رواية حطموك يا قلبي -4
الجوهره: لو أنتي مكانا كان تجيك أنواع الأرتباك والرجفه ويمكن توصل للبكي
ريماس: ممكن مثل ماتقولين لكن نوريه ماتقدر تسيطر على البندري وهذا من سابع المستحيلات
مرام: أشوفك عامله فيلسوفة زمانك
: خير
نوريه "أم البندري": أي خير وأنتي مجمعه شلة ...... أستغفر الله العظيمل
البندري تحاو تتمالك أعصابها: بلاش الغلط أحسن لك
نوريه : صديقاتك مابيهم في بيتي سامعتني هذي آخر مره يدخلون هنا
البندري في داخلها ( لو ماشفتي بعينك كان عرفت أرد عليك )
ردت عليها واثقه:ليه شصار عشان هالحكي
نوريه: وش صار..؟؟!
نوريه: وش صار..؟؟!
البندري: أيوه موب عارفه عن أيش تحكي وبعدين مو أنا اللي تتحكمين فيني صديقاتي بيظلو يزوروني غصب عن الكل مهما صار
نوريه: ياسلام واثقه
قلت لك الجوهره وريماس مابيهم في بيتي
البندري معصبه: شفيك أنتي أنا موب فاهمه عن أيش تحكي
نوريه: لاتستهبلين علي أنتي عارفه زين عن أيش أحكي
البندري تعقد حواجبها وتتكلم ببراءه: وربي ماعرف عن أيش تحكي
نوريه متنرفزه: أعصابي موب متحمله حركاتك أنتي وربعك موب في بيتي شوفو لكم مكان لحركاتكم التافهه
البندري تتكتف: طيب وبعدين
نوريه: وشو اللي بعدين هذولا أنا مارتاح لهم نهائيآ
البندري تعطيها ظهرها وتروح غرفتها: المهم أنا اللي أرتاح لهم
نوريه: تعالي أنا ماخلصت حكي
البندري تروح ولاكأن حد يحكي معها
نوريه: أعوذ بالله مو بنت حتى وهي غلطانه فيها قواة عين ياربي شسوي معاه جننتني متى تتزوج وأرتاح من مشاكلها
أخذت التلفون تتصل: هلا
: أهلين
نوريه: من متى أدق عليك مطنشني
نواف: يابنت الحلال لاتوجعين راسي كفايه اللي فيني
نوريه:ليه تحكي معي كذا وبعدين وش اللي فيك
نواف: ليه مادريتي عن اللي صار ليعقوبوه
نوريه: أيوه سمعت كيف حاله هالحين
نواف: مدري عنه
نوريه: مازرته؟
نواف: إلا أول ماعرفت باللي فيه وهالحين مدري
نوريه: وكيف كانت حالته
نواف: تقريبآ بين الحيا والموت أن صحى من الغيبوبه بنسفره ألمانيا يتعالج
نوريه: زين الدكتور نصحكم تسفرونه
نواف: لاوالله يقول أن علاجه هنا أو برا نفس الشي ماراح يستفيد أي شي
نوريه: أجل ليه المصاريف وانتو عارفين النتيجه
نواف: أحتياط السفر أن مافاده مابيضره
نوريه: الله يعين
نواف: على قولتك إلا مامعك حد في البيت
نوريه بدون نفس: إلا البندري وربعها
نواف: وشفيك قالبه أخلاقك
نوريه: عشانك ماتدري عن اللي صار
نواف: شصار
نوريه: هالبنت بتذبحني بحركاتها أعوذ بالله
نواف: البندري
نوريه: في حد غيرها متى بس تتزوج وأرتاح من همها
نواف: الله يهديك حاطه راسك براسها
نوريه: بلاك ماتعرف سواياها
نواف:أنتي وبنتك أفلامكم ماتنتهي وأنا تعبان ومالي خلق لهالحكي
نوريه عصبت: دامك مالك خلق ليه تكلمني
نواف يضحك: ههههههه أنتي اللي متصله علي موب أنا
نوريه: الشرهه علي أسأل عنك
نواف: سؤالك وأهتمامك على راسي من فوق
نوريه: زين أنك معترف بجميلي
نواف: اي جميل بعد
نوريه: ملاك
نواف: آآآه هالملاك متغليه علينا
نوريه: أيش.!! أنت متى حكيت معها عشان تتغلى عليك
نواف: قصدي لهالحين ماعطتنا الموافقه
نوريه: أنت ماسألت أبوها
نواف: الا بتصل عليه بعد شوي اسأله
نوريه: بأذن الله بتوافق
نواف: الله يسمع منك
نوريه: أكيد أختياري
نواف: نعم!! أختيارك أنا اللي شفتها والا أنتي
نوريه: أنت بس أنا شجعتك تخطبها
نواف: المهم هالحين بقفل تبين شي
نوريه: لا بتزورنا اليوم
نواف: ماتوقع
نوريه: طيب براحتك ولاتنسى تخبرني عن قرارها
نواف: طيب
نوريه: هالحين أتصل عليه
نواف: طيب بعد العصر بدق هالحين الوقت موب مناسب
نوريه: براحتك بس أهم شي أنا أول شخص أعرف
نواف: حاضر يالله مع السلامه
: هاشصار
البندري: أنتم ليه خايفين على شي مايسوا
مرام: يعني ماحكت معك باللي صار نهائيآ
البندري: حكت بس لاتشغلون بالكم
الجوهره: كيف
البندري: أنتهى الموضوع
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ريماس: مثل ماقلت لكم
مرام: الحمد لله عدت على خير
الجوهره: طيب شقالت
البندري: ولاشي المهم خلصنا
ريماس: قومو قفلو الباب بلا فضايح موب كل مره تسلم الجره
%%%%%
تبكي من حرقة قلبها وهي تشكي حالها وهمومها لصديقتها وبنت خالتها: آآآه ياملاك ياليتني مانولدت على هالدنيا ولا أشوف الظلم من أبوي
ملاك تمسح دموعها وتحضنها: خلاص يارغد كفايه من أمس وأنتي تبكي شوفي وجهك كيف صار
رغد: خليني ياملاك أحس أني بنكتم
ملاك: أحكي ياقلبي قوليلي أيش اللي مضايقك
رغد: قصدك أيش اللي موب مضايقني لأنو مافي شي من وعيت على هالدنيا ماضايقني
>>ملاك سكتت تترك لها المجال انها تحكي وتفضفض عن اللي داخلها<<
أبوي ماعمري حسيت بابوته وحنانه من كنت صغيره دايم متباعد عنا وموب حاطنا في قاموسه أصلآ ولاكأنا عياله
دايمآ هواش وزعل مع أمي وحتى الضرب يضربها ويسبها ويغلط عليها قدامنا ماراعى طفولتنا أو مشاعرنا حتى العيد اللي كل الناس تفرح فيه حنا ماعمرنا حسينا بطعم الفرحه فيه كأنا نذل حالنا له عشان يصرف علينا ويهتم فينا وبعد ماعيشنا بذل والكل موب عامل لنا أي حساب الكل يحتقرنا ويناظرنا من فوق وانا حنا أقل من مستواهم 17 سنه وأنا عمري ماحسيت يوم واحد أنه أبوي ولا حتى لحظه حسيت بحنانه وفي النهايه يطردنا من البيت في الفجر ولاحتى سأل عنا
وتناظر للفراغ ودموعها تسيل وفي نفس الوقت تنبع بالحقد: أصلآ موب من حقه هذا البيت بيت جدي الله يرحمه وماوافق يسكنه فيه ألا عشانا حنا هو ماله دخل لازم يطردوه أعمامي من البيت لازم ينهان وينذل خل يذوق المر من نفس الكاس اللي شربنا منه
وترجع تناظر ملاك وشكلها يكسر الخاطر: قولي لي وين نروح من اللي بيتحملنا خوالي مابيتحملونا كل العمر من بيتحملنا من >>وترجع تبكي<<
آآآه طول عمري أتمنى أني مانولدت ليه عشان الشقا والهموم مافي حد في عمري يحمل كل الهموم اللي فيني تعبت من الحياه تعبت
وتبكي لدرجة الهستيريا
<< أكرهه أكرهه أنشالله يموت ونرتاح منه
وتحكي بحسره وألم>>ليه حنا بالذات ليه كل الناس مرتاحين وحنا مالقينا طعم الراحه يوم
أبي أموت عشان أرتاح يارب خذ روحي وريحني
ملاك: أيش هالكلام يارغد أستغفري ربك ترى مايجوز تدعين على نفسك بالموت
رغد: وايش الحياه بهموم وأب قاسي مايعرف الرحمه مايستحق كلمة أب والله مايستحقها
دامه موب قد المسئوليه ليه يبلينا ليه أصلآ يجيب عيال وهو موب قد يكون أب
ملاك: أهدأي يارغد لاتتعبي حالك بالبكي أرحمي حالك
رغد بحقد واضح: من قلب أكرهه
وترجع تبكي: مابيه مابي يكون عندي أب دامه كذا أكون يتيمه أحسن مو
ملاك ماقدرت تتحمل هالحكي صارت تبكي>>
قوليلي لو أبوك تتحملين موب المفروض أنه ميت أيوه ميت
ملاك: عيب يارغد مهما صار يظل أبوك
رغد: آآآه وهذا اللي معذبني أنه أبوي وهذا قدري أنا وأخواني في الحياه
ملاك: خلاص كفايه خذي أشربي مويه ونامي من البارح ماذقتي طعم النوم
رغد من التعب رضخت لأمر ملاك ونامت ودمعتها على خذها
غطتها باللحاف وطلعت
في الصاله..
: أنا خلاص موب متحملته أبيه يطلقني غصب طيب يطلقني
راشد: يابنت الحلال المرأه مالها إلا بيتها وبيت زوجها
أم رغد: هه هذا إذا كان زوج مثل الناس موب هذا
راشد: هالحين أنتي متحمله فوق العشرين سنه وفي النهايه تبين الطلاق
أم رغد: أنا مابعيش عاله عليكم الحمد لله ابوي موب مقصر عني لما كنت عنده وهالحين هنا مستحيل يقصر
أنا موب محتاجه لكم وأن كنتو خايفين أني اطلب منكم شي فأطمنو هذا الشي مابيصير
حامد: بلا حكي فاضي والليله أنا اللي بوديــــــ
يقاطعه صوت كبير : تعالي أم طارق يأم طارق جيبولي بنتي
تروح أم طارق تجيب رجال كبير في السن مشلول على كرسي متحرك: وينكم
راشد: خير يايبه آمر
أبو راشد: أنا مابعد مت عشان تعملو كذا في أختكم هذا في حياتي أجل بعد ماتغمض عيني شراح يصير
راشد: لك طولة العمر يايبه أنت أستهدي بالله حنا كل اللي قلناه أن المفروض تجلس في بيتها مهما صار
أبو راشد: ياراشد ماعاش من يذل وحده من بناتي وانا حي
حامد: بس يايبه وعيالها
أبو راشد: طول عمري أنا اللي أصرف عليهم بكون عاجز عنهم وهم في بيتي
حامد: بس يايبه موب واحد أو أثنين أربعه
أبو راشد: هذولا عيالي وانا المسؤل عنهم هذاك موب كفو الواحد يقدره
راشد: بس يايبــــــ
أبو راشد بعصبيه: مابي نقاش
أم فيصل: خلاص يايبه مايصير خاطرك إلا طيب واللي تبيه بيصير
ابو راشد: الله يرضى عليك يابنتي
تتقدم حنان "أم رغد" لأبوها وتبوس راسه: الله يخليك لي يايبه
ابو راشد: لاتحاتين مابترجعين له دامني موجود وديني يابنتي غرفتي أبي أرتاح
حنان: أنشالله
وبعد ماراحت معه الغرفه وأرتاح طلعت وشافت أخوها طارق جالس وموب عاجبه الوضع
: أنتي ماتستحين تبين الطلاق بعد هالعمر
حنان: واللي يسلم عمرك لايكون عمري 50 سنه عشان تقول بعد هالعمر ماكأنكم زوجتوني وعمري 14 بدون ماتآخذو رأيي
طارق: ماله داعي تفتحين مواضيع منتهيه من زمان
حنان: أيوه على قولتك ماله داعي مادمت تحملت معاملته السيئه لي وحتى لعيالي تحملت الضرب وصبرت تحملت عيشة الحرمان وأنا أشوف عيالي كل مالهم يذبلون من معاملة أبوهم وحرمانه لهم بابسط شي ممكن يسعدهم تحملت الحاله اللي يوصل لها لما يكون سكران تحملت وتحملت وأنتو ماتعرفون بشي أصلآ
وبالأساس أنت على إيش معترض
طارق: عيالك موب مكلفين فيهم أعمامهم هم اللي يتحملوهم موب حنا
حنان: أنت مالك دخل ونصيحه أترك عنك الحقد وخل قلبك أبيض
طارق: هالحين صرت حاقد
حنان: أيوه بسبب حقدك وظلمك تبي ترجعني للي مايتسمى ويتعذبو عيالي ربك بلاك ببنت معاقه
طارق وهو مجروح من أخته: تعايريني ببنتي مشكوره يا حنان وماقصرتي وطلع من البيت<<
لحقته دلال" أم فيصل"اللي سمعت حوارهم على نهايته: طارق طارق
طارق وهو معطيها ظهرها: شتبين
دلال تحط كفها على كتفه: ترى حنان ماتقصد
طارق: جرحها مستحيل أنساه تعايرني في بنتي في طفله بريئه مالها ذنب تتشمت أنها معاقه
دلال: صدقني حنان أكثر وحده فينا تحبها وماترضى عليها بس من اللي فيها قالت ها لكلمه والله ياخوي موب قصدها
طارق: قصدها أو موب قصدها خبريها أني مابيها تلمس بنتي نهائيآ وان شفت بنتي معها مابيحصل لها طيب
دلال: بس ...
قاطعها وطلع من البيت..
حنان حست بالذنب عاللي قالته
هي تحب بنت أخوها كثير وماكانت تقصد اللي تقوله بس من قهرها فيه قالت هالكلمه غصب عنها: دلال والله متحسفه عاللي قلته وربي أن موب قصدي
دلال: عارفه بس طارق وتعرفيه مايرضى بسرعه ويحط في قلبه
حنان: أنا لله أنا ألقاها من أيش والا أيش
دلال: هذا اللي مكتوب ياختي
حنان: ماقول غير الحمدلله على كل حال
%%%%%
: ألووو
نواف: السلام عليكم
أبو فيصل: وعليكم السلام والرحمه ياهلا بولدي
نواف: شلونك ياعم أنشالله بخير
ابو فيصل: يسرك الحال أنت كيف حالك وحال أخوك يعقوب
نواف: والله بخير ويعقوب تحت رحمة ربه لساته على حاله
أبو فيصل: الله يشفيه انشالله
نواف موب عارف كيف يفتح الموضوع: إلا ياعم شصار على موضوعي
أبو فيصل: اسمحلي ياولدي طولنا عليك بس بعون الله الليله نجتمع ويصير خير
نواف: والله ياعمي مدري شقولك من زمان ودي اعرف بقرار البنت بس مستحي منك وانشالله تشرط باللي تبيه أنا حاضر
ابو فيصل: الله يقدم اللي فيه الخير
نواف: أنشالله
ابو فيصل: اجل ياولدي الليله بعد صلاة العشا أنتظرك
نواف: انشالله فمان الله
ويتصل على ملاك لأنها في بيت جدها: هلا يبه
أبوفيصل: بنتي متى بترجعين من بيت جدك
ملاك: مدري متى أمي بترجع برجع معها
أبو فيصل: اجل قولي لأمك لاتطول تصلي المغرب وترجع البيت
ملاك باستغراب: أنشالله يبه
أبو فيصل: يالله مع السلامه
ملاك: الله يسلمك
: يمه يمه
دلال: هلا شفيك
ملاك: أبوي يقول لاتتأخرون بعد صلاة المغرب نرجع البيت
دلال: طيب
ملاك: موب غريبه أول مره أبوي يطلب منا مانتأخر
دلال: يمكن في ضيوف بيزورونه لاتشغلين بالك
ملاك:كل شي جايز لكني حاسه أن في شي
دلال: كان سألتيه بدل ماتحنين وتوسوسين عالفاضي
ملاك: ما أحلاني وأنا أسأله ويقوللي موب شغلك بعدها وجهي وين أوديه بعد الفشيله
دلال: دامك ماتبين تتفشلين أسكتي لا أنا اللي أفشلك
ملاك: أخلاق يمه عطينا شوية أخلاق
أم فيصل تروح عنها الجو مايساعد على الضحك..
تنزل لابسه عبايتها وبتطلع..
ملاك تناظرها متعجبه من حالها: شهد وين طالعه
شهد: حاسه أني باختنق باطلع مع خالتي ليالي زواج صديقتها
ملاك: تحكي عن جد
أمك وأخوانك حالتهم حاله وانتي بتطلعين وتحضرين زواج
شهد: أوووه يعني أول مره تصير شي متعودين عليه تراه بالنسبه لنا روتين ممل رغدو تعرفيها حساسه وبسرعه تتأثر لاتحطين في بالك حبيبتي
ليالي ليالي يالله بسرعه
ليالي: طيب الدنيا مابتطير
شهد: إذا حد سأل عني قولي أني طلعت
وطلعو ثنتينهم..
ملاك فوق راسها علامة تعجب : الله يهديها أمها بتطلق وأخوانها كل واحد شايل هموم أكبر منه وهي طالعه تحضر زواج
%%%%%
: أجل نوريه ورا الخطبه
أم شيماء: أيوه أختك المصون هي اللي حادته يتزوج عليك
شيماء: ماكفاها اللي جاها
أم شيماء: مالت عليك هي اللي أنتصرت وزوجك مايسمع إلا حكيها وماينفد إلا أوامرها
شيماء: خلاص يايمه لاتضايقيني وبعدين انا خططت وانشالله بتنجح خططي
أم شيماء: وأيش اللي رسيتي عليه
شيماء: أنا اللي بخليه يتزوج
ام شيماء: أنهبلتي يابنت كيف توافقين على زواجه
شيماء : يمه أنتي أتركيني براحتي فتره بس وبتشوفين نتايج ترضيك
أم شيماء: نشوف ولو أني موب مقتنعه على فكرتك المجنونه
شيماء: لا أقتنعــــــ
يقاطعهم : السلام
:وعليكم السلام
أم شيماء: كيف حالك يانواف
نواف: بنتك تقولك حالي
ويدخل غرفته..
أم شيماء: حشى مأكأني عمته يعاملني كذا وموب معطيني وجه
شيماء: شفتي يايمه شفتي بعينك كيف قالب أخلاقه دايم ويحاكيني من طرف أنفه
أم شيماء: مالومك يابنتــــــ
: شيماء
: خير
نواف: تعالي أبيك
شيماء: الله يستر
أم شيماء: روحي بسرعه شوفيه شيبي
شيماء: طيب بروح أشوف يمكن يبي يسمني بكلامه أو شي
أم شيماء: بلا كثرة حكي
وراحت دخلت الغرفه..
: نعم
نواف: شعندها أمك هنا
شيماء: ماتبي أمي تزورني
نواف: إلا بس زيارات أمك هالأيام كثيره وقلبي حاس وراها مصيبه
شيماء: لاحول الله بتبدأ بحكيك إللي ماينتهي
نواف: لاتتأففين وإلا مابيجيك طيب
شيماء: تراك ذبحتني بمعاملتك الزفت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نواف: أقول لك شي ضفي وجهك
شيماء وهي طالعه: عيشه تقصر العمر
ونواف دخل يتروش ولبس ثوب وشماغ وتعطر وطلع وهو يغني.. وهو قاصد معاملته الزفت بس مزززاجه رايق ويبي يتحرش فيها عشان تقوم مصيبه
نسيني الدنيا نسيني العالم
ذوبني حبيبي وسيبني أقولك أحلى كلام
لو ألف الدنيا لو ألف العالم
مش ممكن زي غرامك أنا ألاقي غرام
: سلام
شيماء وأمها: الله يسلمك
وهو يمشي بيطلع من البيت..
لو أقولك أني بحبك الحب شويه عليك
لو ثانيه أنا ببعد عنك برجع مشتاق لعنيك
ضمني خليك ويايا ذوبني وذوب بهوايا تعالا نعيش أجمل أيام
: شفتيه يمه كاشخ وريحة العطر واصل لبرا ولا طربان بعد
أم شيماء :؟؟!!!!!!
شيماء: لايكون الليله ملكته
وبدت تبكي وتنوح: ياويل حالك ياشيماء ياحرقة قلبي ياخراب بيتي آآآه
ام شيماء: شفيك أنتي سكتي خليني أستوعب اللي شفته
شيماء: أكيد الليله الملكه وهي تبكي
أم شيماء: لو ملكته كان وصلنا الخبر يمكن عنده أجتماع أو شي وحنا جالسين نوسوس
شيماء: قولتك كذا
ام شيماء: أكيد لاتحاتين
شيماء: الله يستر
أم شيماء: وبعدين عامله لي فيها عنتر وأنا اللي بزوجه وخطته بتنجح ومن شفتيه كذا طار عقلك وقمتي تبكي
شيماء: مو بيدي والله
أم شيماء: أقول إذا نجحت خطتك قابليني
ونواف طلع من البيت متوجه للمسجد يصلي عشان بعدها يروح لبيت بوفيصل..
%%%%%
يطق باب غرفتها وتقوم تفتح الباب..
:هلا يبه تبي شي
أبو فيصل: أيوه أبي أحكي معك شوي
ملاك: تفضل أستريح
أبو فيصل جلس ساكت شوي وملاك قلبها يدق بقوه لانها عارفه أبوها مابيحكي معها الا على موضوع الزواج: يابنتي من سنة الحياه أن البنت من تكبر يجونها خطاب للزواج وأنتي مثل ماتعرفين أن نواف خطبك من فتره وأنتي أخذتي راحتك بالتفكير واليوم أبي قرارك النهائي ابيك تكوني مقتنعه زين ها يابنتي أيش قرارك
ملاك منزله راسها ووجهها صاير أحمر من الحيا: اللي تشوفه يايبه
أبو فيصل: موب أنا اللي بعيش معه رايك أنتي هو المهم
ملاك: معليش يبه الراي رايك
ابو فيصل: أفهم من حكيك انك موافقه
ملاك تهز راسها بايجاب..
ابو فيصل يبتسم ويقوم يبوس راسها: الله يسعدك يابنتي ويوفقك ترى الرجال ماينعاب واذا عندك اي شرط هو مستعد
ملاك: لا
أبو فيصل: متأكده
ملاك: أيوه
ابو فيصل بيطلع: الله يرضى عليك ويوفقك في حياتك
:ياولدشوف من عند الباب
يفتح الباب..
: السلام عليكم
وليد: وعليكم السلام
نواف: أنت سامي او وليد
وليد: أنا وليد تبي أبوي
نواف: أيوه ناده لي
وليد: تفضل المجلس
دخل نواف في المجلس..
: ياهلا بنواف ماشالله دقيق في مواعيدك
نواف يقوم يسلم عليه..
:تفضل ياولدي
نواف: كيف الحال
أبو فيصل: حالي بخير ياولدي
وبعد فتره من السوالف والسؤال عن الأحوال..
نواف: هاياعم شقرار البنت
أبو فيصل يضحك: أشوفك مستعجل
نواف: نبي نرتاح
ابو فيصل: أرتاح أرتاح ياولدي البنت موافقه
نواف يضحك والدنيا موب سايعته من الفرحه قام يبوس راس أبو فيصل..
: مبروك ياولدي
نواف:الله يبارك فيك واللي تآمرو فيه أنا حاضر بكل شروطكم
ابو فيصل: حنا ماعندنا شرط غير أنك تسعد بنتنا وتحطها في عينك
نواف: والله ياعمي ملاك فوق راسي والله يقدرني واسعدها
أبو فيصل:أنا أشهد أنك رجال من ظهر رجال وأنا مابسلمك بنتي إلا وأنا داري أنك بتحافظ عليها وتصونها
وظلوا يحكوا وحددو موعد الملكه اللي بتكون مختصره جدآ عشان كلام الناس لأن أخوه يعقوب لساته ماوعى من الغيبوبه والعرس بيكون في نهاية السنه الدراسيه
: مبروك يايمه
ملاك بحيا: الله يبارك فيك
أم فيصل: من بكره يبيلك تقضين للملكه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك