رواية كثر ما قلتلك اكرهك كثر ما انا اهواك -37
ابتسمت له و مشيت لـ المصعد ركبته و ضغطت عـ الزر .. وصلت لـ الدور اللي فيه مكتب بندر و خالد و مكتبي بعد ..
رحت لـ مكتب بندر انتبهت على خالد من الدريشه الزجاجيه اللي جنب الباب .. كان جالس على مكتب بندر و معطي
الباب ظهره و يسولف لـ بندر اللي خالد مغطي عليه فـ ما يقدر يناظر من اللي جاي دخلت و أنا تنحنح بـ صوت جهوري
شفتهم تخرعوا و خالد نزل بـ سرعه من المكتب ناظروني و أنا كنت ميت ضحك ..
خالد : تـركـي و وجـــــع ..
بندر : عـمـى ان شاء الله على بالي عمي سعود ..
قربت منهم و أنا أهز كتفي و أضحك ..
تركي : هههههههههههههه و تخيلووا اذا كان فعلا أبوي شبتسووون ..
ضربني خالد على كتفي بـ قوه و هو يقول بـ حقد ..
خالد : ذاك الوقت نقرر أما انت لا ترد لـ سخافتك ..
بندر : صـدق سخيف ..
جلست عـ الكنبه اللي قدام مكتب بندر و ناظرت خالد ..
تركي : زييين انت ليش جالس عـ المكتب مو بـ مالي عينك ها الكنب ..
و أشرت على الكنب اللي قدامي ..
جلس عليه خالد و هو يبتسم و يطلع لسانه .. ضحكت أدري ما عنده جواااب ناظرني بندر بـ استغراب ..
بندر : تعااال انت لا تقول لي انك مداااوم ..
تركي : لييش هزّلت تراني مآخذ شهر ..
همس خالد و هو معقد حواجبه بـ استغراب ..
خالد : أجل لييييش جاي ..؟!!
ناظرتهم بـ ضيق و قلت بـ حقد ..
تركي : حراااام الوااحد يشتاااق لكم و يجي يزوووور .. تبوني أطلع بـ اطلع بـ العكس الفكه ..
ضحكوا ثنينهم و عقب قال بندر ..
بندر : ههههههههه لاااا بس استغربنا ... عاااد انت شوي شوي حشى أكلتنا ..
ابتسمت لهم و أنا أطلع من جيبي علبة السجاير .. سحبت وحده و طلعت الولاعه و بديت أدخن ..
لا بندر و لا خالد عجبهم الحال ... وااضح من ملامحهم .. كل واحد مد فمه شبرين ابتسمت و أنا انفث دخانها ..
همست و أنا أناظرهم بـ براءه ..
تركي : شفييكم تناظروني كذه ..
لوح خالد بـ يده قدام وجهه لما نفثت الدخان و تكلم بـ قرف ..
خالد : متى ودك تترك ها القرف ..
قلت و صوتي به الضحكه ..
تركي : ما أدرري عـلـمـي عـلـمـك يـا عـمـي ..
ناظرني بـ ابتسامه ..
خالد : من متى تقول عمي ..
بندر : ايييه والله من متى لا يكون الزواج أثر فيك ..
طفيت السيجاره و أنا أضحك ذا ثاني واحد يقول لي ذي الجمله ..
تركي : هههههههههههههه إلــــهـــي .. ما أقوول شيء إلا و تفتحون تحقيق يا عالم أحمدوا ربكم عـ الأقل صاير محترم
إلهي وش ذي الحاله ناس ما تقدّر ..
ضحكوا ثنينهم و تكلم خالد ..
خالد : هههههههههههههههه صدق والله الزواج مأثر بك .. كلااامك و سوالفك تغيرت ..
ابتسمت لهم و جلسنا نسولف مع بعضنا ..
.. (( * * السـ 11:20 الليل ـاعة * * ريمان )) ..
كنت جالسه أتفرج فيلم من الملل تركي جاه من المكتب 2 الظهر تغدا و نام ..
عقب طلع من المغرب و لا رد لـ الحين .. أصلا مافي فايدة من وجوده لـ أننا ما نسولف الا بـ رسميه ..
و جمّون ما وقفت من نصايحها " حاولي تتقبلينه يا ريمان ... ما يصير تجلسون كذه طول عمركم " .. .
يووووه والله حاولت بس تعبت جلست أهز رجلي و أدندن و أنا أتابع الفيلم والله شسوي عاد كل ذا من الممل ..
تروعت يوم رن جوالي ناظرت شفت اسم تركي .. رفعته ..
ريمان : هلا ..
تركي : هلا ريمان .. شتسوين ..
ريمان : جالسه أرقص و أدندن ..
تركي ببرود : لا تتطنزين ..
ريمان : شسوي لك عاد وش جالسة أسوي يعني " جالسه أتفرج على فيلم و بـ أطق من الملل ..
تركي : ههههههههههههههههههههه شـوي شوي لا ينط لك عرق ..
ريمان : تتطنز مثل ما تبي .. الحين ليش متصل ..
تركي : جهزي روحك بـ أمر عليك نتعشى بـ مطعم ..
ريمان : لاااا من جدك انت ..
تركي : لااا من عمي ..
ابتسمت والله و رايق يتطنز .. قمت ..
ريمان : زين أجل أحتريك ..
تركي : يالله مسافة الطريق و أنا عندك ..
قفلت من عنده .. رحت لـ غرفتي لبست العبايه و حطيت الشيلة على كتفي و جلست أحتريه .. طلعت لـ الصالة و
جلست كنت ألعب بـ حبال الشنطة و أنا جالسه أحتريه .. لما رن التلفون توقعته هو بس ليش يتصل عـ البيت
يتصل على جوالي ..
ريمان : ألــووووو ..
.. . : ألو ..
استغربت مين هذه .. ناظرت الكاشف ما عرفت الرقم بس هو من الرياض ..
ريمان : مين معي ..
.. : شيء ما يخصك أبيك بس تعرفين انك حقيرة ..
و قفلت في وجهي جلست أناظر السماعة .. من ذي الخبلة ابتسمت .. أكيد وحدة رايقه و ودها تتهاوش مع أي أحد ..
حطيت السماعة على دخول تركي ..
تركي : هااااه جاهزة ..
ريمان : ايييييه من أوّل ..
تركي : زين يا حلوة عطيني عشر دقائق ثانية أسبح و أغير ملابسي و أجيك ..
ريمان : زين ..
كان لابس بدله دخل غرفته و أنا جلست أقلب في جوالي .. لمحت جواله اللي حطه عـ المدخل مع مفتاح السيارة ..
قمت و أخذت الجوال و رديت عـ الكنب فتحته و على طول رحت لـ خانة الصور ..
جلست أقلب في الصور كلها عادية .. بس انصدمت يوم شفت صورتي عنده .. و يووووه حـيـل قديمة ممكن قبل لا أسافر
لندن زين تركي يا اللي ما تستحي .. مصورني و أنا ما أدرري .. قلبت الصورة اللي بعدها و شفت صورة صديقه
اللي كلمني عنه جلست أناظره .. كانوا بـ الكويت و قدام أبراج الكويت / متى راح تركي الكويت ..؟
ايه صح تذكرت قال لي انه راح رحت لـ خانة الفيديو .. شفت كذه فيديو لهم .. بس هو و إلياس ..
دخلت على واحد فيهم .. كان تركي واقف فوق صخرة و وراه البحر .. يووووه أظنه في الكويت ..
المهم كان لابس بنطلون برمودا أسود .. و مهوب لابس شيء على صدره و ندبته اللي انا سببها مرا واضحه ..
ناظر اللي كان يصوره و ابتسم .. و قال بـ صوت عالي لـ أن اللي يصوره شوي بعيد ..
تركي : إلـــــيـــــاس تـــصـــور ..
عرفت ان اللي يصوره هو نفسه صديقه اللي مات ..
إلياس : إيــــــــه يالله ســوي عـــــرضــــه ..
ضحك تركي عقب وقف و هو يقابل الكاميرا .. رفع يده كأنه ماسك مايك ..
تركي : الاسم تركي سعود محمد الـ .... ـي العمر امممم 23 سنه اتوقع هههههه الهوية سعودي أي خدمة ثانية ..
إلياس : هههههههههههههههه زين انت تعشق ..
تركي : ههههههههههههه ايييه أعشق الجااازي ..
و ضحك صديقه بس هو ابتسم و التفت للبحر .. استغربت منهي الجازي بس انتبهت لـ تركي يوم طلع ..
قمت أناظره .. كان لابس ثوب أسود و غطره بيضاء .. ابتسم لي و هو يرفع طرف من غطرته و يرميه فوق الطرف الثاني ..
ناولته جواله و طلعنا .. ركبنا السيارة في الطريق كان يطبل بـ أصابعه على الطارة و هو يدندن مع أغنية الليلة غييييير ..
الليلة غير .. شعوري غير .. أشواقي غير .. حتى الأغاني غييير
صدري سما .. و احساسي طير .. بس طيفك ما تركني .. ظل ساكن وسط جفني
انت وينك .. ؟!!! .. انت وينك .. ؟!! كان هذا الفرق اللي بيني و بينك .. !
جلست أناظره و هو يدندن مع الأغنية .. و شيء واحد بـ بالي .. منهي الجازي والله انك غـــامـــض يا تركي بس بـ يجي اليوم
اللي أكشف فيه أوراقك .. ب للحظه فكّرت / ما ينفع تركي يحتفظ بصور و فيديوهات تتعلّق بصديقه ..
إذا كان يبي يكمّل حياته و إذا كان يبي يريّح روحه و لا يعذّبها / لازم يمسحها !
وقف عند مطعم هادئ و فخم دخلنا أخذنا طاولة معزولة .. جلست و شلت غشوتي ..
ابتسم و قرب كرسيه من كرسيي .. و مسك لائحة الطلبات ..
تركي : تحبين تختارين و لاّ أجيب على ذوقي ..
ريمان : لا انت أختار ..
ابتسم لي و قرب وجهه من وجهي ..
تركي : انت تآمرين آمر يا الغالية كم ريمان عندي ..
ارتبكت يوم حبّ خدي و قام يطلب حطيت يدي على خدي كـ رد فعل طبيعي ..
تركي شفيه الليلة .. نظراته غير و لا بعد أول مرة يرحمني و يتصل و يقول بـ أخذك لـ مطعم ..
لا أكيد نزل عليه الوحي .. ابتسمت مو هو بعد الليلة غير ما سمعتي الأغنية يا ريم ..
انتبهت له يجي .. ابتسم لي و جلس يلعب بـ جواله تعشينا عقب طلبنا عصائر ..
فكرت أسأله عن الجازي .. بس لا مو وقته الحين خلني أكشف كل شيء بـ روحي قرب مني ..
تركي : تـدريــن ..
ريمان : أدرري بـ وشو .. ؟!!
تركي : اليوم انت محلوه عن قبل ..
أحرجني حيل و عشان أبعد الإحراج ناظرته بـ غرور ..
ريمان : أدرري أصلا أنا يوم عن يوم يزيد حلاي ..
تركي : هههههههههههههه يووووه مو بزين الغرور ..
هزيت كتفي بـ دلع و حطيت يدي على خصري بـ دلع أكثر ..
ريمان : يا بخت الغرووووور فيني ..
جلس يضحك .. حط يده على صدره مكان قلبه و هو يقرب مني ..
تركي : يا وييييلييي ترفقي على قلبي خير بـ تجننينه انتي ..
بعدته عني و أنا أبتسم بـ ارتباك ..
ريمان : انت اللي بـ تجنني مو أنا ..
ابتسم لي و رد عينه لـ جواله و لـ أني أبي أغير السالفة ..
ريمان : تركي شرأيك أقص شعري ..
تركي : نــــــــــــــــو وي مجنونة انت ..
ريمان : لا بس قلت تغيير ..
ناظرني و هو مبتسم ابتسامه أحرجتني و هذا غير نظراته ..
تركي : لا حياتي أحلى ما فيك شعرك الطويل .. تبين تقصينه ليش .. خلك مثل منت أحبك كذه ..
ريمان : زين و لا يهمك ..
ابتسم و رد عينه لـ جواله ..
تركي : بكره بـ أروح الدوام ..
ريمان : زين مهيب أول مرة ..
تركي : ايييييه بس دايم أروح بلا فطور ممكن تسوين لي ..
ريمان : آهـااا اوكي و لا يهمك ..
جلسنا شوي عقب قمنا و ردينا عـ البيت .. دخلت غرفتي كنت مستانسه لـ اننا تقدمنا خطوة ..
صرت متعودة عليه و لا اذا راح الدوام .. ما أكذب عليكم أحس اني أفقده ..
ابتسمت ... خلاااااااص و لا يهمه من بكره أسوي له فطووور و غدا و لو يبي أسوي له كوزي ما عندي مشاااكل ..
ضحكت على رووحي من متى أتكلم كذه .. طلعت من غرفتي عقب بدّلت ملابسي كنت عطشانه / دخلت المطبخ
شفته جالس ع الطاوله و قدّامه كوب شاي يطلع منه بخار و كان مسرّح و يوم انتبه لي ابتسم بشرود و همس ..
تركي : ما نمتي ؟
ريمان : كنت بأنام بس عطشت ..
هزّ راسه و رجع يناظر الفراغ ! قرّبت منه بترددّ لا يكون يفكّر بصديقه ... حطّيت يدي على كتفه و استغرب حركتي و ناظرني
بسرعه قبل يردّ يناظر يدّي على كتفه ..
ريمان : تركي بأقول لك شيء أوكي !
ابتسم و همس بطنازه بس صوته كان مبحوح ..
تركي : قولي / من متى كنتي تستأذنين ؟
طنّشت طنازته و جلست جنبه و لمّا حسّ انّي جدّيه اختفت ابتسامته و حرّك كتفه بمعنى مو بـ مرتاح ..
شلت يدّي عن كتفه و بلعت ريقي و أنا أناظره يرتشف من كوبه ببرود .. همست بتردد ..
ريمان : تركي ترى ما ينفع تحتفظ بصوره أو فيديوهاته !
عقّد حواجبه قبل يناظرني و يهمس ..
تركي : اشلون ؟!!
ريمان : أقصد صديقك اللّي مـات إلـ ..
سكت بـ خوف لمّا شفت ملامحه انقلبت فوق تحت و اللّي أكثر شيء ميّزته أنّه عصّب ..
تركي بحدّه : فتحتي جوّالي ..
ريمان : أنـ ..
تركي : و من أذنلك أصلا ؟
و قام و هو معصّب و يكبّ باقي شاهييّه في المغسله / كنت مصدومه شوّي بس لمّا طلع من المطبخ استوعبت
و لحقته شفته بــــيدخل غرفته و بـــــيقفّل الباب .. مسكته قبل لا يقفله ..
ريمان : تركي اسمعني إنت تعذّب نفسك كذا ..
ناظرني بمعنى اسكتي بس أنا عاندت و كمّلت ..
ريمان : مو بزين أصلا تـ ..
صرّخ عليّ و انا نطّيت في مكاني ..
تركي : و ايش يهمّك أصلا و من عيّنك مستشار بندر و لاّ خالد ..؟!!
و مشي معصصّب لبرّا البيت و هو يقفّل الباب بقوّه صدمتني / تجمّعت دموعي الشرهه ع اللّي يهتم لك أصلا يا حقير
يا واطي طول عمرك بتبقى حثاله غبي ..!! رحت لغرفتي و أنا متنكده حدّي و انسدحت ع السرير ...
*********************************
.. (( تــــــــــــــــــــــركـــــــــــــي )) ..
لي ساعتين و أنا أدور بالسيّاره في الحيّ مالت بس على وجهي ! مدري ليش عصّبت عليها و عقب الليله الرايقه ذي ..
تنهّدت و أنا أوقفّ السيّاره عند البنايه و أسند راسي ع الطاره و أفكّر مالي داعي أبدا ...
و بالعكس كانت صادقه بكل كلمه قالتها أنا أعذّب نفسي و أعلّق نفسي بمكان كانّه بين السماء و الأرض !
لازم لازم أسوّي الشيء اللّي جلست أتهرّب منه من زمان ..! و بعد كذا لازم أعتذر منها .....
*********************************
.. (( ريــــمممـــــان )) ..
كنت بعدني أتقلّب ع السرير ما جاني النوم متضايقه و كلّه من النحس تركي مالت بس ..
أنا ليش أضايق نفسي عقب شرشحني و غسّل شراعي و بعد صرّخ عليّ ... جلست ع السرير
و أنا أبعثر شعري بضيق .. و شويّ نطّيت لمّأ انفتح باب غرفتي / مالت عليك إستأذن زين ..
ناظرني و ابتسم و أنا ناظرته بتطنيش شيبي بعد مشرشحني و يبيني أبتسم له .. قرّب منّي و تلقائيا
طلعت من السرير و وقفت و أنا أهمس بارتباك ..
ريمان : نعم خير شتبي أطلع برّاا ..
قرّب منّي و أنا رجعت خطوه لورى لين لصقت بالجدار غمّضت عيوني يوم مدّ يدّينه و لفّيت وجهي متروّعه ..
حاوط وجهي و تفاجأت و قلبي صار ينبض بقوّه يوم حبّني على جبهتي ..
تركي : السموحه الريم حقّك عليّ ..
ناظرته مستغربه ايش طرى عليه ! بس هو ما عطاني فرصه أناظره أكثر حبّني مع جبهتي مرّه ثانيه و طلع برّا غرفتي ..
جلست لحظات واقفه و مبلّمه قبل لا أسحب اللحاف و أنسدح بهدوء !!
*********************************
نهاايه الباارت الخامس و ألأربعين . .
- توقعااتكم ,
+ ان شاء الله عجبكم
الباارت السـاادس و الاربعين .. '$
*********************************
.. (( بعد شهر . . . الـ السـ 5:20 العصر ـكويت * * الجازي * * )) ..
تأففت و أنا أحط يدي على خدي كنت يالسة أجلب في القنوات كلهم تزوجوا عداي أنا حصه و مريم يميعهم الا أنا ..
يات أمي و يلست جنبي طالعتني ..
ام اليازي : انت لـ متى بـ تيلسين جذي ..
اليازي : هااااه يمه شنو تبيني أسوي عندج حل ..
ام اليازي : عـ الأقل روحي نادي روحي أي مكان سلي روحج لا تيلسين تحبسين نفسج ..
اليازي : لا يمه ما لي خاطر لـ نادي ..
ام اليازي : عيل شرايج تييين ويّاي عرس بنت ييراننا ..
اليازي : منوه يييراننا منوه ..
ام اليازي : سارا بنت ام علاوي شفيج نسيتيهم لما جنا في الفريج الجديم جانوا جبالنا ..
عقدت حواجبي أفكر .. بس عرفتها آآآه هم سارا تزوجت سارا اللي كنت أعايرها اني أحلى عنها .. كاهي تزوجت و أنا
آآآه شنو صار لي ..
ام اليازي : هااااه شرايج تييين ..
اليازي : لا يمه ما ابي ..
ام اليازي : شنو ما تبين أكو عندج شيء ما تبين تيين ..
قمت عشان اطلع لـ غرفتي ..
ام اليازي : لااا يمه خلاص لا تغصبيني .. كافي اللي فيني يا يمه كافي ..
رحت و صعدت الدري .. طلعت غرفتي تميت يالسة عـ الشبريه ما حسيت الا بـ دموعي تسيل ..
آآآه يا الدنيا اشكثر انت جاسيه / و عاد أمي تبيني أروح عشان يتغشمرون عليّ ارتميت على شبريتي و يلست اصيح بـ ألم ..
آآآآآآآآآآآآآه آآآآه يا يمه لو تعرفين شنو اللي تحس به بنتج .. تبينها تروح آآآه يا يمه الناس ماكو احساس عندها ..
ماكو شعور ييلسون يتحجون على فلانه ليش ذيج ما تزوجت و ليش ذيج هدها ولد عمها و تزوج غيرها آآآآه يا بشار
جان سويت فيني خير و تزوجتني ماكو مانع عندي لو كنت الثانية ..! بس خذني .. خذني لو أكون عـ الهامش هاي جزاي
بس لا تهدني لـ الناس لا تهدني آآآآه .. يلست اصيح من قلبي .. يا رب فرجها من عندك يا رب ..
مسحت دموعي يوم دقت أمي عـ الباب قمت و فجيت الباب ..
ام اليازي : يالله يا اليازي لبسي عباتج ..
اليازي : يووووه يمه قلت لج ما ابي أخري ..
ام اليازي : قومي ما راح نروح العرس .. اليوم الفير توفت حرمة بشار و هي تولد بنتهم ..
تميت واقفة و أمي دشت و لبست عباتها ما استوعبت بس عقب صديت صوب أمي ..
اليازي : شــــــــــنـــــــــوه ..
ام اليازي : الله يرحمها .. تعالي بسرعة العزاء اليوم ..
اليازي : انزين دفنوها ..
ام اليازي : ايه عقب العصر دفنوها يالله حركي ..
رحت و سحبت عبايتي لفيت الشيلة و خريت ويّا أمي / وصلنا شقول لكم حز في خاطري حال أهلها ..
جفت حصه ترضع بنت المرحومة / حصة ربت قبل شهرين عزيتهم يميع .. عقب يلست أول مرة أحضر عزاء
الكل جان يبجي عداي .. كنت منزلة رأسي منيب جادرة أطالعهم ..
*****************************
.. (( السعـ السـ 7:30 الليل ـاعة ـودية * * ريمان )) ..
كنت في المطبخ يوم سمعت خطوات تركي طلعت و ناديته ناظرني و هو مبتسم .. رحت له ..
ريمان : رايح ..
تركي : ايييييه الشباب يحتروني ..
ريمان : ايه انت كل يوم عند الشباب ..
تركي : ههههههههه لا عن الكذب أمس آخذك معي ..
تطنزت ..
ريمان : ايه عقب رحت لهم ..
تركي : ههههههههههههههههه يالله عاد تأخرت عليهم باي حبي ..
و حب خدي و فتح الباب و طلع ابتسمت و أشرت له بيدي بـ معنى .. " باي " .. قفلت الباب و دخلت ..
جلست عـ الكنبة و حطيت ع قناة نجوم و جلست اسمع أغنية و أدندن معها ..
لـ الحين ما صار بيني و بين تركي شيء بس العلاقة تحسنت و هذا اللي حببني فيه ..
***********************
.. (( * * تــــركـــي * * )) ..
و أنا أحرك سيارتي لفتتني سيارة من أبو ظبي واقفة قريب من البناية ما اهتميت و مشيت بس كأني شفتها قبل ..
ما حسيت بـ نفسي الا و أنا أسحب فرامل بـ قوة .. لاااا هذه سيارته هو ما غيره وقفت سيارتي ..
و رغم اني بعدت عن البناية نزلت و أنا أركض لـ البناية ..
***********************
.. (( * * هــيــثــم * * )) ..
ما صدجت لما ظهر و حرك سيارته دشيت البناية .. سرت عـ المصعد و لـ أني حافظ وين الشقة ..
ضغطت الزر الرابع على طول وصلت لـ الشقه .. يلست أضغط عـ اليرس و أعطيت الباب ظهري .. حاولت قبل لا أيي
أخمن شو بيلبس تركي و عسب عادته يلبس اسود جازفت و لبست جنز أسود و جاكيت و قميص اسود و على حظي
جان تركي لابس شراتي الفرق انّ القميص لونه أبيض ..!
كتمت ضحكتي ياني لئيم , أنا الحين أتريا السخيفة ريمان تفج الباب راح أعلمها اشلون أكون .. " خسيس " .. بـ صج !
لـ لحظة ترددت في اللي بـ أسويه بس لااا .. كلش و لا كرامتي أقلّ شيء أسوّيه إنّي بس أروّعها و أمشي !!
سمعت صوتها أخيرا و هي تقول .. " مــنــوه " ..
***********************
.. (( * * ريـمـان * * )) ..
استغربت يوم شفت من .. " منظار الباب " .. تركي .. شفيه يضغط الجرس بس أكيد نسي مفتاحه في السيارة ما عليه ..
فتحت الباب و أنا مبتسمه بس تلاشت ابتسامتي يوم شفت عيون هيثم .. كان يناظرني بـ نظرات لـ المرة الأولى أشوفها ..
خفت و جيت بـ أقفل الباب على وجهه بس هو و طبيعي أقوى مني فـ دفه و انا طحت عـ الأرض من دفه القوي ..
حسيت بـ ظهري يألمني بس لاااا لازم أقوم .. هذا الغبي دخل جاه بـ يقفل الباب بس أنا دفيت دولاب الجزم
.. " الله يكرمكم " .. بـ أقوى ما عندي فـ طاح بين الباب و الحائط حقه .. قمت أبي أهرب لـ غرفتي مع انشغال
هيثم بـ الدولاب بس انتبه لي و مسكني من ذراعي ..
ريمان : فكني هيثم فكني ..
قربني منه حسيت بـ دموعي طوفان على خدي آآآه يا تركي وينك فيه ليتك تجي بس المشكلة بعد و مثل ما قلت لكم قبل
أنّ البناية لها جهتين كل جهة بها شقة , مستحيل يسمعون الجيران ظليت أقاومه بـ كل ما أقدر " مسك يدي و هو
يقربني أكثر ..
هيثم : لا تقاومين ماشي فايدة يا ملاكي ..
انصدمت ذا مستحيل يكون هيثم اللي حبيته بيوم , علامه صار كذا ..
ريمان بصياح : فكّني ..
هيثم : هب الحين حبي ..
رفعت يدي الثانية يوم قرب وجهه .. صرت أخربش خده بـ أظافري بعّد وجهه و هو يقول بـ ألم ..
هيثم : يالشقيّه يالعنيفه شبلاج ؟ شفيج أنا هيثم ؟ هب جنا نتمنى ها اليوم من زمان ..
صدمني بـ كلامه بس ما لحقت أستوعب الا و أنا أشوف تركي خارج من المصعد جاه لنا بسرعة ..
حسيت اليوم بـ تصير جريمة . . . . . . .
**********************************
.. (( الـ السـ 8:20 الليل ـكويت * * الجازي * * )) ..
قمت رايحه لـ المطبخ حاسة ان حلجي نشف من الماي دخلت المطبخ / و أنا أشرب الماي من الكوب انتبهت لـ شخص
يدخل من الجهة الثانية جان زين لابسه العبايه و الشيلة .. طالعته و انصدمت يوم جفت بشار طالعني هو و وقف بس ثواني
قبل لا يصد / راح و فج الثلاجة أخذ له ماي .. و يلس يشرب عطاني ظهره و ياه بـ يخرج بس أنا همست ..
اليازي : عظم الله أجرك ..
وقف صد صوبي يطالعني من فوق لـ تحت اوف ليتني ما تكلمت الحين بـ يجرحني و يروح بس تفاجئت يوم همس ..
بشار : أجرنا و أجرج ان شاء الله ..
و مشي تساندت عـ اليدر آآآآه والله أحبك أحـبـك و ليتك تدري حسيت بـ دموعي تسيل .. آآآه غطيت ويهي و يلست أنشج
بـ ألم ما حسيت الا بـ يد حصه طالعتها بـ ألم و هي ضمتني بس ليش ما أدرري كل اللي أعرفه أني صحت عليها ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك