رواية لاتمثلين احتياجج لي وانتي بحضن غيري مقزرتها -28
آشلي : لم أنتهي .. سأجعل جراح وجوان بوضع بصماتهم على المتفجرات لكي تتأكد الأدلة الجنائية بأنهم من قام بوضع المتفجرات ..وسأقوم بتصويهم بالقرب من المتفجرات
جون : أنني فخور ٌ بك جدا يا أبنتي ..
آشلي : لا أستطيع الانتظار .. أريد أن ينتهي الأمر بأسرع وقت فقد مللت الأنتظار
.................................................. .................................................. ........................
( بيت أشواق )
أشواق : ماعندي غير عادل أهو الي راح يوقف معاي ويدبرني .. بس مادري أتصل عليه ولا ماأتصل ..
بطرف ثاني بيت علي
علي : خل أدق على أشواق اتطمن عليها .. لا أمس ولا اليوم شفتها مادري شسالفتها
أم علي تنادي علي
علي : هلا يما آآ
أم علي : يما آآ مادري شفيني أحس أني تعبانة ودني المستشفى ..
علي : يلا ثواني بس أييب لسويج وألحقج ..
أم علي : ناطرتك يما آآ أنا بالسيارة
عند أشواق
أشواق : خلاص يبا راح أدق على عادل وفيها الي فيها ..
عند عادل ..
عادل : أووه هاذي أشواق .. خل أرد أشوف شتبي ( ألووو )
اشواق : السلام عليكم ..
عادل : وعليكم السلام يبا .. شلونج شخبارج
أشواق : الحمدالله .. أمممم .. أنا آسفة على الي صار أمس ..
عادل : لا عادي .. مالومج ...
أشواق : أنزين أنت فاظي شي .. ودي أشوفك أبيك بموضوع
عادل : تبيني امرج .. أنا قاعد أفتر بالفريج ..
أشواق : اي أذا ماعليك أمر .. أنا جاهزة ناطرتك
عادل : يلا دقيقتين وأنا عند الباب ..
بعد دقيقتين وصل عادل .. طلعتلة أشواق وركبت السيارة .. ونفس اللحظة علي ركب سيارتة وطار المستشفى حق امة ..
عادل : أشواق أنتي محتاجة شي .. تبين شي .. ناقصتج فلوس .. ترى أنا حاظر
أشواق : ...
عادل : أنزين ليش ساكتة وين تبين نروح ..
أشواق : خل نروح نقعد على البحر .. ومناك بقولك أنا ليش طلبتك ..
بعد ماوصلوا البحر .. قعدت أشواق على الرمل وقعد يمها عادل
أشواق بعد صمت طويل : أنا بطلع من البيت .. بطلع من الفريج بكبرة .. ومابي أحد يدري ..
عادل : تطلعين ,,! وين بتروحين
أشواق : أنا عشان جذي دقيت عليك .. أدري أنك راح تقدر تدبرها ..
عادل : أنزين انتي قوليلي شنو تبين بالظبط وأنا عيوني لج
أشواق : أبي أسكن بشقة بوحدة من عماراتك .. والاجار راح أدفعه لاتحاتي
عادل : أفاا .. ماهقيتها منج ..
أشواق : عادل رجاءا خلني أكمل ..
عادل : تفضلي
أشواق : مابي احد يعرف عنواني ولا وين ساكنة .. وأبيك تشتريلي خط ثاني وتلفون .. وكل شي بعطيك حسابة .. لا تقاطعني .. آخر طلب أذا ماعليك أمر .. أبيك تدبر لي وظية عشان أقدر أصرف على عمري .. حتى لو تشغلني فراشة عندك
عادل : لا لا .. لاتقولين جذي .. أنا حاظر وتحت أمرج .. بعدين أنتي ماشاءالله عليج فاهمة وعاقلة .. وراح أستفيد منج وايد .. شرايج أخليج السكرتيرة الشخصية لي ..
أشواق : بس انت تدري اني ماعندي شهادة ..
عادل : عادي .. مو شركتي .. اوظف الي أبي وأفنش الي أبي .. أنتي بس قولي تم ونتوكل على الله
أشواق : أوكي تم ..
عادل : متى تبين تطلعين من البيت
أشواق : اليوم .. وألحين
عادل : خلاص .. خل نرد البيت وشيلي أغراضج الي تبينها .. وأنا راح أدبر لج شقة .. والخط لاتحاتين .. اللتفون اليوم بيكون عندج .. أنتي بنت الغالي حميد ..
أشواق : مشكور .. بس عادل لاتحط في بالك أني طلبت مساعدتك راح يتغير شي .. ولا تظن أني بسلمك نفسي .. راح تكون مجرد مديري وبس ..
قاطعها عادل : يبا خلاص انا عقلت .. لاتخافين .. بعدين باجر ملجتي على بنت عمي .. شرايج تنورين الحفلة
أشواق : يالله ألف مبروك .. منك المال ومنها لعيال .. بس ماعتقد أقدر أشرف الحفلة .. عندي وايد أشغال لازم أخلصها
عادل : على راحتج .. يلا قومي عشان لانتأخر .. ويمديج تجهزين أغراضج
أشواق : أوكي ..
(........ .دلوعتڪ ؛
.. . . .تعبآنـهمنهآلنآس♥’
. . . ............ . تبي حضنڪ
)
.................................................. .................................................. ........................
( مطار الكويت الدولي )
مشاري : وأخيرا وصلنا مابغينا
هوازن : حدي تكسرت وحيل تعبانة .. أول مانوصل البيت بحط راسي على لفراش وبنام ..
ثنيان : أنا شبعت نوم .. بطلع أهيت بالشوارع .. ( وصل بي سي حق ثنيان ) : ترى طلعوا النتايج ثنيان أنت الأول على الدفعه نسبتك 99.1
ثنيان صارخ : هيااااااا ... الحمد لك والشكر ياارب .. يما طلعت النتايج أنا الأول على الدفعه .. نسبتني 99.1 .. باركيلي يما .. باركيلي
مشاري : ههههههههههههه .. صكيت على آينشتاين الله يهداك .. بل عليك .. شنو هالمخ ..
هوازن : مبرووك يما .. فرحتني .. مشاريو ويعا قول ماشاءالله لايصير بخوك شي
مشاري : لاتخافين عليه .. شبيصير فيه بينقص معدل ذكاءة مثلا .. أمش أمش خل نطلب شي حدي يوعان ..
هوازن : أنزين يما ومشاري .. ماطلعت نتيجتة ..
ثنيان : ويت خل أشوف ..
مشاري : يبا أنا اهم شي اني ناجح .. مو مهم النتيجة ..
ثنيان : اي طلعت .. نسبتك 70.5
مشاري : هههههههههههه .. والله أني وحش .. لأول مرة بالتاريخ .. أقول يما جم حطيتيلي بالشفوي أكيد أنتي منزلة درجتي
هوازن : عاد أنا حطيت بالشفوي كامل حق ثنيان وأنت حطيتك 5 من 10
مشاري : حلفي بس .. أي أنا أقول ولد البطة السودة .. الله يسامحج
هوازن : ههههههههههه .. انزين أنا بيمرني السايق يوديني البيت .. أنتوا في أحد يردكم ..
مشاري : اي سيارتي بالمطار ..
هوازن : خلاص عيل .. يلا أشوفكم بالبيت .. لاتتأخرون
ثنيان : أنشاءالله
مشاري : من قدك الأول على الدفعه ..
ثنينان : ألحين اكيد قمر راح تستانس .. أنزين مشاري توديني أمر بيتهم .. بعطيها السلسلة وببشرها
مشاري : اوكي ..
ثنيان : شفيك متظايق
مشاري : أنا .. لا ولا شي .. ولا شي ..
(آعًطيهم[ الفرحْھ]
ۈ آنآ"ۈسسط" الآحّزآن!
ۈ آجبر{ گسۈر}--الغير. .
ۈآهمُل[ گسۈري"
)
.................................................. .................................................. ........................
( بالسيارة .. )
وصل مسج حق هوازن
(كل شي شفت فيهـا فيـه نبـره جاذبيـه
موهبة من فضل ربي واشهد ان الله وهبها
كلهـا لله بـلله فاتـنـة هــالا دمـيـة
عاجبتني من بداية رأسها لا سفل كعبهـا)
هوازن أبتسمت وردت على المسج : (آشتقت لـ [ ذييـڪلـعيون ’
وارتبآكيقيقربهها)
جاسم : أنزين بشوفج ..
هوازن : الحين ..
جاسم : اي ألحين ..
هوازن : بس انت شلون عرفت أني رديت من السفر
جاسم : العصفورة قالتلي
هوازن : ثنيانوو .. أمممم .. خلاص عيل دقايق وأكون عندك .. أشوفك بستاربكس الدعية
جاسم : أوكي
وصلت هوازن ستاربكس وكان جاسم ينطرها .. قعدت على الكرسي ولا يغني لها ..
(ياهلا بلي لفانة ياهلا به )
هوازن أستحت ونزلت راسها : ماتيوز من سوالفك جاسم ..
جاسم : ههههه .. يما فديت الي يستحون والله .. شلون السفرة شلون كانت ..
هوازن : والله الحمدالله حلوة .. مشاري هالسفرة غيرتة ... صار نسان ثاني ... حسيت انا رد أنخلق مرة ثانية
جاسم : والله زين شهالتطورات
هوازن : بس
جاسم : بس شنو
هوازن : شفت أبو مشاري بالطيارة .. وكان قاعد يمي طول الرحلة ..
جاسم عصب : ولا يكون تعرظلج ولا أذاج
هوازن : لا .. بس أنا خايفة يرجع يطلع بحياتي مرة ثانية ويوسوس براس مشاري وياخذة عنده .. أنا اقدر أفارق عيالي .. فرقاهم عني يعني موتي جاسم .. تعرف شنو يعني موتي
جاسم حط أيدة على ايد هوازن : أسم الله عليج حبيبتي .. لاتقولين جذي .. أنشاءالله يومي قبل يومج
وبهاللحظة بو علي وبوخالد داخلين الكوفي شوب .. بو علي شاف هوازن قاعدة مع جاسم .. توجه عند طاولتهم ..
بو علي : هلا هلا .. صج ماتستحين على ويهج ..
هوازن مصدومة : بوعلي ..
.................................................. .................................................. ........................
نهاية البارت ..,
يمكن أتاخر عليكم .. لانة راح أنشغل بهالجم يوم
أنا بسوي قروب واتساب عشان ابلغكم متى راح أنزل البارتات ..
الى تبي تشترك بالقروب تدزلي نكها ورقم فونها بالخاص ..,
وأذا ماتبون هم على راحتكم .,
وسوري على القصور
واحشني مووت على مشكورة على الملاحظات ..,
أووه طوفي وايد أغلاط عندي .. من السرعه .. لاا فضة خالة قمر وجراح ..,
وهالبات لعيونكم ..,
بنات ترى المجال مفتوح حق الي بتسجل بلقرووب فقط بنات ..,
..
البارت السابع والثلاثون
:$:$...
.............
بو علي : هلا هلا .. صج ماتستحين على ويهج ..
هوازن مصدومة : بوعلي ..
بوعلي : اي بوعلي .. أنتي صج ماعندج ذرة حيى .. أستحي على ويهج وصلتي الاربعين وليلحينج على سوالف الموراهقة .. عيب عليج
جاسم وقف من على الكرسي وبصوت حاد : أنا ماأسمحلك تتكلم معاها بهالطريقة
بوعلي : وانت منو عشان تسمحلي ولا ماتسمحلي
جاسم : أنا خطيبها .. وعن قريب راح نتزوج
بوعلي : ماشاءالله .. صج المثل الي يقول لي غاب القط ألعب يافار ..
جاسم : ممكن ألحين تتفضل وتخلينا ناخذ راحتنا
بو علي : أخذوا راحتكم .. وأنتي .. عقلي بلا هالحركات .. ترى عيب عيالج صاروا طولي والله عيب
وتعدى بو علي
جاسم : هزوون شفيج يبا ليش قاعد تبجين
هوازن : راح يفظحنا بو علي .. راح يفظحنا
جاسم : ليش شمسوين .. لاهو عيب ولا حرام الي سويناه .. ريال وخطيبتة وقاعدين مع بعض
هوازن : لا جاسم .. اذا مشاري عرف بلي صار يمكن يغير راية .. يمكن
قاطعها جاسم : حياتي لاتتشائمين .. ومشاري عقلة مو صغير لهالدرجة
هوازن : الله يستر .. الله يستر أنشاءالله
.................................................. .................................................. ........................
( بيت جاسم .. )
بالتحديد غرفة قمر ..
قمر ( الجو حدا جيب .. بطلت دريشة غرفتي وقعدت أستنشق الهواء الطلق .. شفت جراح قاعد بالحديقة وحيل مستانس .. بقيت أخرب عليه الجو الي عايشة بس قلت لا أصير حقيرة .. وبعد دقايق قام من على الكرسي وركب سيارتة وطلع .. صرت بروحي بالبيت .. وحدا ظايق خلقي .. بطلت المرينا أف أم وقعدت أسمه برنامج ريفريش .. واااااي علي نجم معذبني .. صوتة .. أسلوبة .. كل شي فيه حلو .. ومادرس ليش يذكرني بمشاري .. مشاري .. ها .. مشاري .. لا لا .. أنا شلتة من بالي من زمان .. اي نسيتة .. بس .. الحين راح يربطنا شي أقوى .. راح نعيش في نفس البيت .. يارب صبرني .. بعد ماخلص البرنامج حطواأغنية راشد تعال.. (تعال ومابقى لي يوم،بغيابك يصبرني
أخاف آموت من شوقي وإنت مطوِّل إغيابك
تعال وكل شئ صار فيبُعْدك يذكرني
دروبك ضحكتك طاريك وريح العطر بثيابك
أنا من غبت عن عينيوخياك مايفارقني
تصدق حالتي صعبه وعمري ضاع بأسبابك
ياأجمل من سكن قلبيوعمَّرني ودمَّرني
تعال وشوف إش سوَّى حنين الشوق بغيابك
أنا وين أبتعدعنِّك وعيونك تحاصرني
أنا وين أهجرك وآروح وأنا سجني أهدابك
ياكل إحساسهالدنيا والله الشوق غيِّرني
أحبك ليه لاتسأل وأنا آموت بترابك
) ... أندمجت حدي وتنحت .. وأنا متنحة ولا يطق جرس البيت .. نزلت أبطل الباب .. كنت لابسة شورت جينز .. وبلوزة برشلونة وشعري مسويتة كريلي .. وعيني خاطتها بالكحل .. بطلت الباب ولا أتتح مرة ثانية .. ثنيان كان واقف عند باب البيت .. ومشاري معطيني ظهرة .. )
قمر : ثثثث ...ثثنيان
ثنيان بنظرات شوق : هلا قمر
قمر : شلونك .. انت رجعت من السفر
ثنيان : اي اليوم رجعنا
قمر : حمدالله على السلامة
ثنيان : الله يسلمج .. ( يأشر على مشاري ) : شوفي منو يا معاي
قمر : منو
مشاري ( لفيت ويهي وطاحت عيني بعينها .. ) : يعني منو مثلا يني الفريج .. أنا مششاري
قمر بتوتر : حمدالله على السلامة
مشاري بنفسية : الله يسلمج .. يعني شنو بتخلينا نوقف عند باب البيت .. ماتعلمتي السنع
قمر ( مادري شقولة .. أرد عليه .. ولا آخذة على جوة .. أصير قليلة الأدب معاه .. ولا أتكلم بأدب .. ماقدرت أرد .. كل مابي أرد أحس دقات قلبي تزيد .. ولساني يمنعني من الكلام .. ) : تفضلوا
مشاري درعم : وين الصالة ..
قمر : تفضلوا حياكم
ثنيان : مشاري أنشاءالله مو جذي تكلم البنت .. شوي شوي عليها
مشاري : أقول لاتطلعلي فيها وتصير محاميها
ثنيان : بس
قاطعه مشاري : حجية قمر .. ماتبين تظيفينة .. عصير ماي جاي .. حليب كاكاو .. حليب موز
قمر ( أستجمعت كل قواي .. خلاص هاذا مو طبعي .. وايد سكت .. ورا ح أنفجر أذا سكت أكثر ) : أنشاءاللهيعني ماتستعيل .. عطني مجال عشان أظيفكم .. من دشيت وأنت ماكلني بشراع وميدرا .. أصبر شوي ..ثنيان شنو تشرب
ثنيان : أمم .. ماي
قمر : ثواني والماي عندك
تعدت قمر بدون ماتسأل مشاري
مشاري : شنو هالقلة أدب .. ماعلمها أبوها السنع
ثنيان : مشاري ترى أحنا مويايين نتهاوش مع البنت .. يايين نسلم ونطلع ..
مشاري : أنا بطلع أدخن .. عطها السلسلة وتعالي السيارة .. أذا قعدت أكثر راح أنفجر
ثنيان : اوكي ماشي
مشاري ( طلعت برا بيتهم .. ركبت الكمارو وطلعت التلفون وأتصلت على قمر .. الشحرورة جاري الأتصال ..)
قمر ( رحت المطبخ وماني قادرة أكبت مشاعري أكثر .. أجذب على عمري أذا قلت ماأحبة .. والله أحبة واعشقة وأموت فيه بعد .. وانا أحط الماي بالصينية ولا يرن تلفوني .. الحب يتصل .. رديت على طول وبدون مقدمات )
: ليش .. ليش .. !
مشاري بصوت حنون : أذا ... أذا ..
قمر : أذا شنو ..
مشاري : أذا تعزيني .. لاتكسرين بقلب ثنيان .. ترى ثنيان يحبج ..
قمر : بس انا قلبي معاك
مشاري بصوت حاد : أنتي شنو ماتفهمين .. قتلج أنا ويهي مو ويه حب .. فهمي يابنت الناس .. بعدين لو تكونين آخر بنت بالدنيا مستحيل آخذج .. / وسكر التلفون بويها
(«®°•.¸.•°°•.¸¸.•°°•.¸.•°®»محروم«®°•.¸.•°°•.¸¸.•°°• .¸.•°®»
محروم انا يا زين محروم من البسة سهران ما انام الليل ما بين شقا ودمعه
طيفك يعذبني ما ارجعت بعيد
اضحك انا للناس وبالسر انا شمعه
احساس غريب غريب)
قمر وأهيا تبجي : بس انا أحبك .. أحبك .. ( مسحت دموعي وطلعت حق ثنيان ) : تفضل
ثنيان : دام فضلج
قمر : وين مشاري
ثنيان : راح السيارة
قمر : أي صج .. مبروووك .. طلعت الأول على الدفعه من قدك
ثنيان : أنتي سمعتي الخبر
قمر : اي النتايج طالعه صارلها يومين .. تستاهل .. وين بتقدم
ثنيان : أكيد طب .. وأنتي
قمر : أنا كنت مفكرة طب .. بس شكلي ماراح أتحمل جو الطب فبدش حقوق
ثنيان : اي زين حلو ..
قمر : وبقيت أشكرك الفضل لك .. لو مو وقفتك معاي جان مايبت هالنسبة
ثنيان : ولو .. هاذا واجبنا .. أمممم .. قمر انا يايب لج سلسلة من الأمارات .. شفتها وعجبتني وحبيتأشتريها لج
قمر : ليش كلفت على نفسك
ثنيان ( طلعت السلسلة .. وقفت وقربت منها .. رفعت شعرها ولبستها السلسلة .. قعدت يمها على المطرحوطاحت عيني بعينها .. مسكت أيدها ومادري شلون الكلام طلع من حلجي .. )
: قمر هاذي السلسلة كل ماتشوفينها تذكرني .. انا حطيت قلبي بين أيدج .. وأرجوج أنج ماتكسرينة .. أنا أدري أنج كنتي تحبين مشاري .. ومادري أذا كنتي ليلحينج تحبينة
قاطعته قمر : لا ..
ثنيان : شنو الي لأ
قمر ( بالغصب طلعت الكلمة من حلجي ) : أنا .. أنا ماحبيت ولا راح أحب مشاري
ثنيان أستانس : عيل قلبي بيت أيدج ... حفظي وصونيه .. وأذا تبين تبدين معاي بداية يديدة قوليلي ألحين وأذا كنتي لا بعد قوليلي .. وانا ماأجبرج على شي .. أذا كنتي ماتحبيني موغصب .. بس أبيج تعرفين شكثر أنا أحبج ..
قمر : أحبك .. ( دمعت عيني ) .. أي صح .. أنا أحبج .. وماراح أحبك غيرك
ثنيان أستانس : وانا بعد أحبج .. والله أحبج .. أنزين انا ألحين تأخرت على مشاري .. بينة كول
قمر : أنشاءالله
ثنيان ( مومصدق ألي صار .. يعني قمر صج قمر تحبني .. أي أكيج تحبني .. بعدين شنو الفرق بيني وبين مشاري . أصلن ماكو فرق .. وصلت السيارة .. ومن فرحتي )
: قلتلي أحبك .. قمر تحبني مشاري
مشاري يتصنع اللامبالاه : أنزين وخير
ثنيان : أنت ليش جذي .. ليش مو مستانس لي ..
مشاري : لاني قتلك مو قمر الي مناسبة لك .. هاذي قمر ..
ثنيان قاطعه : بس لاتكمل .. حفظت أسطوانتك ..
مشاري : يلا مشينا عيل .. خل أقطك البيت وبعدها بمر حيدر ..
ثنيان : أوكي .. أنزين وانت ماتبي ترتاح .. ماتبي تنام لو شوي ..
مشاري : لا
ثنيان :عيل توكل على الله ..
.................................................. .................................................. ........................
( بيت بوعلي )
أم علي وعلي وفاطمة قاعدين بالصالة يشوفون تلفزيون .. ولا بوعلي داخل البيت بشرة ..
بو علي يصارخ : أم علي .. أم علي
أم علي : هلا بوعلي .. خير شصاير .. شفيك معصب
بوعلي : شفيني معصب .. تعالي الغرفة وأقولج شفيني معصب
أم علي : خير أنشاءالله .. يلا توكلنا
بعد ماصعدوا الغرفة ..
علي : تهقين شفيه الوالد
فاطمة : والله مادري علمي علمك .. بس السالفة شكلها جايدة ..
علي : أول مرة أشوف الوالد معصب جذي
فاطمة : اي والله أنا بعد
رن فون علي
حيدر : كااااااااااااااااااااااااااااااااااااااااااااك
علي : شفيك حيدور .. ليش فاصل على أفاي
حيدر : تتوقع منو توة ساد التلفون مني
علي : منو
حيدر : دلال
علي : ولييه .. وشتبي بعد .. المشروع وقلنا باجر بنسوي ميتنق
حيدر : لا موجذي .. عازمتني وعازمتك على عرسها
علي : كاااااااااااااااااااااك ..أهم شي .. صج أن لم تستحي فأفعل ماشئت .. حمدالله والشكر أستخفت البنت
حيدر : أنت لاتشوف ويهي شلون صار علامة تعجب .. تنحت ولا أقولها يصير خير
علي : لايكون بتروح عرسها
حيدر : لا من صجك .. وين قاعدين .. اصلن أذت كان فيه عرس .. الظاهر سوت هالحركة عشان تبيك تغار يعني
علي : يخسي الى يغار على هالأشكال
حيدر : هههههه .. بس والله فصلت عليها .. الله يشافيها أنشاءالله ..
علي : الله يسمع منك
حيدر : يلا عيل أنا بطلع مع الأهل بس قلت أدق أقولك الخبر ..
علي : ههههه .. سلم على الوالدة
حيدر : يوصل
علي : والله وكبر راسج يادلال
فاطمة : شنو شنو .. أبي أظحك شصاير
علي : ولا شي سوالف رياييل شكو تحشرين خشمج بالنص
فاطمة : أدري عرفت السالفة .. دلال بتتزوج
علي : هيي أنتي عن اللقافة .. ومنو قال من وين يبتي هالكلام
دلال : حيدر صوتة ماشاءالله مكرفون .. شرايك نحضر العرس ونبارك لها
علي : ولي زين .. بعدين فطوم ياويلج أذا قربتي من هالبنت
فاطمة مخترعه : أهم شي .. وانا شكو فيها .. اصلن من صارت سالفتكم وانا مادري عنها مسحت رقمها وكل شي ..
علي : اي عبالي بعد ..
فاطمة : أممم .. ألا شلون أشواق ..
علي : الحمدالله زينة .. تسلم عليج
فاطمة بنفسية : الله يسلمها
علي : وشفيج منفسة هاا
فاطمة : لا ولا شي ..
علي : أنزين انا طالع أذا امي سألت قوليلها بمر مشاري بسلم عليه
فاطمة : أوكي
( غرفة بوعلي )
أم علي : خير شصاير
بو علي : أختج .. يعل أنشاءالله تفنقش ونفتك من فظايحها
أم علي : شمسوية بعد
بو علي : تخيلي قاعدة مع العاشق الولهان وجدام العموم والله تفشلت من بوخالد .. وبكل جرأة يقولي الحبيبأنا خطيبها .. شنو خطيبها .. هاذي ينت ولا خرفت على آخر عمرها .. شوفي عاد أذا أختج تزوجت هالريالبتكون نهاية الحياة بيني وبينج
أم علي : شقصدك يعني
بو علي : يعني قصدي راح أطلقج ..
أم علي أنصدمت : شنو .. بعد هالعشرة يا بوعلي بتطلقني عشان هاذي .. والله ماهقيتها منك
بو علي بعد ماهدت اعصابة : آآه .. سامحيني أم علي الكلمة طلعت من حلجي بالغلط .. بس أختج نرفزتنيبصراحه .. عيب الي قاعد تسويه .. الناس شنو بتقول ..
أم علي ودموعها أربع أربع : وانا شنو ذنبي .. حياتها وأهيا حرة فيها .. وأهيا موياهل عشان أطقها على أيدها واقولها قعدي عاجل ..
بوعلي : لاتبجين يانظر عيني .. ترى عورتي قلبي .. قتلج مو قصدي .. وانا ماقولج طقيها على أيدها ..وقفي بويها انتي وأمج مثل ماوقفتوا بويها قبل 20 سنة ..
أم علي : بس هالمرة غير .. هالمرة أكيد ماراح تتخلى عنة
بو علي : عيالها .. مشاري .. ترسي راسة بأفكار تخليه يوقف ضد أمة ..
أم علي : خلاص اليوم راح أروح البيت وأشرشحها وأخلي أمي توقف معاي
بو علي : اي زين تسوين
أم علي : أنا أسوي المستحيل بس أنت ترضى عليي .. كل شي ولا زعلك يالغالي
بوعلي : تسلميلي يالغالية
.................................................. .................................................. ........................
( بيت أشواق )
أشواق ( قعدت أفتر بالبيت وأودع كل زاوية فيه .. ذكرياتي فيه كلها ذكريات مؤلمة .. ولا عمري عشت فيه لحظة حلوة .. من وعيت على الدنيا وأنا ماذقت طعم السعادة .. ويوم قربت من السعادة بغمضة عين فقدتها .. لميت أغراضي ولبست عباتي .. أتصلت على عادل وقتلة يمرني .. وقبل لا أطلع من البيت شفت سيارة علي سافطة عن بيتهم .. أنخشيت ورى الشجر وشفتة ركب سيارتة .. لآخر مرة ناظرت عيونة من غير لايحس .. ودعته وخليت قلبي عندة .. بس قبل لا أمشي كتبت رسالة له .. وحطيت الظرف بجيس ومعاه التلفون .. مادري شلي خلاني أوقف عند باب بيتهم .. طقيت الجرس وكان قلبي يرقع .. خفت أمة تطلع بوهي .. بس الحمدالله طلعت الخدامة .. عطيتها الجيس وقتلها تسلمة حق علي .. وبعدها تعديت عن بيتهم ورحت عند باب بيتنا .. قفلت الباب ونطرت عادل يمرني .. بعد ربع ساعه وصل عادل البيت .. حطيت أغراضي بالسيارة وركبت السيارة من غير لا أشوف باب البيت .. يمكن أذا شفت باب البيت أتراجع .. وانا مابي اتراجع عن قراري .. وطول الطريج كان الوضع صامت .. وبعد هالصمت الطويل .. )
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك