رواية كثر ما قلتلك اكرهك كثر ما انا اهواك -35
اللّي جاه هو لي مد يده و من ربكتي ما سويت أي شيء .. حط يده على خدي تنهد عقب تكلم بهمس ..
تركي : لا تجبريني أسويبك كذه مرة ثانية ..
كان يقصد الكف .. شلت عيني عنه و همست ..
ريمان : اطلع براا ..
تركي : زين بس ما شفت جهاز الربو حقي ..
همست بسرعه أبغى الفكه منه ....
ريمان : في درج الشفرينه ..
جلس يناظرني عقب همس و هو شبه مبتسم ..
تركي : ما تبين تكونين مكان جمّون ..
طاح وجهي في الأرض من الفشله مالت عليه ..
ريمان : أطلع براا ..
نزلت يدّه تمسكني من كتوفي ..
تركي : قولي ما تبين عيال ..
غمضت عيوني بقوة و من الارتباك صرخت بـ وجهه ..
ريمان : لاااااا ما أبي .. ما أبي لأنهم منك ..
فتحت عيوني يوم حسيت بيده ارتجفت على كتفي شفت ملامحه تجمدت قبل يمشي عني / راح أخذ الجهاز و طلع برا
الغرفة ركضت على الباب قفلته قفلتين عقب رجعت عـ السرير .. جلست و أنا أحط يدي على صدري ..
أنا شقلت كان زين ما عطاني كف مثل الأول ..
*****************************
دخلت غرفتي و أنا ألعب بـ جهاز الربو .. كان فكري مشتت / ما توقعتها تكرهني صدق / مدري يعني أدري انّها كانت
تكرهني و تحقرني بس توقعتها اتجاوزت ذا الشيء ... رميت الجهاز فوق السرير و جلست و أنا أتنهد ..
أنا اذا مت ناقص عمر محد بيلومني ...!
*******************************
.. .(( أبو ظبي * * السـ 2:30 الظهر ـاعة * * جمانه )) ..
كنت نازلة من الدرج حبة حـبة و لامه روب الحمل لنص الساق عشان ما أدوسه و أطيح ..
بس صراخ خليفة اللي توه جاي من الدوام روعني وقفت و ناظرته ..
خليفة : لاااااااااااا لا خليج واقفة مكانج ..
جمانه : ليش في شيء ..
وصل لـ الدرج و صار يرقاه ..
خليفة : لا خليج مكانج و بس ..
وقفت مستغربة و وصل لي و ما حسيت الا و هو شايلني بين ذراعيه ..
جمانه : هيييييي لاااااااااا هههههههههههههههههههه خليفة نزلني يا المجنون ..
قربني لـ صدره و هو يضحك و ينزل بهدوء ..
خليفة : أكون مـــيــنــون لـ عيونج ..
جمانه : خليفة راح تطيح و أنا معك ..
خليفة : أفـــااا عليج أنا أطيح لااا لا تخافين .. المهم انت لا تسيرين و لا تتعبين روحج ..
جمانه : زيــن خلوف نزلنـــــــي ..
خليفة : صبري انزين ..
وصلنا لـ الصالة و صار يدور بي و من الدوخة اللي فيني حطيت رأسي على كتفه ..
جمانه : خليفة والله ما عدت أشوف شيء ..
خليفة : ههههههههههههههههه بسيطة دقايق و بـ تجوفين ..
و جلس يدور فيني و هو يضحك على شكلي ..
جمانه : خليفة لا تزعلني منك ..
وقف و قرب وجهه من وجهي و هو يغني كلمتي ..
خليفة : لا تزعلني منك ترل تـرلللللللم ..
جمانه : هههههههههههههههههه صدق مجنون ..
خليفة : مينون بج و أعترف صرت مينونج * * لا الذنب ذنبي و لا ذنب الهوى ذنبج ..
و قرب وجهه أكثر مني و هو يكمل الأغنية ..
خليفة : لو كل ها العالم بـ عيوني يجوفونج * * جان ذاب بغلاج العالم و حبج ..
قرب مني أكثر بس أنا حطيت يدي على خده ..
جمانه : بسك عاد ..
خليفة : ههههههههههههههههههههه أموت عـ اللي يستحون ..
ابتسمت له و هو نزلني و جلسني عـ الكنبة و انحنى ..
جمانه : ما تبي تتغدا ..
خليفة : امبلى .. ثواني يا عمري أبدل كندورتي و أنزل لج ..
و طبع بوسه على خدي و مشي يرقى الدرج .. ابتسمت و أنا أدعي ربي يحفظه لي
و نزلت عيني لـ بطني و لـ ولدي بعد ابتسمت .. تذكرت ريم خاطري أسمع منها الأخبار ..
عاد جوالها مقطوع ما أدرري ليش ان شاء الله يوم نروح لهم بكره بـ أشوفها .. يووووه اشكثر مشتاقة لها ..
*******************************
نهآيةة البارت الثااني و الأربعين '$
- توقعاتكم لتركي و ريمان ..
- و علاقتهم + هيثم ..
و ان شاء الله عجبكم الباارت
آلباارت الثـاالث و الأربـعـين .. '$
*******************************
.. (( السـ 1:20 الليل ـاعة * * بـ المقهى * * نواف )) ..
نواف : هالحين تركي بـ يجي ..
نايف : والله مشتاق له ..
بندر : ياااي ما اقدر ..
نايف : هههههههههههههههه كل تبن ..
راكان : دريتوا جمّون حامل ..
نايف : اوووووهوووووو طلع غبار مع الخبر ..
سلمان : هههههههههههههههه قلت لك يدرون .. هذولا يشمون الأخبار مع الهواء ..
الكل : ههههههههههههههههههههههههههههه ..
نايف : هههههههههه أذكر الله لو سمحت أبي أرد لزوجتي سالم ..
سلمان : هههههههههههههه ما شاء الله لا قوة الا بالله ارتحت ..
نايف : أكــيــد .. عاد أكثر ما أخافه عيونك انت و بندر ..
بندر : لااااا حــــول .. هالحين لازم بندر يدخل في السالفة ..
نواف : هذا من زود طيبتك و شهرتك ..
بندر : آآآه ما أقدر ..
راكان : انت شفيك صاير عبيط آآآه و ياااي ..
سلمان : ما عليك منه .. الا على طاري جمّون انتم الأربعة و لا واحد عنده بشارة ..
نايف : أنا للحين ما أبي بدري على رجة البزران ..
نواف : أنا أحتري خبر ..
بندر : و أنا بعد أحتري ..
راكان : أنا مثل نايف بدري ع البزران ..
ردينا لـ سوالف عادية بس أنا ناظرت راكان .. و راح بالي لـ يوم صارحني انه يحب ريمان ..
و راح بعد لـ يوم جاني فيه طاير من الوناسه / تذكرت الموقف و كاني اعيشه الحين ..
.. [[ راكان : نواف تركي فسخ الخطوبة ..
نواف : مو تركي ريمان اللي فسختها ..
راكان : عموما .. قدامي فرصة شرأيك أروح أكلم أبوي يخطبها لي ..
تفاجئت من كلامه في ذاك الوقت .. ما توقعته يبيها جد ..
نواف : زين بس كلم قبل محمد شوف شيقول ..
راكان : شدخله محمد ..
نواف : لازم تشاوره هو أخوك العود .. و بعد ما ينفع تشاورني يعني أنا في سنك و بعد ربيعك فما أقدر أقول لك شيء ..
لكن محمد أخوك و يعرف مصلحتك يا راكان ..
راكان : هذا اقتراحك ..
نواف : ايييييه راكان بس أسمع لا تقله انك تحبها ..
راكان : ايه أكيد أخاف يصفقني بـ الجوال ..
نواف : هههههههههههههههه خلاص أجل كلمه .. و رد لي خبر .. ]] ..
أذكر بعد يومين جاني و هو يقول .. " خلاص نسيت ريمان " ..
ما فهمت بس عقب عرفت ان محمد قال له ما تنفع لك ريمان .. بـ الأول عمركم متقارب حـيـل ..
و ثانيا ريمان ما تفكر بك الا كـ أخ و هذا اللي الكل يشوفه مو عاد محمد ..
ناظرت الساعة .. للحين ما جاه السيد تركي ..
نواف : أنا ودي أعرف وشو له نحتريه الحين هو لما وده يجي يتصل علينا ..
بندر : ما عليه لا تنسى انه توه جاي من تركيا .. ما صار له 10 ساعات ..
.. (( * * ريــمــان * * )) ..
كنت جالسة أقلب في التلفزيون من الملل ذاك ما شفته من آخر مرة .. و للحين هو نايم خاطري أروح عند أمي ..
أجلس شوي عندها و لاّ عند أسيل و لاّ وضحى و لاّ سلمى أحسن من ها الجلسة المملة .. اوووووف .. تروعت يوم انفتح
باب غرفته بس ما بينت / طلع و هو يقفل الباب وراه و يناظر بـ جواله كان لابس بنطلون جنز و تي شيرت مع جاكيت ..
بـ يطلع أظنه ! دخل جواله في جيبه .. و رفع رأسه شافني بس شال عينه و مشي لباب الشقة ..
خير بـ يطلع زين يوديني لـ أمي لحقته ..
ريمان : تركي ..
ناظرني و هو يلبس جزمته ..
ريمان : تركي اذا بـ تطلع تكفى وديني عند أمي ..
فتح باب الشقة و هو يهمس ..
تركي : بكره بـ تشوفينها ..
جاه بـ يطلع بس أنا مسكت ذراعه ..
ريمان : تركي الله يخليك والله أملّ لـ وحدي .. و بعد أول مرة أجلس لـ وحدي في البيت يالله تكفى ..
ناظرني ببرود يقتل والله ..
تركي : زين تعودي تجلسين لـ وحدك .. أجل يوم أروح الدوام وش بتسوين بـ تخليني أوديك عند أمك ..
ريمان : تركي الله يخليك و الله ملانه ..
تركي : لحوووول زين أحتريك في السيارة ..
و مشي ركضت لـ غرفتي سحبت عبايتي لبستها بسرعة و أنا أسحب شنطتي .. ركبت المصعد و أنا ألف الشيلة و أتغشى
خايفه يغير رأيه و يمشي .. نزلت من المصعد رحت لـ السيارة شفته يحتريني فيها .. ركبت سيارته للمرة الثانية ..
حرك السيارة و أنا جلست أناظر الشوارع .. راح بالي لـ يوم ضربته بـ الشنطة .. حاولت أكتم ضحكتي عاد لو طلعت الحين
بـ يظن اني انهبلت .. ناظرته كان يسوق و يد عـ الطارة و يد عـ الدريشة تروعت يوم ناظرني و شلت عيني لـ الجهة الثانية ..
و جلست أناظر الشوارع .. و هو رد يناظر قدام جلست أناظر الشوارع .. زهق زهــق .. ما اتعودت أجلس ساكته
لفيت بـ أناظره عشان نتكلم بس جواله رن قبلي .. رفعه ..
تركي : هلا .. هلا نايف .. الا جاي .. هالحين أوصل الريم عند أهلها و أجيكم .. هههههههههههه شسوي عاد هي تقول
ما اتعودت أجلس بـ البيت لوحدي ههههههههههههههههههههه لا بس خفت تصيح اذا رحت و تركتها ههههههههههههه ..
رفعت حاجبي زين تتطنز يا سيد تركي تتطنز وش وراك ..
تركي : شفيه بندر هااااه هههههههههه متحطم ما عليه خله براحته .. ههههههههههههههههههههه يالله سلام ..
قفل يوم وصلنا لـ بيت هلي .. نزلت بدون ما أناظره .. فتحت باب الحوش و جيت بـ أقفله ..
شفته مشي يوم قفلت الباب .. روحه بلا رده ان شاء الله ..!
**********************
وصلت لـ المقهى دخلت ناظرت و شفت الشباب .. ابتسمت و رحت لهم شافوني وقفوا و سلموا علي ..
جلست جنب نايف و ناظرت و استغربت لما ما شفت خالد .. انتبهت بعد ان بندر مسوي فيها زعلان ..
أدري زعلان عشان اتصل علي و قلت له منيب جاي و يوم اتصل نايف قلت بـ أجي ..
أصلا لو ما اتصل نايف أنا غيرت رأيي و قلت أروح لهم ابتسمت و عطيته طاف ..
تركي : وين خالد ..
نواف : ما جاه .. يقول بكره بـ أشوفه و أنا تعبان اليوم ..
نايف : زين منا مالين عينك ..
تركي : هههههههههههههههه الا مالينها لـ الأخير ..
نايف : ايييييه على بالي بعد ..
ناظرت بندر و ابتسمت في وجهه ..
تركي : شفيك زعلان الحلو ..
بندر : لا أبد سلامتك بس متحطم ..
تركي : هههههههههههههه أفـــااا ما عاش من يحطمك .. منهو اللي ما يستحي ذا ..
بندر : انسان و لاّ أقول مستحيل يكون بشر ..
تركي : ههههههههههههههههه أنا منيب بشر ..
بندر : سبحانه و عارف نفسه بعد ..
تركي : هههههههههه زين بندر رديتها و بـ قوة ..
الكل : ههههههههههههههههههههههه ..
نواف : الا ما قلت لنا اشلوون شهر العسل ..
و ناظرني بابتسامه .. عرفت مغزى كلامه رحت رديت عليه و انا احاول ابيّن روحي مب مرتبك ..
تركي : حـ .. زين .. آ اشلون بـ يكون يعني ..
الكل : هههههههههههههههههههههههه ..
سلمان : ههههههههههههههههههههههههه حطك في الزاوية ..
نايف : ههههههههههههههههههه و انت الصادق حشره في الجحر ..
راكان : هههههههههههههههههههههههههه خفوا عليه شوي ..
بندر : ههههههههههههه لا خلهم ناويين له اليوم ..
كنت أناظرهم و أنا رافع حاجبي بـ الأخير مسكت كوب المويه اللي قدامي و طشيتهم كلهم ..
بندر : آآآآآآآآآآآآآآآآآآآآآآآآآ هههههههههههههههههههههههه تركي وش ذا ..
نايف : هههههههههههههههه بــــــــــــــــــلللللللل عليك حقودي ما تحب المزح ..
تركي : دواكم .. أجل تـ تطنزون علي ليش و لاّ لأني الوحيد اللي تزوجت الحين و انتم رجال خبرة ..
هه مالت عليكم بس ..
ضحكوا و أنا ابتسمت / لو يدرون أنّي متزوّج قبل شبيقولون / ناظرت نايف هو الوحيد اللّي يدري .. همست ..
تركي : عموما بكره قلتم العزيمة ..
بندر : ايييييه في بيت جدي و ترى أهل الامارات جايين ..
نايف : الا و انت الصادق خلاص جوا .. من المغرب و هم في السعودية ..
رفعت عيني لـ نايف كأني أسأله .. " هيثم معهم " .. و داري ان نايف بـ يفهمها و هي طايره ..
نايف : ايه جاه مسود الوجه ..
ابتسمت و نزلت عيني لـ الكوب و جلست أدوره في محله .. لا يكون هو الحين في بيت عمته ..
أجل ليش ريمان تبي تروح و أصرت لا لااااا ما أظن .. و ليش ما تظنّ تسوّيها بعدها تحبّه !
اوووووف كذه بـ أتعب نفسي خلني مع الشباب أحسن ..
************************************
ام متعب : بنيتي ريم ريلج يترياج بره ..
ريمان : يووووه جاه بدري ..
ام متعب : لا أبد جوفي الساعة 1 و انت ييتي من وقت ..
جلست أقفل أزارير العبايه عقب رحت و حبيت رأس أمي .. أما أبوي نايم من وقت ..
ريمان : زين يمه يالله سلام ..
ام متعب : في حفظ الله ..
طلعت و أنا أتغشى ركبت السيارة ..
ريمان : السلام عليكم ..
تركي : و عليكم ..
قفلت الباب و هو حرك بـ السيارة .. جلسنا ساكتين و أنا سرّحت / تدروون خاطري في وشو ..؟!!
خــاطــــري أنــــــام .. خلاص جفوني تقفل حطيت رأسي عـ الدريشه و غمضت عيوني ..
ما أدري كم مر من الوقت بس حسيت به يناديني .. رفعت رأسي و ناظرته و أنا أهمس بنعاس ..
ريمان : هلا ..
تركي ابتسم : هلا بك يالله وصلنا .. و لاّ تبيني أشيلك لـ فوق ..
سحبت شنطتي و أنا أفتح الباب و لا رديت عليه مثله أحقريه / دخلنا الشقة و رحت لـ غرفتي بسرعة ..
دخلت و استحميت و لبست بجامتي .. رحت لـ السرير و لما جيت بـ أتغطى طق باب غرفتي و دخل ..
ابتسم و قرب و أنا جلست مكاني أناظره " جاه و جلس على طرف السرير ..
تركي : بـ تنامين ..
ريمان اتطنز : لا باجرب اموت ..
ضحك ضحكه قصيره و حسّيت بقلبي ينبض فشلت عيني عنه ليدّه كان ماسك جوال بس مهوب جواله .. جلس يلعب به ..
تركي : اممم جبت لك جوال ..
ريمان : ايه غصب عنك ..
تركي : ههههههههههههه زين ..
ناظرني و مد لي الجوال أخذته ..
تركي : سمعيني ريمان لا تعطين رقمك لـ أي شخص ..
رفعت عيني له شفته يناظرني بـ نظرات .. نزلت عيني لـ الجوال ..
تركي : أظن فاهمه قصدي ..
قصده ما أعطي الرقم لأهل الامارات الا خالي خليفة ..
ريمان : زيــن ..
قام و مشي لـ الباب و قبل لا يقفله همس ..
تركي : تصبحين على خير ..
و قفله ناظرت الجوال و قلبت بـ الأرقام .. وضحى , بندر , أمي و أمه و أعمامي كلهم و حريمهم ..
بس يووووه ما في رقم نايف و لا سلمان و لا نواف و لا راكان .. لا يكون ما يبيني أحطهم ..
ما عليه عقب آخذها من جمّون شفت رقمه بعد .. يا حافظ من قال لك اني بـ أتصل عليك ..
بس يالله رحت لملف الصور .. ما في و لا صورة زين اني حطيت الصور بـ اللاب توب ..
زميت شفتي و حطيت الجوال على الكومدينه و تلحفت ..
********************************
.. . (( في جهة ثانية من الرياض * * هيثم * * )) .. .
كنت أجلب موبايلي .. ساعة أطالع رقم ريمان و ساعة أطالع صورها .. ابتسمت لو يدري تركي ان صورها عندي ..
يا ترى شوه بيسوي هههههههههههههههه أدريبه بـ يموت من غيرته .. ياني لئيم والله و تطلع شخصيتك يا هيثم ويّا الأيام !
ههههههههههههههههههه بعد حسام و بشار و عساف ما يدرون عن شخصيتي الأساسية جان عرفوا بـ يبققون عيونهم
من الصدمة .. عسب جيه ما قلت لـ فارس انا على شوه ناوي .. و الله لا أجلب أيامك سواد يا تركي و لا تجوف ..
ان ما خليتك تحط يديك على رأسك من الهم و الشك والله ما أكون هيثم جان زين أصلا ان ما نشرت صور ريمان ..
لو ما جانت بنت عمتي جان من زمان جافها في النت .. لكن آآآه ..
ثم أنا أحبها و لا أبي أضرها بـ شيء عسب جيه فكرت بـ طريجه ثانيه .. طريجه راح أموت تركي من خلالها ..
و أكسب ريمان آآآه فديتها والله .. متى بس يستوي اللي براسي .. يلست أطالع فيلم بـ اللاب توب عقب حطيت الجوال
في مخباة شنطتي منيب قاصر حد ييي يجوفه و يتكمل الباجي كافي غلطة العمر اللي سويتها قبل ..
يوم عن يوم أندم اني خليت اللاب توب و الموبايل .. آآآآه بس ما ينفع الندم خلني الحين أسوي اللي بـ رأسي ..
والله و اللي خلقني لا أدفنك بـ يديني يا تركي .. !!
*************************************************
نهااية الباارت الثالث و الأربعين '$
- توقعاتكم للّي بيسوّيه هيثم ..!
و ان شااء الله عجبكم البباارت ^^
و انتظرواا البارت الجايّ يوم الاربعااء ان شااء الله . .
الباارت الرابع و الأاربعين .. '$
**********************************************
كنت أدور في الصالة أحتري المستر تركي يخلص أنا و أنا البنت خلصت من لبسي ..
و الحين لابسه العبايه و شيلتي على كتفي أحتريه لمّا ملّيت رحت لغرفته ..
ريمان : تركي ..
تركي : هلا ..
ريمان : وينك ؟
تركي : تعالي هنا ..
ما كان موجود بالغرفه مشيت لـ الحمام المردود و وقفت أناظره .. يووووه والله انحرجت بس يالله كان
واقف و لافّ المنشفه على خصره و يحلق ذقنه / وقّف و ناظرني ..
تركي : هلا شتبين ؟
ريمان : متى بـ نروح بيت جدّي ترى تأخرنا حـيـل ..
رجع يحلق ذقنه ..
تركي : أشوفك مستعجلة لا يكون عشان هـ ..
قطعت كلامه و قلت و أنا أتكتف ..
ريمان : هيثم ..
شفته وقف الموس و هو يغمض عيونه بـ قوة عقب ناظرني ..
تركي : زين الحين بنروح ..
و قفل الباب في وجهي كل تبن/ خير ان شاء الله يقفله في وجهي بس يالله حـ أعديها بـ مزاجي
مو عشان خايفه منه ..!
***********************************
قفلت الباب بـ وجهها عقب رحت لـ المغسلة غسلت ذقني و جلست أناظر الدم ينزف من جرح في خدي
الله يغربل الشيطان ما أدرري اشلون جرحت نفسي بـ الموس لما قالت هيثم .. زين بس
اني كنت مخلص بس لا تكون صدق تبي تروح عشانه .. لا يا شيخ وين .. أصلا العزيمة لازم
نحضرها مو عشان هيثم ..
اوووووف أنا ما أدرري ليش أعذب نفسي خلني أسبح عشان نمشي ..
***************************
طلع من غرفته أخيرا .. قمت أناظره كان لابس ثوب أبيض و شماغه الأحمر على كتفه بس
انتبهت لـ لصق جروح على طرف خده ... آهــاااا عشان كذه غمض عينه بـ قوه أثريه جارح
نفسه بـ الموس ..
وقف قدام مراية المدخل اوووووف بعده بيلبس الشماغ .. أنا ما شفت مثله ما غلط بندر يوم قال ..
.. " ان تركي هو آخر واحد في كل مناسبة " .. ناظرني من المرايه و هو يضبط شماغه ..
تركي : خير .. أول مرة تشوفيني و لاّ تطلعين الفروق بيني و بين هيثم ..
قهرني كلامه فـ حبيت أردها له / تكتفت بـ ملل ..
ريمان : لا ارتاح أصلا بدون ما ادقق هيثم أزين منك ..
كان يرفع شماغه من احد الجوانب بس وقف و لف علي يوم قلت ها الكلام .. بلعت ريقي "
الله يقص ها اللسان ..
والله ان ما ذبحني ما يكون تركي !! ما حسيت به الا ماسك ذراعي و يرص عليه بـ قوة ..
قربني منه لين صرت ملاصقه له و هذا اللي أربكني ..
تركي : يعني هيثم أزين مني هااااه ..
ريمان : فك ذراعي يا الحمار هرسته ..
رص على ذراعي أكثر و أنا غمضت عيوني ..
ريمان : خلاص زين .. انت أزين من هيثم ارتحت كذه ..
قرب وجهه من وجهي و قال بنبرة تهديد ..
تركي : أحذرك يا ريمان كان تبين تتمين سليمة لا تطرين هيثم قدامي هذا غير انك تتغزلين به ..
و ثانياً أنا ما أحتاج رأيك عشان أصدّق أنّي أزين تكفيني ثقتي / و ثالثا أنا منيب خسيس مثله ..
و ناظرني بـ نظرة و عرفت انه يقصد .. " مقطع الفيديو " .. نزلت عيني لـ الأرض ..
تركني و رجع لـ المرايه و أنا ظلّيت واقفة ما تجرأت أرفع عيني له و كنت أناظر يدي
و ألعب بـ أصابعها .. بس لما مشي لـ باب الشقة و هو يشيل مفتاح سيارته .. مشيت
وراه نزلنا بـ المصعد هو ساكت و أنا بالعه لساني والله شيء طبيعي أبلعه ردها لي و بـ قوة !
ركبنا السيارة و جلست أناظر الشوارع والله مهيب عيشة اللي أعيشها الحين ..
غمضت عيوني بـ تعب .. تخيلوا عاد ان ما شفت المقطع كان جلست على ذمة هيثم و تزوجته ..
ناظرت تركي .. للحين مستغربه ليش ما تكلم عن اللي في المقطع يوم شافه ..
مثله كان تشفى مني و جاه يتمصخر عليّ و على حظي الخايس بس على قولة عمي خالد ..
ما يبيني أتألم من زينه أنا الحين كذه و لاّ كذه أتألم لأني زوجته ..!
كان زين بعد ان تزوجت سلطان بس لـ .. خلاص خلني ساكته انتبهت لما همس ..
تركي : لـ المرة الألف أقول لك لا تناظريني ..!
زميت شفتي بـ ضيق و لفيت أناظر الشوارع أموت و أعرف ليش ما يبيني أناظره ..
معقولة يرتبك يوم أناظره / لا مستحيل ذا ما يحس وقفنا عند إشارة .. لمحته يطلع سيجارة
و يولعها تأففت بـ صوت عالي .. ناظرني بس طنش ..
ريمان : انت لا تدخن ..
ناظرني و ابتسم بـ طنازة ..
تركي : آمري تدللي الحين أرميها ..
و رجع يسحب من السيجارة و ينفث الدخان بره و هو يرد و يناظر قدام ..
ريمان : انت شفيك غبي تدخن و عندك الربو ..
تركي بطنازه : لا تخافين ترى حنا الحين في السعودية مو في تركيا .. يعني ما بـ تتوهقين
ان صار فيني شيء ..
قال كل ذا و هو يسوق و يبتسم بـ طنازة / أنا أموت و أعرف شاللي حارقني بكيفه لو يحشش بعد ..
وصلنا لـ بيت جدي أخيرا .. دخلنا لداخل بـ السيارة و لما وقف نزلت بدون ما أعطيه وجه
بس هو همس ..
تركي : لحظة ما بـ يطير هيثم ..
رفعت الغشوة و ظلّيت واقفة بره أناظره و هو داخل السيارة " كمل سيجارته و هو يناظرني
بـ برود حرقني ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك