رواية حطموك يا قلبي -5
نواف يضحك والدنيا موب سايعته من الفرحه قام يبوس راس أبو فيصل..
: مبروك ياولدي
نواف:الله يبارك فيك واللي تآمرو فيه أنا حاضر بكل شروطكم
ابو فيصل: حنا ماعندنا شرط غير أنك تسعد بنتنا وتحطها في عينك
نواف: والله ياعمي ملاك فوق راسي والله يقدرني واسعدها
أبو فيصل:أنا أشهد أنك رجال من ظهر رجال وأنا مابسلمك بنتي إلا وأنا داري أنك بتحافظ عليها وتصونها
وظلوا يحكوا وحددو موعد الملكه اللي بتكون مختصره جدآ عشان كلام الناس لأن أخوه يعقوب لساته ماوعى من الغيبوبه والعرس بيكون في نهاية السنه الدراسيه
: مبروك يايمه
ملاك بحيا: الله يبارك فيك
أم فيصل: من بكره يبيلك تقضين للملكه
ملاك: أنشالله يمه شرايك ناخذ معنا رغد تغير جو
ام فيصل: يكون أحسن بعد
أبو فيصل:أجل بكره بعطي أمك الفلوس اللي تحتاجيها وتحجزين مدري أيش خرابيطكم ماعرف لها
ملاك: ههههه أنشالله يبه
أبوفيصل : يالله تصبحون على خير
:وانت من أهل الخير
أم فيصل: كبرتي ياملاك وبتتزوجين والله البيت مو شي بدونك أنتي وأختك
ملاك: إلا على طاري أسيل يمه أنشغلنا باللي صار لخالتي ومازرناها ولا حتى كلمناها بالتلفون
أم فيصل: يوووه نسيناها قومي أتصلي نطمن عليها
ملاك: طيب
تقوم وتتصل عليها..
: هاااا أسيلووو كيفك اليوم
أسيل: هلا ملاك صاير لكم شي
ملاك: لا حبيبتي لاتخافين مافي شي
أسيل: أجل شفيكم محد زارني ولاحتى كلمتوني
ملاك: والله موب صاير شي لاتحاتين
أسيل: أكيد
ملاك: أكيدين كيفك أنتي أنشالله بخير وبسولي كيفه
أسيل: أنا بخير وبكره بيرخصوني من المستشفى
ملاك: صدق واااااااو وناسه والنونو كيفه
أسيل: بخير وصحته كلما لها وتتحسن
ملاك: زين الحمد لله آآآف شتبين يمه
أم فيصل: عطيني أبي أكلمها ماشبعتي من كثر الحكي
ملاك: خذي خذي كلميها
أم فيصل: هههههه هلا يمه اسيل شلونك وشلون ولدك
أسيل: هلا يمه حنا تمام شفيكم اليوم نسيتوني
أم فيصل: أفا حنا ننساك مستحيل بس الليله تحددت موعد ملكة أختك
أسيل: صدق وينها الخاينه ماقالتلي عطيني اكلمها يمه
أم فيصل: خذي أختك بتبارك لك
ملاك: هلا
اسيل: يالخاينه من وراي صار كل شي ولاخبرتيني
ملاك: أووووه كل شي صار بسرعه صدقيني
أسيل: لا والله وانا آخر من يعلم
ملاك: وربي ماكنت أعرف بشي صدقيني
أسيل: خلاص خلاص صدقتك مشكلتي قلبي طيب وبسرعه أسامح
ملاك: أعصابك يا أم قلب طيب
موب كفايه أنك مابتساعديني في التحضير للملكه
أسيل:والله تمنيت بس هذا اللي صار باسل مستعجل على الدنيا
ملاك: هههههه طيب أخليك ترتاحين هالحين وبكره بشبع من الحكي والجلسه معك
أسيل: أوكي حبيبتي وألف ألف ألف مبروك
ملاك: الله يبارك فيك
%%%%%
: شرايك نروح نقنعه يرجع زوجته وعياله
راشد: تبي الصراحه هذا موب كفو ولاهو برجال حتى ماسأل عن عياله طردهم ولايدري عن الدنيا
حامد: يمكن عشانه سكران مايدري
راشد: الله يهديك سكران طول يومه شهالحكي الموب منطقي هذا مايستحق يكون أب وبعدين أنا فكرت ووصلت أن حنا وش علينا بيعيشون عند أبوك مابيضرنا شي
حامد: وأنت الصادق زوجة أبوك مابتتحملهم
راشد: بكيفهم أنشالله لو يتذابحو بس تبي الصدق كسرت خاطري رغد
حامد: ليه شفيها
راشد: دخلت لها الغرفه لقيت نفسيتها تعبانه وذابحه حالها من البكي والله مايستاهل هالعيال
حامد: لو ماعنده ضنا كان حس بقيمته بس ربي عطاه نعمه ماشالله وموب حامد ربه
راشد: العيال هم الضايعين بينهم والله رحمتهم لماشفت حالتهم
حامد: هذا نصيبهم في الحياه
: ماعندك علم باللي صار
فيصل: عن أيش
رهف: أبوك بيزوج أختك برئيسه في الشغل
فيصل أشتعل غضب: أيش وأنا موب أخوها مايقوللي
رهف بخبث: واحد متزوج والظاهر وافقو طمعانين في أملاكه
فيصل: هالشايب طار عقله على آخر عمره
رهف: أنا لما سمعت قلت لازم أخبرك هذي مصيبه
فيصل يقوم يآخذ مفتاح سيارته بيطلع..
: حبيبي وين رايح
فيصل: بوقف هالمسخره عند حدهم
رهف بتحايل: حبيبي هدي اعصابك وكل شي بالتفاهم
فيصل: هين بالتفاهم إلا بحرق البيت فوق روسهم
وطلع أما رهف تضحك شماته:هههههههههه ينرحم حالكم عمي وعمتي
يطق الباب بأقوى ماعنده
: الله يستر من يطق الباب كذا
ملاك: يمه لاتفتحينه روحي جلسي أبوي
أم فيصل بتروح تجلسه إلا وهو طالع: شصاير من عند الباب
أم فيصل: روح يابو فيصل شوف منو
راح فتح الباب: فيصل..!!!!
أم فيصل: يمه فيك شي زوجتك فيها شي
فيصل والشرار يتطاير من عينه: هالحين أفتكرتوا أني ولدكم
أبو فيصل: ليه هالحكي وش صار حاس أن وراك مصيبه
فيصل يأشر باصبعه لملاك: اجل تزوج هذي بدون علمي
أبو فيصل بعصبيه: وينك عنا من المفروض اللي يسأل أنا أو أنت وكل مادقيت عليك تصرفني زوجتك باي حجه اما نايم او طالع أو مدري أيش ولا تزورنا حتى من وين بقولك وانت متخبي عنا
فيصل: الزواج مايتم
ابو فيصل: موب أنت اللي تقرر أنا وبنتي وافقنا أنت أطلع منها
فيصل: واللي يقول أن الزواج إذا تم بنتك بتضرر
أبو فيصل: بنتي محد يمس شعره منها دامني حي واللي ماتطوله بايدك واصله برجلك
فيصل يتقدم لملاك ويشد شعرها: أن وافقتي والله...
ما أمداه يكمل إلا ويصفعه أبوه كف : أطلع من بيتي ولا أنت ولدي ولا أعرفك
أنا بري منك ليوم الدين
ويسحبه يرميه عند الباب
:تضربني وربي لتندم وبتشوف
سكر أبو فيصل الباب وجلس موب قادر يقاوم المجهود اللي سواه تعبه: مويه أبي مويه
ملاك تركض وهي تبكي تجيب مويه لأبوها وبعد ماشرب ناظر بنته اللي تبكي وترتجف خايفه مسح دموعها: لاتخافين وانا موجود
ملاك: أنا خايفه فيصل يهدد ويتوعد
أبو فيصل: أخوك أعرفه زين مثل الــكلب اللي ينبح مايعض لاتخافين
%%%%%
رجع وهو مبسوط عالآخر..
: تعالي أبيك في موضوع
شيماء جلست: نعم
نواف:الله ينعم عليك ويرحم والدينا ووالديك
شيماء: شاللي طاري عليك النفسيه عالي العال
نواف: ليه ماتبيني اكون مبسوط
شيماء: إلا أنبسط على كيفك قلت أن عندك موضوع خير
نواف: أطمني خير خير اسمعيني زين اللي أبيه أنك تآخذي الموضوع بروح رياضيه
شيماء: عقدت حواجبها مستغربه: لهالدرجه الموضوع مهم عشان اخذه بروح رياضيه
نواف: شوي شوي علي خليني اخلص كلامي بعدين احكي
أنتي عارفه من فتره أني خطبت وخبرتك لأني ماحبيت أحطك أمام الأمر الواقع وتنصدمين لان هذي مو من اخلاقي
شيماء ساكته وموب مبينه في ملامحها أي شي..
اليوم حددت موعد الملكه
ومثل ماقلت لك أنا مابي مشاكل وأحقاد أبيكم تكونو مثل الخوات عشان أكون مرتاح وأريحكم <<أشهالمنطق يانواف إي خوات الله يهديك
إذا عارضتي اعصب وانفعل أنتي عارفه أني رجعتك من بيت أهلك بشرط أني أتزوج وانتي وافقتي وحتى لو ماوافقتي رايك موب مهم عندي فالأفضل انك تقتنعين وماتعملي حركات ماتعجبني انا كاشفك وعارف تصرفاتك وطباعك فنحترم نفسنا طيب..
إلا شفيك ساكته ..؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الخامس..
أشتعلت غضب ونظراتها تنبع بالحقد وبدت بتحرك فمها تعلن الرفض والتمرد: نعــ.. تذكرت مخططاتها وكيف تكسبه بصفها لانت ملامحها بتصنع غير واضح وهذا الشي موب صعب عليها لأنها فنانه في تمثيل البرآءه: أأأ مبروك
نواف متعجب من كلمتها وظن أنه يتخيل: قلتي شي
شيماء: قلت مبروك
نواف عقد حواجبه وجلس يناظر فيها كأنه يخترق داخلها ويعرف أيش اللي تقصده..
شيماء تزيدها جرعه: انا تهمني سعادتك وان كانت بالزواج علي أنا موافقه دامك بتكون سعيد وأوعدك أني بحاول أني أكون أخت وصديقه لها عشان خاطرك بس
نواف موب داخله في دماغه: ماكان هذا رأيك
شيماء جاوبته بمنطق: كل انسان ممكن يتفاجأ بأي قرار يصدر من الغير لاسيما قرارك فأكيد رد الفعل الطبيعي بيكون العصبيه لكني فكرت بما أن سعادتك تتوقف عشان هالشي أنا ليش أعارضك وأفتح لي أبواب مشاكل وأضيع عيالي ويكونو الضحيه << ماكان هذا تفكيرك باللي تسوينه >>
وبما أن هذا قرارك فأنا أحترمه
نواف يبتسم: زين أنك فكرتي بعقل وانشالله يكون كل شي تمام أما لوعاندتي أنتي الخسرانه
شيماء في داخلها بركان بيتفجر [[ بكل وقاحه جاي تقول عن ملكتك بتشوف شيماء وش بتسوي لين أخليك خاتم بصبعي وطلباتي تصير أوامر مجابه ]]
نواف أنتبه لسرحانها: شفيك
شيماء: أبدآ مافيني شي بس أفكر مين اللي بيصمملي فستان ألبسه في الملكه
نواف زاد وناسه: صدق ودك تحضرين
شيماء بخبث يعدي على طيبة نواف اللي توصل أحيانآ للسذاجه: أكيد عشانك أحضر الزواج بعد ومنها أتعرف على أختـــي << شددت على كلمة أختي << إلا ماقلتلي وش أسمها
نواف: مــــــلاك
شيماء <<آآآه يالقهر أسمها ملاك بعد: عاشت الأسامي
نواف: أنتي متأكده ودك تحضرين الملكه
شيماء: ولو أكيد عشان نتعرف على بعض زين ويكون الوضع طبيعي متعودين عليه
نواف: يكون أحسن بعد عشان يشوفون الناس زوجات نواف شلون حبايب وعايش سعيد بينهم
شيماء: وأنا من ناحيتي أوعدك أنك مابتشوف إلا اللي يرضيك
نواف أبتسم حتى بانت أسنانه: تعجبيني قومي عشان ننام << أحيانآ على ذكائك تبع بالغباء ولو يانواف من يوم أو يومين تعرف شيماء موب كأنها سنين فتح عينك كويس<<
%%%%%
دخل حالته حاله معصب ومتبهدل: شفيك شصار
فيصل من عصبيته يحاول يجمع أنفاسه: أبوي
رهف بنفاذ صبر: أيوه كمل لاتحكي بالقطاره
فيصل: طردني من البيت لأني هددته أن الزواج مايتم وضربت ملاك
رهف:تشهق: آآآه ليه عملت كذا قول زين اللي صار لك
فيصل: تبيني أسكت وهو بيزوجها بدون مدري
رهف: حتى لو كان فكرت بالأول موب تتهجم عليهم
فيصل: هذا اللي صار
رهف: لازم تتسامح منه
فيصل راكب راسه: نعم لاحبيبتي موب متأسف
رهف: أنت أسمعني بالأول بعدين أحكي
فيصل: هاتي اللي عندك
رهف: أنت لو خليتني أفهمك من البدايه كان ماصار اللي صار
فيصل: أيش تفهميني
رهف: أنت شوف الموضوع من جانب نواف
فيصل: مين نواف بعد..؟!!
رهف: لاحول شفيك ركز معي خطيب أختك
فيصل معصب: أقص أيدي إذا أخذها
رهف: أسكت واللي يرحم والديك بياخذها وأسمعني بتروح تتأسف من أبوك وتبارك لأختك وملاك بعد ماتتزوج ماتقصر
فيصل بغباء: عن أيش
رهف عصبت من غباءه: أووووه والناس اللي يطالبونك من كل جهه يبون فلوسهم شفيك وملاك حبيبتي ماتقصر على أخوها خاصة والناس تهدده بالسجن
فيصل يبوسها: أنا أيش أقدر أعمل بدونك
رهف في داخلها: ولا شي لأنك في أصبعي هذا
%%%%%
: شوف حل لأختك وأنا أبوك
محمد: يبه لاتدخلني في الموضوع نهائيآ
أبو راشد: وأختك خلاص كلكم شلتو أيدكم عنها وماعاد تهمكم
محمد: موب هذا القصد يبه لكن أهي كبيره وتعرف مصلحتها زين
أبو راشد: هي تبي الطلاق صحيح أني أعتبره قرار سليم بالنسبه لحالتها لكن هم موب مقتنع
محمد: أصلآ هو من طردهم مابين نهائيآ وان كان على رايي فالطلاق أحسن لها ولعيالها بعد
أبو راشد: يعني ماراح تدخل
محمد: قلت لك يايبه لا عندك راشد وحامد وطارق
أبو راشد: أخوانك مايبونها
محمد: أهم شي رايك يايبه ومحد منهم يقدر يعترض
أبو راشد: لاحول ولاقوة إلا بالله
محمد: تبي الصراحه أنت الغلطان زوجتها صغيره وبدون ماتآخد رايها حتى
أبو راشد وهموم الدنيا فوق راسه: لاتعيد وتزيد في هالحكي تراني ياولدي أتعذب وأنا عارف أني زوجتها صغيره وظلمتها بهالزواج
محمد: خلاص يايبه لاتهم نفسك ودع الخلق للخالق ربك بيحلها
أبو راشد: الله كريم
محمد: وعشانك بحكي معها شتبي بعد
أبو راشد: سلامتك
باس راسه وراح ينادي أخته
: حنان ويلتفت لرغد<< رغد
رغد: هلا خالو
محمد: ناديلي أمك خليها تجيني غرفتي
رغد: أنشالله
قامت تشوف أمها في المطبخ تطبخ الغدا مع خالتها أم طارق زوجة أبوها: يمه
حنان: نعم رغوده شتبين
رغد: خالي محمد ينتظرك في غرفته
حنان تترك اللي في أيدها: هالحين أروح له <<وراحت
أم طارق: تعالي يارغد تعلمي الطبخ
رغد: أعرف شوي
أم طارق: شتعرفين غير بيض وبطاطا مقليه
رغد: ههههه خالتي عطيني أعمل السلطه
أم طارق: كثير عليك يارغد
رغد: ههههههه
تطق باب غرفته..
: أدخلي
حنان: هلا محمد تبيني
محمد: أيوه تعالي
حنان جلست مقابله أخوها وعارفه أنه بيحكي عن موضوعها لأنها تعرفه زين مايرضى عليها: هلا
محمد:أبيك تحكي باللي صار بالضبط
حنان أطلقت تنهيده تعبر عن قلب متألم ومظلوم: شقولك غير أني تحملت وصبرت لكن صبري ماجاب نتيجه
محمد: ابي أعرف ليه طردكم
حنان: والله ياخوي راجعين من هنا الساعه 12 لان طارق تأخر علينا ووصلنا وراح جيت أفتح الباب إلا مايفتح طقينا الباب وجلسنا برا حول الربع ساعه وحنا نطق ألا يفتح الباب ويضربني في الشارع حتى الجيران سمعوا الصراخ وأنواع السب تدخلو بناتي يفكوني منه لكنه زاد في ضربي وموب مصدق أن حنا كنا هنا وان طارق هو اللي وصلنا أضطرت شهد تمد يدها عليه عشان يتركني لكنه تركني وراح لشهد أخذ يضربها بعصا مكنسه وطردنا من البيت
محمد: بس
حنان: عشانه شاك فيني طول حياتي معه وهو شكاك وفوق كذا عيوبه اللي ماتخلص وأولها أنه دايمآ سكران ويضربني أنا وعيالي
عيالي ياخوي تعقدو منه شوف لي حل
محمد: أنتي متأكده من قرارك بالطلاق
حنان: أيوه وعيالي أبيهم عندي
محمد: مدري أيش أقولك لكن أصبري شوي
حنان: لمتى يعني
محمد: قصدي أذا شفناه وجا انتي تفاهمي معه وقوليله يطلقك أنا مابي أتدخل أو أظلمك كفايه اللي جاك
حنان بانكسار: مشكور ياخوي
محمد: لاتزعلين مني بس مابيك تعاتبيني أو عيالك يوم لو أتخذت لك قرار من كيفي حلي مشاكلك بنفسك أنتي كبيره وتعرفين مصلحتك
: عن أذنك
طلعت من الغرفه: حتى أنت يامحمد اللي ظنيتك سند وعون لي صرت مثلهم وماهمك <<وراحت غرفتها تبكي.. مالي إلا الله آآآه مانصدمت باخواني كثر صدمتي فيك لهالدرجه أنا عاله عليكم وابوي كبير بالسن مايقدر يعمل شي ويفكني من هالظلم
الألــم والهـــم والخــوف الدفيــن
والشقـــى والضيــم وآهــات العنــا
والأســى والظلــم والدمــع الحــزيـن
كلهـــا × اسمـــاء × والمعنــى ..
.. ( اًنـــــا )
: رغد رغد وينك يايبه
رغد تطلع من المطبخ : نعم يبه آمرني
أبو راشد: مايآمر عليك عدو بس بغيت أحكي معك زمان ماحكينا مع بعض <<رغد قريبه من جدها كثير ومايطلب شي إلا منها<<جلست ..
أنا عارف يابنتي أنك زعلانه عاللي سواه أبوك
رغد والعبره خانقتها من لما بدأ بكلامه عن أبوها: هذا شي مايستحق الزعل بالنسبه للي سواه كثير وكل شي تقول الزود عندي
أبو راشد: مهما كان يبنتي بيظل أبوك ومالك غنى عنه
رغد: حتى بعد اللي سواه يبه أنت ماعلمتني أسكت عن الظلم علمتني أدافع عن الناس قبل نفسي كيف تحكي كذا
أبو راشد: أيوه علمتك لكن موب إذا كان الطرف الثاني أبوك يابنتي اللي صار بين أمك وأبوك أنتي مالك دخل
رغد بعناد: لا اللي صار يمسنا كلنا وحتى لو أمي أمي كل دنيتي مابقبل حد يضرها ولو كان أبوي
أبو راشد بألم: بس هذا أبوك
رغد بانفعال: أبوي اللي مايحلاله ضربنا بدون سبب إلا وحنا نايمين أبوي اللي ينزع بكل وحشيه الفرحه لو كانت مرسومه على وجهنا أبوي اللي يقعد بالشهور مايدري واحد فينا صاحي مريض ميت
أبوي اللي طردنا من البيت بدون سبب ولاسأل حتى عنا قولي وين الأبوه
أبو راشد<< كبرتي يارغد وكبر عقلك مالومك أنك شايله هموم فوق راسك>> أمسحي دموعك ترى الدنيا ماتسوى
رغد: بدت في البكي
أبو راشد يحاول يسكتها: أشوفك في المطبخ الله يستر اليوم كل اللي في البيت مابياكل غدا
رغد: من بين دموعها تضحك<< والله أعرف أطبخ وبعدين كنت أعمل السلطه بس
أبو راشد: شفتي كيف أنك حلوه إذا ضحكتي وشينه أذا زعلتي
رغد: ههههههههه
أبو راشد: شوفي شهد مايهمها شي وانتي الهموم راكبتك من راسك لساسك
رغد: أنا كذا وبعدين أشوفك تغير الموضوع ماتبي تذوق سلطتي
أبو راشد: هههههههه صادتني روحي جيبي الخروف اللي سويتيه أدوقه
رغد بدلع: يبه
أبو راشد: أوووه قصدي السلطه هههههههه
%%%%%
: السلام عليكم
نوريه: أهلين وعليكم السلام
نواف وهو يجلس: شالأخبار
نوريه: كويسين لكن الأخبار عندك
نواف: أي أخبار
نوريه: ردوا عليك الجماعه
نواف: وأخيرآ
نوريه: شكلك يبشر بالخير متى الملكه
نواف: بعد أسبوع
نوريه: أيش بعد أسبوع ليه مايكفي الوقت تجهز
نواف: ليه مايكفي حتكون الملكه مختصره
نوريه: حرام عليك ليه مابتعمل لها حفله
نواف: والناس بيحكو يعقوبو في غيبوبه وأنا عامل حفله وهي أختها ماصار لها مده من ولدت حنا أتفقنا والزواج بعمل لها زواج الكل يحكي فيه
نوريه: ياسلام من هالحين طلع مفعول الحب والعشق
ألا البندري نازله لابسه عبايتها بتطلع: مرحبا
نواف: مرحبتين
نوريه: أشوف لابسه وبتطلعين
البندري: أيوه طالعه في شي
نوريه: على وين
البندري: يعني وين بروح لريماس باي <<وتطلع
نواف: شفيك معها كنكم توم وجيري
نوريه: أترك عنا وقولي شيمو عرفت
نواف يضحك فرحان: لا أبشرك عرفت وباركت لي وأزيدك من الشعر بيت بتحضر الملكه
نوريه: أيش وأنت وافقت
نواف: أكيد دامهم بيكونو حبايب
نوريه وضغطها بيرتفع من أعصابه البارده: أكيد جنيت
نواف: ليه هالحكي
نوريه: عشانك بتعمل فضيحه لنا مايصير تكون موجوده أختي وأعرفها زين تربية أمي ناويه على شي
نواف: لا أنا حاس أنها تغيرت
نوريه: انت طيب زياده عن لزوم أنا متأكده أنهم ناويين على نيه
نواف: رايك كذا
نوريه: أكيد أنا أعرفهم زين
نواف: بس أنا ابيهم زي الخوات
نوريه: خوات الطل دام شيمو موجوده إذا تبي تجمعهم بعد الملكه بفتره شهر تقريبآ عشان بنت الناس تتعود
نواف: نشوف بقول لها
طلعت من البيت وركبت السياره: أخيرآ حنيتي علينا
البندري: شسوي قلبي مايطيعني
عبدالرحمن: أخوي نواف هنا
البندري: أيوه جالس مع أمي الظاهر يحكو عن زواجه
عبدالرحمن: ليه مابيأجل أكيد جن
البندري: وليه يأجل
عبدالرحمن بانفعال: حلوه ليه يأجل وأخوي اللي في المستشفى
البندري ببرود وراه عاصفه: لاتعلي صوتك عليك سامع
عبدالرحمن: أنتي عصبتيني
البندري: أقول الشرهه علي طلعت معاك وديني لريماس
عبدالرحمن: شدعوه عاد والله موب قصدي
البندري: قصدك أو موب قصدك أنا غيرت رايي وأبي أروح لريماس
عبدالرحمن: أنا لله كل هذا عشان قلت مفروض يأجل
البندري: يأجل لأحد يستاهل مو عشان هذا اللي ماعنده ذرة أنسانيه
عبدالرحمن بضيق: ليه هالحكي
البندري بنفاد صبر: أحد غيرك يقول جزاه وأقل من جزاه باللي سواه
عبدالرحمن: خلاص حبيبتي فكينا من هالموضوع
البندري: فكيتك يالله وديني لريماس
عبدالرحمن: خلاص أنا أسف بس أرضي علي
البندري: طيب رضيت
عبدالرحمن بابتسامه: ياقلبي أنتي ويبوسها<<
البندري: يالله وديني لريماس
عبدالرحمن باحباط: آآآآف قلتي راضيه
البندري: راضيه بس أبي أروح لريماس
عبدالرحمن << عنيده وراسها يابس الله يلعن هالريماس واقفه عظم في بلعومي >> رضخ لأمرها ووداها لريماس
ولما وصلو:متى أجيك
البندري: إذا مليت مع أن ماظنتي أمل منها
عبدالرحمن وهو كاره نفسه عشانها تستفزه<<: إذا خلصتي وشبعتي منها دقي علي
البندري: أوكي
طلعت وسكرت الباب أما عبدالرحمن ميت قهر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جلست معها لساعه 10:30 ودقت على سواقهم وداها بيتهم وصلت وعلى طول نامت وطنشت عبدالرحمن اللي جالس يناظر الجوال ينتظرها تتصل حتى مل ودق عليها:ألو للحين ماشبعتي
البندري وصوتها كله نوم: أشبع نوم ماعتقد
عبدالرحمن: أيش هالحين بجيك
البندري: وين تبي أمي تعمل فضيحه
عبدالرحمن: أمك أنتي في البيت
البندري: أيوه أجل وين بكون
عبدالرحمن بعصبيه: وتاركتني أنتظرك متى تتصلين عشان أرجعك بيتكم
البندري: ماصار شي
عبدالرحمن يعلي صوته: أنتي بتذبحيني أووووه الحكي معك ضايع ويقفل في وجهها
البندري: قفل في وجهي أشوف لسانك يادحومي صاير طويل وأنا اللي بقصه لك أنا تقفل في وجهي طيب يصير خير
كملت نومها لأنها تعرف زين موقف عبدالرحمن من عقابها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك