رواية كثر ما قلتلك اكرهك كثر ما انا اهواك -36
قال كل ذا و هو يسوق و يبتسم بـ طنازة أنا أموت و أعرف شاللي حارقني بكيفه لو يحشش بعد ..
وصلنا لـ بيت جدي أخيرا .. دخلنا لداخل بـ السيارة و لما وقف نزلت بدون ما أعطيه وجه
بس هو همس ..
تركي : لحظة ما بـ يطير هيثم ..
رفعت الغشوة و ظلّيت واقفة بره أناظره و هو داخل السيارة " كمل سيجارته و هو يناظرني
بـ برود حرقني ..
لفيت أناظر البيت ! شسوي عاد مقدّر عليّ كل مرة أهرب من نظراته ..
رمى السيجارة و انتبهت له ينحني و ظهره يرتجف .. حسيت به يكح بس يولّي والله ما أروح له ..
يظنني مهتمه فيه " شوي هدأت ارتجافته .. رفع نفسه و رجع رأسه لـ ورى و هو يغمض عينه ..
لمحته يأخذ العودة و يحط على رقبته و يديه عقب ناظرني و هو يقفل سيارته و ينزل ..
أحتريته على ما يجي بس هو ظل يحرك شعره اللي ينسدل على رقبته ما أدرري شسميه بس هو
يحاول يستفزني عشان كذه طنشت و ظليت أناظره مشي أخيرا .. اوووووف ما بغى مشيت معه
لـ داخل الفلة .. والله كنت مستعجلة عشان جمّون فديتها .. مو مثل ما يظنّ عشان الـ هيثم ..
ما حسيت به الا ماسك يدي و مقربني له ..
اووووهوووو هذا اللي ناقصني دخلنا المجلس و لمحت فارس و عشان كذه شلت
عيني أكيد هيثم جنبه ..
راكان : يووووووووه أخيرا ما بغيتم تجون ..
تركي : هههههههههههه ليش تأخرنا ..
بندر : لاااا طال عمركم جيتم قبل الناس ..
ريمان : ههههههههههههههههه والله قسم بالله هذا تركي ما غلطت يوم قلت انه آخر واحد
في كل مناسبة ..
ضحك تركي معه بندر و الكل و أنا رحت سلمت على أعمامي و أخوالي عقب ناظرت في نواف ..
و حركت يدي ألوحها على كل الأولاد ..
ريمان : سلام عليكم ..
ضحك نواف أظن انه فهم اني ما أبي أناظر على هيثم ..
نواف : هههههههههههههههههههههههههه و عليكم ..
ابتسمت له و مشيت و رحت أسلم عـ الحريم وصلت لـ جمّون ضميتها ..
ريمان : يا ويلي والله انت أكثر وحدة اشتقت لها ..
جمانه : شتقولين عني والله بـ أموت من الشوق ..
ريمان : هههههههههههه بسم الله عليك ..
سحبت يدها و أنا أجلسها و جلست جنبها / أشرت على بطنها بحماس و عبره مخنوقه من الفرحه ..
ريمان : في أي شهر ..
جمانه : ههههههههههههههه في الثالث ..
ريمان : تحسين به جمّون ..
جمانه : لا بعدني .. أحتري هذا اليوم يالله عقبالك ..
قربت منها و أنا أهمس ..
ريمان : أي عقبالك اسكتي بس ..
جمانه بهمس : لااااااا لا تقولين انه ما دخل عليك ..
ريمان : ايه ..
جمانه : ريمان من صدقك ..
ريمان : والله جد ثم أحسن بعد مو كافي تزوجته بـ الغصب .. هذا بعد بـ يكون بـ الغصب ..
جمانه : ريـمــان يا الخبلة خلاص ..
ريمان : وشو اللي خلاص لا تقولين أفتحي معه صفحة جديدة ..
جمانه : ايه لا تنسين هذا زوجك ..
ريمان : يووووه أمحق زوج تخيلي عاد ما يمر يوم الا و لازم نرمي على بعض نغزات ..
جمانه : ههههههههههههه الحمد لله و الشكر أشك بـ عقولكم ..
ريمان : فاتك الحين تهاوشنا بس قسم بالله انه دوم يسكتني صح أرد عليه بس هو بـ النهاية يسكتني ..
ضحكت جمانه و هي تتساند عليّ / انتبهت لـ خالي يوم تكلم ..
خليفة : هييييي ريمان لا تتعبين حرمتي أجوفها ماتت من الضحك ..
ريمان : ههههههههههههههههه زيــن ..
شلت عيني عن خالي و طاحت على تركي حسيت نفسي مصدومة هذا شـاللي جلسه جنب هيثم ..
ابتسمت يوم شفته يتساند على هيثم و يسولف له و هيثم شوي و يطق له عرق ..
جمانه : ههههههههههههههههههههههه شيسوي زوجك ..
ناظرت جمانه و ناظرت تركي و ضحكت و أنا أشوف تركي يضرب هيثم على فخده بس بمزح و هيثم
فوق خشمه يبتسم بس من ورى قلبه عشان ما يحسون الشياب ..
ريمان : هههههههههههههههه أسميه مجنون والله ما تدرين اشكثر يكره هيثم لا و غيووررر
بدرجة ما تتصورينها ..
جمانه : ههههههههههههههه من يومه غيور أمّا سالفة انه يكره هيثم فـ هذا شيء طبيعي ..
الا صدق شفيه جوالك ما يرن يقول مقطوع عن الخدمه و مدري ايش ..
ريمان : ايييييه صح تخيلي غرقه تركي في المويه في تركيا ..
جمانه بمفاجاه : لا و ليش ..
ريمان : أنا أقول لك السالفة ..
قلت لـ جمّون سالفة الجوال و هيثم و هي جلست تضحك من قلبها ..
جمانه : هههههههههههههههه بصراحة شيء انتم الثلاث و عاد هيثم المطفوق وصلت به
المواصيل يسوي كذه ..
ريمان : ايه والله هيثم بـ يسبب لي مشاكل عاد انت تعرفين اشكثر تركي غيور و أنا أخاف منه
لما يعصب ..
جمانه : خلاص أجل بـ النسبة لـ هيثم احقريه و لا تردين عليه ان اتصل ..
ريمان : أصلا ما يقدر يتصل .. تركي غير جوالي و قال لي بطريقة مهيب مباشرة .. ما أعطي الرقم
لـ أهل الامارات الا لـ خالي خليفة و غيرهم بـ يطلبهم من جواله ..
جمانه : عاد كذه أحسن و بعد لا تعطينه لـ خليفة اذا اتصلت عليّ أنا اعطيك اياه تكلمينه ..
ريمان : خلاص زين ..
تركي : علامك تناظرني كذه ..
هيثم : تراني مليت منك من وقت و انت ناشب لي ..
تركي : جد توي أدرري اني ناشب لك ما عليه تحملني ..
و ناظرته بـ نظرة / صدق انه يرفع الضغط من حبي لك يا شيخ أبي أنشب لك ..
هيثم : انزين شـويه شويه لا تعصب أعوذ بالله شوي و تآكلني بـ عينك ..
تركي : أنا على بالي الشيء ينوكل بـ الفم مو بـ العين هذا حد علمي ..
هيثم : و حد علمي بـ العنا يوم خفاقي ضرير ..
ضحكت تبون الصراحة ضحكت من قلب ها المرة لما قال بيت من شعر حامد بـ طنازة ..
تركي : ههههههههههههههه تبيني أكمل الشعر ما عندي مشاكل ..
هيثم : لا ارتاح ..
تركي : أنا مرتاح كذه ..
هيثم : أموت و أعرف شوه ها الحب اللي نزل عليك لي ..
تركي : ههههههههههههههههههه هييي انت لا تصدق روحك حبك بررص ..
هيثم : عيل شتبي يالس حذالي .. جان تبــا تغيظني أبـا أقول لك ارتاح ..
تركي : ما أبي أغيظك لا تخاف ..
نايف : تركي ..
لفيت أناظر نايف اللي جنبي .. ابتسمت له ..
تركي : سَم ..
نايف : سَم الله عدوك بس ..
و انحنى و همس لي ..
نايف : شاللي مجلسك جنبه ..
تركي : بس كذه أبي أطلع له الشيب .. و تراه مهوب هين قلت لك عن الاتصالات ..
نايف : ايييييه يوم يتصل على ريمان ..
تركي : ايه عشان كذه أبي أردها له الحين ..
نايف : هههههههههههه الله يكون بـ عونك ..
ابتسمت و لفيت أناظر هيثم .. شفته معطيني نص قفاه ما عليه هيثم خلك كذه ..
لكن ان ما وريتك ما أكون تركي ..
قال شوه الحب قال حبك برص يا شيخ .. شلت عيني على ريمان يوم قامت بره المجلس ..
قمت بسرعة وراها شسوي عاد بس جد أحس نفسي أشتاق لها و لو كانت جنبي ..
********************************
دخلت المطبخ أبي أشرب مويه انتبهت لـ تركي جاي وراي .. ابتسمت و لفيت أناظر المزرعة
من الباب الزجاجي .. جاه و جلس فوق كرسي الطاولة ناظرته ..
ريمان : شرأيك ندور بـ المزرعة ..
ابتسم و لف يناظر المزرعة عقب قام واقف ..
تركي : كان تبين يالله ما عندي مانع ..
طلعنا لـ المزرعة كانت بـ صراحة روعة .. و بـ الأخص ان جدي مسوي العزيمة من الصبح ..
كنت مشبكه يديني في بعض و أناظر في النخل .. انتبهت له يوم نزل من جيبه علبة السجاير ..
مسكت يده و هو ناظرني ..
ريمان : لا تدخن تكفى .. أنا طلعت عشان الهواء هنا حلو ..
ابتسم و رد يدخل العلبة في جيبه و هو يهمس ..
تركي : مثل ما تبين ..
ابتسمت و رديت أناظر النخل .. طاحت عيني عـ البير تذكرت يوم ملكة بندر و سلمان ..
ناظرت تركي شفته يناظر البير عقب ناظرني و هو مبتسم .. شلت عيني عنه بارتباك
و ما حسيت به الا و هو مطوق كتوفي و مقربني منه لدرجة لاصق
كتفي صدره صرنا نتمشى بس شوي همس ..
تركي : تدرين عاد ذاك اليوم كنت جميله كانك ملاك ..
انحرجت منه .. رفعت عيني له كان يناظر قدام و هذا اللي ريحني أول مرة أتأمل وجهه بها القرب ..
يوم أقول لكم عيونه خبال ما تصدقوني ما حصل شفت في العائلة كلها مثل عيونه .. ناظرني ..
تركي : يووووه منك أقول لك لا تناظريني ..
حسيت انها فرصة أسأله عن السبب دام أنا مندمجين مع بعض ..
ريمان : بس ليش ..
تركي : لـــيـــــش .. !! بس كذه تحبين أناظرك أنا ..
ريمان : لا تقارن نظراتي بـ نظراتك في فرق شاسع بيننا ..
تركي : هههههههه زين وش الفرق ..
ريمان : ما أدرري بس سبق قلت لك انت ما تناظر انت تاكل / أمّا أنا لا ..
تركي : ههههههههههههههههههه يا ذي الـ آكل .. تصدقين بـ كلمتك تحسسيني اني غول ..
ريمان : انت غول قلتلك ألف مرة ..
شد خدي و هو يضحك بس والله آلمني حسيت به قطع عروقه .. ضربته بـ خفيف على كتفه ..
ريمان : آآآآآآآآآآي عورتني ..
تركي : دواك أجل أنا غول ..
ريمان : الا وحححششش ..
تركي : هههههههههههههههههههههه زين انتي الجميله و انا الوحش ..
ريمان : ههههههههههه اوكي رضيت ..
ابتسم و ناظرني و انا تذكرت نهاية قصتهم و لعنت نفسي , جيت باضيّع السالفه فابتسمت و سالت ..
ريمان : الا صدق انت شمسوي داخل ..
ناظرني و هو عاقد حواجبه مهوب فاهم ..
تركي : وشو ..
ريمان : هههههههههه ما تدري من صدقك بس تدري عجبتني أنا و جمّون بـ اللي سويته ..
و غمزت له عقد حواجبه و هو يبتسم باستغراب بس أظنه فهمها فـ جلس يضحك ..
تركي : هههههههههههههههه قصدك هيثم ..
ريمان : ايييييه ما غيره ..
تركي : هههههههههههههه لا و لا شيء .. بس كنت أبي أرفع له ضغطه ليش عجبتك ..
ريمان : حيل ..
تركي : ههههههههههههههه أول مرة تقولين شيء يشرح الصدر ..
ضربته على كتفه و أنا أضحك ..
ريمان : ههههههههههههههههههه زين الشرهة عـ اللي يعطيك وجه و لاّ انت حدك الشرشحه ..
تركي : ههههههههه مشكووورة يجي منك أكثر ..
ابتسمت لما يضحك أحس عيونه تلمع ما أدرري اشلون بس بصراحه جنااان .. يوووه أنا
شقول أظني انهبلت .. ريمان لا تنسين هذا تركي ما غيره .. ناظرته ..
ريمان : تركي شرأيك نرد ..
ناظرني و هو يقربني منه ..
تركي : ليش مليتي مني ..
ريمان : لاااا مو عن كذه بس ..
تركي : بس وشو ..
ريمان : وش بـ يقولون جدي و أعمامي المفروض نجلس عندهم لأن العزيمة لنا ..
تركي : ايييييه والله صادقه أجل يالله ..
لفينا رادين لـ الفلة دخلنا من باب المطبخ و رحنا عـ المجلس .. و قبل لا نوصل سحبني له
و حسّيت بوجهي شبّ ضوّ يوم حبّني مع خدّي و عقب تركني و دخل المجلس و أنا وراه ...
شفته راح لـ نايف .. ابتسمت و رحت و جلست جنب جمّون و ردينا نسولف مع الجميع ..
****************************
.. (( * * تـــركــــي * * )) .. .
عقب تعشيت قمت أغسل يدي .. رحت عـ المجلس لمحت جوال هيثم .. مسكته بسرعة
أدرري عنده صور ريمان ..
بس لما جيت مسكته شفته غير أجل جاب جوال ثاني .. آآخخخخ يا هيثم صدق انك ذكي حطيته و طلعت
راد لـ المجلس الثاني اللي بـ نجلس فيه هالحين ..
************************************
.. . (( السـ 2:26 الليل ـاعة * * ريمــان )) .. .
سلمت على جداني و أعمامي و أخوالي عشان خلاص بـ نروح البيت ..
سلمت على الحريم و طلعت معي تركي و حنا في الحوش لفيت لما سمعت اسمي ..
شفت هيثم جاي من ورى .. ناظرت تركي شفته رفع حاجبه عقب تنهد و هو يسحبني له ..
تركي : نعم خير أي خدمة ..
هيثم : شوه أنا مــا أبــاك أبـا ريمان ..
تركي : لااا يا شيخ صدق تبي ريمان ..
هيثم : هييييييه و عندك مانع ..
تركي : لا لـ الأسف لا مانع و لا فيصل .. هيثم ضف وجهك ترى الحين شياطيني تنط قدامي ..
لا تخليني أطلعها فيك ..
عجبني تعليق تركي و ناظرت هيثم يالله اشكثر صرت ما احب اشوفه صديت عنه باحتقار يوم ناظرني ..
بس انصدمت يوم شفته مسك ذراع تركي و رص عليه بقوة ..
هيثم : كله منك انت .. انت ليش جفت الفيديو ليش شوه الحقد اللي ياك في قلبك و حطيته فيني ..
تركي بهمس بارد : شيل يدّك هيثم .. ريمان زوجتي الحين و انتهينا !
ما فكاه هيثم بس رص عليه" شديت على كتف تركي تصدقون خفت عليه ..
هيثم : انزين بس هي جانت طليقتي لا تنسى ..
شقول لكم عن غبائه من قهري و حقدي عليه ما حسيت بـ نفسي الا و أنا صاكه خده بـ كف ..
ريمان : انت وشو انت غبي حمار ولا تستغبى أكيد قال طليقتي قال ..
ناظرت تركي اللي كان ساكت أما هيثم ظل يناظرني مصدوم .. سحبت تركي ..
ريمان : يالله ..
مشي بدون ما يعارض .. ركبنا السيارة وصلنا البيت و كل هذا و أنا ساكته و هو بعد ما قال أيّ شيء /
ممكن لأنّه حاس أنّي بأصفقه لو تكلّم .. بس لمّا دخلت غرفتي و لما جيت بـ أقفل الباب ..
مسكه تركي و كأنّه بيقول لي شيء .. ناظرته و صرخت عليه ..
ريمان : ترى منيب رايقه لك انت الثاني فـ ضف وجهك أحسن ..
وقفلت في وجهه رميت عبايتي و لبست البجامة .. عقب ارتميت عـ السرير و غطيت نفسي بـ اللحاف ..
ما حسيت الا بـ دموعي تسيل آآآه اشكثر ها الدنيا قاسيه معقولة عقب ما كنت أدافع عن هيثم ضد تركي
صرت الحين العكس .. غطيت وجهي و جلست أصيح بـ صمت ..
***************************
أبي أسألك يا دنيا .. . ليش انت قاسيه .. ؟!!
و ليــهـ لا من نــحـب بـ صدق نتقلب لـ الكراهية .. ؟!!
معقولة يا دنيا .. ؟!! معقولة .. لا انجرحنا .. نكره بـ ثـــانــيــهـ .. ؟!!
****************************************
.. (( * * هــيــثــم * * )) ..
آآخخخخ يا ريمان على النهاية تلميني بـ كف جان زين لو في مكان ثاني بس ليش جدام تركي ليش ..
ظهرت و يلست على كبوت سيارتي و أنا أمسح على خدي آآآه والله فيني حقد الدنيا كلها ..
ليتني ما مسحت صورج من الموبايل ليتني مسحتها عـ الأقل جان عرفت أطلعها بـ خبرتي ..
بس المشكلة اني فريت الموبايلين في البحر فريتهم عسب ما ييني خاطر شرات اليوم و أنشر صورج ..
فريتها لـ أني أحبج و هذا انت تلميني بـ كف غطيت ويهي بـ يديني .. آآآه لو الانتحار حلال
جان انتحرت من زمــان ..
ليتني أروم أكرهج جان زين هم المشكلة القلب يفضح وداده المشكلة القلب يفضح وداده يا ريمان ..
اشلون هنت عليج اشلون هانت عليج أيامنا, حبنا اشلون ؟ ها الكثر تركي أحسن مني ..
لا والله تركي هب احسن , هو طلج اليازي و هي تحبه / أي يازي انته و ويهك بعد !! خلاص يا هيثم
خلاص انسى ريمان لـ تركي و تركي لـ ريمان من قبل لا تيي انته خلاص انسى الريم شكلها
عشقته بس لااا هب هيثم اللي يستسلم ..
رفعت رأسي أطالع جدام والله لا تجوفين يا ريمان حقد العالم كله تيمع فيني ..
*********************************************
.. (( * * تـــركــــي * * )) ..
طلعت من الحمام و أنا أنشف شعري بـ الفوطة عقب تسبحت ناظرت السرير ..
رميت بـ نفسي عليه ما حسيت بـ نفسي الا و أنا ميت من الضحك .. والله و بردتي حرتي يا ريمان ..
هههههههههههههههههههههههههه والله هيثم تقولون أحد صب عليه جك مويه باردة هههههههههه
خله دواه .. قال وشو طليقتي هههههههههههه بس مع ذا أدرري ما راح يسكت و يمكن يردّها بعد /
بس ! جلست عـ السرير و حطيت يدي على جبهتي مهيب داشة في عقلي فكرة ان ريمان كرهته ..
بها السرعة لا يكون تمثل قدامي والله كل شيء جايز مسكت اللاب توب حقي و دخلت عـ النت أسلي
روحي أحسن لي ..
**************************
نهايه البااارت ^^
- توقعاااتكم ,
+ ان شاء الله عجبكم . .
و انتظروا البارت الخامس و الاربعين يوم السبت ان شاء الله . .
البــارت الخامس و الاربعين . . '$
**************************
.. (( ريـــمـــااان )) ..
قمت الصبح بدري عـ الساعـه 10 رحت عـ المطبخ بعد ما سبحت و لبست بنطلون جنز سكيني و بلوزه كات زرقاء ..
سويت لي تست بـ الجبنه و سويت معه شاي طلعت و أنا أشرب الشاي دخلت الصاله ..
رحت لـ التلفزيون و شغلته و جلست أناظر برنامج طبخ / شسوي ما وراي سالفهـ ..
بس تدرون متى حسيت عيوني بـ تطلع قدام من الصدمه يوم شفت تركي طالع من غرفته و هو ينشف شعره بـ المنشفه ..
كان لابس بنطلون رياضي أبيض و تي شيرت أصفر عليه خطوط بيضاء ..
ناظرني و ابتسم و تقدم لـ الصاله و هو يحط المنشفه على كتفه همس بـ ابتسامه ..
تركي : صـبـاح الـخـيـر ..
جلس عـ الكنبه جنبي و ذا اللي أربكني بس حاولت أطنشه و قالك منسجمه مع البرنامج / سمعته يتكلم ..
تركي : زيــن ليش ما سويتي لي فطوور و لاّ مالي رب بعد ..
ناظرتـه مستغربه أصلا انت المفروض تكون في الدوام يا حبي ..!
ريمان : لييش ما رحت الدوام ..
تركي : مآخذ إجازه لـيـش تبين الفكه ..
رجعت و ناظرت التلفزيون و أنا أتكلم بـ بروود ..
ريمان : زيــن روح سوي لك فطوور المطبخ مفتووح ..
تركي بـ شهقه : نـــعــم ..
ناظرته بـ برود مع اني محروقه من داخل أحس بـ نفسي متفشله من اللي سويته أمس ..
ريمان : شفيك ما قلت شيء غلط ..
سحب كوب الشاي من يدي و حطه عـ الطاوله قدامي و تكلم بـ صوت هادي بس بـ حزم ..
تركي : روحي سوي لي فطوور ..
قمت بـ تأفف منيب ناقصه يعصب علي مثل ما عصب في تركيا .. رحت سويت له شاي و بيض مقلي و حطيت له
نواشف و لما رديت و أنا شايله الصينيه شفته مغير القناه و حاط على مباراه ... اووففف ذااا ما يمل من المباريات ..
حطيت له الصينيه قدامه و خذيت كوبي و جلست عـ الكنبه الثانيه ناظرت المباراه كانت إعاده ..
و شكله ما شاف المباشر مديت يدي بـ آخذ الريموت أبي أغير القناه بس هو سحبه و حطه في حجره ..
قال لي بـ برود و هو يشرب من الشاي ..
تركي : جالسه أتابع يالريم ..
رديت بـ ضيق و أنا أتأفف ..
ريمان : يعني عارف نتيجتها وش الفايده تشوف الإعاده ..
ناظرني بـ نظره يعني .. " انطمي " .. مو بـ عاد اسكتي يا ربي ذا ينقلب شيء ثاني عند المباريات ..
ريمان عاندته : و بعدين اسمي ريمان ..
ناظرني ثواني و هو يعقد حواجبه قبل لا يهز راسه كأنّي ميؤووس مني و عصبتني هالحركه بس طنشت ..
خلص من فطوره قمت و شلت الصينيه و جلست أغسل المواعين .. رتبت المطبخ و عقب و قفت أطالع الساعه
كانت الساعه عشر و نص .. بعد شوي يبي غدا .. شسوي غدا .. أول مره أجرب أطبخ لـ حالي دون مساعدة أمي ..
طلعت لـ الصاله شفته انسدح عـ الكنبه وقفت و تساندت عـ المدخل .. ناظرني و تكلم ..
تركي : يغيتي شيء الريم ؟
ريمان : اممم شتبي غدا ؟
ابتسم بـ سخريه و عقب تكلم بـ طنازه ..
تركي : لييش تعرفين تطبخين ..
رديت بـ سرعه و بـ عصبيه ..
ريمان : أحسن منك بعد ..
تركي : ههههههههههه بللللل دمك حاااار ..
ناظرته بـ احتقار تتطنز مثل ما تبي يا السخيف .. ابتسم و همس ..
تركي : سوّي اللي تبين..
ريمان : أريح بعد ..
مشيت لـ غرفتي .. جلست أفكر شسوي له رفعت شعري ذيل الحصان بعد ما كنت فالته .. أبي شيء سهل يا ربي منيب
عارفه شسوي .. مسكت جوالي و اتصلت على جمّون .. أعطاني مغلق يوووه اشلوون نسيت أكيد هي الحين نايمه ..
خصوصا انها حامل رحت و اتصلت على وضحى ردت علي ..
وضحى : هلاااا والله بـ حرمة أخوووي ..
ريمان : وضحوووه بلا سخافه ..
وضحى : ههههههههه ما قلت شيء غلط بسم الله / المهم شلونك و اشلون اخوي ..؟!
ريمان : أنا بـ خييير .. أخووك اذا تبين تسألين عنه اتصلي عليه .. انتي اشلوونك ..
وضحى : بـ خييير والله ... بغيتي شيء ريمان أشوفك متصله الصبح ..
ريمان : ايييه بـ أطلب رأيك شسوي عـ الغدا اليوم ..
وضحى : ههههههههههههههه أذكر احترت مثلك في أول مره أطبخ لـ بندر ..
ضحكت بس مو من قلب آآه يا وضحى .. انتي و بندر غير انتم قصة عشق .. و أنا و تركي مرره العكس ..
ريمان : زييين شـ أطبخ ..
وضحى : امممم شوفي أنا سويت له دجاج بـ الفرن و كبه عااد شوفي انتي ..
ريمان : لاااا خلاص بـ أسوي كذه شكرا وضحى ..
وضحى : العفو في الخدمه ..
ضحكت و ودعتها و حطيت الجوال .. دخلت المطبخ فتحت الفريزر .. لقيت الدجاج و فيه بعد كبه جاهزه ..
نزلت الدجاج و حطيته برا عشان يفك و نزلت الكبه بعد .. جيت بـ ألف عشان أطلع ..
بس تفاجأت بـ تركي وراي كان لابس ثوب و شماغ استغربت .. و هو تقدم و ناظر الكبه و الدجاج و سأل ..
تركي : وش بتسوين ..
ريمان : دجاج بـ الفرن و كبـه ..
تركي : أووكي زييين .. أسمعي أنا طالع الحين و بـ أرد عـ الغدا ..
سألته بـ سرعه ..
ريمان : على وين ..
تركي : بـ أمر بندر بـ مكتبه .. " و بدي يتطنز " .. شرأيك أخذك معي ..
ريمان : لا شكرا ما ودي بـ سدة نفس ..
سكت و طلع حسيته كأنه تمنى انه ما تكلم .. سمعت صوت الباب ينقفل بقوّه تنهدت و أنا أجلس على دولاب المطبخ ..
وش النهايه مع ذا الرجّال و ذي الحياه / هذا اللي بـ أعرفه ..
**************************
دخلت الشركه و ابتسمت يوووه يا زينها اشتقت للدوام هههههههههههه هذا و مالي غير أسبوعين مآخذ إجازه
انتبهت لـ أحد يناديني ابتسمت لـ فيصل اللي موظف في الإستقبال .. رحت له ..
تركي : هااايااات ..
ضحك و هو يسلم علي / ناظرني و هو يتطنز ..
فيصل : ههههههه هاااايااات مره وحده .. الزواج مأثر بك ..
ضحكت بـ إحراج و أنا ألعب بـ الأوراق اللي قدامهـ ..
تركي : هههههههههههه اشلووونك ..
فيصل : بـ خير و انت ..
همست و أنا اناظر المصعد ..
تركي : بـ خير والله اسمح لي بـ أروح لـ بندر ..
فيصل : اذنك معك سلام ..
ابتسمت له و مشيت لـ المصعد ركبته و ضغطت عـ الزر .. وصلت لـ الدور اللي فيه مكتب بندر و خالد و مكتبي بعد ..
رحت لـ مكتب بندر انتبهت على خالد من الدريشه الزجاجيه اللي جنب الباب .. كان جالس على مكتب بندر و معطي
الباب ظهره و يسولف لـ بندر اللي خالد مغطي عليه فـ ما يقدر يناظر من اللي جاي دخلت و أنا تنحنح بـ صوت جهوري
شفتهم تخرعوا و خالد نزل بـ سرعه من المكتب ناظروني و أنا كنت ميت ضحك ..
خالد : تـركـي و وجـــــع ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك