رواية كل ما قال الفرح جيت يلاقي من احزان قلبي صدود -3
البنات : هاااااااااااه
العنود : هويتي ببير قولوا نعم
البنات نعم
العنود : وش رايكم نوقف شوي ونلعب حبشه
البنات : اوك
البندري : وشلون نلعب حبشه هنا وما في غير التراب يالدلوخ
العنود : مو لازم حبشه نلعب مويه ثلج ولا مطارده وش رايكم
البنات : اوك
وقفت العنود السياره وقرروا يلعبون مطارده وفرشوا فرشه على الارض عشان اللي يخسر يقعد فيها وصخوا العبي لان ما في احد حولهم وبدوا اللعبه وكان الدور على العنود وبدت تطاردهم وكل ما مسكت وحده كفختها وما بقي غير البندري ما تمسكت والعنود يوم قربت منها نطت البندري فوق السياره ووقفت تاخذ نفس << مدري وش تحس فيه
العنود : انزلي يا مال اللي ما نيب بقايله يا خبله فصفص قال لا توصخون السياره ما قال اوقفوا فوقها
البندري بنذاله فتحت المويه اللي كانت شايلتها وكبتها على الارض ونطت على الارض واخذت من الطين وصارت تحطه على السياره العنود ولعت كل شي ولا فصول اخوها وعزوتها صح ان فهد اكبر لكن هي تحب فيصل اكثر قامت مسكت البندري وكفختها لما قالت بس ورجعوا بعدها البنات ورجعوا على الخيم حقتهم ووصلوا على المغرب ....
هذي بس بدايه البارت ما نزلته كامل لاني مشغوله اكمل الباقي يوم الاربعاء او الخميس ان شاء الله انا نزلت البدايه عشان خاطركم ولا والله اني مررره مشغوله اتمنى من كل قلبي اني اشوف ردودكم وتشجيعكم وتوقعاتكم مع السلامه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تابع البارت الـــــثــــــــــــــــــــــالــــــــــــــث
راحوا البنات يتروشون عذا العنود راحت وجابت سطل مويه وصابون واسفنجه ورفعت رشعها بكلبس عشان ما يضايقها طبعا كانت بالعبايه بس حاطه الطرحه على كتوفها لان ما في احد حولها وتقريبا ظلام وصارت تغسل سياره فيصل وبنفس الوقت كان مشاري رايح لواحد من اصحابه وشاف العنود وهي تغسل السياره بكل جد عشان لا تضايق فيصل فقال بخاطره (( ما الوم فيصل يوم يقول ما يقدر يعيش من دونك أجل تغسلين السياره عشان ما يتضايق انكم وسختوها وربي كان صادق يوم قال انك تهتمين فيه كانك امه وابوه مع انك اصغر منه )) كان يطالع فيها وهي تشتغل ومبتسمه كانها تقول كل شي يرضي اخوي حلو دق جوالها وردت : هلاهلا بهالصوت وراعيه
مشاري اشتغلت فيه اللقافه ويبي يعرف مين اللي تكلمه العنود فقرب من السياره بحيث انه يسمعها ويشوفها وهي لا
العنود : هههههههههه .. وربي انك فله ...لا يا شيخ ... لا لا لا تخاف نظيفه ما وسخناها ... هههه ... ايه اكيد
عرف مشاري انها تكلم فيصل
العنود : لا بالسياره بس قلتلهم يكتون عشان اسمعك ... خلاص ما بنطول يالله سلاااام ... فامان الله
وقفلت وكملت غسل السياره ومشاري راح لصاحبه لكن عقله عند العنود (( معقوله انها تحب فيصل لهالدرجه واكييد عارفه انه ما راح يخليها تغسل السياره حتى لو كان متضايق عشان كذا ما قالت له صرااحه ذي البنت كل يوم اكتشف فيها شي جديد )) ...
بعد ما خلصت العنود راحت أخذت لها شور وقالت لفيصل انهم رجعوا السياره مكانها ونادته ياخذ المفتاح منها
على الساعه 10 بالليل بدأ الكل يستعد للشووي طبعا العنود قدرت تقنع ابوها انه يروح ويشتري لهم مرشملو ( حلاوه قطن ) عشان يحلو على قولتهم بعد الاكل وكانوا الشباب مسؤولين عن اللحم والبنات على الدجاج والحريم بيسوون السلطات وهذي الاشياء والرجال كانوا يجهزون الجلسات لانهم براا الخيم قسم للحريم والبنات وقسم للرجال والشباب المهم خلينا نشوف النبنات والشباب اللي كانوا معطين ظهورهم لبعض وبينهم مسافه بسيطه
الشباب
مشاري : اعطيني الصحن بسرعه قبل لا يحترق اللحم
فيصل : روح بنفسك انا مو فاضي
مشاري : فصييل يا عبقري زمانك كيف اقوم وانا اللي اشوي
فيصل : يووووه – لف على جهت البنات – دودي
العنود وهي تحرك الشوي : هلا
فيصل : جيبي لي صحن اذا فاضيه
العنود : طيب – لفت على البندري – بنو انتبهي للشوي لا يحترق لحظه وارجع
البندري : اوك
العنود نست وجود الشباب وراحت تجري لجهه الحريم وجابت الصحون لفيصل : خذ بسرعه شكل بنو حوست الدنيا
البندري سمعتها وصرخت : كلي هوا الشرهه على اللي يعطيك وجه
العنود راحت لبنو والكل كان يضحك عليهم بنو سوت نفسها زعلانه ومدت بوزها وتركت الشوي العنود مسكتها وحبت راسها وبمزح : لا لا ما اقدر على زعل بنو
بنو تسوي نفسها رضت : يا قلبي انتي اساسا ما اقدر ازعل منك
العنود وهي تسوي نفسها استحت غطت وجهها بيدها وقالت : تسلمييين
الكل كان يطالعهم ويضحك على غبائهم
البندري ضمت العنود والعنود ضمتها وبعدين بعدوا عن بعض وصاروا يضحكون والباقيين كلهم منفجرين ضحك البندري والعنود تذكروا الشوي ضربوا روسهم بخفيف بنفس الوقت وقالوا بنفس الوقت : نسينا الشوي
طالعوا بعض ورجعوا يضحكوا وبعدين لفوا وكملوا شغلهم وهم يضحكون ومبسوطين وخلود اسيل يحطوه بصحون ونواره وجنان يودوه للسفره وطبعا شوق وشلتها بالخيمه خايفين يحترقون ما عدا جنان والريم وشلتها كانوا يلعبون كوره مع فارس وخالد ونواف اما الشباب فاكان تقسيمهم مشاري وفيصل يشوون ورائد ونادر يحطوا الشوي بالصحون وبندر وبدر وريان وجاسم يودونه للسفره بعد ما خلص الشووي الكل اكل واستانسوا ودخلوا الرجال والحريم خيماتهم وبعدين جاء دور البنات يبون يشوون المرشملو العنود لابوها : يبه تكفى نبي نشويه على حطب
ابو فهد : يا بنتي ما قلنا شي بس خلي واحد من الشباب يولعه لكم
العنود باست راس ابوها : اذا كان كذا فاكييد فصوول ما راح يرفض شكرا
وطلعت من عندهم تجري كعادتها
ابوفهد ضحك : هذي البنت ما راح تعقل ابد
ابو مشاري : والله انك صادق لاهي ولا البندري ولا خلود ولا نواره
الجد يكمل : ولا اسيل هذا وهي عمتهم
الكل ضحك
ابو ريان : وشكل العدوه انتقلت لجنان
... واستمر الحديث
العنود من زود الحماس راحت عند جلسه الشباب وهي تجري طبعا هم بعد الاكل ما راحوا الخيمه والبنات نفس الشي المهم ما تشوفوا الا شي طايح بالنص الكل انصدم ايش الشي اللي طاح في وسطهم مشاري وفيصل وقفوا يبون يساعدوها بس العنود على طول وقفت ولا كأن شي صاير ولفت على فيصل وقال وهي ضامه يدينها كانها تتمنى امنيه : فصوول طلبتك
فيصل ابتسم : امري
فهد بلقافه : هي انت وياها ترى انا الكبير المفروض تطلبين مني انا
العنود لفت عليه وقالت بعين قويه : اولا انت مغرور ثانيا انتن تزلني عشانم تنفذ الطلب ثالثا انت جاي من امريكا فخليك مرتاح – قالتها بسخريه – رابعا انا كلمت فيصل .. اكمل ولا اوقف
فهد فتح عيونه للاخير : لا لا لاتكملي .... طارت بوجهي تقول قاتل لها احد
العنود ما عطته وجه ولفت لفيصل اللي ميت من الضحك هو وكل الشباب الباقيين : فصول وقف ضحك لاني بتكلم يعني لو سمحت
فيصل سكت وابتسم : حاضر عمتي
العنود لفت على فهد : شفت عشان كذا اطلب من فيصل – ورجعت لفت على فيصل – المهم ابيك انت وهذا – اشرت على مشاري اللي جنبه – تولعون الحطب لاننا بنشوي مرشملو
مشاري : ذا اللي شايفته له اسم
العنود متسببه : وانا مابي اقول اسمك انا حره واظن انك تعرف السبب
مشاري ابتسم : أحلمي اني اعتذر ومو منفذ طلبك وهه – مد لسانه –
العنود : عادي يا كثر اولاد عيلتنا ماشاءالله واخوي لحاله يكفي – لفت على رائد – رائد تجي تساعد فيصل لو سمحتتت – شدت عليها
الكل ضحك عليها
رائد : طيب يالله يا مدام انود على قوله شغالتنا
العنود : مدام بعينك وانود بعين شغالتكم مابي منك شي
لفت على نادر : نادر تجي انت
نادر : اجي بس بشرط
العنود : اوووف انت بتتشرط مابي منك شي
لفت على فهد : فهد مو انت تبيني اطلبك ياله قوم ساعد فصول
فهد : الحين افتكرتيني مو قايم
العنود : يوووه حتى انت ما بي منك شي
العنود بامر : بندر قوم ساعد اخوي
بندر : قولي لو سمحت
العنود انقهرت : افففف ترى اتعورت كرامتي وهذا الشي مو من صالحكم وبالذات انت – اشرت على مشاري – فاهم
جاسم : وش بتسوين مثلا
العنود : ما عليك وش بسوي بس صدقوني بتندمون وبخلي بنو تساعدني
مشاري : طيب وش بيضرك لو طلبت مثل العالم والناس
العنود : قوم قدامي اشوف يالله وهذا انا ما طلبت امرت
مشاري بعناد تربع على الارض : وريني كيف بقوم
العنود : ابشر
طلعت جوالها واتصلت : بنوو تعالي وجيبي البنات ... انتي تعالي وبتعرفين السالفه ... لا بس اخوك مسوي فيها قوي ... هههههه طيب يالله بسرعه – قفلت – الحين بيجون البنات بتقوم ولا شلون
فيصل : عنود سيبي مشاري فحاله خلاص انا بولع لكم الحطب لحالي ما يحتاج احد يساعدني
العنود : شوف فيصل هذي المره مستحيييل اسمع كلامك في هذا الطلب بالذات وانا عارفه انك ما تحتاج مساعده بس انا كذا – اشرت على عقلها – ابي
فيصل ابتسم : طيب ليش
العنود : لان مشاري ما يحترم مشاعر الناس ويتريق عليهم
فهد : الله اكبر الحين مشاري اللي ما يعرف يحترم مشاعر الناس
العنود طنشته وتكلم مشاري : بتقوم ولا شلون
مشاري بعناد وهو مبتسم : شلون
الكل ضحك والعنود انقهرت طبعا كانوا مشاري وفيصل والعنود بالنص فكانهم يسوون مسرحيه اشكالهم تموتن من الضحك جووا البنات ووقفوا ورا العنود
البندري : مشاري قوم بسرعه
مشاري : احلفي
البندري ببرائه : والله
مشاري : مو قاااايم ما تفهمون
اسيل : مشاري لا تخلييني اقووووول عن هذاك اليووم ترى بخليك نكته العائله
مشاري قام : خلاص خلاص قمت مو مستغني عن حياتي انا
راحوا مشاري وفيصل وشبوا النار للبنات
العنود : شكرررا
فيصل بابتسامه : العفو – ولف يبي يمشي –يالله مشاري
العنود : لا وين تعال تعاال نكافئك بمرشملو مشويه
مشاري : ترا انا ساعدته .. اللحين ليش تكلميني كذا
العنود : لانك ما عتذرت
مشاري : ما ني معتذر
العنود : خلاص اذن اسكت وروح للشباب
مشاري : تكتف مو ساكت ولارايح
فيصل ضحك : كانكم بزران
مشاري اللي كان مقهور : اختك البزره المتكبره اللي مو راضيه تسامح القاسيه
فيصل سكت لانه عرف ان العنود انجرحت
العنود فكت ايدينها اللي كانت عاقدتها وقالت بهدوء : خلاص روحوا عند الشباب
راحوا مشاري وفيصل والعنود رجعت وسوت نفسها ان ما فيها شي وصارت تضحك مع البنات مع ان كان فيه شي ثاني مضايقها مرررا وبعد ما اكلوا وخلصوا كل شي وقبل لا تدخل الخيمه : تعالي ابيك شوي
العنود : هلا امر بغيت شي
فيصل كعادته ابتسم : لا بس طفشان وقلت اسولف معااك
العنود : ماشي
فيصل كان متفق مع مشاري انه يندس في سياره فيصل لان فيصل يبيه يعرف انه جرح العنود راحوا العنود وفيصل لسياره فيصل وركب فيصل مكان السايق والعنود جنبه بمكان الراكب وبعد فتره صمت قصيره قالت العنود بهدوء : فيصل انا قاسيه ومتكبره
فيصل : لا ابدا ليش
العنود بنفس الهدوء : فيصل لا تكذب قول الحقيق هانا كذا صح بس والله ما كنت اقصد كنت متضايقه لاني بعد ما ناديتكم اتصلت علي ام دلع – وامتلت عيونها دموع مستحيل تنزل وفيه احد قدامها – قالت لي ان دلع – سكتت تاخذ نفسها لانها تحس العبره خنقتها – فيها مرض السرطان
فيصل هز راسه باسف وقال : لاحول ولا قوه الا بالله خلاص اهدي بكره ان شاء الله تزورينها انتي بس ادعيلها
العنود : توعدني << قالتها وهي تناظر قدااام
فيصل : اوعدك
العنود : بس اخاف تموت
فيصل : ليش فين الورم فيها بالظبط
العنود : بالجهاز الهضمي
فيصل : طيب وش رايك نسأل فهد اكيد عنده خلفيه
العنود هزت راسها بطيب ونزل فيصل بعد ما قالها تنتظره هنا وبس قفل فيصل باب السياره انفجرت العنود بكاء وصارت تشاهق وهي دافنه وجهها بين يديها وتدعي من قلب : ياا رب .. يارب ... خلي دلع تتشافى يارب لاتحرمني منها .... يارب ...
ما قدرت تكمل خنقتها العبره ومشاري تقطع قلبه عليها لكنه ما يقدر يسوي بكت وبكت بعدين رجعت تتكلم وكأن دلع قدامها : دلع يا غبيه يا ويلك لو ما تعافيتي ماراح اكلمك فاهمه .. 0ابي اشوفك ...قويه ... وما ابيس دمعه ... تنزل من عينك ... فاهمه .. صارت تضرب باب السياره وعلي صوتها نفهمين صح تفهمين – وقفت ضرب وبدأ صوتها يهدى- لا تقولي ما تفهمين لع اااااااااه ... وربي احبك يا صديقتي .. – صارت تهمس – فيه كثير اشياء ابي اقولها لك يا ويلك مني لو متي – صرخت – فاهمه
سكتت فجأه حتى شهقاتها توقفت مشاري خاف ورفع راسه قليل بحيث انه يقدر يشوفها شاف فهد وفيصل جايين انبهر بقوه الانسانه اللي قدامه واستغرب كيف تقدر تتحمل كل هذا الضغط النفسي عشان لا تضايق أي احد حولها دخل فيصل بمكانه وفهد ركب ورى ولا حس بمشاري كل همه اخته صح دايما يتضاربون لكن كل واحد منهم يحب الثاني اكثر من نفسه حط يده على كتفها وقال : العنود لا تخافين نسبه نجاح العمليه اكثر من فشلها لان المرض ما انتشر وكل ما تاخرت راح تنظر لكن هي ان شاء الله بتسوي العمليه وانت لازم تدعين لها
العنود هزت راسها يعني طيب
فيصل : يالله الحين اشوف روحي نامي ولا تسهرين لاننا بنروح لها الصباح ان شاء الله موافقه
العنود نزلت من السياره من غير لا تقول ولا كلمه لانها حست ان دموعها بتخونها وراحت على الخيمه ونامت بعبايتها وفهد وفيصل نزلوا من السياره وراحوا على الخيمه ومشاري اللي تاكد ان فيصل نسيه وما حب يحرجه فانتظر شوي بعدين نزل
اليوم الثاني الساعه 9 الصباح صحت العنود وراحت لخيمه الشباب ووقفت جنبها ودقت على فيصل وقال لها انه عند السياره راحت له بس ما كان لوحده كان معه صديقه وولد عمه مشاري العنود بهدوء : مشاري انا اسفه
ودخلت السياره على طووول ودخلوا بعدها فيصل ومشاري ومشاري اول ما ركب قال : وانا اسف
العنود بنفس الهدوء : فيصل خلينا نمر محل للورد بجيب لدلع منه
فيصل : ابشري
وراحوا واشتروا الورود واول ما دخلوا المستشفى وقفت العنود دقايق قدام غرفت دلع واخذت نفس طوويل وابتسمت ودخلت برجتها المعتاده فيصل ابتسم على تصرفات اخته ومشاري ما انصدم لان هذي مو اول مره تضغط على نفسها عشان تسعد غيرها لكنه استغرب كيف تجيب كل هالقوه اكتشف هذي المره انها مضحيه دايما تسعد غيرها على حساب نفسها اما فيصل عارف اخته لذا اكتفى بابتسامه قعدوا على كراسي الانتظار ينتظرون العنود
عند العنود ودلع اول ما دخلت العنود انتفضت دلع من الخرعه وابتسمت وقالت بهدوء: هلا فيك بغرفتي الجديده
العنود وهي تنسق الورد بعد ما حطته بمزهريه : بعيد الشر ترا كلها كم يوم وطالعه
دلع بابتسامه صفرا : ان شاء الله
العنود راحت لها وضمتها بقوووه : يعني موافقه تسوي العمليه
دلع بهدوء : ايه
العنود بحماس : بالله تقولين لي من هي الانسانه الخطنطيره اللي اقنعتك
دلع : انتي هي هذي الانسانه
العنود فكت طرحتها وحطتها على خصرها وربطتها وصارت ترقص مصرري : والله اني خطنطيره هههههههههههه احبني – وضمت نفسها – ههههههههه
دلع ضحكت على خبال العنود اما العنود ففكت الطرحه وحطتها على راسها ولفتها على السريع وراحت عند فيصل ومشاري وصارت تنط وهي تاشر على الغرفه : وافقت وافقت تسوي العمليه – امتلت عيونها دموع فرح بس مستحيل تنزل أي دمعه – صدقوني وافقت فيصل اقولك وافقت روح اسالها وتاكد << مسكينه من الفرحه مو عارفه ايش تقول
فيصل بابتسامه : مصدقك اللف مبروك
العنود باست راسه : فرحانه الله لا يحرمني منك يا احلى اخ في الدنيا
مشاري ارتاح لانه كان شايل همها وفجأه العنود سكتت ووقفت نط وسجدت لربها سجود شكر وهذا اللي زاد فرحه فيصل ومشاري وقفت العنود وقالت لفيصل : بروح اشوف الدكتور واسأله عن موعد العمليه وفيصل – قالتها بتحذير – ويلك لو تحركت من مكنانك لاني متأكده انك امس كله ما نمت
مشاري تفاجأ لان فيصل فعلا ما نام امس بس ما كان باين عليه انه ما نام
اما فيصل ابتسم كعادته : طيب بس وش درؤاك اني مانمت
العنود : احساس وبعدين عارفه انك ما تنام وانا زعلانه ههههههه بجد بجد انت احلى واحسن واطيب اخو بالدنيا كلها
فيصل : كل هذا فيني
العنود : واكثر بعد يالله انا رايحه
فيصل هز راسه بطيب وفيصل متاكد ان العنود الحين تبكي من الفرح عشان تفرغ اللي فيها فقال لمشاري : مشاري روح شوف دودي واذا كانت تبكي ومو عند الدكتور دق علي رنه
مشاري وقف وهو يقول : انت متأكد انك مو تؤمها – فيصل ابتسم – من صدق اتكلم كل واحد عارف الثاني اكثر من نفسه
فيصل : قول ماشاء الله ... وبرايك انا ليش اقو لاني ما اقدر اعيش بدونها
مشاري : ماشاء الله الله يخليكم لبعض يالله انا رايح
راح مشاري لغرفه الدكتور وشاف وحده على كراسي الانتظار وتبكي وهي دافنه وجهها بين يدينها عرف انها العنود رراح لها ووقف قدامها وقال : .....
نـــــــــــهــــــــــــــــايــــــــــــه الـــــــــــــــبــــــــــــــارت الـــــثــــــالـــــث
نعرف ايش قال مشاري للعنود بالبارت الجاي ان شاء الله
اتمنى يكون البارت اعجبكم
ايش قال مشاري للعنود ؟
بتنجح عمليه دلع او لا ؟
بالبارت الجاي ان شاء الله راح تظهر شخصيه جديده بالروايه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الــــــــــبــــــــــــارت الرابـــــــــــــــــــــــــع
وقف قدامها وقال : مثل ما كان الكل متوقع
العنود عرفت الصوت مسحت دموعها بسرعه وابتسمت : هلا مشاري
مشاري ما اتفاجأ ابدا : ليش كنتِ تبكين
العنود وهي ما زالت مبتسمه لاكن دموعها عالقه بين رموشها : فرحاااانه فرحااانه الدكتور يقول بس يجي ابو دلع ويوقع على الاوراق بتسوي العمليه واحتمااال نجاحها كبييير –سكتت شوي – شوف انت وفيصل برتجعون للبر وانا بنتظرها هنا
مشاري رفع حاجب : لا يكون على بالك بخليك هنا لوحدك
العنود : ايه لييش فيها شي ؟
مشاري : لا انا اخــ ... ااا اقصد اخوك يخاف عليك <<< مدري مين اللي يخاف << برااا
العنود : اها كذا طيب بسيطه اكلم فهد يجي وانتوا تروحوا لاني مابي احد يحس
مشاري هز راسه بطيب
العنود تكلم فهد : الوو .. انت للحين نايم ... عارفه بس .. يا خي انتظر لحظه ... فهيدان ...اووف اسفه ..زاسفه خلاص فهد ... يا خي لحظه اسمع ... وجع وش صار لك .. انا بالمستشفى .. لا ما فيني شي ... لا ما فيهم شي ...( صرخت ) فهد وصمخ ولا كلمه انتظر الى ما نتهي وبعدين تكلم على كيفك .. طيب اسمع ... انا بالمستشفى عند دلع اليوم بتسوي العمليه وفيصل ومشاري من امس ما ناموا وابيك تجي عندي وهم يرجعون لاني مابي احد يحس ... اوك يالله سلام
العنود تتحلطم بصوت مسموع : وجع واخيرا سمع اكلني وكل هذا عشانه ما نام بدري امس احد قلك اسهر صدق دلاخه
مشاري ضحك : عنود
العنود غطت وجهها بيدها : لا تقول اني بفكر بصوت عالي
مشاري هز راسه بايه وهو يضحك
العنود : افففف وش ذي العاده اللي فيني اففف بس الحمدلله
مشاري : فهد بيجي ؟
العنود : ايه بعد شوي بيجي الا تعال فيصل ما نام لانه خايف علي وانت ليش ما نمت
مشاري ( اعوذ بالله انت وش دراك ) : الا نمت مين قال اني ما نمت
العنود بابتسامه : قالولك عني دلخه يالاخو انا بصير دكتوره نفسيه لذا لازم افهم الناس
مشاري يصرف : طيب يا دكتورة عنود خلينا نروح لاخوك
العنود عرفت انه يصرف : طيب
راحوا لفيصل لقوه نايم على الكرسي ضحكت عليها العنود ودخلت عند دلع وقعدوا يسولفون وجاء فهد وراحوا فيصل ومشاري للبر دلخت دلع غرفه العمليات الساعه 4 العصر والعنود من يوم دخلت دلع وهي رايحه جايه في الممر وفهد كل شوي عينه تقفل من النعاس اما البنات عرفوا ان العنود عند دلع وصاروا يغطون عليها كل ما سأل عنها احد ولابندري خايفه على دلع مرررا بعد مده طويله من الوقت طلع الدكتور مرت على العنود كانها سنين خرج الدكتور وراحت عنه العنود ركككككض وفهد لحقها قالت العنود للدكتور : كيف حالها
الدكتور ( مشعل ) ابتسم : العمليه نجحت الحمدلله
العنود من الفرحه صارت تنط وراحت وضمت فهد وهي تنط وتصارخ وتقول : نجحت نجحت هههههههه وربي نجحت
تركت فهد وسجدت سجود شكر لربها وهي تحس الدنيا مو سايعتها من الفرحه وبعد ما وقفت : فهد وش صار لك من اول اقول نجحت العمليه وانت ولا سويت شي ولا قلت لي مبرووك
فهد متفشل من نطها وصراخها : ااا ايه صح اللف اللف مبرووووك يالله نرجع الشباب هبلوا فيني كل شوي واحد داق وينك وينك وكله كووم وفيصل كووم ثاني كل ربع ساعه داق كيف العنود
العنود : يا اخوي يا فيصل يا حبيبي انت ما قدر ينام خايف علي
فهد رفع حاجب : ترى انا اللي معاك من الظهر بالمستشفى مو هو
العنود : مشكور وما تقصر انت على عيني وراسي بس فصوول غييير عندي
فهد : كانها سبه غير مباشره
العنود : لا ابدا بس انتوا تختلفوا عن بعض بكل شي تقريبا
فهد : طيب يالله خلينا نرجع
راحت للدكتور وكلمته وقالت له وش يقول لدلع يوم تصحى لانها اللحين بالعنايه وطلعت جوالها واعطته رقم اخوها فيصل لانها تبي تعرف متى بتصحى دلع وهي تطلع الجوال طاح دفترها وما انتبهت كان شكله خطييير لونه رمادي فاتح وعليه خربشات بالاسود والاحمر الغامق عطت الدكتور رقم فيصل وطلعت بسرعه اما الدكتور لما شاف الدفتر جاه فضوول يعرف وش فيه واول ما جاء يفتح الصفحه الاولى دخات النيرس : دكتور بسرعه حاله طوارئ
الدكتور قفل الدفتر وراح يركض
ـــــــــــــــــــــــــ عند العنود ــــــــــــ
اول ما وصلوا على البر راحت العنود عند البنات وراح فهد للشباب وتغدوا وبعدها على طووول العنود نامت لانها خلااااااااااااص استفذت كل طاقتها <<< متعوب عليها
وفيصل وفهد ومشاري حالهم حال العنود حطوا روسهم وناموا وعلى المغرب الجد طلب كل عياله واحفاده يجتمعون ويسولفون مع بعض وطبعا الكل جاء كان الجد متوسطهم ويساره الرجال ويمينه الجده والحريم وجمبهم البنات وقدامهم الشباب – يعني جمب الرجال –
العنود : اقوول جنون وش رايك تنضمين لشلتنا
جنان ابتسمت بقووووة : اوك انا موافقه
سمعتها شوق وضحكت بصوت واطي : ههههههههههه انا قايله لكم بس ما صدقتوني
جنان تكتفت ولفت وجهها عنها : مع نفسك
اسيل مسويه فيها عاقله : بس انتي وهيا على الاقل احترموا وجودي بينكم
العنود وهي تضحك وتصفق وناسيه وجود الشباب : احلا احلا من قدك يا عمتي
اسيل وقفت : عمتك من فوق خشمك
العنود وهي توقف تستعد للمعركه : طيب يا عمتي يالعجوووز هههههه
اسيل : شف اذاذ انا عجووز انت وش تصيرين
العنود وهي تتمايع بمزح :انا احلى بنت بالعالم كلله
اسيل ضربتها على راسها : وجع مدري على وش شايفه نفسك
نواره كعادتها داخله عرض: ايه هي صادقه انتي عجوز
اسيل : انت وش دخلك
العنود : انا دخلتها حبيبتي نونو
خلود بلقافه : كذابه هي دخلت نفسها
وبدت اصواتهم تعلى وهم ناسين نفسهم
البندري تصفر : عنووود وريها شغلها لا تسكتين لاسيل نوراه علمي خلود توقف لقافتها
جنان وهي تايد بنو : ايه ورهم شغلهم
هجموا البنات على بعض هذي تقرص هذي وهذي تشد هذي وحالتهم حاله اما الباقين ساكتين منصدمين من البنات البنات لما حسوا بالهدوء اللي حولهم استوعبوا انهم ما كانوا لوحدهم بالخيمه <<< بدري
الشباب ميتين من الضحك على هبال البنات اللي ما يخلص والرجال عصبوا في البدايه بس ما قدروا يتحموا وانفجروا ضحك على غباء بناتهم والحريم نفسهم البنات طاحت وجههم وجلسوا وهم ساكتين شوي وذق جوال فيصل بعد ما رد اشر للعنود وطلعوا من الخيمه
العنود بلهفه : اكيد هذا الدكتور صحت دلع صح
فيصل اشر لها بايه وهو يكلم : متى ... اها طيب تسلم ... اسفين تعبناك معنا ... عفوا بس ممكن تقول لي اسمك مره ثانيه ... توصي على شي .... يالله بامان الله
فيصل بابتسامه : الحمدلله على سلامتها
العنود نطت وباست راس فيصل وضمته بقووووه وهي تقول : الله يبشرك بالجنه شكرا شكرا شكرا لانك وقفت جنبي
فيصل ضحك وضمها :عفوا بس انا ما سويت شي
العنود : بروح لها الله يخليـــــــــــــــك
فيصل : لا اكيييد لو رحنا اللحين بيشكوا اهلنا خليها بكره الصبح اوك
العنود : اوك طيب بس اكلمها
فيصل : طيب بتصل واسال الدكتور اذا ممكن اولا
العنود : لا انا اسأله لانه اكييييييييد بيرفض وما بيوافق الا يوم تحن عليه وانت عمرك ما صرت نقاق وصرت مزعج لذا انا بكلمه
فيصل : طيب طيب خذي
العنود اخذت الجوال واتصلت على د . مشعل : الو السلام عليكم ... ايه انا اللي اعطيتك الرقم ... الحمدلله عطينيها اكلمها ... ما علي بكلمها ... مو لازم ترتاح اهم شي اكلمها .. –شافت فيصل يعد على اصابعه – لحظه شوي دكتور – قالت لفيصل – وش تسوي
فيصل ضحك : اعد كم مرره قلتي بكلمها
العنود ابتسمت : طيب كمل عدك – ورجعت تكلم مشعل اللي سمع كل الكلام اللي قالوه ومسك ضحكته بالقوه – الو ايه دكتور ... وش فيك كأن احد يختقك .... احسن تستاهل التعب – حطت اسبيكر - افف
مشعل انصدم من ردها وقال : لييش ؟
العنود : لانك ما خليتني اكلم العنود
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك