رواية كثر ما قلتلك اكرهك كثر ما انا اهواك -34
تنهدت و أنا اتذكر المخطط اللي خططت له في الرياض سويت بدايته في لبنان و هونت و ليش ما أهون و أنا اعرف
اني أنا الخسرااااااانه فيه ..؟!!
ريمان بيأس : اااه شسوي ..!!
******************************
.. (( السعـ السـ8:20 الليل ـاعة ـودية )) ..
ام محمد : جد يا بنيتي ..
جمانه : ايه يمه ..
ام محمد : للللللللللللللللوللللللللللييييش مبروك ألف مبروك الله يتمم عليك يا بنيتي و يجي بـ السلامة ..
جمانه : ههههههههههههههههههه يمه شوي شـوي ..
ام محمد : هههههههه و الله من فرحتي يا بنيتي الله يا رب يرزقكم الذرية الصالحة ..
جمانه : آآآمين ربي يسمع منك يمه ..
ام محمد : عطيني خليفة أكلمه ..
جمانه : زين يمه بس .. انت قولي لأبوي أستحي أقول له ..
ام محمد : و لا يهمك ان شاء الله ..
جمانه : يالله خذي خليفة ..
خليفة : هلاااا خالتيه ..
ام محمد : هلا و الله بـ أبو خليل هلا ..
خليفة : هلا بج خالتيه .. شحالج عساج طيبة ..
ام محمد : الحمد لله بخير .. . مبروك يا وليدي .. الله يتمم عليها بـ السلامة و يقر عينكم به ..
خليفة : الله يبارج فيج خالتيه ..
أم محمد : يالله يا وليدي اهتم فيها .. و أنا بـ أروح أبشر أبوها و أخوانها ..
خليفة : انزين خالتيه الله معج ..
*************************************
.. (( تركـيـ السـ 7:20 الليل ـاعة ـا )) ..
كنت أدور في الغرفة رايحه جايه و ألعب بـ خصل شعري .. من البارحهـ و أنا ما طلعت من غرفتي أبدا ..
أصلا من وين بـ تجيني الجرأه عشان أسويها و أطلع له ... آآه لو ما صحيت امس و رحت له كان أنا مرتاحهـ الحين ..
وقفت قدام المراية .. ضبطت شعري .. و ناظرت لبسي .. كنت لابسة بلوزة كات مخملية لونها أحمر مشجرة
بـ ورد أبيض .. و لها فتحه عند الصدر .. و بنطلون أبيض سكيني .. مع جزمه باليرينا ناعمه و مشجره ..
اوووففففف وش ذا الملل .. ما أدري شـ الجرأه اللي جاتني فجأه بس والله من الطفش ..
رحت للباب أبي أطلع خلاص مصممه فتحت قفل المفتاح بـ هدوء و عقب فتحت الباب بـ هدوء أكثر ,,
يمكن يكون نزل يتعشى .. ما بيجلس يحتريني أعرفه يمل بـ سرعة ناظرت في الصالة ما لقيته ..
و لا لمحت جواله عـ الطاولة .. أشـــــوى مشيت لـ الصالة .. جلست أدور على الريموت ودي أفتح التلفزيون ملآنة ..
بس لما ناظرت في الرفوف حسيت بـ نفسي انقطع .. و حسيت بـ البرود يسري بـ دمي ..
تركي هنا ذا جواله يتربع عـ الرف ما بلعت ريقي الا و حسيت بيده على ذراعي ..
شهقت يوم لفاني له و خلاني أواجهه بلعت ريقي .. " جاك الموت يا تارك الصلاة " .. الحين أعذره بـ اللي يبي
يسويه لأني باختصار أستاهل ..
قربني منه .. و صار يناظرني بس مو بـ عصبية لا .. كان يدور بعينه على ملامح وجهي ..
حسيت نفسي محترقة من نظراته نزلت رأسي بس هو حط يده تحت ذقني و رفعه .. غمضت عيوني يوم
همس و هو يـ تساءل ..
تركي : واطي .. ؟!!
نزلت رأسي و أنا أعض على شفتي .. قربني منه أكثر لـ درجة حسيت بـ حرارة أنفاسه
حطيت يدي على صدره كأني أقول له " خلاااااااص يـكـفـي " بس هو قربني أكثر قرب وجهه من وجهي و همس ..
تركي : في أي بنك تبيني أصرف ها الكلمة ..
ريمان : تـ .. تـ .. تركي أنا .. مـ ..
حط يده على شفتي .. سكت .. صار يناظرني عقب حط أصبعه على فمه ..
تركي : اصصص و لا كلمة " و أشر على الغرفة " روحي ألبسي عبايتك .. بنروح المطعم الجوع قارصني ..
مشيت بسرعة من عنده دخلت الغرفة .. جلست على السرير أسحب نفس آآآه أشوى ما سوى لي شيء ..
جلست أناظر يدي بس تروّعت يوم دخل و همس بحدّه ..
تركي : شفيك ما تفهمين .. قومي يالله ألبسي ..
قمت و سحبت عبايتي من العلاقة جلست اقفل الأزارير .. بس لما لفيت أخذ الشيلة طاح وجهي في الأرض ..
لما شفت تركي يبدل ملابسه .. عطيته ظهري بسرعة الله يأخذك يا تركي يعني ما في غرف ثانيه او غرفه ملابس ..
سحبت شنطتي و شيلتي و طلعت بـ سرعة بره الغرفة بدون ما اناظره .. جلست فوق الكنبة أحتريه و أنا ألعب
بحبال شنطتي و الله متفشله اشلون بـ أقدر أناظره الحين .. قمت لما شفته طالع من الغرفه ..
راح سحب جواله من الرف و مشي و أنا وراه .. زين عطيني وجه يقالك زعــلان .. 60 دهيه تروح فيها يا رب ..
نزلنا و ركبنا تاكسي رحنا على مطعم .. جلسنا نأكل بدون ما نتكلم عقب توقعت نرد الفندق بس هو راح عـ المتنزه ..
نزلنا و جلسنا على كرسي خشبي جلست ألعب بـ جوالي و هو يدخن .. اوووووف مليت من ها الروتين ..
ما غير نجلس أنا ساكته و هو يدخن .. همست ..
ريمان : انت ما ودك تترك التدخين ..
ما رد علي جلس يدخن و بس .. لا و يوم قلت له جلس يسحب من السيجارة ببرود ..
ريمان : تركي أكلّمك ..
تركي : .................. " ساكت و بس " ..
ريمان : لا تحسبني خايفة عليك لما نرد السعودية دخن لين تتعب .. لكن هنا لا .. أخاف تموت و أتوهق معك ..
ناظرني أخيراً بس كانت نظرته حادة .. قسم بـ الله أرعبني بس ما بينت .. قال لي بطنازة ..
و نظرة العصبية ما راحت عنه ..
تركي : لا تكفين طلبتك حبيبتي خافي علي مثل ما أخاف عليك ..
و رجع يتكلم بـ عصبية و هو يصك على أسنانه ..
تركي : من قال لك ان انت الوحيدة اللي مبتلشة فيني ترى أنا بعد ندمت على اللي سويته .. أغبى خطوة سويتها
اني حيرتك قدام الشيوخ .. و ترى الموت بـ يكون راحة لي منك ..
صدمني بـ كلامه .. و قهرني أكثر يوم رد يدخن بـ ببرود هذه المرة الثانية اللي يجرحني فيها .. مرة في لبنان و الحين ..
صديت لـ الجهة الثانية .. و جلست أفكر بـ كلامه شوي قام من عندي .. ما قمت جلست أناظره وين راح
شفته يروح لـ كشك يبيع آيس كريم طلب .. عقب جلس واقف يناظر اللي حوله ..
فتحت عيوني على آخرها يوم شفته يتكلم مع بنات يتحسب اني بـ أروح له .. يقلب وجهه ..
ما همني لو يتكلم مع بنات العالم كلهم ما همني / شفته يضحك .. ما أدري شقالوا له البنيات بس وااضح انهن سعوديات
شوي أخذ صحن واحد آيس كريم و مشي و هو يأشر للبنات بـ باي .. جاه و جلس و بدأ يأكل من حقه ..
زين تركي .. يتحسبني بـ أترجاه يشتري لي لكن ان ما وريتك ما أكون ريمان ..
طلعت جوالي اللي يرن .. و الله و اتصلت في وقتك يا هيثم قمت من عنده و رحت لـ جهة فيها ورد ..
جلست ألعب بـ الورد و أنا أرد على هيثم ..
ريمان : ألــووووو ..
هيثم : هلا ريم هلا .. أخيرا رديتي ..
كنت أرد على هيثم بـ جفا بس حاولت أخلي روحي مبتسمة ..
ريمان : خير شتبي .. انت ما تفهم كم مرة قلت لك لا تتصل علي ..
هيثم : انزين شسوي أنـ ..
تروعت يوم سحب تركي الجوال من أذني شفت ملامحه تلونت و انقلبت لـ العصبية ..
أكيد هيثم قال أنا .. " أحبج " ..
تركي : حبك برص قول آمين / لكن تدري الشرهة على اللي ترد عليك .. .. .. .. ما عليه هيثم ..
زيــن زيـن انت هالحين منت قدامي .. ما عليه هيثم و الله لا أربيك بس خلني أشوفك ..
قفل الجوال و ناظرني بـ عصبية و أنا بلعت ريقي و شلت عيني لـ الورد .. عقب رفعتها يوم مشي عني ..
انصدمت يوم شفته يروح لـ البركة اللي بـ الحديقة و يغطس جوالي فيه .. رحت له بسرعة و مسكت يده أبي أرفعها ..
بس هو ثابت و لا ناظرني ..
ريمان : هيييي ما أسمح لك ذا جوالي مو كيفك تخربه ..
ما رد علي جلس يناظر الجوال اللي داخل المويه و بس / حسيت نفسي بـ أصيح بس مسكت نفسي ..
ريمان : حرام عليك تركي ..
تركي : .............. " ساكت و لا حتى عطاني نظرة .. كل اللي مسويه انه مغطس جوالي بيده " ..
ريمان برجا : تركي ...
لما يأست مشيت عنه .. و الله تآكل التبن يا الكلب مشيت و رحت لـ تاكسي ..
ما قلت له يروح لـ الفندق .. أدريبه بـ يعرف على طول قلت له يروح لـ مطعم قريب من الفندق ..
وقف و نزلت .. جلست على طاولة .. جاه النادل و عطاني اللائحة .. بس نفسيتي كانت زفت ..
ما صرت أميز الدنيا من دموعي اللي تجمعت بـ عيوني .. شذي العيشة اللي أعيشها ..
كرهت حياتي و الله كرهتها .. آآآه لو كنت في الرياض كان مداني أتصرف لكن هنا من لي .. غيره ..
غطيت وجهي و جلست أصيح .. حاولت أمنع روحي بس ما قدرت ..
طلعت من المطعم و رحت لـ متنزه جنبه .. ناظرت بـ الأول الفندق اللي أقدر أروح له مشي ..
عقب دخلت على المتنزه .. جلست على كرسي و أنا أمسح دموعي .. ما انتبهت الا على واحد يجلس جنبي ..
ناظرته و قمت بـ سرعة ..
ريمان : خير انت .. شتبي جالس هنا ..
ابتسم و قهرتني ابتسامته .. كان وااضح عليه خليجي .. طنشت و مشيت عنه بس هو اللوح جلس يمشي جنبي
بس بعيد شوي .. لما مليت ناظرته بملل ..
ريمان : نعم خير شتبي ..
.. : وشو له تصيحين .. شفتك في المطعم و قلت ألحقك ..
ريمان : شيء ما يخصك ..
.. : مضيعة أحد ترى أنا حافظ تركيا كلها ..
ريمان : تسلم انت و خدماتك منيب مضيعه أحد ..
.. : زين عطيني وجه أنا اسمي فهد ..
ريمان : مبروك شسوي لك يعني .. اسمي فهد .. بـ داهيه انت و اسمك ..
فهد : هههههههههههههههههههههههههههههههههههههه من اللي معصبك قمرهن ..
ناظرته باحتقار و مشيت أفضل شيء عشان أفتك من ها النشبه أرد لـ الفندق ..
ناظرت وراي بس ما شفته لقيته يروح لـ جهة بنية .. أحسن بعد فكه مشيت لـ الفندق .. وصلت ..
رحت لـ الريسبشن .. بآخذ المفتاح بس هي قالت لي ان زوجك خذاه .. سألتها و أنا أبلع ريقي ..
ريمان : when .. ?? .. / متى .. ؟!!
الريسبشن : about 30 minutes / حوالي ثلاثين دقيقه ..
ريمان : thanks ..
يا ويلي ويلاه والله ليذبحني .. ابتسمت لها و طلعت طقيت على باب الجناح جلست واقفة و أنا أبلع ريقي ..
فتح الباب بـ القوة رفعت عيني أناظره شهقت يوم سحبني من ذراعي بـ قوة .. دفني داخل و قفل الباب ..
زين قدرت أفصخ شيلتي الا وهو جايني حسيت بـ الشرر شوي و يطلع من عينه ..
أول مرة أشوفه معصب هالكثر شدني من ذراعي بقوّه ..
ريمان : آآآآآآآآآآآآآه تركي وجع فكني ..
شد على ذراعي أكثر و هو يصك على أسنانه ..
تركي : انت وشو انت حمارة , سخيفة, خبله ؟ شايفتني طرطور عندك منيب مالي عينك منيب رجـال قدامك
تروحين و ما أدري عنك ..
كنت أعض على شفتي ما أبي دموعي تسيل بس لـ الأسف خانتني .. ضربت يده أبيه يفكني بس هو دفني عنه /
خبط ظهري بالجدار و بلعت ريقي بخوف لمّا شفته جاي ..
ريمان : خير ما كفاك بغيت تقلع ذر ..
ما كملت لأنه سحبني من ذراعي ..
ريمان : آآآآآآآآه تـ ..
تركي : اصصص و لا كلمة لا تخليني أسوي بك جريمة الليلة ..
ريمان : وش بتسوي يعني تهددني ..
شد على ذراعي و أنا غمضت عيني من الألم ..
تركي : ايييييه أهددك و سمعيني زين يا ريمان والله و حطيها حلقة بإذنك لو فكرت مجرد تفكير تعيدينها لا تلومين
الا روحك فـــاهــــمــه و هذه كلمة رجال و لا بـ أسحبها ..
قلت له بـ عصبية و تهور ما حسبت له حساب ..
ريمان : انت أصلا منت رجال كـ ..
ما قطع كلامي الا ذاك الكف اللي أول مرة أذوقه .. طحت عـ الأرض مسكت خدي و ناظرته منيب مصدقه
و هو كان يناظرني بـ ضيييييييق .. أشرت لـ نفسي منيب مصدقه ..
ريمان : أنا تعطيني كف أنا ريمان أنعطي كف .. و من مين ما غيرك انت يـا الـ ..
شهقت يوم جاني بسرعة و هو فيه حقد الدنيا كلها سحبني من ذراعي ..
تركي : شفيك انثبرتي .. كملي ولاّ تعبتي ؟ زين أنا اكمل عنك .. ما غيرك انت يا الـ واطي ..
قالها بـ طنازة .. أما أنا كنت ساكته خايفه يعطيني كف ثاني .. رفعت عيني له كان يناظرني بـ ملل ..
دفني عنه و قال بقرف ..
تركي : روحي جهزي الأغراض .. بنرد لـ السعودية بـ أقرب رحلة ..
و مشي و طلع من الجناح .. قمت بثقل ناظرت خدي في مراية المدخل .. مررت أصبعي على علامة أصابعه الحمراء
عضيت على شفتي بـ ألم و ارتميت عـ الأرض و جلست أصيح ..
*****************************************
جلست في مقهى الفندق منيب ندمان على اللي سويته .. خلها تتأدب خير الدنيا سايبة تركب تاكسي و تروح ..
لا و بعد ما أدري وين راحت قبل لا تجي .. يالله اشكثر ها البنت قاسية ما توقعتها لها الدرجة حاقرتني ..
واطي و الله لو تعرف اشكثر ها الكلمة تجرحني كان و الله سكتت و لا عاد قالتها .. و منت رجال هذه آخر كلمة كنت
أتوقع أسمعها منها .. زين ريمان .. أجرحي أجـرحي لين ترتاحين ذا كله جبته لـ نفسي ..
و المشكلة اني المفروض معلمها الحين منهو الرجال .. لكن ها القلب الله بـ .. آآآه يضعف قدام الدموع و لاّ كنت ناوي
عليها نية مو زينة اليوم غطيت وجهي و أنا أتنهد .. اشلون بس قدرت تنسى أيّامنا في لبنان / كانت كانت حلوه !
و لحظاتها ما تتنسي من جد / بس ذي الريم .. ذي البزر اللّي حبّيتها و مستحيل تتغيّر !
****************************************
اجرح مدام الجرح فيني يسليك * * اجرح عساك تكون السبب في وفاتي
**************************************
نهآيةة البآرت الوآآحد و ألأربعين ..
توقعااتكم + ان شاء الله عجبكم
* الباارت الجاي يوم السبت ان شاء الله
البـاارت الثااني و الاربعين .. '$
**************************************
.. (( السعـ * * ريمان * * ـودية )) ..
كنا واقفين نحتري عمي خالد .. هو في جهة يناظر و أنا في جهة كنت متكتفه و أناظر اللي يجون ..
انتبهت لما ناظرني و رفع حاجبه ..
تركي بهمس : تغشي ..
ناظرته بـ ملل ..
ريمان : شتبي خير ..
تركي : الخير بوجهك ..
و مد يده و مسح على خدّي قبل يهمس ..
تركي : تـــغـــشـــي ..
دفيت يده عن خدي و تغشيت و هو جلس يناظرني عقب شل عينه على قدام أما أنا قربت شوي ..
ريمان : هالحين لما يوصل عمي راح أقول له انك ضربتني و آلمت ذراعي ..
عكس ما توقعت ابتسم و ناظرني ..
تركي : آهـااا و قولي له اني غطست جوالك في الموية و قولي له ليش سويت كل ذا اوكي ريمان ..
و ناظرني بـ نظرة تحدي .. أما أنا لفيت على الجهة الثانية و شويّ لمحت عمي ..
ريمان : عـمـي ..
و مشيت له و تركي وراي و هو يشيل الشنط أصلا كلها شنطتين .. انتبه لي عمي و جاه يسلم علي ..
أما أنا من ضمني في حضنه صحت ..
خالد : هههههههههههههههههه علامك الحين تصيحين كلها أسبوعين و رديتي ..
جلست أصيح بـ صوت عالي و أشاهق على حضنه " جاه تركي و ناظره عمي ..
خالد : هلا تركي اشلونك ..
تركي : بخير انت شخبارك ..
خالد : تمام التمام الا شفيها هذه تصيح ..
كنت للحين على كتفه أصيح ..
تركي : ما أدرري يمكن عشان جوالها طاح في بركة مويه ..
خالد : ههههههههههههههههههههههههه انت من جدك تتكلم ..
تركي : هههههههههههههه ايييييه والله تخيل عاد ..
بعدني عنه خالد و رد يناظر تركي ..
خالد : تركي بلا مصخرة عشان جوالها تصيح ..
ناظرت تركي و هو ناظرني و هز كتفيه ..
تركي : والله عشان جوالها و ..
و ناظرني صرت أناظره بـ صدمة ذا من جده بـ يتكلم بس هو رد عينه على عمي ..
تركي : و بس ..
خالد : والله ما يندرا عنكم أمشوا بس عـ السيارة ..
راح لـ تركي و شل عنه شنطه و مشي هو معه رحت لـ جهة عمي بس هو ناظرني و حواجبه رافعها ..
خالد : هالحين أنا زوجك و لاّ تركي ..
تمسكت في ذراعه لما ناظرني تركي بـ طنازة ..
ريمان : عمي مشتاقة لك هو بـ يجلس أربع و عشرين ساعة في وجهي ..
تركي : ايييييه يا حافظ ..
قالها بـ طنازة / ناظرنا عمي و سكت .. وصلنا لـ سيارته دخل هو و تركي الشنط في شنطة السيارة ..
عقب ركب هو و عمي قدام و أنا ورى حرك عمي و بدت السوالف ..
خالد : اشلون كانت الأسبوعين ..
تركي : عـــســــل ..
ريمان : و انت الصادق قــشــطــه ..
خالد : هههههههههههههههههههههه زين شسويت انت معها هناك ..
تركي : و لا شيء ..
خالد : تصدقون .. نواف قال يا هو بـ يذبحها يا هي بـ تقتله ما بـ يردون سالمين ..
تركي : ههههههههههههههه من يومه فيلسوف زمانه ها الـ نواف ..
ريمان : الا اشلون الأهل عمي ..
خالد : يسلمون عليكم .. بكره جمّون بـ تجي من ابو ظبي ايييييه صح تذكرت ..
ريمان : وشو ..
خالد : جمانه و خليفة بـ يجيهم خليل ..
ما استوعبت بـ البداية .. بس تركي مال و هو يناظر خالد و يهمس بضحكه ..
تركي : جــد مـــبـــروك ..
ريمان : ميــــن .. جمّون حــامــل ..
خالد : ايه ..
ريمان بحماس : الله وناسه الله يتمم عليها بـ السلامة ..
خالد : آآآمين .. يالله ان شاء الله ولد ..
ريمان : لا بنت ..
خالد : لا ان شاء الله ولد .. و اذا تبين البنت جيبيها انت ..
حسيت نفسي بـ تطلع عيوني من كلمته و لأني كنت ورى خالد لف علي تركي يناظرني بابتسامة ..
عقب رد و ناظر عمي خالد ..
تركي : ان شاء الله قــــريـــــب ..
خالد : ههههههههههههه ان شاء الله بـ تكون معجزة القرن .. ريمان حامل من تركي هههههههه ..
حسيت بـ تركي انحرج والله منيب أقل عنه و ذا عمي ما يحشم وجع .. ضربه تركي بكتفه ..
تركي : وووجججع خالد استحي ..
خالد : هههههههههههههه ليش عادي سنة الحياة ..
ضحك تركي و هو يلف لـ الدريشة أما أنا من البداية بلعت لساني من الإحراج الله يغربل إبليسك من عم ..
وصلنا خالد لـ بيتنا أنا و تركي اللي للمرة الأولى أشوفه كانت بنايه .. واااااااااااااااااو أول مرة
أسكن في بناية في السعودية بس تدرون وااضح عليها حـيـل فخمه / كانت واجهتها حجر بيج
اللي يسمونه " حجر الرياض " و باب البناية زجاجي يبين اللي داخل ..
خالد : يالله وصلنا ..
تركي : مشكور يا خالد ..
خالد : تبيني أساعدك في الشنط ..
تركي : لا ارتاح يا الغالي تعبتك معي ..
خالد : والله لا تعب و لا شيء ..
تركي : بعد ارتاح و يالله سلام اشوفك بعدين ..
خالد : سلام ..
نزلنا أنا و تركي شال تركي الشنط و دخلنا لـ البناية أما عمي مشي بسيارته .. دخلنا داخل ..
تعرفون العمارة من داخل كلها لونها " وردي مع أبيض و بني غامق " و كانت رخام و فـــخــمـــه ..
ركبنا المصعد اللي به مراية و باقي أطرافه رخامية لا و اللي أول مرة اشوفه ان له بابين كل باب يودي
على جهة في البناية و كل جهة بها شقة وحدة و طبعا في درج .. المهم وقف المصعد في الدور الثالث
من أصل خمس أدوار رحنا من جهة الجنبين كان فيه بابين و كلها حق شقتنا فتح تركي الباب الرئيسي
و ناظرني و هو يهمس ..
تركي : هلا والله توّ ما نورت الشقه ..
رفعت رآسي و أنا أهمس بـ " أدري " آبتسم و همس و هو يدخل قبلي ..
تركي : سمّي بس عساكي تكونين فاتحه خير ..
عصّبت بقوّه منّه و قفلت الباب ورايا بقوّه و طلع صوت قويّ .. ناظرني بنظره و أنا طنّشته و مشيت قبله بس
شقول لكم عن الشقة تقولون شقتين مفتوحة على بعض .. كانت كبيره و حلوه بشكل ...
ناظرت تركي يوم دخل عـ الصالة الداخلية .. لحقته و شفت في نهاية الصالة مثل القوس و به درجتين بس ..
طلعها و كانت مساحه مربعه واسعة شوي بس في بابين .. دخل تركي الباب اللي عـ اليمين بعد ما فتحه
بـ مفتاح كان في جيبه استغربت بس شفته يحط شنطتي و طلع و راح لـ الباب الثاني ..
و قفله في وجهي مالت عليك فكه بعد .. كان بين البابين دولاب صغير بني غامق كله ثلاث دروج ..
و على ما أظن به شراشف و سجادات الصلاة حق الضيوف و على سطحه به مزهرية ..
انصدمت يوم شفت جنب المزهرية .. صورنا ايه صح حنا تصورنا في الزواج .. ناظرت الصورة كان مبتسم من قلب
أما أنا بـ الغصب ابتسمت .. الشقة كلها ريحتها بخور و عود أكيد وضحى جات و بخرتها و الحين وين أروح ..
خلني أدخل الغرفة اللي فتحها كانت الغرفة الوحيدة اللي ما دخل فيها العود و مرتبة " كانت غرفة نوم ..
تروعت يوم سمعت صوت تركي لفيت اناظره و هو أشر لـ الغرفة ..
تركي : هذه غرفتك يا آنسه ريمان و بها حمامك و ترى ملابسك كلها اللي علقوها اهلك في غرفتي لأنه مو داعي نبين
لـ الكل ان كل واحد بـ غرفة و الحين تعالي شيلي أغراضك أبي أنام ..
و مشي عني خير شيبي ذا يكلمني كأني قتلت له أحد / ما عليه تركي أنا الحين تعبانه و منيب رايقه لك ..
رحت لـ غرفته و هو راح لـ الصالة الرئيسية وقفت و أنا أناظر غرفته .. زين تركي يا الطماع أنا معطيني سرير أصغر
من سريره و هو ينام على سرير مزدوج و الغرفة أحلى من غرفتي .. فتحت الدولاب لقيت ملابسي المعلقة و اللي مطبقه ..
شلتها كلها و رميتها فوق سريري .. بعد ما نقلت كل الملابس لـ غرفتي و الإكسسورات و كل شيء رحت لـ غرفتي ..
و أنا رايحه كان هو جاي لـ الغرفة ..
تركي : خلصتي ..
ريمان : ايه سيد تركي ..
كنت بردها له بس هو طنشني و دخل الغرفة و قفل على وجهي زميت شفتي رحت و رتبت غرفتي و رتبت الملابس في
دولابي و نزلت ملابسي من الشنطة و رتبتها عقب أخذت الشنطة و حطيتها في درج في الشفرينه ..
و أنا أرتب لقيت جهاز ربو في درج التسريحه فكرت أعطيه لتركي بس هوّنت و حطيته في درج الشفرينه ..
وقفت عقب و ناظرت الغرفة .. كانت حلوه و هاديه و تقريبا من ذوقي لا تصدقون طلع تركي عنده ذوق ..!
بس يمكن وضحى ساعدته ..! لا مستحيل ما أتوقع انّه يقولها كيف نعيش ..
تنهدت و رحت لـ الحمام تسبحت عقب طلعت و أنا اربط الروب علي بس انصدمت يوم شفته واقف و يدور
في دروج التسريحة .. انتبه لي من المرايه و لف بسرعة علي و صار يناظرني من فوق لـ تحت ..
الله ياخذني المشكلة الروب قصير لـ الركبة و فكره أنّي مو بلابسه شيء تحته وترتني شديته علي في الوقت
اللّي جاه هو لي مد يده و من ربكتي ما سويت أي شيء .. حط يده على خدي تنهد عقب تكلم بهمس ..
تركي : لا تجبريني أسويبك كذه مرة ثانية ..
كان يقصد الكف .. شلت عيني عنه و همست ..
ريمان : اطلع براا ..
تركي : زين بس ما شفت جهاز الربو حقي ..
همست بسرعه أبغى الفكه منه ....
ريمان : في درج الشفرينه ..
جلس يناظرني عقب همس و هو شبه مبتسم ..
تركي : ما تبين تكونين مكان جمّون ..
طاح وجهي في الأرض من الفشله مالت عليه ..
ريمان : أطلع براا ..
نزلت يدّه تمسكني من كتوفي ..
تركي : قولي ما تبين عيال ..
غمضت عيوني بقوة و من الارتباك صرخت بـ وجهه ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك