رواية كثر ما قلتلك اكرهك كثر ما انا اهواك -43
شدني من كتفي و قومني بس أنا جلست مغطية وجهي و شاده على بطني بدون ما انتبه ..
جلس يناظرني حاول يفك يدي عن وجهي بس عييت و هو همس ..
تركي : شفيك بطنك تألمك ..
انتبهت لـ نفسي و نزلت يدي عن بطني بسرعة و أنا أرتجف و هو حس بـ رجفتي .. عقد حواجبه و ناظرني ..
تركي : تــــألــمــك ..؟
لما شاف سكوتي و صياحي جرني معه بره الغرفة .. لمحته يسحب عبايتي انتفضت لا لو رحت بـ يعرف ..
ريمان : ما فيني شيء ما أبي أروح المستشفى ..
تركي : لا بـ تروحين و غـصـب عنك و الحين لو ما وقفت صياح لا أدفنك .. فـــاهــمــه !
حاولت أسحب ذراعي بس ما قدرت مهوب راضي يفكني جاه بـ يلبسني العبايه بس رفضت و جلست أعانده ..
تركي : خــــــــــــــــلاص قــــــــــلـــــــت ..
مع صراخه ارتميت عـ الأرض و جلست أصيح جلس واقف يناظرني عقب جلس و حط يده على ذقني و همس ..
تركي : ريمــان خـلاص كـ ..
ما كمل كلامه لـ أني ارتميت على حضنه أصيح شديت بـ يدي على صدره و أنا أصيح و أشاهق لمني له ..
حسيت به مو عارف شلون يتصرف رحت شديت على صدره و بس .. حاولت أكتم شهقاتي و دفنت وجهي في صدره
حسيت بـ روحي ضايعة تائهة ما بين حضنه و قلبي .. أبي أبعد عنه أبي أفك روحي منه بس قلبي خانني ..
آآآه لو بـ يدي كان نزعت قلبي من مكانه و رميته ما يهم أمـــوت أي شيء بس ما أبي أحس بـ الأحاسيس
اللي أحس بها الحين شوي هديت و جلست مغمضة عيوني و ساكته ..
الـ شيء الوحيد ان دموعي بعدها ما جفت من خدودي همس ..
تركي : شتبيني أقول عنك الحين ..
ما رديت عليه و جلست مثل ما أنا شد / على كتفي ..
تركي : ما تحسين انتي ! هالحين كل ها الصياح ليش ..
ناظرته و هو جلس يناظرني و هو عاقد حواجبه و شكله حييييل تعبان .. نزلت عيني ما أدرري شجاني و خلاني أحط
رأسي على صدره و أهمس ..
ريمان : تـركـ ـي .. أنـ ـا حامـ ـل ..
ما ركّز بـ الأول بس عقب ناظرني و هو مو مصدق رفع وجهي بيديه ..
تركي : حـامــل اشلون ..!!
ناظرته بـ استغراب اشلون شيقول ذا شوي حرك وجهه و ناظرني ..
تركي : أقصد ..
و سكت جلس يناظرني عقب همس و هو يناظرني بـ نظرات ما فهمتها ..
تركي : و كل ها الصياح لـ انك حامل ..
ناظرته و عيوني متجمعة بها الدموع أجل بالله وش اللي بـ يصحيني ها الكثر غير ذا الـ شيء و غير ..
و غير كوني أحبه و اكرهه شد على وجهي ..
تركي : قــولــي كل ها الصياح لـ أنك عرفت انك حامل .. ردي ..
ريمان : أيـ ـه ..
جلس يناظرني و هو يزم شفته لف بـ وجهه لـ الجهة الثانية عقب ناظرني و تركني و قام ..
تركي : بكره بـ نرد لـ الرياض ..
و طلع من الجناح .. جلست أناظر الباب اللي قفله وراه يا ربي شفيه ذا طلع انسدحت عـ الأرض الرخامية
و ضميت ركبي لي و جلست أصيح يا ربي شها الحالة ليتني مت ليته تزوج هو و لا تزوجني ليت و ليت بس ما أبي أعيش معه ما أبي /
غطيت وجهي خلاص تعبت تعبت يا ناس منه تعبت من نفسي تعبت من ها الدنيا ليت ما به بـ الخلايق شيء اسمه " تـركــي !
المشكلة اني بديت أحس اني ما أستاهله و من يصدق ان بـ يجي يوم ألوم نفسي ..
عقب ما كنت أقول انه ما يستاهلني صرت الحين أقول العكس ..
و هذا بعد اللي ذابح لي نفسي وم أقول لكم غيرني 180 درجة لا تلوموني ..
ما أدرري كم مر من الوقت و أنا أصيح بس بـ الأخير ما حسيت بـ روحي الا و أنا نايمه ..
***************************
نهااية الباارت التااسع و الاربعييين . .
توقعااتكم :
- ردّة فعل تركي ايش بتكون ..؟!
- بشاار ايش سبب حركته و اعتذاره ..؟!
و كيف بيكون مستقبله مع الجازي ..؟!
- هيثم ايش تتوقعوا بيصير له ..؟!
- و توقعاتكم لبندر و وضحى ..!
و ان شااء الله عجبكم الباارت . .
و انتظروني يوم الاتنين
الباارت الوااحد و الخمسين . . '$
.. (( السـ 9:20 الصبح ـاعة * * ريمـان * * )) ..
كنت واقفة و أدور بـ الصالة و أنا لابسه عبايتي و حاطه الشيلة على كتفي .. رحت لـ المراية ناظرت شعري و ابتسمت ..
هالحين طول لـ تحت كتفي زين أبيه يرجع لـ أني تحسفت على قصه .. بس والله معي عذري كنت مقهورة منه ..
ناظرت أمي يوم نادتني كانت تفطر هي و أبوي ..
ام متعب : يلسي يا ريم بـ تتعبين جيه ..
ريمان : لا يمه ما أبي أجلس ..
ابو متعب : لا تخافين ما بـ يطير تركي ..
ريمان : هههههههههههه أدرري يبه بس بعد متحمسة ..
ام متعب : هههههه يحق لها , مشتاقة له ..
ابتسمت بـ احراج و انتبهت لـ جرس الباب مشيت له بسرعة ..
ريمان : هذا هو جاه ..
ابو متعب : شوي شـوي على روحك قلت لك ما بـ يطير ..
ضحكت و طلعت من الصالة و رحت و فتحت الباب و كان بـ وجهي بندر حسيت بـ نفسي تحطمت ..
ريمان : اوووووف انت شجابك ..
ناظرني باستغراب و قال بـ صوت به الضحكة ..
بندر : خير خـيـر أخبر انه بيت أبوي مو بيتك ..
ابتسمت و سلمت عليه ..
ريمان : لا بس كنت أحتري تروك من أول و انت جيت سببت لي تحطيم ..
بندر : هههههههههههههه لااااا و صار تروك هههههه من متى ..
ريمان : يووووه من زمان ..
بندر : هههههههههههههههه زين لا تخافين ما بـ تتحطمين هذا هو وراي ..
توي انتبهت له من ورى بندر كان يناظر بندر بـ ابتسامة عقب ناظرني ذبحني البرود اللي بـ عينه ..
بندر : تروك تعال شفها لا تموت بس ..
ابتسم و عداني و دخل عشان يسلم على أمي و أبوي و هو يقول بـ برود ما لاحظه بندر ..
تركي : لاحقين عليها !
آلمتني كلمته و جلست واقفة بـ مكاني .. شديت على قبضة الباب أطلع حرتي فيه زين سلم هنت عليه يسلم عـ الأقل ..
حتى .. " سلام " .. لو يقولها تكفي .. لفيت و ناظرته و هو يسلم على أمي و أبوي و مشيت أنا بعد عشان أسلم عليهم ..
سلمت على أمي ..
ام متعب : يالله في حفظ الله يا بنيتي ..
ريمان : الله يحفظك ان شاء الله ..
سلمت على أبوي ..
ابو متعب : انتبهي على نفسك زين ..
ريمان : ايييييه زين ..
ابو متعب : و انت يا تركي انتبه على نفسك و عليها ..
تركي : ان شاء الله لا توصي حريص يا عمي ..
ناظرني تركي بابتسامة باردة و أخذ شنطتي و طلعنا و بندر معانا يقالك المرافق لـ المطار ..
كان بندر اللي يسوق و أنا وراه و تركي جنبه ..
بندر : يالله رحلة سعيدة ..
ما رديت عليه هذا اللي قاصرني أرد على عبطه بس اللي فاجأني ان تركي بعد ما رد .. ظل ساكت و يناظر من الدريشة ..
ناظرني بندر من المراية و ناظر تركي ..
بندر : زين عبروني و لو بـ حرف كذه تسكتون و أنا اكلم الجدر ..
تركي : ما به جدر هنا !
قالها بملل و هو يناظر بندر ..
بندر : هههههههههههههههههههه مالت عليكم بس شفيكم .. والله أحسها نفس الحالة يوم سافرتم شهر العسل ..
تركي كان يناظره يوم يتكلم و من كذه انتبهت لـ بسمته اللي ارتسمت .. ناظرني و رد عينه لـ بندر ..
تركي : زين يا الفيلسوف شخبارك انت .. و وش مسوّي مع وضحى ..
تنهد أخوي والله أول مرة أحس به تعبان و قلقان على وضحى ..
بندر : ادعي لنا يا شيخ ما لنا الا الصبر أنا ما عندي مانع أحتري لـ سنتين و أكثر بعد بس وضحى الناس صاروا يقولون
لها ليش هذه حملت قبلك و هي تزوجت بعدك و ليش و ليش و أنا خايف عليها هي فاهم ..
تركي : ايييييه فاهم ما عليه تصبروا و لا توصي عـ الدعاء ..
بندر : تسلم والله ما تقصر ..
وصلنا لـ المطار نزلنا و كانت رحلتنا تنادي .. سلم تركي على بندر و مشي عشان يكمل الإجراءات ..
لما جيت بـ أسلم على بندر مسك يدي و شد عليها ..
بندر : ريم حبيبتي أنا ما أدرري شاللي بينكم انتي و تركي .. لكن مهما كان لا تخليه يفرق بينكم ..
ناظرته مستغربة .. " يفرق بيننا " ..
بندر : ريمان اسمعيني و أنا أخوك تركي رفيقي و أعرف أطباعه زين و سالفة الحمل ما دشت رأسي
و كان تبين نصيحتي مالك غير تركي و هو ماله غيرك فـ تمسكي به قبل لا تندمين ..
ريمان : ان شاء الله ..
ابتسم و ربت على كتفي ..
بندر : يالله أجل في حفظ الله ..
ضميته عقب بعدت ..
ريمان : الله يحفظك يالله سلام ..
انتبهت لـ تركي يأشر لي مشيت له و أنا أفكر في كلام بندر شيقصد بـ تندمين ..
معقولة تركي يفكر بـ اللي طرى على بالي ..!
*********************************
.. (( الــجــاازي )) ..
كنت أدور رايحه و راده بـ الصالة متوترة و مرتبكة باجر زواجنا أنا و بشار عاد تخيلوا .. بشار ..
لو الظروف غير جان قلت .. " أخيرا " .. لكن الحين خايفه منه و من طبعه .. خايفه ما يكون بشار اللي أعرفه ..
يلست عـ الكنبة و أنا أفرك يديني بـ ارتباك رن التلفون يمّي رفعته دون ما أناظر الرقم لـ أن بالي مب ويّاه ..
اليازي : ألــووووو ..
.. : ألو عمي موجود ..
عرفته بسرعة .. حطيت يدي على فمي / يا رب ما يكون عرفني بس لا أكيد عرفني عيّل منو غيري .. همست ,
اليازي : لحظة ..
طلعت بسرعة الدريي طقيت على باب غرفة أمي و فجت لي الباب ..
ام اليازي : ايه اليازي أكو شيء ..
اليازي : ايه قولي لـ أبوي ان به واحد يبيه عـ التلفون ..
و سرت لـ غرفتي .. دخلت و قفلت الباب و ظليت متساندة عليه .. الله يعدي الأيام على خير ..
*********************************
.. (( جده * * السـ 1:00 الظهر ـاعة * * ريمـان )) ..
طلعت من الحمام - و انتم بكرامة - شفت تركي نايم على جنبه يا ويلي شكله جنان يا ناس ..
نشفت شعري بـ الفوطة .. تونا واصلين جدة و هو تسبح و رمى روحه عـ السرير و نام ..
رحت قدام المراية و أنا أنشف شعري عقب خلّصت رحت لـ الدريشة ..
كنا بـ فندق (( جده هيلتون )) و كان يطل عـ البحر أو بـ الأحرى كان بـينهم شارعين السيارات رايحه و راده به ..
ساندت يديني عـ الدريشة و جلست أناظر البحر والله حـيـل جنان في النهار أزررررق و يلمع بعد ..
قفلت الدريشة و قفلت الستارة .. خلني أنام لـ أن تركي بـ يطول بـ نومه و أكيد لما يصحى بـ نطلع ..
مسكت اللحاف و انسدحت ناظرته يا ثقل نومه .. أنا أي حركة تقومني بسرعة بس بعدني أحبه .. جاه ببالي كلام بندر
و جلست أفكر معقولة ممكن يجي يوم أخسر فيه ها الإنسان و أنا ما ودي أخسره مستحيل .. أجل لازم أتصرف
قبل لا أندم على قولة بندر ..
*********************************
.. (( * * هــيــثــم * * )) ..
ظهرت من غرفتي و أنا أدندن و نزلت الدري كنت ياهز عسب أسير لـ المطار عسب نسافر لـ الكويت
أنا و فارس عسب ملجة و زواج بشار و أنا ماشي بـ الصالة انتبهت لـ أمي .. سلمت عليها و حبيت رأسها
و هم أبوية جان ويّاها و سلمت عليه ..
ام جاسم : خلاص بـ تسير هالحين ..
هيثم : هيه أمايه أبـا ألحق الطيارة و لا تنسين بـ أمر على فارس بـ الأول ..
ابو جاسم : هيه عيل في حفظ الله يا وليدي ..
هيثم : الله يحفظكم ..
ام جاسم : هيه يا هيثم تذكرت ترى حصلنا لك العروس ..
انتبهت و صديت صوب أمي متلهف ..
هيثم : منهي أمايه ..
ابو جاسم : هههههههههههههه شوي شـوي على روحك ..
هيثم : هههههههههه انزين منهي ..
ام جاسم : تذكر ربيع أبوك ابو حمد ..
هيثم : ابو حمد منوه ..
ابو جاسم : بالله ما تعرفه اللي يسكن بـ العين الحينه ..
هيثم : هيــه هــيــه عرفته ..
ام جاسم : انزين تعرف عنده بنت وحيدة بين ست أولاد ..
يلست أفكر منهي و حاولت أتذكر اسمها .. لـ ان قبل لا يسيرون العين جانوا هني في ابو ظبي .. و طبعا كنت تربيت
ويّا حمد و أخوانه و عرفتها ..
هيثم : أهــااا .. قصدج علاوي اماايه ..
ام جاسم : هيه ليش ما تباها ..
حبيت رأس أمي و هم أبوية ..
هيثم : بـ العكس أمايه اختيارج عيبني انزين متى بـ نسير نخطبها ..
ابو جاسم : لما ترد من الكويت باذن الله ..
هيثم : ان شاء الله يالله عيل ذكرتموني بـ الرحلة ..
سلمت عليهم و سرت لـ الباب والله حاس روحي فرحان حـيـل يووووه اشلون نسيت علاوي أذكرها لما
جان عمرها 15 سنه بس عقب ما أذكر لـ انهم ساروا العين .. يالله عسى ربي يوفجني ها المرة و يوفج ريمان بعد ..
دريت أمس لما قال لي خليفه انها حامل / والله صج من خاطري فرحت لها و لـ تركي ..
*********************************
.. (( جدهــ السـ 8:20 الليل ـ * * ريـمـان )) ..
كنا جالسين بـ مطعم يطل عـ البحر نتعشى كنا ساكتين .. ما أدرري اشلون أبدأ معه بس هو سبقني ..
تركي : أوّل مرّه تجين جدّه ؟
ريمان : آيه ..
تركي : و لا يهمّك أجل بألفّ جدّه بك لفّ ..
كان تركي استأجر سيارة من هنا .. ابتسمت له ..
ريمان : ايه والله خاطري ألفها / أحسها رجه و حركيّه ..!
تركي : فديتها..
ابتسمت توي أدرري انه يحب جده .. لفّ يناظر البحر ..
ريمان : تحب جده .. !! غريبة ..
تركي : ليش ؟ أنا ولدت فيها فـ مستحيل ما أحبها..
ناظرته بسرعة متفاجئة ولد فيها محد قال لي ..
ريمان : ولدت فيها ! صدق ؟
تركي : ما تدرين ..!
و قرّب مني شوي ..
ريمان : لااا ما أدرري ..
زم شفته و رد لـ ورى و قال بـ طنازة ..
تركي : من زوود الإهتمام و أشك ان كنت تعرفين عمري ..
زميت شفتي تصدقون و بعد عمره شاكه بين 25 و 27 سنه ..
ريمان : اممممممممم 25 سنه ..
تركي : لا 27 .. ما قلت لك من زود الإهتمام ..
و ناظرني ببرود و شال عينه لـ البحر .. جلست ساكته ما عندي شيء أقوله اذا جلس يناظرني كذه بـ أموت من الضيقة ..
كلش على بعضه بارد جيت بـ ألطف الجو ..
ريمان : بس مو باين عليك جداوي انت كلش نجداوي ..
ناظرني و هو يبتسم ابتسامه فارغة ما بها أي معنى ..
تركي : لـ أني عشتت في جده لـ يوم صار عمري13 سنه عقب نقلنا لـ الرياض ..
ريمان : أهــااا ليه ما قلتلي ..؟
تركي : و انت ما سألتي الا هالحين لو كان فيك خير كان دريتي كم عمري عـ الأقل ..
ناظرته بـ حدة و قلت بـ عصبية ..
ريمان : هالحين أنا شاللّي بأستفيده إذا عرفت عمرك ..
ناظرني بـ حدة و همس و هو يصك على أسنانه ..
تركي : لا ترفعين صوتك ..
لفيت وجهي لـ الجهة الثانية و أنا أحاول أمسك دمعاتي شفيه ذا .. يرمي عليّ كلام و لمّا أزعل يعصب علي والله مو مقدّر
علي أتحمله بـ كل حالاته .. قام و دفع الحساب و طلعنا ركبنا السيارة و طول الوقت و حنا ساكتين ..
كنت أناظر من الدريشة يا ليتني ما وافقت كان أحسن والله و بندر يقول لي تمسكي به .. بالله شيبيني أسوي و ذا
يعاملني كذا كأني ذابحه له أحد .. انتبهت لـ يده تلف كتفي انتبهت اننا وقفنا بعد " ناظرته بـ برود ..
ريمان : نعم ؟
قربني منه و مسك ذقني بحنّيه ..
تركي : لا تزعلين مني ريمان والله كنت متضايق و بس ..
ريمان : زين شيل يدك ..
تركي : قولي قبل زعلانه مني ..؟
ريمان : لااا ! شيل يدك ..
شال يده عني و أنا رديت عيني لـ الدريشة .. حرك بـ السيارة و انتبهت له يدخل حارة من الحواري ..
ريمان : وين رايح ..
ابتسم و دخل لـ لفه ..
تركي : هالحين بـ تعرفين ..
وقف قدام مدرسة ابتدائية باين عليها من زمان تأسست ناظرت التاريخ .. (( تأسست عام ..1389 هـ )) ..
أشر لـ المدرسة ..
تركي : شايفه ها المدرسة هنا درست الابتدائية قبل 20 سنه ..
ابتسمت له و ناظرت المدرسة ..
ريمان : صدق ..
تركي : ايييييه و هنا بعد تعرفت على إلياس و صار خويي ..
ناظرته و هو ناظرني بابتسامة ..
تركي : لو يسمحون كان دخلتك تشوفين صفي بعد ..
ريمان : ههههههههههههههههه أحللف ..
ضحك و حرك بـ السيارة لـ بره الحارة في ذي الليلة كنا نسولف ايه بس بـ رسمية ..
لف بي كل جدة و رحنا مولات كثيره عقب ردينا عـ الفندق و وعدني بكره بـ ننزل لـ البحر عـ الفجر ..
و تحمست لـ ذا الـ شيء .. المهم طلعت من الحمام بعد ما تسبحت شفته متربع عـ السرير و يلعب بـ جواله
جيت و مسكت اللحاف و لما جيت بـ انسدح ناظرني ..
تركي : بـ تنامين ..
ريمان : أكيد فيني النوم ..
تركي : بس أنا ما فيني نوم ..
انسدحت و غطيت روحي و ناظرته ..
ريمان : هذا لـ أنك نمت لـ المغرب أما أنا ما نمت الا لـ العصر فـ تكفى خلني أنام ..
و غمضت عيوني بس هو مسك يدي ..
تركي : يووووه ريمان لا تنامين قومي سولفي لي ..
قمت و جلست فوق السرير بس مغطية نصي ..
ريمان : خير تبيني أقول لك قصة قبل تنام ..
قلتها بـ طنازة بس أظن السالفة عجبته لـ انه قرب و حط رأسه بـ حجري ..
تركي : ايييييه يالله قولي !!
ظلّيت ساكته أناظره و هو ما عنده أحد غمض عيونه و ظل مكانه ..
ريمان : تركي ترى كنت أتطنز ..
تركي : ههههههههههه أدرري عاد تحمّلي نتيجة طنازتك ..
ابتسمت لـ ضحكته ..
ريمان : تركي والله صدق تعبانه خلني أنام ..
تركي : مستحيل بـ تقولين لي قصة محد قال لك تتطنزين ..
ريمان : تــركــي والله تعبانه أحتاج أرتاح لا تنسى اني حامل ..
رفع نفسه و هو يناظرني من فوق لـ تحت عقب ناظرني و فيه الضحكة ..
تركي : تصدقين نسيت ..
ريمان : ههههههههههههههههههههه من قوّة ذاكرتك ..
تركي : ههههههههههههههههههههه لا والله الشرهة عليك مو باين انك حامل ..
ناظرت نفسي ..
ريمان : ايه خاطري يبان أبي أحس به مثل جمّون ..
تركي : تحسين به ..!
ريمان : ايييييه في سوالف كثيره ما تعرفها ..
تركي : أبي أعرفها ..
ريمان : ههههههههههههههه اشلون ؟
ابتسم و قرّب مني و هو يتأمّل بطني و يهمس ..
تركي : مدري ! أبي أشوف بطنك أوّل شيء ..!
تلّونت خدودي ألوان من الإحراج و الترقّب ! و همست ..
ريمان : مع نفسك ..
تركي بهمس : ليشش ؟! صدق ريمان أبي أشوفه تكوّر أكيد صح ؟!
ايه صح كان صادق تكوّر تكويرة صغيره .. قرّب منّي و مدّ يدّه يبعّد اللحاف عنّي ..
ريمان : تركي ..
تركي بهمس : اششش قومي !
سحبني برّا السرير و أنا تبعته بانصياع رفع قميصي و حمدت ربّي إنّي لبست بيجامه حمل من قميص و استريتش
و أنا أحسّ بخدودي تشبّ حراره .. حطّ يدّينه على بطني المكوّره و همس بصوت أجشّ ..
تركي : بعده بدري يتحرّك صح ؟
و ناظرني و أنا هزّيت راسي بمعني " ايه " ردّ و ناظر بطني و مسح عليها و أنا عضّيت على شفّتي و أنا أحس بقلبي
ينبض لدرجه بــــينفجر بأيّ لحظه ..
تركي : أبي أحسّ به أبي أكون موجود لمّا يتحرّك ..!
استغربت من نبرة صوته كانت قريبه من اليأس حطّيت يدّي على خدّه و هو ناظرني بسرعه .. همست بابتسامه ..
ريمان : أكيد بتكون موجود وين بتروح يعني ..؟!
و فجاه و مدري شصار كل شيء انهار و يدّينه تركتني و بمفاجأه راقبته و هو يمشي برّه الغرفه و يسحب مفتاح السيّاره
و قبل يطلع همس بـ [ بأرجع بعد ما اسوّي شغله ] و راح !!
تنهدت و جلست ع السرير و أنا أفكر شاللّي صار شاللّي خلاّه يقلب فجأه ؟!
انسدحت بقلّة حيله و بدون شعور غفلت ..
*********************************
.. (( الـ السـ 2:20 الليل ـاعة ـكويت * * الجازي )) ..
كنت واقفة جدام التسريحة تونا من نص ساعة وصلنا الفندق دخل بشار يسبح و ما أعطاني و لا حرف ..
نزلت العقد و الأساور و هم فجيت مثبت شعري بس المشكلة في الفستان مب جادرة أفجه كله من حصه و مرايم ..
سووه بها الطريجة جان لـ نص الصدر و لـ آخر الظهر بس المشكلة ان به من ورى مثل الحبال
داخلة في بعض عـ شكل × يا ليت حبلين أو ثلاث لا ممكن عشرين واحد يلست على كرسي التسريحة ..
أيا القهر شسوي الحينه ..
بشار : شبلاج ما غيرتي فستانج ..
اليازي بارتباك : الحين أبدله ..
و قمت من مكاني و هو تساند عـ الباب و تكتف و ناظرني بـ غشمرة ..
بشار : أدرري بج متورطة ويّاه جان تبين مساعده أنا هني ..
طلعت عيوني جدام أي مساعده أكيد خرف ..
اليازي : لا مب متورطة هالحين أنزله ..
ابتسم و ياه لي حط يديه على جتوفي و لفني و صرت معطيته ظهري حط يده على خصري عشان يفج الحبال من ورى ..
بشار : أوب أوب شمسويه بـ فستانج ..
اليازي : والله مب أنا هاي حصوه و مرايم ..
بشار بسخريه : أفهم انه مقلب ..
سكت والله مرتبكة و هو حده بارد .. بدي يفج الحبال .. فجها عقب حط يديه على جتوفي ..
ارتبكت وايد يوم انحنى و حب رقبتي حسيت بـ دموعي تتيمع بـ عيني رفعت يدي و مسكت يده ..
اليازي : بـشـ ـار ..
لفني صوبه و ضمني لـ صدره بقوة و أنا ما جدرت أيود روحي و صحت عليه ..
بشار : خلاص اليازي لا تبجين ..
اليازي : أنـ ـا .. أنـ ـا ما أستـ ـاهلـ ـك ..
أبـ أسألك هو أنا أستاهلك .. ؟!! * * أستاهل الدمع اللي جرح وجنتك .. ؟!!
أستاهلك .. ؟!! أستاهل اني أعشقك .. ؟!! * * أبـ أسألك عن حالنا .. انت و أنا .. ؟!!
ضمني له و يلس يمسح على شعري أما أنا ما جدرت أيود عمري مول يلست أبجي و بس ..
بشار : خلاص أنسي اللي حصل هو شيء و راح ..
اليازي : بس هـ ـم أنا ما أستاهلك ..
بشار : لا تستاهليني ثم اللي صار كله من سواتي بـ لندن ..
طالعته مستغربة و هو حضن ويهي بـ يديه ..
بشار : اليازي حبيبتي أنا غلطت و انت هم غلطتي و ترى مب انتي بس اللي تعذبت أنا هم تعذبت في بعدج ..
ارتميت على حضنه أبجي من يوم سويت اللّي سوتيه و تطلقت صرت ما أحط أمل اني أنا و بشار بـ نيتمع ..
بس الله يغفر فـ مستحيل البشر ما تغفر و كاهو أنا ويّاه ويّا بعض .. رفعني من حضنه جرب ويهه من ويهي ..
بشار : تدرين تمنيتج من جان عمري 20 سنة و الحين صرت ملاكي ..
و جرب ويهه أكثر ..
بشار : تسمحين ..
ابتسمت و حضنت ويهه و حبيته ويّا خده عقب ارتميت بـ حضنه و هو لمني له بحنيه ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك