ..

قبل لا أفتح عيني و أناظره و هو ساكن ..

تركي : إلـ ـياس نـمـت .. غـفـيـت يا أخـوي ..

شفت ياسر يغطي وجهه بيدينه و ينتحب .. وقتها تهاويت على الأرض و أنا أشوف الدنيا مظلمة في عيني ..

تمسكت بـ حواف السرير شديت عليها و أنا أصك على أسناني و أناظره بدون شعور صارخت و أنا أنزل رأسي ..

تركي : لا يـ ـا إلـ ـيـاس لااااااااااااااا ..

**********************************

* لا تخليني على الدنيا وحيد * * لا تشوفك عين و لا أذن تسمعك

هي حدي اثنين ما عنها تحيد * * يا تقوم تعيش .. يا خذني معك *

******************************************

خالد : أنا لله و أنا إليه راجعون عظم الله أجرك يا ياسر .. تحمّل و ساند أبوك تراك ولده الكبير .. وشو ..

شفيه تركي لا عاد لا تقول .. زين لااا تطمنن أكيد بنجي عشانكم بعد .. لا تشكر لا تشكر هذا الواجب ..

يالله في حفظ الله ..

قفلت الجوال .. أفـــااا بس إلياس مات معقولة الموت خذاه و هو توه صغير 26 سنه و تركي يا ربي

الله يكون في عونه بعذره ينهار .. مصيبة ورى مصيبة مشيت ودخلت الصالة ..

لقيت أبوي مع جد ريمان خليل سلمت على يده و على يد الجد خليل و ظلّيت واقف ..

خالد : يبه ..

الجد محمد : ايه يا وليدي خير علامك وجهك لونه رايح ..

خالد : يبه .. إلياس رفيق تركي مات في حادث و تركي جاه انهيار عصبي و نفسي و هو مرقد هالحين تحت الملاحظه ..

قام ابوي و هو مصدوم ..

الجد محمد : إلياس ولد فهد ..

خالد : ايييييه يبه ايه ادعي له بالمغفرة و بعد كان فيه الخبيث ..

الجد محمد : لا أجل خلنا نرد السعودية في أقرب رحلة لازم نعزي الناس ..

خالد : ايييييه طبعا لازم و عشان تركي بعد ..

الجد محمد : يالله أجل روح احجز بسرعة ..

الجد خليل : و حنا هم الريايل بنسير ويّاكم نعزي الأهل و هم نتطمن على ولدنا تركي ..

مشيت عنهم عشان أخبر بندر و في الطريق شفت ريمان تسولف مع جمانه ..

خالد : أسمعوا .. روحوا جهزوا الشنط بنرد للسعودية ..

ريمان : ليش قالوا بنجلس لأسبوعين في الصيفية ..

خالد : ولد عمكم تركي في المستشفى في الملاحظه جايه انهيار ..

جمانه : لاااا قول والله عمي بس من وشو جاه ..

ناظرتهم لا يحسبون الحين عشان ريمان .. تركي أعرفه أقوى من أنه يطيح عشان بنية ..

خالد : رفيقه إلياس مات في حادث .. روحوا بس جهزوا عمركم أقرب رحلة بنروح بها ..

و مشيت عنهم و أنا شايل همه ..

يتبع ,,,

👇👇👇