رواية لاتمثلين احتياجج لي وانتي بحضن غيري مقزرتها -35
أشواق ( هالويه موغريب .. تذكري أشواق وين شايفة ويها .. تذكرت .. مرت عادل أهيا نفسها الي مع علي بالكلية .. ونفسها .. ايييه نفسها .. نفسها الي كانت بالصوة مع علي .. معقولة الي قاعد أشوفة .. يعني أنا ظلمت علي .. هالبنت تكون زميلة حقة بالجامعه وأكيد صور معاها عساس أنها زميلتة .. يا ربي أنا شسويت .. ظلمت علي طول هالفترة .. الله يسامحج يافاطمة .. الله يسامحج .. )
دلال : شفيج ماتردين .. أنتي شتسوين هنيي ..
عادل : شوي شوي على البنت .. أنتي تعرفينها
دلال : اي شلون ماعرفها .. أعرفها ونص
أشواق : دلال .. أنتي دلال صح
دلال : حلفي والله
أشواق : أنا غبية .. أنا غبية .. عن أذنكم .. أنا لازم أمشي ..
عادل : أشواق شفيج يبا
أشواق : تعبانة شوي .. سامحوني .. عن أذنك أستاذ عادل
دلال : بعد استاذ عادل .. تعال أركب السيارة وقولي كل شي .. من وين تعرفها تحجى
عادل : ههههه .. غيرة حريم .. أشتغلنا عاد الحين
دلال : أنت وايد مصدق نفسك .. اي غيرة اي بطيخ .. قولي من وين تعرفها
عادل : يبا هاذي بنت صاحبي .. يتيمة لا أم ولا أبو عندها .. طلبتني أني أدور لها شغل .. عينتها عندي سكرتيرة .. وأجرت عندي بالعمارة الي مقابلة بيتنا ..
دلال : نعم نعم .. شنو قالولها .. بيت سبيل أحنا .. وأنت شكو فيها .. شلون تعطي هالأشكال ويه
عادل : دلال .. عاد ثمني كلامج .. صاحبي موصيني على بنتة .. والبنت مالها ظهر تسند عمرها عليه .. لاأخو ولا أبو ولا حتى أم .. تبيني أخليها توقف بالشارع وتطر
دلال : اي خلها تطر شوراها
عادل : أنتي الظاهر مامنج فايدة ولا راح تتغيرين .. انا أقول خل نروح المستشفى يابلوتي
دلال : بلوتك .. خير ..
عادل : اي والله بلوة وأبتليت فيها .. مادري أمي شنو شافت فيج ..أنا أذكرج دفشة من كنتي صغيرة .. بس قلت يمكن تغيرتي .. بس صج بوطبيع مايوز من طبعه
دلال : أنا أقول حرك حرك قبل لا ألحين أطلع طناقري عليك
عادل : لا تكفة ..
دلال بوزت طول الطريج ويوم وصلوا المستشفى سوت التحاليل وطلعت النتايج
الدكتورة : مبرووك يا أنسة أنتي حامل
دلال أنقلب ويها .. أنصدمت : حاامل .. ليش ياربي .. شنو هالبلوة الي بليتني فيها .. ناقصة بعد أنا أحمل
عادل : الحمدالله رب العالمين .. الحمدالله ..
دلال : شنو الحمدالله .. أنا هاذا الياهل ماأبييه
عادل : هيي انتي .. شنو هالكلام .. تحجي عدل ..
دلال : قتلك أنا ماأنفع أكون أم .. ماأنفع .. مو أنت تبي الياهل .. رب هالياهل بروحك أنا مالي شغل فيه
عادل : أنا أقول أمشي الحين وعلى مايطلع الياهل أذا الله أحيانا يصير خير
دلال / أووووف .. أوووووف
.................................................. .................................................. ........................
( لوس أنجيلوس )
جوان ( فتحت عيوني بعد نومة طويلة .. ليلحيني موقادرة أحس بريولي ولا بجسمي .. أحس أني مخدرة .. شفت أمي قاعدة جدامي وتقرى قرآن .. حسيت براحة من سمعت آيات الله .. وأخوي أحمد منسدح على الكراسي ونايم .. وأبو جراح .. عمي جاسم واقف عند الدريشة والدمعه بطرف عينة )
أم أحمد : حمدالله على السلامة يما آآ .. شلونج ألحين
جوان : ....
جاسم : سلامتج يبا .. أنشاءالله صرتي أحسن
جوان : .....
جاسم : يبا أنا أدري الي صار لج مو شوية .. بس الحين لازم تكونين قوية عشان تمشين على ريولج مرة ثانية وتكملين حياتج
جوان وعيونها غرقانة بلدموع : عمي وين جراح .. نادولي جراح .. بقولة أبي أقولة
جاسم موقادر يتحمل .. دمعت عيونة : ...
أم أحمد : أستهدي بالله يما آآ ..
جوان : عمي نادولي جراح .. بقولة أني حامل .. بقولة أنا راح يكون عندنا ولد .. بقولة أنا جسوم في بطني .. نادو جراح .. يما آآ .. وين ريلي بشوفة .. نادولي بو جاسم .. نادولي جراح
أم أحمد : يما جراح
جوان : جراح موجود صح .. جراح قاعد ينطرني برا الغرفة صح .. جراح ماراح يخليني .. اهو وعدني أنا ماراح يتخلى عني .. اييه أهوة قالي ماراح يتخلى عني أنا ادري .. صح كلامي عمي .. جراح ولدك وأنت تعرفة أكثر مني ..
جاسم : صح كلامج يبا .. صح كلامج
جوان : أنزين وينة .. قولولة خل يدش الغرفة أبي أشوفة .. أبي يحط أيدة على بطني ويحس بجسوم يتحرك في بطني ..
أم أحمد : يما آآ لمن سويتي الحادث .. ( صعبة أنطق فيها .. أنقمت موقادرة أتكلم .. )
جوان : اي أدري أنا أحنا سوينة حادث بس ماصار شي بجاسم ولدي صح .. جاسم موجود بداخلي انا قاعد أحس فيه .. جاسم ولدي موجود في بطني
أم أحمد : لا يما آآ أنتي خسرتي الجنين ..
جوان : لا لا .. لا لا .. أنا أدري أنكم قاعد تجذبون .. جراح وجاسم ولدي موجودين .. * وقعدت تصارخ ودشت بحالة هستيرية .. دشت السستر وعطتها أبرة مهدئة ونامت .. )
جاسم : أم أحمد مايصير نخش على البنت أكثر .. لازم نقولها الصج ..
أم أحمد : اهيا مو معطيتنا فرصة نقولها .. موراضية تخلينا نتكلم ... كل ماتييب طاري جراح تعتفس .. شفت شصار فيها .. وانت متى راح تبلغ الاهل
جاسم : طيارتي بعد يومين .. راح أرد الكويت ويحلها ألف حلال
أم أحمد : الله كريم أنشاءالله .. والله أني قاعد أدعي الله ليل نهار ..
جاسم : الله كريم أنشاءالله .. الله كريم .. بس الي معور قلبي قمر بنتي .. مادري شراح يصير فيها من تسمعالخبر ..
أم أحمد : اي والله .. الله يكون بعونها هاذا أخوها موشوية ..
.................................................. .................................................. ........................
( بيت بوعلي )
علي بصوتة الخشن والحنوون (شويه إن قلت أحتاجك
شويه إن قلت أشتاقك
و شويه إن قلت أنا كلي لك
و شويه إن قلت أهواك
لو تجمع حب العالم
و احساس و شوق العالم
و كلام الحب
وأغاني الحب
ما تساوي يا عمري غلاك
إياك تظن إياك
وتفكر يوم أنساك
إياك تظن إياك
وتفكر يوم أنساك
أو أنسى بلحظه هواك
حبيبي يا حبيبي
إياك تظن إياك
تفكر يوم أنساك
أو أنسى بلحظه هواك
يا حبيبي يا حبيبي يا حبيبي أنا
من خوفي عليك يا أعز الناس
من خوفي عليك أنا خفت الناس
من خوفي عليك يا أعز الناس
من خوفي عليك أنا خفت الناس
لك طله جميله عجيبه غريبه ترد الروح
فيها معنى الحب لها دق القلب تداوي جروح
يا أجمل من في الوجود خذني لأبعد حدود
لدنيا من الورود فيها إنت إنت حبيبي
إياك تظن إياك
تفكر يوم أنساك
يا أعز الناس إياك
تفكر يوم أنساك
أو أنسى بلحظه هواك
حبيبي يا حبيبي يا حبيبي أنا
)
فاطمة : الله الله .. وأنا أقول منو هالعصفور الي قاعد يغرد ..
علي : شدعوة عصفوور .. صوتي وين وصوت العصفور وين
فاطمة : والله صوتك أحلى من صوت العصفور بمليون مرة
علي : اي جامليني أنتي الثانية ..
فاطمة : منو قال قاعد أجامل هاذا الصج .. أمممم .. أنزين عليوي شرايك نطلع
علي : فطوم سكري هالموضوع .. قتلج أني مابي أطلع .. مابي أشوف أحد .. خليني قاعد بغرفتي أحسن .. محد له شغل فيني ولا لي شغل بأحد
فاطمة : انزين على الاقل خل أوديك الحلاق تحلق لحيتك .. صرت جنك من هذيل السلف الصالح ..
علي : ههههههههه ..
فاطمة : اي أظحك .. خل نشوف أسنانك .. من زمان ماسمعت صوت ظحكتك
علي حط أيدة على ريولة وظقط حيل على ريولة : الي عاجر مثلي شلون تبين الظحكة ترتسم على شفاه .. أنا عفت الظحكة من سويت الحادث .. أحس أني منكسر وموقادر أسوي شي ..
فاطمة : علي شوف بكملك بكل صراحة وماراح أجاملك هالمرة .. طول الفترة الي طافت وانا أسمعك الكلام الي أنت تبي تسمعه .. بس هالمرة أنا بسمعك الكلام الي انت لازم تسمعه .. الي قاعد تسويه غلط .. ترى الدنيا ماوقفت .. حبست نفسك بهالقوقعه وماقمت تكلم أحد .. أنت السبب بالحالة النفسية الي دخلت فيها .. أطلع .. شم شوية هوى .. رد أختلط بالناس .. مر الديوانية عند ربعك ترى الدنيا ماوقفت لانك موقادر تمشي .. وايد ناس غيرك أنولدوا وأهم مايمشون بس كافحوا ووصلوا وأنجزوا ماهمتهم نظرة الناس ونظرة المجتمع لهم .. بالعكس الناس تفتخر فيهم وترفع راسهم بانجازاتهم
علي : أخيييييه .. اخييييه فطووم .. ظربتيني على الوتر الحساااس ..
فاطمة : حبيبي أنت .. أخووي أنت .. بوي أنت .. اطلع من هالقوقعه ..
علي : وأذا طلعت من هالقوقعه تهقين اني راح أقدر احصل قوقعه أشواق وأحتمي فيها .. ( نزلت دمعته ) : تهقين اني راح أحصل أشواق
فاطمة ( آآخ ياعلي .. لو تدري بلي انا سويتة .. لو تدري أني السبب بأبتعادها عنك .. لو تدري أني كنت أخطط عشان أفرقكم .. ) : بتلقاها .. وانا متأكدة أنك بتلقاها .. مرات البعد يكون لصالحكم .. اكيد أهيا قررت أنها تبعد عشان تراجع روحها
علي رفع صوتة : أشواق ماتركتني الا بسبب أمج .. أمج السبب بكل الي صار .. ( حاولت أقوم على ريولي وأقاوم مخاوفي .. وقفت على ريولي ولا أطيح على الارض .. طقيت على الارض حيل ) : أمج السبب شفتي ريولي هاذي الي موراضية توقف أمج السبب بلي وصلها حق هالحالة .. أمج السبب
فاطمة طاحت على ريولة ولمتة حيل وقعدت تبجي : بس علي بس قطعت قلبي .. والله قطعت قلبي
.....
^^
بطرف ثاني
أشواق ( طقيت باب بيت خالتي أم أحمد ولا تطلعلي الخدامة ) : وين ماما جوان .. بابا احمد .. ماما كبير
الخدامة : كلوو سافر .. ماكو أحد في بيت
أشواق : شنوو .. وين سافر
الخدامة : أنا مايعرف .. ماما 3 شهر يسافر مايرجع ...
أشواق : اووولا 3 شهر .. وين راحوا .. ليش الدنيا كلها هاجرت .. ألحين شلون .. أروح أطق باب بيت علي .. اي خل أروح أطق الباب ..
( قلبي قام يرقع حيل وأيدي ترجف .. كنت قاعد أتخيل اني أطق الباب ويفتحة علي .. وأنط عليه وألمة بكل قوتي وأبجي وأقولة سامحني .. انا غبية يوم تركتك .. والله غبية .. وقفت عند باب بيتهم وطقيت الباب متأملة أنا علي يطلع .. بس أملي خااب .. طلعلي صبي فيه 15 سنة )
الصبي : منو أنتي
أشواق : أذا ماكنت غلطانة هاذا بيت بوعلي صح
الصبي : لا أختي هاذا بيت بو مازن
أشواق : شنوو .. أنت متأكد
الصبي : اي متأكد .. أحنا تونا شارين البيت ..
أشواق : نعم .. مشكور أخوي ( باعوا البيت .. لاااء .. مولهالدرجة .. ياجبل مايهزك ريح .. خلاص .. مافيني حيل أوقف على ريولي .. مافيني حيل .. نزلت من على دري البيت ركب السيارة ولا أطيح على الارض .. )
السايق : ماما أشواق قومي .. قومي
( ركض السايق السيارة وطلع بطل ماي وكت على ويهي .. صحصت ولا أركب السيارة .. قعدت أبجي وأندب حظي العاثر .. وين ماطقها عوية .. أي تذكرت .. رقم فاطمة .. وين حطيتة .. انا متأكدة أني حطيت رقها بمكان بس وين .. تذكري أشواق وييين حطيتي الرقم .. أييي تذكرت .. بصندوق امي .. اي صح بصندوق أمي ... )
السايق : ماما أشواق أنت الحين يصير زين
أشواق : اي زين راجو .. مشكور
السايق : ماما أنت وايد تعبان يبي يرجع بيت ينام شوية ..
أشواق : لا راجو .. مايبي ينام ..
السايق : أنزين وين يبي يروح الحين
أشواق : بابا عادل يعطي أنت عنوان مال بيت
السايق : ايي
أشواق : ودي أنا هاذا عنوان ..
السايق : أنشاءالله ماما ..
.................................................. .................................................. ........................
( بيت عادل ودلال )
دلال : خوفي يطلع حاط عينة عليها .. والله أن حط عينة عليها صج بتكون نهايتها هالجيكرة .. أنا لازم أتلاحق عمري لا يطير من الريال من بين أيدي .. خل اتسنع له وأكشخ .. اليوم لازم احطلة الحمرة والبس ذاك النفنوف الأحمر .. من زمان ماتسنعت له .. وأسوي روحي مهتمة حق الي في بطني .. خو الريال مايربطة الا لعيال على قولة امي .. خل اكثر منهم وأترس عيونة فيهم .. وماراح أسمح لاحق اشواق ولا غيرها ياخذونة مني .. )
.................................................. .................................................. ........................
( بيت هوازن )
هوازن : يما آآ ثنيان وين مشاري أخوك
ثنيان : قال بيروح الديوانية عند ربعه وبعدها بينام عند بابا عود
هوازن : أمممم .. واغراضة .. خذى أغراضة
ثنيان : اي أخذ أغراضة
هوازن : خلاص أوكي .. أنزين وين قمر
ثنيان : بغرفتها
هوازن : قولها راح نطلب من مطعم مالي خلق أطبخ .. شوف أي مطعم تبون وقولي
ثنيان : أوكي ..
صعد ثنيان غرفة قمر وطق الباب .. قمر كانت سرحانة .. بس ياترى شنو الشي الي كان شاغل بالها
ثنيان : طق طق طق
قمر : ...
ثنيان : هوووب أدش
قمر : ....
ثنيان : لا الحلو سرحان .. بشنو سرحانة ..
قمر : هاا .. ثنيان خرعتني
ثنيان : يما آآ منج الحين أنا خرعتج .. صارلي ساعه أطق باب الغرفة وأنتي ولا على البال ..
قمر : نعم شنو بغيت
ثنيان : أمي تقول بنطلب من مطعم مالها خلق تطبخ
قمر : صج .. عيل خل نطلع .. ودي نتعشى بنينو البحر حدي امزجة على السيزر وشوربة الفطر ..
ثنيان : اي والله تصدقين خوش فكرة .. يلا عيل خل أقولها ..
..
هوازن : أممم ... اي والله خوش فكرة نغير جو على الأقل ملينة من أكل البيت .. يلا غيروا ملابسكم ونطروني تحت
ثنيان : أوكي ..
قمر ( آآخ على جسمة .. ولا غمازتة يبووووي .. هووب هووب قمر خير أختي .. مشاري .. تعالي مشاري ملقيج ويه عشان تقولين مشاري .. اليوم لازم أعرف شنو الي لي وشنو الي عليي .. أذا مشاري مايبي يعترف حق ثنيان بعلاقتنا أنا خلاص بفل .. دام حصلت هالغزال أجرب حظي معاه .. خل أقوم أغير ملابسي أحسن .. وأنا أغير ملابسي نسيت باب الغرفة شوي مبطل .. توني فاصخة بلوزتي ولا ثنيان يدرعم الغرفة .. وقف متنح وأنا أصارخ عليه مو راضي تحرك من مكانة .. )
: ثنيان وصمخ ماتشوفني أبدل أطلع برا الغرفة ..
ثنيان أستوعب نزل راسة بالارض : هاا .. سوري والله سوري قمر موقصدي ..
قمر : قصدك ولا مو قصدك .. ألحين اطلع بالأول .. أمبيييه فشلة .. أمبيييه .. شنو هالموقف المحرج ..يبووووي والله فشلة ..
ثنيان ( آخيييه أنا ليش وقفت وتنحت .. فشلت البنت وفشلت عمري .. أحراااج والله أحراج .. نزلت قمر من الدري وكانت لابسة نفنوف أسود فوق الركبة وظيج .. وشعرها رافعته كلة .. ومكياجها كان حيل ناعم وبسييط .. شكلها بأختصار كان فظييييع .. تنحت فيها مرة ثانية وأهيا حييل منحرجة .. نزلت راسها بالارض وقعدت على المطارح .. نزلت أمي ولا تشوف قمر .. طارت عيونها عليها من جمالها )
: ماشاءالله عليج شنو هالجمال الي خاشتة عنا .. من زمان ماشفتج كاشخة .. أسم الله عليج
قمر منحرجة : مشكورة خالتي عيونج الحلوة والله ..
ثنيان : آخيييه عليج ياقمر متى تصيرين مرتي
قمر : نعم ..
ثنيان : هاا .. لا ولا شي ..
هوازن : يلا خل نطلع قبل لا نتأخر .. الساعه الحين 8 على مانوصل الطريج الحين مسكر على البحر ..
.................................................. .................................................. ........................
( بيت بوعلي )
طق جرس البيت .. وعلي كان قاعد بالصالة مع أبوه وفاطمة طالعه مع رفيجاتها
بو علي : منو ياي لنا .. ماأذكر أنا أحد من الاهل يعرف هالعنوان
علي : يبا معقولة هاذي أمي
بو علي : أمك .. لاتخليني أتكلم ..
علي : روح بطل الباب وشوف منو
بوعلي : عن أذنك يبا ..
أشواق ( وأخيرا .. وأخيرا .. حسيت أنها راح تفرج عن أمي أنشاءالله .. بس يارب لاتصدمني ويطلعون بعد بايعين البيت .. كافي صدمات اليوم .. والله راح أطيح طيحة شكلي ماراح أقوم منها .. تبطل باب البيت ولا صج أنصدم ................... )
البارت الخامس و الاربعون
:$:$
.,
^^
أشواق ( وأخيرا .. وأخيرا .. حسيت أنها راح تفرج عن أمي أنشاءالله .. بس يارب لاتصدمني ويطلعون بعد بايعين البيت .. كافي صدمات اليوم .. والله راح أطيح طيحة شكلي ماراح أقوم منها .. تبطل باب البيت ولا صج أنصدم ................... )
: عمممم .. عممم .. عمييي بوعلي
بوعلي بصدمة أكبر : أشواق
أشواق تأشر على البيت ودموعها أربع أربع : هاذا بيتك .. بييييتكم .. ههااا .. هااذا .. بيتك أنتت .. ييععع .. يعني أنت ساكن هنيييي
بو علي : اي يبا ها1ا بيني .. البيت القديم بعتة وسكنت بهالبيت .. قلت أغير جو بعد عقب الي صار حق علي البيت أعتفس وصار البيت ماينطاق .. يبا ليش تخليتي عن علي .. شفتي شصار فيه بدونج
أشواق ( ليلحيني متشوشة .. اطلعه وأبجي .. شصار على علي بدوني .. والله أنا حتى انا ماقدرت أعيش من غيرة .. بس الحين ماني قادرة أصدق عيوني .. بيت علي .. معقولة أمي تكون ذابحة أبو علي وهاذا مو أبو علي زوج ام علي وقالوا له أنا بو علي .. ايييه والولد الأشقر والي عيونة ملونة أكيد أكيد علي .. أكيد علي .. وينة علي .. وينة )
عمي وينة علي وينة علي
بو علي منزل راسة : بالصالة .. روحي يبا يمكن لمن يشوفج تتحسن حالتة
علي : يبا منو عند الباب ..
أشواق ( أخيييييه .. أخيييييه ياعلي .. منو عند الباب .. انا أشواق الي عند الباب .. والله كلي لهفة وشووف أبي أشوفك بقط روحي بحظنك وأبجي ياعلي .. ماتدري أنا شنو ذقت من بعد فرقاك .. ركضت أدور مصدر الصوت .. ركضت أدور علي .. ركضت ولا أتعثر بعتبة الدري الي ماشفتها .. ورديت قمت على حيلي أدور مصدر الصوت .. لفيت يميني ويساري مالقيت أحد بالصالة .. )
علي ( أشواق .. آخ ياقلبي آآخ .. سمعت صوت خطواتها .. سمعت صوت نفسها .. سمعت صوت دمعاتها .. أييه أهي أشواق .. بسرعه حركت الكرسي وطلعت من الصالة .. تعثرت وطاحت على الأرض وتعثر قلبي معاها .. حز بخاطري أني ماقدرت أقوم على ريولي وأظمها لصدري وأقولها أسم الله عليج تعورتي يابعد هلي .. تعورتي يانظر عيني .. بس ماقدرت .. حسيت أني عاجز ومنكسر .. مابيها تشوفني بهالحالة .. بس ليلحين مومصدق أنا بحلم ولا بعلم .. أشواق .. شلون .. ومتى .. وليش .. رحت المطبخ أتخبى عن عيونها .. كنت أناظر الحديقة والورود الحمرة والحشيش الأخضر .. وأتذكر عيون أشواق الخضر وخدودها الحمرة .. ولا فجأة أرد وأسمع صوت نفسها المتقطع .. ودقات قلبها ونبضاتة .. لفيت ويهي ولا أشوفها واقفة جدامي .. )
(لقيت نفسي تمنعني, عن الروحات والجيات والجيات
لقيت الخطوة تسبقني لدروبك يا غالي
ولقيت اني في نفسي كلام بحور و بقوله
ما تكفي نظرة من عينك فيها غرام
ولا بسمة تجرح فيني الاحلام
مابي اسمع من قلبك كفايه كلام
مريت على بابكم مرة,وخذني الشوق,باديني وبادينك
لقيت نفسي تمنعني, عن الروحات والجيات والجيات
لقيت الخطوة تسبقني لدروبك يا غالي
ولقيت اني في نفسي كلام بحور و بقوله
بعد مده, في صدفه, تلاقينا, صارت ايديني بايدينك
ما دريت, ان حبنا, مع الايام بيجمعنا........
مريت على بابكم مرة,وخذني الشوق,باديني وبادينك
لقيت نفسي تمنعني, عن الروحات والجيات والجيات
لقيت الخطوة تسبقني لدروبك يا غالي
ولقيت اني في نفسي كلام بحور و بقوله.
)
أشواق ( ركضت وطحت على ريولة وقعد أبجي .... شلي وصلك حق هالحالة ياعلي .. آآخ ياقلبي آآآخ .. ليش سويت بروحك جذي .. حرام والله حرام .. توك صغير .. علي ياريتني أنا الي قاعدة على الكرسي مو أنت .. ) : علييي ... عليييي آآه ليش .. ليش ..
علي : لاتكسرين قلبي أكثر .. لاتنزلين دمعتج جدامي .. تدرين أني أموت ولا تنزل دمعتج .. قومي عن الارض .. أخاف على ريولج .. قومي أخاف تبردين .. قعدي على المساند ..
أشواق : عقب كل الي سويتة لك وليلحينك تحاتيني .. خايف عليي .. أنا ماأستاهل .. ماأستاهل .. انا غبية .. انا ثورة .. ماأستاهلك علي .. أنت تستاهل وحدة أحسن مني .. انا السبب بلي صار لك .. انا السبب .. صح .. قولي اني السبب ( وقعدت تطق روحها )
علي مسك أيدها : بس لاتسوين بروحج جذي .. من قال أنتي السبب .. الي الله كاتبة صار .. وهاذا قضاء وقدر مانقدر نغير فيه شي .. آآخ والله لوتدرين شصار فيني من بعدج .. أشواق طالبج لاتعيدينها .. عطيني الحين وعد أنج ماراح تتخلين عني مرة ثانية
أشواق طاحت على ريولة / وعد .. مستحيل اخليك والله مستحيل أخليك يانظر عيني .. مستحيل .. مستحيل
علي : آآآه يارب .. ماتوقعت أني راح ألقاج مرة ثانية .. بس ليش بعدتي .. ليش رحتي .. أنا قصرت معاج بشي .. ظايقتج بشي
أشواق / غبية .. والله غبية ..
علي / لاتقولين جذي ..
أشواق : انت شلي صار لك .. أنت الحين
علي طق على ريولة : أنا الحين ماأمشي .. ماأمشي ( ونزلت دمعته )
أشواق : آآخ يعل فيني ولا فيك يانظر عيني .. يع فيني ولا فيك
بوعلي بصوت مبحوح : أشواق .. علي شاف الويل وذاق المر من فراقج .. لاتخلينة يرد حق الحالة الي مر فيها .. أرجووج .. لاتعشمين ولدي وبعدين تتخلين عنة .. ترى يبوج علي أنشان وعنده قلب ومايستاهل الي صار له .. وعديني أنج ماتجرحينة بعد اليوم
أشواق : عمي علي بعيوني .. وربي بسماه أني مستحيل اتخلى عنه مرة ثانية .. مستحيل أتركة
بوعلي / شدي حيلج وخليه يرد يقوم على ريولة ..
أشواق : مالك شغل فيه عني عياار ..
علي : بس الي محيرني .. أنتي شلون عرفتي العنوان .. رحتي عند أمي
أشواق / العنوان .. العنوان قصتة ثانية .. أنا ياية عساس أشوف ناس .. نااس عانوا بسببنا .. بس الله أراد أني ألتقي فيك .. يمكن اكفر عن الخطأ الي خطيتة بحقك
علي / أشواق لاتزعليني منج ..
بوعلي / أنزين من وين خذيتي العنوان
أشواق : عمي أنا مادري شقولك والله .. مادري من وين أبتدي ولا من وين أنتهي .. أنا .. أنا من ناحية خجلانة منك ومن ناحية عتبانة عليك .. بس بهذاك الوكت ماكنت موجودة وماكنت مولودة .. ابيك تقولي كل شي وبالتفاصيل .. والي راح راح عمي وأدري أنا خسارتكم مو قليلة مهما يكون أكيد كان عزيز عليكم الي راح وأنت صرت بحسبة أبو علي ..
بو علي : أشواق يبا .. أنتي شقاعد تخربطين ..
أشواق : قبل 20 سنة .. حميد ال .. شنو يذكرك هالأسم
بو علي وقف على حيلة وفتح عيونة على الآخر
أشواق والدمعه بطر عينها : شنو يعني لك هالأسم
بو علي : أنتي .. أنتي ..
أشواق : علي أهو الي كان بالغرفة صح .. بس ماقدرت .. ماقدرت تقتلة
علي : منو وشنو الموضوع .. وانا شدخلني بالقصة .. أشواق شصاير
بوعلي خنقتة العبرة .. خارت قوتة .. طاح على الارض وقعد يبجي مثل اليهال : آآه يا محمد ياخوووي .. ماهقيت أحد بيذكر سالفتك .. رحت بغمضة عين وانا السبب .. سامحني ياخوي .. سامحني .. انا السبب
علي : أشواق .. شصاير .. يبا شفيك .. ومنو محمد أخوك .. انت عندك اخوو
بو علي : أيييييه .. هالشي الي كنت خاشة عليك أنت وأختك قبل 20 سنة ..
علي يحاول بصدمة : محمد ... محمد .. .. الي شهادة تخرجة بالصالة .. أخوووك .. @@ .. يبا أنا عندي عم وانا مادري ..
بو علي : اييه يايبا .. هاذا عمك بس مو من أبوي .. اخوي من أمي .. أنا ظيعته من أيدي أنا السبب
علي : شلون يبا .. مافهمت ..
أشواق : عمي شصار بالظبط بهذيك الليلة .. قولي شصار
بوعلي : قبل عشرين سنة
^^ ..... !!
حميد : الحين شلون .. الولد مات بسبتي .. فيصل ولدي راح بسبتي .. الشرطة أكيد راح تفتح تحقيق وتعرف أني انا السبب .. وأذا سألوني من وين أييب الممنوعات .. انت لازم تلاقيلي حل بو علي ولا ترى أنا راح أجركم معاي ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك