رواية لاتمثلين احتياجج لي وانتي بحضن غيري مقزرتها -27
مشاري : ثنيان شفيك .. ليش ويهك قاعد يقلب ألوان لايكون بقت السلسلة وأنحشت
ثنيان يبلع ريجة : اي بقتها أي بطيخ .. مافيني شي .. بس شفت واحد من ربعي وألحين أن طاح عليي بقرق على راسي
مشاري : منو هاذا أعرفة
ثنيان : لا .. من العباقرة .. مو نوعك ..
مشاري : يلا عيل سرينا .. خل نرجع الفندق مزاجي تعكر .. ولانخلي الوالدة بروحها
ثنيان : على راحتك ..
مشاري : خل اشوف السلسلة الي أخترتها
ثنيان يطلع السلسلة : تفضل
مشاري : والله وعندك ذوق .. وحش أخوي ..
.................................................. .................................................. ........................
( بيت أم أحمد )
أم أحمد تتكلم باللفون : خير أنشاءالله .. الموعد مناسب بعد صلاه المغرب .. بأنتظاركم .. وأنشاءالله بخليها مفاجأة لها ..و أحمد ولدنا وعارفين أخلاقة .. الله يتمم الي فيه الخير
وسكرت التلفون
جوان : آآه ..
أم أحمد : مشاء النور
جوان : مساء الورد يا وردة البيت
أم أحمد : ههههههه .. أموت أنا على لسانج الي ينقط عسل ..
جوان : وانا أموت عليج يا أحلى ام بالدنيا .. ( حكت راسها ) : أووه ماشفت الأيميل .. قاعد انطر خبر من الجامعه
أم أحمد : خبر شنو
جوان : بشوف طلعت النتايج .. عشان بستلم شهادتي
أم أحمد : شنو .. أنتي ماأستلمتي شهادتج ليلحين ..
جوان : لا .. رجعت الكويت وقلت لمن تطلع النتايج أستلمها بعدين
أم أحمد : يما جان نطرتي وعلى طول خذيتيها .. الحين لازم ترجعين تسافرين مرة ثانية عشان الشهادة ..
جوان : باخذج أنتي واحمد .. نسوي سياحة بأمريكا ..
أم أحمد : لا أنا ماقدر أسافر .. أخذي أخوج
جوان : على راحتج .. أممم .. يما شفيج تطالعيني وتظحكين
أم احمد : توني سادة التلفون .. ياييلج خطاب
جوان بققت عيونها : شنوو .. !! خطاب .. !!
أم أحمد : ايي .. شفيج أخترعتي
جوان : مابي أتزوج ألحين ..
أم أحمد : ليش يما .. دراسة وخلصتيها .. شلي يمنعج تتزوجين
جوان : يما آآ تو الناس .. خليني أشتغل وبعدين يصير خير ..
أم أحمد : أنزين على الأقل أنتي عدي مع الريال يمكن تغيرين رايج
جوان : مابي .. يما رجاءا سكري الموضوع
أم أحمد : أنا عطيت الناس كلمة .. وباجر أنشاءالله بيمرون .. أنتي قعدي مع الريال وأنشاءالله الله بيكتب الي فيه الخير ..
جوان : يما ليش تسوين شي بدون لاتستشيريني
أم أحمد : لاني أدري هاذي بتكون ردة فعلج ..
جوان : وااااي .. أنا صاعدة غرفتي .. تامريني على شي
أم أحمد : لا سلامتج ..
جوان ( صعدت غرفتي وحطيت راسي على المخدة وقعدت أبجي .. حسيت قلبي قاعد يحترق .. وبكل دمعه تنزل أتذكر جراح .. الحين شسوي .. أنا ماقدر أخون حبي حق جراح وأتزوج غيرة .. وينك جراح .. متى ترجع الكويت ..)
(ماكل عين تذرف الدمع بأحزان = وماكلمن يضحك يعيش بسعاده
كم واحد دمعه على الخد هتان = من زود حزنه يذرف الدمععاده
يحاول انه يبتسم قدر الامكان = يضحك ونار الحزن تقتلفؤاده
)
حامد زيد
.................................................. .................................................. ........................
( بيت دلال )
دلال : قوة دانو .. عندي لج خبر حلو وخبر مو حلو ..
دانة : شنو .. أبدي بالخبر الحلو ..
دلال : الخبر الحلو أني أنخطبت
دانة : علي خطبج .. !!
دلال : لاتظحكيني ولي يرحم والديج ... أي علي أي بطيخ
دانة : عيل منو ..!
دلال : ولد عمي ..
دانة : وأنتي موافقة
دلال : أكيد بوافق .. أول شي بوافق عشان يصير عندي شي يلهيني عن علي .. وبعدين هالريال ماينعاف .. عندة فلوس بترقني من صجج .. انتي تدرين شكثر انا احب لفلووس .. يعني موبعيدة باجر تشوفيني ياية الجامعه بمرسيدس موديل السنة .. وبعد غير هاذا .. علي أذا شافني تزوجت أكيد بينفهر وبيغار
دانة : اهاا .. صح جايز .. بس زين سويتي .. أنزين وشنو الخبر المو حلو
دلال : اني خلاص شلت علي من بالي
دانة : صج .. كلووولووووووش .. يلا زين زين .. عيل من الحين أقولج الف مبروك حياتي .. منة المال ومنج لعيال ..
دلال : الله يبارك فيج .. أدعيلي بس الله يوفقني ..
دانة : الله يوفقج أنشاءالله ويسعدج .. أنزين ماقتيلي شنو أسم المعرس
دلال : أسمة عادل
دانة : يلا عاشت الأسامي .. أنشاءالله نشوف عيالج ..
دلال : تو الناس .. بس الله كريم
(
إنت : (من مدة ) ‘و حآلك للأسف ~> صآير غريب !
وصآر عآدي عندك ≈ أبقى :وعآدي عن "عينك [أ غ يب ] !
وردتك نست عبيري . . . & صرت مآ أعرف وش مصيري ..
بسمتك دآيم لـ \غيري وقسوتك . . . دآيم عليّ
)
.................................................. .................................................. ........................
( زنزانة أم فيصل )
أشواق : شلونج يما أنشاءالله تمام
ام فيصل : الحمدالله .. توة ماهدة قلبي .. قعدت أحاتيج صارلج جم يوم مومارتني .. خفت عليج ..
أشواق : لاتحاتيني يما آآ .. أنا عايشة بالدنيا .. والله فوقي ويحرسني ..
أم فيصل: الحمدالله يما آآ .. أنزين وين علي .. ليش مو ياي معاج
أشواق : علي .. !! خلاص يما أنا وعلي ماراح نكمل طريجنا مع بعض
ام فيصل : ليش يما آآ شصاير
أشواق : أمه ياتني البيت وهزأتني .. وعطتني ( أنقمت صوتها ماقدرت تكمل .. ) وعطتني كف على ويهي .. ( نزلت دمعتها ) وماأكتفت بكل هاذا .. !! قالتلي أنتي تلعبين على ولدي ومن هالكلام الي يسم القلب
أم فيصل : آآخ يما آآ أشواق .. وايد قاعد تعانين .. الله يعيم قلبج يا يما ..
أشواق : يما أنا تعودت .. ألي مثلي يعيشون طول عمرهم جذي .. محد يحترمنا .. ومحد يقدرنا .. والكل يدوس على راسنا .. أنتي تدرين أنا ليش حبيت علي من بد كل هالبشر .. ! لانة علي الوحيد الي كان يشوفني انا .. أشواق .. ماكان يشوف وضعي ولا بيتي ولا طريقة حياتي .. كان يشوفني أنا أشواق وبس
ام فيصل : تعالي يما .. تعالي قربي .. يما آآ حطي في بالج أنا محد يقدر يدوس على كرامتج لو شنو .. أنتي لاتسمحين حق أحد يدوس عليها .. أنتي ماسويتي غلط ولا منكر .. أمشي وراسج دايما مرفوع دامج على حق .. والي يدوس على راسج دوسي على راسة .. محد أحسن من الثاني .. الاخلاق أهي الي تزين الواحد .. وأنتي ماشااءالله عليج أخلاق وسنع .. وألي يقول عكس هالكلام غلطان .. ولاتستسلمين حق أم علي بهالسهولة .. لاتتخلين عن حبج بهالسهولة
قاطعتها أشواق بأبتسامة
أم فيصل : ليش تبتسمين
أشواق : جني قاعدة جدام جوان .. نفس الكلام قالتة لي
أم فيصل : جوان .. أي جوان
أشواق : بنت أم أجمد
أم فيصل : هههههه .. يحليلها .. خبري فيها كان عمرها 3 سنين ..
أشواق : أووولا ... ماشاءالله الحين عمرها 23 سنة .. صايرةعروسة.. تهبل .. لو عندي أخو جان خطبتها له
ام فيصل : الله يوفقها أنشاءالله
أشواق : يلا يما آنا الحين لازم أروح عن اذنج ..
أم فيصل : الله وياج يما آآ .. ديري بالج على روحج
أشواق : أنشاءالله من عيوني
أشواق ( طلعت من الغرفة الي جمعتي مع أمي وانا كلي هموم وأحزان .. المشكلة يايما أنا بنتج قلبها مو قوي .. بنت الي خلت الناس تدوس على راسها .. لو كان عندي ظهر أسند عمري عليه ماكانت هاذي حالتي .. لا أخو .. لا أبو .. ماقول ألا الله يسامح الجميع .. والله كريم .. الحمدالله على كل حال .. وبعد ماطلعت من السجن مريت الجمعية أشتري جم شغلة .. وانا بالجمعية شفت وحدة وجني مشبها عليها .. وهالوحدة بعد ماشالت عينها عني .. وأنا عند المحاسب توني طالعه من الجمعية لحقتني البنت وقاعد تناديني .. )
دلال : أشواق .. آشواق ..
أشواق : هلا أختي .. انتي من وين تعرفين أسمي
دلال : يعني أنتي أشواق صج ... أشوة ماغلطت
أشواق : لا ماغلطتي .. بس عفوا ماعرفتج
دلال : أنا دلال ..
أشواق : اي دلال
دلال : مو أنتي بنت عم علي الي مرة ييتي المحاضرة معاه
أشواق : ههههه .. أي انا أهيا .. بس انا مو بنت عمة .. اهو قال بنت عمة عشان تمشي الموضوع الدكتورة
دلال : عيل أنتي منو
أشواق : أنا بنت جيرانهم ..
دلال : و ..
أشواق : و .. وشنو
دلال : يعني حبيبتة .. رفيجتة ..
أشواق توهقت ويها قام يقلب ألوان : لا لا .. لايروح فكرج بعيد .. أنا بس كنت بكمل دراستي وعلي قالي تعالي معاي الجامعه وشوفي طبيعة الدراسة شلون وجي
دلال : أنزين ليش شكلج صاير جذي .. بالجماعه متكشخة .. وفالة الشعر .. والحين لابسة عباية وقاطة اللفة على راسج .. بعدين أنتي متحجبة ولا لآ
أشواق : أممم .. موجنج وايد تعمقتي بخصوصياتي
دلال : هاا .. ماعليه أنا جذي أحب أحقق مع الناس ... أنزين شرايج تعطيني رقم تلفونج
أشواق : هاا .. أنتي عطيني رقم فونج لاني بغير خطي .. وأنشاءالله انا بدز لج مسج أذا غيرت خطي
دلال : أوكي .. عندج أيميل
أشواق بأتغراب : أيميل .. !! لا لا
دلال : انزين شنو البن مالج
أشواق : البن مال شنو ..
دلال : ال بي بي
أشواق : مادري ..
دلال : أنتي شنو تلفونج
أشواق : مادري ..
دلال : انتي تستهبلين
أشواق : لا والله صج مو فاهمتج ..
دلال : المهم هاذا رقمي .. ودزيلي مسج ولا أتصلي علي أوكي ناطرتج ..
أشواق : أوكي ..
دلال : مع السلامة .. اي .. سلميلي على علي
أشواق : يوصل
( بعد ماوصلت البيت قطيت لفتي على فراشي وفصخت عباتي ورحت المطبخ أسويلي شغلة خفيفة آكلها .. طق جرس البيت .. الظاهر هاذا علي .. قلبي ماطاوعني احقرة .. بس حقرتة .. عشان مصلحتة .. وتم يطق الباب وأنا ماأرد .. لين يأس .. )
علي : الظاهر موموجودة بالبيت .. خل أرد بيتنا أتعشى حدي يوعان وصلت حدي ..
.........
( بيت علي )
على بصوتة الخشن قرب من أمة وقاعد يلقي شعر حامد زيد التمثال : (انا جيت اعشقك نبض و مشاعر ما اعشقك ( تمثال )
انا جيت اسكنك واحياك , و ابقى فيك وابقى لك
انا جيت بظما عاشق نعب يطردسراب اللال
انا جيت استفز رضاك من فرقاك والجا لك
انا ما همت بك عاقل .. انا كنت اعشقك بخبااال
انا ما كنت احبك حي .. انا كنت اعشقك هالك ....
)
أم علي : شطاري عليك قاعد تقط أشعار ..
علي : من الظيقة الي فيني .. مقموت ومحد راضي يحس فيني ..
أم علي : أنت الي قاعد تسوي بروحك جذي ..
علي : أنتي مادري متى بتفهميني يما آآ .. أذا أنتي أمي وموراضية تفهميني عيل منو بيفهمي ..
أم علي : روح حق بنت أبليس أهي الي فاهمتك
علي : ولييه ردينا على الطير يلي ..
أم علي : أقول قوم بطل الكبت وطلعلي حبة بندول راسي صدع من شفتك ..
علي : شقصدج يعني ..
أم علي : أفهم الي تبي تفهمة .. بس عفية ييبلي حبة بندول
علي ( فتحت الكبت وطلعت قوطي البندول .. وبالكبت لفت أنتباهي ورقة مسفطة .. بطلت الورقة ولا شهادة تخرج من جامعه الكويت كلية الهندسة مكتوب عليها محمد الساعد .. تنحت باأسم مار عليي بس ماأتذكر وين .. المهم عطيت أمي البندول وسألتها عن الأسم .. )
علي : تفضلي يما ..
أم علي : دام فضلك ..
علي : يما منو محمد الساعد
أم علي قصت : كح كح .. أنت من وين يايب هالأسم .. !!
علي : شفيج يما آآ شوي شوي .. لقيت شهادة تخرج مكتوب عليها محمد الساعد
أم علي : ايي .. هاذا .. هاذا رفيج أبوك .. أيام التخرج .. وناسي شهادتة عندنا من زمان ..
علي : أهم شي .. وشلون أشتغل واهو ماعندة شهادة .. هاذي الشهادة الاصلية ومصدقة بعد
أم علي : اووه انا شدراني .. ترى وايد تسأل .. قوم بس سولي قلاص عصير ليمون .. بلاعيمي شابة عليي
علي : انشاءالله ..
.................................................. .................................................. ........................
بعد مرور يوم
( بيت أم أحمد )
الساعه 5:30
أم احمد : يما أحمد نظفت الديوانية ..
أحمد : اي نظفتها .. وأنتوا جهزتوا العصير والبخور
أم أحمد : اي جهزنا ..
أحمد : وين جوان عيل
أم أحمد : ليلحين ماردت من الصالون .. غصب أقنعتها تروح الصالون .. حتى لصبي ماتبي تشوفة
أحمد : ههههه .. عاد حتصلها تاخذ واحد مثل جراح .. ريال ونعم التربية .. الكل يمدح أخلاقة .. وتوة متخرج من أمريكا بعد شتبي .. وأهي بعد تعرفة .. معاها بنفس الجامعه
أم أحمد : ههههه .. مالك شغل فيها هاذا دلع بنات .
أحمد : الله يعينا على دلع هالبنات .. أنشاءالله توافق ويمشي نصيبها .. والله يكتب الي فيه الخير أنشاءالله ..
نهاية البارت ..,
أتمنى نال أعجابكم ..,
سوري صارت البارتات على ردود وايد بس لانة المنتدى معلق مايصير الا بهالطريقة .,
برب عشان أنزل البارت الي بعدة ..,
البارت الخامس والثلاثون
:$:$...
.............
بعد مرور يوم
( بيت أم أحمد )
الساعه 5:30
أم احمد : يما أحمد نظفت الديوانية ..
أحمد : اي نظفتها .. وأنتوا جهزتوا العصير والبخور
أم أحمد : اي جهزنا ..
أحمد : وين جوان عيل
أم أحمد : ليلحين ماردت من الصالون .. غصب أقنعتها تروح الصالون .. حتى لصبي ماتبي تشوفة
أحمد : ههههه .. عاد حتصلها تاخذ واحد مثل جراح .. ريال ونعم التربية .. الكل يمدح أخلاقة .. وتوة متخرجمن أمريكا بعد شتبي .. وأهي بعد تعرفة .. معاها بنفس الجامعه
أم أحمد : ههههه .. مالك شغل فيها هاذا دلع بنات .
أحمد : الله يعينا على دلع هالبنات .. أنشاءالله توافق ويمشي نصيبها .. والله يكتب الي فيه الخير أنشاءالله ..
بطرف ثاني عند جوان
جوان ( رحت الصالون أسوي شعري .. حدي مالي خلق أجابل ويه الريال وأجاملة .. ماقدر .. ماقدر أجامل .. الله يهداها أمي أتفقت مع الناس بدون لاتاخذ راييي .. انا حاسة أني قاعد أخون جراح بغربتة .. يارب صبر قلبي وعد اليوم على خير .. بعد ماخلصت من الصالون رديت البيت وصعدت غرفتي .. لبست نفنوف طويل لونة أبيض ومنقش بالبيج والذهبي .. وبريولي لبست كعب ذهبي .. وشعري رفعته باف .. حطيت مكياج خفيف .. فاونديشن برونز وحطيت بلشر أفتح .. وعلى شفايفي حطيت روج لحمي .. والكحل خطيت فيه عيوني .. شكلي كان يشوق حيل .. حسيت أني قطوة .. خخخخخ .. بس ماأكتملت فرحتي .. كان ودي هاللحظة تكون حق جراح .. لحظة خاصة بيني وبينة .. يخطبني ويشوف كشختي .. بس وين .. الله كريم ..وتميت قاعدة بغرفتي أنطر الشارة من أمي )
بالصالة ..
أم أحمد : حيا الله من يانا .. توة مانور البيت
فضة : بوجود أهلة ..
أم أحمد : شلونكم شخباركم .. شلون الاهل
فضة : الحمدالله تمام كلنا زينين .. وأنتوا شلونكم
أم أحمد : الحمدالله
فضة : الا ماقلتيلي العروس شنو تدرس
أم أحمد : خريجة الجامعه الأمريكية تخصص أدب أنجليزي
فضة : ماشاءالله ربي يحفظها
أم احمد : وانتي يما قمر .. جم عمرج ماقتيلي
قمر : أنا توني عنونة 18 سنة .. وداشة بال 19 توني متخرجة من الثانوية
أم أحمد : ماشاءالله .. وين ناوية تدشين
قمر : أنشاءالله يا حقوق أو طب
فضة : شقردية بنت أخوي
قمر : ههههههه
فضة : الأ وين العروس
أم أحمد : أنشاءالله ألحين تنزل ..
...
أم أحمد : يلا يما جوان .. تعالي نزلي وقدمي العصير
جوان : يما يعني لازم .. خو مو لازم
أم أحمد : جوان بنقعد لي باجر نتناقش بالموضوع
جوان : أهأ أهأ أهأ .. راح أستسلم للأمر الواقع ..
( نزلت من الدري وانا منزلة راسي بالأرض من الحيى .. قعدت يم أمي على المطرح وكانت أم المعرس قاعدة يمي .. قعدت تسولف معاي وتسألني جم سؤال .. وبعد مادردشنا ولا أشوف وحدة مجبلة من الحمام .. هاا .. قمر .. لا لا لا .. موصج .. معقولة .. جراح .. أمبييه مومصدقة .. حسيت أني ودي أصرخ بأعلى صوتي من الوناسة .. قمر أبتسمت لي ورحبت فيني .. بس انا بالي ليلحين ماكان معاهم .. يعني المعرس .. )
بالديوانية
أحمد : يا حيا الله من يانا .. زارتنا البركة ..
جراح : الله يحييك أحمد ..
جاسم : شلونك يباأحمد .. ماشاءالله كبرت حيل وتغيرت ..
أحمد : ههههه .. شفت شلون .. الدنيا الي كبرتني ..
جاسم : وييه أنا خبري فيك 20 سنة .. جم صار عمرك ألحين
أحمد : هههههه .. ألحين وصلت ال 30
جراح : وأنت متى ناوي تتزوج ..
أحمد : الله كريم أنشاءالله ..
جاسم : طبعا أحنا حاضرين بلي تامرون فيه أذا صار نصيب أنشاءالله ..
أحمد : رايتكم بيضة يو جراح .. خيركم يباق
جاسم : وجوان بنتنا بنحطها بعيونة .. ماراح نقصر عليها بشي ...
أحمد : أجاويد .. بو جراح
جراح : وأنشاءالله أذا صار نصيب باخذ العروس وبنسافر شهر العسل ..
أحمد : الله كريم أنشاءالله ..
.,^^
صالة الحريم ..
أم أحمد : يلا جوان دخلي الصالة .. ينطرج المعرس
جوان ( المعرس .. آآه على هالكلمة .. وأخيرا .. جراح .. ماعندي كلمات تعبر عن الحالة ألى أنا فيها غير كلمة وحدة.. مثل ماقال عبدالمجيد عبدالله .. طاير من الفرحة طاير .. )
.^^
جراح ( كنت قاعد الصالة اانطر جوان تشرف .. قلبي بكل دقيقة كان يرقع .. مادري شنو راح يكون موقفها لو شافتني .. بتفرح .. بتبجي .. بتنصدم .. ولا بتزعل لأني ماقتلها اني راد من السفر .. قعدت تقريبا ربع ساعه .. نزلت راسي بالأرض وغمضت عيوني .. قاعد أتخيل شكل جوان شلون صاير .. يوم رفعت راسي ولا تطيح عيني بعينها .. شفت ويها .. شفت عيونها .. حسيت برجفتها .. حسيت بدقات قلبها .. طالعتنيوأبتسمت .. ودمعه نزلت على خدها .. قمت من على الكرسي وقفت جدامها .. ولا بدون سابق أنذار تلمني حيل وتبجي .. )
(عساك ما تفقـــد محبك ومغـليـــك**ولا تشتكيمن جايرات الليالي
دعوة محبن من ضمير مصافيــــك**قلبه من الأحقاد والكذبخـالي
لو غبت عشر سنين ما ني بناسيك**وتبقى علينا كل الأيام غـــالي)
جوان : جراح .. آآه يا جراح .. ليش سويت فيني جذي ..
جراح : حبيبتي جوان .. والله أشتقت لج ..
جوان وخرت عن جراح : ليش ترجع الكويت وماتقولي .. قالتلي أمي في ناس بيشفونج وماسألتها منو هالناس ... ماكنت أبي أعرف .. نوم مانمت .. كنت بس أبي اليوم يخلص
قاطعها جراح : أووش .. قعدي وهدي حالج لايحس أحد .. مسحي دموعج ..
جوان : مومصدقة جراح .. موصدقة ليلحين .. احس أني بحلم .. أقرصني عشان اصدق
دخلت أم أحمد الصالة
أم احمد : تفضل يما العصير
جراح : دام فضلج خالتي
جوان منزلة راسها مستحية
أم أحمد : يلا انا أخليكم تاخذون راحتكم
بعد ماطلعت أم أحمد
جراح : أخيييه جوان طالعه قمر تهبلين .. شنو هالجمال .. بس انا زعلان منج
جوان مستحية : عيونك الي تهبل .. ليش زعلان .. أفاا
جراح : لانج متكشخة .. يعني لو ماكنت أنا المعرس .. الي كان بيكون مكاني بيشوف هالجمال كلة ..
جوان : يما فديت الي يغار ..
جراح : فداج كلي .. جوان أنا عرفت كل شي عن آشلي .. وأنا آسف لاني ماصدقتج .. سامحيني يابعد هليوناسي
جوان : مسامحتك جراح .. مسامحتك
جراح : أنزين شوفي أنا مسوي خطة عشان ننتقم منهم .. راح أملج عليج ونرد نسافر أمريكا .. وبعدين أفهمج كل شي .. يلا أنا خل أطلع جنب طولتها معاج .. وأذا أهلج سألوا شنو صار بينا قوليلهم أنا أتفقنا نملجونسافر .. والعرس لاحقين عليه ..
جوان : أوكي .. أنزين ..
جراح : أكملج اليوم ..
جوان : لآ .. أبيك تشتاقلي ..
جراح : آآآخ .. مال أعظج الحين .. حتى وأنتي جدامي أشتاقلج .. شلون أذا بعدتي عني أكثر من خطوة
جوان : وااااي .. خلاص جراح .. لاتحرجني
جراح : يلا عيل في أمان الله ..
جوان ( بعد ماطلع جراح من الصالة يتلي أمي وباستني على خدي .. شافتني حيل مستانسة باركتلي مقدما .. وبعدها رجعنا الصالة .. فضة طلعت خالة جراح وانا عبالي أم المعرس .. المهم طلبت من أمي ترد لهم خبر بأسرع وكت .. وبعدها طلعوا من البيت .. صعدت غرفتي وقطيت راسي على الفراش .. شغلت المسجل على أغنية () .. وبعدها أمي دخلت غرفتي وسألتني أذا موافقة ولا لأ ... نزلت راسي بالأرض وهزيتة .. قامت أمي ويببت على كبر البيت .. )
.................................................. .................................................. ........................
( نيويورك .. بيت جون وآشلي )
جون : ماهي خطتك الآن .. هل أنتهيتي من رسم المخططات .. فالرئيس يريد الأطلاع عليها
آشلي : نعم لقد جلست قرابة ال 3 ليالي وأنا أعمل على مخطط للتخلص من جراح ..
جون : الى ماذا توصلتي
آشلي : حسنا .. أنظر .. لقد أتصل علي جراح قبل يومين وأخبرني بأنه سيأتي الى لوس أنجيلوس لأستلام الشهادة وستأتي جوان معه .. وبذلك سنتخلص من جراح وجوان ..
جون : حسن ٌ اكملي
أشلي : أوكي .. سوف أقوم بتنظيم أحتفال لطلبة الجامعه وسيكون جراح وجوان بألقاء الكلمة للطلاب ..
جون : وبعد ذللك
آشلي : سوف أتفق مع الخبير الفني الصيني لكي يقوم بصنع متفجرات على شكل قلم .. وهذا القلم سيقوم بحمله جراح وجوان .. وعندما يقومون بفتح القلم للتوقيع على ورقة الذكريات بعد 3 دقائق سيضع الخبير الصيني مؤقت لكي ينفجر القلم ..
جوان : وكيف ستتأكدين بأنهم سيحتفظن بالقلم
آشلي : سنضع شعار للجامعه على القلم وسنقوم بتوزيع مجموعه من الأقلام بنفس النوعية للطلبة الحاضرين
جون : حسنا
آشلي : أنا سأراقب تحركات جراح .. عندما يستعمل القلم سأبلغ الأمن بان قلمه يحتوي على المتفجرات وهو أرهابي
جون : أممم .. ولكن
آشلي : أنتظر .. أحد أعضاء الأمن سيهرب جراح وجوان خارج المبنى .. سيسلم جراح وجوان مركبة .. وهذه المركبة سيعبث بها الخبير حيث يقوم بوضع متفجرات بأسفلها وبعد ربع ساعه ستنفجر المركبة بهم .. والصحافة ستنشر أعلان بأن العربيان المسلمان حاولوا تفجير المبنى وبعدها قاموا بالأنتحار عبر وضع متفجرات بمركبتهم وذلك بأسم الجهاد الذي يدعو له دينهم الأسلامي
جون : واااو كم أنتي عبقرية هههههههه .. سيفرح الرئيس كثيرا ..
آشلي : لم أنتهي .. سأجعل جراح وجوان بوضع بصماتهم على المتفجرات لكي تتأكد الأدلة الجنائية بأنهم من قام بوضع المتفجرات ..وسأقوم بتصويهم بالقرب من المتفجرات
جون : أنني فخور ٌ بك جدا يا أبنتي ..
آشلي : لا أستطيع الانتظار .. أريد أن ينتهي الأمر بأسرع وقت فقد مللت الأنتظار
.................................................. .................................................. ........................
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك