رواية لاتمثلين احتياجج لي وانتي بحضن غيري مقزرتها -2
هوازن ( ركبت السيارة وانا ليلحين مصدومة من الموقف ., مومصدقة ., وصلت البيت ونزلت من السيارة ., أمي وأبوي كانوا ينطروني بالصالة ., دخلت وريولي موراضية تشيلني ., حسيت أني أنشليت ., طححت بحضن أمي وقعدت أبجي ., بس الي أستغربت منة ماكانوا مصدومين ., كان الوضع عادي عندهم ., )
هوازن : يما جاسم تخلى عني ., شفتي يما
ام هوازن : يما قتلج هاذا مايحبج يبي يستفيد من وراج ., محد راح يسعدج غير سعد
هوازن : يما انا مومصدقة ., جاسم يحبني بس يكابر أنا متأكدة أنا يحبني .,
بوهوازن : يبا قتلج مالج ألا بيت ريلج ., ندق على الناس نحدد الموعد
هوازن : يبا أنا الحين مصدومة ., عطيني فجة شوي ., حسوا فيني شوي حسوا ., أنتوا أصلن ماتبون سعادتي أنتوا تبون مصلحتكم ., انا أدري زواجي هاذي من سعد وراه مصلحة ., أدري عمي بيوقف معاك بالانتخابات ., وانتي مرت عمي راح تدخلج شريكة وياها بالمعرض ., وادري أنتوا خططتوا انكم تفرقوني أنا وجاسم عشان اتزوج سعد ., انتوا مو اهل انتوا اعداء
( صعدت غرفتي وانا أبجي ., قلبي قاعد يرقع حيل ., رقعتة مو طبيعية ., ريلي قامت ترجف ., حسيت أني راح أغيب عن الدنيا ولا فجأة آطيح من على السلم وأفقد وعي )
•••
لآ تنآم !
خاطري الليلة افضفض
داخلي / زحمة كلام !
أولاً : أنا أحبك ،
ثانياً : بعد أحبك ..
ثالثاً : ودك تنامي !
هآتي راسك عند صدري
وإلتحفي بكلمة ، أحبك ..
لين مآتدفى وتنآمي | ~
جاسم ( كنت كل يوم أزورها بالمستشفى الوكت الي كانوا يخدرونها فيه ., الوكت الي ماكانت تدري عن نفسها فيه )
هوازن ( كنت أدري أنك يمي ., كنت أدري أنك ماتركتني ولا لحظة ., كنت أدري انك تحبني )
جاسم ( مسكت أيدها ., قتلها عن كل الي بقلبي ., قتلها شكثر أحبها وأموت فيها ., قتلها أني أطريت أجذب عليها ., وقتلها أني أبيها تسامحني )
هوازن ( مسامحتك يانظر عيني والله مسامحتك ., أحبك جاسم )
جاسم : هوازن ., امج الي خلتني أسوي جذي أنا والله أحبج ., اتمنالج حياه سعيدة ياكل حياتي انتي ., أنا مسافر باجر ويمكن ماأرجع ., لاتنسيني
هوازن ( مسافر ., أهون عليك تتركني وتخليني أهون عليك )
جاسم : ماتهونين عليي يالغالية بس سفرتي راح تكون حل لنا أحنا الاثنين ., أنا مابي تصير مشاكل بينج وبين أهلج بسبتي ., مع السلامة حياتي والله أحبج
( بستها على راسها وطلعت برا الغرفة ., حسيت أنها كانت معاي ., حسيت أنها سمعت كل كلمة قلتها ., حسيت أنها راضية عني ., اتمنى لج السعادة )
هوازن ( أحساسك ماخاب يجسام ., كنت أسمع كل كلمة حلوة طالعه من حلجك ., كنت أسمع كل حرف
من كلمة أ ح ب ج ., وانا بعد أحبك ., بحفظ الله يانظر عيني الله وياك
•••
نهاية البارت الثاني .,
اتمنى نال أعجابكم وكان على مستوى .,
رايكم وأنتقادكم يهمني لاتحرموني منة .,
نطروني باجر بالبارت الياي .,
•••
وتتوقعون شنو مخبية الدنيا حق جاسم وهوازن بعد 20 سنة .,
وعلي راح يقول يقدر يطلع أشواق من المكان الي أهيا فيه .,
وشنو راح يصير بين علي وأشواق .,
يعطيكم الف عافية على هالردود لحلوة .,
وهاذا بارت لعيونكم .,
البارت الثالث
.,
بعد 20 سنة
مشاري : ولييه كل يوم لازم أقعد من النوم وأروح أجابل المدرسين بالمدرسة ., هاذي حالة يعني وصلت ال22 وليلحيني بالصف الثاني عشر والله مصخرة مانفعت معاي مدارس الحكومة قطتني أمي الخاص
ثنيان : وااي شفيها يعني انت حدك موصج ., استح على ويهك عمرك 22 سنة وليلحينك بالصف الثاني عشر وانا وصلت لك بعد شكلي راح أدش الجامعه وانت ليلحينك بتطحس بالثانوية
مشاري : أي يصير خير ., روني صماخك ., أي مالومك صماخ آينشتاين أكيد راح تدش الجامعه قبلي ., أنا بعرف أنت من ويلك كل هالذكاء ., من منو ورثتة الظاهر أبوك أخو آينشتاين
ثنيان : لا هاذا مو ذكاء هاذي فطرة من الله ., بعدين أنا أجابل دراستي مو أنت كلة هايت وطالع مع ربعك وتكلم بنات ., البنات بروحهم يشغلون الواحد
مشاري : يعني قايل شي مع ويهك ., أقول حل الواجب عني ترى مالي خلق أستاذ الرياضيات يحنج على أفاي
ثنيان : وااي ., مابي مالي خلق ., كلة تبيني أحل عنك مايصير انت قاعد تبوق مجهودي أنا أتعب وأنت تاخذ مجهودي على الفاضي حتى كلمة شكرا ماتعرف تقول
مشاري : ثنيان يتحلي الواجب بالطيب ولا بخليك تحلة بالغصب
ثنيان : لا ماني حال
مشاري : اواريك يالدعلة .,
ثنيان : شنو بتسوي .,
مشاري : باجر بالثانوية بتعرف شنو بسوي .,
ثنيان : مشاري انت ليش تعاملني جذي أنا أخوك
مشاري : محد قالك تصير ولد أبوك .,
ثنيان : انزين مو ذنبي أنا أبوي كان مايعاملك عدل .,
مشاري : لاذنبك لانك ولدة ., ماتبي تحل الواجب صح .,
ثنيان ( ليش تسوي فيني جذي مشاري ., )
مشاري : أقول يالترف ., عطني الاثقال
ثنيان : ماقدر وايد ثقيلة الأثقال أخاف أتعور
مشاري يقرص خدة : أسم الله أسم الله ., يالدعلة صير ريال وشيل الاثقال ., انت ماتقولي باجر منو بتاخذك ولا بتطل في ويهك
ثنيان : يعني الرجولة بس بالعضلات ., لا حبيبي الرجولة انا الواحد يعرف يتصرف ويكون فاهم الدنيا .,
مشاري : انا بعلمك شلون تكون الرجولة
( مشاري قعد على ثنيان وقعد يعطيه بكسات )
مشاري : هاذي الرجولة عرفت شلون
ثنيان : آآي ., يماا ., آآي وخر عني عورتني ., انادي أمي عليك ., يماا
مشاري : اسم الله تنادي أمك يعني مخوفني
هوازن : شنوه لصراخ ., انتوا ماتيوزون كل واحد أطول من الثاني وليلحينكم تتهاوشون نفس اليهال ., عيب عليكم
ثنيان : يما هاذا مشاري يمشي ويهددني يبيني أحل الواجب عنة
مشاري : ماشاءالله توك تقولي خل نلعب مصارعه أشوف كلامك تغير يالمنافق شفت أمك قعدت تتدلع عليها ., أي مالومك أنت ولد الغالي حميد ., أما أنا ولد الجعص سعد
هوازن : انت ماتيوز موراضي تبطل من هالكلام ., الشرها مو عليك على أبوك الي ترس مخك بهالافكار
مشاري : والله لو أعيش عندة أحسلي بدال مجابل ويهوكم
هوازن : روح ترى الباب يوسع جمل ., بس تحمل أهاناات مرت أبوك .,
ثنيان : لا مشاري لاتروح وتخليني بروحي بالبيت ماقدر أعيش
مشاري : ماتقلب ويهك أحسن .,
هوازن : يلا لبسوا وعلى المدرسة ولا تنسون
مشاري : حفظنا لاأنتي أمي ولا أنا اعرفج
ثنيان : ولا أنت أخوي ولا أنا أعرفك
هوازن : وانا أبلتكم الأنقليزي وبس
مشاري : والله الدنيا مصخرة .,
.,
*●▪
( خل أقولكم شغلة ., هوازن تزوجت سعد ., ويابت منه مشاري ., وبعدها تزوج عليها وطلقها ., وبعد سعد تزوجت حميد ويابت ثنيان ., ومات بحادث سيارة ., ومشاري يكره ثنيان لانة أبوه كان كلة يطقة ومايعاملة عدل ., وهوازن تكون مدرسة أنقليزي بالمدرسة الخاصة الي يدرس فيها مشاري وثنيان ., هاذي اول سنة لها ., ولانها ماتبي تكبر عمرها فماتعترف بثنيان ومشاري جدام الناس أنهم عيالها حاطة أمل احد يتقدم لها )
خل أوصف لكم مشاري وثنيان .,
مشاري طويل ومجسم ., أسمر ومملوح والبنات ميتين عليه بالمدرسة لانة أكبر واحد وأقولا واحد بالمدرسة ., ربادي مايحب الدراسة ., قال حق أمة بيحول مسائي بالحكومة بس ماوافقت ., ماخذ طبع أبوه عنيد حيل وعصبي ., والي يحطة براسة يسويه يسويه محد يقدر يوقفة .,
أما ثنيان مسكين ., ظعيف حيل ومصعوي ., ماعندة شخصية ., الكل يمشيه على مزاجة ., يلبس نظارة طبية ., وستايلة ستايل الشاطرين ., يعني بنطرون ويدخل القميص داخل البنطرون ., وحاط تقويم ., وشعرة يسويه فرق بالنص ., مشاري كلة يطفرة ويقولة يالترف ., مشاري كان العامل الاساسي في أنعدام شخصيتة
.,
*●▪
قمر تطالع روحها بالمنظرة : أنا قمر وصدق أبوي يوم سماني قمر ., يما فديتني ., والله أهبل ., أينن ., أزوغ ., الكل يحبني ويموت عليي ., حلوة ., أمورة مزيونة ., الشباب بس يشوفوني يطيحون من طولهم .,
جاسم : ههههه ., يبا شفيج تكلمين روحج مجابلة المنظرة وتتكلمين
قمر : هااي دادي ., وااي فشلة لايكون شفتني
جاسم : أي بابا شفتج .,
قمر : قاعد أقول حق أنعكاسي بالمرايا شق دانا حلوة ومزيونة وصدقت يوم سميتني قمر .,
جاسم : الله يرحمها أمج لو كانت عايشة وشافتج شكثر كبرتي .,
قمر : الله يرحمها ويقمذ روحها الجنة ., بس بابا أنت صرتلي الام والابو والصديق وكل شي ., أحبك بابا
جاسم : وانا بعد احبج ., يلا يبا تزهبي عشان أقطج المدرسة ., ولاتنسين تكلمين المديرة عشان تنقلج صف رفيجاتج
قمر : أي كلمتها وقالتلي راح تحطي بصفهم اليوم .,
جاسم : يلا عيل لبسي ملابس جوانا ناطرج تحت
جاسم ( والله وكبرتي ياقمر ., صايرة نسخة أمج ., الله يرحمج سارة ., تعالي شوفي بنتج ., طبق الاصل منج ., )
قمر ( طبعا انا بمدرسة خاصة ., انا محبوبة الجماهير ., كل الشباب يتمنون بس نظرة من عيوني ., والبنات بس يتمنون يكونون رفيجاتي ., بس آنا متكبرة مو أي وحدة تدش مزاجي ., اما الشباب فآنا مقزرتها عليهم ., كيفي حلوة وأسوي ألي أبيه شلي حاركم هاا ., )
.,
*●▪
مدرسة الرجاء ثنائية اللغه .,
مشاري ( يبوووي والله معذبتني هالقمر ., ص ج انها قمر )
ثنيان ( لو تحس أني أحبها ., ودي أفظفظ حق مشاري وأقولة يساعدني ويظبطها لي بس وين ., )
مشاري : يلا يالعبقري وقف الباص أنشاءالله ماتنح
ثنيان : هااا
مشاري : ترى الحصة راح تبدي .,
ثنيان : أي يلا خل نلحق بسرعه
( مشاري وثنيان دخلوا الصف ., كان عليهم أول حصة أنقليزي أنقليزي ., طبعا مشاري مايقعد راحه .,
أما ثنيان فأهوة والكرسي واحد ., )
ms shatha : Good morning every one
students : Good morninh ms shatha
ms shatha : How are u today
students : Fine and thank u .. How are u 2
ms shatha : Fine .. ,, today i want to tell you that i will not teach u any more
student : Why miss
ms shatha : Because there is new english teacher will teach u ., she will teach u and i wull teach her class ., pleas gays be polite and good students
مشاري : هييي عبقرينو هاذي شقاعد تخربط بالانقليزي مافهمت شي
ثنيان يسوي روحة مايسمع مشاري
مشاري يدز كرسي ثنيان : ياهييي ., تسوي روحك ماتسمعني
thnian : Ms shatha look at mshari he is talking to me
please tell him to stop
ms shatha : Mshari
مشاري : شغلك عندي يالدعلة ., نعم خير شتبين
ms shatha : Whats mean شتابين
mshari : Mean what do u want
ms shtha : Don’t talk to u friend please
قمر ( هههه زين تسوي فيه ثنيان والله عجبتني ., يما والله فديتة وأهوة معصب ., مادري أغمزلة وأعلقة معاي )
مشاري ( اورايك بالفرصة ثنيانو أن ماعلمتك شغل الله ماكون مشاري ., بعدين هاذي شتبي قاعد تغمز ., عبالها يعني بتطيحني صج ياهل )
*●▪
( بيت أشواق )
أشواق : على كثر العيون اللي اضحكت لي ما بكت لي عين
بكيت ولا لقيت لدمعتي عين تواسيني
غرقت ولا لقيت لصرختي منهو يمدا يدين
تصوبني سهوم الموت مرة وألف تخطيني
انا وحظي رجعنا كل منا خالي الكفين
على كيف الدهر من وين ما يمشي يودينيبو أشواق يترنح : أشوف طاقج الطرب اليوم
أشواق : أفف يبا عفية دن شوية ريحتك ماتنطاق
بو أشواق : أااننن .. أنتي صصصص..صج ماتستحين على ويهج ., هاذ..هااا... هاذا واانا الي كبرتج ., تقققق..تقوليلي ., ريييححح.,, رييحتك خايسة
أشواق : يبا موقصدي بس يعني عقب ماشربت هلزحير جان تسبحت ولا تنظفت
بو آشواق : وخخخخ .. وخري زين عني خليييي.. خليني أروح انام
أشواق : أبركها من ساعه ., أكبر حسنة سويتها ., انا ألحين خل أروح عند أم أحمد أسلي نفسي شوي
( طلعت من البيت وأنا أكمل أغنيتي ., ذبحني جرمي اللي ثار بي وادمى من الصوبين
بلاني وين اولى به لعب في حسبة سنين ., ولايقاطعني بنص الطريج عادل رفيج أبوي )
عادل يطالعني بنظرة تخرع : ياهلا بالزين ., ياهلا بالحلوة
أشواق ( كنت خايفة حدي ., نظرتة هاذي ماتطمن ., كملت طريجي وسويت روحي ماأشوفة ولا أسمعة ., بس كان لاحقني ويناديني ., فظحني بالفريج وأهوة يناديني )
عادل : أشواق يبا وين رايحة ليش تنحاشين عني ., تعالي يبا تعالي
أشواق : أنت شتبي لاحقني هاا شتبي
عادل : أنا أبيج ., جم تبيني أدفع حق الليلة
أشواق ( شنو هاذا صج مايستحي شنو عبالة أنا بنت شوارع ., والله لعملة الأدب )
أشواق عطت عادل كف : ياقليل الادب ., صج ماتستحي على ويهك
عادل مسكني حيل من أيدي ولزقني بالطوفة ., ماكان في أحد لانة كان ممر ظيج صوب الفرع .,
عادل : أنتي تعطيني كف أنا أواريج يابنت حمد الظاهر ابوج ماعرف يربيج أنا ألي بربيج
أشواق ( عطاني كف محترم ., وقعد يشوت فيني لين وصلني لي الفرع وانا أحاول أنحاش منة ., قعد أصارخ بس ماكان في أحد بالطريج ., ولا فجأة أشوف واحد ولد حلال مسك عادل من أفاا ودزة على الارض )
علي : ياكلب شتبي بالبنت ماتقولي
عادل : وان تشكو ., شكو تتدخل هاذي بنت رفيجي وانا قاعد أأدبها
علي مسك عادل من ملابسة وعطاه بكس على خشمة : بنت رفيجك ها ., انت واحد من هالخمة ., البنت اشرف منك ومن طوايفك ., أذا شفتك مرة ثانية مقرب صوبها والله أذبحك
عادل خاف ولا ينحاش : اواريج يا أشواق الايام بينة
أشواق ( حسيت براحه يوم شفت ولد الحلال فزعلي ., شهم هالريال ., حاولت اشكرة بس ماشفتة جدامي ., فجأة أختفى جنة الارض أنشقت وبلعتة ., ماقدرت أدقق على ملامحة عدل لاني كنت أبجي ومادري عن عمري ., عادل لمن أعترضلي بطريجي حسيت أنا راح راح يصير شي موزين خاصة انا جم مرة يلمحلي على هالموضوع بيشتريني بفلوسة ., بس ياريتني أعرف منوه الفارس الشجاع ., وصلت بيت أم أحمد وانا حدي مستانسة بقولها عن الريال الي دافع عني ., )
.,
*●▪
أم أحمد : حيالله بنتي
أشواق : الله يحييج أم أحمد شلونج اليوم
أم أحمد : انا الحمدالله ., أشواق شنوه الدم الي طالع من حلجج لايكون أبوج طقج
أشواق : لا مو أبوي ., هاذا الكلب عادل رفيج أبوي ., وانا يايتج البيت أعترض طريجي الي مايستحي على ويها يبي يشتريني بفلوسة ويوم علمتة الادب قام وطقني ليما وصلت الفرع ., وتخيلي في ريال دافع عني ., بقيت أشكرة بس مادري وين راح فجأة أختفى
أم أحمد : يما حياتي أشواق كل هاذا قاعد يصير فيج ., انتي مايصير تسكتين على هالموضوع ., انتي متى بتبلغين عن أبوج يمكن أذا دخلوه السجت يتوب عن هالسوالف ., مادري شلون عايشة في بيت مثل بيتكم
أشواق : ام أحمد لاتييبين هالسيرة مرة ثانية ., أنا جم مرة قايلة لج هاذا أبوي ومهما يسوي بيظل أبوي ., شلون تبيني أوقف جدام ويها بالمخافر ., عيب عليي أصلن
أم أحمد : والله أنج بنت أصل ., ربيتي نفسج بنفسج ., عسى الله يرزقج بولد الحلال الي يعوضج عن كل الي قاعد تعيشينة قولي آمين
أشواق : آمين ياأم أحمد ., بس وين ., منو بيطل بويهي ., الكل يعرف سوابق أبوي ., منو بيرضى بنتي ترتبط فيني
أم أحمد : مالج شغل أصلن أنتي ألف من يتمناج .,
*●▪
نهاية البارت الثالث
أتمنى نال أعجابكم .,
وابي تعليقكم على البارت بشكل عام وعلى الاحداث والشخصيات
.,
ياترى شنو راح يسوي مشاري حق ثنيان .,
وقمر راح تقدر ناخذ قلب مشاري .,
ثنيان شلون راح يقدر يتقرب من مشاري .,
وشنو المفاجأة الي ناطرة هوازن .,
سوري على التأخير وبعوضكم في بارتين ..,
بشورة حياتي من عويناتي كل أقتراحاتج ..,
البارت الرابع
.,
قمر ( طق جرس الفرصة ., طبعا من يطق جرس الفرصة كلنا نتيمع بالساحه الخلفية عشان نشوف آخر أفلام مشاري ومقالبة مع ثنيان ., ثنيان مسكين ماكلها من مشاري ., كلة يقزرها على آفا مادري ليش هالكثر يكرها ., وثنيان مسكين مايتكلم ., )
ثنيان ( انا كل فرصة جذي وحيد ., محد يلقيني ويه ., الكل عندة ربع يمشي معاهم ألا أنا الكل يتنفر مني جني كائن غريب ., من يشوفوني بمكان الكل يدني عني ., )
مشاري : صلوح شوف أنت روح أشتر البيبسي من الكفتيريا ., أنا راح أقولة انا اليوم بنقعد معاه على الطاولة ., طبعا أهوة ماراح يوافق لانة يديري بنسوي فيه دقة ., لازم نييب الطعم
صالح : وشنو الطعم أنشاءالله مشاري يطالع قمر : الحلوة الي واقفة مناك ., تدري شكثر يحبها
صالح يصفر : القمر قمر ., يبووي ., اكيد بس تقولة راح يوافق على طول خو أهوة مايصدق خبر .,
ثنيان ( مشاري موخالي ليش يطالعني جذي ., أخاف يبي يطقني لاني اليوم فشلتة بالحصة ., الله يستر منة )
مشاري قعد بالطاولة مع ثنيان : هلا والله برفيجي العزيز ثنيان
صالح : هلا والله بالحبيب
ثنيان : هلا فيكم شباب ., شنوه النفسية الحلوة نازل عليكم الوحي
مشاري : لا بس أنا بعقد الصلح معاك ., شرايك تيي تقعد معانا على الطاولة
ثنيان يطالع الطاولة ., : طاولة الشخصيات المهمة
( طبعا هالطاولة مشاري مسميها طاولة الشخصيات المهمة مو أي أحد بقعد فيها ., ورئيس الطاولة أهوة مشاري طبعا )
مشاري : عليك نور ., طاولة الشخصيات المهمة
ثنيان : بس ., بس أخير مرة قعدت مناك حصلت أكلة قوية ماني قاعد أكيد بتسوي فيني دقة
مشاري نزل وساسر ثنيان : بس الحوة قمر بتقعد معانا
ثنيان مااصدق خبر : خلاص عيل آخذ أكلي وأقعد معاكم
قمر ( ههههه ., ونااسة بشوف ويها واحنا نكت البيبسي على شعرة ومشاري يكت المعكرونة على ملابسة ., خخخخ مسكين ., )
ثنيان ( ونااااسة قمر بتقعد معانا على الطاولة ماني مصدق عمري ., )
مشاري وصالح : حياك ثنيان
صالح كان ماسك تلفونة وقاعد يسجل فيديو .,
مشاري : شلونك ثنيان أنشاءالله مرتاح
قمر بدلع تقرص خدود ثنيان : يما فديتة الكتكوت .,
ثنيان خدودة حمرت .,
مشاري مسك البيبسي وخظة حيل عشان لمن يبطلة يطشر ., : أقول ثنيان شنو هاذا الي بيدي
ثنيان : هاذا بيبسي
مشاري فتح البيبسي بأتجاه ويه ثنيان ., وطشر كلة على ويها
ثنيان : حرام عليك
مشاري : كااااااك ., هاذا عشان المرة الياية تتذكرني ., لقافتك خل تنفعك .,
ثنيان ركض بيروح الحمام ولا مشاري يتلة من قميصة : وين رايح ماخلصنة ., قمر
قمر : هلا
مشاري : جهزي الذخيرة الثانية
قمر ( خذيت المعكرنة وقطيتها داخل ملابسة ., شكلة مسكين كان ويها جذي مصدووم ., )
ثنيان ( ماتحملت الي قاعد يصير فني ., أنقهرت على نفسي حيل ., نزلت دمعتي جدامهم كلهم ., وصالح صورني فيديو ونشرة بالمدرسة ., الكل قام يناديني بودميعه ., مادري حق منو أشكي ., لارحت حق أمي بتوقف مه ثنيان بتقولي أنت الي يبت هالشي حق نفسك ., قررت أني أروح حق الاخصائية كاثرين )
.,
***
الاخصائية كاثرين : أدخل
ثنيان ( دخلت عليها وانا متفشل من منظري هاذا ., مادري شقولها ., قعدت على الكرسي وتميت ساكت ., ولا فجاة بدون لا أحس نزلت دمعتي )
الاخصائية كاثرين : ماذا حدث ثنيان من الذي فعل بك هاذا ., ولماذا تبكي .,
ثنيان : أنه أخي مشاري ., أقصد مشاري وليس أخي
الاخصائية كاثرين : لايجوز هاذا التصرف ., لاعليك أنا سوف أكلم المديرة وسوف نتعامل مع الموضوع
ثنيان : لا لا أرجوك لاتخبري الادارة ., أذا أخبرتها سوف تنتشر العداوة بيني وبين زملائي ولا أريد ذالك .,
الاخصائية كاثرين : ولكن لايجوز بالطلبة فعل هاذا بك ., أذا تغاظينا عن الامر سوف يزدادون في أيذائك .,
ثنيان : لا اروجوك ., اذا كنتي تريدين مصلحتي وأرضائي لاتخبري الادارة ., أنا جئت اليك فقط لأشكو ضعف حيلتي ., لاأعرف لماذا الطلاب يتصرفون معي بهذه الطريقة البشعه ., اني زميلهم ., دائما يقولون عني بأنني فتاه ولست رجلا ., لانني أهتم بمظهري وجسمي هزيل ماذا افعل الله خلقني هكذا
الاخصائية كاثرين : لاعليك انهم يغارون من ذكائك ., انك مميز ., أنك أنسان مميز وتختلف عن الأخرين ., وانا أحبك كثيرا وأعتبرك قدوة للطالب المثالي ., يوما ما ستثبت للجميع بأنك أفضل منهم وانك لست فتاه ., والكل سوف يحترمك ., وسترى سوف يأتي هاذا اليوم قريبا
.,
ثنيان ( ماأجذب عليكم كلمات ابلة كاثرين رفعت من معنوياتي وايد ., قررت اني أكون أنسان أفضل وماأخلي هالسوالف تأثر على حياتي )
***
( بيت بوعلي )
علي : وهاذا الي صار فطوم ., والله كسرت خاطري ., حمار نغل قاعد يطقها لين طلع الدم من خشمها عورت قلبي
فاطمة : أمبييه حرام والله كسرت خاطري ., الحمدالله ابوي مونفس أبوها ., مسكينة الله يعينها على هالعيشة السودة الي اهيا عايشة فيها .,
علي : أي والله الله يعينها ., والله ودي أخطفها من أبوها
فاطمة : مينون ., طول عمرك مينون
أم علي دخلت الغرفة : منو هاذي الي بتخطفها
فاطمة : هههه ., انا ., أي انا يما
علي : يما شنو مسوية على الغدى
ام علي : مجبوس دياي .,
فاطمة : الله يمييي ., من زمان موماكلين مجابيس .,
ام علي : لا واليوم مسويتة على الطريقة الهندية حاطة فيه كاري
علي : أيباا ., مال أعزم الربع يدبونها معاي .,
أم علي : ههههه ., يلا غسلوا أيدكم ونزلوا الصالة .,
.,
علي ( اشواق كانت على تفكيري ., شردت فيها ., تذكرت صوتها ., تذكرت عيونها ., ودي أفاتح أمي بموضوعها ., ودي أقولها بتزوجها بس مادري شنو بتكون ردة فعلها )
فاطمة : يما صبيلي عصير
علي ( وأخيرا يتلي الجرآة وبتكلم ) : يماآ
ام علي : يعيون امك
علي : شرايج بأشواق بنت جيرانة
فاطمة قصت باللقمة : كح كح .,
أم علي : أي أشواق لايكون بنت السكير .,
علي : حرام يما ., شنو بنت السكير
ام علي : أي هاذا الصج ., قطع وعو ., وانشاءالله ليش تبي رايي فيها ., لايكوون حاط عينك عليها
علي ( أنا من شفت ردة فعل أمي خفت أقولها اني أبيها قلت أرقع الموضوع بسرعه ): لا لا ., بس صاحبي ودة يخطبها ., وقالي مايدري أهيا شنو ولا شنو أخلاقها
ام علي : من صجة هاذا ., قل بنات الكويت حاط عينة على بنت السكير الفمار ., قولة لايبلش عمرة معاها أكيد الحب يطلع على بذرة
بوعلي كان ساكت طول المحادثة وأخيرا نطق : حرام يا أم علي ترى أنتي عندج بنت لاتتكلمين على البنت بهالطريقة ., البنت ماعليها زود وموذنبها انا أبوها سكير .,
ام علي : الا ذنبها ., اصلن كل حريم الفريج يتكلمون عنها والكل يقول انها موزينة وسالفها نفس سوالف أبوها ., استغفر الله مابي أتكلم
فاطمة ( أنصدمت من طريقة كلام أمي ., شلون تحكم على البنت من غير لاتحتك فيها ., انا لازم أقعد مع البنت ., ودي أتعرف عليها ., الناس ليش يحكمون على بعضهم بهالطريقة )
علي ( حسيت بغصة ., ليش أمي تقول عن أشواق هالكلام ., مسكينة يا أشواق أنظلمتي لانج بنت أبوج ) : الحمدالله
بوعلي : ماكليت شي يبا
علي : شبعت يبا ., تسلم أيدج يما على هالطبخة الحلوة
ام علي : بالعافية ., ماشوفك كملت صحنك
علي : الحمدالله ., كنت ماكل كاكاو قبل الغدى وسد نفسي .,
***
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك