رواية لاتمثلين احتياجج لي وانتي بحضن غيري مقزرتها -47

رواية لاتمثلين احتياجج لي وانتي بحضن غيري مقزرتها - غرام

رواية لاتمثلين احتياجج لي وانتي بحضن غيري مقزرتها -47

مني عشان جذي عطت أخوها الصور .. أنا اعلمج يا ورود )

ثنيان : هووب وين رحتي

قمر : أنطر عليي شوي أنا براويك بورود

ثنيان : قمر شفيج .. البنت شنو سوت لك

قمر والدمعه بطرف عينها : عمري ماتخيلت أنها تصير حقيرة لهالدرجة وتبيع رفيجتها .. رفيجة عمرها ..

ثنيان : ليش شصاير قمر تكلمي

قمر : خلني أقولك من وين اعرف قمر وبعدين أقولك سالفة ورود

تذكر يوم خالتي هوازن عطتني سيارتها ودعمت فيها

دريت عن الي بيني وبين مشاري

ثنيان : اي

قمر : الي دعمتة أهو عمر .. وبعدها عطاني رقمة عشان أحد يتفاهم معاه .. ويات خالتي هوازن وأنهت الموضوع .. وهالوكت أهو حاول يرقمني بس أنا ماخذيت رقمة ولا عطيتة ويه .. بعدها تذكر يوم دريت بلي بيني وبين مشاري

ثنيان : اي

قمر : أنا كنت حيل متظايقة فخذيت سيارة مشاري ورحت البحر وهناك شفت عمر مرة ثانية بالصدفة و رقمني عمر .. وانا والله ماكنت ناوية أني أكلمة .. بس لاني كنت حيل متظايقة من مشاري .. وماكلمتة أصلن ولا صارت بينة لاعلاقة ولاشي بس دقيت عليه مرة وحدة وبعدها قام يدق ويشكل بيشوفني .. ويوم قتلة خلاص ماقدر أكلمة قعد يهددني ..

ثنيان : وبعدين

قمر : بعدها صارت سالفة جراح أخوي وسافرت وغلقت جهازي .. وقبل لا أرجع الكويت بيوم وصلتني مسجات ومس كولات من عمر . وكان يهددني .. ويوم فتحت أخر مسج ولا صورتي وانا لابسة .. ( أختنقت ماقدرت أكمل .. شقول حق ثنيان .. شقووول .. ماقدر أقول شي .. بس دموعي الي كانت تتكلم عني )

ثنيان : وبعدين .. صورتج شفيها

قمر : دزلي صورتي وانا لابسة ملابس النوم .. ومحد عنده هالصورة غير ورود .. أكيد أهيا الي عطتة الصورة عشان ينتقم مني

ثنيان : لا لا ورود ماتسوي جذي

قمر : أمبلة .. تبي تنتقم مني على الحركة الي سويتها فيك .. بس انا اراويك فيها ..

ثنيان ( حاشتني حالة صدمة .. معقولة .. معقولة ورود تسوي جي .. لا ماصدق .. ورود ماتطلع منها .. ومهما يكون قمر رفيجتها من عمر .. أكيد قمر قاعد ترقع الموضوع وتبي تفرق بيني وبين ورود أكيد ) : أنتي جذابة

قمر : شنوو .. انا جذابة .. ثنيان والله هاذا الي صار

ثنيان : انتي تبين تفرقين بيني وبين ورود وانا أدري

قمر : ثنيان أصحى ..شكو أفرق بينك وبينها .. أنت منخدع فيها ..

ثنيان : لا .. انا أنخدعت فيج انتي وأنقرصت منج مرتين .. وهالمرة ماراح أكرر غلطتي

ومشاري لازم يعرف كل شي

قمر : لا ثنيان .. أترجااك .. اترجاك لاتقول حق مشاري والله هاذا الي صار

ثنيان : بحالة وحدة .. راح أدق على ورود وأواجها . والي تقولة ورود راح أصدقة .. أذا أهيا عطت أخوها الصور راح أصدقها .. واذا قالت انها مو أهيا راح أصدقها بعد .. وأقول حق مشاري كل شي

قمر : أكيد راح تجذب .. أكيد بتبرر روحها وتطلع روحها مو غلطانة .. ثنيان ..

ثنيان : أوووش .. خلاص .. أنا قلت الي عندي ... دقي على ورود ألحين وعطيني أكلمها

قمر : بس ثنيان

ثنيان : بتدقين أنتي ولا أنا أدق

قمر : خلاص أنا بدق

طوووط .. طووط .. طووط

ولا ترد وورود

ورود : قمر حبيبتي شلونج

قمر بعصبية : الحين صرت حبيبتج أنتي وحده حقودة ومنافقة .. أنتي مو كفو ثقة .. الله يسامحج وياخذ حقي منج ياخاينة

ورود : قمر والله ماسويت شي شفيج ..

ثنيان:عطيني التلفون

الوو

ورود : ثنيان حياتي .. شفيها قمر

ثنيان : وصلت لها الرسالة الي قلتيها لي

ورود : عمر أخوي سوالها شي

ثنيان: اخوج قاعد يهددها وماسك عليها صورتها ..

ورود : صورتها .. !!

ثنيان : اي صورتها

ورود : من وين له صورتها .. اييييه .. الله ينتقم منك ياعمر ( وقعدت تبجي ) ثنيان قول حق أشواق والله مالي شغل . أهو هددني وبقى يذبحني .. قالي يبي يعرف كل شي عنها .. وشنو علاقتها بمشاري .. وأخذ تلفوني مني .. وأكيد يوم أخذ تلفوني أخذ صورها .. والله أنا مستحيل اسوي شي مثل هاذا .. أنت تعرفني ثنيان .. قمر رفيجتي ومستحيل أوصل لهالدرجة من النجاسة والخسة وأبيع شرفها ..

التلفون كان سبيكر

قمر قعدت تبجي : ورود .. الحين أنا شسوي .. أخوج قاعد يهددني بصورتي .. يقولي راح أكسر خشمج وخلي التكبر ينفعج

ورود : حبيبتي قمر .. أنا الغلطانة .. المفروض اوقفة عند حدة .. بس والله هددني وبقى يذبحني لدرجة وصلت فيه أنا بقى يخنقني .. سامحيني قمر ..

قمر : خلاص ورود .. الحين ماينفع هالكلام .. الحين لازم نلاقي حل حق هالمصيبة

ورود : خلاص .. خليها عليي .. أنا راح أعرف شلون أتصرف

قمر : شنو بتسوين

ورود : اليوم راح أواجهة بكل شي .. وراح أخليه يمسح الصورة من تلفونج

قمر : لا لا .. لاتسوينها .. الحين بيقولج قمر شعرفها أني أخوج .. راح يعرف أنج كلمتي ثنيان

ورود : خل يدري .. انا خلاص مليت من هالعيشة الزفت معاه .. أهو خل يففكر يمد أيدة عليي وانا أعرف شنو بسوي .. راح أكتبة تعهد .. بس نطري عليي

قمر : لا ورود .. لاتسون جذي .. مابي أسبب لج مشاكل مع أخوج

ورود : قمر .. أخوي قاعد يلعب بعرض بنات خلق الله .. مايصير .. مثل ماأرضاها على نفسي ماأرضاها عليج ..

قمر : حبيبتي ورود .. بس حاولي تسايسينة .. كل شي بهالداوة

ورود : لاتحاتي حبيتي .. رفيجتج شقردية .. انا الحين لازم أسكر لا الحين يطيح عليي أكلمج .. وراح أقولج عن كل شي لاتحاتين حبيبتي

قمر : مشكورة ورود .. ساامحيني شكيت فيج ..

ورود : لاعادي لو كنت مكانج كنت بتصرف نفس هالتصرف

..,

قمر منحرجة : كرهت نفسي أني بلحظة شكيت أنة ورود تسوي جذي

ثنيان : خلاص الموضوع طاف .. بس الحين أنشاءالله يمسح الصور من تلفونة ..

قمر : أهو بينتقم مني لاني ماكلمتة ..

ثنيان : مالج شغل فيه هيااط على الفاضي

فاطمة ياية الكافيه ولا تشوفهم قاعدين مع بعض

أوووه شنو هالصدفة الحلوة

ثنيان تصروع : هلا .. هلا فطوم .. شيايبج هنييه

فاطمة : ماكو قلت أغير جو وحدي مشتهية موكا

ثنيان : ههههه ماتيوزين

فاطمة : هلا قمر شلونج

قمر : الحمدالله بخير

فاطمة : الا مشاري وين .. ناقصكم

ثنيان : اي مشاري بالبيت مابغى يطلع قاعد عند ماما عودة

شوي ولا الصدمة القوية

بنات شوي وأنزل الجزء الثاني من البارت .,

وبقولكم شغلة .. الرواية قربت تخلص ..,

يعني مابقى شي على البارت الأخير

يلا قراءة ممتعه

البارت السادس والخمسون

..,

شوي ولا الصدمة القوية

عمر توة داش ستاربكس ولا نظر قمر وثنيان وفاطمة عليه .. وعمر عيونة طاحت بعيونهم .. وكل واحد كان له ردة فعل أتجاه عمر ..,

قمر ( أول ماشفتة ولا أركض عندة وقفت ولا أطالعه بنظرة أشمئزاز رفعت أيدي بعطيه كف ولا يمسك أيدي بقوة ويدنيها بقوة )

ياحقير يانذل .. عبالك يعني بتخوفني .. لاحبيبي الظاهر أنت ماعرفتني .. أنا قمر بنت جاسم المهناز سامعني أنت بالنسبة لي حشرة ... وكت مابي أدوسك

عمر بأستهزاء : خير شقلتي

ثنيان قرب من عمر : أنت ماتستحي على ويهك .. ماعندك خوات .. أستح على ويهك ريال طول بعرض تبوق الصور من تلفون أخت وتقعد تهدد في بنات خلق الله..

عمر بقق عيونة : أنتي هيي .. لاتييب سيرة أهلي على لسانك لا أقصة لك

ثنيان :يعني ماترضى على أهلك بس ترضاها على بنات خلق الله

بهاللحظة فاطمة كانت تمر بحالة صدمة .. ومتنحة بمكانها

قمر : أمسح الصورة الحين جدامي لا والله أوديك بداهية

عمر بكل حقارة بطل التلفون وقعد يفر الصور صورة ورى صورة .. : ياكتكوتة .. شنو بتكون ردة فعل مشاري لمن يشوف صورج عندي ..

قمر : ياحقيير .. أمسح الصور .. وأنت شتبي بمشاري .. وشنو تبي مني .. أنت من وين طلعت لي من وين.. ماتقولي ..

عمر : أبي أحرق قلب مشاري مثل ماحرق قلبي .. ( رفع جم قميصة وطلع جرحة ) : شفتي هالجرح الي بيدي بذوق مشاري طعم هالجرح الي ذوقني أياه ..

فاطمة : أنت .. أنت .. ماراح أسامحك على الي سويتة

عمر : وانتي بعد منوو ..

فاطمة قربت وفتحت عيونها على الأخر ودموعها بطرف عينها : شوفني عدل .. تمقل فيني عدل .. أنا فاطمة .. أي أنا فاطمة

عمر : فاطمة !! أنتي أخت علي .. اي تذكرتج .. وأكتملت المجموعه .. يحلاتكم وانا أفر عليكم واحد واحد .. أحرق قلب أخوج وقلب ولد خالتج .. والله راح أستمتع

ثنيان : أنت تعتبر نفسك ريال .. هاذي رجولة

عمر : أووش بابا قصر حسك .. فظحتوا روحكم الي بالكافيه كلهم عرفوا سالفتكم

ثنيان : خل يسمعون عشان يعرفون خستك ونذالتك .. أنا أعرف شلون أتصرف وياك

عمر : أقوول يا كتكوت أنت روح أقعد بحظن أمك .. لاتخليني ألحين أعطيك بكس أطيرك

ثنيان : الكلام معاك ظايع .. يلا بنات مشينا

قمر : حسابي معاك بعدين

عمر : يما آآ خوفتيني تصدقين ...

... بالسيارة

قمر : الحين شنو راح نسوي ..

ثنيان : الحل بسيط راح نرفع عليه قضية

قمر : قضية شنو

ثنيان : نسيتي أنا صورج عندة .. ورود راح تكون شاهد .. ونقدر نثبت هالشي بعد من عندج ... المسجات الي قعد يهددج فيهم هاذا دليل كافي ..

قمر : بس ثنيان أنا خايفة السالفة توصل حق مشاري ..

ثنيان : أنتي لاتحاتين أنا رفيجي محامي راح يوقف معانة وراح افهمة المووضع كلة

قمر : مشكوور ثنيان

فاطمة بصوت واطي : راح أذبحة .. راح أذبحة .. ماراح اخليه عايش أنا أعلمة ..

ثنيان : فطوم شفيج

فاطمة ماتحملت : شفيني .. شنو تبي أقولك .. أقولك أنا هالأنسان حاول يعتدي عليي .. أقولك هالأنسان بقى يسلب أعز ماأملك .. والحين عقب هلسنين كلها أشوفة جدام ويهي ويقولي بكل برود راح أحرق قلب أخوج وولد خالتج .. منو أهو عشان يقولي هالكلام .. ( وأهيا تصرخ ) ماراح أخلييه والله ماراح أخليه أنا أعلمة ..

ثنيان : فاطمة .. شنو هالكلام .. أنتي شقاعد تقولين متى صار هالحجي

فاطمة ودموعها أربع أربع : صار وخلص ..

ثنيان : خلاص فطوم لاتحاتين ..راح ندخلة السجن ونفتك من شرة .. هالأنسان أكيد له سوابق ..

فاطمة : أبوي رافع عليه قضية هتك عرض .. وطلع منها مثل الشعرة من العجين وظاع حقي .. هالانسان ذييب .. ويعرف شلون يتصرف .. بس الحل عندي .. لازم يموت .. تعرف شنو يعني لازم يموت

.................................................. .................................................. ......

مشاري ( وانا طالع أغير جو ولا يوصلني مسج من رقم غريب )

بالأول راح أبتدي بثنيان وبعدها حبيبة القلب قمر وأنتهي بالكتكوتة فاطمة .. وسلاام

" منو هاذا .. وشنو يبي .. وشعرفة بقمر وفاطمة وثنيان .. شقصدة "

وبعدها رن تلفون مشاري ولا أختة لمى

لمى : ألوووو مشاريووو حبييبي هلااااو

مشاري : هلا هلا .. ياهلا بلي لفانة ياهلا به ..

لمى : شلووونك يالقاطع وينك صارلي يومين أتصل عليك وماترد .. وين مختفي ولا مع منو لاهي .. أعترف يلة

مشاري : ههههه .. والله ماكو بس الدنيا وأشغالها .. أنتي طمنيني عليج .. شخبارج .. شلون أبوج وياج ..

لمى : على حطة أيدك .. ماتغير .. ليلحين معاملتة زفت .. ولمن يبي يطيب خاطري حطلي جم ألف بحسابي وقالي روحي طلعي فسفسي فلوسج

مشاري : الله يهدييه .. أستغفر الله العظيم من كل ذنب عظيم .. هاذا أبوو ..والله حسافة عليه هالكلمة

لمى : ماعلييه .. ايي ماقتلك باااركلي ويبب لي بالطريج

مشاري : مبروووك وكوولووولييشووو ههههههه انشاءالله خوش يبااب بيظ الويه

لمى : اي أفا عليك خوش يباب مشارية ههههه

مشاري : يلة عاد عطيتج ويه وايد .. أنا مشاري بوصقر مو مشيرية شنو شايفتني جنس

لمى : لا حشىى .. رجال وأنا أشهد

مشاري : المهم شنو الخبر الحلو

لمى : وأخيرا راح أتزوج .. راح أطلع من قفص أبوي وأدش قفص ريلي

مشاري :زيين على البركة مابغيتي تتزوجين .. ومنو تعيس الخظ الي بياخذج

لمى : لا والله تبي الفكة مني .. مشكوور

مشاري : ههههه فديتها الي مبوزة .. لا يبا والله أتمنى لج كل خير .. خلاص ولاتزعلين منو سعيد الحظ الي خطبج وبتدشين قفصة الذهبي

لمى : واحد يشتغل عند أبوي بالشركة .. قالي انا خوش ريال ولد أجاويد .. وكان يدور بنت الحلال ونعتوني له

مشاري : يالله زين .. معني ماأثق بلي يشتغلون مع أبوج .. كلهم من طقتة

لمى : ههههه لا لا حرام عليك .. قعد معاي وقعدت معاه

مشاري :أووه بعد .. متى صار كل هذا وانا أخر من يعلم

لمى : كل شي صار بسعه بسرعه .. المهم وأسلوبة حلو ماشاءالله عليه ومبين عليه عنده خلفية بالحياة

مشاري : ههههه .. بعد .. ماشاءالله نوريني شنو أسمة وشنو عايلتة

لمى : أسمة عمر محمد ال ....

مشاري عصب : شنووو .. أنتي متأكدة

لمى : اي ليش ..!!

مشاري : يخسي .. يخسي هالحيوان صج جلب ومايستحي على ويهة قليل الادب .. بعد له عين يخطبج

لمى : مشاري شنو هالكلام .. ليش تقول عن الريال جذي

مشاري :لانة مو ريال ..هاذا واحد يلعب بأعراض بنات خلق الله .. من صجج ترتبطين بواحد مثلة

لمى : بس أبوي يقول

مشاري : أبوج وأبوج وأبوج .. بعدي انتي عقب الي سواه فيج أبوج تثقين فيه .. هاذا يبي يفتك منج بأي طريقة قال أصرفها أزوجها وأفتك من حنتها

لمى : لا مشاري .. عاد أنا مو لهالدرجة رخيصة عند أبوي .. مهما يكون أنا بنتة ترى .. ومستحيل يقطني بيد ريال مو ثقة

مشاري : لمى أنا قلت لج .. ديري بالج ترتبطين فيه والله هالريال موزين .. أنا أعرفة كان صاحبي وموخوش ريال .. وانتي توج صغيرة والطريج جدامج .. لاتظيعين شبابج مع واحد مثل عمر .. باجر راح تندمين ترى .. وتقولين قال أخوي مشاري

لمى : بس مشاري

مشاري : لمى حبيبتي سمعيني .. قتلج هالريال موزين .. تعرفين شنو يعني مو زين .. أنا أخوج وأبي مصلحتج ..

لمى سكتت

مشاري : لمى تسمعيني

لمى بخيبة أمل : اي أسمك

مشاري : اليوم حطي راسج على المخدة وفكري بكلامي عدل وأنتي تدرين أني اعزج وأبي مصلحتج .. وانا أخوج مو عدوج

لمى : اي صح كلامك .. أممم مشاري انا أستأذن عندي أشغال لازم اخلصها

مشاري : اخذي راحتج .. يلا مع السلامة كتكوووت

لمى : الله يسلمك .. ودير بالك على روحك

مشاري : من عيوني

.................................................. .................................................. ......

أما في بيت أم عمر الوضع كان متكهرب بالنسبة حق ورود .. ناطرة عمر يرجع البيت وتبي تفاتحة بالمووضع .. وبعد ساعات عمر داش البيت بشرة .. وأهو يصرخ وينادي ورود

( حسيت قلبي كلة يرجف .. أكيد عمر كلم قمر .. بس أنا راح أصير قوية .. راح أوجهة )

ورود : وصلك الخبر صح

عمر وأهو مبقق عيونة وبكل عصبية : أنا مو قايل لج أذا كلمتيه راح أذبحج .. أنتي شنو بايعه عمرج ولا شنو .. أنتي ماتفهمين

ورود : أنت الي حديتني على هالشي .. ولا شنو تاخذ صور البنت من تلفوني وتقعد تهددها فيها

عمر : وانتي شكو

ورود ( ماوعيت الا وأنا مبطلة عيوني وحواليني السسترات والي تحط لي درب والي تعدل الأبرة .. والدكتور يكلم الشرطي الي واقف عند راسي .. وأمي قاعدة على الكرسي تبجي وتقرى قرآن على راسي .. وبعدها قرب مني الدكتور وفتح معاي محظر تحقيق .. منو الي سوى فيج جذي .. وليش سزى فيج جذي .. ومن هالكلام .. ماقدرت أسكت .. قلت كل الي بقلبي .. طلعت كل الي بخاطري .. أدري عمر اخوي ويمكن بعضكم يقول شلون قلبج طاوعج بس عمر لازم ينقرص عشان يتوب .. وادري انا بيطلع منها مثل ماطلع منها قبل .. بس .. مالقيت جدامي غير هالحل .. وبعدها غمضت عيوني ونمت .. )

.................................................. .................................................. ......

نهاية البارت ..,

هاذا البارت الي قبل الأخير .. نطروني في البارت الأخير .. أتمنى اني كنت ظيفة خفيفة عليكم ..,

أحس في شي راح أفقدة وأهو شخصيات الرواية بصراحه أناا كلش ماتمنيت انا الرواية تخلص لاني حبيت الشخصيات وتعودت عليها .. وكل شخصية جسدت فيها جزء من شخصيتي أنا .. وبس حاولت قد ماأقدر أختصر الأحداث لانة وايد طلبوا مني أني اخلص الرواية وملوا من المتابعه وانا الرواية طولت فقررت أني أختصر الأحداث في البارت الأخير .. وسامحوني على القصور لنا عودة في البارت الاخير .. وقراءة ممتعه جميعا

لبارت السابع والخمسون

( البارت الأخير من الرواية )

..,

بعد مرور شهرين ..,

( بيت عمر ولمى )

عمر مساك لمى من شعرها : جب ولا كلمة .. أنا أدري أنج قاعد تخونيني .. وأدري انج تحبين مشاري مو حب أخوو لا لا .. انا متأكد انا في شي بينكم

لمى وأهيا تبجي : عمر شنو هالكلام ثمن كلامك .. هاذا اخوي شنو احبة ومادري شنو .. والله عيب عليك

عمر : عيب عليج أنتي .. هذول انتو الحريم .. كلكم جذي خونة وخونة وبتمون طول عمركم خونة ..,

لمى : عمر حبيبي .. حط عينك بعيني .., شوفني أنا لمى حبيبتك ومرتك .. والله أنا قلبي مافيه عيرك .. ليش موراضي تصدقني

عمر : لانج جذابة كل الحريم جذابين .., ولا وحده فيكم صادقة .., أنا طالع .. بغير جو ..,

لمى : عمر دير بالك على نفسك ..,

عمر : ....

.................................................. .................................................. ......

سوق الذهب

مشاري : حياتي ألحين أي دبلة عجبتج الي بأول محل ولا الي بهالمحل

قمر : والله مشاري أثنينهم حلوين .., وحدي محتارة ايهي آخذ ولا أنتي شرايج خالتي هوازن

هوازن : خلاص يما دام ثنتينهم داشين خاطرج ناخذهم .., مايغلون عليج جم قمر عندنا أحنا وحده

قمر : لا خالتي مابي أثقل عليكم

مشاري : أووووش .., لاتطقين الثقل وتبدين بالمثاليات ترى هاا ألحين أعطيج العين الحمرة

قمر بدلع : مشوووري ..,

مشاري : يبوووووي فديتا والله .., لاتتدلعين الحين حدا مو وكت الدلع .., الوالدة واقفة هني

هوازن : هههههههه .., يما آآ منك .., عيب بس شنو هالكلام

قمر أنحرجت : ههههههههه

هوازن : يلا عيل خل نشتري هالدبلة ونروح المحل الثاني ناخذ الثانية

قمر : لا لا خالتي صج .., هاذي داشة بخاطري أكثر .., بس خل نتوكل على الله وناخذ هاذي

هوازن : ماشي عيل .., توكلنا على الله

مشاري قرب من قمر ومسك أيدها : أخيييه ياقمر قلبي .., كنت ناطر هاليوم من زمان .., من زمان ناطرة

قمر : وانا بعد يامشووور قلبي والله ناطرتة على احر من الجمر .. أحبك مشاري أحبك ( وحطت راسها على جتفة )

مشاري : وانا أموت فيج

هوازن : كح كح

مشاري : أحمم أحم .., يلا أدفع يما ..,

هوزان : أدفع أدفع .. بس لاتنسى عمرك وأنت تدفع

مشاري : خلاص يما آ ..

هوازن : ههههههه ..,

.................................................. .................................................. ......

ورود : لا والله من عقب مارفعت عليه التعهد واهو مايقرب صوبي ولا يكلمني .., وبعدين الحين لاهي مع مرتة مالة شغل فينا

ثنيان : يلة زين .., شلونها مرتة معاه

ورود : والله ثنيان مسكينة وايد ظالمها .., كاسرة خاطري .., مادري على شنو خذتة

ثنيان : أبوها قص عليها بجم كلمة .., تدرين شكثر مشاري نصحها وقالها لااتتزوجينة وموزين .., بس أهيا عاندت ..,

ورود : والله الي يعيش في بيت مثل بيتهم ماألوم الي يلومها أنها تتزوج .., بس شنو الفايدة طلعت من جحيم ودشت بأجحم منة ..,

ثنيان : ماعليه خلينا من عمر ومرتة .., واحنا متى راح نتزوج .., بعد مشاري وقمر عن قريب ملجتهم واحنا لين متى بنظل جذي

ورود : مادري ثنيان والله مادري .., ألحين زين قاعد أشوفك بالجامعه بعد آخذ راحتي وياك بعيد عن جو البيت وعمر .., الله كريم أنشاءالله

ثنيان: أن الله مع الصابرين أذا صبروا

ورود : قلتها أذا صبروا ., خلنا نصبر وأنشاءالله كل شي بيصير أوكي يمكن الله يلين قلب أخوي ويغير راية ..,

ثنيان : ياريت الله .. ياريت

....,

سعد : وبعدين

عمر : خلاص اعتبر الموضوع خالص

سعد : وأنت اعتبر انا ماكو دليل ظدك .., انا راح أوقف وياك .. بس ولدها ثنيان ماوصيك عليه .., أبيك تمصخرة تطلع روحة .., بس لاتذبحة

عمر : أفااا عليك .., بس لاتوصي حريص يبا ..,

سعد : والباجي حيلك فيهم

عمر : ومشاري

سعد : مشاري .., أحرق قلب أمة فيه .., تبي أقولك سر صغير بيني وبينك

عمر : شنو

سعد : مشاري مو ولدي .., مشاري ولد جاسم والخاينة هوازن لعبتها من وراي وسوتها .. عبالها أنا غشيم .., بس وين تقص على منو .., بعيني شفتها رايحة عنده الشقة بعيني

عمر : أوووف أوووف قوية .. وأنت شلون سكت عنها .., وليش سميتة بسمك

سعد : لاني غبي .., ماأفتهم

عمر : أووف أووف قوية حدها بصراحه .., يعني الأخو بيتزوج أختة .. حلووو حلووو ... والله مصخرة

سعد : بس مصخرة .. خلهم حيلهم بينهم ..

@ طبعا الي قالة عمر مو صحيح .., مشاري ولدة .. بس مرض الشك خلاه يقول هالكلام .. وهاذا السبب الي خلاه مايحب مشاري طول هالسنين والي خلة هوازن تتطلق منة

عمر : خلاص تم الموضوع عيل ..

سعد : طبق الموضوع بحذافيرة ولك مني الحلاوة

عمر : تصدق عمي أنا أحس أنا تفكيري مثل تفكيرك .., أحنا ليش متعقدين من الحريم

سعد : لانهم خونة

عمر : تصدق أنا بعد أحس لمى قاعد تخوني

سعد : لمى بنتي

عمر : اييه

سعد : حيلكك فيها أدبها .. أمسكها قبل لاتفل ويصير فيك مثل ماصار فيني مع هوازن .. ترى باجر بتندم قد شعر راسك

عمر : لا أنا مقعدها طق ومنيمها بطق

سعد : زين تسوي فيها تستاهل .. حريم هالأيام مايمشون الا بالطق ..,

عمر : اي والله صح كلامك

.................................................. .................................................. ......

( مطار الكويت الدولي )

علي ماسك العكازة: ماني قادر أتخيل ردة فعل أمي أذا سمعت الخبر وشافتني واقف على ريولي ..,

أشواق : وانا بعد .., وناااسة علي .. يعني راح يصير عندنا بيبي انا وأنت .. حقنا بروحنا مالنا حقنا ومقنا

علي : ههههه اي أنشاءالله .., عاد انا أتمنى يكون ولد بسميه حيدر على أسم رفيجي حيدر

أشواق : الله والله خووش أسم .. وأذا بنت بنسميها على أسم أمي تهاني

علي : الله كريم الي أيي من الله حياه الله

أشواق : الله كرين

علي حط أيدة على بطن أشواق : شووفيه قاعد يتحرك قاعد أحس فيه

أشواق : يما منك عيارة .. وين يتحرك توة بالشهر الثالث .. مافيه حيل يتحرك

علي : ههههه أخذيني على جوي ..

أشواق : اي صح كلامك قاعد يتحرك ويناديك بعد يقولك بابا

علي : تطنزين يعني ..,

أشواق : هههههه لا حشى .. يلا خل أسحب العربانة ونطل نشوف منو ياي يستقبلنا

( طلعنا من البوابة وكانو الحبايب والاهل كلهم مستقبلينة .. ثنيان ومشاري .. هوازن وقمر .. أمي وخالتي أم علي .. بوهوزان وأم هواوون .., عمي بوعلي .. جاسم بوجراح .., جراح وجوان ., خالتي أم أحمد واحمد ولدها .., كلهم كانوا ينطرونة .. بس المفاجآة الصاعقة كانت لمن شافوا علي يمشي على ريولة .., شال العكازة ومشى على ريولة .. الكل أنصدم .. أم علي قامت تبجي ولمتة بحظنها .., وعمي بوعلي طاح بححظنة ولمة .., وفطووم تبوس فيه من صوب وبوهوازن وام هوازن ينثرون الحلاو عليه .., ومشاري وثنيان يلمونة من الشوق .., وانا بهاللحظة تمنيت أني أشوف أبوي بين المستقبلين .. ركضت بحظن امي وقتلها أني بروح حق أبوي وأبيها تيي معاي .. لازم نبتدي صفحة يديدة أنا وأهيا وأبوي .., وكانت ردة فعلها ان دموعها نزلت أربع أربع )

أشواق : يما آآ شفيج أنا قلت شي غلط

أم فيصل : لا ماقلتي شي غلط

أشواق : عيل ليش قاعد تبجين .., أنتي ماتبين تسامحين أبوي

أم فيصل : ...

يتبع ,,,

👇👇👇