رواية حبك رسمك في ناظري وين ما اروح -4
ريم :بس اخاف تكلم امي مو ناقصة مشاكل
بروحها حاطة عينها علي من بداية الكورس و لا مخليتني بحالي
ريناد : ما توقعتج خوافة جذي امشي زيـــــــن
ريم : اففففف منج صج تحنين ، انزين انزين يلا قومي
ريناد : اي جذي تعجبيني هههه
طلعو ريم و ريناد للساحه و اندعسو في مكان
بحيث انا اهما يجوفون الرايح و الياي بس محد يجوفهم
و جلسو يسولفون ...
ريناد : ريووم حبيبتي اشقلتي عن طلعة اليوم
ريم : و الله ماكو بس قلت حق امي و جذي قالت بشرط
ما تتأخرين تخلصين بسرعه و تيين فقتلها اوكي
ريناد : اي ما راح نتاخر نفتر في المجمع و نشرب لنا كوفي وندخل السينما و نرد
ريم : اي اوكي
اشوي و الا حسو بصوت فوقهم ...
رفعت ريم راسها و بلعت ريجها من الخوف ...
ريم (بتوتر و ترجف من الخوف ) : مــــ...عل.لمة حصة
ريناد رفعت راسها و تفجأت بالي تجوفه مع ريم
ووقفو بسرعه
م. حصة : خير شتسوون هني ما سمعتووا الجرس ؟؟؟؟
ريناد :: هااا !! امبلا سمعنا كنا الحين بنقوم
ريم : اي صح > مسكينة ما تدري شتقول خخخخ
م .حصة : امشو بسرعه جدامي و اخر لكم مرة ،
لو وحده غيري سيده بتاخذكم عند المديرة بس انتو ما ينفع معاكم شي !!
ريناد و ريم : انشاءالله اخر مرة وعد
و راحو للصف
_________________________________
الســـاعه 10 الصبح في مدرسه روان
المديرة كانت عندهم في الكلاس ...
وتعرفون يا طلاب انه الرحله هالمره تختلف عن
جميع الرحل الي نوديكم ياها
هالمره بنطلع فيكم خارج البلده بنصير كأنه مسافرين
يعني رجاءا نبي منكم الالتزام وعدم المشاغبه
مانبي احد يتكلم عن مدرستنا
وخصوصا هناك في المزرعه تراها كبيره وايد
واحتمال اي احد منكم يضيــع فيها لو راح مكان بروحه
بدون مايكون وياه اي احد
من المدرسين او الاداريين
ولاتنسون الرحله بتكون يوم الاحد بداية الاسبوع انشاءالله
وبالتوفيــــــــق ....
اول ما طلعت المديره من عندهم
بدا الكلام وكل واحد شبيسوي في الرحله
ومن بيروح ومن مب رايح
والي يتحلطم على كلامها مو عاجبه والي متحمس للرحله
وعند روان .. قاعده بروحها وتتحلطم على كلام المديره
روان : والله حاله قال مانبتعد عن المدرسين قال
هع والله لا استكشف المزرعه
بكبرها شبر شبر خخخخ
فجـــأه !!! واحد من الي وياها بالفصل
.... : اااه ياقلبي ليش اتعذب انا هالكثر .. ليش ماتعطيني وجه ياحلوه
ليش كله قاعده بروحج
روان : هيي انــتتتت شتبي هااا صج ماتستحي على ويهك
روح عني احسن لك لا والله بشتكي عليك
تراك مللتني كلــيوم هذي سالفتك
.... : دام تعرفين اني احبج وكل يوم هذي سالفتي
ليش ماتعطيني وجه عيل ؟؟
روان : لانك قليل ادب وماتستحي على ويهك
ويبيلك كففف صج من قال شيــــن وقوي عيـــن
... : معله يا روان الايام بيننا وبتجوفين
روان : رووح زييين ويهدد بعد ولد امه
_____________________________________
نرد لورى شــــــوي عند زياد
ما بقى مستشفى ما دور اخته غزلان فيه
وصل عند اخر مستشفى نزل من السيارة متوجه عند بوابة المستشفى
فجأأأأأأة !!!! ... رن تلفونه
زياد : الووو
المدير : السلام عليكم
زياد : و عليكم السلام آمر طال عمرك
المدير: زياد ترى الطياره الي عليها الاشخاص
الي يحملون البضاعه على وشك الوصول .. وابي الاوراق
الي فيها بياناتهم والأثباتات وين حاطهم ؟؟
توهق زياد : هااا ؟؟؟
المدير : زياد انت معاي !!
زياد : اي معاك معاك و الله صارت لي مشاكل و مادري وين حطيتهم !!
المدير (بعصبية كبيره ): زياد انت تدري اشقد هالقضية
مهمه وهالعصابه الي نازله
ممكن اتدمر كثير من الشباب
واضن تدري من متى ونحن نراقبهم ..
و انا مابي افصلك من الدوام لان مادري شنو حالتك بس عندك مهلة ساعه بس
لانه الطياره على وشك الوصول
جهز الاوراق و الا اعتبر نفسك مفصول و سكر في وجهه الخط
زياد : افففف شهالوهقة انا القاها من وين و الا وين
راح زياد سيارته و توجه للمطار باقصى سرعه
حق يلحق يجهز اوراق العصابه واذا مالقاهم
راحت كل مخططاتهم الي سووها علشان يكشفونهم ...
قطع سرحان زياد دخول مديره عليه
و اهوة حاط وجهه بين كفينه و يفكر بالمصايب الي براسه
لدرجه اخته مايدري فيها يومين بسبة الشغل
المدير : ها يا زياد عسى جهزت الاوراق ؟؟
زياد ( وواضح على ملامحه التعب ) : اي جهزتهم و سامحني على القصور
و الله ظروفي صعبة و انشاءالله ما تتكرر
المدير : مسموح يا زياد و الله العالم انك مخلص في شغلك
و انا وايد يعجبني حبك لشغلك و اخلاصك له
و كمل : اسف لاني ضغطت عليك بس تدري في امور الشغل ما في
مجال للنقاش كلش وخصوصا هالقضيه
زياد : اكيييد , و توجه لمكتبه و خذ الظرف الي فيه
الاوراق و سلمه للمدير و اعتذر مرة ثانية
يات الساعه 2:00 الظهر معلن انتهاء الدوامات ...
نروح لبيت ام فهد ..
وصلت ريم البيت و النوده واصله حدها عندها .
دخلت البيت جافت مافي احد بالصالة
قالت اكيد كالعادة ما نجوفهم في غرفهم و الا طالعين : افففف شهالبيت الممل
ركبت الدري (الدرج) رايحه فوق لغرفتها جان تجوف الشغالة نازلة من الدري
ريم : ليزا .. وين ماما ؟؟
ليزا : مدام في يطلع برا
ريم : اففف انزين وخري خليني اروح انام و لين
يات الساعه 4:00 قعديني .. تحملي تنسين !!
ليزا : مدام ريم ما يبي غدا ؟؟
ريم : لا لا مابي شي بس بنام
ليزا : اوكي
دخلت غرفتها... كلها وردي بوردي
وعلى جدار واحد الي ورا السرير حاطه وورد بـيـبر ((ورق حائط))
مزخرف بطريقه حلوه
وألوانه مدرجة بكل درجات الوردي ويتخلله اللون الاسود ..
أثاثها راقي جدا السرير كبير يغري الي يجوفه ..
وفيه بلكون تطل على حديقة البيت ..
وجدام البلكون
حاطه كرسي لونه اسود وطاوله صغيره جدامه ..
وعلى جهه فيه ممر
الي يودينا للدرسنق رووم (( غرفة التبديل )) والحمام (( أكرمكم الله ))
بدلت ملابسها و قطت بعمرها على السرير و نامت ...
العصر الساعه 4:00
دخلت ليزا غرفة ريم تقعدها ..
ليزا (( واهيا تصارخ )) وتسكر المكيف وتفتح الستاير : مس ريم مس ريـــم
ريم و صوتها كله نووم : هاا شتبين
ليزا : قومي الحين الساعه 4:00
فزت ريم من نومها بسرعه و راحت للحمام (و انتو بكرامة )
و خذت لها شاور سريع و طلعت
تحط كريماتها الي ما بعد الشور خخخ
جففت شعرها على السريع ولانه ناعم فما يحتاج تسويه عدل ..
وراحت عند الكبت تطلع لها شي تلبسه
اختارت بنطلون جينز سكني ازرق غامج و تيشيرت بيضا ماسكه على جسمها
عليها شخابيط بالازرق والاحمر والاصفر
وراحت عند المنظره تحط لها شوي ميك اب ..
حطت لها كحل اسوود داخل عيونها وماسكرا
مما ابرز لون عيونهاالعسليه
وحطت بلاشر خفيف وردي و قلوس احمر فاتح
راحت ركض عند الكبت مره ثانيه تطلع عباتها بسرعه
جافت الساعه وابتــسمت من قلب سووت انجاز
مو مصدقه انها جهزت بهالسرعه .. خخخخخ
اتصلت للسواق يجهز السيارة لها و طلعت و ركبت السيارة
و طلبت منه يمر على بيت ريناد حق تروح معاها للمول
_________________________________
عــــند فهـــد الساعه 1 ونص الظهر
جهز شنطته و لبس ملابسه بسرعه بسرعه
لان تأخر على موعد الرحلة الطياره تقلع الساعه 3
طلع من باب شقته و قفلها و طلب له تاكسي و توجه للمطار
كان يحاتي انه الكونتر يسكر و تضيع عليه الرحلة
بروحه ما لقى حجز للبحرين الا بطلعة الروح من امس و اهوة مخلص شغله
بس الحجوزات وايد ضغط عليها
و اهوة كان يبي يرجع بسرعه حق يجوف غزلان و يحط حد لدلعها
منو اهيا حق ما تنزل لي انا فهد ال ...... ،،،
قط افكاره صوت راعي التاكسي ينبهه بالوصول
دفع للتاكسي ، نزل و اخذ شنطته و تم يركض بالمطار
و يحاول يخلص اجراءات السفر
بسرعه حق ما تفوته الطيارة ،
خلص كل شي بوقت قياسي حس بتعب من سرعته
وصل لبوابة الطيارة
و دخل على اخر لحظة
دور على كرسيه وحط شنطته في المكان المخصص للشنط
وقعد على الكرسي وربط حزامه لانه الطيراه بتقلع
_________________________________
وصلو ريم وريناد المول
وتوجهو عند السينما يختارون لهم فلم يدخلونه
ريم : شرايج في هالفلم شكله حلوو
رناد : لا مانبي فلم هندي
ريم : امم اوكي .. عيل شنو فيه بعد
رناد : تعالي خلنا نجوف هذا شكله حلو
ريم : اممم اووكي حلوو عيل ندخله
... : والله الحلو انتي يا حلوه .. وترى الفلم حلوو
انا دخلته بس لانج بتدخلينه بدخله مره ثانيه يااا قمرررر
ريم (( بصوت خفيف )) : صج مايستحي على ويهه صج من قال رزة الفيس
من طبايع التيس .. ونزلت راسها
وسحبت ريناد علشان يمشون من جمبه
ريناد : صبري شفيج انتي ..
ريناد (( وبكل دلع )) : اسفييين .. ومحشوم .. وتفضل ويانا
الولد وعينه على ريم : مشكووره ويالله ناخذ التذاكر
ريم (( بعصبيه )) : ريناد شتسوين انتي شنو يدخل ويانا
وشلونا صلا تعطين هالي مايستحي وجه
ريناد : جووفيه اييننن وسيييم .. وبعدين ليش هالعنف
خليه يدخل ويانا شبيصير يعني
ريم : تمزحين انتي اكيد .. شنو يدخل ويانا شصفته ماهقيتج جذي
ريناد : سكتي بس انتي شعرفج حق هالسوالف
جوفي خليه يدخل ويانا واذا ماعجبج الوضع نطلع
ريم : مستحييييل
ريناد (( واهيا تغمز حق الولد انه ماعليك منها )) : اووف اوكي
خلاص اخوي مايصير تدخل ويانا .. وتاشر له بدون ما تدري ريم
انه يدخل وياهم بس بدون ما تحس ريم
الولد : اوكي عيل
خذو التذاكر وراحو يشترون لهم نفيش وببسي
ودخلو السينما وقعدو على كراسيهم
وفجـــأه !! على بداية الفلم
ماحست ريم الا والولد نفسه يقعد يمها
همست حق ريناد : اشفيه ذي مايستحي مو قلتيله مانبي يدخل ويانا
ريناد (( بكل خبث )) : ايه قلت له وجدامج بعد ..
بس شاسوي شكل الولد حبج
ريم : حبته القراده اوووف
الولد : فديتج والله ماتعرفنا
ريم : انكتم احسن لك لا انادي لك السكيورتي
الولد : لاتنادين السكيورتي ولا شي .. انتي بس اخذي الرقم
واي وقت تبين تكلميني كلميني
ريم (( سافهته ))
الولد : يالله عااد مايسوى علينا
ريم (( هم سافهته )) وريناد غمزت له على انه يعطيها الرقم
واهيا تتصرف
الولد : على العموم هذا رقمي ياحلوه وماطول عليج
حط البطاقه عندها وقام
ريم .. خذت البطاقه واهيا تتحلطم وبتشقها
جااان تسحبها ريناد من يدها بسرعه
ريناد : خببببببببببببله انتي شبتسوين مينونه والله .. خليها عندج
ريم : لا والله وشاسوي فيها .. ليكون مصدقه اني بتصل بس
ريناد : اي وشفيها لو اتصلتي
ريم : مستحيييييييل
ريناد : يالله عااد عن العقد .. انتي جربي مره والله وناسه
وترى صدقيني شكله يحبج من عيونه
ريم : قلت لج ما ابي
ريناد : انزين جوفي انتي حطيها عندج في الشنطه
وفكري وبتحصلي نالي اقوله صح
ريم : بس خلاص اوووف سكتي خلني اجوف الفلم نصه ضاع
خلصو من الفلم وطلعو يتسووقون وريناد ماتم احد ما خذت رقمه
وريم مو عاجبتها تصرفاتها وكل ماقالت حق ريناد شي
ردت عليها : بلا عقد وعيشي حياتج عادي ترى بس اتسلى وياهم
________________________________
الســـاعه 9 مــساءاً
رجعت شهد ((الممرضة))
الى شقتها المتواضعة بعد ما انتهى دوامها في المستشفى
دخلت الشقة و قعدت على الكرسي بتعب
و تمت تفكر بغزلان و حياتها
شهد في داخلها : ااه اشقد هالبنت حبيتها ،
دخلت قلبي بسرعه حسيتها اختي الي ما يابتها امي ..
مسكينة وين راح تعيش ؟ شراح تسوي بحايتها
و اهيا ما تعرف غير اسمها !! .
رجعة بذاكرتها يوم كانت في المستشفى في غرفة غزلان ..
غزلان تصيح بشكل فظيع يــــقطع القلب
شهد : يا حبيبتي يا غزلان بس و الله قطعتي قلبي لا تصيحين
انشاءالله راح ترد لج ذاكرتج و تردين مثل اول و احسن
غزلان ( و اهيا تصييح ): غصبن عني يا شهد
شسوي ما عندي احد اروح له !!
ما عرف احد .. شسوي ؟؟؟ قوليلي شسويي ( اهىء اهىء اهىء اهىء ..)
شهد ( دمعت عينها على حالتها ) : انا راح اساعدج
لا تخافين بس اهدي على شاني ،
اذا صج تعزيني لا تصيحين قلبي عورني و الي يسلمج
غزلان تحاول تهدي من نفسها : انشاء الله بس و الله
مابيج تتعبين نفسج عشاني ، انا راح اتصرف
شهد : لا يا غزلان انا اعتبرتج مثل اختي
و الا انتي مو معتبرتني اختج ؟؟؟
غزلان : الله الشاهد ان لو عندي اخت ما حبيتها مثلج
و قفتي معاي وقفه ما تنسى ...
و اصلن وينهم هالاهل ما يدوروني و لا شي
( و نزلت دموعها على خدها و شهد تحاول تهدي فيها )
انا لازم اساعدها و ما راح اتخلى عنها ،
ارتحت لها وايد و اهيا قريبة مني حيل
على الاقل راح اشاور امي انها تسكن
معانا فترة محددة لين ما القى لها مكان تشتغل فيه
قطع سرحانها و افكارها المتواصلة ... صورت باب الشقة الي تسكر
التفتت لقت امها واصلة من الدوام ،قامت.. سلمت عليها
و ادخلت تغير ملابسها
_________________________________
الســـاعه 11 فليل
هبطت الطياره بسلام في
مطار البحرين الدولي
اخــذ فهد شنطته
وتوجه لبوابة الطيارة علشان
يروح المطار..
خلص تأشيرات الدخول
وطلع من المطار وعلى شفايفه ابسامة
سخريه ..
فهد (( في قلبه )) : يــيــتج ياغزلان
وبراويج منهو فهد ..
فتح مبايله . ودور في قائمة الاسماء
لين ماوصل لاسم الي يبيـه
واتصل فيه ..
__________________________
عند بو زياد
توه كان داخل الغرفه علشان ينام
الا وصوت تلفونه يررن
بو زياد : بسم الله من يتصل هالحزه
جاف الشاشه وصـــــــــــــعق من الاسم الي جافه ..
يالله هذا فهد اكييد يبي يسال عن زوجته
شاقوله الحين
الله لايوفقج ياغزلان
طيحتيني في هالموقف الي مو عارف شلون
اتصرف فيــه ..
ورد على اليلفون : الو
فــهد : السلام عليكم
بو زياد : وعليكم السلام ورحمة الله وبركاته
فهد : شخبارك عمي
بو رياد : نحمد الله يبه .. وانت شخبارك شمسوي
فهد : الحمدالله .. وانا توني واصل من السفر .. واسف على
اني اتصلت في هالوقت
بو زياد : لااا والله ماله داعي الاسف تتصل في اي وقت
.. والحمدالله على السلامه
فهد : عمي انا اتصلت الحين كنت ابي اقولك اني باجر انشاءلله
عقب صلاة المغرب بمر عليكم ابي اجوف غزلان
بو زياد (( متوتر مو عارف شيقول )) : اأأآآ اييي حياااك يبه
فهد : عيل يالله ماطول عليك .. مع السلامه
بو زياد : الله ويااك .
.
.
.
.
نــــهاية البــــارت
انشاءالله يعجـــبكم
نتررك التوقعات لكــم
وانتظرونا في البارت السادس
^_____________^
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مـــرحباا بنااات
البارت السادس وصل
واسفين على التاخير مره ثانيه
البـــــارت 6
مر هالويكند مثل اي ويكند ,, ممل على البعض .. ومفرح لبعض .. ومزعج لبعض اخر
اما عند فهد ..
فكان مقوم الدنيا فوق تحت من تعصيبه و ثورانه
كان قاعد على السوفا الموجوده في جناحه الكبير و الفخم
و حاط يدينه على راسه حاول يهدي من نفسه
و اشلون وصلت الامور لين هالدرجه
تذكر الي صار في بيت بو زياد
قـــام من النوم الساعه 5 المغرب دخل الحمام (( اكرمكم الله )) ياخذ له شور
طلع ولبس ثوب وتم ساعه ينسف الشماغ ...
كان مستانس حده لان بيجوف حبيبة عمره و زوجته
غزلان خصوصا انه ما جافها في الملجه ،
توجه لسيارته اللامبرجيني الحمراء و ركبها و راح المسيد
يصلي صلاة المغرب قبل لايروح بيت بو زياد
... يوم طلع من المسيد جاف الساعه 6 ونص
ركب سيارته وتوجه لبيت حبيبته
خذ عطره و تسبح فيه و قفل السيارة و نزل
وطق الجرس ...
-_____________________
اما في بيت بو زياد ...
بو زياد يصارخ في ويه مرته وولده
على اقل شي , مو مستوعب الشي الي راح يصير لا درى فهد عن غزلان
ما بقى دعوه ما دعاها على بنته
على هالمصيبه الي قطتها فوق راسهم
مرّ الوقت .. سمعوو اذان المغرب
راح اهو وولده زياد المسجد القريب من بيتهم مشي
و زياد كان يدعي بداخله ان يلقونها و انشاءالله فهد ما يسوي لهم
سالفه ان عرف بالي صار ...
وعند ام زياد كانت تبخر البيت عقب ما انتهت من صلاتها
و تجهز القهوة و الحلويات حق الضيافة
وعلى الساعه 6 و ربع
رجع بو زياد و زياد من المسجد و جلسو في المجلس ينتظرون ضيفهم ....
و كل واحد لاهي بافكاره ويفكر شلون يقول حق فهد هالمصيبه
فجأة سمعوو رنه الجرس تعلن وصوول فهد
و مع كل رنه قلبهم يوقف من الخوف
عند فهد ...
كان ينتظر يفتحوون له الباب
شوي و انفتح له
و سلم على بو زياد و زياد و دخل المجلس
فهد : اشلونك عمي
بو زياد : بخير يا ولدي انت شخبارك و شخبار الاهل
فهد : كلهم بخير و انت يا زياد شمسوي
زياد ببرود و هو مو طايق شي اسمه فهد لانه اهو السبب بالي يصير لاخته : الحمدالله
كملو سوالف بسيطة و السؤال عن الحال
و عقب باشر فهد بالسؤال عن غزلان : الا يا عم بعد اذنك تنادي لي زوجتي
ابي اجوفها
بو زياد بتوتر واضح عليه : ااااااآآأااااا يا ولدي انـــــا ...
وينــقل نظره لولده يبي منه يساعده في الكلام
لانه ضــاع الكلام الي كان بيقوله
فهد حس ان السالفة فيها ان : اشصاير يا عمي لا تقول انها رافضة جوفتي ترى هالمرة ما راح اسكت
بو زياد و كره اليوم الي يابو فيه غزلان : انا ما اقصد ما راح تجوفها بـــــس ..
فهد و بدا يعصب : بس !!! بس شنو يا عمي تري بديت افقد اعصابي ؟؟؟
اختصر زياد على ابوه السالفة و تكلم : الي يحاول ابوي يوصله لك
ان غزلان عقب ما وقعت على عقد الزواج شــــــــــردت ،
ووقف و بصراخ فهمت الحيـــــــن !!
فهد انـــصدم صدمة عمره ...
و شياطين الدنيا نطت في راسه : شنوووو ؟؟؟؟؟؟ اياااا الحقيرة اشلووون تشرد !!!!
زياد بعصبية : و الله هذا الي صار
و غزلان من يوم المجة ما بقى مكان ما دورناها
فيه و الحين ما ندري وينها فيه زين جذي ارتحت الحين
اما بو زياد فماله ويه جدام فهد كفايه ان فهد الي رزه و عزه
ووصله لهالمنصب في الشغل
و اخرتها بنته طيحت ويهه ف القاع
فهد بصراخ : هين انااا اراويها و انت
( يأشر على بو زياد ) حسابك عندي بعدين و محد
راح يحل مشكلة الحقيره بنتك غيري
انا اراويها ... منو اهيا اصلن علشان تشرد و ما تبي تتزوجني الواطية
انـــا فهد الــ.. الي الكل يتمناني هذي ترفضني وماتبيني
وكمل : اخخخ بس لو تطيح بيدي
راح تروح فيها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك