رواية لاتمثلين احتياجج لي وانتي بحضن غيري مقزرتها -41
هوازن : والله مادري شقولج .. جراج ولد جاسم بالعناية المركزة وبنروح ناخذ اختة له .. وحالتة خطرة
بو هوازن : الله يقومة بالسلامة .. بس شلون
هوازن : حادث سيارة ..
بو هوازن : الله يصبر قلب أبوه وأختة .. الله كريم .. الله ماينسى عبادة
.................................................. .................................................. ........................
بعد مرور 5 ساعاتن
( بيت جاسم )
قمر ( بطلت عيوني ولا أشوف فوق 20 مس كول من عمر .. ودازلي مسج مافهمت قصدة .. انا خلاص ماقدر أكمل هالطريج مع عمر .. مشاري لازم ماأخونة حتى لو ماكان يحبني ولا يبيني .. اهم شي أني أنا أحبة .. رفعت السماعه بصوت مبحوح دقيت على عمر وأول مارد عليي كان قاعد يصارخ )
عمر :أنتي من صجج لطعتيني ساعتين على البحر صج مو كفو الواحد يعطيج ويه
قمر بالغصب تتكلم : أنت شفيك معصب
عمر : بعد لج عين تقولين شفيك .. أقول أنتي هيي ترى غيرج كان أشطر .. عبالج بتلعبين على أفاي بحركاتج هاذي عشان تقعدين مع ربعج وتقولين كسرت خشمة ومقزرتها على أفاا لا يعيوني حلمي
قمر : أقول ممكن تهدي أعصابك
عمر : انتي خليتي فيني أعصاب
قمر : أقول أنا بعد جم ساعه وراي سفرة مالي خلق نقاشات مالها معنة
عمر : الحين صارت نقاشاتنا مالها معنى
قمر : أصلن أنا متى كلمتك وصارت بينة نقاشات .. أقولك شغلة .. أنا لمن كلمتك كنت محتاجة أحد أسولف وياه .. الحين خلاص هالحاجة ماعادت موجودة في من يسد هالفراغ الحين مع السلامة
عمر : خير .. أنزين ياقمر .. مع السلامة بس ترى أنتي الي بتندمين مو انا وحطي هالكلمة في بالك .. انتي الي راح تندمين وانا عمر مو وحدة من أمثالج ياية تقص عليي
قمر : يلا يلا ..
عمر : ماشي يابنت ال
قمر : بنت شنو كملها
عمر : مع السلامة لا افقد أعصابي عليج
بعد ماسكر التلفون
قمر : شنو هالبلشة أنسان فاضي بمعنى الكلمة .. أنا خل أغير خطي لا ألحين هاذا يشقني بأتصالاتة مالي خلقة بعد .. بعدين خل أقوم أجهز باقي أغراضي آآخ راسي .. يارب يارب ماأنصدم من الي بشوفة .. يارب قوم أخوي بالسلامة يارب ( وقعدت أبجي لاشعوريا )
بطرف ثاني بغرفة ثنيان
ثنيان : يما أنا خلاص طلعت قمر من حياتي .. وعليه بالعافية مشاري .. بعدين الحب مو بالغصب .. وانا أصلن كانت في وحده جدامي طول الوكت وانا غافل عنها .. بس أنتي ادعيلي أنها تكون مثل ما أنا متخيلها تحبني وتصوني ماتطلع قاعد تلعب عليي لاني صج مو ناقص صدمات
هوازن : أنشاءالله يا يما آآ تكون هالبنت اهيا المناسبة لك .. والحمدالله أنك تفهمت الموضوع .. بس سلم على قمر قبل لاتسافر لاتخليها تسافر وأنت زعلان عليها وعلى مشاري أخوك
ثنيان : أنشاءالله يما أأ لاتحاتين
..
غرفة قمر
طق طق طق
قمر بصوت خفيف : منو
ثنيان بتردد : أنا ثنيان
قمر ركضت بطلت الباب
ثنيان منزل راسة
قمر : خير ثنيان
ثنيان : أنا سمعت بالخبر .. الله يقوم أخوج بالسلامة
قمر ( لميت ثنيان بدون لاحس .. لميتة وقعدت أبجي .. موقصدي شي من هالحركة .. بس كنت محتاجة هالشي .. كنت محتاجة احد يوقف معاي ويواسيني )
ثنيان : بس قمر لاتبجين
قمر : ثنيان سامحني والله ماأقصد الي صار .. والله ماكان قصدي أحطك بهالموقف .. بس مرات الانسان يغلط .. والانسان مو معصوم
ثنيان : خلاص قمر .. أنا مو زعلان أصلن ماصار شي يزعل .. أنتي سافري حق اخوج وأنتي مرتاحة والله يوفقج مع مشاري
قمر : ثنيان بقولك شغلة
ثنيان : أمري قولي
قمر : دير بالك عليها .. وحطها بعيونك .. تراها من شافتك تعشقك وتموت فيك .. وأن سمعت انك مأذيها ياويلك مني
ثنيان : هههه .. بعيوني لاتحاتين
قمر : تسلملي عيونك ..
ثنيان :انا أستأذنج تروحين وتردين بالسلامة يارب وأنشاالله ماتطولون ترجعون كلكم مع جراح
قمر : أنشاءالله .. لاتنساه بصلاتك أدعيلة
ثنيان : حاظر من عيوني
بالملحق
مشاري : أقول علي
علي : خير بوصقر قول
مشاري : الشباب راحوا الخيران شرايك نحدر باجر عندهم
علي : أي شباب
مشاري : حيدور .. خلود .. حمود .. جسوم و حمد و
علي : و منو
مشاري : وعمر
علي : عمر الع...
مشاري : اي
علي : دام هالنجس وياهم ماني محدر
مشاري : انا بعد قلت جذي بس حيدر مصر انا نروح نغير جو .. قالي أنتوا تعالوا ومالكم شغل فيه وجودة وعدمة واحد
علي : ماقدر مشاري تدري اني ماطيق أشوف ظلة
مشاري :أخاف يعني أنا
علي : خلاص عيل المرة الياية
مشاري : أمممم .. تصدق جني أنا بروح .. حيل محتاج أغير جو أحس اني مقموت وانت بعد غير جو مالك شغل فيه
علي : والله مادري .. خلني أفكر بالموضوع ويصير خير
ثنيان توة داش
ثنيان : السلام عليكم
مشاري : أنا طالع لمن تقرر عطني خبر
ثنيان : وين مشاري شدعوة تطلع لاني موجود .. أقعد يبا .. علي يعرف كل شي .. وانا مو شايل بقلبي عليك ..
مشاري : ...
علي : اييه هاذا الريال السنع
مشاري : ثنيان أبيك تسامحني على الي صار مو بيدي والله
ثنيان : ادري مو بيدك وانا فاهمك .. ولاتعتذر ياخوي .. الدنيا ماتسوى ...
مشاري : اي والله ماتسوى ..
ميري : بابا علي ماما مال أنت في صالة
علي أنصدم : ماما مال آانا
ميري : ايي
علي : أمي شنو يايبها هنييه .. وشون عرفت اني عندكم
مشاري : علي روح حق خالتي ياية تعتذر منك
علي : تعتذر عقب الي سوتة فيني ..
مشاري : علي هاذي أمك عيب عليك .. واليوم في بيت بابا عود والله كسرت قلبي .. مكسورة من غبت عن عينها لاتصير أنت والزمن عليها .. فيها الي مكفيها عاد
علي : وأهيا مافكرت فيني , ليش قست عليي ووقفت بويهي .. , اهيا السبب بحالتي هاذي
مشاري : بوحسين أنت العاقل .. انت المثقف الي دايما توقف معانا وتحل مشاكلنا .. والأهم أنك تسامح كل واحد غلط بحقك .. هالدور أمك .. ترى خالتي حيل تغيرت أنا أنصدمت منها قبل شوي .. مو اهيا خالتي الي صارلي أعرفها 20 سنة .. روحلها ولاتعاتبها .. بوس راسها وأيدها .. هاذي جنتك ونارك
علي ( جنقتني العبرة .. ورنت بأذوني كلمة مشاري .. تسامح الكل .. اي والله أنا سامحت كل من غلط عليي وسلب حقي .. هالدور أمي ماأسامحها .. كافي الي صار .. انا تعبت من المشاكل .. دزني ثنيان لي الصالة .. أمي كانت معطيتني ظهرها .. سمعت صوت وناتها وأهيا تبجي .. لفت ويها ولا تشوفني واقف وراها .. طاحت على ريولي تبوسني وتمسح على راسي وتتأسف مني .. كسرت قلبي .. بس مادري ليش ماقدرت ماقدرت)
أم علي : يما آآ علي سامحني .. سامحني يايمأأ .. أنا مستعدة أسوي كل شي لك .. مستعده الحين اخطب أشواق لك .. بس أبيك ترجع معاي بيت أمي .. والله البيت ظلم بدونك ..
علي ( نزلت راسي بالأرض وانا أبجي .. أبي أنطق وأقولها يما سامحتج .. بس لساني مانطق فيها ... كل ماحطيتي أيدي على ريولي وتذكرت الحادث يهتز كياني وأرد اعاتبها .. تمت تتسامح مني وانا كنت ساكت وعيوني الي كانت تجاوب .. بعدها سحبت نفسي من الصالة ماتحملت أكثر ورجعت الملحق .. )
مشاري : علي شفيها عيونك .. شصار
علي : ماقدرت مشاري ماقدرت .. والله ماقدرت
مشاري : أفاا علييي خالتي ماتستاهل
علي : أدري ماتستاهل بس ماقدرت لاتلومني ماقدرت .. الأيام مو راضية ترحمني ولا انا راضي أرحم نفسي
ثنيان : الله يلعن الشيطان الي دخل بينك وبين أمك
علي : كل ماحاولت أقرب أبوس راسها في شي يردني .. مادري شنو ..
.................................................. .................................................. ........................
بعد مرور ساعات ..
مطار الكويت الدولي
قمر ( وصلنا المطار ومشاري وثنيان الي وصلونا .. الساعه كانت 12 الفجر .. طالعت مشاري بنظرة كنت أقصد فيها نظرة وداع .. مادري شراح يصير وانا مناك .. مادري راح أرجع ولا لأ .. وايد أفكار كانت تدور في بالي .. سلمت عليهم وركبنا الطيارة .. طارت الطيارة ومن التعب والتفكير غفت عيني ونمت .. حلمت بجراح ماسك بيدة ياهل .. والياهل كان يبجي .. جوان على يمينة تحاول تسكت الياهل بس ماكان يسكت ... ولمن خذيت الياهل بحظني ناغيتة ولا ينام .. كان مثل الملاك المرسوم .. أبتسمت وآنا نايمة )
بطرف ثاني هوازن حاطة راسها على جاسم وبصوت مخنوق
: جاسم في امل
جاسم : الامل بالله قوي .. انشاءالله مانوصل الا وأهو مبطل عيونة
هوازن : أنزين وجوان .. شلونها
جاسم : مسكينة متحطمة على الآخر .. من قامت من طيحتها وأهيا مافارقت جراح ولا دقيقة .. وكل ساع تفز من نومها تنادي أسمة وتبجي على ولدها الي خسرتة .. الله يعوضها خير
هوازن: خيرة من الله .. شوف قمر حياتي نامت من التعب
جاسم : محد كاسر ظهري غير قمر ..
هوازن : الله كريم حبيبي .. الله كريم
.................................................. .................................................. .......................
( الشاليه .. الخيران )
على البحر
عمر يدخن زقارة ورة زقارة
حمد : أرحم حالك
عمر : أسكت عني حمد وااصلة هنيي لاتكلمني
حمد : شفيك يبا .. ترى الي خلقها خلق مليون وحده غيرها
عمر : انت عبالك أنا ميت عليها تخسي .. بس برجع لها الحركة وانت تعرف أنا أذا حطيت وحده في بالي شسوي فيها .. العب فيها لعب
حمد : يبا خل تولي هد اعصابك أهم شي لايرتفع ظقطك
عمر : تطنز أنت بعد ..
حمد : لا أتطنز ولا شي
عمر : اييه صج تعال تذكرت شغلة
حمد : شنوو
عمر : يوم شفتها على البحر كانت راكبة كورفت حمرة .. والكورفت أنا مشبه عليها .. جنها سيارة مشيري
حمد : اي مشيري
عمر : مشيري الي
حمد : اهاا .. ولد خالة عليوي العتوي
عمر : اييه ماغيرة
حمد : أووف أوووف وهاذا شيابة على هاذي .. ماخبري عنده خوات
عمر : والله مادري .. بس عبالك أنا خليتها .. سجلت رقم السيارة بس الي بعرفة أذا كانت صج السيارة سيارتة
حمد : وليش يعني
عمر : بعدين راح تعرف ليش .. كل شي بوكتة حلو
حمد : أخ منك ذييب .. والذيب مايهرول عبث .. أنا أقول أترك بنت الناس ترى وراك خوات أنت لاتشوفها بعدين بخواتك
عمر : أقول لاتطلعلي فيها
حمد : أممم .. ماتيوز أنت .. عقب الي سويتة بعد بتتحرش فيهم زين ماذبحوك والله لاتخليني أذكرك بالي صار قبل 3 سنين
عمر : هذاك أول .. هالمرة أذا طلعت صج تصير له بعد أحلى وأحلى راح يكتمل أنتقامي منهم
حمد : من منو
عمر : منها أهيا و مشيري .. ماأنسى شلون طعني بالسجين بجتفي .. آخ بس لو يرجع الزمن .. ذاك الوكت ماكان عندي جسم .. بس الحين اذا شافني مشيري يطيح من طولة
حمد : شخباري مشيري
عمر : اليوم شايفة بديوانية حيدر ..
حمد : هههههه .. وطاح من طولة
عمر عصب : تطنز
حمد : شدراني عنك أنت متناقظ .. توك تقول يطيح من طولة لاشافك والجين تقول شفتة وماطاح من طولة
عمر : أقول يعني صايدها .. انا أقول حق ندش الشاليه بس أحسن
داخل الشاليه
حيدر : تتحدى على 5 دنانير
خالد : حيدر لاتهايط أول أمس غالبك سوني
حيدر : أنا الحين مجهز لك
خالد : خلاص مانشستر
حيدر : برشلونة
خالد : الي يفوز يشتري يروح مركز سلطان يطلب حق الربع من ماك
حيدر : صار
عمر : أووه الظاهر السالفة حامية اليوم بين البرشا والمانشستر
حمد : انا شي طبيعي مع البرشا .. بس تكفة بيض الويه بو حسين
حيدر :أفاا عليك
عمر : ألا أقول حيدر مشاري راح يسر الشاليه
حيدر : والله مادري عنه
ولا مشاري داش الصالة
: السلام عليكم
حيدر : اهلا أهلا .. هلا بوصقر
خالد : هلا بالحبيب عاش بوصقر عاش
مشاري : عاش من قال
عمر : توني أسأل الشباب عنك
مشاري سوة روحة مايسمع
: هلا حمد شلونك .. من طول الغيبات جاب الغنايم ..
حمد : ههههه .. أنت الغايب والله .. ماتمر الديوانية ولا شي
مشاري : انا ماأطب ديوانية متروسة كلاب حشاك
عمر : بدينة عاد
مشاري : شاك بعمرك
خالد : خلاص عاد شباب .. ترى منتو يهال
عمر : أنا طالع ادخن زقارة أحسلي
( أنا مو طالع أدخن زقارة .. بالأص طالع اجيك على رقم السيارة .. وظني ماخاب .. السييارة نفسها سيارة قمر .. وهاذي الخظوة الأولى.. وتوها البداية ياقمر يابنت اللذينة . أروايج شغل الله عدل )
بالديوانية .. بعد ساعات
حيدر : وصل الطلب وصل
حمد : وانا شاد الظهر فيك الله يهداك بوحسين فشلتنا
حيدر : ههه أنا مخليه يستانس .. خو تدري ماقدر يغلبنا على أرض الواقع قلت أخليه يغلبنا بعالم الخيال
الكل : هههههههه
حيدر : عمر بسم الله
عمر : بالعافية أنا طالع شوي براا ..
مشاري بصوت واطي : توفر
حيدر : بسك مشيري أعقل عاد
مشاري : كلمة الحق ماينزعل منها
حيدر : أنت ياي تستانس مو تهاوش .. بعدين وين علي
مشاري : تعبان ماقدر أيي
حيدر : ماقدر ولا مايبي في فرق
مشاري : ماقدر ومايبي
حيدر : لازم أطلعه من هالقوقعه
مشاري : الله كريم
البارت الحادي والخمسون
:$ :$
...
بعد مرور يوم
( ستاربكس جمعية الدعية )
أشواق : علي حياتي ليش سويت جذي .. ليش ماقبلت أسفها والله أمك تغيرت أنت ماشفتها يوم زارت أمي بالسجن .. حسيت أنها مكسورة
علي قاطعها بصدمة : شنو .. زارت امج بالسجن
أشواق : اي وكلمت أمي وطاحت على أيدها تتسأسف أهيا وأبوك بعد وراح يتنازلون عن القضية بعد
علي : أوولة كل هاذا صاير وانا مادري .. وين كنت
أشواق : دقيت عليك جم مرة خطك مايلقط .. قلت اليوم لمن أشوفك أقولك
علي : وييه صج دنيا .. معقولة أمي تتغير جذي مرة وحدة
أشواق : اي معقولة .. أنا بعد ماكنت مصدقة .. بس منظرها قطع قلبي ومبين أنها تحسفت على كل شي
علي : آآخ بس أشواق لي فات الفوت ماينفع الصوت
أشواق : شهالكلام
علي : أشواق أنتي أكثر أنسانة لازم تحسين فيني وتعرفين شعوري .. لو أني ماقمت من الحادث شنو كنتي بتسوين بتسامحينها على الي سوتة فيني .. طول عمرها ماتهتم الا حق نفسها .. أنانية .. وطول عمرها راح أتم جذي .. أنتوا منخدعين ... كل هاذا الي قاعد تسويه عشان بتبين لكم أنها تغيرت بس صدقيني وأذكرج كلها أسبوعين وبترد مثل ماأهيا .. هاذي مو أول مرة تقول تغيرت وتغيرت وبعدها ترد أسوأ
أشواق : ماهقيتها منك ياعلي .. لاتصدمني أكثر بهالكالم .. شلون تقول عن أمك جذي .. عيب حياتي
علي : أهيا صار فيها عيب .. أشواق أنا تعبان وحدي متشوش .. مادري شنو أسوي .. ( طق على الكرسي بيدي الثنتين ) : وهالكرسي .. هالكرسي مقيدني موقادر أتخيل أني بتم قاعد عليه طول عمري .. ( نزلت دمعته ) : والله أني راضي بقضاء الله وقدرة .. بس .. بس لازم أحاول
أشواق : أنا ويااك علي راح أوقف وياك لين توقف على ريولك
علي : ماراح أوقف يا أشواق .. ماسمعتي الدكتور شنو قال .. ماراح أقوم .. أنا أنشليت أشواق .. شلون تبيني أقوم
أشواق : مالك شغل بكلام الدكتور .. كلها خرابيط .. لاتفقد الأمل بالله .. الامل بالله قوي ..
علي : والنعم بالله .. بس هاذي تقارير طبية ومدروسة .. الحمدالله على كل شي الحمدالله
أشواق ( قربت من علي ولميتة .. حبيت يحس انا مو بروحة .. واني راح أوقف معاه بكل لحظة بحياتة ومستحيل أتخلى عنه مثل ماهو ماتخلى عني .. قبل كنت انا المحتاجة علي .. بس الحين علي الي محتاجني أكثر من الأول وكلام الدكاترة هاذا لا يجيب ولا يودي .. خالتي ام أحمد أتصلت وقالتلي الي صار مع جوان وريلها .. راح آخذ التقارير ملوت علي وأرسلها حق خالتي وخالتي راح تعرضهم على أحسن الدكاترة بأمريكا يشخصون حالتة وأنشاءالله راح يقوم على ريولة مرة ثانية )
.................................................. .................................................. ........................
( غرفة ثنيان )
ثنيان : ورود أنا سبق وقلت لج أني شلت قمر من بالي .. وقمر كانت بالنسبة لي مجرد أعجاب وهالأعجاب راح والحمدالله
ورود : بس الكلام الي كانت تقولة عند غير .. كانت تقول أنك تحبها وتموت فيها وأهيا مقزرتها عليك
ثنيان ( حز بخاطري أنا قمر تقول عني هالكلام .. بس حببيت أغير الموضوع بسرعه ) : المهم خلينا من قمر .. الحين أانا عليي منج .. تدرين أني غبي يوم ماشفتج جدامي
ورود : لا حشاك شنو هالكلام ثنيان ..
ثنيان : لا والله جد .. يعني أنتي جدامي طول الوكت وماكنت ألاحظ وجودج
ورود: لاني أنا مابينت لك أني أحبك ولا شي .. كنت كاتمة حبي بس لاتسألني ليش
ثنيان : كنتي متفشلة من شكلي مو
ورود : لا والله حشى ثنيان .. حتى يوم كنت بالنظارة والفرق بالنص كنت أشوفك براد بيت هههههه
ثنيان : ههههه .. كل شاذي بعين أمة غزال
ورود : هههههه .. ( سمعت صوت ريول تتحرك ) : ثنيان دقيقة أوكي ( رحت بطلت الباب ولا ماشوف أحد رديت سكرت الباب مرة ثانية وكملت سوالف مع ثنيان )
: بااك
ثنيان : هههه ولكم .. وين رحتي
ورود : جني حسيت في أحد واقف عند الباب يتسمع معنه كل البيت طالعين أخوي بالشاليه وأمي بيت خالتي والخدامة بالمطبخ ههههه
ثنيان : هههه هاذا أنا واقف ورى باب غرفتج بس أنتي ماتشوفيني
ورود : ههههه لا والله ..
ثنيان : اي والله ..
ورود : أممم .. ثنيان شعندك اليوم
ثنيان : والله ماكو .. مشاري رايح الشاليه وعلي ولد خالتي طالع .. وانا بروحي بالبيت
ورود : وقمر وأمك
ثنيان : قمر سافرت .. ماقالتلج
ورود : سافرت .. وين ..
ثنيان : أخوها جراح بالعناية .. أمممم
ورود : لا ماقالت لي .. الظاهر قمر ماعاتد رفيجتي
ثنيان :لا حياتي مو جذي بس البنت حرام من سمعت الخبر طاحت هاذا اخوها وأكيد مو قصدها أنها ماتقولج
ورود : لا قصدها ... أصلن أهيا ماتحبني ولا تحبك .. وعلى فكرة أهيا تقول انها تحب مشاري جذاابة جم مرة قالتلي بتقزرها على راسة وبس
ثنيان : ورود لاتتكلمين عن البنت هالطريقة .. بعدين جيكي على فونج يمكن دزتلج مسج ولا شي .. وعلى طاري مشاري أهو وأهيا ينجازون
ورود : أمبييه مادري شفيني .. سامحني ثنيان ووالله مو قصدي أتكلم عنها بهالطريقة .. بس لاني منقهرة منها .. صارلها فترة متغيرة لاتتصل ولا شي
ثنيان : اكيد عندها ظروف .. والغايب حجتة معاه
ورود : اي والله .. أمم أنزين شرايك دام أنت فاضي وانا فاضية .. ليش مانطلع اليوم نتغدى مع بعض .. ليلحيني ماتغديت
ثنيان : خوش فكرة .. بس اخوج شلون .. مو تقولين مشدد عليج
ورود : أخوي اليوم بالشاليه باخذ راحتي على الآخر .. لاتحاتي
ثنيان : هههه خوش عيل .. يلا أنا ألبس وأشوفج هناك .. بس وين أي مطعم
ورود : خل نروح ماك البحر
ثنيان : لا لا .. هالاماكن الكل يروحها وخوشج أحد يشوفج وياي .. في مطاعم الفنطاس المكان هادي والجو حلو .. نطلب من ماك ونروح نقعد على البحر
ورود : خلاص أوكي صااار
ثنيان : يلا صار .. أشوفج حياتي
ورود : أشوفك باااي
ثنيان : بايات
ورود ( قمت اناقز من الفرحة .. وأخيرا كل شي صار مثل ما اببييه مع ثنيان .. صج الصبر مفتاح الفرج .. ودام الحين قمر سافرت يعني أكيد ماراح تخرب عليي هالمرة .. بس أنا شلون تكلمت عنها بهالطريقة .. مهما يكون هاذي رفيجتي مو توني أعرفها .. والله عيب عليي .. لهالدرجة الحب يخلي الواحد ينثول .. هههههه حمدالله والشكر .. وقاعد أكلم روحي بعد هههههه .. خل أغير ملابسي لا أفصل أكثر ..)
.................................................. .................................................. ........................
( الشاليه )
مشاري : زين حدر هالغبي والله شوي وحسيت أني راح أطعنه مرة ثانية بالسجين .. يا أخي باط جبدي موقادر انساها له
حيدر : هههه .. صاحبي واعرفك .. لاحطيت شي في بالك ماتشيلة لو شنو يصير
مشاري : هههههه .. ها دير بالك تتحرش فيني ترى أحط في بالي
حيدر : لايحووشك
...
** اغلبكم بيعرف شنو الشي الي عمر سواه حق علي ومشاري الي حاقدين عليه لهالدرجة .. خلونا نرجع قبل 3 سنين ورى ونشوف شصار
** %% @@
بحر فرايديز
علي : فطوم بتتمشين مع رفيجتج تمشي بس لاتروحين بعيد .. خليج بمكان نشوفج فيه أوكي
فاطمة : أوكي
مشاري : عليوي شلون تخلي أخت تتمشى بروحها بهالليل وتوها ياهل 12 سنة ماتخاف أحد يسوي فيها شي
علي : الله يهداك مشاري منو بيسوي فيها شي .. ترى الناس بكل مكان .. محد يقدر يقرب منها .. بعدين ماراح تروح بعيد .. كاهي جدامنا
مشاري : على راحتك .. بس مادري مو حلوة بنت تتمشى بروحها
علي : يبا لاتحاتي مو أول مرة ترى
مشاري : الله يحفظها بس .. انزين علي هاذي البنت الي معاها جنها أكبر منها .. يعني وين فاطمة وين هالبنت
علي توهق : هاا .. لا لا هاذي رفيجتها بس ساقطة عرفت
( طلعت تلفوني ادز مسج حق دلال : دلال ديري بالج على فطوم ترى هاذي عين السيح .. ردت عليه دلال : افاا عليك .. بعيوني )
...
دلال : وأخيرا شفناج يا فاطمة .. شلونج شخبارج حبيبتي
فاطمة : الحمدالله رب العالمين .. وانتي بعد وأخيرا شفتج .. علي دايما يسولف عنج
دلال : وه واخزيااه .. يسولف عني مرة وحدة
فاطمة : اي كلة دلال ودلال .. دلال مرتي ..دلال حبيبتي .. ودلال مادري شنو
دلال : ههههه .. عاد تشباهين علي حييلماشاءالله ..
فاطمة : اي الكل يقول ..
دلال : أنزين فطوم أنا بروح أشوف ولد خالتيواقف هناك أوكي واخوه معاه يبي يسولف وياج أوكي
فاطمة : ليش يبي يسولف وياي
دلال : بس جذي بيسألج عن الدراسة وجذي سوالف.. عاد أنتي فليها شوي وياه .. بس مو تقولين حق علي أوكي
فاطمة : اوكي
دلال : بعدين انتي مو قلتي تبين واحد يحبجمثل ماعلي أخوج يحبني هاذا راح يحبج أكثر من علي بعد ..
فاطمة أستانست : أوكي
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك