رواية كثر ما قلتلك اكرهك كثر ما انا اهواك -44
ارتميت على حضنه أبجي من يوم سويت اللّي سوتيه و تطلقت صرت ما أحط أمل اني أنا و بشار بـ نيتمع ..
بس الله يغفر فـ مستحيل البشر ما تغفر و كاهو أنا ويّاه ويّا بعض .. رفعني من حضنه جرب ويهه من ويهي ..
بشار : تدرين تمنيتج من جان عمري 20 سنة و الحين صرت ملاكي ..
و جرب ويهه أكثر ..
بشار : تسمحين ..
ابتسمت و حضنت ويهه و حبيته ويّا خده عقب ارتميت بـ حضنه و هو لمني له بحنيه ..
*********************************
نهااية الباارت الواحد و الخمسين ..
توقعاتكم ,
- تركي و ريماان '$
و ان شاء الله عجبكم الباارت ,
+ انتظروا البارت يوم السبت ..
الباارت الثااني و الخمسين .. '$
*********************************
.. (( * * ريـمــان * * )) ..
فتحت عيني بـ كسل و أنا أحس بأصابع تمسح ع خدّي و تلعب بـ شعري و تفرّق خصلي , شفت تركي منحني عليّ
و مبتسم انتبه إنّي صحيت و زادت ابتسامته و هو يهمس ..
تركي : صباح الخير ..
ظلّيت أناظره مستغربه علامه ذا متى جاه و عقب لاحظت نور الشمس يتسللّ بين الستاير .. رجعت ناظرت تركي
علامه مبتسم بعدني ما نسيت شصار أمس لمّا راح و خلااني .. همس ..
تركي : شعرك طول ..
و لفّ خصله في أصبعه و هو يناظرني بنظرات نبض لها قلبي بقوّه .. همست بـ ارتباك مع إحراج ..
ريمان : أكيد طول شقالولك يعني الشعر ما يطول ..
ابتسم و قرّب منّي و حسّيت بإحراج و وجهي يحمرّ لما حبّني مع جبهتي ..
تركي : ي الله قومي صلّي و خلّينا ننزل البحر ..
و قام شفت إنّه جاهز قمت أنا بعد تغسّلت و صلّيت و بدّلت ملابسي تحت نظراته بس ما اهتمّيت ما لي خلق له .....
كانت السـ7:40 الفجر ـاعة يوم كنا واقفين قدام البحر مسك يدي تركي عشان ينزلني لـ الرمل
و يعبر بي الصخور اللّي تزحلق نزلني لـ تحت ..
تركي : هااااه أطلعك فوق ذيك الصخرة ..
كانت الصخره كبيرة و وسط المويه يعني لازم نعبر شويّ البحر لين نوصل لها و نرقاها , و كانت المويه بتوصل لركبنا ..
ريمان : ايييييه أكيد ..
رفعت عبايتي و ربطتها و لـ أني لابسه بنطلون .. " استريتش " .. لـ الركبة ..
تركي : شتسوين ..
ناظرت ورى ما شفت أحد ناظرته بابتسامة ..
ريمان : شفيك ما في أحد ..
تركي : زين يالله أمشي عشان أطلعك ..
مسكني من كتوفي و مسك يدي بيده الثانية و صلني لـ ذيك الصخرة كانت مرتفعة حـيـل و حولها صخور ..
تركي طلع من صخرة و طلع لها و ناظرني ..
تركي : يالله أطلعي شفيك في مكانك ..
ريمان : لا والله اشلون أطلع لـ وحدي ..
تركي : قصدك تبيني أرفعك ..
ريمان : أجــل تتفرج علي ..
أعطاني ظهره و هو يضحك و يقول بـ طنازة ..
تركي : هههههههه انت تحلمين أشيلك يالله عاد يا تطلعين بروحك يا تجلسين تحت ..
تخصرت و ناظرته بـ قهر ..
ريمان : تركي ..
تركي ببرود : عيونه ..
راح بالي لأيّام لبنان و حسّيت بقلبي ينبض و أنا أناظره للحظات و شكله هو بعد حسّ لأنّه ناظرني من فوق لتحت
بنظرات ما فهمتها قبل يلفّ يناظر الشمس اللّي طلعت من ورى البحر .. طنّشت مشاعري و تكلّمت أترجّاه ..
ريمان : يووووه حرام عليك تركي طلعني و كم مرة قلتلك اني حامل ..
تركي : هههههههههههه تصدقين اني نسيت والله خبال ..
انحنى و لف خصري بيدينه و أنا تمسكت في كتوفه و رفعني و طلعني له .. جلس يناظرني و انا همست ..
ريمان : والله يا خوفي تنساني آخر شيء ..
ابتسم بـ معنى و قربني له و هو يهمس ..
تركي : أنسى روحي و لا أنساك ..
جلست أناظره بـ ابتسامة تعرفون حسيت بـ روحي غرقانه ما بين نظراته و همساته .. رفعت يدي لـ خده بس هو حسيت به
ارتبك لـ انه بعد عني و نزل لـ البحر و هو يسحب يديه من خصري .. جلست أناظره مستغربة شفيه يتهرب مني ..
مشي لـ جهة العميق لين وصلت المويه لـ نص صدره كان معطيني ظهره شوي دخل كله و بدي يسبح لـ بعيد ..
كان و هو يسبح .. يسبح بـ هدوء حسيت به يفكر بس ما أدرري بـ وشو بـ الضبط ..
بس أنا جلست و غطست رجولي بـ المويه و جلست أناظره .. نزلت عيني لـ المويه يوم سالت دمعتي ..
حاسة بـ الألم لـ أنه صدني عنه رفعت عيني لـ السماء بديت أفكر بـ كلام بندر .. يوم قال لي .. " تركي ما يفكر بها الطريقة " ..
بديت أتأكد ان تركي يبي يعذبني بس بـ طريقة ثانية .. طريقة أقسى من أي جرح سببته له ..
ناظرته لما طلع من المويه و هو معطيني جنبه و وااضح مسرح و رايح بـ فكره لـ بعيد ..
شوي مشي و جلس على صخرة بعيدة شوي عني و هو معطيني بعد ظهره ..
*********************************
حسيت بـ روحي غبي أنا ما أدرري اشلون نسيت نفسي و قلت لها كذه ..
كنت مقهور من نفسي لـ درجة اتمنى فيها أغرقها في البحر و لا أطلع شيء يقهر لما تكون مخطط لـ شيء
و بـ لحظة تنسى كل شيء .. زين اني مشيت عنها لازم أحافظ على كرامتي لـ أن مع ريمان ..
لا زم تكون متأكد انك بـ تضحي و هي لااا ..
قمت و لبست نعالي عشان نرد الفندق .. فيني النوم و بـ شكل ما تتصورونه أمس ما رجعت الفندق أبدا ..!
خفت أرجع و أضعف لأنّي أدري أنّ هذا القلب مشتاق لها بشكل ما ينوصف .. و لمّا رجعت مع الفجر حنّ اشتاق و هو
يتأمّلها نايمه .. ضربت صدري مالت بس على هالعاقّ ..! ما يبي يركد ما يبي يمشي مثل ما أقول له ...!
ناظرتها ما كانت تناظرني انحنيت و مسكت حصى و رميتها على المويه اللي قدامها و أنا ابتسم بشقاوه ..!
.. (( * * ريــمـان * * )) ..
ناظرته بـ عصبية يوم طشت المويه بـ وجهي والله و له وجه يأذي بعد .. ابتسم لما شاف عصبيتي أشر لي أنزل ..
تركي : يالله بـ نرد لـ الفندق ..
ما عطيته وجه و قمت بـ أنزل بروحي ما بقي الا أذلّ روحي له مرة ثانية .. مسكت الصخرة و نزلت رجل ..
و هو تكتف و ناظرني بـ طنازة يبي يشوفني شسوي .. حطيت رجولي أخيرا عـ المويه صح أتبلت عبايتي لـ نصها ..
بس ما عليه أحسن من الذل و الفندق أصلا قريب يعني ما تفرق ح نوصل بسرعه و ح أبدّل أسرع ..
ناظرته بـ نصر و حقد و مشيت من عنده و أنا أمسك أعصابي مشي من جنبي و هو يكتم ضحكته ..
ركب السيارة و أحتريته يفتح لي الباب لـ ان من عنده انصدمت لما شفته يلعب بـ درج السيارة و موقفني بره
ضربت الدريشة و هو يقالك توه انتبه فـ فتح لي دخلت و صفقت الباب بـ قوة و جلست أناظر من الدريشة ..
قال لي بـ صوت به الضحكة ..
تركي : شـوي شوي تراني مستأجرها مو شاريها ..
ناظرته بـ نظرة و هو ابتسم كـ عادته بـ برود و لف يسوق مشينا لـ الفندق ..
دخلت الغرفة و قفلت الباب بـ وجهه من القهر ذا ان ما موتني قبل يومي ما بـ يكون تركي ..
و رحت للحمّام و أنا مطنّشته بعد ما تغسّلت و طلعت ما شفته موجود رحت بسرعه أبي أقفل باب الغرفه مالي خلق
أشوفه و من وصلت عند الباب و جيت بأقفّله شفته طالع من الحمّام الثاني و هو ينشفّ شعره
و بسرعه قفّلت الباب في وجهه و أنا أحس بقلبي ينبض بقوّه و بجنون ..
تساندت ع الباب و كتمت تنهيده و أنا أسمعه يطقّ عليه ..
تركي بهمس : افتحي بسرعة منيب رايق لك ..
انقهرت من الدموع اللي تجمعت بـ عيني قبل لا تسيل مسحتها و فتحت الباب كان بـ وجهي و طنّشني و دخل بـ برود
و لا كأنه مهتمّ / و أنا طلعت و رحت عـ الصالة جلست و أنا أضم ركبي .. آآخخخخ يـا القهر جاني خاطر أمسك النعال
و أطيح به طراق اطلع كل حرتي فيه .. بس لـ الأسف تمنيت لو أسويها أنا ما أدرري شيبيني بندر أسوي والله
قسم ان تركي حطمني و تعبني و ممكن أكثر من تعبه مني سالت دموعي سيول على خدي أنا لو جلست كذه بـ أموت ..
قمت بـ سرعة قبل لا أهون .. رحت لـ الغرفة و وقفت و مسحت دموعي عقب دخلت شفته توه بـ ينسدح و ينام ..
بس لما شافني ناظرني بـ برود ..
تركي : زين انك جيتي قفلي الستارة ما فيني حيل أقوم ..
رحت له و أنا حدي ماسكه أعصابي همست و أنا أشتت نظراتي ..
ريمان : أبي أكلمك في سـ ..
ما خلاني حتى أكمل قطع كلامي و هو يمسح على وجهه يقالك نعسان ..
تركي : قلتلك منيب رايق روحي هالحين أبي أنام ..
خلاص لـ حد هنا يا تركي ما أقدر أستحمل أكثر ما حسيت بـ نفسي الا و أنا خلاص صاكه خده بـ كف ناظرني بـ صدمة ..
و هو معصب بعد ثمّ مسك يدي بـ عصبية ..
تركي : خير وش شـ ..
ارتميت على صدره أصيح و هو سكت .. جلس يناظرني مستغرب أما أنا خلاص ما عندي أحد .. .
لا زم أريح نفسي و أريحه لو جلسنا كذه بـ أموت شوي لمني له و همس ..
تركي : هالحين شفيك تصيحين ..
دفنت وجهي بـ صدره و بـ القوة همست ..
ريمان : تركـ ـي أنـ ـا أسـ ـفـ ـه ..
تركي : على ..؟
كان يتكلم بـ هدوء به البرود ضربته على صدره بـ خفيف ..
ريمان : تركي خلاص كان تبي تعذبني تراك عذبتني لين خذيت حقك و زيادة تركي انت ما تحس .. قسم بالله اني
اشتقت لك و انت و لا شيء ..
رفع وجهي بيديه و جلس يناظرني عقب همس ..
تركي : اشتقتي لي ..؟!
ضمّيت يدّينه اللّي على وجهي و أنا أغمّض عيني و أهمس بتعب ..
ريمان : تركي ما أبيك تبعدني عنك والله اني تعذبت طول ها الأسابيع ..
تركي : و أنا .. ؟!! شتقولين عني أنا لي سنين متعذب معك و انت و لا تحسين .. توك بس حسيتي ..
ريمان : خلاص ذاك أول ليش تعاقبني به هالحين ..
تركي : ابيك تحسين ..
ريمان : خلاص حسيت و تعذبت كافي لـ حد هنا ترى والله ما كانت شهور اللّي راحت ..
لماني له بـ قوة و همس ..
تركي : زين السموحة ..
ريمان : لا انت لا تعتذر أنا الغلطانه ..
ناظرني بـ ابتسامة و بـ نظراته اللي تذوبني دوم ..
تركي : زين اشتقت لي بس ما قلتي لي تحبيني ..
ابتسمت بـ احراج و دفنت وجهي بـ صدره ..
ريمان : ما أدرري ..
تركي : هههههههههههههه ..
ناظرته و رفعت يدي لـ خده ..
ريمان : ما اشتقت لي ..
طوق وجهي بيديه و قرب مني ..
تركي : تسأليني ما اشتقت لك و انتي تدرين اشكثر أشتاق لك و لو كنت جنبي ..
ريمان : زيـ ـن ليش كنت بـ تبعدني عنك ..
تركي : لـ أنك ذبحتيني بـ كلمتك ..
ناظرته بـ استغراب و أنا أمسح دموعي ..
ريمان : متى ..
تركي : يوم كنتي تصيحين لـ أنك حامل ليش ذاك الصياح عشانه مني أنا ..
ناظرته بـ صدمة لا يكون فاهم غلط طوقت وجهه بـ يديني و هو ناظرني بنظره حسسّتني بتأنيب الضمير ..!
ريمان : لاااا محشوم والله ما كنت أصيح عشان كذه ..
طوق وجهي هو و بعد قربه منه ..
تركي : اجل وشو له كنت تصيحين ..
ريمان : كنت أصيح لـ أني خايفه تبعدني منك و أنا و أنا ما أدرري اذا أحبك و لاّ لا ..
تركي : من جد ..
قالها بـ همس مهوب مصدق ..
ريمان : جد الـ جد تركي أنا أبيك والله ما أكرهك ..
جلس يدور بـ عينه على ملامح وجهي عقب همس بـ حب ..
تركي : فديتك قلب تركي ..
ارتميت على صدره و أنا ألمه و هو بعد لمني .. اليوم رويت شوقي اليوم كسرت كل حاجز بيني و بين تركي ..
اليوم غـــيـــر .. حسيت بـ الفرح يملي روحي و ان شاء الله دايم . . . . .
*********************************
.. (( * * هــيــثــم * * )) ..
كنت يالس أطالع التلفزيون يوم يات أمي حذالي طالعتها بسرعة و بندت التلفزيون ..
هيثم : أمايه متى بـ نسير العين عسب نخطب عليا ..
ام جاسم : بإذن الله باجر ..
هيثم : لاااا أمايه ليش جيه جان اليوم سرنا لها و هي جريبة منا وايد ..
ام جاسم : انزين انت رمس أبوك و أنا ما عندي مانع ..
هيثم : هيه أحسن عسب أخطبها باجر أما لو سافرنا باجر بـ أخطبها عقب و أنا ما أبا أتريا ..
ابو جاسم : يا حافظ خايف على يوم مهوب ترييت انت لين استوى عمرك 28 سنه ..
طالعت أبوي اللي دخل علينا و يلس ابتسمت له ..
هيثم : أبويه طالبنك نـبـا نسـافر اليوم دخيلك أبويه ..
ابو جاسم : ههههههههههههههههههههههه أظن اني بـ أسوي نذالة و أقول لا ..
ضحكت أنا و أمي على تعليقه ..
أم جاسم : يالله عاد يا أبو جاسم لا تكسر بـ خاطره ..
هيثم : هيه يا أبو هيثم والله حرام كسر الخواطر ..
ضحك أبوي بـ مصخرة ..
ابو جاسم : هههههههههههههههه لاااا صج ..
هيثم : هيه والله ..
ابو جاسم : ههههههههههههههه انزين و لا يهمك اليوم العصر نسير لها ..
نشيت و حبيت رأس أبوي ..
هيثم : تسلم أبويه والله ما تقصر ..
ابو جاسم : عاد انت روح و تزهب ..
ابتسمت و هزّيت راسي و أنا أرمّس بحماس ..
هيثم : هــيــه انزين ..
و سرت أرقى الدري والله وايد متحمس أجوفها ..
*********************************
نهااية الباارت الثاني و الخمسين . .
توقعااتكم ,
* نزلت الباارت بدري لأنّي مرا مشغولة اليوم
عندي بحوث و خرابيط :/
دعواتكم '$
+ ان شاء الله عجبكم ..
الباارت الثاالث و الخمسين . . '$
*********************************
.. (( الـــيـــوم الــثــانــي )) ..
.. (( جـــدهـ السـ 1:30 الظهر ـاعة * * ريـمــان )) ..
كنت نايمه لـ الحين حسيت بـ حركة على خدي فتحت عيني بـ ثقل شفت تركي مبتسم و يمشي بـ أصبعه على
خدي و ملامحي ..
تركي : يا الكسولة يالله قومي حشا كل ذا نوم ..
غطيت وجهي بـ يديني ..
ريمان : يووووه تركي أبي أنام شفت أمس سهرتني معك ..
تركي : و أنا جـــوعــان و أبي آكل يالله عاد قومي ..
ريمان : تــركــي قسم بالله حرام عليك ..
مسك يديني و بعدها عن وجهي و قرب مني ..
تركي : قومي عن الكسل .. لي ساعة والله أحتريك و أظن لو جلست أحتريك ما بـ تقومين لو لـ بكره ..
دفيته عني و سحبت لحافي ..
ريمان : أقول عن الفلسفة ناسي نفسك لما تنام اشلون تكون ..
تركي : ههههههههههههههه اشلون ما أعرف ..
ريمان : لا يا شيخ ما تعرف زين أنا أقول لك لو يفجرون جنبك قنبلة والله ما تصحى ..
تركي : ههههههههههههههههههههههههههههه تبالغين ..
ريمان بابتسامه : زين أبي أنام ..
مسك يديني و رفعني ..
تركي : أظن اني بـ نفسي بـ أسبحك و ألبسك و أنزلك لـ السيارة ..
استوعبت كلامه رحت قمت بسرعة و ناظرته ..
ريمان : لا خلاص ارتاح أنا بـ أقوم ما أبي أتعبك ..
قرب مني و هو يـ تكتف ..
تركي : لا أفـــااا عليك تعبك راحة ..
دفيته عـ السرير و مشيت لـ الحمام - و انتم بكرامه - و هو جلس يضحك ,,
طلعت و لقيته يضبط شماغه قدام المرايه ..
ابتسم لي و أنا رديت الابتسامة جيت له و هو كـ العادة ظل يعيد و يزيد في ترتيب شماغه ..
ريمان : يووووه انت ليش محتار كل شيء عليك حلو ..
تركي : ههههههههههه عيونك الحلوة يا عمري ..
مسك العودة عشان يحط بس أنا سحبتها منه ..
ريمان : عنك أنا بـ أحط لك ..
ابتسم و قرب مني قربت عشان أحط له بـ رقبته حسيت كل المواقف تتكرر بس بـ مشاعر غييير ..
عقب خلصت ابتسمت و بعدت عنه و حطيت العودة ع التسريحه ..
تركي : تبين أي مطعم اليوم ..
ريمان : أي مكان تدري ما عمري جيت جده و لا أعرف شيء فيها ..
ابتسم و لبست العبايه .. نزلنا و ركبنا السيارة رحنا مطعم فخم لـ الأكلات الصينية .. ناظرته يوم وقف بـ السيارة عنده ..
ريمان : لا تركي متأكد تبي من ذا ..
تركي : ههههههههههههههههههههههههههههههه لا تخافين ترى أكلهم و لا أحلى و أنا أضمن لك ..
ريمان : لااااا لا أخاف يتأثر ولدي ..
تركي : ههههههههههه لا تخافين أضمن لك ولدنا ما بيتكلّم صيني لمّا ينولد ! أنزلي بس ..
ضحكت و حسّيت بالفرحه يوم قال " ولدنا " يالله دامه ضامنه لي خلني أجرب و فعلا و مثل ما قال ..
أكلات و لا أحلى عقب تغدينا رحنا تمشينا في جده و ودّاني الأحياء القديمه و الأثريّه و ودوّرني ع الدوّارات ..
بـ الليل رحنا على مولات رحنا الأندلس مول و جلسنا ندور و نتشرّى كنت مستانسه و حسّيت أنّي عوضت الشهور
اللّي راحت و بدونه .. و الحين أنا معه يدّي تلف ذراعه و هو مقرّبني منه و يسولف لي ..
عقب خلّصنا احتريته لين شال الأغراض للسيّاره و حطّها بشنطة السيّاره عقب رجع لي .. و طلعنا على المطاعم ..
طلبنا عقب رجع تركي و جلس على ما يجي دورنا و كان واجد زحمه و ناس هنا و هنا بس المكان اللّي جلسنا به
على الزاويه و أعطيت ظهري للنّاس عشان أقدر أكشف وجهي / ناظرت الجهه اللّي جنبي شفت بنات يناظرون تركي
و يقالّك خاقّين عليه .. حسّيت انّي حقدت عليهم بس اللّي عجبني أنّ تركي لمّا جلس مدّ يدّه ليدّي و جلس يلعب
بأصابعي و الدبله اللّي في أصبعي و هو مبتسم من قلب لدرجة ضحّكني عليه .. ناظرت البنات شفتهم انشغلوا عن
تركي و لفّوا يسولفون مع بعض / أحسن خلّهم يفهمون أنّه لي و بس .. فجأه و مدري شاللّي خلّى هالسالفه اطري ببالي
بس المهم إنّي تذكّرتها و بدون مقدمات سألته ..
ريمان : ايه تركي .. ما تبي تقول لي ليش فاطمة بنت خالتك مهيب طايقتني ..
ناظرني مستغرب من سؤالي ..
تركي : بل عليك وش ذكرك فيها ..
ريمان : طرت على بالي و بس هااااه ما بـ تجاوبني ..
تركي : لاااا مهوب لازم تدرين ..
و ابتسم بشقاوه حبيتها و هو يقرب مني ..
تركي : بس كذه نذالة ..
دفيته عني و أنا أهمس بإحراج ..
ريمان : زيين لا تقرّب فيه ناس حولنا .. و ثاني شيء يالله عاد قوول ..
تركي : ههههههههه أوكي كتفي بس عوّرني .. و بعد مهوب لازم تعرفين ..
ريمان : زين منهي الجازي ..
عقد حواجبه و هو يهمس ..
تركي : الجازي ..؟!!!
ريمان : ايييييه شفت مقطع بـ جوالك لما تقول لـ إلياس انك تموت بـ ثراها ..
جلس يناظرني لفتره عقب همس و هو يلعب بيدّي ..
تركي : وحده كنت .. كنت ..
و ناظرني و حسّيت بقلق للحظه من نظراته كأنّه مسوّي شيء ..
ريمان بتوتّر : كنت ايش ..
بلع ريقه و هو يهمس و يشيل عيونه عنّي ..
تركي : خلّيها بعدين لمّا نرجع الفندق ..
و راح و جاب العشاء عقب صح تعشّينا بس كان ساكت و أنا بعد سكت لأنّي حسّيت أنّ السالفه شويّ كبيره ..
كنت من جد خايفه و متوتّره من توتّره هو .. كنت أفكّر علامه تركي ليش مرتبك يقول لي .. ليش ما يقول
مثل ما قال عن ذيك البنت صديقه قديمه .. يعرف أنّي ما راح أزعل لأنّه كان ماضي ..
بعد نص ساعه كنت متوتّره و جالسه في الصاله أقلّب في التلفزيون .. كنت أتحاشاه و ذا شيء واضح و لاحظ هو بعد ..
انتبهت أنّه دخل الصاله و اتساند ع الباب يناظرني بس أنا ما ناظرته و سوّيت روحي مندمجه في المسلسل ..
نبض قلبي بقوّه و بخوف و أنا أشوفه يجي لي سحب الريموت من يدّي و قفّل التلفزيون ..
قبل لا يرجع و يضمّهم في يدينه و يجلس جنبي ..
ناظرته أخيرا بس هو ما كان يناظرني .. كان يناظر يدّيني اللّي يمسح عليهم بأصابعه .. همس فجأه ..
تركي : تذكرين شسوّيت قبل ثلاث سنين ..
ما ردّيت و بلعت ريقي أظنّه يقصد لمّا كنت في المطبخ التحضيري و جاه هو .. رفع عينه و ناظرني و هو يهمس ..
تركي : ما قد اعتذرتلك عن حركتي صح !
نزّلت عيوني و بارتباك همست ..
ريمان : لـ .. عادي شيء و راح أكيد ما كنت تقصد ..
رفع ذقني بيدّه و خلاّني أناظره و همس ..
تركي : السموحه ريمان .. و ما كان شيء عادي ترى و ايه ما كنت اقصد !
ريمان بهمس : بععد تراك مسموح ..
ابتسم و ترك ذقني و رجع يمسح ع يدّي ..
تركي : من بعد ما رحتي لمّا سافرتي للندن كانت نفسيّتي تعبانه و كنت ألوم نفسي بـ قوّه لدرجة فحّطت و أنا معصّب
في يوم لين قلبت بي السيّاره ..
شهقت و ناظرته و هو ناظرتي بـ ترددّ و همس ..
تركي : تعرفين أنّا كنّا نفحط صح ..
هزّيت راسي و أنا أساله ..
ريمان : بس شصار لك ؟ بندر ما قال لي شيء ..
تركي بطنازه : و يهمّك وقتها تدرين ..
سكت كان صادق / بعد ذاك اليوم ما همّني لو سووّا عزاه / نزّلت عيوني و أنا أحسّ بشتات و خوف ..
حسيت بأصبعه يمسح على خدّي ناظرته و ابتسم لي قبل لا يهمس ..
تركي : مب ذا الشيء اللّي كنت باناقشه خلّينا نتعدّاه زين ..
هزيت راسي و هو همس ..
تركي : جلست شهرين في المستشفى التاهيلي كان المفروض اطول بكثير بس انا حاربت نفسي و احساس اللوم
خلاّني اسوّي في نفسي عجايب لدرجه الدكاتره كانوا شايلين همّ أتردّى بدال لا أمشي !!
شهقت للمرّه الثانيه و أنا أهمس بـ [ تشللّت ! ] ..
تركي بابتسامه : مؤقت !
ريمان بانفعال : أوكي لحظه ليش ما قال لي بندر مستحيل أنّه ما يقول لي كل ذا ..
ناظرني للحظات قبل يهمس ببرود ..
تركي : لانّ محد يدري غير إلياس ! هو اللّي انتشلني من السيّاره المنقلبه / هو اللّي اتصل بأبوي و استحمل كلّ
التهزيء لمّا قال له أنّي سافرت معه عشان يخبّي على الحادث !
مع كل كلمه كنت أنصدم أكثر و أكثر من جدّه تركي من جدّ محدّ يدري يعني , يعني أنا الوحيده اللّي أدري الحين ..
شدّ على يدّي لمّا شاف دموعي تجتمع ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك