رواية كثر ما قلتلك اكرهك كثر ما انا اهواك -33
طلعت فوقه و رحت جنبه هزيته ..
ريمان : يعني ما في غير ها السرير ..
تركي : اووهووو ريمان شفيك .. ايييييه ما في غير ها السرير حشا و لا برهومي يسوي كذه ..
جلست أناظره .. و هو ابتسم و غمض عيونه ..
تركي : لا تناظريني كذه مهيب غلطتي خليني أنام لا تزعجيني ..
حسيت نفسي بـ أصيح أكيد غلطتك / غلطة مين اجل .. مسكت مخدة صغيرة و شكلها مربعي و رميتها على وجهه ..
تركي : هههههههه ريمان بلا خبال ..
ريمان : زيـن أنـا بـ أنـام بـعـد .. شسـوي ..
قال ببرود و هو يناظرني ببرود أكبر ..
تركي : زين نامي و أنا قلت لا ..
زمّيت شفّتي و همست بـ " غبي " و أنا ألفّ أبي أنزل عن السرير ..
بس شويّ حسيت بذراعينه تلفّ خصري و تسحبني له .. شهقت و هو ضمّني لظهره و كمّل نومته ..
حسّيت أنّي حقدت عليه له عين بعد / بكلّ قوّتي رفعت ذراعي و خبطته في صدره بكوعي ..
تأوّه و فلتني و هو ينقلب على بطنه .. ناظرته لمّا بعدت و أنا أتساءل ما عورّته بقوه صح ؟!!
جلس ساكن قبل لا يناظرني بـ نظره و هو يهمس ..
تركي : بينك و بين صدري عداوه ؟
تلوّن وجهي و عرفت إنّه يقصد يوم طعنته قبل .. همست بـ حقد مع إحراج ..
ريمان : تستاهل ..
تركي : أدري إنّي استاهل !
جلس و رفع التي شيرت و ناظر صدره و أنا أحمرّيت و صدّيت بس غصب عنّي رجعت ناظرته ..
صدره كان كلّه عضلات و بطنه بعد مشدوده .. رفعت عيوني و شهقت و بلا شعور مدّيت يدّي و لمست صدره و أنا أهمس ..
ريمان : ذي للحين باقيه ؟ ما عرفت إنّها سوّت أثر ..
مسحت على أثر الجرح اللّي جرحته إيّاه قبل و همست ..
ريمان : تعورّك ؟
آستغربت سكوته و ناظرته شفته يناظرني بتأمّل و عيونه نصف مقفوله .. حسّيت بروحي أولّع من الإحراج ..
شلت يدّي عن صدره و هو نزّل التي شيرت و هو يهمس ..
تركي : بـ أروح أنام بالصاله !
بلعت ريقي و هزّيت رآسي و من طلع آنسدحت و أنا ألفّ اللحاف عليّ .. شسويت والله إنّي مجنونه !!
******************************
.. (( * تـركـي * السـ8:20 الصبح ـاعة )) ..
جلست و أنا أتأفف منيب قادر أنام أحس ظهري متكسر .. تنهدت و ناظرت باب الغرفة ما أقدر حتى أروح أنام عندها !
أخاف أتهوّر و أنا متأكّد إنها مب مستعدّه ! قمت من الكنبة و مشيت لـ الغرفة و أنا عند الباب ترددت أفتحه أو لا ..
بس بـ الأخير فتحته دخلت بـ هدوء و مشيت لها جلست أناظرها و هي نايمة / و جلست على ركبي ..
و جلست أناظرها .. هذه عشيقتي ياا ناس هذه حبي ..!
و الله ما راح تصدقون ان قلت لكم اني للحين منيب مستوعب انها زوجتي خلاص ..
يعني حلالي و محد بـ يلومني في اللّي أسويه .. مديت أصبعي و مررّته على ملامحها الهاديه و المرسومه
و نزلت على شفّتها ثمّ لخدّها .. شلت يدّي لمّا مدت يدها و منسحت خدّها .. ابتسمت و أنا أرجع بأصبعي لخدّها /
مهيب حاسّه فيني ..!
*************************************
تأففت لـ المرة الثانية .. و حركت شعري عن وجهي عادة أتأفف اذا طاح شعري على وجهي أحس به يحكني ..!
فتحت عيوني بـ كسل و طاحت عيني بعيون بندقيّه ظلّيت ثواني أستوعب قبل لا أجلس بإرتباك ..
ريمان : تركي ..
تركي بهمس : عيونه ..
ارتبكت و انحرجت بنفس الوقت .. همست ..
ريمان : تبي شيء ..
تركي : عادي أنام هنا ؟
بققت عيوني بـ خوف لا أكيد لا ! لاحظ خوفي و همس ..
تركي : الكنبه قاسيه و ..
ريمان : ايه عادي عادي أصلا أنا شبعت نوم تعال انت نام !
ناظرني للحظات بنظررات ما فهمتها و أنا قمت و أنا أبتسم بتوتر و طلعت من الغرفه .. و لمّا جيت بأجلس
طلع هو من الغرفه / ناظرته بارتباك و هو يشيل المخده و اللحاف من فوق الكنب و يردّ يدخل الغرفه بدون ما
يناظرني و لا مرّه .. زعلان ! أكيد أنّه زعلان ....
جلست اتقلب بـ السرير ..
لها الدرجة كارهتني لها الدرجة ترتعب اذا جبت طاري نفس الغرفه .. بس لحظة !
أنا للحين مستغرب من هدوءها .. عادتها تتهاوش .. لكن الحين لا / غمضت عيوني ..
بس شوي قمت في مكاني يوم رن جوالها اللي على التسريحة .. رحت بسرعة له كانت نغمة عادية حـيـل ..
رحت و مسكته .. شفت رقم مهوب مسجل باسم رفعت أشوف مين .. بس ما تكلمت و رحت جلست عـ السرير ..
.. : ألــووووو ..
عقدت حواجبي .. صوت رجولي بس كأني أعرفه ..
.. : ألو ريمان طلبتج ردي علي .. لا تحقريني شرات كل مرة ..
عضيت على شفتي من العصبية قلت له بـ هدوء ..
تركي : ايييييه هيثم تبي شيء ..
سكت شوي .. عقب تكلم حسيت بـ صوته رنة غريبة ..
هيثم : منوه تركي ..
تركي : لا ظله ..
هيثم : شحالك تركي عساك متهني ..
تركي : ايه حـيـل الحمدلله ..
هيثم : الله يهنيك زود ..
حسيت به يغلي / جلس ساكت و لما طول ..
تركي : أي خدمة هيثم ..
هيثم : أحيده موبايل ريماني هب موبايلك ..
لا و له وجه يدلعها ابن اللذين حاولت أمسك أعصابي ..
تركي : الريم فديــــتها نايمة هالحين ..
هيثم : هي راقدة ..
تركي : آيييه الأّ إذا كنت تفهم نايمه بمعنى ثاني ..
هيثم بشرود : حذالك ؟!!!
ابتسمت .. ابن اللذين داري وش يدور بـ رأسه الحين .. همست بملل ..
تركي : ايه جنبي أصحيها لك ..
هيثم : يـ .. يعني .. عـ .. على نفس الشبريه ..
شقول لكم حسيت بـ الدم تجمد في عروقي .. الكلب ابن اللذين يوم أقول خسيس لا تلوموني ما توقعته يقولها ..
تركي : انت وشو .. وشو بـ الضبط .. حيوان .. حشا ان كنت إنسان ..
هيثم : لا لااا تخاف أنا إنسان تباني أثبت لك ..
قهرني بروده حرقني من الداخل بس لما شفت ريمان داخلة حسيت ان لعبتي بدت ..
ريمان : تـركــي .. !! مين تكلم بـ جوالي ..
تركي : حبي قومي ..
جات لي و هي معقدة حواجبها من كلمة قومي .. عجبني انصياعها .. مسكت يدها و سحبتها و جلستها جنبي ..
تركي : حبي .. هذا ولد خالك هيثم ..
عقدت حواجبها و همست بـ صوت خافت ..
ريمان : انت من جدك ..
تركي : ايييييه هو ما غيره ..
تكتفت و علت صوتها و أنا بسرعة فتحت المكبر ..
ريمان : خير يا ولد خالي شتبي ..
هيثم : ريمـان ..
ناظرتني بـ صدمه أظنها ما كانت مصدقه بس الحين صدقت / تفاجأت يوم شدت على يدي بقوة ..
يا الله ها الكثر مأثر عليها ها الخسيس ..
ريمان : نـ .. نعم شتبي ..
هيثم : ريمان تركي وينه .. حذالج ..
أشرت لها تقول له اني طلعت .. جلست ساكته عقب همست ..
ريمان : لا طلع ..
هيثم : انزين ريمان ليش ما تردين علي .. انزين أنا غلطت بس أبي أصحح غلطتي ..
حسيت بـ نفسي أفور .. بس جواب ريمان أطفى اللهيب اللي شب داخلي ..
ريمان : انت وشو .. شتبيني أسميك حمار , غبي أنا متزوجة الحين خلاص ..
هيثم : انزين بس ما يهمج ريلج .. صح انت ما تحبينه ..
رفعت عيني لها و هي ناظرتني .. سكتت عقب قالت لـ هيثم بـ ثقة ..
ريمان : لاااا انت غلطان زوجي يهمني و بعد يحبني و أحبه ..
لحظة .. لحـظة يا ناس كأني سمعت أحبه تحبني أنا .. حسيت الجوال ارتجف بـ يدي ..
سكت هيثم لمدة بس عقب تكلم برجفة ..
هيثم : تحبينه .. .. .. و أنا وين رحت .. وين مكاني من الإعراب ..
ريمان : انت ولد خال و بس ..
هيثم : ريمان .. شوه بلاج أنا هيثم .. نسيتي منهو هيثم ..
كنت أناظر ريمان و أراقب ملامحها .. و الله انها تتألم و الدليل شدها على يدي لدرجة حسيت بجروح من أثار أظافرها ..
ريمان : و مين يطلع هيثم ذا .. قلت لك ولد خال و بسس ..
هيثم : انزين .. أبـا أسالج ..
ريمان : سوري هيثم زوجي ما يرضى لي أكلم غيره و لا ترد تتصل على جوالي .. زين ..
و قفلت على وجهه .. ناظرتني بنظرات أول مرة أشوفها في عيونها ما أدري بس حسيت ان كل شيء قالته لـ هيثم كان
من طرف لسانها .. همست لها ..
تركي : قومي البسي خلينا نروح نتمشى ..
قامت بدون ما تتكلم .. سحبت ملابسها و دخلت الحمام " الله يكرمكم " و أنا أخذت ملابس ..
لبست بنطلون جنز أزرق و لبست الـ تي شيرت الأبيض و الـ جاكيت الازرق / طبعا لأن أنقره بررد ..
طلعت أحتريها بره و طلعت لي سيجارة و جلست أدخن .. حسيت بـ ألم داخلي " ريمان تحبه تحبه و لاّ ما كان تأثرت كذه ..
لا و يقول لي .. " حذالك " .. كل تبن يا الكلب و الله كيفي زوجتي و حر فيها ..
*********************************
قمت ألبس بدون ما أتكلم .. ما قال لي قومي نطلع الا لأنه معصب .. لبست عبايتي و لفيت الشيلة و نزلت ..
شفته يدخن اوووووف مرة ثانية بس لحظة أنا شقلت لـ الأخ هيثم .. أوووهوووو لا يصدق الحين اني ميته عليه ..
انتبه لي أخيرا ناظرني و رحت له .. مسك يدي و مشينا .. كنا ندور في الشوارع و بس في الأسواق و بس ..
ما أدري شفيه ساكت بس أكيد جالس يفكر بـ شيء .. جلسنا أخيرا في متنزه على كرسي خشبي ..
جلس يدخن ما يترك عادته تروعت يوم ناظرني فجأة ..
تركي : ريمـان عطيني جوالك ..
ناظرته و أنا ساكته عقب نزلت الجوال من شنطتي و عطيته اياه كانت الساعة 4:00 العصر على قريب المغرب
أخذ الجوال و مد لي جواله .. استغربت و جلست أناظر جواله ..
ريمان : شسوي فيه ..
تركي : استعملي جوالي لين نرد السعودية و هناك بـ أغير رقمك و كل شيء ..
ريمان : ليش ما يحتـاج انـ ..
قاطعني بـ عصبية ..
تركي : وشو اللي ما يحتاج يعني عاجبك السيد هيثم يتصل كل شوي .. طبعا عاجبك ..
جلست ساكته أناظره و هو كمل و هو يوقف يبي يمشي و أنا وققت معه ..
تركي : أصلا من قال لك اني صدقت .. نص كلامك له كان من طرف لسانك ..
قهرني مرة بكلامه .. حبيت أردها له قلت له بصوت عصبي و ما حطيت اعتبار لـ الناس اللي بـ تسمع ..
ريمان : زين انك عرفت .. لا و أبشرك مو نصه إلاّ كله من طرف لساني و بالأخص يوم قلت اني ..
قاطعني و هو يوقف قدامي ..
تركي : أحبك صح ..
ريمان : ايييييه عفية عليك أكيد ما أحبك .. الا أنا ما أدانيك لكن شسوي عاد وجهك وجه لووووووووح ..
و ما يفهم يوم يقول له الواحد من البداية ما أبيك ..
راقبت وجهه و هو يشحب من كلامي قبل لا ألف أناظر ثلاث بنات واضح انهم خليجيات شهقوا لما سمعوا كلامي ..
حسيت بـ نفسي انحرجت و هم مشيوا على طول من عندنا / ناظرني تركي و همس ما بين أسنانه ..
تركي : زيــن ريمان يوم تتعلمين تحترميني تعالي دوري علي ..
و عطاني ظهره و مشي بـ داهية يتحسبني بـ ألحقه لفيت لـ الجهة الثانية و مشيت ..
جلست أتمشى في الأسواق الشعبية .. شفت عربة تبيع خواتم و بروشات و أشياء تذكارية ..
رحت لـ البياع كان عجوز .. بس زين يتكلم العربية الركيكة لأنّ بعضهم يجونك ما يعرفون غير لغتهم ..
ريمان : السلام عليكم ..
البياع : و عليكم ..
شفت خاتم كـبــيـر و عريض و به ماسات و منقش و بوسطه نقش الصقر بصراحة عجبني
ما أدري ليش خطر بـ بالي تركي .. رفعت الخاتم .. فكرت أعطيه اياه بس لا توه مغسل شراعي و الله
ما يستاهل بس بـ الأخير شريته له و قلت لـ البياع يحفر عليه حرفه و حرفي و بعد ربع ساعه خذيته و مشيت
بدي المغرب يجي .. و حسيت بـ نفسي أرتجف يا خوفي بس شسوي الحين ..
ناظرت يمين و شمال وين كنت و وين وصلت .. حتى اسم الفندق بعدني ما حفظته حسيت بـ الندم يآكلني ..
ليتني ما رديت عليه جلست على جلسه و ضميت ركبتي لي .. حسيت بدموعي تسيل على خدي وينك يا تركي كذاا
أهون عليك .. و الله أستاهل مثل ما هان علي و شتمته أستاهل اللي جاني منه ..
*************************************************
غبي .. حمار .. أبله .. مجنـــــون .. نـــذل .. كل ها الألفاظ قليلة علي ..
جلست أدور في كل مكان .. وينك يا الريم و الله اني غبي .. اشلون هانت علي في لحظة غضب ..
و هي ما تعرف رأسها من ساسها في تركيا .. يا ربي ليتني على الأقل ناظرت وين مشت ..
كان حصل خير .. زمّيت على شفّتي و صكّيت على أسناني بقوّه أنا شسويت شسويـــت ..
جلست على كرسي خشبي و جلست أناظر الفراغ الريم ضاعت و أنا ما صدقت اني ملكتها ..
و المشكلة انها ما خذت لا جوالها و لا جوالي .. إلــــــهــــي وش ذي المصيبة ..
قمت بعصبيّه و أنا أستغفر ربي / استهدي بالله يا تركي وين بتكون مثلا أكيد هي هنا بأيّ مكان ..
********************************
كنت أمسح دموعي و بس و أناظر الخاتم اللي شريته له مسكته و أنا أحاول أمنع دموعي تنزل ..
دخلت يدي تحت شيلتي و نزلت السلسال اللي لابسته .. علقته به و جلست أناظر حرفه و حرفي ..
.. " R . T " .. ابتسمت يلائمون بعض بـ شكل .. صحت من قلبي و أنا أضمه ..
ما أدري ليش حسيت اني أحتاجه الحين .. أظن ان كل ها الشعور بـ سبب اللي يصير لي الحين ..
صدق من قال .. " ما تحس بـ قيمة الشيء الا يوم تفقده " .. رفعت رأسي على صوت بنية ..
شفت نفس البنات اللي شافوني يوم صرخت على تركي ..
.. : السموحة حبيبتي .. بس جفناج تبجين و وااضح عليج انج مضيعة ريلج ..
ريمان : شـ ـفـ ـتـ ـوه ..
ردت علي الثانية و هي تجي جنبي و تمد يدها ..
.. : ايييييه حبيبتي حنا نعرف وينه الحين قومي نوديج له .. احنا نعرف كل شيء بـ أنقرة ..
قمت معهم و أنا أبتسم و أمسح دموعي ..
ريمان : ما عرفتوني على نفسكم ..
.. : أنا يواهر و هاي ينان و هاي حنان أخواتي .. احنا من عمان ..
ريمان : تشرفت و أنا ريمان من السعودية ..
جنان : ايه وااضح عليج انج من السعودية ..
حنان : انزين دامج تحبينه ليش قلتي له اني أكرهك ..
انحرجت حـيـل من كلامها .. حنان وااضح عليها جريئة مو مثل أخواتها ..
جواهر : هههههه حرام عليج يا حنان .. جوفي اشلون استوى ويه البنت ..
غطيت وجهي .. و الله صدق أحرجوني ..
ريمان : بسس بنات ..
ضحكوا و ودوني لـ نفس المكان اللي افترقت فيه عن تركي وقفوا و أشروا لي لـ جهته ..
شفته جالس و حاله كأنه شايل هموم الدنيا على رأسه .. ابتسمت لهم و مشيت بـ سرعة له رفع عينه يوم لمح طيفي ..
و بـ سرعة قام من مكانه ..
تركي : ريـ ..
ما خليته يكمل اسمي ارتميت بـ حضنه على طول و أنا أصيح .. شديت على ظهره و أنا أضمه ..
و هو لفني بـ ذراعه .. جلست أصيح عقب قلت له و أنا أضرب صدره ..
ريمان : اشلون أهون عليك و تخليني بـ روحي اشلون ..
و رجعت دفنت رأسي في صدره و أنا أصيح .. كان ساكت و يناظرني عقب همس بصوت مبحوح ..
تركي : انتي .... ليش رحتي و تركتيني .. أقلقتيني يا شيخه ..
ريمان : و انت .. شسويت عطيتني ظهرك و مشيت ..
تركي : زين خلاص لا تصيحين .. السموحة أنا آسف ..
رفع رأسي و ناظرني و هو حاط يده على ذقني ..
تركي : دموعك .. ما أحب أشوفها ..
جلست أناظره و هو بعد قبل يهمس ..
تركي : سامحتيني ..
ريمان : انت سامحني أنا الغلطانة ..
تركي : لا ما عليك ..
ابتسمت له و هو رجع و مسك يدي و مشينا على مسجد صلينا و ردينا نتمشى .. تعشينا في مطعم فخم ..
كنا هاديين أنا معه .. نسولف ساعة و نسكت 23 ساعة بس زين كنت مرتاحة معه و لثاني مرة أقتنع ..
اني كل ما أحتجت لأحد .. ما ألقى غير تركي ردينا على الفندق الساعة 1:20 الليل ..
و لا بعد هو نام في الصالة قلت له أنا اللي بـ أنام .. و هو رفض و أصرّ أنّه ينام بالصاله ..
المهم اني انخمدت على السرير و رحت بـ سابع نومه و بعد السلسال اللي به الخاتم .. مستقر بـ صدري ..
ما فكرت أعطيه اياه الا لما تهدى الأوضاع بيني و بينه .. صح صار اللي صار و ارتميت بـ حضنه ..
بس بعد بعدني مو مستقرة معه على بر ..
*************************
نهااية البارت الأربعيين أتمنى انه عجبكم ^^
لاا تحرموني توقعااتكم
الباارت الواحد و الأربعين '$
************************************
كانت الساعة 2:30 الليل .. ما جاني النوم و هذا اللي قاهرني .. يعني لو نمت كان ارتحت ..
جلست منسدح فوق الكنبة و أناظر السقف .. ابتسمت يوم تذكرت كلام ريمان ..
يوم قالت لي .. " أفظع من غـول " .. نفس كلام إلياس , ابتسمت أكثر و مسكت اللاب توب ..
و فتحت ملف فيه مقاطع فيديو لي أنا معه / جلست مبتسم و أنا أناظر المقطع اللي صورناه في البر ..
كنا مخيمين الشباب كلنا .. بندر و سلمان و نايف و نواف و أنا و راكان و إلياس و كان نواف اللي يصور ..
و شوي أمطرت فوق رؤوسنا و كنّا بعيدين عن الخيمه .. شفت إلياس و هو يدخل داخل سيارته
أما أنا ظليت واقف بره فارد ذراعيني و تارك المطر يبللني .. كانت عيني طول الوقت على إلياس ..
ابتسمت يوم شفت ضحكته و هو يناظرني ..
إلياس : هههههههههههههههه يا خبل شتسوي تعال أدخل السيارة أبرك لك ..
تركي : لاااا المطر جنان ..
إلياس : خلك , صدرك بـ يشب لا تنسى عندك الربو ..
تركي : يلعن الربو و أهله !! تعال إلياسووه و الله بـ يفوتك المطر ..
إلياس : لاااا سوري ما أبي أتبلل ..
قلدت صوته و حركات يده ..
تركي : لاااا سوري ما أبي أتبلل .. تدري أشك أحيانا انك رجال ..
ضحك و رماني بـ نعاله و أنا عطيته قفاي و جاه بظهري ..
تركي : آآآآآآآآآآآآآآآآآآآآآآآآآآه إلــيــاس ..
إلياس : هههههههههههههه دواك أجل أنا إلياس .. آخر زمن تشك بـ رجولتي تدري بس يا تروك ..
لو كنت بنية كان علمتك اشلون الرجولة ..
ابتسمت يوم شفت نفسي أضرب خدي بـ كف و أقول له بـ صوت شوي عالي ..
تركي : يا الفضيحة اسكت وش بـ يقولون عيال أعمامي لو سمعوك .. انت و تفكيرك الخايس و الغلط ..
إلياس : هههههههههههههههههههه أنا تفكيري غلط ..
تركي بطنازه : لا أنا ..
إلياس : ههههههههههههههههههههههه يا شيخ ما سويت شيء .. يعني المفروض ما تلومني لأن يا ورع
أمك و أبوك الشيء اللي بالي بالك يعتبر سنة الحياة ..
وقتها جلست اضحك من قلب [ عليه تعليقات و لا أحلى ..
نواف : هييييييي تراني سمعتكم ههههههههههههههههههههههههههه ..
حسيت بـ الحنين له بس كان حنين من النوع اللي تحن له و بـ نفس الوقت تتألم لأن ما به شيء في يدك الا انك تحن ..
و انت تدري انك مهما سويت ما راح تحصل منه لو ابتسامة .. لأنه خلاص / راح و ما بقي قدامك غير صوره
و ذكرياته و ريحة عطره .. اللي يألمك استنشاقه .. !!
**************************
البارحة يوم الخلايق نياما * * بيحت من كثر البكاء كل مكنون
لي ونتن من سمعها ما يناما * * كني صوبين بين الأضلاع مطعون
************************************************
كنت صاحية لـ الحين ما جاني النوم .. قلت أروح أشوف تركي اذا صاحي و لاّ لا ..
فتحت الباب بـ هدوء .. مشيت لـ الصالة .. سمعت نحيب لا أتوهم .. مشيت و انصدمت يوم شفت تركي مغطي وجهه
و ينتحب ما أدري شفيه .. رجعت على ورى ما ابي أشوفه .. تركي الكل يهابه و أنا أكثرهم ما تصورت
في يوم أسمع نحيبه بس بـ الأخير رحت للحين ما حس بي .. جلست على ركبي عنده حطيت يدي على ركبته ..
حسيت به هدأ مسح وجهه و ناظرني بملامح جامده ما تبيّن شيء ..
ريمان : علامك تركي فيك شيء ..
تركي : وشو له ما نمتي لـ الحين ..
ريمان : ما جاني النوم .. تـركـي شفيك شاللي متضايق ..
تركي : روحي نامي الوقت متأخر ..
ريمان : زين قبل قول لي شفيك ..
تركي : ما فيني شيء روحي ..
ريمان : مستحيل ما فيك شيء أجـ ..
قاطعني و هو معصب و ما له خلق ..
تركي : هالحين قــلــت لك روحــي لا تجلسين تحنّين على راسي ..
عصبت عليه قمت و أنا أتخصر .. مشيت عنه شوي بس عقب لفيت عليه شفته يناظر جواله ..
ريمان : تدري بس ..
ما ناظرني و أنا كملت كلامي ..
ريمان : الشرهة علي أنا .. وش لي أسال عن واحد واطي مثلك ..
رفع رأسه بسرعة لما سمع كلمتي .. حط جواله يبي يقوم لي بس أنا ركضت لـ الغرفة و قفلت الباب في وجهه ..
ظليت أسحب نفس و أنا سانده ظهري على الباب شوي طق الباب بـ عصبية ..
تركي : افتحي الباب بسرعة ..
ريمان : لا والله .. عـشـان تذبحني مجنونة أنا ..
تركي : افتحي الباب ..
كان يتكلم بـ هدوء .. حسيت به الهدوء ما قبل العاصفة .. همست ..
ريمان : ما أبـــي ..
ضرب الباب بـ عصبية ..
تركي : زين ريمان دواك عندي .. بس مو الحين منيب رايق لك ..
حسيت الدم رجع يمشي في عروقي يوم راح .. اوووووف أنا أستاهل أصلا وش علي فيه ..
رحت مسكت اللحاف و ضميت ركبي .. و أنا أفكر فيه يالله ذا الرجال بـ يموتني من الرعب تقولون صاير لي دراكولا
ابتسمت شهاالوصف بس صدق قبل كنت أخاف صح بس مو بـ كثر الحين .. الحين لا شفته أحس بـ رجولي تتنافض
و قلبي داخلي طبووول بس فوق هذا و ذاك ما أدري ليش حاسه بـ انجذاااب نحوه .....!!
تنهدت و أنا اتذكر المخطط اللي خططت له في الرياض سويت بدايته في لبنان و هونت و ليش ما أهون و أنا اعرف
اني أنا الخسرااااااانه فيه ..؟!!
ريمان بيأس : اااه شسوي ..!!
******************************
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك