رواية لاتمثلين احتياجج لي وانتي بحضن غيري مقزرتها -48
الصاعقة كانت لمن شافوا علي يمشي على ريولة .., شال العكازة ومشى على ريولة .. الكل أنصدم .. أم علي قامت تبجي ولمتة بحظنها .., وعمي بوعلي طاح بححظنة ولمة .., وفطووم تبوس فيه من صوب وبوهوازن وام هوازن ينثرون الحلاو عليه .., ومشاري وثنيان يلمونة من الشوق .., وانا بهاللحظة تمنيت أني أشوف أبوي بين المستقبلين .. ركضت بحظن امي وقتلها أني بروح حق أبوي وأبيها تيي معاي .. لازم نبتدي صفحة يديدة أنا وأهيا وأبوي .., وكانت ردة فعلها ان دموعها نزلت أربع أربع )
أشواق : يما آآ شفيج أنا قلت شي غلط
أم فيصل : لا ماقلتي شي غلط
أشواق : عيل ليش قاعد تبجين .., أنتي ماتبين تسامحين أبوي
أم فيصل : ...
أشواق : يما آآ
أم فيصل نزلت راسها : أبوج عطاج من عمرة
أشواق ( تعرفون الشعور لمن تحسون انا احد عطاكم كف وراه كف وراه كف وراه كف .., شفتوا الصدمة شلون تكون .., انا حسيت جذي .., حسيت أنا الدنيا تصفعني على خدي اليمين وخدي اليسار .., الكل يظحك ومستانس ويبارك حق علي بولدنا اليديد .., بس انا حسيت انا الأرض أنشقت وكلتني .. وين أبوي يباركلي وينة .., يايبا وينك ليش رحت وخليتني .., ماتحملت الخبر ولا أطيح من طولي .., تذكرت كل لحظة حلوة ومرة قظيتها معاه .., عذبني مرمرني بس يتم أبوي .., أيه ياناس والله محد يعوض مكان الأبو .., ليلحيني مصدومة ., علي من شافني طحت ركض وحطني بحضنة .., بس حسيت بدفى حظنة ولا أرتمي بحجرة وأبجي وأصرخ .., رجعولي أبووي .., أبي أبوي .., أمي حالتها حالة والكل قامت تنزل دمعته عليي .. خلاص انا مومحتاجة عطف أحد مابي عطف أحد .., انا بس أبي أبوي .. أبي أحد يرجعلي أبوي ., بقولة شكثر أنا أحبة والله أحبة .., بقولة أني راضية بكل شي سواه لي بس خل يرجع يحظني قبل لايروح .., يبا .. يايبا رحت وخليت بنتك وحيدة بهالدنيا بلياك
(يبه شلونك
ملل هالكون من دونك ..
يبه شلونك ؟؟
وتمضي رحلة الدنيا..
بليا طلة عيونك..
عيد وخناجر تطعن وتكثر أحزان
كتبتها بالدمع بأول حروفي
من بعد فرقا من له الروح مسكان
تفداه روح ما عليها حسوفي
واطلبك ياللي ترزق الناس الإيمان
وأسألك يا ربي بعفوك تروفي
وترحم ابوي وترزقه كل الاحسان
ويصير منزاله بعدن معروفي
ويا بوي طيفك داخل القلب رنان
يا ليت في شوقي لشوفك تشوفي
وصلك على قلبي كما الغيث هتان
وفرقاك نار تشتعل وسط جوفي
ما للفرح عقبك مراسي وعنوان
وشوفتك تجلي من قسى البعد خوفي
ويا بوي بنتك هلت دموع الأعيان
تبكي على حضــــ
ـــــن كريم عطوفي )
.................................................. .................
• أما جوان وجراح بالمستشفى .., ( مستشفى السلام )
• الدكتور : للأسف الأمل مفقوود .., وحتى علاج ماكو .., الحادث أثر على الأستاذ جراح بشكل كبير
• جوان : يعني دكتور خلاص كلش ماكو امل انا يكون عندنا ياهل يشيل أسم أبوه
• الدكتور بنبرة حزينة : للأسف .., احنا الي علينا سويناه وماكو أمل لو 10% ., بس الباجي على الله
• جوان ( ماقدرت أتحمل هالخبر .., يعني خلاص حلمي بالأمومة تبخر وطار .., ماكو أمل كلش .., ماراح يكون عندي عيال وعزوة لي كبرت يشيلوني .. ولي مرضت يسهرون على راحتي وأسهر على راحتهم .., موبعيدة على ربي .., الله فوقي والله كريم .., بس الي عمر قلبي وقطعه جراح .., من أول مادخلنا على الدكتور وأهو ماشال برطم عن برطم وماتكلم ولانطق بأي كلمة .., صدمة .., وقوية بحق الريال لاكانت العيبة منة .., حسيت بدمعته على خدة بس كان يتمالك نفسة .. مايبي يبين ضعفة جدامي .., ويوم وصلنا السيارة وبعد ماوصلنا البيت وأخيرا نطق .., )
• جوان
• جوان : عيونها
• جراح : أنتي حيل بخاطرج يكون عندج ولد
• جوان تظحك ونفس الوكت مقموتة : كان بخاطري .. بس هاذي حكمة ربك ولا أعتراض على الله .. الله كاتب هالشي لنا وأهم شي الصحة .. والحمدالله على كل حال .. يعوضنا انشاءالله
• جراح : أنا فكرت فيها وايد ومافيه ألا حل واحد
• جوان : شنو هالحل
• جراح : أنتي أخلي سبيلج وأبيج تشوفين حياتج
• جوان : أوووش جراح شنو هالكلام .. ليش تقول جذي .., أنتي تدري أنا مايهمني بهالدنيا غير وجودك بقربي ومعاي .., وموضوع اليهال قتلك بيد ربك .. وهاذا نهاية الكلام ولاتناقشني بالموضوع مرة ثانية لا ترى والله أبجي وأسويلك عزى
• جراح مسكها من أيدها ولمها وحطها بحطنة .. باسها على راسها وبصوت حنون : الله لايحرمني منج يا أم جاسم .., ربي يرزقج على نيتج .., والله لو ألف الدنيا كلها مالاقي وحده مثلج .., وانا محظوظ ثم محظوظ أنج كنتي من نصيبي ونيالي يا جوان .. نيالي يا نظر عيني وخفوق فؤادي .. أحبج والله أحبج
• جوان وأهيا تبجي : وانا اأموت فيك .. ولاتزعلني مرة ثانية وهالموضوع سكرة .., أهم شي انك تكون بقربي ..,
• جراح : حبيبتي ....
• .................................................. .................................................. ......
• بعد يومين
• قمر كاتبة شع حق مشاري وقاعد تقولة وأهيا تسوي شعرها أستشوار (لو غلاتك تثمن بكل هل دنيا ... أنا بكون اول شاري ..... و ادفع عمري لك و مااسترخصه والله يا مشاري ....
• والي بعمره ما عرفك ما بيكون بمعنى الطيبه داري ....يلي حبك لي اخر يوم بعمري بيكون ساري ... احبك و اموت بارض تمشي عليها يا مشاري(
• ولا يوصل لها مسج
• عمر : أبي أشوفج ظروري ..
• ( ولييه مووصج هاذا شنو يبي بعد .. مو من صجة .., ماخلصنا منة .. لين متى يعني .. أووف أول مرة أشوف ناس .., خل أطنش وبس .. )
• وردت تكمل تستشور شعرها ولا يرد يدز مسج
• عمر ( قتلج بشوفج ظروري .. لاتقفلين على مخي وعلى أفاااي بقولج كلمتين وبس وأذا ماييتي ترى راح تندمين )
• قمر ( على شنو أندم .., انت ماأذيتني وأنت تهدد .. بابا الي ماتطولة بيدك وصلة بريولك .., الصور وأنمسحت من عندك بعد بشنو بتهدد هالمرة .., ولو شنو تقول حق مشاري ماراح يصدقك .., )
• عمر ( أهو صح الصور أنمسحوا .. ومشاري ماراح يصدقني .. بس لو خالد كلمة بنفسة ورواه شنو مهببة وياه راح يصدق .., )
• قمر ( خالد .. وييييييييييه هالأسم قدييم .., أول حب بحياتي خالد .. عمر بيبطل جروووح قديمة .., خالد الي سلب طفولتي مني .., خلاني أتعلق فيه واعطيه من عمري وقطني قطة جلب .., ليش ياعمر تنبش من وراي وتبطل جروح قديمة ألتامت بوجود مشاري يمي .., ليش ياعمر ليش ..,)
• عمر ( شفيج سكتي .. تذكرين خالد ولا تبيني أذكرج فيه )
• قمر( عمر أنت ليش قاعد تسوي جذي .., والله حرام عليك .., خلاص حرام عليك الي قاعد تسويه فيني .., يا أخي حس شوي .. ترى الأحساس نعمة )
• عمر( وأنتي ليش ماحسيتي فيني يوم قطيتيني قطة جلب .., قزرتيها على أفاي وخليتيني أتعلق فيج رحتي عني بكل بساطة وبعتيني عشان مشاري .. تحملي الي بيج .., )
• قمر ( خلاص انا راح أشوفك .., وبسويلك ألي تبيه بس عفية لاتفرق بيني بين مشاري أترجاك )
• عمر ( موعدنا بعد نص ساعه البحر ألي اول مرة شفتج فيه تذكرينة على ماعتقد صح )
• قمر( اي أذكرة .. أذكرة )
• ياربي ليش ..! ليش أنا غبية .. ليش سويت بروحي جذي .. أستاهل انا الي قطيت روحي بهالطريج ., أنا الي فتحت حق روحي بيبان كانت مسكرة بويهي .., أنا الي خليت واحد مثل عمر مايسوى يهدد فيني ., أستاهل .., أستاهل كل الي صار راح يصير فيني ., أستاهل )
• بهاللحظة مشاري توة داش البيت
• مشاري : هلا باللوز .., هلا بالكيييك
• قمر : هلا فيك حبيبي .., شلونك
• مشاري : تمام الحمدالله .., أنتي شلونج شخبارج
• قمر:تمام الحمدالله ( حسيت اني موعلى بعضي ومابي مشاري يحس فيني أستأذنت منة ودخلت الحمام أمسح ويهي وأظبط كحلتي وحمرتي )
• تلفون قمر قاعد يرن ولا رقم غريب
• مشاري : أممممم .., هاذا نفس الرقم الي رن ذاك اليوم .., ياترى منو
• ( شلت التلفون وياريتني ماشلتة .., ليش ياقمر ليش .. تمنيت أني انعميت ولاشفت الرقم .., تمنيت أني أنصمخت ولا سمعت صوتة واهو يقولها لاتنسين تلبسين شورت وفنيلة حفر .., ترى حدي واصل .., يلا باي ناطرج على احر من الجمر .... حطوا نفسكم بمكاني .., شنو ردة فعلكم .., شنو راح يصير فيكم .., هزت كياني .., سكرت التلفون وريولي ماشالتني .. قمر .. الي بتكون مرتي بعد جم يوم .. تخوني ليش .. انا شسويت .. ماتقولولي بشنو قصرت وياها .. هاذا ذنبي اني حبيتها وأخلصت لها حبي .. هاذا ذنبي أني بعت الدنيا كلها وشريتها .. هاذا ذنبي اني تنازلت عن كرامتي عشانها .. هاذا ذنبي أني صنتها .. اول أنسانة تدش قلبي .. اول انسانة أحبها .. حطيت آمال وأحلام وايد معاها .. رسمت حياتي بأدق تفاصيلها وياها .. كل شي سويتة لها وأخلصت بحبي لها .. بس شنو بالمقابل عطتني خانتني .. أي نعم خانت حبي لها .. الطيب بهالزمن مالة صاحب .. ينداس على راسة .. والي يحب من قلبة تتقزر على أفاااه .. بس أنا الي عطيتها أكبر من حجمها .. وانا ويني والحب وين .. ويني والحب ويين يامشاري .., طلعت من الغرفة ولميت الي بقى من كرامتي .. طلعت وانا قلبي شاب نار ومتحسر على كل لحظة قظيتها وياها .. طلعت ودمعتي الحارة مانشفت من على خدي .. حسيت بهاللحظة أني بمووت .., حسيت بسجين تطعني بظهري .. لو أوصف لكم شعوري من اليوم لي باجر ماراح أخلص .. محد راح يحس بشعوري غير الي انطعن بظرة وأخلص بحبة وأنجرح آآخ يازمن آآخ يااازمن غداااار .. الله يسامحج ياقمر .. الله يسامحج .... )
• ..,
• قمر : حبيبي شرايك ..
• · وين راح مشاري .. خل انزل أدورة بالصالة .. ( نزل وانا أناديه ماحصلتة ولا أشوف ميري قالتت لي انا طلع وقال لها ماما قمر لا ينطر انا .. انا في شغل )
• قمر : شغل .. من وين طلع هالشغل فجأة .., أممم بس زين عشاأن أروح أشوف شنو آخرتها مع عمر وأفل الموضوع .. يمكن جم ألف يسكر حلجة .., خل أمر أسحب جم ألف من البنك وأروحلة .., يارب سترك .. يارب عد الموضوع على خير .. يااارب ...
• .................................................. ...............................................
• ثنيان: فطوم شرايج نطلع نغير جو شوي
• فاطمة : اي والله خوش فكرة حدا ظايق خلقي
• ثنيان : خلاص نحجز فلم وبعدها نعشى ..
• فاطمة : اوكي صار
• ثنيان : خلاص .. شرايج ندق على مشاري وقمر نشوف أذا بيون
• فاطمة : اي والله خوش فكرة
• ..,
• ثنيان قاعد يدق على مشاري بس مشاري موقاعد يرد على تلفونة .., بهاللحظات مشاري قاعد على البحر يندب حظة العوي ..
• .................................................. ...............................................
• أم في بيت عادل
• عادل : تعالي يمي ياحبيبتي ياحياتي دنووونة أم نصووور
• دلال : الحين صارت أم نصوور وانا
• عادل : انتي .. خليني ساكت بس .. انا ناطر بس يطلع الي في بطنج وبعدها سلام بيت أهلج .. حمدي ربج أني مخليج على ذمتي ماطلقتج من عرفت سوالفج ..,
• دانة : اي والله حمدي ربج .., صج ماتستحين على ويهج وين كرامتج ماتقوليلي
• دلال : أقول دانو لاتستشرفين على أفااي ماما .. ترى أنتي خبز أيدي .., بس انا أعلمج والله ماراح أخليج تتهنين عبالج بهدج
• عادل : أوووش هييي أنتي ثمني كلامج وأحترمي نفسج .. دانة تاج راسج ياااا .. خليني ساكت لاتخليني أقط عليج كلمة هلكبر
• دلال : لا تكفة .. قط أترجاك
• دانة : يعني لازم يقولج يا زبالة ..,
• عادل : بالظبط هاذي الكلمة الي تليق فيج
• دانة : اي والله .. حمدالله والشكر .. أصلن شلون عايشة .. عيب عليج والله
• عادل : يلا حياتي دانة خل نطلع نغير جو .. البيت والجو الي فيه صاير كئييييب
• دانة : اي والله .. خل يشم هوى نصووري
• دلال : صبري عليي بس والله ماراح أخلي هالياهل يطلع على خير ..,
• ..,
• عادل وصلة أتصال من الشغل .. وأطر انا يكنسل الطلعه .. وبقت دانة ودلال بالبيت بروحهم
• دلال : وبقينة بروحنا يادانة .. تعالي انتي على شنو شايفة نفسج .. بابا أذا عبالج بخليج تتهنين بلفلوس هاذي فانتي غلطانة .. وهاذا نصوورج على قولتج بشوف شلون بيشوف الدنيا والله ماخليه في بطنج
• دانة : واي أمبيه أنتي شفيج محترة .. أنتي ظيعتي عادل من أيدج بسوالفج البطالية .. شكثر نصحتج وقتلج ترى الطريج هاذا غلط يادانة .. غلط يا ماما .. مو زين أحد يطيح عليج وراج زواج ياحبيبتي .. خليج ألحين .. شوفي وين وصلتي روحج .. كلها جم شهر وبتتطلقين
• دلال : والله لحرق قلبج مثل ماحرقتي قلبي أنا أعلمج
• دانة وأهيا صاعده الدري ولا تلحقها دلال .., بقت آخر درية ولا تتخصر دانة وتطالع دلال من فوق لي تحت وتقول : وااي تعبني الدري .. نصوري بعد تعب معاي واهو يصعد الدري لازم أقول حق عدولي يسوي لنا أصنصير ..
• دلال : صج والله نصورد تعب.. أسم الله عليج ...
• دانة : اي والله تعب
• ولا دلال تدز دانة من على الدري وتطيح على بطنها وتنزف
• دانة : آآآي ... لييش .. ليييش .. دلال ليش تسوين جذي حرام عليج .. شنو ذنب الياهل الي في بطني
• دلال : ذنبة أنج أمة وخذيتي ريلي مني تستاهلين
• دانة واهيا تبجي : دقي على عادل .. دقي على عادل .. دلال ماني قادرة أتحرك ..,
• دلال : حسي بالنار الي شبت بقلبي .. حسي بلي سويتيه فيني يوم خذيتي ريلي مني .. ماراح أدق علييه .. ماراح أدق تستاهلين الي بيصير فيج .. هاااذا يزاج وأقل من يزاج
• وتمت دانة على الأرض تنزف ودلال تتلذذ ةأهيا تشوفها بهالوضع
• .................................................. ...............................................
• أما عند عمر .. فكان ينطر قمر بالبحر ..,
• عمر دق على مشاري : خلك على الخط وأسمع حبيبة القلب
• وصلت قمر البحر وأهيا حدها معصبة ومنفسة .., تلت ظرف لفلوس وقطتة بويه عمر
• هاك هلفلوس هالظرف فيه 10 ألاف دينار .. بس فكني وأطلع من حياتي .. أنت شنو تبي مني بالظبط .., خلاص عمر تكفة أترجاك أبوس ريولك أطلع من حياتي خلني أعيش دنيتي مرتاحة .., أنت شنو منو مسلطك عليي ماتقولي
• عمر : الله الي سلطني عليج .., بعدين انا ماأرضاها على رفيجي وصاحب دربي انا ينخدع فيج ..,
• قمر : أنت شكو ينخدع فيني ولا لآ ., كيفي انا ومشاري ننياز ..,
• عمر : أنزين وخالد .. بسرعه نسيتي حبة لج بسرعه طلعتيه من قلبج
• قمر : بعرف انت من وين يبت كل هالمعلومات عني ..
• عمر : الي يسأل مايظيع .., بعدين صج أنتي كنتي معاه بشقة وحده
• قمر : اي كنت معاه بشقة وحده شتبي ألحين
• عمر : عيل تعالي خل نروح شقة .. ماراح يظر دام سويتيها مرة عادي تسوينها مرة ثانية .. بعد شتبين واحد مزيون واقف جدامج فرصة ماتتعوض
• قمر : أنت واحد خسييس وحيوان .., وحامض على بوزك تجرب مني ولا تلمسني
• عمر قرب منها حيل : وعشان مشاري .. أنتي موقلتي بتسوين المستحيل عشان مشاري
• قمر : قلت أسوي المستحيل بس مو معناتة اني أبيع شرفي وعرضي
• عمر : بس انتي بعتيه مع خالد .. شلي يمنع أنج تبيعينة معاي
• قمر طاحت على الأرض وأهيا تبجي ( عمر خلاص لاتسوي فيني جذي .. حرام عليك .. فلوس وعطيتك .. شنو تبي أكثر ..
• عمر : بحرق قلب مشاري ..
• قمر : مشاري .. مشاري .. مشاري .. كبر عقلك شوي .. كبر عقلك شوي
• عمر : بس بابا لاتبجين .. كسرتي خاطري والله .., خلاص يبا أخذي فلوسج ومابي منج شي أنا بطلع من حياتج مو لية .. بس أبيج تلحقيني شقتنا بعطيج شغلة
• قمر : شقتكم ..!! اي شقة
• عمر : شقتي أنا وورود أختي وارثينها من أبوي .. المهم مو هاذي سالفتنا
• قمر : حق شنو تبيني أيي الشقة
• عمر : بعطيج باجي الصور والفيديوات خالد عطاهم لي وكان يبيني أنشرهم وأفظحج لانج هديتيه ورحتي حق مشاري بس انا مارظيتها عليج .. ومهما يكون أنتي بحسبة اختي .., وقمر سامحيني على كل شي .. حقدي على مشاري خلاني ماقدر أسيطر على نفسي وخلاني أفكر أني انتقم من كل أنسان قريب منة .. بس دموعج الغالية وعتني وخلتي أعرف الصح من الغلط .. وانا خلاص من يوم ورايح راح أترك هالطريج الوصخ وراح أعدل من نفسي .. وانتي السبب
• مشاري على الخط وأهو يصرخ : أيااا نذل .. ألوووو رد ياخسييس ياحيوان .., والله أن جست قمر وجست شعرة من جسمها والله لتندم
• عمر ركب السماعه : شنو قلت أبووي .., مع السلامة ياكتكووت
• قمر : منو تكلم
• عمر : لا هاذا صاحبي لوع جبدي الا يبي يروح يحدق .. ماعليه لحقيني بسيارتج ولا تبين تركبين معاي الي يريحج
• قمر : لا ألحقك بالسيارة أحسن
• عمر : يلا الي يريحج
• قمر ( موخالي عمر .. وانا ما أأمن اني أروحلة الشقة بروحي .. خل أدق على ثنيان وأقولة يمر الشقة .., وأعطيه العنوان ., مسكت التلفون وقلت حق ثنيان المووضوع كلة .. وصلنا الشقة انا وعمر وثنيان كان بالطريج وفطوم معاه .., )
• عمر : منتي نازلة
• قمر ( المكان كان بعيد شقة بالصوابر ومكان شبه مهجور خفت أني انزل قلت أنطر ثنيان يوصل وبعدعا يصير خير .., ونظرت ثنيان تأخر شوي .. كنت لافة ويهي أنطرة ولا ماوعيت الا واحد يهجم عليي من وراي ويحط كلينكس على خشمي .. وفوني طاح مني على الأرض .. بطلت عيوني ولا أشوف نفسي على لفراش وعمر يمي ..., وكنت شبه مجردة من الملابس )
• قمر : انا وين شنو صار ..,
• عمر : آآآآخ ... أوووش أستمتعي باللحظة وياي .., أووش سكتي
• قمر وأهيا تبجي : ياخسييييس ياحيوان .., لييش تسوي جذي .. لييش .., ( قربت منة وقعدت أطقة واهو يدزني .. كرهت نفسي وكرهت كل شي حسيت أني زبالة .. حسيت أني وصخة .. شنو سويت بعمري .. شنو سويت بعمري .. شنو أقول حق أبوي .. شنو أقول حق خالتي .. شنو أقوول حق مشااااري .. آآخ مشاااري .. آآآآآآآآآآآآآآه مشااري .. شقووووووول الحين حق الناس .. شلون بعيش عقب الي صار .. شلون .. وانا أبجي وأشهق بصوت عالي واهو يطالعني ويظحك بأستهزاء ) : ياحقيير حرام عليك .. الله ينتقم منك .. الله ياخذ حقي منك ..,
• عمر : أوووش حبيبتي .. شفيج .. محد راح يدري بلي صاار محد ..,
• قمر : آآه يما آآ ,, آآه شوفي بنتج شصار فيها .., شلون بحط عيني في عين أبوووي .. حرام عليك
• عمر : أووووه خلاص صدعتي راسي ترى
• قمر ( لبست ملابسي وطلعت بسرعه من الشقة .. نزلت تحت وريولي مو شايلتني .. أمشي خطوة وأتعثر .., أمشي خطوة وأطيح .. تعبانة حيل .., فيني شهقة مقموتة بداخلي .. وصلت سيارتي ولا ثنيان توة واصل الظاهر ظيع المكان .. شفت ثنيان ولا أركض عنده وأبجي .., خريت الأول والتاي صرخت بأعلى صوتي .. بجيت بس محد كان يواسيني أنا الي يبت هالشي حق نفسي .. انا السبب . انا السبب )
• ثنيان مسك قمر من أيدها وأهو يصارخ : أنتي غبية .. شلون أمنتي فيه .. مو قتلج نطريني شلون تصدعين معاه .., ليش قمر ليش ..
• قمر : ثنيان انا أنتهيت خلاص . انتهيت
• فاطمة تنحت بمكانها : حقير .. حقيير .. نفس الي سواه فيني .. هالأنسان لازم يموت ..
• ثنيان ( ماتحملت الوضع .. عطيت قمر كف على ويها .. أبي أصحيها أبيها تحس شوي ) : ليش قمر ليش .. حرام عليج .. شنو ذنب مشاري اخووي .. شنو ذنب مشاري اخوووي ..,
• رن تلفون ثنيان ولا مشاري داق
• مشاري : ثنيان قمر وين .. قمر وينها .. قولي الصج وينها قمر صار لها شي .. الحقير قرب منها .. وين قمر
• ثنيان خنقتة العبرة : مشاري
• مشاري : ثنيان .. شصاير .. قولي شصاير
• ثنيان : مشاري شقوولك .., أنا باخذ حقك منة ومنها .. هاذي زبالة وماتستاهل واحد مثلك ( جذفت التلفون على الأرض وصعدت الشقة )
• قمر : ثنيان وين رايح ( مسكتة من أيدة )
• ثنيان : وخري عني .. لاتكلميني .. بالأحرى لاتنيسين جسمي بيدج .. وخري عني
• قمر : ثنيان حرام عليك تظلمني
• ثنيان : مابي أسمع صوتج .. لاتييبين طاري أسمي على لسانج الوصخ
• ..
• مشاري رد دق على فون ثنيان ولا فاطمة ترد وتعطيه العنوان
• قمر : ثنيان
• ثنيان : جب .. قتلج مابي أسمع أسمج .., ( بطلت السيارة ولا أطلع السجين من الدبة .. صعدت الشقة الي فيها الخسيس عمر .. بطل باب الشقة ولا أعطيه بكس على خشمة .., صارت هوشة بيني وبينة .., طلعت السجين بطعنه ولا يوخر .., ماقدرت عليه .. مجسم .., قعد فوقي وعطاني بكس وبعده بكس وبعده بكس وبعدة رفسني ولا تطيح السجين على الأرض رفعها ولا يطعني ولا .... )
• فاطمة وقمر صعدوا الشقة
• فاطمة ( صعدت الشقة ولا أشوف ثنيان طايح على الأرض والدم حوالينا .. قربت منة ولا عيونة واقفة ماتتحرك .. طحت على الأرض وحطيت ايدي على جسمة .. تلطخت بالدم .. صرخت ثنياااان .. وعمر كان قاعد على الأرض ويشهق .. أم قمر فواقفة اهيا مصدومة وشهقت وتنحت .., قعدت أحرك ثنيان يمين يسار بس ماكان يتحرك .. أناديه أقولة قوم موراضي يتحرك .. قتلة عشان خاطر ورود . عشان خاطر خالتي هوازن .. عشان خاطر مشاري .. عشان خاطري .., )
• ثنيان أذا تعزني رد عليي .. ثنيان أنا فاطمة .. ثنيان انا فطومتك .. ليش ماترد عليي .. ثنيان حبيبي .. لا لا أنت جذاب أدري أنك جذااب قاعد تلعب وياي صح .. اييي صح .. ( قعدت أظحك بشكل هستيري ) ههههههههه .. يلة عاد ترى ماتظحك ثنيان .. أصلن هاذا مو دم .. هاذا فيمتو صح .. ( ركضت عند عمر ولا امسكة من ملابسة *) عمر هاذا فيمتو صح .. عمر انت ماذبحت ثنيان صح ههههههههههه .. لا أنت قاعد تسوي فلم أكيد .. وثنيان قاعد يمثل وياك وشوي راح يقوم صح .. يلا عمر قول انكم قاعد تمثلون .. قول انك ماأعتديت على قمر وثنيان مايالك عشان يفكها منك وياخذ بثارها .. وقول أنك ماذبحتة عشان تنتقم من علي اخوي ومشاري قول تكلم .. ( رديت عنج ثنيان أكلمة ) : ثنيان ليش تطالعني جذي وماتتكلم .. حرك عيونك .. يلا عاد حرك عيونك .. شوفني .. ( قربت مني قمر ولا تهزني )
• قمر : خلاص فاطمة خلاص .. موزين عليج
• فاطمة ( رفعت عيوني عليها ولا أطالعها بنظرة حقد .. وقفت على حيلي ولا أعطيها كف وأدزها على الطوفة وأطقها وأصرخ على ويها ) : أنتي السبب .. أنتي السبب .. ثنيان راح وأنتي السبب . كلة منج .. طول عمرة ماتهنى بحياتة بسبتج .. حقييرة حقيرة وخري عني .. وخري عني .. أنتي معاه لازم تموتون .. انتي وعمر لازم تموتون .., ( ركضت تليت السجين من على الأرض .. ركضت أتجاه عمر بذبحة ولا مشاري يناديني .. )
• مشاري : لا فاطمة .. لاتسوينها ..
• فاطمة ) لفيت ويهي شفت مشاري
• مشاري وأهو يبجي مثل اليهال : تعالي بابا .. تعالي يمي
• فاطمة ( ركضت ولا أطيح بحضن مشاري ) : مشاري .. ثنيان راح .. حبيبي راح .. نور حياتي راح .., طبيبي ومداوي جروحي راح .. نظر عيني راح .. دنيتي وهواها راح .. ماتقولي شلون بعيش عقب ثنيان .. ماتقولي شلون اعيش من غيرة .., مشاري ( أشرت على قمر *) أهيا السبب .. أهيا السبب بكل الي صار .. كلة منها كلة منها
• مشاري : أووووش خلاص حبيبتي لاتبجين .. خلاص ..
• فاطمة: شلون ماتبيني أبجي شلوون
• مشاري قرب من ثنيان ولا يطيح على الأرض .., رفع ثنيان وحطاه بحظنة
•
• (اقسم برب الكون ياخوي لابكيك
• الين دمع العين ياقف ويخفى
• واني لاسوق الشعر واقول وارثيك
• واشب نار الحزن مايومتطفى
• ليت الفدا يرجعك ياخوي وافديك
• يفداك دمعن عرّض الخدنزفا
• واعد عمري وارخص العمر واعطيك
• اعطيك عمري لاجل الاكبادتشفى
• الله يوسع مدخلك يوم يلقيك
• وفي جنة الفردوس تهنىوتدفا
• اليا سمعت الناس تطري بطاريك
• هلت دموعن فوق ذا الخدتهفى
• واليا نظرت اليا مكانك واراضيك
• احزان في قلبي تزايدوتلفى
• واليا نظرت القبر في اللحد يحويك
• اغيب واهجر تالي والناسواجفى
• تحرم علي افراح ببكي لياليك
• ياخوي ماعقبك لحوننوعزفا
• عز الله ان فراقك اتعب لغاليك
• موتك عدم عمري ولاظنيصفى
• ان قاله الله كل عصريه اجيك
• وادعي لك الله مايجي القبرقصفى
• )
• ....,
• الساعه 1 الفجر
• هوازن : جاسم قلبي ناقزني .. ثنيان مايرد ومشاري مايرد .., وفطوم ماترد وقمر بعد .. الساعه صارت 1 معقولة ليلحين طالعين
• رن جرس البيت
• هوازن : انا نازلة تحت أبطل الباب
• جاسم : نطري خل أنزل وياج
• بطلت الباب هوازن ولا مشاري يطيح بحظنها ويصرخ ويبجي : ثنيااااااااااااااااااااان .. ثنيان راااااااااااااح يمااااااااااااا آآآآآآآآآآآآآآآآآآآآآىه .. آآآآآآآآآآآآآآآآآآىىه يخووووووي .. يماا آآ ولدج أنذبح .. ولدج ثنيان رااااح .., ولدج ثنيان راح
• هوازن تنحت : ثثثثثث.... ثثثن...ثثننن..
• جاسم : شصاير .. مشاري شنو هالدمان
• مشاري قرب من جاسم واهو يبجي : بنتك السبب .. الله ينتقم .. آآآآه قمر السبب .. قمر السبب .. ثنياااان مااااااااااات ... يما أآآ أخووووي راااح أخوووي ماات يماا آآ اخوي
• هوازن : ثثث.. ثنيان يما آآ .. يما آآ ثنيان .. مشاري ودني حق ولدي .., ( طاحت من طولها وأهيا ترجف وتصارخ .. ودوني حق ولدي .. ودوني أشوف ولدي ..,
• قمر توها داشة البيت وراسها بالأرض وتعبانة .. شافت أبوها : يباااا .., وتطيح على الأرض
• هوازن : ثثث.. وللل.. ولددددي
• ..,
• مشاري أخذ هوازن والشرطة كانت بالشقة .. ماخلوهم يدشون لانة الأسعاف والأدلة الجنائية وهاذي تعتبر جريمة قتل
• هوازن : أنا أمة .. خلوني أشوف ولدي .., ( ركضت ولا تططيح على ثنيان )
• آنه الوالدة وجور الوكت ذبني وأحس الروح راحت من رحت يبني
• ***
• أنصبت وسط القلب مهدك يضي العين وأضلوعي تحرسك من مرام البين
• وإعلى هز المهد يبني أسهرت سنتين وأشباح السهر جانن يبارني
• ***
• تكبر والأمل يبني كبر وياك لدارك من تطبها بلهفة أتلقاك
• تصد عيني إعلى طولك والكبد يرعاك ماأدري تروح وتنفقد مني
• ***
• وين سنين عمري الجانت تباريك وين السهر يبني اللي سهرته إعليك
• بسرعة تروح مني ماجنت أدريك فقدك وأنقطع منك بعد ظني
• ***
• تنوح الوالدة الغاب الولد عنها اشلون اللي أبنها ينفقد منها
• مايبطل بجاها ولايخف ونها وأنا خلافك يفت صم الصخر وني
• ***
• عشت ويا النباب وبقلي ربيتك مني تنفقد وتروح مدريتك
• آنه لو أدري بسواد عيوني ضميتك لامن بعدك أحمل هالغصص ذني
• ***
• يامن جنت شمعة زاهية بداري وياوجه البراءة العاش بأفكاري
• أحن إعليك يبني ليلي ونهاري وحتى الفاجدات أجزعن من حني
• ***
• من بعدك أقضي بالحزن يومي يجيني الليل وأتوسد على همومي
• كل لحظة أفز مرعوبة من نومي جنك مامتت آنه المتت جني
• ***
• رحت وبقلبي كم لوعة حزن خليت ومثل ون الحمامة الفرقتك ونيت
• جنت أتمنى تحظر دفنتي ياريت وبيدك ياشريك الروح تدفني
• حائطي
• سجل دخولك او إضغط هنا للتسجيل
........................................... ....... ...............................................
• اليوم الي بعده .., يوم دفن ثنيان
• تحت التراباحبيــّــب الـروح مدفـون
• ياونتي منها ظلوعي حطاما = على عشيرٍ بالهـوى مـات مغبـون
• شالوه من دار الحيا للعداما = ومن الحصى وتـراب قامـوا يكبـّــون
• من عقب مالفوه بقماش خاما = قاموا على بيض النصايب ينصـّـــون
• مات الحبيب ولا لحق له مراما = وبالله ياللي تدفنونه علـى الهـون
• حطوا نفق له عن سواد الظلاما = ودي ازوره مثل ناس يـزورون
• و أعايده نهار عيد الصيامـا = وأقابلـه وأرضـي عيـون يحنـون
• عسي اليا سلمت رد السلاما = وأهل الهـوى والحـب لازم يـردون
• إحساسهم يصدق بليا كلامـا = وغرامهـم يبقـى ولوهـم يموتـون
• ابي اتطوى عند قبره اعواما = وش عاد لو قال الملاصار مجنـون
• شبيه خلي فوق كف النشاما = حر مـن اللـي بالمقانيـص يهـدون
• جنسه قليل وغير خلي حراما = لا علهـم عقـب الحبيـب يولـون
• من أول أكتم حزين الهياما = واليوم بـاح السـد ياللـي تعذلـون
• ويلاه كيف الدود يمحى العظاما = ياكل جسد مضنون عيني وترضون
• ارموا بجسمي مع وفي الغراما = هذا العزا ياللـي بموتـه تعـزون
• يا راحل لدار الرضى والكراما = قل له عشاشيقك من البعد يبكـون
• قل له عيون صويحبك ماتناما = يسهر وخلـق الله بقربـه ينامـون
• اما حياة في هنـا والتئامـا = والا ممـات اثنيـن بالعهـد يوفـون
• هيض عذابي ناحيات الحماما = ظنـي لهـم خـل بفقـده ينوحـون
• حياتنا غطى عليها الغماما = واجد اليا عشنـا مـع اللـي يعيشـون
• .......................
• قمر كانت تناظر مشاري من بعيد ومشاري كان نايم على قبر ثنيان ويبجي
• آآخ يخوووي .. ماعمري خليتك ترتاح .. من أول ماوعيت على الدنيا ياثنيان وأنا ظالمك .. ليتك تعوود يااخوي ليتك تعوود .. والله لصحح كل شي .. انا الغلطان يوم خليت هالحية تدش بيني وبينك .. طول عمري ماكنت أخو مثالي لك .. ثنيان يخووي سامحني سامحني يخووي ( وحطيت راسي على قبرة وانا أبجي .. ماني قادر أصدق الي صار .., )
• .................................................. ...............................................
• مرت السنين والأيام والأشهر .., خل نشوف كل واحد من أبطالنا وشنو صار معاه
• ..,
• نبتدي
• مشاري قرر انا مايرتبط بأحد عقب سالفتة مع قمر .. وقرر انا يكرس حياتة حق أمة .. ودش كلية الطب عشان يحقق حلم ثنيان اخوه ..,
• هوازن ماقدرت تعيش مع جاسم عقب الي صار .. لانها كل ماتطالع قمر تحقد أكثر عليها لانها السبب بموت ثنيان
• جراح وجوان تبنوا ياهل من دار الأيتام وسموه جاسم
• دلال ولدت ودانة طيحت الياهل .. وعادل طلق دلال ورفعوا قضية على دلال .. وأنحبست
• علي وأشواق عاشوا حياة سعيدة ويابوا توآم البنت أسمها تهاني والولد أسمة حيدر
• فاطمة دشت بحالة نفسية وقامت تخاف من كل شي .. حاولوا أهلها أنا يعالجونها بس ماكانت ترضى .. صارت أنطوائية ومنعزلة عن العالم وكل ماتتذكر ثنيان تبجي أكثر وأكثر
• قمر ظاعت وحياتها صارت بلى معني .. صارت كل حياتها قز بالشوارع .. ومالها أي هدف .. طلعت من الجامعه وتمردت على أبوها
• ورود عاشت حياتها على ذكرى ثنيان ولاعمرها خانت حبة جم مرة يخطبونها بس ماكانت توافق
• عمر تعاقب بالسجن المؤبد مدى الحياة
• سعد أبو مشاري صار فيه مرض الكلى لافلوسة نفعتة ولا تكبرة الزايد
• أم لمى فتطلقت من عمر وعاشت عند مشاري في بيت ام هوازن
• ...,
• كان واقف يناظر البحر وأهو يقول والله الدنيا غدارة يخووي يا ثنيان .., من غبت عن عيني غابت بسمة شفاي .. رحت وأندفنت تحت لتراب وخويك سهران ينتظر رجعتك .. يخووي ياثنيان لو أقولك شكثر متحسر وندمان .. قلتلي شلك فيها يخوي ماطاوعتك وحبيتها .. خذيتها من بين أيدك وبالاخير طلعت تخون .. طلعت تحب قبلي وقبلك وقلبها على الهوى مفتون .. آىخ يخووي يثنيان لو ترجع وتطيب خاطري وتغير الظنون .., الله يرحمك يخوي بس والله مشتاقلك والدنيا من غيرك ماتهون
• كانت واقفة وراه تناظرة وأهو يشكي الحال للبحر .. قربت من وراه وحطت أيدها على جتفة وقالت له .., : الدنيا بعدها بخير
• التفت لها بكل لهفة وشوق ناظرها بعيونة وعيونة غرقانة دموع .., : أي أمان يابنت الناس .. الدنيا ماعادت مثل الأول .. الاخو فيها صار يخون
• ردت عليه ..,: انا صنتك والي كان كان .. كلة ماضي ياولد الحلال .. من عرفتك وحبيتك ولا عمري خنتك .. صنتك بفؤادي وحطيتك وسك قلبي وقفلت قلبي عليك
• غمض عيونة وشهق وردد بعالي الصوت : فكيني يابنت الناي تراني للحزن ماأقوى .. فراقج هدم حيلي وهز كياني .. بس ماقدر أسامحج .. ماأقدر انسى انج السبب بموت أخوي
• حطت راسها بحظنة وبجت وأرتمت على صدرة .., غمضت عيونها واهيا تشهق : احبك مشاري .. لاتخليني
• حظنها بكل قوتة وباسها على راسها وبغصة قالها : عمري ماخنتج وصنتج ووسط القلب حطيتج .., مالقيت روحي الا بعد مالقيتج .. بس الحين أسمحيلي ياقمر أقولج
• القلب متعلق فيج بس العقل عافج
• والقلب يعشق وحده مايعشق ثنتين
• ودموعج هاذي مسحيها تراها غالية عليي .. وماقدر أشوف هالدمعات وماأمسحها ..,
• ( قربت أيدي بمسح دموعها بس ماقدر )
• قمر (لا تبتعد أرجوك عذبتني وياك .. مدري تبي قربي ولا تبي أنساك
• محتار انا وشلون تقدر على فرقاي .. منت على خبري منت أبد وياي ..
• وينه كلام الشوق والحب والمعشوق
• وش غيرك وشفيك تبعد وانا مغليك .. ضايع مع الأوهام والحيره والأحلام ..
• ما ينفعك بعدين عذرك ودمع العين
• )
• مشاري
• [لاتمثلين احتياجج لي وانتي بحضن غيري مقزرتها ]
• ...
• طبعا هاذا كان البارت الاخير من الرواية .., ااتمنى كنت ظيفة خفيفة عليكم والرواية نالت اعجابكم .., ومثل ماأقول كل مرة انا روايتي ماكانت مجرد كلمات أخطها وارسمها لكم لا بالعكس الغرض من الرواية أنا نعتبر وناخذ دروس بالحياة
• ممكن الشخصيات تكون خيالية .. بس هالشخصيات تمثل واقع الحياة الي قاعد نعيشها هالأيام
• على سبيل المثال
• قصة جوان وجراح .., كثير نشوف أمثال آشلي وجون الي يحاربون الاسلام والمسلمين وكثير من امثال جوان وجراح يوقفون بويه هالفاسدين ويرفعون راية الأسلام
• ** ونتعلم منهم الصبر على البلاء .. جوان صبرت على طيحة جراح ومافارقتة ونتعلم الحب الحقيقي واخلاصها حق زوجها .. على الرغم من العوائق الي وقفت بطريجهم حاربوا كل الدنيا وحافظوا على حبهم
• أما قصة أشواق وعلي فكانت المثال الطاهر للحب الطاهر .. وترى في امثال علي بهالزمن .., يحبون حب طاهر والقصد منة الأرتباط بالحلال .. ونتعلم منهم بعد انا الصبر مفتاح الفرج ., علي صبر على طيحتة وأشواق صبرت على مصايب أبوها .. وكل واحد فيهم ساند الثاني
• أما قصة مشاري فنتعلم منها انا الحياة قصيرة لازم نستغلها بحلوها ومرها .. وأنا الاخوة أهم من كل شي بهالدنيا .. ومهما تكبرت يتم بداخلك طفل صغير .., ونتعلم الأخلاص والوفى .. كان مخلص بحبة لقمر ومخلص لخوه ثنيان
• نتعلم من قصة سعد بو مشاري أنا الله كبير .. وكما تدين تدان .. وموكل شي بلفلوس تقدر تشتريه .. واهم من كل هاذا نتعلم انا الانسان لمن يعيش بحالة شك مستمرة الحياة توقف وماتشوف جدامك الا السواد
• أما قصة عمر فنتعلم منها أنا الحقد والأنتفام مايودي ولا أييب بالعكس يظيع عمر الأنسان من غير لايستفيد شي
• أما قصة جاسم وهوزان فنتعلم أنا الدنيا مهما تدور فينا وتكسرنا راح أيي اليوم الي تخلينا نظحك ..,
• ونختمها بقمر .. قمر أهم بطلة بقصتنا ., نتعلم منها انا البنت شرف وعرض وأذا سلمت نفسها للذئاب البشرية راح تكون نهايتها مثل ماشفنا
• ..,
• والحين انا مطرة أودعكم ونطروني بروايتي اليدية أذا الله أحيانا انشاءالله بعنوان
• ] خمس سنين و 6 أشهر و 11 يوم وأنا أحلم بقربج يانور [
• https://ask.fm/zozosnfora
• الى عندها أي أستفسار وحابة تبدي رايها الآسك مفتوح لكم
• وأتمنى من المشرفين الكرام ماينقلون الرواية الارشيف لمدة اسبوع عشان الرواية تاخذ حقها ويتسنى للقراء أنا يقروون البارت الاخير وكل الشكر لكم
تجميع : ^_^Remnants of wou^_^.
اللهم لك الحمد حتى ترضى وإذا رضيت وبعد الرضى ,,, اضف تعليقك