رواية لاتمثلين احتياجج لي وانتي بحضن غيري مقزرتها -34
هوازن : جاسم عيوني .. شلونك حبيبي .. قمت احاتيك ..
جاسم مخنووق : سامحيني يانظر عيني .. بس أنشغلت شوي .. تدرين بعد أجتماعات وهالسوالف ماخذة كلوكتي ..
هوازن : تسلملي عيونك .. يلا خير أنشاءالله .. متى بتخلص شغلك .. ترى البيت ظلم بدونك .. وقمر مشتاقة لك بعد
جاسم : انشاءالله برطع عن قريب
هوازن : أنزين شلون المعاريس .. شفتهم ولا لآ
جاسم بصوت مبحووح موقادر يتكلم : المعاريس .. ( سكت شوي .. أستجمع قواه ) : اي شفتهم .. يسلمونعليكم ..
هوازن : متى بيرجعون أنشاءالله
جاسم : عن قريب أنشاالله
هوازن : انزين وأنت ماخلص شغلك .. صارلك 3 شهور تروح أمريكا وترد الكويت .. من وين كلع هالشغل فجأة .. أخاف ناويلك على نية .. يلا أعترف
جاسم بالغصب يضحك : ههههه .. الي عنده وحدة مثلج شلون يشوف غيرها ..
هوازن : ههههه .. عيل أنا أخليك شكلك حيل تعبان .. بس حاول تخلص شغلك بسرعه ترى البيت ظلم بدونك
جاسم : انشاءالله أحجز تذكرة على الاسبوع الياي ..
هوازن : أنشاءالله .. ناطرينك .. يلا تصبح على خير سلم على المعاريس أذا شفتهم
جاسم : انشاءالله .. من عيوني
...
قمر ومشاري وثنيان قاعد يلعبون كرة .. النتيجة 6 صفر حق مشاري .. محطهم الزلم ..
قمر : مايصير شنو هاذا .. صارلنا ساعه نلعب وكل الأقوال يابهم مشاري
ثنيان : قتلج لاتتحدينة مانقدر عليه
قمر : مالي شغل .. أبي أفوز
مشاري : ليلحينج مايأستي
قمر : لا ولا راح أيأس
مشاري ( كملنا اللعب .. ويعني طالعه فيها قمر ماخذة دور الدفاع .. طبتلي سلايت ولا تكرفسني .. قلت لازم أرد لها الحركة .. ولا أطب لها سلايت ولا تطيح على ويها .. كاااااااااك طاحت على الطين .. شعرها وويها كلة صار طين .. فصلت عليها .. قامت وأهيا معصبة .. ركضت عند أمي وتتدلع عندها )
: أهأ اهأ .. شفتي ولدج شنو سوى .. مستقصد الحركة .. طبلي سلايت وطيحني على الطين .. خرب شعري .. الحين أنا شسوي .. أحس أني وصخة
هوازن عصبت : مشاريوو .. انا شقلت لك .. مو قتلك يوز عن البنت
مشاري : يما آآ قاعد تتدلع مالج شغل فيها ..
هوازن : أنت تبي تنطق .. مالج شغل فيه يما آآ .. روحي الحمام وغسلي ويهج .. خل يولي
ثنيان : كاااااااااااك .. حرام عليك .. ليش تسوي فيها جذي
مشاري : عشان ماتتحداني .. يلا أنا ماشي .. بلغ الحجية سلامي وقولها أطالبها كرت أيزي 10 مو تنسى .. ترى حدي مقحط ماعندي رصيد ناطرها
ثنيان : وين بتروح
مشاري : بمر حيدر الديوانية .. اليوم متيمعين مع الشباب من زمان مامريتهم
ثنيان : أهااا .. ماشي .. انزين اليوم وين بتنام .. عند الحجي ولا بتيي البيت
مشاري : والله من زمان ماسيرت عند الحجي ... تصدق شكلي بطقها نومة وشخري عند باب غرفة الحجية .. ولا أقولك عند باب غرفة خالتك ..
ثنيان : فيها الي مكفيها لاتزودها
مشاري : والله حدي مقهور منها على الي سوتة بعلي .. مسكين الريال تحرول بسبتها .. الله يكون بعونة
ثنيان : اي والله .. الله يعينة .. من زمان ماشفتة .. الحين قريب الشهرين مازار بيت ماما عودة .. لا أهو ولافطووم
مشاري : من صجك .. والله لو أنا مكانهم أكيد ماراح أزورها .. خلها .. تستاهل .. عشان تعرف أنا الله قوي .. أستغفر الله .. اللهم لا شماتة ..
ثنيان : أستغفر الله .. يلا توكل على الله لانفصل الحين
مشاري : في امان الله ..
.................................................. .................................................. ........................
( بيت بوعلي .. منطقة الروضة )
فاطمة ( أحس الجو صاير حيل كئيب من طيحة علي اخوي وطلاق أمي وأبوي .. انتقلنا حق بيتنا بالروضة .. أدري ألحين بتقولون شلون بيتكم بعتوه ومن هالكلام .. أحنا صج بعناه بس أبوي عنده بيت ثاني بالروضة .. أصغر من البيت الأول .. ورثة عن يدتي الله يرحمها .. الحين صارلنا 3 شهور روتينا ماتغير أنا وعلي .. علي كلة حابس روحة بغرفتة ومايطلع منها .. وأذا طلع منها يروح البحر .. وأنا حابسة روحي بعد بغرفتي بس آكل ومجابلة النت والبي بي .. وأبوي حالتة حالة .. صاير كئيب .. ومن ديوانية لي ديوانية .. ماجذب عليكم وأقولكم البيت حلو من غير أمي .. لا والله .. البيت صاير مالة طعم من غير أمي .. ودي أروح أعيش عند أمي بس ماقدر أخلي علي بروحة .. بعد الي صار علي مايبي يطل بويه أمي .. )
علي ( كل يوم أطل من الدريشة على أمل أني أشوفها جدامي .. كل يوم أجابل القمر وأتذكر أبتسامتها .. وكل يوم يزيد حبها بقلبي وشوقي لها .. بس آآخ .. آآخ على اللي صار .. كل ماحط ايدي على ريولي تنزل دمعتي ..صرت عاجز عن وايد أشياء .. ربعي ماقمت أشوفهم .. طلعات ماقمت أطلع .. حياتي الأجتماعية صارت معدومة .. احس الناس تتشمت فيني .. لمن أطلع الكل يطالعني بنظرات أنكسار .. نظراتهم بدت تقتلني .. ومايمر علييي يوم ماأكتب فيه أسم أشواق بدفتري .. حطيتلي دفتر بس عشان أكتب فيه أسمها .. محد حاس بالمعاناه الي قاعد أعانيها .. أنزين هاذا قضاء الله وقدرة .. بس وينها .. أنا راضي أني أكون .. أحس أني مقموت موقادر أنطق فيها .. بس .. بس أنا راضي أني أكون معاق بس أبي أشواق تكون يمي .. دوروها لي .. أبي أشوفها .. وينج يا أشواق تشوفين حالتي .. معقولة محد قالج عن الي صار فيني .. ولا سمعتي بهالخبر وطنشتي ولا همج .. )
عند أشواق
أشواق ( وأخيرا .. وأخيرا لقيت خيط يوصلني حق أهل محمد .. طلع عندهم بيت ثاني بمنطقة الروضة .. الحين باقي آخر خطوة أني أعطي عادل العنوان ويدليني الطريج .. بس أنشاءالله ماتصير فيني الحركة الي صارت من قبل .. أخاف أروح لهم ويطلعون بعد بايعين البيت عاد أذا صارت فيني هالحركة راح أفجر البيت واصحابة .. اووه تأخرت على الدوام .. أنشاءالله ماأقزرها على أبو أنا عادل مديري .. خل أروح الدوام لا يتسكر الطريج الحين ويصير أزدحام .. طلعت من البيت ورحت الدوام .. وصلت الدوام وكالعادة .. اتصل على المطبخ يحضرون القهوة حق الأستاذ عادل وبعدها أدخل القهوة حق مكتبة .. )
طق طق طق
عادل : تفضل
أشواق : القهوة
عادل : تسلم أيدج
أشواق : ههههه .. الله يسلمك .. بس جم مرة أقولك راجو الي مسوي القهوة مو آنا
عادل : بس انتي الي وصلتيها
أشواق : ماعليه .. أمممم .. عادل بقيت أطلب منك طلب
عادل : أنا عيوني المركبة لج
أشواق : تسلملي عيونك .. لاتحرجني أكثر .. اممم .. أنا لقيت عنوان الناس الي أمي ذبحت ولدهم .. طلععندهم بيت ثاني بالروضة
عادل : لحظة لحظة .. حبة حبة .. اي ناس .. واي بيت
أشواق : عادل انت فاهم قصدي .. لاتخلينا نبطل صفحات قديمة
عادل : أهاا .. اوكي .. سامحيني موقصدي .. أنزين وانا بشنو أقدر أخدمج
أشواق : أبيك توصلني لهم .. اخاف السايق مايدل البيت ..
عادل : حاظر من عيوني .. متى تبين نروح
أشواق : خلها باجر العصر ..
عادل : من عيوني
أشواق : أمممم .. ولا أقولك .. أتصل على السواق قولة وين العنوان بالضبط .. أحسن أروح بروحي ..
عادل : الي يريحج .. تامريني على شي ثاني
أشواق : لا سلامتك ماتقصر .. أيييه نسيت .. معاش هالشهر أخصم منة أجار الشقة ..
عادل : هههههه .. ليلحينج على سالفة الأجار
أشواق : ولي باجر .. لين أطلع من الشقة لي بيت ريلي
عادل : ههههههههههه .. انشاءالله مايصير خاطرج الا طيب
أشواق : يلا عيل عن أذنك
عادل : أذنج معاج يبا
أشواق ( واااي عادل أنشاءالله موجذي .. والله لو مرتة تدري بالكلام الي يقولة لي تقصب رقبتي وتعلقني عند باب مكتبة .. الا صج مرتة ليلحين ماشفتها .. أممم .. انا شكو أصلن أشوفها .. أشواقو ركدي شوي .. تدورين ربع .. * قعدت على الكرسي ولا أغمض عيوني .. آآخ من غمضت عيوني .. كل ماغمض عيوني أتذكر علي )
^^
علي : أشواق غمضي عيونج
أشواق : كاني غمضت
علي : شنو تشوفين
أشواق : أشوف سواد ..
علي :شفتي هالسواد .. هاذي حياتي بدونج ..
( آآآخ والله ياعلي وهاذي حياتي بعد بدونك .. ياريت الصدفة تجمعنا مرة ثانية .. ياريت .. أنا لازم أنسى كل الي صار .. بحط أحتمال أنا فطوم أختة مركبة الصورة .. بحط احتمال انا أختة تبي تفرقنا .. يمكن صج أختة تبي تفرقنا .. أنا غبية .. والله غبية .. شلون صدقتها بكل هالبساطة شلووون .. يعني لو أني ماعرف علي جان صدقت .. بس هاذا علي ياأشواق .. تعرفين شنو يعني علي .. طقيت الطاولة حيل ودموعي نزلت على خدي وانا أردد .. هاذي علي يا اشواق .. هاذا علي .. اييه علي ياغبية .. انا غبية .. الحين .. الحين لازم أدق عليه .. لازم اشوفة.. لازم اشوفة وأطيح بحضنة .. لازم أقولة أني أحبة .. وهالمرة مستحيل أتخلى عنه لو شنو يصير .. )
علي حبيبي أتصال # الرقم المطلوب غير متوفر حاليا .. يرجى معاودة الأتصال في وقت لاحق
( لاا علي .. لاتسويها فيني .. رد عفية رد .. ودقيت مرة ومرتين وثلاث .. وعشر .. وعشرين .. وبكل مرة تتردد نفس الجملة .. )
الرقم المطلوب غير متوفر حاليا .. يرجى معاودة الأتصال في وقت لاحق
( بيتهم .. ماكو الا أروح بيتهم وأسأل عنة .. ماهمتني أمة ولا أختة .. ويييه أنا ليش قطعت فجأة .. لاسألت لاعن أم احمد ولا عن جوان قطعت الفريج فجأة من غير لا أسأل عن أحد .. بعدين ويت .. انا شلون نسيت .. موقلت بزورهم .. أيييه صج دنيا .. الدنيا شغلتني عن كل الناس الي احبهم .. )
.................................................. .................................................. ........................
( بيت أم هوازن . )
أم علي : يما اآآ قوليلي شسوي .. أروحلهم البيت .. أطيح على ريولة وأترجاه يردني على ذمتة
أم هوازن : شنو أنتي ماعندج كرامة .. الي باعج بيعيه .. والي مايبانة مانباه ..
أم علي : حسي فيني .. هاذا ريلي وهذول عيالي .. مابي أكابر أكثر والله موقادرة أعيش بدونهم موقادرة
طق باب جرس البيت
أم هوازن : ميري بطل باب
ميري : أوكي مدام
هوازن : السلام عليكم
أم علي : ولييه يات الحين المراهقة في الاربعين وبتتفلسف على راسنا ..
أم هوازن : والله موباط جبدي غير هاذي بنت ريلها الي مجرجرتها وين ماتروح صدقت أنها بنتها
أم علي بصوت عالي تنقز على هوازن : أنا صاعدة انام
أم هوازن : شدعوة أم علي .. أنا ياية أزوركم من زمان ماشفتكم
أم علي من غير نفس : وأنا شكو .. بعدين تعالي أنتي أصلن شلون تحطين عينج بعيني وتكلميني عقب الي صار
أم هوازن : ولييه .. يما آآ وين أبوي ..
أم هوازن بنفسية : بالسرداب
هوازن : يلا قمر خل ننزل تحت احسن
قمر : يلا ماشي
نزلوا السرداب
بوهوازن : هلا هلا بالطش والرش .. مابغيتي تمرين تسلمين على أبوج
هوازن تبوس راس أبوها : محشوم يبا .. والله أنشغلت مع لعيال
قمر : شلونك عمي
بوهوازن : هلا عمي .. ماشاءالله هاذي قمر بنت جاسم
هوازن : اي يبا .. شفت شحلاتها
بوهوازن : اي والله ماشاءالله صج أسم على مسمى
قمر : مشكور عمي كلك نظر ..
هوازن : يبا شفيها أم علي .. لين متى يعني بنتم على هالحالة .. والله أحس أني عدوتها مو اختها
قمر : خالتي مالج شغل باحد .. والله طنشي وريحي قلبج .. حجي الناس لايهمج .. خلج مثلي طاقة الناس وحجيهم بالطوفة . اعور قلبي حق شنو
بوهوازن : هههههه .. صح كلام الحلوة .. طقي حجيهم بالطوفة ..
هوازن : ههههه .. بنت أبوج ..
بو هوازن : الا ريلج متى راح يرجع من السفر
هوازن : والله مادري يبا .. الحين قريب ال 3 أشهر أهو رايح وراد من أمريكا .. مادري متى بيخلص شغلة
قمر : اي والله حتى جراح .. شدعوة ليلحين شهر عسل ماصارت ..
هوازن : جراح ومرتة خليهم على صوب .. تلقينهم قاعدين مع ربعهم .. نسيتي أنهم يدرسون مناك فشي طبيعي يقعدون شوي بس أبوج انا قاعد أحاتيه .. صوتة صاير موطبيعي حاسة صاير شي لا سمح الله بس موراضي يتكلم ..
بو هوازن : لا يبا أنشاءالله كل خير موصاير شي
قمر : أنشاءالله .. أممم .. انزين خالتي ممكن سويج سيارتج بمر الجمعية شوي أشتريلي رصيد
هوازن : أي حبيبتي تفضلي بس ديري بالج
بو هوازن : يبا أنتي خذيتي الليسن ولا بعدج .. وجم عمرج أسم الله عليج
قمر : لا ليلحين عمي .. بس اعرف أسوق السيارة متعودة لاتحاتي .. وانا كبر ثنيان توني داشة ال 18 ناطرة أبوي يرجع ويطلعلي أستمارة ..
بو هوازن : حافظج الله .. شوي شوي بالدرب
قمر : أنشاءالله ..
هوازن : تصدق يبا هالبنت شنو احبها .. أحسها مثل بنتي وأكثر .. معني ماتوقعتها راح تحبني لاني بصير مرت أبوها .. وأول مادشيت صفها وعرفت انها بنت جاسم ظنيت انها متكبرة ورافعه خشمها .. اهيا صج بالبداية كانت جذي بس سبحان مغير الأحوال .. بين بوم وليلة تغيرت..
بوهوزان : الحمدالله الله رزقج على قد نيتج عقب كل هالسنين المرة الي عشتيها .. زين ماطلعت نسرة وعفست عليج حياتج بعد
هوازن : الحمدالله ..
...........
قمر ( وانا صاعدة الصالة ولا أم خالتي هوازن تطالعني من طرف عين .. حسيت نار وشرار طالع من عيونها .. خزتني خزة الي خلتني أفز من مكاني .. صعدت السيارة وشخطت من جدام باب بيتهم .. نزلت الجمعية وشريت رصيد .. رحت صوب الحلاو والكاكاو حدي بدبها اليوم .. نزلت آخذ حلاو من الرف التحتي وأنا مصعدة راسي ولا واحد يرجع عليي بدون لايشوفني .. عصبت حدي )
قمر : هيي أنت ماتشوف طيرت راسي الله يهداك
مشاري لف ويها بعصبية : أنتي الي
قمر : كااااااااااك مشاري :p
مشاري : وليييه .. أنتي من وين تطلعين لي هاا .. كل مالفيت ويهي شفتج جدامي
قمر : امممم .. شتسوي بالجمعية
مشاري : العب كرة قدم .. يعني شنو شايفتني أسوي .. قاعد أتشري .. أووه صايرة نظيفة عقب مساع .. كااااااااااااك كنتي جنج كاكاو فليك والطين على ويهج
قمر ويها صار أحمر : ليش طيحتني .. عناد صح .. تبي تفشلني
مشاري : تستاهلين يزاج وأقل من يزاج
قمر : أهم شي .. من قلبك
مشاري : صج تعالي انتي منو يايبج الجمعية
قمر : ماخذة سيارة خالتي هوازن ..
مشاري : اهم شي أنها عطتج المرسيدس صج بايعتها الوالدة .. شوي شوي على عروستنا
قمر : تخاف على السيارة وماتخاف عليي
مشاري ( ماقدرت أمسك نفسي ) : أخسي أذا ماخفت عليج ( حسيت بجسمي أرتفعت حرارتة أول مرة أنحرج :$ )
قمر : من قلبك
مشاري رافع حاجبة ويسوي روحه معصب : يلا عاد عن الطوالة .. رجعي البيت كلة مصبنة هنيي .. وأن شفت عيونج راحت يمين ويسار أكسرج سامعه ( فيني ظحكة مو قادر أقمتها )
قمر : سحاظر عمي .. يلا أشوفك بالبيت
مشاري : اليوم بنام عند يدي
قمر : صج .. أممم .. راح أشتاقلك والله
مشاري : ولييه .. قمر روحي لا أهفج بقوطي الزقاير
قمر : هههههههه أنزين أنزين
( طلعت من الجمعية وانا حدي متشققة لدجة اني موقاعد أشوف السيارات الي حواليني .. عند الدوار طقيت بريك فجأة ولا .... )
.................................................. .................................................. ........................
سوري على التأخير الحين أنزل بارت
وبنات جنة تفاعلكم قل مو نفس الأول .. ها أبي تفاعل حماسي مثل الاول بردودكم ولا ترى ..........
**
البارت الرابع و الاربعون
:$:$
.,
^^
( طلعت من الجمعية وانا حدي متشققة لدجة اني موقاعد أشوف السيارات الي حواليني .. عند الدوار طقيت بريك فجأة ولا ... يدعم فيني الي وراي .. بس أشوة ماكان دايس يعني الدعمة كانت خفيفة .. )
عمر نزل من السيارة واهو معصب طق جامة السيارة وقعد يتحلطم : أنتي ماتشوفين ... شلون تطقين بريك فجأة بالدوار وتوقفين بعد .. بعرف منو الغبي الي عطاج الليسن
قمر : وليييه .. شنو هالبلشة .. هاذا شيبي بعد ..
عمر رد طق الجامة : بطلي الجام .. قتلج بطلي الجام
قمر بطلت الدريشة وبنفسية : نعم خير .. شتبي ..
عمر : هيي انتي .. اولا أستحي على ويهج وتكلمي عدل .. ثاني شي بعد لج ويه تقولين شتبي .. يعني شنو أبييي .. انتي الغلطانة .. أبيج تصلحين السيارة
قمر : أنا محترمة نفسي قبل لا أشوف ويهك .. بعدين منو قال غلطانة .. محد قالك ماتشوف جدامك
عمر : أقول بابا .. في أحد يوقف بالدوار .. بعدين انتي وين أهلج بعرف و متأكدة انج ماخذة الليسن ..
قمر توهقت : هاا .. أخوي شوف أنا وحدة مابي مشاكل .. أنت عطني رقمك وأنا بخلي أحد من الاهل يتصلعليك
عمر : وشنو يظمن لي أنج بتخلين واحد من الاأهل يتصل .. أخاف تننحاشين وتعرين يمين يسار وانا يظيع حقي ..
قمر : أنت عطني رقمك والحين أنا أتصل على أخوي أخليه يتفاهم معاك
عمر : سجلي عندج .. وانا ماراح اتحرك من هنيه قبل لا أيي أخوج .. وماراح أخليج بعد تتحركين
قمر عصبت : ولييه .. ترى ماني هيلقية .. لاتخاف ماني منحاشة ..
عمر قعد على سيارة قمر : وانا عشان أظمن حقي بقعد على سيارتج عشان ماتشخطين
قمر : شنو هالبلشة .. أقول قوم لاتخفس السيارة ..
عمر : دقي على أخوج يلا جدامي
قمر ( رفعت التلفون ودقيت على مشاري .. أول مرة مار د .. ثاني مرة مارد .. ثالث مرة سكر التلفون بويهي)
: مشاريو ليش ماترد مو وكتك
عمر : ترى قاعد أنطر
قمر : وييت أنت الثاني بعد .. لاتحن .. ماكو ألا أدق على خالتي هوازن
طووووط طوووووط طووووط
هوازن : هلا يما آآ قمر
قمر وأهيا نخترعه : خالتي لحقي عليي
هوازن : شفيج .. شصاير ..
قمر : خالتي دعمت واحد
هوازن مخترعه : الحين أنا ياية .. عسى ماتعورتي
قمر : لا لا .. اشوة الدعمة صارت خفيفة
هوازن : أنتي وين بالظبط الحين
قمر : أنا عند دوار الجمعية
هوازن : يلا مسافة الطريج
..
^^
عمر : ها شصار
قمر بنفسية : خالتي شوي وياية .. أهي بتتفاهم معاك
عمر : زين .. ( أوووف انا ليش ماأستغل الفرصة وأرقمها ... البنت كيكة .. ) : أقوول ألا ماعرفت اسمج
قمر رفعت راسها وبطرف عينها وأهيا منفسة : نعم خير ..
عمر : شنو سابج أنا .. سألتج شنو أسمج
قمر : شتبي بأسمي
عمر : بس حاب أعرف أسمج
قمر بنفسية : أسمي قمر
عمر : اللااااه .. تصدقين أسمج على أسم يدتي .. عاد شكثر انا أحب يدتي
قمر : ههههههههههه .. اي واضح واضح
عمر : فديييييييييييييييييييييييتة .. أمووت على الظحكة والله
قمر : أخووي ممكن ماتتمادى بالكلام
عمر : أنزين رقمي طالع عندج مو
قمر : اي
عمر : عطيني رنة ..
قمر : ليش أنشءالله
عمر : هالأيام أنا وحيد وظايق خلقي .. أبي أحد يسليني بوحدتي
قمر : شنو قايليلك مهرج واقف جدامك
عمر : يخسي المهرج .. محشووومة .. ترى من صجي .. ترى انا نيتي صاجة مو مثل باجي هالشباب ألعب وأقص على البنات . أنا أبي أرتبط بوحدة تكون معاي طول العمر .. تكون زوجتي .. حبيبتي .. صديقتي .. امي
قمر : أعتقد أني ماطلبت منك تقولي قصة حياتك .. دورلك وحدة ثانية غيري
عمر : أفاااا .. يعني كلش ماكو أمل .. ولا 20 %
قمر : ولا 1 % ..
وصلت هوازن ..
قمر : كاهي خالتي يات .. خل نخلص الموضوع بسرعه
هوازن نازلة من السيارة وأهيا حيل خايفة .. ركضت عند قمر ولمتها وطاحتلة بوس فيها
: يماا آ صار فيج شي .. تعورتي ..
قمر : لا خالتي بس السيارة شوي تعورت من ورى
هوازن : السيارة فدوة لج يما آآ ..
قمر : خالتي هاذا الريال
عمر : السلام عليكم
هوازن : سامحني أخوي .. بس البنت ماعندها ليسن .. وحبت تيي الجمعية عسى ماتعورت سيارتك حيل .. بسشنو صاير
عمر : لا حصل خير خالتي .. بس الله يهداها طاقة بريك قوي بنص الدوار ووقفت فجأة .. زين يات على جذي
هوازن : خلاص سجل رقمي عندك وأنشاءالله أنا بالشوفة الي تامر فيه
عمر ( والله أستحيت أطلب منها شي .. عييب عليي والله .. ماشاءالله عليها هالحرمة أسلووب .. لو وحدة ثانية جان كلتني بقشوري .. ) : لا خالتي خلاص حصل خير .. انا أصلح السيارة .. بس ديروا بالكم على البنت ترى مايصير تعطونها السيارة وأهي ماعندها خبرة
هوازن : سامحني أخووي ..
قمر : خالتي مالج شغل فيه عياار .. توة يقولي ماراح أتحرك الي وأهلج مصلحين السيارة
عمر : اي قلت .. بس الحين هونت السالفة ماتسوى
هوازن : الله ييسر دربك يما آآ .. صج أنك ولد حلال ..
عمر : ولو خالتي ماسويت شي ..
هوازن : يلا يما آآ قمر مشينا ..
قمر : يلا مشينا
( هالريال صج عيااار .. ذكرني بسوالف مشاري .. نفس الطبع .. نفس الاسلووب .. ونفس الشكل بعد .. أممممم قمر لايقص عليج الشيطان .. مسحي الرقم من التلفون .. أممم .. كل مامديت أيدي على دليت عشان أمسح الرقم وخرتها بسرعه .. جنا قلبي ماطاوعني امسح الرقم .. بس ليش .. ليش .. )
.................................................. .................................................. ........................
( شقة عادل ودلال )
عادل توة راجع من الدوام
دلال : عادل .. عادل
عادل : هلاااا ..
دلال : أنت وينك تأخرت اليوم بالدوام .. يعني ماتقول وراي وحدة تنطرني بالبيت
عادل : شفيج باباتي .. ليش معصبة
دلال : شنو ليش معصبة ... يعني ليش معصبة .. سألني بعد ليش معصبة ..
عادل : شفيج هالجم يوم صايرة نار وشرار ..
دلال : ليش مانزلت لي ال 3000 بحسابي .. مو قتلك بشتري الساعه
عادل : أنتي من تشوفين ويهي ماتعرفين ألا تطلبين .. ييب وهات وعطني وأشترلي وحطلي .. ترى والله زهقت من هالعيشة .. من أول يوم تزوجتج ماسمعت ولا كلمة حلوة من حلجج .. انتي متزوجتني عشان فلوسي
دلال توهقت : هاا .. لا شكو .. شنو شايفني بنت فقر متزوجتك عشان فلوسك .. ( حسيت بلوعه جبد ركضتالحمام ولا أستفرغ .. )
عادل : ولييه هاذي شفيها بعد .. يابنت الحلال .. شفيج بعد شصاير
دلال : مادري حسيت بلوعه في بطني ومو أول مرة تييلي هاللوعه ..
عادل : لايكون حامل
دلال : شنووووو .. لا لاتقول ..
عادل : أستغفري ربج ..
دلال : مابي .. تو الناس . أنا ويهي ويه أم .. مولايق عليي أصير ام
عادل : هاذي نعمة من الله .. تعوذي من أبليس
دلال : ودني الحين الطبييب .. أنشاءالله ماأطلع حامل
عادل : أستغفر الله العظيم من كل ذنب عظيم ..
( طلعنا من البيت ولا أشواق بويهنا .. سلمت عليي ولا دلال أتنح فيها )
دلال : أشوااااق
أشواق : هلا والله ..
دلال : أنتي شيايبج هنيييه .. وين ماروح أشوفج جدام ويهي
أشواق ( هالويه موغريب .. تذكري أشواق وين شايفة ويها .. تذكرت .. مرت عادل أهيا نفسها الي مع علي بالكلية .. ونفسها .. ايييه نفسها .. نفسها الي كانت بالصوة مع علي .. معقولة الي قاعد أشوفة .. يعني أنا ظلمت علي .. هالبنت تكون زميلة حقة بالجامعه وأكيد صور معاها عساس أنها زميلتة .. يا ربي أنا شسويت .. ظلمت علي طول هالفترة .. الله يسامحج يافاطمة .. الله يسامحج .. )
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك