رواية لاتمثلين احتياجج لي وانتي بحضن غيري مقزرتها -38
بالسيارة بس قلبي ماطاوعني .. كنت دايسة حدي وأبتون بين السيارات على الحب وانا مبطله الدرايش ومعلية الأغاني على الآخر .. وانا عند الأشراة ولا واحد قاعد يتحرش )
عمر : عطينا ويه ياراعية الكورفت .. ماعبر
قمر ( لفيت وهي بتهاوش وياه ولا أشهق ) : أنت .. ياربي أنا وين ماروح أشوفك طالع جدامي
عمر : أووه اوووه ههههه هاذي انتي الكيكة .. شعندج هالحزة تفترين بالشوارع الساعه 2 الفجر
قمر : تعال ألحقني خل نسفط عند بحر فرايديز .. أشوفك هناك
( قلبي قام يرقع .. أنا شلون سويت جذي .. واعدتة .. اي واعدتة .. الحين شنو يفكني من هاللزقة .. أووف .. أنا شسويت مالت علييي زين .. )
.....
^^
أشواق ( وانا قاعدة بالشقة أسمع اغاني أحمد حلمي ولا يرن تلفوني .. رقم غريب )
: الووو
بو علي : السلام عليكم أشواق .. أنا عمج بو علي
أشواق : هلا هلا عمي .. خير صاير شي
بو علي : فاطمة بنتي كلمتج
أشواق : اييه
بو علي : شنو قلتي لها
أشواق : قلت لها الي المفروض تسمعه ..
بو علي : ..
أشواق : عمي تامرني على شي بعد .. اانا دايخة وبنام
بو علي : أنا راح أتنازل عن القضية ..
أشواق : صج .. عمي أنت متأكد .. يعني ماراح تتراجع
بو علي : لا ماراح أتراجع ..
أشواق : يعني أمي وأخيرا راح تطلع من السجن .. وأخيرا راح تطلع امي من السجن
بو علي : اييه راح تطلع .. بأذن الله راح تطلع
أشواق : الحمدالله رب العاملين .. مشكور يا عمي وعسى الله يفرجها عنك مثل مافرجتها عني وعن أمي
بوعلي : الله كريم ..
أشواق : وقضية التزوير الي تخص أبوي وعادل
بو علي : راح أسلم الأوراق كلها وراح أييب الشهوود يشهدون على القضية
أشواق :انشاءالله .. الكل لازم ياخذ جزاه ..
بوعلي : الله كريم
أشواق : وانت شنو راح يصير فيك .. راح يعترفون عليك
بو علي : ماراح يقدرون يسوون شي .. ماعندهم أي دليل ظدي ..
أشواق : الله كريم .. يلا مع السلامة
( من الفرحة الي فيني قعدت اناقز بالبيت مثل الهبلة .. على طول رفعت السماعه وقلت حق علي بلي صار .. علي أستانس حيل وبنفس الوكت حسيت متظايق من الي صار له مع أبوه .. قعدت أفكر أنا الي سويتة صح ولا غلط .. عشان أطلع امي من السجن خربت علاقة علي بأبوه .. أنشاءالله ماكون غلطانة باتخاذي هالقرار .. )
.................................................. .................................................. ........................
أم علي : باجر لازم نلتقي عندي موضوع مهم أبي أكلمك فيه
بو علي : وانا بعد عندي موضوع مهم ..
أم علي : خلاص أنا أمر البيت عندكم .. أممم .. بوعلي شلون علي وفاطمة
بو علي : والله البيت أعتفس من طلعتي منه .. لعيال مطشرين بكل صوب .. علي ولدج
أم علي : شفيه علي ولدي .. شفييه صار فيه شي .. يما آآ وليدي
بو علي : ماصار فيه شي يابنت الحلال .. بس علي ولدج عرف بسالفة أخوي محمد وطلع برا البيت
أم علي : شنوو .. شلون عرف بالسالفة .. شلون تقولة أنت مافكرت شنو راح يصير فيه
قاطعها بو علي : نطريني خل اكمل
أم علي : تفضل
بو علي : أشوااق .. أشواق الي قالت له ..
أم علي : أشواق .. !!
بو علي : أشواق بنت أم فيصل .. وأم فيصل زوجة حميد ..
أم علي : شلووون .. أنت متأكد .. يا الله .. مو قادرة أستوعب الموضوع ... كنت أظن انا اشواق بنتة من مرتة الثانية .. موقال أنا تزوج ..
بو علي : وانا بعد كنت اظن بنتة من مرتة الثانية .. بس طلع انا تزوج الثانية شنة وطلقها عشان تربي بنتة وماتحملت سكرة وعربدتة وتطلقت .. واشواق طلعت أهيا بنت ام فيصل ..
أم علي : آآخ ياربي .. ظلمت الأم بالأول وألحين ظلمت بنتها .. بو علي شلون الله بيغفر لنا هالذنب الكبير .. شلون الله بيغفر لنا
.................................................. .................................................. ........................
لوس آنجيلوس
جوان : دكتور في أمل أني أحمل مرة ثانية
الدكتور : مادري شقولج
جوان : دكتور كلمني بكل صراحة راح اتقبل الموضوع
الدكتور : الأمل الي بعطيه لج حيل ظعيف يعني 20 %
جوان : السبب
الدكتور : الحادث الي سويتيه اثر على ..
جوان قاطعته : لاتكمل دكتوور خلاص فهمت
الدكتور : بس الأمل بالله قوي .. ماكو شي على الله مستحيل .. أذا أراد شيئا قال له كن فيكون ..
جوان : ونعم بالله ..
جوان ( طلعت من الغرفة وانا حيل متحطمة .. رحت على طول عند جراح .. حطيت راسي على صدرة وقعدت أبجي .. وأدعي .. وأتوسل بالله .. يارب أنت المستعان .. يارب قوم جراح .. يارب قوم جراح .. وانا أبجي حسيت جراح يحرك أيدة مرة ثانية .. الحمدالله رب العالمين .. الحمدالله لك يارب .. ألف شكر .. )
.. ^^
جاسم : يلا أم أحمد .. أشوفكم على خير
أم أحمد : درب السلامة أنشاءالله .. وسلم لي على الاهل
جاسم : يوصل
أحمد : تبي أوصلك بالطريج عمي ..
جاسم : لا يعطيك العافية يبا رايتك بيضة .. أنا دقيت على تاكسي يمرني ..
أحمد : تروح وترد بالسلامة أنشاالله ..
جاسم : أحمد جراح وجوان أمانة عندكم .. وأي شي تحتاجون دق على خطي بالكويت وأذا صار أي تطور مع جراح بعد عطوني خبر
أحمد : أنشاءالله ..
جاسم : يلا مع السلامة ..
أحمد : مع السلامة
جاسم ( اييه راجع لكم ياحبايب قلبي .. راجع لكم وانا كلي شوق .. بس بنفس الوكت مادري شقول لكم .. قمر يبا تصبري لاتنهارين من تسمعين الخبر .. الله يقوم أخوج بالسلامة يااارب .. الله يقومة بالسلامة يارب .. )
...
قمر ( سفطت سيارتي عند مسافط فرايديز ونطرتة يشرف .. وقلبي كان حيل يرقع .. وصل سفط سيارتة يمي )
عمر : هلا هلا .. هلا بيهم
قمر : هلا فيك
عمر : ها يبا شعندج تفترين والله موزين لج هالحزة بنت بروحج وتفترين بالشوارع ردي البيت حطي راسج ونامي أحسن
قمر : أنت شكوو
عمر : عيب عيب .. الحين أنا صرت شكوو .. توج تقولين تعال الحقني المسافط .. ماهقيتها منج
قمر : المهم ذكرني بأسمك نسيتة
عمر : أفااا .. ماعليه .. أسمي عمر
قمر : والنعم
عمر : الله ينعم بحالج
قمر : شوف أنا بدش بالموضوع على طول .. علاقتي فيك بتكون سطحية .. مابي لاحب ولا خرابيط .. ولاتيي تقولي انا أحبج وأبيج ومن هالكلام .. ترى حركات الشباب أعرفها .. ولاتقولي أبي أشوفج ومشتاقلج .. وكت مايطق براسي أنا وحبيت أشوفك أقولك .. ولاتفكر أنك تلعب عليي .. ترى والله تندم .. الي بيكون بيني وبينك علاقة صداقة وبس .. سامع .. صدااقة وبس
عمر : هههههههههههه .. مااشاءالله تقرير مفصل بعد .. حسيت أني بتعرف على الأستخبارات الأمريكية مو بنية
قمر : هاذا بس تحذير
عمر : حاظر عمتي في أوامر ثانية
قمر : لا مافيه
عمر : أنزين ورقي ليلحين عندج
قمر : اي
عمر : عطيني رنة خل أسجل رقمج
قمر : ويت .. ( طووط )
عمر : خلاص .. سجلتة .. شنو أسمج صج ذكريني
قمر : قمر
عمر : ايي صح سمعت أخوج يناديج بالمطعم
قمر : أنت شنو قاعد تراقبني ولا شنو
عمر : لا شكوو أراقبج .. لا أراقبج ولا بطييخ
قمر : اي عبالي بعد
عمر : يلا روحي البيت الحين مو زين أحد من أهلج يصيدج
قمر : شننو قلنا .. انت ماتامرني
عمر : من قال قاعد آمرج .. هاذي نصيحة من أخو لختة
قمر تبتسم : أنزين .. يلا عن أذنك
عمر : أنا موجود في أي مكان وفي أي زمان .. أي وكت بدقين .. بتشوفين .. عطيني ألوو يا ألووو
قمر : هههه .. أنا ألووو يا طوووط
عمر : هههههه .. أفاا أنا طوووط ..
قمر : ههههههه .. لا أتغشمر وياك .. على فكرة غمازتك معذبتني
عمر : ههههه ماتغلى عليج .. وأنتي شفايفج الي معذبتني
قمر : هاا .. هاذي أولها .. لاتتعدى الخطووط الحمراء رجاءا
عمر : حاظر سيدي هههههه يلا أشوفج على خير
قمر : على خير .. باااي
عمر : بس سؤال .. هالكورفت مالتج ولا
قمر : لا .. مالت ..
عمر : ايي
قمر مخنوقة : مالت أخووي
عمر : أهاا .. مشبه عليها
قمر : هههه .. أكيد يعني في ألف كورفت بالديرة ..
عمر : لااا هاذي غيير.. هاذي مميزة
قمر : المهم يلا عن أذنك
عمر : أذنج معاج باباتي .. مع السلامة
قمر : مع السلامة
البارت الثامن والاربعون
:$:$
..
قمر : أمبييه أنا شنو سويت .. غبية حدي غبية .. بس لآ .. ليش غبية .. مشاري الي باعني .. أي أهو الي باعني بالأول والحين يا دوري أني أبيعه .. مثل ماباعني أبيعه وانا ماسويت شي غلط .. خلاص مخي تعب من التفكير .. ( رجعت البيت الساعه كانت 3 ونص الفجر .. الكل كان نايم .. سفط السيارة عند باب البيت .. وانا بنزل من السيارة ولا يطيح تلفوني على الارض .. نزلت باخذة ويوم رفعت راسي ولا مشاري بويهي .. شهقت شهقة الي قلبي طاح بالأرض )
مشاري ( حطيت أيدي على حلجها وتليتها البيت ) : أووووش ولا كلمة
قمر بعصبية : شتبي .. خير
مشاري : بأي حق خذيتي السيارة هاا .. منو سمح لج .. وبعدين تشوفين الساعه جم شعندج برا البيت
قمر تطالعه وعينها مغرقة بلدموع : هاذا الي قاعد تحاتيه سيارتك .. وانا مشاري .. وانا
مشاري ( ماقدرت أتحمل دموعها .. تليتها ولا ألمها حيل بحضني وقعدت تبجي وتطقني على صدري .. ليش مشاري ... ليش .. هديتها ومسحت دموعها وبستها على راسها .. ) : سامحيني قمر .. أنشاءالله هالكابوس راح ينتهي عن قريب .. وانا وأنتي كلش ماننفع حق بعض .. ثنيان بالوسط بينا .. وانا ماقدر أخسر أخوي .. عقب كل الي سويتة له وعذبتة بحياتة ماقدر هالمرة أعذبة أكثر بأرتباطي فيج .. سامحيني .. انا أحبج أييه .. بس مرات الحياة تفرض علينا اشياء مانبيها
قمر : خلاص مشاري لاتعذبني أكثر بكلامك .. والله بكل كلمة تطلع من حلجك انا أحس سجينة قاعد تنغرس بقلبي ..
مشاري : يلا روحي نامي باباتي
قمر : مشاري
مشاري : عيونة
قمر : أحبك .. وراح أتم أحبك وأحبك وأحبك لآخر لحظة بحياتي .. وبنطرك .. راح أنطرك .. وأدري أنا في يوم الله راح يجمعني معاك .. وانا ناطرة هاليوم
مشاري : الله كريم .. الله كريم أنشاءالله ..
( رجعت الديوانية بحاول أنام موقادر .. أحبها ياناس والله أحبها لاقولي صرفة .. شسوي .. اييه تذكرت الموعد .. اليوم موعدي .. خل أحاول أنام مابقى شي )
قمر ( أما أنا فصعدت غرفتي وحطيت راسي على المخدة ..ولا يرن تلفوني .. عمر يتصل .. كلش نفسيتي ماسمحتلي اني أرد على التفلون .. سكرتة بوها وغمضت عيوني وصارخت .. أحبك مشاري أحبك .. )
.................................................. .................................................. ......
( صباح اليوم الثاني )
مشاري ( رن المنبه ولا أقوم بسرعه عشان الموعد .. دخلت الحمام غسلت ويهي وفرشت أسناني .. بعدها رحت غيرت ملابسي .. لبست بنطرون جينز وقميص مبكر .. وشعري رجعته كلة لي ورى بالجل .. رشيت عطر ون مليون .. والله أنك مزيون بو صقر ماألوم البنات يتحذفون عليك .. أنا جني صدقت عمري وين البنات كلها قمر هههههه .. المهم يلة خل أروح المقابلة قبل لا أتأخر . طلعت من البيت وركبت الكورفت .. ودايس حدي ومشغل القرآن على سورة ياسين .. لاتقولون مشاري شلون نزلت عليك الدياينة. . بس صارلي فترة مااسوق السيارة الا مع القرآن أحس أأمن والله يحفظني .. المهم وصلت الشركة .. نزلت من السيارة .. دخلت الشركة ودلتني الي بالرسيبشن الطابق .. كان مكتب المدير الطابق الثالث الغرفة رقم 3 .. قعدت على الكرسي الي بمكتب السكرتيرة .. )
السكرتيرة : السلام عليكم أخوي آمرني
مشاري : وعليكم السلام .. أنا مشاري ال ... عندي مقابلة عمل
السكرتيرة : أهاا أنت عيل مشاري .. اهلا فيك .. تذكرني انا الي كلمتك
مشاري : اييه أنتي الي غصب بتسوين روحج كويتية .. اهلا وسهلا تشرفنا يا
السكرتيرة : سندس
مشاري : تشرفنا سندس
السكرتيرة : دقايق بس أبلغ المدرير
مشاري : أخذي راحتج
السكرتيرة : أستاذ سعد الأستاذ مشاري وصل
سعد : خليه يتفضل
السكرتيرة : تفضل أستاذ مشاري
مشاري : دام فضلج سندوسة ههههه
( هههه سندوسة عجبتني .. وانا حاط أيدي على باب الغرفة قلبي كان يرقص .. شفيك مشاري ترى كلها مقابلة .. بطلت الباب ودخلت الغرفة .. المدير كان لاف ويه .. من البداية جذي .. وين الذوق بالموضوع .. قلت أنا أبتدي بالسلام )
مشاري : السلام عليكم
سعد لف ويها : وعليكم السلام والرحمة حياك وليدي
مشاري ( أبوووي .. أبووي .. أي هاذا أبوي .. لحظة دقيقة أخاف انا قاعد أحلم .. خل أغمض عيوني وأرد أبطلها .. غمضت وبطلت .. لا صج هاذا أبوي .. مادري شسوي مادري شقول .. أظحك بويها ولا أعاتبة ولا شنو أقولة بالظبط .. وقفت متنح بمكاني وموعارف شقول )
سعد : حياك يبا مشاري ليش واقف بمكانك .. أدري أنك مصدوم انت اعقد وخلني أفهمك الموضوع
مشاري ليلحين متنح
سعد : يبا مشاري أقعد حياك
مشاري : حياك .. الحين ياي تقولولي حياك .. أنت وينك يبا أختفيت فجأة ولا لك لاحس ولا خبر ... دورتك بكل مكان .. دقيت على كل ارقامك ماحصلتك .. عقب كل هالسنين ياي تقولي حياك .. بعدين بأي حق تقولي ولدي .. يبا انت تركتني وطلقت أمي بوكت أنا كنت محتاجك .. انا أنذليت وأنهنت من ريل أمي وانت السبب .. أصلن أنا نسيت أنا عندي أبوو .. أنا بس عنيد ام .. أمي كانت الأبو والصديق والأم وكل شي بالنسبة لي
سعد : مشاري أنا كنت مطر أني أطلق أمك وأسافر ..
قاطعه مشاري : ليش مطر .. أنا ماذكر أمي ظايقتك بشي .. أمي كانت حاطتك على أكفف الراحة ولا أنا غلطان
سعد : لا منت غلطان .. بس انا كنت صغير وطايش وماخذ الدنيا بالطول والعرض .. الغلط مني أنا مو من أمك .. امك ذهبة وماكو مثلها بهالدنيا ..
مشاري : ودام أنك تدري أنها ذهبة ليش كنت تطقها وتعذبها
سعد : لانها كانت تحب واحد ثاني وتزوجتي عشان فلوسي .. عرفت ليش
مشاري عصب : ما أسمح لك تتكلم عن أمي بهالطريقة .. أمي ماكو أشرف منها .. انا بعدين ليش قاعد آخذ وأعطي معاك .. أنت أصلن قلبك ميت من زمان .. وذيل الجلب عمرة مايتعدل ( طلعت من المكتب ورقعت الباب حيل .. نفسي صار متقطع .. وقلبيي يرقع حيل .. جسمي كلة يرجف .. ركبت السيارة بس ماكنت قادر أسوق السيارة من الموقف الي صار .. غمضت عيوني وتذكرت منظر أبوي واهو يطق أمي وانا بس أطالع كنت صغير ماقدر أسوي شي .. بس ليش ياربي جمعتني فيه عقب هلسنين .. لييش .. )
.................................................. .................................................. ......
( بيت هوازن )
هوازن ( كنت غارقة بالنوم ولا يرن تلقوني .. شلت التلفون ولا رقم جاسم .. بس رقم جاسم مو الي بأمريكا .. رقمة الكويتي .. صحصحت عدل ورديت ) : ألووو
جاسم : هلا هوازن .. هلا حبيبتي .. أنشاءاله ماقعدتج من النوم
هوازن : لحظة لحظة .. أنت جاسم صح
جاسم : اي جاسم
هوازن : جاسم ريلي عدل
جاسم : اي جاسم ريلج عيل ريل منو
هوازن : أنزين أنا منو
جاسم : هههه شفيج هوازن ..
هوازن : أنت بلكويت
جاسم : اي توني واصل الكويت وانا الحين بالمطار .. تقدرين تمريني ولا أدق على واحد من الشباب
هوازن : ليش ماقتلي أنك بترد الكويت .. يعني مفاجأة .. طيرت قلبي والله
جاسم : بعدين أقولج كل شي .. ألحين تقدرين تمريني
هوازن : اي اي أكيد بمرك بس خل أقول حق مشاري يجهز السيارة
جاسم : لا لا لا .. لاتقولين حق أحد أني وصلت .. حاليا لاتقولين
هوازن : خرعتني جاسم شصاير
جاسم : انتي الحين تعالي أخذيني من المطار وراح تعرفين كل شي
هوازن : يلا أغير ملابسي وأييك ..
( قلبي ناقزني صارلة جم يوم وانا قلت صاير شي .. بس الله يستر من الي صاير .. غيرت ملابسي ونزلت الصالة بسرعه .. خذيت سويج السيارة وانا بطلع من البيت ولا أشوف علي ولد أختي وثنيان قاعدين بالحديقة .. )
علي : صباح النور يا أحلى نور بهالدنيا ..
هوازن : صباح الخير يما آآ علي .. ها أنشاءالله النومة مريحة
هوازن : يلة الحمدالله .. انشاءالله مرتاح يما علي
علي : اي الحمدالله خالتي .. بس وين طالعه شكلج مستعيلة .. قعدي شوي خل نسولف وياج من زمان ماسولفنة
هوازن : يما آآ علي انشاءالله لمن أرجع أسولف وياك ألحين عندي شغلة حيل ظرورية
ثنيان : يما آآ ماشفتي مشاري
هوازن : لا .. يمكن طلع عند واحد من ربعه
ثنيان : خلاص أوكي ..
هوازن : يلا مع السلامة .. أشوفكم بعد شوي
علي : بحفظ الله خالتي
..
^^
ثنيان : علي شرايك نروح البحر نغير جو
علي : ههههههه
ثنيان : شفيك تظحك
علي : لا تذكرت شي .. أمس بليل كنت بروح البحر مع مشاري وجهزنا روحنا يوم طلعنا ولا نشوف السيارة موعند الباب طلع معطيها صاحبة وناسي
قمر توها داشة عند الشباب وسمعت السالفة : شنوو .. معطيها صاحبة .. صج جذااب
( قمر كانت لابسة نفنوف أسود حيل قصير فوق الركبة وشكلها كان حلو .. شعرها منثور على ويها بشكل عفوي وحاطة قلوس على لون شفايفها .. علي أستحى من منظر قمر بهالملابس لانها حيل قصيرة ولمن قعدت على الكرسي صارت جنها مولابسة شي .. ثنيان قاعد تأشر لها بدون لايحس علي بس اهيا تسوي روحها ماتشوف )
علي وأهو منزل راسة : اي قالي معطيها حق صاحبة
قمر : أصلن أنا الي كنت ماخذة السيارة أمس بليل وكنت أفتر على الحب ... ليش يجذب مشاري
علي : مادري عنه .. أخت قمر ممكن أنصحج نصيحة وأعتبريني مثل أخوج
قمر : شنو النصيحة .. هالأيام صايرة وايد أسمع نصايح
علي : المرة الياية خلي المستور مستور ..
قمر أنحرجت تبي تظيع السالفة : أنا صاعد غرفتي تامروني على شي
علي وثنيان ساكتين
قمر : انزين شرايكم نروح البحر
علي وثنيان ساكتين
قمر : شفيكم أنطرمتوا
ثنيان أول مرة يرفع صوتة على قمر : أنتي شتبين .. يعني احنا شباب وقاعدين بروحنا بالغرفة شكو رازة ويهج .. روحي غرفتج أحسن والمرة الياية لا بغيتي تحدرين عندنا لبسي غير هالملابس أعتقد أنا في ريال غريب بالبيت
قمر عصبت : نعم خير أخوي .. أقول مو انت ياي تعلمني الأدب زيين ..
ثنيان : قمر طلعي برا الغرفة لا والله أعلمج شلون الادب صج
قمر : أقول نسينا .. أشوفك بتطلع رجولتك عليي .. وينك قبل .. وين كانت الرجولة
ثنيان قرب منها وعطاها كف : برا يلا براا
قمر : ماشي ثنيان .. انا تعطيني كف صح .. اراويك والله أراويك
بعد ماطلعت قمر
علي : ثنيان .. عيب هاذا مو تصرف تتصرفة مع البنت .. بعدين أنت أحرجتها .. انا قاعد مايصير تكلمها بهالطريقة .. جان خذيتها على جنب وفهمتها أنا الي سوتة غلط مو جدامي
ثنيان : مالك شغل فيها .. اهيا تدري أنا تصرفها غلط .. بس هاذا الدلع الزايد ماتعرف شلون صاير .. بعدين تستاهل هالكف شوي عليها
علي : ويييه لهالدرجة
ثنيان : وأكثر ياعلي وأكثر .. أنت ماتدري أني كل يوم قاعد اموت بسبب هالبنت .. ( نزلت دمعته ) : كل ماأشوفها تطالع مشاري أموت وأرد أحيى مرة ثاينة
علي : أووووف .. لا السالفة جايدة .. شرايك نروح نقعد على البحر ناكل فلافل وسمبوسة وتقولي كل شي ..
ثنيان : اي والله بغير جو شوي يلا عيل مشينا .. انا بس خل أقول حق السايق يجهز السيارة
علي : أوكي انطرك
.................................................. .................................................. ......
( بيت بو علي .. الساعه 9 الصبح )
جرس البيت يرن
بو علي : ميري بطل باب
ميري : أوكي سير
بطلت الباب ولا أم علي .. : ميري بابا موجود
ميري : اي في صالة
أم علي : قولي حق بابا ماما يجي
ميري : أوكي مدام
بو علي ( من سمعت صوتها ماأجذب عليكم واقولكم قلبي مافز من مكانة .. لآول مرة قلبي يفز حق أم علي من 20 سنة .. يمكن هاذا الشي الي يسمونة الحب .. بس صج لي قالوا ماتعرف قدر صاحبك الا لي فقدتة .. كان شكل أم علي حيل تعبان .. مبين أنها شايلة هموم الدنيا كلها على راسها .. تحت عيونها سواد وويها ذابل .. معقولة فراقي سوة فيها كل هذا .. معقولة أم علي تغيرت .. كل شي راح يبين مع الأيام )
أم علي بكل خجل ومنزلة راسها : السلام عليكم
بو علي : وعليكم السلام .. تفضلي
أم علي : دام فضلك .. ** شلونك بو علي شخبارك
بو علي : الحمدالله رب العالمين
أم علي : فطوم شلونها وعلي شلونة
بو علي : الحمدالله .. فاطمة بغرفتها .. وعلي بيت خالتة
أم علي : بو علي أنا وايد تعبانة .. حيل حيل تعبانة .. احس انا ساعتي قربت ..
بو علي : يعل يومي قبل يومج لاتفاولين على روحج
أم علي : الأعمار بيد الله .. وانا أحس صج قربت ساعتي بو علي .. بس قبل لا أمووت بسوي خير بدنيتي
بو علي مسك أيدها : أم علي .. ليش هالكلام .. ونعم بالله .. بس توج صغيرة
أم علي : ههه وين صغيرة دشيت بال 48 وتقول صغيرة
بو علي : بعيوني ليلحينج صغيرة
أستحت أم علي : تسلملي عيونك .. شلون حياتكم بدوني
بو علي : والله ماجذب عليج واقولج حلوة .. مالها طعم كلش بدونج .. البيت صاير جاف واليهال نفسياتهم اتعبت ..
أم علي : أنشاءالله كل شي راح يرد مثل الاول وأحسن
بو علي : أنشاءالله بيرجع كل شي أحسن من الأول .. ماقتلي الموضوع الي كنتي تبيني فيه
أم علي : اييه الموضوع أنا احنا لازم نتنازل عن القضية ونطلع أم فيصل من السجن .. تدري الحين صارلي تقريبا أسبوعين أحلم حلم غريب مافارقني هالحلم .. وفسرت هالحلم بان أحنا ظلمنة هالأنسانة طول هالعشرين سنة وبعدناها عن بنتها بدون ذنب .. الأم عاشت بصوب والبنت بصوب .. وانا حيل ظلمت أشواق حييل حييل ظلمتها .. قعدت مع نفسي وقعدت أتذكر كل شي سويتة من وعيت على هالدنيا .. أنا ظلمت نفسي وظلمت أختي .. ظلمت ولدي وظلمت أم فيصل ... وظلمتك أنت بعد معاي .. ماسويت شي حلو حق اي أحد طول ما أنا عايشة .. وأعتقد يا الوكت الي أصحح فيه اخطائي .. وأول خطأ انا طلع أم فيصل من السجن ونخلي أشواق ترد تنام بحظن أمها الي انحرمت منة
بو علي : اخييييه أنا مو قادر أصدق أنج أم علي الي أنا تزوجتها .. معقولة الأنسان يتغير جذي وفجأة
ام علي : ان الله أذا أراد شيئا قال له كن فيكون .. ما استفدت شي من غروري وتكبري على الناس .. حتى بنتي ماقعدت معاها وشفت شنو تبي شنو ماتبي ..
فاطمة سمعت أخر كلام امها (ان الله أذا أراد شيئا قال له كن فيكون .. ما استفدت شي من غروري وتكبري على الناس .. حتى بنتي ماقعدت معاها وشفت شنو تبي شنو ماتبي .. ** نزلت من الدري تركض وطاحت بحضن أمها وأهيا تبجي ) : يماا آآ والله مشتاقتلج .. والبيت مو حلو بدونج .. أحبج يما آآ أحبج .. رجعي البيت ولا تخليني مرة ثانية .. رجعي البيت
أم علي : خلاص يما آآ انا أوعدج ماراح أخليج مرة ثانية .. سامحيني فطووم سامحيني
فاطمة : أنتي يما الي سامحيني .. المفروض أني ماعلي صوتي عليج وأمد أيدي ياريت أيدي أنقطعت ولا مديتها عليج
أم علي : أسم الله على أدياتج يما آآ لاتقولين جذي
بو علي خنقتة العبرة ( ايييه سبحان مغير الأحوال .. من تزوجتج وانا أقول أكيد بيوم راح ألاقي خصلة طيبة فيج .. سعادتج كانت السبب الي خلاني أتاجر بالمخدرات عشان أوفر لج الي تبينة .. كنت أتمنى دايما أشوف البسمة على شفاتج وظنيت أنا هالشي يتحقق بالهدايا والطلعات والفرات والبيت .. الظاهر اني من الأول كنت أحبج وهوازن كانت مجرد نزوة .. وهاذي حكمة الله انا خلاني أجتمع فيج لاني لو متزوج هوازن يمكن راح أقصر بحقها وأظلمها معاي .. ظحكتج يا أم علي تسوى الدنيا ومافيها .. الله لايحرمني منج يارب )
** أم علي كانت تناظر بو علي وتبتسم ...
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك