رواية حبك رسمك في ناظري وين ما اروح -29
البارت 26
فــي الصــالة ~
زياد كان منسدح عالسوفا و يطقطق في تلفونه
و يجرب كل شي كانه اول مرة يجوف تلفونه هههههههه
شوي الا يتصل في شهد بالغلط
و للاسف انه رن فما قدر يسكره
زياد : اوووف شهالوهقة اشلون اتصل في الناس
هالحزة و لا بعد بنت و غريبة
سكت يوم سمع بالرد : الوو
زياد :اهليــن
السموحة اخت شهد اتصلت بالغلط مادري شطقيت
و راح على رقمج
شهد : لا عادي ماله داعي تعتذر تصير هالحالات
زياد : اوكي عيل ما طول عليج مع السلامة
شهد : اخوي .. لحظة شوي
زياد : امري
شهد : شصار على وضوع غزلان عسى بس لقيتوها
زياد : لا الحمدالله لقيناها و الحين اهي عندنا بالبيت
و ان شاءالله ذاكرتها بس ترد لها
شهد : ان شاءالله , ممكن الاقيها فمكان وحشتني حييل
زياد : و لو اني انا ما اسمح لها بالطلعات مع رفيجاتها بس وقفتج ويانا
عمري ما راح انساها و لا يهمج
راح اعطيها رقمج و تفاهموا مع بعض
و سامحيني مرة ثانية لاني داق هالحزة
دخلت عليه غزلان و اهيا تسمع جملته
شهد : مشكوور ما تقصر يلا مع السلامة
زياد : مع السلامة .. و التفت على غزلان
يا هلا و يا مرحبا تو ما نورت الصاله
غزلان : هههههه يا عيار من كنت تكلم
زياد : اي هاي غزلان الي اعرفها
غزلان استحت انها طيحت الميانة بس اهيا
لازم تتاقلم و مهما يكون هذا اخوها
زياد : شفيج هههههههههه هاي وحده عزيزة
على قلبج ووايد تحبيها
غزلان باستغراب : بس انا ما اذكر احد
زياد : متاكده ما تعرفين شهد ؟؟
غزلان : شــهـــد !!!!!!!!! شهد ما غيرها الي بالمستشفى .....
زياد : شوي شوي خذي نفس اي اهيا و هاج بعد هاي رقمها
و كلميها باجر و تفاهمو وين تبون تتلاقون عشان اوديج لها
لمته بالقوة : حبيبي اخووووووووووي
زياد بخجل حك رقبته : كلا واحد وخري بس خنقتيني
غزلان : هاهااهاهاهاهااييييي زيوود جوف ويهك
اشلون انقلب خلاص سوري
يلا قود نااايت .
________________________________
فتح عيونه على المنبه الساعه 9 الصبح
قام واخذ له شور سرييع
طلع ولبس ملابسه
وقعد على السرير
فيصل
يااااااربي رحمتك
شلووون بواجه امي بعد كل هالسنين
موو قادر ياربي ساعدني
تنهد واخذ مبايله واتصل
روان بصوت كله نوم: الووو
فيصل : صبااح الخييير ياا حلوه بعدج نايمه
روان: همممم فيصل شتبي
فيصل واهو دايخ من صوتها : قلللب وروح فييصل
قوومي حبيبتي
روان واهيا تصحصح: هاااااا فيصل عن قلة الادب
فيصل : ههههههههههه ان شاءالله بس انتي قومي
روان: اييه قمت .. متى بتروح
فيصل : ااااه الحين بطلع
روان: فييصل لاتضعف خلك قووي
مايصير تواجه امك وانتا جذي
خلك وااثق من نفسك عشان توضح لها كل الي صار
فيصل: ان شاءالله .. يالله عيل بخليج انا بطلع الحين
روان : بالتوفيق
فيصل : ويااج ويالله نزلي حق امج قعدي وياها
روان: هههههه انزين يالله باي
فيصل : بااي
قام واخذ مفاتيح السياره وبوكه وتوجهه للباب
بيطلع من الفندق بيروح حق امه
________________________________
قامت من النووم والجمله الوحيده الي تتردد في راسها
بتاخذينه غصب عنج
... من هذا الي باخذه غصب !!!!
غزلان : اااااااااااه ياربي رااااسي بينفجر من التفكيير
انااا لازم اعررف كلشي عن حياااتي لازم اعرف من
اكوون كلشي كل التفاصيل عن حياتي
قامت عند الكبت تطلع لها ثياب تبي تسبح
واهيا تنبش في الكبت تطلع ملابسها
لقت دفتر شكله مميز مزين بكرستالات
.. وااااو حلوووو ..بس..
غريبه انا ليش خاشه هالدفتر هني!!
خلت الملابس الي في يدها وقعدت على السرير تتصفح الدفتر
اول صفحه
الاسم .. غزلان الـ..
العمر..18
وصورتها على جنب
الصفحه الثانيه
اليوم شمس وحررررر ولوعة جبد
ااااه معلمة العلوم انفخت راااسي من هذرتها
فديت زيود اخوي الي اخذني من المدرسه ووداني
اشتري من باسكن .. وااااي احبه هالصبي
اهو اخوي وصديقي وابوي
اااه تعبت اليووم خلني انام وراي قعده
ادرس حق الاختبار
غزلان واهيا تسكر الدفتر وبابتاسمه : هذي اناااا هذا دفتري
وشكله فيه يوميااتي
يعني من هالدفتر بعرف كلشي عن رووحي
الحمدالله واخيييرا لقيت الدلييل
خلت الدفتر فالدرج الي يمها
وخذت ملابسها ووتوجهت للحمام (( اكرمكم الله )) تسبح
في بيت ام فهد
ام فهد وفهد
قاعدين على طاولت الطعام يفطرون ويسالفون
فهد: عيل ريم وين
ام فهد: اكيد في غرفتها نايمه
فهد واهو يشرب الشاي : اييه انزين يالله انـ
ماكمل كلامه والا مبايله يرن
فهد : الووو
...: فهد الــ
فهد: اي نعم من معاي
....: معاك الظابط عمر
فهد: ياهلااا اي خدمه
عمر: ممكن تيينا المركز
فهد : عسى ماشر شصاير
عمر : تفضل عندنا وبتعرف السالفه
فهد: انزين
عمر : مع السلامه
ام فهد : شصااير !!
فهد: لاا بس يبوني الشغل ضروري
يالله عن اذنج
ام فهد : اذنك معاك .. دير بالك على نفسك
فهد : ان شاءالله
______________________________
واقف جدام بوابة بيتهم
يتامله .. وفكره بعييييد
يتذكر شصار من اول ماسكنو في هالبيت
ليين ما سافر بررع
كل هالاحداث تمر في ذاكرته وكانها
فــلــم ..
اااااااه حسبي الله ونعم الوكيل فالي كان السبب
صحاه من سرحانه البوااب الي لاحظ وقوفه يم البيت
البواب : اي خدمه حظرتك
فيصل بابتسامه: مصطفى شخبارك
مصطفى واهو يحاول يتذكر هالشخص : أأآآآآآ الحمدالله ياباشا
بس .. مين حظرتك
فيصل : افااا يا مصطفى نسييتني .. نستك السنين من انا
مصطفى واهو يفتح عيوونه : فييييييييصل
انتاااا فييصل يااابني ازيييييك يااا بني
دنتاااا عاااايش الحمدالله
فيصل : هههههه اي الحمدالله
مصطفى : فيين رحت ياباشا دي ماماتك حالتها
ماتسرش من فرائك
فيصل : ااااه ياا مصطفى خلها على الله
يالله انا بدخل
مصطفى : تفضل ياا باشا
دخل البيت وفتح البااب
وقف يتامل الصاله
ويتذكر ابوه وامه وسوالفهم
عقب الغدى ..
كل هذا فقده وراح منه بسببهم اهم السبب
الله ينتقم منهم
نفض هالافكار من راسه وتوجهه لغرفة امه
فتح البااب ولقاها منسدحه على السرير وعيونها
فووق تطالع السقف وولا حركه .. مثل ماقالوله
امه في صدمه وحالتها النفسيه زفففته
راح وقعد يمها على السرير يتاملها
اخذ يدها باسها وباسه على راسها وخدها
ودمووعه تطيييح بهدوء .. مو قادر يجوفها بهالحاله
.. ييييمه قووووومي اناااا يييت لج بااخذ حقنا منهم
يمه الله يخلييج سامحيني انا مارديت البلاد بسببهم بس علشان
انتقم منهم .. والحين بنفذ انتقاااامي
حس بضقط على يده .. رفع راسه جاف دموعها تنزل
مسح دمووعها بيده
فيصل واهو مو قادر ايود روحه ازيد انفجر يصييح
يييييييمه اصحييي الله يخلييييج اناا احتااااجج
ماقدر على بعدج اكثر من جذي
ااااااااااااااااه يا اني تعبت من الوحده والغربه
كنت اجاهد نفسي عشان ما اضعف وارد البلاد
اياام كنت امررض فيها مافيه احد يمي
ييييييمه قوومي ابي اسمع صووتج
رفع راسه عقب مافرغ كل الدموع والحرقه الي بقلبه
جاف انه مافيه اي كلمه منها
يمه انااا الحين برووح وبرد باجر الله يخليج
لاتخيبين ضني .. تكلمي قوووولي شي
مشى جهت البااب ووقف والتفت عليها
على نفس حالتها
اخذ عمره وطلع من البيت بكبره
___________________________________
وصل فهد مركز الشرطه
ودخل عند الظابط
فهد واهو يقعد على الكرسي : عسى ماشر شصاير
عمر: اختك ريم الـ.. صح
فهد واهو قاطب حواجبه : اييه صح شفيها
عمر : امس قبضنا على شقة دعاره
فهد : انزين وريم اشدخلها
عمر : للاسف اهيا كانت من ضمنهم
فهد بصدمه وقف : نننننننننننننننننننننننننعم
ريييييييم ويااااااااااااااااهم .. اكيييييد فيه غلط
اختييي مستحيييييل اتكووووون جذي
عمر : للاسف اخوي اختك كانت وياهم
فهد والشرار يتطاير من عيونه : وينها اهيا الحين
عمر : في السجن .. بناديها لك الحين
_____________________________
في المستشـفـى ~
وصل حمد من الصبح عشان يكون مع امينة وقت العملية
مايبي يخلياه بروحها بهالوقت و خصوصا انها صايرة
تتحسس على اقل شي
دخل غرفتها شافها مجهزينها و لابسة ملابسها حق العملية
الدكتورة : عجل شوي اخوي لازم ننقلها لغرفة العمليات بعد 10 دقايق
حمد : اوكي ماراح اطول
و طلعت الدكتورة و خلتهم بحالهم ..
حمد : ها امونتي جاهزة
أمينة : اي الحمدالله و ان شاءالله خير و لو ان معورني قلبي
اني راح انزل الياهل
حمد : لا ان شاءالله و لما تشفين يصير خير بس بهالوقت لا
و لا ناوية تخلينا بروحنا !!
ابتسمت أمينة : خلاص ما باقي شي و انا خايفة
يا حمد فما وصيك على نفسك و على بنتنا
حمد : لا تصوين حريص و اخر لج مرة تقولين هالكلام و العملية
شرحتها لي الدكتورة و اهيا بسيطة لا تخافين و ان شاءالله بعدها
يشيلون الورم و يبدون معاج العلاج و ترجعين مثل اول و احسن
أمينة : ان شاءالله
حمد : يلا استغفري ربج و اقري المعوذات و فكري بكل
شي يسعدج و الله معاج و حبها على جبينها
هزت امينة راسها وشويات الا دخلو السسترات
عشان ياخذونها لغرفة العمليات
و اهوة قعد ينتظرها بغرفتها الخاصة و يدعي لها تقوم بالسلامة
__________________________________
راشد : رنووي
رنا : هلا حبيبي
راشد : اشرايج نطلع اليوم نستكشف الجزيرة
رنا : اكييد ماقول لا
راشد : عيل يلا قومي بسرعة لج ربع ساعة جهزي فيهم
عشان بنروح نتغداء عقب نجوف سوقهم و الا اي شي
رنا : اووكي على هالخشم هههههه
راشد يفرص خشمها : يسلم لي هالخشم و الله
يلا قومي لا تاخرينا
رنا : ههههههه اوكي اوكي
شوي و يات رنا كاشخة و مسكت يد راشد يلا بينا يلا
راشد : يلا يا قلبي سرينا
رنا : جنه قلبناها اغاني هههههههه
راشد : يا عساها دووم هالضحكة
يلا وين حابة تتغدين
رنا : اممممممممممممم اي مكان عادي
راشد :اوكي عيل يلا امشي و نجوف
و راحووو تمشوا شوي عقب جافو لهم مطعم راقي
فيه قعده على برا ففضلو يقعدون فيه
لان الجوو حلووو اختارو لهم الي يبونه
و سولفو و تغدوا و حلو و كل شي و قامو
راشد : ها عجبج المطعم
رنا : واااااااااااااايد عجييب الصراحة
راشد : اي و لا انا توقعته جذي ,
يلا و الحين وين حابة تروحين
رنا : خنجوف هالكشكات الحلوة مناك
راشد : يلا امشي
ووصلوو و رنا تجدم عن راشد و تسرع شوي
عسان تجوف الكشك و كان المكان زحمــة !!
و شوي تمسك يده و من اتجوف شي
يعجبها تروح بسرعه و ما تنتظره
وصلت عند كشك يبيع اساور يد فظيعة
رنا :راشد راشد جوووف السوارة حلووة صح ؟
استغربت ماجاوبها التفتت حوالينها الا تجوف المكان زحمة حيل
و راشد محد حست بخوف فظيع
و قعدت تسب روحها لانها ضيعته
و مشت عنه عشان تتسوق تركت الي بيدها
و قعدت تدور حوالينها عل و عسى تلقاه
و راشد من الجهة الثانية ..
التفت حولي ادورها فجأة مالها حس
الا ما القاها و الناس بهالفترة متزاحمة
و صعب تبين دورتها في كذا محل ما لقيتها
خفت عليها خصوصا المكان عليها غريب
و حتى الفندق بعيد شوي ماراح توصل له
ما عرفت شتصرف و كملت بحثي
شوي الا اجوف وحد متكورة عالكرسي و تبكي
ركضت لها بسرعة و ضميتها لما عرفت ان اهيا رنا
راشد : حبيبيتي وين رحتي خوفتيني عليج
رنا : راشد راشد اهىء اهىء اهىء خفت
عليك خفت اضيع بروحي اهىئ :"(
راشد : يا قلبي خلاص لا تهدين يدي و مسحي دموعج و يلا نرجع
رنا: تعبانة حيل و احس راسي يدوور
راشد : من الخوف مب منج امشي بساعدج و الله خوفتيني عليج
الحمدالله الي لقيتج توبة اطلعج مكان زحمة
وصلو للفندق و على طول بدلت ملابسها و نامت
ابتسم راشد على شكلها و براءتها و تصور بس لو يفقدها فيوم من الايام
استغفر ربه و حمده بوجودها معاه و نام جنبها
_______________________________
ماقدر حمد يقعد اكثر فالغرفة و راح يوقف عند غرفة العمليات
نطر حوالي ساعة بتوتر و لسانه ما عليه الا الدعاء
و الله يقومها بالسلامة و يشفيها
و شوي و تطلع الدكتورة ..
راح لها حمد : ها دكتورة بشري شخبارها
الدكتورة : الحمدالله وضعها مستقر و نزلنا
الجنين و لين ما ينتهي مفعول المخدر نجوف
صحتها و خلال 24 ساعة لو كل شي اوكي
باليوم الي بعد نباشر وياها العلاج و لو احتاجت حق عملية
و الله يقومها بالسلامة و يشفيها ان شاءالله
حمد : اميين يارب الله يعطيج العافية ما قصرتي
جافهم ينقلون سريرها لغرفتها الخاصة لانها
لحد الحين على تاثير البنج
دخل معاهم و قعد يمها ينتظرها تصحى
__________________________________-
بيت بو ناصر ~
على سفرة الغداء كانوا متيمعين كلهم
و كل واحد فيهم يسولف الا نور ساكته و تاكل بهدوء
بو ناصر : الا يا بنتي ليش خبيتي علينا انج رديتي تجوفين
نور وجهت نظراتها لناصر الي رافع لها حاجب : عادي يا خالي شلي
راح يتغير بس حبيت اجوف الحياة الي انا فيها
و شولن كل واحد و تعامله معاي
هذا انت الحين عرفت شلي تغير ولا شي
فلا تزعل مني و حقك علي
بو ناصر : افا يا بنتي انتي تقولين هالكلام
تراني مربيج و بحسبة ابوج لا تتضايقين و
حتى لو كنتي عمية بتظلين الغالية
قامت نور من مكانها و حبت راسه : ما تقصر يا يبا " و ابتسمت "
قعدو و كملو غداهم بس الشي الي
ماحد توقعه كلام ناصــر !!
يما يبا : دام ان نور رد بصرها اقول ماله
داعي نطول فترة الملجة و نتزوج و نسافر احسن
و لو حبت نسوي لها حفلة بعد ما عندي مانع
و لان احنا في نفس البيت خلونا نتزوج احسن
نــور من سمعت الكلام شرقت
الماي الي كانت تشربه : كــح كــح كــح
ام ناصر : بسم الله عليج يا يما بالعدال
بو ناصر:صحة صحة
ناصر و ما اهتم بالي صار : ها شقلتو
بو ناصر : انا لو علي ما عندي مانع و الله
ام ناصر : و الله هاي الساعة المباركة يا ولدي
نور ما عندها شي تقوله
وويها صار حمر من العصبية و نزلت القلاص
و راحت غرفتها مالها خلق ناصر
كلش و اهيا عارفة ان ما ردهم بيتزوجون
بس حركته نرفزتها جنه الا مالها راي !!
طنشت ما حبت تكدر روحها خذت الايبود و شغلت عالاغاني
بو ناصر : ناصر كان لازم تكلمها بالاول جوفها اكيد زعلت
ناصر : لا تحاتي شوي و ترضى ماعليك
ام ناصر : لا مب بكيفك و الا مافي زواج قبل لا اسمع موافقتها
ناصر : ها هذاني قمت و لا يهمكم
ركب شوي و جاف باب غرفتها مردود فتحه شوي سمعها
تدندن مع الاغنية و ترقص عالخفيف
ياته الضحكة على شكلها و اندمج يجوفها
و اهيا ترقص و داشة جو مع الاغنية
ولا كانها توها راكبة مطنقرة و الله هالبنت غريبة !!
رفعت نــور راسها و جان تنصدم بالي قاعد و يطالع فيها ..
فصخت السماعات : خــيــر ؟!!!
ناصر فقعها ضحك : ههههههههههههههههههه
سلامتج ليش وقفتي ابي اجوف بعد
نور بدت تعصب : اطلع برى اقولك خير شتبي ياي
ناصر : بيتنا كيفي ادش المكان الي يريحني
و بدين انتي زوجتي اجوفج ترقصين ترقدين كيفي
نور : اووووف من لاخير شتبي
ناصر : ابد ييت براضيج بس شكلج راضية و المود عال العال
نور : ليش ان شاءالله تبيني اصيح و ارقد ؟
ناصر : لا بس الوالدة مصرة ما نتزوج
قبل لا تسمع موافقتج
و دخل الحجرة و قرب منها ومسك يدها : والا شتقولين
يا حرمي المصون
نور : وخر يدك و مب موافقة خلك
مادري على شنو مستعيل
ناصر : احد يجوف كل هالجمال و مايبي يتزوج
بهالسرعة و الله انا زين قلت بحده عقب شهر
و الله الود ودي اخذج و نسافر من الحين
نور و الي استحت من كلامه : هيهي انت شقاعد تقول فك يدي
ناصر و اهو يحبها على خدها : لا تطولين بالرد حرم
ناصــر و تركها بصدمتها !!!
نهاااية البااارت
لاتبخلوون بتوقعاتكم
^^
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
السلام عليكم و الرحمة ~
قبل لا تقرون البـــارت حابة اشكر كل وحده مرت على هالرواية
و كل متابعة للرواية سواء معانا او في الكواليس
حــايستهم .. همس المشاعر حبي الخالد .. أميرة بكلمتي يا ناس .. عشيقة غاوية ..
.. افكر فيه .. أسرة الجروح .. لجل كل القلوب
zoey .. meme .. soso
عصفورة ف كف طفل .. كرات الدم .. بنت ملاك و عيوني هلاك .. لودي يا حلات الدنيا بوجودي
اتعبني جنوني .. ماريــا .. al3ssiriH .. alZ3eema .. رهوفا .. زاد الغلا ..غضب وهم
غلاتك من غلات الروح .. s7er al3ioon .. رعشة قلب .. ولا راح الامل .. The NAZIPart
حابة اشكركم وحده وحده من كل قلبي و لكم مني احلى تقييم
و سامحوني لو نسيت احد و ان شاءالله ما كون ناسية احد
و الي ورى الكواليس اتمنى يظهرون لنا قبل لا تنتهي الرواية و ينورونا ~
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك