رواية حبك رسمك في ناظري وين ما اروح -33
ام سيف : يا حبيبتي الي فيج ابتلاء
و الله اذا احب عبدا ابتلاه فادعي ربج و استغفريه
و ان شاءالله مع العلاج راح ترجعين و انا وياج يا يما
بس ليش خشيتي علي طول هالمدة
و مستحملة هالمرض بروحج ؟!!
أمينة : و الله يا يما المفروض انتي اول
وحده تعرف بس خفت عليج
ام سيف : لا يا حبيبتي انتي بنتي و انا وياج
و اذا على مريومة الكل فالبيت و لازم بزورج و اتطمن عليج
و ان شاءالله علاجج على يد هالدكتور
أمينة : ان شاءالله يا يما ان شاءالله الله يسمع منج
الا يا يما وين روان ما جفتها
ام سيف : كانت نايمة اكيد لما تسمعج بتنزل هههه
أمينة : هههههههه وحشتني و الله
وقضو قعدتهم سوالف و نصايح و اكيد
دعوات من قلب ام لبنتها هاي كل الي تحتاجه امينة
__________________________________________________ ____
عنــد رنــا و راشــد ..
صار لهم يومين و اهما راجعين للديرة
قاعدين في الصالة يتقهوون و رنا تسولف ويا راشد
رنا : اتصدق يا راشد من ييت و انا اكلم
امي و كلما اسئلها عن ريم
اما تتهرب من السؤال او انها اتقول نايمة
خايفة يكون فيها شي و ما يبون يعلموني
راشد : لا حبيبتي لا تخافين ان شاءالله خير
طقي لها الحين جيكيها ان شاءالله تكون موجوده
رنا : اووكي
رفعت السماعة و طقت رقم البيت و نطرت احد يرد
ام فهد : اللوو السلام عليكم
رنا : و عليكم السلام هلا يما
ام فهد : هلا ببنيتي اشلوج
رنا : انا الحمدالله انتي شلوج و شلون ريم
ام فهد : كلنا بخير حبيبتي لا تحاتين
رنا : يما عطيني ريم ابي اكلمها وحشتني
ام فهد : هاا ر يــ ــ م
رنا باستغراب : اي يما ريم شفيج
ام فهد : لا بس اهيا محد
رنا : يما قولي الصج هاي اليوم
3 و انا اسالج و كلا محد
خوفتيني قولي شفيها
ام فهد : ما فيها الا الخير لا تخافين
رنا : بتقولين و الا ايي لكم الحين
ام فهد طبعا قالت لها كل اختصار
و خشت عليها سالفة السجن عشان لاا تخرب حياة بنتها
: اخوج معاقبها و حابسها لانها طالعة بدون شوره و قال بادبها
رنا الي ابد ما فاتت السالفة براسها : متاكدة يما ؟!
ام فهد : اي يماا .. وبس امس انخطبت من ناس طيبين ولهم سمعتهم
رنا : واهيا وافقت
ام فهد: ايي وافقت عيل شلون بتوافق زين فيه احد خطبها
رنا : اهاااااا عيل انا بزوركم هاليومين
ام فهد : حياج الله يا يما باي وقت
سكرت السماعة و قالت لراشد عن الخطبه و كملو
سوالفهم و عقب طلعو يتعشوون برع
__________________________________________________ _______
اليوم الثاني
في المستشفى ~
من الصبح و اهوة من غرفة اشعة
لي تحليل لي سحب دم من مكان لي مكان
لين العصر و اهمه على هالحالة سلمت
كل التحاليل الي سوتها و فتحو لها غرفة
ترتاح فيها لما يوصل الدكتور عشان يجوف النتايج
نامت شوي لي المغرب قامت صلت
و كلت لها شي و اتصلت في امها تطمنها
و تتطمن على بنتها عقب ما سكرت قضتها سوالف ويا حمد
شوي و سمعو صوت الباب ينطق عدلت امينة شيلتها
حمد : تفضل
الا البروفسور داخل عليهم
" طبعا المحادثة بالانجليزي بس بكتبها بالعربي "
الدكتور : مساء الخير معاكم البروفسور مايكل جون
حمد : اهللين سيد مايكل تفضل
الدكتور : طبعا كما وصلتي التحاليل
يا سيدتي فانك تعانين من ورم
و الحمدلله فان نسبة شفاءك كبيرة
فلا تياسي ففي هذه المرحلة كل ما تحتاجينه
هوة التشجيع و الثقة العالية
فكما تعلمين ان الطب تطور حاليا و مشكلتك بسيطة
أمينة : الحمدلله .. و ما هوالعلاج يا دكتور
الدكتور : علينا فقط استئصال هذا الورم فكما
بلغني انه عندما ذهبتي للمشفى قد اخبروك
بان حالتك متقدمة و ليس لها علاج
فهم مخطاين و غدا باذن الله سنبدأ باستئصال الورم
و بعدها نعالجك بالادوية و الباقي على الله
أمينة : شكرا لك يا دكتور
الدكتور : ولو فنحن بالخدمة
حمد : لا يوجد شي اشكرك به كفاية انك
قد خصصت لنا من وقتك لمساعدتنا
الدكتور : هذا من دواع سروري نراكم في الغد ، الى اللقاء
اول ما طلع الدكتور
ماوصف لكم شقد فرحوا حمد وامينه
وراح حمد يكمل اجراءات المستشفى
و امينة سيده خذت سيادتها تصلي
و تشكر ربها و تحمده و تدعيه بانه يكمل فرحتهم فالايام الياية بشفائها
في سويسرا ..
نــور و نــاصر ~
بعد ذاك اليوم الي كانو قاعدين فيه كلهم
فتحو ام ناصر و ابو ناصر موضوع عرسهم
و ان يسوون حفله
بس نور عارضت الفكرة كلش
نور: عمي عمتي سمحو لي انا حفلة
و هالخرابيط هذي ما بيها
ام ناصر : بس يا يما نبي نفرح فيكم
نور : لا يا خالتي سمحي لي جانج تبين
تسوين سويي بس انا ما راح احضر
ناصر : نور شهالكلام الحين امي تبي تفرح فيني
و انتي تقولين لها سوي بس ما راح يين حق منو تسويها عيل
نور : حق الي تبون انا حفلة و طق و لوية
مابي مابي شي بدون امي مابي
( و انهارت و قعدت تصيح و ما تعرف شتقول )
خافو عليها كل الي قاعدين و ناصر
لا اراديا قام من مكانه و حظنها يهديها
و ام ناصر يابت لها قلاص الماي
تشربها و تسمي عليها
بو ناصر : بلاها يا بنيتي لا حفلة و لا شي
و لا تسوين بنفسج جذي
ام ناصر : افا يا بنيتي و هاي و انا حاسبتج
مثل بنتي انا امج بعد لا تضيقين خلقج
ناصر : كلنا حواليج يا الغالية و خلاص يا يبا
انا باجر بحجز لنا تذاكر و بنسافر
و لي ردينا استقبال بسيط و خلاص
بو ناصر : و انا اقول جذي بعد
نور مب عارفة شتسوي غير تصيح بس هالمرة
صاحت من الامان الي حاسة فيه
و ان ناصر صج يحبها و اثبت لها حبه بتصرفاته
نهــــايــــة البـــارت ..
انتظرونا الاسبوع الياي بأذن الله بنفس الوقت
تحياتي لكم ~
لا تبخلون علينا بتوقعاتكم الحلوة *-*
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت 30
في سويسرا
ناصر
جفتها واقفه مثل الاميره عند الدريشه
وشعرها يتطاير ولامه رووحها من البرد
ييتها من وراها ولميتها عشان ادفيها
نور : ناااصر شتسوي انت قووم عني
ناصر : الحيين زييين مني يايي بدفييج قاعد ترتجفين
نور : شكررررن مانبيك تدفينا
ناصر: صججج ماتنعطين ويه يزاتي الحين ادفيج
نور واهيا اتطلع له السانها : ماااطلبت منك
ناصر : جووووف الي ماتستحي في وحده تطلع السانها حق ريلها
نور واهيا تلعب فحواجبها : كييييفييي
ناصر : لااااا والله كيييفي هاااا اورييييج
راح لها وشالها وسدحها على السوفا وقعد يمها
نور : ناااااااااااصر ينييييييييت انت الحييين لووو طايحه
ناصر : لاااا ياحلوه مابتطيحين دام انا شايلج
نور : قوووووم من يمي خلني اقووم
ناصر : يالله قومي في احد ماسكج
نور: تستهبل حظرتك شلوون اقوم وانت قاعد فوقي
قوووووم ذبحتنييي
ناصر : ههههههههههههههههه مووو قايم عشااان تتادبين
وتحترميني
نور: ااااااااف يااااااربي
ناصر : جوووفي بقوووم بس بشرط
نور : ااااااف يالله قول شرطك ذبحتنا
ناصر : قوولي ناصر حبيبي وانا احبه
ناصر حلوو وانا كرييها وانااا اتعهد اسوي حق ناصر الي يبيه
بدوووون نقااااش وتحلفيين بعدها
نور ( فتحت عيووونها على وسعهم): نننننننننننننننننعم ننننننننننعم
تبيييني اقووووول جي لاااااااااااا والله انااا كريها بعد
اقوووووول قوووووم عني احسن لك
ناصر : مب قااايم الا لو قلتي اصلا عاجبتني القعده هني
نور شوي وتصيح متفشله منه : الله يخلييك والله عورتني انت ثقييل
ناصر قرررب منها حيييل صار
ويهي جريب حق ويها : عيل قولي الي قلته
نور بلعت ريقها جم مره من الخوف : نــاا ااصــر بلييز قووم عني
ناصر قررب ازيييييد عن قبل : قلت لج قولي اول
نور وخدووها صارو طماااااط من الحياا : انااا كريها ناصر حلو
يالله قووووم
ناصر : يعني الجزء الثاني من الكلام مفقوود
نور : ياااربي قوووم وانا بقووول
ناصر : قوووولي
نور: ووو اممم ناصر حبيبي وانا احبه وانا بسوي كلشي يقوله لي ناصر
ناصر : قولي والله
نور وخلاص دمعتها بتنزل :والله
ناصر باسها على خدها بقووووه وقام : الحين انتي شاااطر
نور وويها احمرررر ودموعها تنزل : باااااااااااااايخ سخيييييييييييييف
ماااااااااااااااااحبك
ناصر : هههههههههههههههههههههههه الحين بااايخ وسخيف وتصييحين بعد
نور : اييي اييي مالك دخللل فيني
وقامت وراحت الغرفه
لحقها ناصر وسكر الباب وراه
نور : اشتبي اطلللع بررع مااابيك لييش تلحـ....
راح لها ولمهاااا بقووووه واهياا سكتت ولاااا كلمه
تحس براااحه بامان لوو حظنهااا ماتتقدر تتكلم او تتحرك
تم فتره حاظنها.. بعدها عن حظنه
ناصر : نور انااا انااا احبــــج والله اني احبج
نور منصدددمه منه اولل مره يقولها جذي بكل جديه : ...
ناصر : احبج لانج نوور مو احد ثاني والله اني احبج واموت فيج
مااعرف شلووون اعبرلج عن حبي بسس الايام كفيله تعبرلج عن حبي لج
... تدرين انتي من يوم ماييتي بيتنا وانااا احس بتجاهج شي
كنتي تحركين مشاعري واناا كنت ماحب هالمشاعر الي تييني لو اجوفج
او اسمع اسمج كنت اسوي اي شي علشان ابعد هالمشاعر
كنت اقص على روحي واجرحج بالكلام
كنت اسوي فيج مقالب اي شي بس عشاان ابيين حق روحي
اني اكرهج وماحبج لكن للاسف ماقدرت
وخصووصاا يووم الي مايتسمى ياا وخطبج
انااا ينييييت تعرفين شنو ينييت مابقى فيني عقل
قلت لاا نوور مابتوافق مابتسويها وتهدني بروحي
لكنج خيبتي ظني ووافقتي
هني خلاااص انااا قلت اسوي المستحيييل عشان ابععدج عنه
يوم الملجه خلييت ناس اعرفهم ياخرون الي مايتسمى
ويسوون فيه دقه عشان ماايي الملجه
وطبعا انا فالميلس سويت لهم سالفه لين مافركشت هالملجه
وانااا ملجت علييج
سكت ونزل راسه ماااجاف اي تفاعل من نور
نور شهقت من الصياح : ليييييييييش سويت جذي
هاااااااا علمني ليييش سويت جذي .. قامت تطقه على صدره
ناصر : لاني احبببج فااااهمه وانتي لييي اناااا ومابتكوونين حق احد غيري
نوور: مووو هذااا قصدي .. قصدي لييييش خلييتني اكرررهك
بتصررفاتك والي كنت تسويه فيني انت كنت تجرررحني بكلامك
بتصرفااتك بكلشي تسويه .. انااا اناا كنت احبــــــك من زماااااان
انت كنت حبيييبي بس يوم عرفت انك تحب اختي وانك ماتبيني
وتستحقرني ومن افعالك الشينه ويااااي قمت اكررهك
ناصر : تحبــــيـــني من زماااان شلوووون وانا مادري
نور: شنوو شلوووون احبك يعني انااا كنت احبك
ناصر واهو منهااار : والحيـــن !!!!!! تكرهييني ادرييي تكرهيني
وشلوووون ماتكرهيني بع جالي سويته فيييييج اناااااااا ماااستااهلج
اناااااااا صج كنت حقييييير من الي سويته فيج
نور لمته بقووه : لااااتقووول عن رووحك جذي
اناااااااا احبك وبضل احبــــــك
ناصر بفررررحه : يعني انتي تحبيني
نور واهيا منزله راسها من الحيا شلون قالت له جذي : ايي
ناصر والابتسامه شاقه حلجه: ايي شنووو
نور : يالله عااااد ناااصر ماتنعطى ويه انت تدري شنو
ناااصر : قووووووليها الله يخلييييج
نور : امممم احبك
ناصر شااالها ودااار فيييها : وانااااا امووووووووت فيييييييج
نور : آآآآآآآآآآآآآ نزلنيييييييييييي ياااا مينووووووون بطييييييييح
ناصر : هههههههههههههههههههه مابتطيحييييين
نور : ههههههههههههههههههههههههه والله راااااسي داااااار نزززلني
ناصر فللللتها على السرييير ونسدح يمها
.. ههههههههههههههههههههههههههههههههه مينووونه يعني من صجج بطيحج
نور : ههههههههههههههه اشدرااااني يمكن اطييييح جي بالغلط
لف عليها وصار لاااااااصق فيها
ناصر : نور احبج
نور خلاااص ودها الارض تنشق وتبلعها من الحياا دنت من يمه تبي تقوم
ناصر : ويييين ويييين
نور: هااااا اييي بروووح المطبخ اشرب مااااي
ناصر واهو رافع حاجبه : ماااي كاهو القلاص يمج ليش المطبخ بعد
نور: اييي شسمه هذا مو بارد ابي ماي بارد انااا
ناصر سحبها يمه وباسها : عن العياااااره عارف الاعيبج
....... .........^__^
.______________________
يــوم العملية ..
طبعا من قعدت امينة و اهيا توصي حمد
و ما خلت شي ماوصته عليه بنتها امها اختها اخوها
الكل ما خلت حد ما ذكرته ما تدري شراح يصير
داخل لها فحبت تاخذ احتياطها
كلمت امها و بنتها و تطمن عليهم
و اكيد ما نست اخوها و اختها الي دعوا لها من كل قلبهم
و روان لي اول ما كلمتها قعدت تصيح خصوصا
انها من سافرت و اهيا ما جافتها
و جافت ما باقي غير نص ساعة فخذت
القرآن من الطاولة و قرته
و اهيا تدعي ربها بانه يشفيها و يقومها بالسلامة
حق زوجها و بنتها وكل اهلها
دخلوا النرسات و شالو منها المغذي
و ضربوها ابرة البنج علشان تاخذ مفعولها قبل العملية
و حركو السرير لي غرفة العمليات و حمد معاها طول الوقت ما تركها
ودعها عن الباب و دخلت و اهوة وقف في الممر لحين ما تخلص العملية
و طول هالوقت يدعي ربه ان يسهل العملية و يقومها بالسلامة
اثناء العملية ..
حمد جاف ان الوقت مطول راح للمكينة
و شرا له كوفي و اهوة راجع جاف الدكاترة
تطلع و تدخل و النرس تركض تنادي دكتور
ثاني متخصص بالجراحات
خاف من الفكرة الي طرت في باله و من الرووع
طاح الكوب عالارض و ركض و نادى على النيرس تفهمه شالسالفة
حمد : لو سمحي وقفي فهميني شالسالفة
النيرس : سامحني اخوي انا مجرد مساعده
لا اكثر ما اقدر اشرح لك بالتفصيل انتظر
الدكتور يطلع و يفهمك ( و مشت )
من الخوووف قعد على الارض يحس قلبه بيطلع من مكانه
مااايبي يخسررررها امينه روحه وقلبه ودنيته والهوا الي يتنفسه
اخذ مباليله واتصل فسيف يبي احد يكون يمه مو قادر يتحمل
عقب ربع ساعه وصل سيف واهو ميت من الخوف على اخته
وقف وياا سيف وتم يهدييه لانه حالته ماتسر قاعد يرتجف من الخوف
جاف دكتور طالع من غرفة العمليات
حمد : دكتور دكتوووووور
الدكتور وحالته حاله متخزبق : لا تخاف لاتخاف البروفسور يقوم
بعمله تحاتي بس صارت شويه مضاعفات
اثناء العملية عشان جسمها ما استجاب لبعض العلاجات
و الحمدلله سيطرو على الوضع
حمد : الحمدلله يارب و الي يسلمك طمني و الله خايف عليها
سيف : دكتور يعني امينه بتعييش صححح
الدكتور : لا تخافوون و خلو ايمانكم بالله قوي
و ان شاءالله بتقوم بالسلامة اترخص عن اذنك
حمد : اذنك معاك ما قصرت
بعد 5 ساعات ..
.
.
.
.
.
.____________________________
متيمعيين كلهم فالصاله
ضحك ووناسه وهبااال
ريما واهيا تصارخ : عزووووووووووز عطنيييي حلااااوتي
ام عزام : رييييما خلاااص عااااد حاطه رااسج راس هالياهل
شكبرررج مررره صرتي الي كبرج معرسين ويايبين عيااال
وانتييي تتهاوشين تبين حلااوه
ريما: يمممممه جوفي اهو شيسوي كله ياخذ اكلي عزاااامو شيل ولدك عني
عزام: شنوو عزامو انااا اخوج الكبير
ريما: عزام حبيبي الله يخلييك تصرف ويا ولدك صايير دراام من كثر الاكل
دانه: لا اله الا الله محمدا رسوول الله اعوذو بالله منج بتذبحيين ولدي
عزووز حبيبي تعاال ماتبي حلاوتها انا بوديك اشتري لك
عزوز فلع عليها الحلاوه: خذييه مابيه ماماتي بتثتريلي حررره ماباعطيج
عمر: هههههههههههههههههههههههههههههههههههههههههههههه
والله هههههههههههههههههههههههههههههه مصخرووج ياريووم
لقطــي ويهج ههههههههههههههههههههههههههه
ريما وعيونها مدمعه: ه ه ه ه ه ماااتضحك فااهم
يببببه جوووفهم كلهم ضدي
بو عزام: ههههههههههههههه تعااالي بنتي دلوووعتي
انا بودييج البراده اشتريلج الي تبين
عمر وعزام : ههههههههههههههههههههههههههههههههه وااااك
البرااااده شكبرررررها اقوول ريووم ماوصيج اخذيلج حلاو مصاص وااايد
ريما: اقوول عمر وراا ماتروح تجهز حااالك ترى الملجه اليوم
عمر: وانتي شعليييييج هااااا روحي اشتري مصااص مالج دخل
فشي ثاااني
ريما: اناااا مووتي واعرف شعرفك فالعرووس من وييين مطلعها
وطلع عندك ذوووق بعد حلووووووووه
عمر: جبببب هااااا شعلييج انتي وسكتي ولاتوصفين زوجتي
مو بروحنا قاااعدين
ريما : حلااااااااه ويغاااااار بععععد ههههههههههههه يحليلك
عمر: يييييييمه شيييلي بنتج من هني لااا دووس فبطنها اليوم
الكل : ههههههههههههههههههههههههههههههههههههههههههههههه
_______________________________
عند رنا و راشد ..
قاعدة رنا تشتغل في المطبخ و تنظف المواعيين
حست روحها تعبانة صبت لها كاس ماي و خذته و طلعت تريح شوي
و قعدت في الصالة افتحت التلفزيون و قعدت تفرر بين المحطات
و لقت برنامج حلو و تمت اتابعه
شوي الا تسمع الجرس يرن
قامت تجوف من لقتها حنان
رنا : اهلين يا حيالله من يانا هههه اخيرا شرفتي انسة حنان ما بغيتي
حنان : يا هلاا اووف سكتي قلت اتحرك شوي الحمال كسرني
رنا : حياج داخل تفضلي
حنان : زاد فضلج شخبارج عسى مرتاحة بس
رنا : اي الحمدلله زين ما سوا راشد خذى
لنا هالفلة مع العايلة علشان نكون قراب من بعض اكثر
و ما اتملل من السكن بروحي
حنان : اي و الله
رنا : الا ما قلتيلي شتشربين
حنان : امم عصير برتقال لو فيه
رنا : اوكي دقايق .. يابت لها العصير
رنا : الا ما قلتيلي اشقالو لج ولد و لا بنت
حنان : لا ولد و عبدالرحمن من درى بالخبر
سوا حفله من الوناسة هههه
رنا : ههههههههه معلي بعد شلون لازم الابو يفرح
و خصوصا انها بتكون فرحته الاولى
حنان : و انتي بعد يلا شدي حيلج و يبي لنا بنوتة حق ولدي
رنا : الله كريم ان شاءالله ههههه
كملو سوالفهم و طلعت حنان و راحت للملحق المخصص لها داخل هالفلة
(بيت ام عبد الرحمن مقسم الفلة الكبيرة
حق العايلة و فلتين اصغر وحده حق عبدالرجمن و مرته
و الثانية حق راشد و مرته علشان يكونون جدامها و تحت عينها )
دخلت رنا لغرفتها و نامت من الملل
عقب ساعتين ..
رد راشد من الشغل و استغرب
من الهدوء بس صوت التلفزيون مشغل
دخل داخل الغرفة و استغرب اكثر لما جاف
رنا نايمة لان ابدا مب عادتها هالحزة تنام
حط يده على راسها يجيك لو فيها حرارة او شي جافها طبيعي
راشد : رنــا رنــا
رنا : امممم
راشد : شمرقدج هالحزة قومي تغدي عقب كملي نومج
رنا : راشد وخرر ابي انام ماشتهي شي
راشد : وين اوخر اقولج قومي الساعة 2
رنا (بعصبية) : اوووف ليش ما تخلي الواحد ينام ملل و الي خلق شي
راشد (استغرب عصبيتها ) : انزين خلاص ما قلنا شي
شفيج زعلانة احد ضايقج
رنا : لا ولا احد بس ابي انام ممكن
راشد : لا مب ممكن يلا جدامي
قامت رنا و قعدت على طاولة الطعام و مجابلها راشد
رنا حست انها مب مشتهية شي و قامت
راشد : على وين ما كلتي شي
رنا و اهيا قايمة : راشد و الي يسلمك
خلني براحتي ( مسكت راسها لان راسها يدوور )
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك