رواية لاتمثلين احتياجج لي وانتي بحضن غيري مقزرتها -39
بو علي خنقتة العبرة ( ايييه سبحان مغير الأحوال .. من تزوجتج وانا أقول أكيد بيوم راح ألاقي خصلة طيبة فيج .. سعادتج كانت السبب الي خلاني أتاجر بالمخدرات عشان أوفر لج الي تبينة .. كنت أتمنى دايما أشوف البسمة على شفاتج وظنيت أنا هالشي يتحقق بالهدايا والطلعات والفرات والبيت .. الظاهر اني من الأول كنت أحبج وهوازن كانت مجرد نزوة .. وهاذي حكمة الله انا خلاني أجتمع فيج لاني لو متزوج هوازن يمكن راح أقصر بحقها وأظلمها معاي .. ظحكتج يا أم علي تسوى الدنيا ومافيها .. الله لايحرمني منج يارب )
** أم علي كانت تناظر بو علي وتبتسم ...
.................................................. .................................................. ......
( السجن المركزي .. )
أشواق ( طحت بحضنها ولميتها بكل قوتي .. لميتها بكل قوتي وانا أبجي واقلها وأخيرا يما آآ وأخيرا )
أم فيصل : شفيج يما آآ شنو الي وأخيرا
أشواق : وأخيرا راح تطلعين من السجن ..
أم فيصل مصدومة @@ : شنو وشلون
أشواق : لقيت الناس الي ذبحتي أخوهم
أم فيصل : أخوهم .. @@ .. أخو منو وأي ناس
أشواق : يما آآ أنا راح أقولج كل شي ( وبديت أقولها قصة عمي بوعلي ووضحت لها أنها ذبحت أخو بو علي مو بو علي نفسة .. )
أم فيصل : يعني .. يعني لصبي الي ماقدرت أذبحة كان علي ..
أشواق : اي يما آآ كان علي
أم فيصل : لمن شفتة وسلم علي حسيت أني اعرفة من زمان .. عيونة كانت تكلمني .. بس حاولت أسترجع ذاكرتي ماقدرت .. آآخ يا الله مو قادرة أصدق أني راح أطلع برا هالقضبان .. الحمدالله لك ياارب .. الحمدالله والشكر على كل شي .. الحمدالله .. وأبوج ورفيجة شنو راح يصير عليهم
أشواق : أبوي بالسجن ورفيجة عادل أذا قدم بو علي الأوراق الي تثبت التزويرراح يدش السجن بتهمة التزوير .. وراح ياخذ عقوبتة .. بس هالشي ماراح يصير الا بموافقتج ..
أم فيصل : أبوج شلونة تزورينة
أشواق والدمعه بعينها : من عرفت أنها أهو السبب بدشتج السجن ماشفتة ولا زرتة ولا أبي أزورة .. بس عادل رفيجة ماقصر معاي .. وفر لي الشغل والسكن ووقف معاي وقفة ريال
أم فيصل : وعادل الحين شنو وضعه
أشواق : عادل الحين تزوج ومرتة حامل و الله راح
قاطعتها أم فيصل : أنا أمي وابوي ماربوني على أني أخطف الفرحة من قلوب الناس .. وقلبي بعد مايسمحلي أني أحرم طفل من أبوه واهو عايش
أشواق : تقصدين عادل ..
أم فيصل : اي عادل
أشواق : بس يما .. عادل يستاهل السجن .. أهو بعد حرمني منج
أم فيصل : يما آشواق أنتي مو تقولين انا ماقصر وياج ووقف معاج وقفة ريال .
أشواق : اي
أم فيصل : عيل ليش تبينة يدش السجن
أشواق والدمعه بعينها : أنا ماأنكر انا وقف معاي .. بس أبيه يذوق المر الي ذوقني أياه أهو وأبوي وأبيه يذوق الكاس الي ذقتيه أنتي بعد .. والمساعده الي قدمها لي مو طيب منة بالعكس هاذا شوي عشان يكفر عن الفعل الشنيع الي سواه .. وعلى ولدة لاتحاتين ولدة بيعيش مثل ماعشت أنا ..
أم فيصل : لا يما آآ ماخبرت قلبج قاسي لهالدرجة
وقفت أشواق على حيلها : أنا قلبي قاسي !! لا يما أنا قلبي عمرة ماكان قاسي .. أم أحمد ربتني على الأخلاق .. ماقصرت وياي .. علمتي أني ماأخون هلي وناسي .. علمتني اني احترم الناس وماأغلط بحقهم .. والي يغلط بحقي أقابل الاساءة بالأحسان .. طول عمري كنت أنهان وأصبر وأتحمل عشان أرضي ربي وأرضي نفسي .. مرات أحاول أني أغلط على احد او أجرح أحد بس ماأقدر نفسي ماتسمحلي .. ويم جرحت .. جرحت علي .. الأنسان الي طلعني من الي انا فيه .. وشنو كانت النتيجة .. علي الحين مايمشي .. على الكرسي .. وبكل لحظة أشوفة فيها يتعذب لانة عاجر اتعذب أنا ألف مرة .. وامة .. أهانتني وعطتني ذاك الكف الي ماانساه .. ( حطت ايدها على خدها ) : ليلحين أحس بحرارة كفها .. بلحظة فكرت أني أنتقم منها بأعز ناسها وأهيا فاطمة بنتها .. بس ماقدرت لاني ماتربيت على هالشي .. ونرد حق فاطمة بنتها .. صرت لها الرفجية والاخت والأم .. بطلت قلبها لي وبطلت قلبي لها .. بعدها تجازيني انها تفرق بيني وبين علي .. والحين تييلي تقولي سامحيني وانا شنو سويت .. أبتسمت لها وسامحتها .. ل وحدة مكاني يا يما آآ جان دارت ظهرها ودعت عليها .. هاذا بنتج أشواق .. قلبها عمرة ماقسى على أحد .. وحتى عادل الي اقولج خل يدش السجن .. الكلمة طالعه من ورى قلبي .. مابي ولدة يعاني المعاناه الي أنا عانيتها .. أنا ربتني أم أحمد بس أهو منو يبي يريه .. عادل يمكن فيه ذرة حنان بس أمة لا ماعتقد .. تدرين يما آآ كل مااحاول أني أكون قاسية في شي داخلي يردني ..
أم فيصل لمت أشواق حيل : لانج بنتي .. هاذي بنتي أشواق .. ماعشتي بحضني بس خذيتي أخلاقي .. تدرين يما أني تعلمت منج أشياء وايد من دخلتي السجن ..
أشواق : شلون
أم فيصل : تذكرين الزقارة يوم عطيتج تدخنين ..
أشواق : اييه
أم فيصل : أنا طول دخلتي السجن وانا مالي شغل باحد .. كنت دايما أقعد بزاوية بروحي وأدعي الله يفرجها لي .. وايد حريم حاولوا يخربوني يا عن طريق المخدرات أو عن طريق التدخين وهالسوالف .. بس الله كان فوقي ويراقبني بكل لحظة .. محد قدر يهزني ولا يغير مبادئي واخلاقي ... ولاتني كنت واثقة انا راح ايي اليوم الي ألتقي فيه فيج .. وراح أيي اليوم الي أطلع فيه من السجن ونرجع أنا أبوج عايلة وحدة في بيت واحد .. وبعد كنت واثقة أنا أبوج راح يتغير لمن يشوفني .. تدرين الشي الي محد يصدقة .. اني طول هالفترة الي قظيتها بالسجن وانا أدعي حق أبوج بالصلح وهالداية عمري مافكرت أدعي عليه معنه اهوة كان السبب بدخولي هالمكان وأهو السبب بموت اخوج بس على العكس أملي بالله كان قوي .. لين يتلي وحدة من حريم الفريج ذاك اليوم وقالت لي أنا أبوج يخليج تغنين حق ربعه وتبين الخمر بقلاصاتهم .. هني حسيت أني تحطمت والدنيا صارت سوده جدامي .. تخيلت وايد أشياء مو زينة صارت لج .. توقعت أنج أنتهيتي وحياتج صارت سودة ومثل ماأنصعتي حق أمر أبوج وغنيتي يمكن تنصاعين حق اشياء ثانية .. ظعف أملي بالله شوي وقلت خلاص .. أبوج مامنة فايدة وطلعتي من السجن مستحيلة .. عشت أشهر بحالة كآبة وحزن مو طبيعية .. أشهر وانا كل يوم أبجي وأتخيلج بوضع الله يعلم شلونة .. وبعدها الشيطان تسلل تفكيري وحرظني أروح لهالطريج وبديت أدخن وأدخن عشان أنسى .. وبكل زقارة أشوف خيالج وانتي صغيرة جدامي لين دخلتي السجن وشفتج .. حسيت أنج الملاك الي بيطلعني من الي انا فيه .. ورديت تعدلت ورديت أدعي لج وحق أبوج .. والحين الله أستجاب دعائي والحمدالله
أشواق : الحمدالله لك يارب .. الحمدالله والشكر
... : زيارة حق أم فيصل
أشواق : زيارة لج بعد .. ياترى منو بيزورج يما آآ
أم فيصل : الله أعلم
.................................................. .................................................. ......
( بالمطاار )
هوزان ( ركضت عند جاسم ولميتة حيييل .. وأهو لمني بعد حيل .. ويه كان تعبان .. وجسمة هزلان .. ) : حمدالله على السلامة يانظر عيني ..
جاسم : الله يسلمج حبيبتي .. شلونج
هوزان : خلك مني أنت الي شلون .. الحين قولي كل شي مو قادرة أصبر أكثر ..
جاسم : خل نركب السيارة وأقولج
هوازن : أنشاءالله
البارت التاسع والاربعون
:$:$
..
( بالمطاار )
هوزان ( ركضت عند جاسم ولميتة حيييل .. وأهو لمني بعد حيل .. ويه كان تعبان .. وجسمة هزلان .. ) : حمدالله على السلامة يانظر عيني ..
جاسم : الله يسلمج حبيبتي .. شلونج
هوزان : خلك مني أنت الي شلون .. الحين قولي كل شي مو قادرة أصبر أكثر ..
جاسم : خل نركب السيارة وأقولج
هوازن : أنشاءالله
( بالسيارة )
هوازن ( جاسم كان منزل راسة وموراضي يتكلم .. الوضع كان هادي تقريبا ربع ساعه بعدها حط عينة بعيني ودمعته نزلت .. )
جاسم : جراح بالعناية المركزة وحالتة خطرة بين الحياة والموت
هوازن ( هاذا الي سمعته بالحرف الواحد من حلج جاسم .. حسيت أنا احد عطاني كف على ويهي ... ويهي لونة تغير ونطرتة يكمل )
جاسم : وجوان كانت حامل و .. ( خذى نفس )
هوازن بعفوية وخرعة : شصار بالياهل ..
جاسم تم ساكت
هوازن ( نزلت راسي وفهمت أنها خسرت الياهل .. نطرت شوي وأستجمعت قواي وسألتة ) : شلون صار كل هاذا
جاسم مخنوق : ( بدى جاسم يشرح لها السالفة من الأول لي الأخير )
هوازن : وقمر .. الحين شلون بنقول حق قمر .. شراح يصير فيها ولا شنو بتكون ردة فعلها
جاسم : مادري هوازن .. مادري شلون بوصل لها الخبر .. أخاف يصير فيها شي أنتي تدرين أهيا شكثر متعلقة بجراح اخوها خاصة بعد وفاة أمها ..
هوازن : يحياتي ياقمر .. أخيييه على قليبج يا بنيتي
جاسم : أنا تعبان هوازن حييل تعبان
هوازن : أسم الله على قلبك من التعب يانظر عيني .. خل نرجع البيت ولاتفكر بشي .. بس حط راسك على المخدة ونام .. قمر خلها عليي .. وأنشاءالله بأذن الله جراح راح يقوم بالسلامة ومرتة أنشاءالله بتحمل وبتترس البيت يهال
جاسم : الله كريم .. وأحنا مايأسنا من رحمة الله .. كل يوم ياهوازن أحمد الله أنج معاي .. بدونج مادري شلون كنت راح أعيش .. الحمدالله أنا ربي رزقني فيج
هوازن أستحت : الحمدالله رب العالمين الحمدالله
.................................................. .................................................. .......................
( بحر فرايديز )
علي : ماشاءالله شارين فلافل وبطاط وقاعدين على بحر فرايديز شنو هالمزاج الصاروخي
ثنيان : هههه اي والله .. مزاج عجيب
بطرف ثاني
دلال : خلاص تعبت .. ماني قادرة أمشي صارلنا من الساعه 6 الصبح وأحنا نتمشى ..
عادل : زين المشي حق الحامل .. أمي قالت
دلال : أسمحلي عيل أمك ماتعرف شي .. خو أنا مو على ويه ولادة عشان أمشي .. تو الناس ..
عادل : أمشي يلا ماعليه عشان ولدي يطلع سبورتي يحب الرياضة
دلال : لا أنا أبي ولدي يطلع جميل يطيح بنات الكويت كلهم
عادل : شدعوة .. خفي علينا أنتي ويا ولدج عبالج شاروخان هههههه وأنتي أمة ميري ههههه
دلال : تطنز هاا أنا أروايك لاتخليني ألحين أنبطح على بطني وافقص ولدك
عادل : هههه لا كل شي ولا الولد .. انتي فقصي روحج بس الولد لاتقربين صوبة
..
علي : أنزين قولي ثنيان .. شسالفة قمر .. نظراتك لها فيها نوع من ال ...
ثنيان : نوع من الحب .. الكره .. الأمل .. كل شي
علي : وحدة وحدة
ثنيان : سالفتي أنا وقمر سالفة معقدة .. وانا خلاص آمنت بالله أنا مستحيل تكون لي
علي : شلون
ثنيان : ونظرات قمر .. ماحسيت فيها حب وأنجذاب حق مشاري
علي : بصراحة لا
ثنيان : عيل خل اقولك السالفة .. بالأول أيام لسكول كانت قمر تتفق مع مشاري عليي ويمصخروني جدام العموم بالمدرسة .. وانا كنت أسكت ماعندي شخصية ولا أقدر أرد عليهم .. وكلة يطنزون على شكلي ويقولولي جنس ومن هالسوالف .. وكل شي كان يهون .. أهم شي كان عندي أني أشوف قمر جدامي ..
علي : انزين وبعدين
ثنيان : وبعدين أنا قررت أغير من شكلي عشان اثبت حق الكل أني لاجنس وانا عندي شخصية .. وصار هالشي وتوقعت انا قمر راح تحبني لاني غيرت من شكلي .. بالبداية أستلطفتني وقامت تعطيني ويه وهالشي صار بفضل مشاري طبعا لانة قلبة حن عليي وكسرت خاطرة
علي : كسرت خاطرة على شنو
ثنيان : مرة من المرات قمر عطتني كف جدام الكل .. وصرت حديث السكول .. والظاهر على حسب كلام رفيجتها أنا مشاري أتفق وياها أنها تبني علاقة وياي أذا كانت تحبة وتعزة .. يعني قمر ومشاري بالضبط أستغلوني .. وكل واحد كان له سببة .. مشاري عشان يعوض عن كل لحظة جرحني فيها وقمر عشان ماتخسر مشاري
علي : يعني الحين قمر ومشاري يحبون بعض
ثنيان : أول أمس .. يوم رحت الحمام شفتهم بالصالة .. قمر كانت شوي وتقعد بحضن مشاري .. ويوم دخلت عليهم قمر قالت حق مشاري قولة وثنيان عرف السالفة بس مشاري نكر هالشي .. وماعترف أنا يحبها
علي : أنزن يمكن مشاري صج مايحبها
ثنيان : لا يحبها .. انا هالشي كنت شايلة من بالي .. لانة مشاري كان مايعطي قمر ويه واهيا كانت تركض وراه عشان يبعد الشبهات .. وكل ماقتلة ساعدني عشان أتقرب من قمر قالي ماتنفع لك ومادري شنو .. بس الشي الي مظايقني انهم أثنينهم مثلوا عليي ووهموني أنها تحبني وخلوني أحط امل ..
علي : أمممم قصتكم حيل غريبة ..
ثنيان : خلها على الله
علي : أنزين عادي أبدي رايي بالموضوع
ثنيان : اي
علي : انت المفروض من البداية ماتحط أمل .. ومبين أنها ماتفضل نوعك أسمحلي بس مو قصدي أهينك .
ثنيان : هههه لاعادي كمل
علي : أنا يوم واحد قعدت مع البنت عرفت شخصيتها ... هالبنت تحب الريال الي عنده كلمة وعنده شخصية قوية .. تحب الريال المتزمت وبنفس الوكت رومانسي بس مايطلع هالرومانسية الا بوكتها .. وعليه حركات شيطانية ونكيت وفصلة .. ولا تفهمني غلط ثنيان .. بس أنت شخصيتك كلش تختلف عن شخصية مشاري .. أنت من يوم كنا صغار وأنت حريص حيل ماتخطي خطوة الا عامل لها الف حساب .. عكسي أنا ومشاري طاقين الدنيا بالطوفة .. وبعد كان كل أهتمامك بالدراسة وبالأشياء الي تخص العلم .. يعني أشياء مملة نوعا ما
ثنيان : ههه ماشاءالله عليك .. حللت شخصيتي بعد
علي : يبا أنا ماخذ كورس علم نفس شعبالك
ثنيان : وهالمواصفات كلها موجودة بمشاري
علي : اي نعم .. وأكبر غلط أنك صدقت أنها ممكن تحبك بعد لسطار ألي عطتة لك .. وبعد ماكنت تدري انها تركض ورى مشاري ..
ثنيان : مادري ياعلي .. قلت يمكن تغيرت مثل ما أنا تغيرت
علي : بعدين صدقني هالبنت مو من نوعك .. الحين أنت غيرت شخصيتك وصرت شوي فني .. وتعرف شلون تتكلم وتعبر عن الي بداخل وهاذا تطور كبير .. أصلن أنا مستغرب منك شلون فتحت قلبك لي .. لو أنك ثنيان القبلي جان كتمت بقلبك لين أنفجرت
ثنيان : اي والله .. انا غيرت من نفسي لاني حسيت أني صج أملل .. الله كريم ياخوي .. والله يرزقنا انشاءالله في بنت الحلال
علي : أنشاءالله
..
دلال : حياتي خل نقعد على الطاولات الي مناك
عادل : يلا مشينا
دلال ( وأحنا نمشي بنقعد على الطاولة ولا أطق بريك قوي .. نزلت النظارة من على عيوني ولا أشوفة .. أي هاذا جنة علي .. بس ليش قاعد على الكرسي .. أويلي شصاير .. كان ودي أركض له أشوف شالسالفة بس ماقدرت لانة عادل واقف يمي .. )
عادل : شفيج صاير شي
دلال : لا لا .. عبالي شفت رفيجتي
عادل : خرعتيني
دلال : انزين حبيبي خل نرجع البيت خلاص حيل تعبت
عادل : على راحتج يلا مشينا
دلال : مشينا
..
ثنيان : وانت علي .. مافي وحدة ماخذة قلبك منيه مناك
علي : أنا .. هههه لاوين .. انا قلت حق الحب بااي باااي
ثنيان : اي أحسلك .. بس ليش
علي : شوف ثنيان .. أنا عشت تجربة حب حلوة كانت بالبداية .. ونيتي ماكانت أني ألعب على البنت بالعكس نيتي زواج .. وكلمت أمي وأمي وعدتني تكلم أمها .. وبنفس اليوم وانا طالع ولا أنصدم من البنت .. طلعت تكون علاقات عابرة .. يعني بأختصار كنت تقزورة وانا مادري .. وهالسبب أختياري الخاطىء .. يعني الي بوصل له .. انا أحنا الي قلوبنة طيبة بسرعه ننخدع بالناس .. فلازم تكون حذر وأنت تختار شريك حياتك عشان لاتندم بعدين .. وليس كل مايلمع ذهب .. وحط قاعدة .. لاتدور أنت الحب .. خل الحب أهو الي يطق باب قلبك
ثنيان : هههههه .. بعد شاااعر .. كل يوم تفحمني ..
علي : ههههه .. الدنيا علمتني الي ماتعلمتة من طلعت من بطن امي .. خلها على الله بس .. والله كريم
ثنيان : اي والله .. الله كريم
.................................................. .................................................. .......................
( بيت بو هوازن )
مشاري دخل البيت وأهو معصب ويتحلطم
بو هوازن : الناس من تدخل البيت وتشوف ناس قاعدة بالصالة تسلم بالأول ولا أنا غلطان
مشاري : سامحني بابا عود .. بس ياي وأنا حدي شاب نار
بو هوازن : خير شصاير
مشاري : توني راد من مقابلة الوظيفة الي قتلك عنها .. طلع أبوي راعي الشركة وانا مادري
بو هوازن : أبووك شعد
مشاري : اي أبوي سعد .. لا وبكل وقاحة يقولي تفضل يبا .. يعني شكلة من البداية مخطط حق هاللقاء .. وانا أقول شلون في شركة رضت توظفني وانا ماعندي الا ثانوي وشركة واصلة بعد ..
بو هوازن : أستهدي بالله .. لاتعصب .. يمكن هالنقة أجابية .. وخيرة من الله
مشاري : أي خيرة أبوي .. خيرة انا يتكلم على امي بالشينة
بو هوازن : أقص لسانة من تكلم على امك
مشاري : لاتخاف عطيتة جزاه وأكثر
بو هززان : صج الدنيا تدوور ..
مشاري : بس ليش عقب هلسنين لييش .. يعني بصدق قلبة حن عليي .. انا أدري يبيني أوقف بصفة ويبي يغريني بمنصب بشركتة عشان أترك أمي وأعيش وياه .. يبيني أحرق قلب أمي بس يصير خير .. مستحيل أسويها
بو هوازن : مالك شغل فيه خلاص يبا .. أنا بدور لك مكان عند واحد من الربع ومايصير خاطرك ألا طيب
مشاري : والله عكر مزاجي من صباح الله خير
رن تلفون مشاري ولا قمر داقة ..
مشاري : عن أذنك يبا
..
مشاري : نعم قمر .. ماخلصنة يعني من هالموضوع
قمر : لا ولا راح نخلص .. مشاري والله أنا تعبانة .. ليش تسوي فيني جذي ..
مشاري : قمر خلاص .. قتلج احنا مو مكتوبين حق بعض .. ورجاءا سكري الموضوع
قمر : أبيك تحلف أنك مرتاح بدوني
مشاري : والله أني ماذقت طعم النوم وانتي بعيدة عني .. قمر انا بعد أحبج .. بس علاقتنا مايصير تستمر وثنيان بوسط علاقتنا
قمر : مشاري هاذي حياتنا .. لاتظحي بحبنا عشان ثنيان .. الحب مو بالغصب .. ثنيان بيلاقي البنت الي تسعده .. الحين ولا بعدين
مشاري : لاتأكدت انا ثنيان لقى البنت الي يحبها وتحبة ذيك الساع ماراح يوقف شي بويه علاقتنا .. بس انا ماقدر أكون معاج وأدري أنا أخوي يحبج ويبيج .. خلج مكاني شنو بيكون موقفج
قمر : راح أضحي بالكل لاني أحبك .. وأعرف شغلة وحدة الي أهيا أني أحبك ومستعده اتخلى عن أهلي عشانك
مشاري : لاتقولين جذي . أهلج بالمقام الاول والي مافيه خير لهلة مافيه خير للناس
قمر : أدري اهلي بالمقام الأول بس أنت غير .. أنت كل أهلي وناسي
مشاري ( مو قادر أتحمل اكثر .. أخاف أضعف من كلامها .. لازم أسكر الموضوع ) : أنزين بابا انا بيت يدي ماقدر أكلمج .. لمن أرد البيت أتفاهم وياج
قمر : يعني في مجال نتكلم بالموضوع وتغير رايك
مشاري : لا .. يلا باي
قمر : بااي .. ( دايما تسكر السماعه مني وتخنقني بكلامك .. الله يسامحك مشاري .. الله يسامحك .. )
شوي ولا يرن تلفونها
قمر : ولييه .. أنا شكو بلشت عمري خل .. # الووو
عمر : هلا والله .. عاش من سمع هالصوت
قمر : عاشت أيامك
عمر : صباح الورد يا وردة البيت
قمر : صاح النور
عمر : شلونج بوي أنتي شخبارج
قمر : تمام الحمدالله
عمر : بقيت ادق اتطمن عليج .. صارلج جم يوم مو داقة
قمر : مشغولة شوي بزي بعد تعرف
عمر : ههههه .. محسستني أنج أمرآة أعمال
قمر : اي هاذا الصج . انا أدير شركة أبوي
عمر : اووه أووه يا بنت لفلوس عطينا ويه شوي
قمر : مابي
عمر : أفاااا أنا عمر
قمر : هههههه .. خلاص هاك ويهي كلة
عمر : لا انا جذي ماقدر
قمر : أممم ..
عمر : شنو .. أحس بداخلج كلام وايد
قمر : شعندك اليوم .. زهقانة ودي أطلع
عمر : والله انا أنسان فاضي
قمر : خلاص عيل شرايك نلتقي
عمر : أوكي .. بس وين تبين نلتقي
قمر : تدل بحر الفنطاس
عمر: اي أدلة
قمر : نلتقي مناك على الساعه 2
عمر : خلاص صاار
قمر : يلا الحين باي
عمر : باااي
بهالأثناء
هوازن : أنت ادخل من الباب الخلفي لايشوفونك لعيال
جاسم : خلاص أوكي
هوازن : انا شوي واصعد لك
جاسم : اوكي حبيبتي
هوازن : يلا
..
غرفة قمر
هوازن تطق الباب
قمر : منو
هوازن : أنا هوازن
قمر : تفضلي خالتي
هوازن : دام فضلج يما
قمر : اوووه خالتي قاعدة مبجر اليوم شصاير
هوازن : نازل عليي النشاط فجأة شفتي شلون
قمر : هههه .. لا عندج شي مو خالية
هوازن ( مسكت أيدها وقعدتها على الفراش . مادري شلون أقولها الخبر بس عطيتها مقدمات .. )
قمر : خالتي شفيج .. ليش جذي ويهج تغير
هوازن : يما قمر .. أنتي كبيرة وفاهمة .. والكلام الي بقولة لج مابيه يأثر عليج وابيج تسمعيني لي الآخر
قمر : خالتي شصاير ..
هوازن : لاتخافين حبيبتي .. بس انتي عارفة انا الدنيا قضاء وقدر ومانقدر نغير شي
قمر والدمعه بطرف عينها : خالتي أبوي صار فيه شي
هوازن : لا لا .. أبوج مافيه شي
قمر : عيل
هوازن : جراح
قمر وقفت على حيلها : جراح أخوي شفيه ..
هوازن : ...
قمر تصارخ : جراح أخوي شفيه
هوازن : جراح أخوج سوة حادث سيارة أهو ومرتة والحين أهو بالعانية المركزة
قمر : لا لا .. مو صحيح .. أبوي أمس كلمني وقال جراح راح يرجع الكويت مع مرتة
هوزان : يما آآ قمر .. ابوج قالي نفس الكلام ... بس اليوم صدمني وقالي هالخبر
قمر : الحين بتصل علييه
هوازن : أبوج بغرفتة
قمر ( ركضت غرفة أبوي وكان قاعد على الكرسي ومنزل راسة .. ركضت عنده وطحت على ريولة وقعدت أبجي .. هالموقف نفسة صار يوم توفت أمي .. ونفس الكلام قالولي .. امج سافرت وراح ترجع .. الفلم الي صار بوفاه أمي صار الحين مع جراج .. )
: يبا قول انا جراح أخوي مامات .. قول انا راح يرجع .. ماراح يخليني مثل ماخلتني أمي
جاسم لمها حيل وقعد يبجي : راح يرجع أخوج بأذن الله .. راح يرجع
قمر : يبا أنت مو قاعد تجذب عليي صح .. ترى أنا الحين كبرت ماني قمر أم 5 سنين.. الحين أنا عمري 18 .. لاتقولي أخوي بيرجع وبعدين تصدمني
جاسم : لا يبا مو قاعد أجذب عليج .. أهو الحين بالعناية المركزة وأنشاءالله راح يطلع
قمر : ودني له الحين .. بشوفة الحين
جاسم : مايصير يبا ماكو رحلات هالحزة
قمر : الحين تروح تحجزلي رحلة .. حتى لو بالنت ماقدر أنطر بشوف أخخوي
جاسم : أنشاءالله الحين أدش وأدور حجز
.................................................. .................................................. ........................
( لوس أنجيلوس )
غرفة جراح بالعنياة المركزة
جوان : جراح قوم شوف .. زينت الغرفة كلها لك .. حطيت لك فراشات الامل .. وحطيت لك بالونات الشوق .. ورسمت لك ورود الحب .. بطل عيونك وشوف .. اليوم عيد ميلادك حياتي .. يلا قوم حبيبي قوم
أم أحمد : خلاص يما آآ لاتعذبين روحج
جوان : شفيج يما آآ راح يقوم .. اهو وعدني أنا ماراح يخليني
أم أحمد : أنشاءالله بيقوم بس لاتظقطين على روحج
جوان : خلاص أنتوا شتبون خلوني بروحي أنا ويا ريلي .. كل ساع واحد ياي يتفلسف على راسي
أم أحمد : أفاا يما آآ أنا تقوليلي هالكلام
جوان طاحت بحض ام أحمد : سامحيني يما آآ والله مو قصدي بس نفسيتي صايرة زفت ..
أم أحمد : امس عمج سافر وأحتمال يقول حق بتة ومرتة على الي صار
جوان : متى سافر ..
أم أحمد : أمس
جوان : يعني بيقول حق قمر .. أخييه ياقمر على قلبج من تشوفين أخوج امدد على لفراش مايتحرك .. آآه يما آ ليش أنا وجراح ..
آم أحمد : تعوذي من أبليس هاذا قضاء وقدر رب العالمين
جوان مسكت أيد جراح : الله يقومك بالسلامة .. جراح أسمعني عمي وقمر راح أيوون .. بطل عيونك حق قمر .. لاتكسر قلبها سامعني
** جراح ظقط على ايد جوان
جوان : يما آآ جراح ظقط على ايدي .. يعني قاعد يسمعني ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك