رواية كثر ما قلتلك اكرهك كثر ما انا اهواك -29
صدمني ما توقعت أتصل على شاهه يظهر لي هيثم ..
.. : مرحبااا ..
صخيت شويه قبل لا أسحب نفس و أردّ ...
ميثا : السلام عليكم ..
هيثم : و عليكم منو ويّاي ..
ميثا : أعطيني شاهه ..
صخ شوي عقب رمس و صوته به مصخره ..
هيثم : اوه الشيخه ميثوه هلا والله شحالج ..
ميثا : بخير .. عطني شاهه ..
هيثم : شحال خالد و شحال العلاقة بينكم ..!!
زميت شفتها بـ أسى .. هذا هو هيثم من طلج الريم و هو مستوي وقح و سفيه ..
هيثم : حـــووووووووه ميثوه وين سرتي ..
ميثا : هيثم قلت لك عطني شاهه ..
هيثم : انزين بس بـ أسألج بعدج تحبيني ...؟!
ميثا : لاااا يا الشيخ أصلا انت ما هميتني يوم ..
تأوه بـ سخريه مسوي فيه منجرح ..
هيثم : اوه my god لـــيــش ..
بندت بـ ويهه .. ها السخيف يالس يتمصخر .. أنا المفروض أتصل على موبايل شاهه بس دامه
بـ بيتهم و أنا أعرف شاهه تفر أشياءها بـ كل مكان فـ أظن الموبايل عنده .. يلست أتابع التلفزيون أصرف لي ..
*********************************
.. (( .. السعـ السـ 7:30 الليل ـاعة ـودية )) ..
أم متعب : هااااه يا بنيتي شرأيج .. تعرفينه سلطان و اهله جانوا ييراننا زمان ..
ريمان : ايه أمي عرفته ..
أم متعب : هااااه شرأيج .. أبوج سأل عنه و هو خوش ريّال باجي بس موافقتج و ترى ما راح
نرد عليهم و لا نعطي لهم أي خبر الا يوم يــــيون ..
ريمان : لا خلاص يمه اعتبريني موافقة ..
حبت رأسي أمي و دعت لي بـ الخير عقب أنا قمت رحت لـ الصالة و جلست و أنا افكر في سلطان ..
حليله كبر حـيـل بـ الذات لما شفت صورته .. أذكره يوم كان عمره 18 سنة الحين عمره 28 سنه ..
يووووه كبرت يا سليطين هههههههههه كنت أناديه بها الاسم يوم كان يجي عندنا و يضايقني ..
ابتسمت على ذكرى صارت قبل 10 سنين .. يوم كان عمره 18 و أنا 10سنين ..
أذكر انه خذا لعبتي و صار يرفعها فوق ..
سلطان : يالله ريموو خذيها .. شفيك ما تعرفين تقفزين هههههههه ..
كنت أقفز و هو يرفع يده و يضحك آخر شيء صرخت بأعلى صوتي ..
ريمان : يا سليــــــــــطــــيـــن انت حـــــــمـــــــار ..
سلطان : ههههههههههههههههههههههههههههههه زين تسلمين ..
ابتسمت و فتحت عيني بس انصدمت يوم طاحت عيني بعين تركي يووووه ن بعد البحرين ما شفته ابدا ..
ابتسم لي و تقدم و بهمس مبحوح ..
تركي : هلا بريمان اشلونك ..
فهيت فيه شوية كانه كبر .. يوه طبيعي مرت سنه تقريباا على البحرين و طلاقي من هيثم ..
ظلّ يناظرني و ابتسم لما شافني فهيت به و من انتبهت على روحي قمت و عطيته ظهري
و مشيت طالعه الدرج ظلّ ساكت ثواني عقب قال بصوت شوي عالي عشان أسمعه ..
تركي : ريمان أحتريني بعد يومين عندي لك هدية ..
لفيت و ناظرته باستغراب و هو ابتسم و فتح باب الفلة و طلع .. جلست في نص الدرج ..
وش وراك .. و الله لو تعرف ان مالي خلقك و اشكثر طول هالسنة كنت أحن لشوفتك !
يووووه لاااااا خلني ساكتة أحسن لي مستحيل أنا أكرررررررررررررهك أكررررهك
ما تعرف اشكثر أكررررهك ترررررررررركي أكرررررهك ..!
قمت لغرفتي و ارتميت على سريري أصيح .. ما أدري شبلاني يوم شفته انقلب حالي ..
**************************
و تبقىَ أكثر شيء عفته !
و آشتقت [ lh ...~ ♥
************************************
.. (( بعد يومين السـ 8:30 الليل ـاعة )) ..
كنت جالس جنب خالد و أنا مبتسم ببرود و أناظر ابو سلطان و سلطان ..
و الله و لا أحد يدري أنا على وش ناوي قسم بالله و اللي خلقني ما أعديها الليلة ..
ضاعت مرة لكن الحين لا ..
نايف : غريبة تتبسم ..
ناظرت نايف و ابتسمت .. و الله لو تدري على وش أنا ناوي ..
بتطلع عيونك من محاجرها من الصدمة ..
تركي : لا الله يسلمك ما في شيء الا اشلون زوجتك ..
نايف : بخير تسلم عليك ..
تركي بضحكه : الله يسلمها قول لها من زمان هنك خلها تمرنا بالاستراحه ..
نايف : هههههههههههههههههه اقول انثبر لا اتوطى ببطنك الحين ..
ضحكت و أنا افكر ان نايف يغار حيل على البتول يمكن كثر غيرتي على ريمان ..
ناظرت ابو سلطان يا ربي متى يتكلم .. اجل جاي تخطب الريم هاااه لكن و الله ما أفوتها ..
خالد : الا ما قلت لي يا تركي ما نويت تخطب ..
ابتسمت ببرود ..
تركي : الا أكــيـــد بخطب و بعد شهر الملكة و الزواج ..
خالد : هــــااااه انت خطبت خلاص ..
تركي : ههههههههههه ايييه بس لا هي و لا أبوها و لا أهلها يعرفون بس
أنا حددت الملكة و الزواج و هي غصب عنها بـ ترضى ..
صار يناظرني و هو مستغرب عقب زم شفته ..
خالد : ما فهمت و لا شيء ..
تركي : ههههههههههههههههههههه بـ تفهم قريـــب ..
ناظرني بتامّل و أنا شلت عيني بسرعة على ابو سلطان يوم كلم عمي عن ريمان يووووه أخيرا ما بغيت ..
ابو سلطان : و بس يا ابو متعب و حنا جايين نطلب يد بنتكم ريمان لولدي ..
شفت عمي ابو متعب يبتسم بس وااضح عليه متردد و هذا من صالحي ..
ابو متعب : ايه بس مـ ..
قطعت كلامه بسرعة ..
تركي : لـحـظة يا عمي ابو سلطان و السموحة منك و من ولدك سلطان انت معه على رأسي و الله ..
بس بنت عمي محيرة لي و خلاص بعد شهر ملكتنا و زواجنا ..
ابو سلطان : جد و الله ..
شفت ملامح الاستغراب على وجوه كل أهلي لكن عمي ابو متعب ابتسم ..
ابو متعب : ايييييه يا ابو سلطان و الله تركي هو خطيب الريم و خلاص حددنا موعد الزواج ..
تركي : و أتمنى لسلطان كل الخير و انه يلقى اللي تسعده ..
ابتسم ابو سلطان ..
ابو سلطان : ان شاء الله و مبروك مسبقا يا وليدي .. السموحه و الله ما كنت أدري ..
تركي : على رأسي يا عم .. حصل خير ..
ناظرت سلطان .. شفته يناظرني عقب رد عينه على أبوه يوم بدي يسولف عادي ..
همس لي خالد بس ما كان معصب يعني عادية نبرته ..
خالد : تــركــي يــا الــكــلــب ... زيــن قــول لي ..
نايف : و الله جد يبي لك كــــف ..
تركي : هههههههههههه زين باركوا لي و لاّ ما تبون ..
خالد : الا ألف ألــف مبروك أخيرا ما بغيت ..
نايف : بس و الله ريمان لـ تلعن أصــلــك ..
تركي : هههههههههههههه ما عليكم ..
شفت بندر و لأنه بعيد مني أشر لي بمعنى .. " أنا أوريك " .. ابتسمت ببراءة و راح فكري لريمان ..
هههههههههه و الله جد لـ تــلـعـنـي و تلعن أصلي ههههههه بس بكيفها ..
كافي كنت بموت و أنا أشوفها مع ذاك الخسيس هيثم ..
و بالنسبه لمشاعرها هالحماره عنييده و ما شفت أعند منها حتى و هي ميته عليّ تكابر !!
******************************
.. (( بعد ما راح الرجاجيل .. تكلم ابو متعب مع تركي و عاتبه , قال له كان جيتني ببيتي دامك تبيها ..
انحرج صح لكن ما همه .. كل اللي يهمه ان خلاص ريم صارت له )) ..
.. (( السـ 10:20 الليل ـاعة )) ..
ريمان : نـعـم ما سمعت عيد شقلت ..
بندر : أنا ما لي دخل تركي هو اللّي تكلم ..
ناظرته بنظرة منيب مستوعبة ..
ريمان : و اذا قال كيفه أنا أبي سلطان ما أبــيه هو ..
رفع يديه و هز كتفه ببرود و قال و هو يمشي ..
بندر : أنا أنسحب .. أخاف تشبين علي بالأخير خلي أبوي يكلمك بـ نفسه ..
و مشي عني هالحين شفيه يجي يبشرني ان سلطان راح و تركي هو اللي بـ تزوجه ..
و ما يفهمني و يمشي يا ربي أنا مو قاصرني واحد يستهبل علي كافيني اللي فيني ..
قفلت باب غرفتي و بدون ما أحس جلست و تساندت عليه .. أحاول أترجم كلام بندر ..
يعني متعني و جاي من بيته عشان يقول لي عالكلمتين .. ناظرت جوالي يوم رن ..
بدون ما أناظر الرقم رديت ..
ريمان : ألــووووو ..
.. : ريـمـان !!
ضميت ركبتي علي و أنا أحس بـ الجوال يرتجف بيدي و أحس برجفة في كل جسمي ..
.. : ريمان تسمعيني نخيتج ردي علي ..
غمضت عيوني و أنا أحس بدمعتي تسيل على خدي .. هذا هيثم ما غيره هذا حبي حبي الخايس ..
هيثم : ريمان قولي انج ويّاي .. قولي انج تسمعيني على الأقل قولي هيه ..
ريمان : ا ايـــه ..
هيثم : ريمان و الله أنا أحبج .. عطيني فرصة يا الريم حرام عليج تحرميني منج ..
ريمان : هيثم لا تتصل مرة ثانية ..
هيثم : ريمان طلبتج قولي تم أنا ما أروم أعيش بلياج و الله حياتي ما لها طعم بدونج ..
قفلت على وجهه و ساندت رأسي على الباب و جلست أصيح بصمت ..
يعني أنا اللي أقدر أعيش بلياك !! طق باب غرفتي و قمت ..
ريمان : مـ مين ..
ابو متعب : أنا ابوك يا بنيتي فتحي الباب ..
مسحت وجهي بسرعة و سحبت نفس عقب فتحت لأبوي الباب ..
ريمان : هـ هلا يبه بغيت شيء ..
طوق كتفي و أخذني معه لـ الصوفا جلسنا و بدي أبوي يتكلم ..
ابو متعب : يا ريمان يا بنتي .. أمس يوم جاه ابو سلطان عشان الخطبة الرسمية بس تركي ما رخصك ..
و قال انك محيرة له و لأنه تكلم وسط شيوخ و لأنه ولد عمك و أولى شخص بك ما راح أرفضه ..
ناظرت أبوي بيأس .. خلاص ما في فائدة من رفضي ..
أبوي يأمرني الحين ما يخيرني نزلت رأسي و جلست العب بيدي ..
ابو متعب : تركي لو مهوب شاريك كان رخصك و لا سوى اللي سواه أمس ..
همست ..
ريمان : أدرري ..
ابو متعب : و ترى أبيك تستعدين في أقرب وقت .. الملكة و الزواج بـ تكون بعد شهر من الحين ..
رفعت رأسي بسرعة ..
ريمان : لا يــــــبه قريب ..
ابو متعب : لا مو بقريب تقدرين تستعدين ..
قام و حب رأسي .. خلاص ما في فائدة أبد أبوي يظنني أقصد الجهاز و أنا ما أبي أتزوجه بسرعة ..
ابو متعب : يالله يا الغالية بروح أبشر أهلك .. ألف مبروك ..
ريمان : الله يبارك فيك ..
راح أبوي قمت و قفلت باب الغرفة .. جلست على الأرض و حطيت رأسي بين ركبتي و جلست أصيح ..
و أنا أحس بـ الرجفة و الخوف ما اقدر أتزوجه يعني بـ جلس معه و بس ..
ما أقدر أعيش معه و هو يأثّر فيني هالكثر ما أقدرر ..
مسكت جوالي و اتصلت على جمّون اللي بـ الامارات اكيد , ردت علي ..
كان صوتها مستانس عشان كذه غيرت رأيي و لا تكلمت ما ابي أخرب عليها ..
ريمان : هلا جمّون اشلونك ..
جمانه : هلاااا ريـمـوو يا الدب وحشتيني ..
ريمان : و الله انتي أكثر عاد خالي الكذاب ما جابك الا مرة وحدة ..
جمانه : ههههههه يالله عاد كلش و لا خلوف ..
ريمان : ياي انت يا الخلوف تحبينه اعترفي ..
جمانه : هههههههههههههه ريموو صابك برد أكيد أحبه الا أعشقه ..
ضحكت بس سمعت صوت خالي خليفة ..
خليفة : منهو سعيد الحظ اللي تعشقه جمّون ..
جمانه : هلا عمري انت جيت ..
خليفة : لا سرت منو ترمسين ..
جمانه : هههههه ريمان ..
خليفة : أهــااا .. انزين تقولين لها منهو اللي تعشقينه و ما تقولين لي ..
جمانه : ما في أحد حبيبي ..
خليفه : هيه هيه صرفيني ..
جمانه بدلع : حبيبي لا تزعل تعرف ما أحب شفايفك مبوّزه ..
خليفه : عييّل تحبينها جذي ..
جمانه : ههههههههه ايه كذا تجنن ..
فكّرت شيسوون ذيلا نسوا أنّي معهم ..
ريمان : وووووججججعع جمانه استحي بعدني ع الخط ..
جمانه : هههههههههههههه أجل أكلمك عقب زين ..
ريمان : زين سلام ..
قفلت و ناظرت الجوال و لما شفت رقم هيثم يرن في الشاشة ..
رميت الجوال بـ الجدر ناظرته و هو يتكسر قطعة قطـعة عقب ضميت ركبتي و صحت من قلبي ..
***************************
لا تزيد المواجع خلني جد نسيتك * * لا تقلب صفحة الذكريات
انت الحب و انت من حياتي انتهيت * * و كل منا تخير له طريق الحياة
ما أريد أتذكر ماضي به شقيت * * منيتي بس أنسى ما تعدى و فات
لا ذكرتك حبيبي من فؤادي بكيت * * و أمطر الدمع الأحمر و كنتي و الشفاة
ليتني ما عرفتك ليتني ما هويتك * * و لا رسمتك بـ عيني أجمل الأمنيات
*******************************************
نهآية البارت الخامس و الثلاثين ..
- توقعاتكم لتركي و ريمان ,
- توقعاتكم لردة فعل هيثم و ايش بيسوي ,
- توقعاتكم لفاطمة و نهى و ايش راح يسووا ,
- توقعاتكم لبشار و الجازي انتهت قصتهم على هالحال
و لاّ باقي للقصة فصوول ,
- و توقعاتكم للاحداث ككلّ ..
و ان شاء عجبكم البارت ^^
آلبآرت السآدس و الثلااثين .. '$
*******************************************
.. (( جـدهـ ** السـ 9:15 الصبح ـاعة ** تـركـي )) ..
ناظرت ذاك الصرح اللي أول مرة دخلته كانت قبل 20 سنة فتحت باب سيارتي حطيت رجلي على الشارع ..
اللي تعب من كثر ما مرت عليه السيارات .. وقفت قدام الباب الرئيسي .. ناظرت غرفة الحارس الله يذكره بـ الخير ..
ما لقيته لكن اذا كان حي فالله يذكره بـ الخير و اذا كان ميت فالله يرحمه .. رن جوالي و قطع علي حبل أفكاري ..
تركي : ألــووووو هلا بندر ..
بندر : وينك تركي .. مريتك بـ البيت ما شفت سيارتك ..
تركي : أنا الحين بجده ..
بندر : جده !!
مسحت على شعري و أنا ابتسم / ايه أكيد مستغرب بس قبل قلت لهم اني بروح أشوف مكان خاطري فيه ..
و الحين أنا به ..
تركي : ايييييه بـ جـــده مب القمر ترى ..
بندر : وشو له ..؟!! شوصلك جده ..
تركي : سيارتي يا الذكي ..
بندر : تدري منيب رايق لك على ها الصبح يالله فارق ..
ابتسمت و قلت له بطنازه ..
تركي : زين روح لـ زوجتك غريبة صاحي بدري .. يعني عشاني خلّيتها لحالها و كذا ..
بندر : ههههههههههههههههههه تدري اقلب وجهك ..
قفل على وجهي .. ابتسمت و دخلت جوالي بجيبي و دخلت المدرسة الابتدائية / المدرسة اللي حضنتني
أنا و أغلى من عرفت " إلياس " دخلت .. مريت على غرفة المعلمين ما أهتميت ..
و كملت طريقي لفصل .. " رابعة / ب " الفصل اللي تعرفت فيه على إلياس ابتسمت ..
وينك بس .. تمنيت والله تكون معي الحين .. وصلت له ..
و لأن الباب به دريشة صغيرة قدرت أشوف ان ما به أستاذ داخل .. أحـــســن بـــعــد ..
دخلت و أول ما شافوني الطلاب و بـ أنهم بزران .. تروعوا و جلسوا بـ أماكنهم على بالهم أستاذ ..
ابتسمت و دخلت كنت أعرف شابي بالضبط ..
رحت للطاولة اللي كنت قبل 16 سنة جالس عليها .. ابتسمت للولد اللي باين عليه تروع .. مديت يدي له ..
تركي : سلام اشلونك ..
.. : أنا ..
ابتسمت بطنازة ..
تركي : لا الجدر ايه انت ..
مد يده و ابتسم بخوف ..
.. : الحمد لله بخير ..
تركي : شسمك ..
.. : و الله ما سويت شيء يا أستاذ ..
تركي : ههههههههه ايه أدرري انك ما سويت شيء .. أنا أسأل بس منيب أستاذ ..
.. : اسمي تميم ..
ابتسمت له و رفعت عيني للطاولة اللي كان يجلس عليها إلياس ..
تركي : زين .. و ذاك اللي هناك شسمه ..
ناظر و كشر بوجهه .. ابتسمت لا يكون كارهه ..
تميم : ذاك اسمه إياد .. بس اووووف خكري ..
تركي : ههههههههههههههههههههه جد ..
تميم : ايييييه مرة و دلوع و على طول يصيح اذا خاصمه الأستاذ ..
تركي : و بعد ..
تميم : و لا شيء .. كم مرة قلت له لا تصيح بس هو غبي ما يفهم ..
تركي : هههههههههه زين تميم حبيبي .. إياد بـ يكون صديقك في المستقبل ..
تميم : لااااا أنا ما أحبه ..
ابتسمت .. راح فكري لـ إلياس و أنا بعد ما كنت أحبه بس عقب آآآه بس .. ناظرت تميم ..
تركي : الحين ما تحبه بس عقب .. بـ يصير أغلى واحد عندك حتى أكثر من بندر .. !
تميم : هــآآه !
ابتسمت و مشيت أدري ان الولد ما فهم شيء و شكلي بـ أجيب له الهوس ..
بس كيفه ! المهم اني أشفيت غليلي و رحت للمكان اللي تعرفت فيه على أغلى انسان في حياتي ..
و ما أظن اني لو طفت الدنيا بـ ألاقي مثله .. مستحيــل ..
ركبت سيارتي و جلست فيها .. كان جد ابو فزعات و مو مرة وحدة الا مرااااااااااات ..
ناظرت البقاله اللي بـ الطريق الثاني .. ابتسمت على ذكرى يعتبرها إلياس شينة ..
دوم يقول عنها .. " كنت بتكون في خبر كان لو ما سحبتك .. !! " ..
أذكر أنا كنا في الصف الخامس و شردنا من المدرسة من دون ما ينتبه الحارس ابو عبد الله ..
و ركضنا للبقاله عشان نشتري منها .. المهم عقب اشترينا ركضنا مرة ثانية راجعين قبل لا يرد أبو عبد الله ..
بس قبل مسكني إلياس لأن الشارع بدي يزدحم ..
إلياس : أصبر يا تركي .. خل السيارات تخف ..
مشيت عنه و أنا أسحبه ..
تركي : لا أمشي .. لو وصل أبو عبد الله ما راح تنفعك السيارات ..
و أنا ماشي انصدمت لما شفت ددسن ماشي بسرعة و به شباب و يدق بواري ..
من خوفي و لأني داري اني بنصدم جلست واقف في مكاني ..
حسيت ان رجولي تصلبت بس لولا الله ثمن إلياس اللي سحبني له ..
حتى ان من قوة سحبه طحنا فوق بعض على الرصيف .. عدانا الددسن صرت أناظره لين اختفى عن عيوني ..
عقب ناظرت إلياس اللي كنت جالس على ركبه .. صرخ علي و هو معصب ..
إلياس : بايع روحك انت .. أهبل و لاّ تستهبل كنت بتكون في خبر كان لو ما سحبتك ..
من خوفي و من ربكتي حضنته وقتها عقب قمنا ناظرنا الشارع و ركضنا و حنا ماسكين بعض ..
ما صدقنا خبر يوم شفنا باب فصلنا .. صح تأخرنا و صفر جرس الفسحة من زمان .. و أخذنا لنا كم كلمة حلوة
من الأستاذ لكن بـ النهاية .. كنت أنا و هو عارفين .. ان كل اللي بيمر بنا سواء حلو أو مر .. يقربنا لبعض ..
تنهدت بألم .. و مسكت الطارة و مشيت عشان أرد الرياض ..
خلاص .. إلياس ما بقي لي بعده غير الدفتر اللي يحمل عطره و الأماكن اللي تحمل ذكرياته ..
و صوره اللي تعذبني و تخليني أصيح حنين له ..
********************
.. (( بـعـد أسبوعين )) ..
.. (( الـريـاض * * السـ 8:20 الليل ـاعة * * ريمان )) ..
جمانه : ريم خلاص تراك مللتيني من جيت عندك و انت شغلتك الصياح ..
ريمان : أجل تبيني أضحك تبيني أقوم أرقص و أغنّي ..
جمانه : ريم و الله ما يسوى عليك حتى في المول ..
ريمان : عادي محد منتبه لأني متغشية ..
جمانه : ارتاحي و الله انك خبله .. أنا منك أكون قوية و أخليه يلعن الساعة اللي فكر فيها بك ..
ناظرت جمّون عقب رديت عيني على الملابس .. و جلست أقلب فيها ..
ريمان : اشلون يعني .. هو أقوى عني ..
جمانه : أقوى بـ وشو .. أنا ما أقصد العضلات لا تصيرين سخيفة ..
ريمان : أجـل ؟!!
جمانه : خلك ذكية بـ عقلك ..
ناظرت جمّون .. أصلا أنا خطر ببالي فكرة و مترددة للحين أسويها بس جمّون رسخت الفكرة هالحين ..
ريمان : شرأيك نرد البيت أشترينا اللي يكفينا الحين ..
جمانه : اوكي براحتك ..
مشينا و حاسبنا عقب ردينا مع السواق على بيت أمي .. نزلنا و لما جينا بندخل ..
لفينا كلنا على صوت واحد يناديني .. تمسكت بأقوى ما عندي بـ جمّون و هي شهقت بعد ..
جمانه : خير نعم شتبي ..
هيثم : أنـ .. أنا أبـا أرمس ريم بس ..
جمانه : ريمان مهيب رايقة لك و لا تبي تكلمك ما تفهم انت .. خلاص تراك أزعجتها ..
هيثم : ما أزعجتها .. ريم أنا أزعجتج قولي أبـا أسمع صوتج ..
شديت على ذراع جمّون و أنا اغمض عيوني بقوة .. حسبي الله عليك كل ما حسيت اني نسيتك تطلع لي ..
و الله اعترف و لا أنكر تركي أهون عنك بالف مره ..
جمانه : وشو أبي أسمع صوتها انت ما تستحي على وجهك .. البنت بعد أسبوعين زواجها ..
هيثم : ما بـ أخليها تتزوج و تهدني .. أنا وين رحت شوه ..
فتحت عيوني و ناظرته باحتقار صدق انك ما تستحي ..
.. : خــيــر خــــيــــر و أنا أقول شفيه الحي مظلم ..
ناظرت تركي قسم بالله و لا أكذب اني ارتحت يوم شفته .. شفت هيثم ارتبك و ناظر تركي / نزل تركي من سيارته و قرب ..
حسيت به شوي و يصفق هيثم بـ الحصى جاه لين وصل لنا أنا و جمّون .. ناظر هيثم و تكتف ..
تركي : نعم أي خدمة ..
هيثم : أبآ ..
تركي : تبي ايشش ؟
هيثم : أنـ ..
و سكت و ناظرني بيأس عقب مشي رد تركي يناظرني عقب قال و هو يصك على أسنانه ..
تركي : دخلي داخل بسرعة ..
جمانه : زييـن ..
سحبت جمّون بسرعة و دخلت داخل و أنا أرتجف .. هذا و بعدني ما تزوجته .. و الله لـ يذبحني ..
و لاّ الثاني ما راح أخليها تهدني .. ايش اللي يحس فيه ..!!
************************
.. (( * * تـركـي * * )) ..
لفيت و ناظرت هيثم اللي ارتبك .. مشيت له ..
تركي : انت ما تعرف الأصول .. موقف أهلك في نص الشارع وش بـ يقولون الجيران لا شافوك ..
هيثم : أنـ .. أنا كنت بزور عمتي ..
ناظرته بطنازة .. و رفعت كتفي ..
تركي : ايييييه أدرري ان ذي نيتك .. و أنا قلت شيء ثاني ..
سكت و مشي عني يبي يدخل و هو يتعداني مسكت ذراعه و شديت عليه .. ناظرني بضيق ..
و أنا رديت نظرته بحدة ..
تركي : قسم بالله و خذها مني علم يا هيثم .. ان شفتك تكلم زوجتي .. و الله لا أنسيك اسمك فاهم ..
هيثم : بعدها ما استوت زوجتك ..
قهرني رده .. ناظرته بعصبية و شديت أكثر على كتفه ..
تركي : فـــــاهـــم .. ؟!!
هيثم : هيه انزين فاهم .. هد ذراعي جلعته ..
دفيته عني بقرف و دخلت على البيت و حنا في الحوش .. سمعته يتكلم كان وراي و أنا أمشي قدام ..
هيثم : جانك نسيت اني أكبر عنك ..
لفيت عليه و أنا أحاول أكتم ضحكة السخرية اللي بـ تطلع مني ..
تركي : أكبر عني يا عزيزي بالعمر .. " و أشرت له بأنملة أصبعي " .. لكن للأسف عقلك كبر أنملة أصبعي ..
تخصر و هو يتنهد ..
هيثم : انت شوه فيك .. حاقد علي جأني ذابح لك حد ..
ابتسمت .. هذا زمان كنت ذابح لي أحد لكن الحين لا يا الحبيب .. قلت له بطنازة ..
تركي : لا الحمد لله منت ذابح لي أحد و لا شانق لي أحد .. عندك شيء ثاني ..
هيثم : لا ترمس جيه شوه جايفني ياهل عندك ..
حسيت نفسي ألعب معه لعبة .. هو الخاسر فيها ..
تركي : هههههههههههههه انت بـ تصرفاتك تبين لي انك بزر ..
هيثم : من كبرك انت يا شيخ ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك