رواية لاتمثلين احتياجج لي وانتي بحضن غيري مقزرتها -4

رواية لاتمثلين احتياجج لي وانتي بحضن غيري مقزرتها - غرام

رواية لاتمثلين احتياجج لي وانتي بحضن غيري مقزرتها -4

الساعه 6 الصبح تخدمين أبوج وربعه وتروحين دكان راجو وبعدها تمرين الفرع ., ولمن ترجعين تغنين لهم ., وأدري أنج تحبين الحياكة ., ونعرفين تطبخين عدل ., وأدري أنا طموحج تصيرين مصورة مشهورة وتفتحين أتيلية تصممين فيها أزياء .,

أشواق ( طبعا أنا شرعت حلجي حيل أنصدمت ., من وين يعرف كل هاذا عني ., شكلة ضج كان يراقبني ) : ومن وين يبت كل هالمعلومات عني قمت أخاف منك

علي : ههههه هاذا سر المهنة ماقدر أقولج

اشواق : المهم الي صار انا واحد من ربع أبوي يبي يشتريني بفلوسة ., واليوم ( ماقدرت أكمل دموعي قامت تنزل بغزارة ., ) .. واليوم ., حاول يعتدي عليي ., حتى شوف رقبتي وأيدي فيها آثار شمخ وطق .,

علي ( حسيت بعصرة بقلبي ., كل هاذا يصير لها ) ., : قومي معاي

أشواق : وين

علي : خل نروح المستشفى نطلع تقرير أنج تعرضتي لأعتداء بالضرب ونروح بعدها المخفر نرفع عليه قضية أعتداء وهتك عرض

أشواق : لا لا ., ولي يعافيك ., أبوس ريولك مابي مشاكل مع ابوي وربعه بعدين انا الي راح آكلها

علي : لاتخافين ., انا عندي ظهر ., وانا معاج محد راح يقدر يمس شعرة من راسج ., دامني انا معاج وراسي يشم الهوى لاتخافين من شي من يوم ورايح

أشواق ( مادري ليش ريولي طاوعتة ., مادري ليش قلبي فز له ., مادري ليش قلبي قالي لحقيه بدون لاتسألين ., رحنا المسشتفى وطلعنة تقرير ., بعدها رفعنا عليه قضية ., علي طمني أنا بعد اليوم عادل ماراح يعترض طريجي لانة راح يتم مدة طويلة السجن ., طبعا أنا ماقدرت أردت الببيت ,’ لانة ماراح أتحمل أدش غرفتي عقب الي صار ., أقترح علي أني انام عندهم اليوم بالبيت ., وفاطمة أختة ماقصرت ساعدتني وايد ., يابتلي فرش وعطتني بجامة من بجاماتها ., صج كانت قصيرة بس تفي بالغرض ., نمت نومة عميقة وماحسيت بعمري ,’ )

▪●▪♪▪●▪♪

( بالجامعه الأمريكية )

جراح : جوان ., بس الدين الاسلامي يقولنا حاربوا اعداءكم .,

جوان : جراح أنت شفيك ., يعني المسيح أعداءنا ., بس الله وصانا انا لافرق بين عربي وأعجمي الا بالتقوى ., بعني ممكن في شخص يكون مسيحي بس أحسن من الشخص المسلم .,

جراح : لا نظريتج خطأ ., أثبتيلي شلون

جوان : يعني مثلا ., شخص مسلم ., بس بالاسم مسلم ., لايصلي ., ولا يزكي ولا يصوم , وشخص مسيحي ., يصلي ويساعد المحتاجين ., منو أحسن عند الله .,

جراح : اكيد المسلم

جوان : جراح أنت الكلام معاك ضايع ., شكلك مو قاري القرآن .,

جراح : لا قاريه وخاتمة بعد 3 مرات

جوان : مبروك

جراح : تطنزين يعني

آشلي : مرحبا

جراح : مرحبيتين

آشلي : اممم ., I want to ask u gays if you will present jean party

جوان : أنا سأحضر بكل تأكيد وانت جراح

جراح : لا أدري

آشلي : أرجوك جراح ., اريد ان أرقص معك .,

جراح : ولكن أذا كنتي مصرة سأحضر I don't ;like dancing ><

آشلي : اني مصرة جدا

البارت السابع .,

( بيت بوهوازن )

[دآخِلي نَبض يَحِنُلـَ وْصَآلڪ . . .

[دآخِلي نَبض يَحِنُ لـَوْصَآلڪ . . .

[ دآخِلي نَبض يَحِنُ لـَ وْصَآلڪ . . .

هوازن تكلم روحها : انا مادري لين متى بظل على هالحال ., وحيدة وماعندي سند يوقف معاي ., مشاري وثنيان كل يوم يكبرون جدامي ومطالبهم تزيد ., موقادرة أوفق بين حياتي الشخصية وحياتي المهنية ., آآخ يجاسم شنو حال الدنيا فيك ألحين ., قاعد تتعذب مثل ماأنا قاعدة أتعذب ,’

مشاري : يما شفيج تكلمين روحج صاير شي

هوازن : لا يما ., مافيه شي , يلا روح غير ملابسك ., مابقى شي على الامتحان

مشاري : ولييه ., يما دريتي غيروا teacher الانقليزي مالتنا ., الحين ماراح أقدر أقزرها بالامتحان

ثنيان : صباح النور ماما

مشاري : يا الترف شرف .,

ثنيان : اووه ماما شوفيه شكو يقول عني ترف

هوازن : مشاري شنو هالكلام ., لا خلينة الرجولة لك

مشاري يطلع عضلاته : بذمتج يما مو وحش حدي

هوازن : اي وحش بس خلصنا تأخرنا على المدرسة .,

ثنيان : يما أدعيلي أمس طول الليل مانمت .,

هوازن : الله يوفقك يما ., وانت مشاري أنشاءالله درست عدل

مشاري يطالع ثنيان : اي ., اي يما درست

ثنيان : ههههه ., أصلن أمس طول الليل كان مجابل الكتب .,

...

( مدرسة الرجاء )

قمر : ورود وصل مشاري ., اووهوو ومعاه ثنيان النيرد

ورود : اممم ., انتي شفيج على ثنيان والله يكسر الخاطر ., انا بعرف انتي ليش تتعاونين مع الشباب عليه

قمر : اقول ورود ترى مالي خلقج ., خل أروج أستقبل مشاري

ثنيان : مشاري قمر متحها عندنا ( حسيت قلبي يرجف بكل خطوة تقرب قمر منا )

مشاري : انزين شفيك جذي ويهك تغير لونة .,

ثنيان : انا ., لا مافيني شي ., مشاري موتنسى الاتفاق

مشاري : لا ماني ناسي

قمر ( يماآي شنو هالجمال الا خلقة ربي ) ., : السلام عليكم مشاري

مشاري : أقول قمر بقيت أعرفج على صاحبي ثنيان ترى وايد معجب فيج ومن زمان بخاطرة يكلمج

ثنيان ( أنا أستحيت من قمر مادري ليش ., ويوم مدت أيدها لي عشان تسلم ., ايدي عرقت وايد وحسيت أني متخصبق ) ., : هههه.. هلا

مشاري : عاد ماوصيج عليه

قمر : ويييع شنو هاذا ., لعوزت أيدي ويييع ., مشاري شنو هالاشكال ., انا ياية أسلم عليك تبلشني مع صاحبك

مشاري تل قمر وعلى جنب: بعدين بفهمج الموضوع ., انتي الحين سايريه ومشي الموضوع معاه واليوم أكلمج بليل وأقولج كل شي

قمر : بس مشاري

مشاري : يلا شباب أشوفكم بعد شوي بالقاعه .,

قمر ( ولييه هاذا شسالفتة ., الحين بلشني مع هالاثول ., ويت أنا نسيت ,, اليوم أمتحان الرياضيات ., مادرست ., يووووه ., لقيتها هييهييهييي )

ثنيان يعدل نظارتة : ... درستي حق الامتحان

قمر ( قعدت أتصنع البجي وعلى الطريج ألف فلم على ثنيان ) : أهييأ أهييأ ., ( قطيت راسي بحضن ثنيان ) : ساعدني ثنيان مادرست أمس

ثنيان ( ولييه أنا شسوي ., أحرجتني ., قطت راسها بحضني ., قمر راسها بحضني ., والله حسيت اني طاير بالعلالي ., ) : بس قمر لاتبجين ., انا راح أساعدج

قمر : صج .,

ثنيان : اي أفا عليج ., أنا راح أحل الامتحان عند لاتحاتين بس قعدي وراي وأنشاءالله كل شي بيكون تمام

قمر ( قلت ابوسة على خدة ) : أمواااح

ثنيان ( يمااااي والله ذوبتني ) : ..

...

( بيت علي )

أشواق ( بطلت عيوني ., شفت نفسي بفراش مو فراشي ., ولابسة ملابس مو ملابسي ., فزيت وكنت حدي خايفة ., بعدها تذكرت ., اي هاذا بيت علي ., ولييه ., ابوي أذا ماشافني بالبيت راح أروح فيها ., خل أرد البيت أحسلي )

أشواق ( طلعت من بيت الجيران ورحت ركض في بيتنا ., فتحت باب البيت ولا أشوف أبوي ناطرني ., أول مرة أحس أنا مهتم فيني ., معنه عطاني كف محترم بس حسيت هالكف من خوفة عليي ., بس الصدمة انا الكف مو عشان ماكنت بالبيت ., الكف كان لاني دخلت رفيجة عادل السجن )

أشواق خايفة : ييي ...يباا

أبو اشواق قرب منها وعطاها كف قوي : أيا قليلة الادب صج ماعرفت أربيج

أشواق : يبا ., أنا ., كنت نايمة عند رفيجتي

ابو أشواق : بعد نايمة برا البيت

أشواق : يبا شفيك

( قرب مني وعطاني كف ثاني وقعد يطقني ., وانا ليلحين موفاهمة السالفة )

: يبا شفيك .,

أبو أشواق : انتي شلون تشتكين بالمخفر على عادل رفيجي فشلتيني جدام الريال ., صج ماعرفت أربيج

أشواق : يبا حاول يعتدي عليي .,

أبو أشواق : وخير يعني .,

أشواق : يبا أقولك بيعتدي عليي ., تعرف شنو يعني يعتدي عليي .,

أبو أشواق : تستاهلين ., كلمج بالطيب مانفع معاج ., مالقة الريال جدامة غير هالطريقة

أشواق ( لا ., مو صج ., ودي أجذب أذوني ., ودي يكون الي سمعته حلم مو علم ., خل أطق روحي كف يمكن أصحى ., لا ليحين أبوي واقف جدامي ., مالقيت جدامي ألا أصارخ بأعلى صوتي ) : يبااا ., أنا بنتك والله بنتك ماني عدوتك .,

بو أشواق تلها من شعرها : جب ولا كلمة ., ألحين جدامي تروحين المخفر تسحبين القضية ولا والله اليوم دفنتج على أيدي ,

أشواق ( جبرني أروح أطلعة من المخفر ,’ جبرني أني أعيش بخوف وقلق ., طلع عادل من المخفر ولا كأنة صار شي ., انا مظلومة ., ربي ياخذ حقي منة ., ربي ينتقم منة ومن كل ظالم ., آآآخ مالي غير ربي أشكيلة ., يارب ساعدني وعيني على الي أنا فيه )

...

{ تـګـفففَىَ..~ !

يْغيبْالـْګـوْنْ "

وَالْنَآ آ آ سّ ~

إلآ آننتْ !

* لآتَتْـــــــرِګْآلّلّيْ صِرْتْ تسّوَ وَ وَ ىَ ـآإحَ ـيآإتَـهْ ~

علي ( قعدت من النوم رحت أتطمن على أشواق ,, بس ماكانت بغرفتها ., أكيد ردت البيت , نزلت الصالة أتريق ., أمي كانت مجهزة الريوق وتأخرت على دوام الجامعه )

علي : صباح النور

أم علي : صباح الورد .,

علي : يما وين فطوم يلا تأخرت على المحاضرة عشان يمديني أقطها المدرسة وأروح الجامعه

ام علي : نازلة ., تعال علي أنت أمس نايم بالملحق

علي ( توهقت ., ولييه شوداها الملحق الوالدة ) : هااا ., اييه ., قصدي لا

أم علي : شنو اي قصدي لا

علي : يعني قصدي أمس واحد من الربع مسكين متهاوش مع اهلة فقالي ببات عندكم بالبيت وفشلة أقولة لا .,

ام علي : عفية عليك يما هاذا السنع .,

علي : فطووم يلا .,

فاطمة : كاني كاني ., اووف بس تصارخ .,

علي : أخرتيني .,

...

( امريكا ., لوس أنجلوس )

جوان ( واي ياريت جراح يحس بحبي له ., والله أحبة يارب عطني الشجاعه اني أقولة بلي في قلبي ., انا اليوم لازم ألبس وأتكشخ يمكن يلتفت ويطالعني ., اممم خل اشوف شنو ألبس ., شنو ألبس , لقيتها ., بلبس هالنفنوف الاسود القصير وبحط برونز ., جراح أحسة يحب السمر ., يما فديتة والله ., اووف بعدين هاذي آشلي جنها تأخرت قالت بتزرق من بيت أبوها ليلحين مايات خل أجق عليها )

آشلي : omg . please god help me ><

جوان : اوووف .,

جرس البيت طق

جوان : هاذي أكيد آشلي خل أروح أبطل الباب .,

جراح ( وقفت عند الباب أمثل شلون بعطي الورود لها ., قعدت آخذ بروفات لين بطلت الباب ., أحم أحم ., وكل ساع أنزل على مستوى الارض وأبوس الهوى يعني جني ابوس أيدها وأقولها هل ممكن ترقصين معي ياحلوتي ., ولا تبطل الباب جوان وانا أقوله I live u ><

جوان ( امبييه شكلة وايد حلوو أينن ., أحبك ., اي قالها ., وماسك الورد بيدة ., ماني قادرة أنطر اللحظة الي يقولي فيها أحبج ., ) : ههههه ., ., حياك جراح

جراح ( ويهي قام يقلب ألوان ., فشلة شافتني جذي شنو بتقول عني ألحين ) : هههه لايكون شفتيني وانا أمثل .,

جوان . : هههه ., ليش قاعد تمثل ., يتحول تخصص تمثيل وأخراج

جراح : هييهييهيي يملقج ., قاعد أجرب شلون بعطي آشلي الورود اليوم بالحفلة ., خو تدرين آشلي مشهورة بالجامعه وراح تختار ملك الحفلة ., أيباا وباجر صوري بتنتشر بالجرايد ., وأصير مشهور يقولون أنا البوي فريند مالها

جوان ( حسيت بخيبة أمل ., للحظة وحدة حسيت أنا هالكلام والتمثيل كلة لي ., جراح ماعندة أحساس أنسان عايش على الله ., شخصيتة بسيطة ., مايحب الا نفسة مافكر بغيرة ., أناني ,’ أناني ., ياريت مخطط حق هالشي لي حتى لو كان بيمثل ويجذب علي راضية ., راضية ,’ بس بسمع كلمة أحبج طالعه من حلجة )

لانـه غيرّ .. [ كسرنيَ.. ]

بكـﻵمه ﻵجَل يرّضي غُرور الغَير ..

ولاني غير .. [ تبسمّتَ.. ]

وجمعت الي طاح منّ عيَني وقلت ..

~ { .. حصل خير !!

......... حصل خير !!

جراح : امممم ., شفيج جوان سرحتي وين رحتي

جوان : هاا ., لا مارحت مكان .,

جراح : وين آشلي ليلحين ماوصلت .,

جوان : اي ليلحين ., بس شكلها على وصول .,

...

( قاعه الامتحان ., مدرسة الرجاء الخاصة )

هوازن ( دخلت قاعه الامتحان وكنت مراقبة على الصف , أنصدمت من الي شفتة ., أنصدمت صدمة عمري ., الدنيا صج دوارة ., أولا طلعت أدرس عيالي بدال المس الي عطوني صفها ., يعني الله يعيني على الشقى مع مشاري وثنيان ., والصدمة الثانية كانت يوم قريت اسامي الطلاب طلع ..... )

...

نهاية البارت السابع ,’

اتمنى عجبكم .,

رايكم وتوقعاتكم .,

البارت الثامن .,

...

( قاعه الامتحان ., مدرسة الرجاء الخاصة )

هوازن : gays when I call your name please say yes .,

فاطمة جواد .,

فاطمة : نعم

هوازن : خالد خلف

خالد : نعم

هوازن : مشاري سعد

مشاري ( أنا كنت حاط راسي على المكتب وماكنت منتبه ., بس هالصوت أنا أعرفة ., ولييه هالصوت الي كل يوم يقعدني من النوم ., رفعت راسي ولا تطلع الوالدة المدرسة اليديدة ) : هاااا

هوازن : مشاري ., لمن الابلة تناديك ماتقول ها تقول نعم

بطرف ثاني .,

ثنيان ( تأخرت على الأمتحان ., لو موداخل الحمام ماكانت هاذي حالتي ., دشيت الصف ولا الوالدة بوهي ., أنصدمت شالسالفة ., خزتني بنظرة عشان ماتهور وأناديها ., الظاهر اهيا المدرسة اليديدة , )

هوازن : ثنيان ليش تأخرت ماتدري أنا في أمتحان الحين

ثنيان ( بققت عيوني ) : سوري مس

هوازن : الله يعيني عليكم ., سارة محمد

سارة : نعم

هوازن ( الاسم الي بعدة ., اي هاذا الاسم الي صدمني ., تنحت قبل لاأنطق فيه مدة ., تنحت ., ومايتلي الجرآة أني أنطق فيه ., وبعد تفكير نطقت فيه )

: قمر جاسم المهناز

قمر بدلع : نعم

هوازن : انتي بنت المهناز

قمر بغرور : اي نعم .,

مشاري : والكوبة .,

هوازن ( معقولة تكون بنت جاسم ., ويلاه ويلاه ., نزلت دمعتي على خدي ., أنا شفيني خل أتماسك ., لا يشوفوني شيقولون عني ., مسحت دموعي وكملت ) : ok every one start your exam and please don't cheat I have eyes every where and I can see you

...

مشاري يهمس حق ثنيان : بسسسس ثنيان

ثنيان بصوت واطي : خير

مشاري : لاتنسى تحل بسرعه وتحل أمتحاني معاك

ثنيان: اووف خير بس ألحين خلني أركز بالامتحان

قمر تهمس حق ثنيان : بسسسسسس ثنيان

ثنيان ذاب : يمااآآ

قمر : لاتنسى تحل وتحل أمتحاني وراك

ثنيان : من عيوني

ثنيان ( طبعا أنا حليت الامتحان بسرعه ., وبعدها بدلت ورقتي مع مشاري وحليت أمتحان مشاري ., وعقب ماخلصت بدلت ورقة مشاري مع ورقة قمر ., وحليت أمتحانها ., وجذي أديت مهمتي بنجاح ., بس أنا كنت شاك ., امي كانت ملاحظة بس سكتت ., الظاهر بتمشي الموضوع )

...

ثنيان (بعد ماخلص الامتحان ., طلعت وانا حدي فرحان ., قمر كانت ماسكة أيدي وطول اليوم كانت يمي ., حسيت أني مميز بهاليوم ., حسيت أني فوق لغيوم ., والفضل كلة حق مشاري., )

قمر : ثيوني ., مشكور لانك حليت الامتحان

ثنيان : ولو قمر

ورود : ها شسويتوا بالامتحان

ثنيان : الحمدالله

ورود ( هاذي قمر شتبي ماسكة الريال جذي ., أمس ماخلت كلمة ماقالتها عنة والحين ., سبحان مغير الاحوال ) : اقول قمر شرايج نروح الكفتيريا

قمر : لا اليوم بقعد مع ثيوني

ورود خذتها على جنب : قمر أنتي شسالفتج شعندج مع ثنيان

قمر : مادري ., هاذي أوامر عليا من مشاري ., وانا عليي التنفيذ

...

صالح : هههههه والله أنك مو هين وحل كل الامتحان عنك

مشاري : اي

صالح : وشنو المقابل

مشاري : المقابل اني أظبط قمر له

صالح : كااااك ., من صجة هاذا ., وقمر من قال بتطل بويها .,

مشاري : انت مالك شغل ,’ أنا أعرف شلون أخليها تطل بويها عدل

صالح : أمش خل نروح نتحرش فيه .,

مشاري : اي والله ماكو شغل أمش

مشاري ( ثنيان كان قاعد على الكراسي يحل واجباته ., انا فيني دودة ماأقدر أخليه بحالة أحب أتحرش فيه ., خذيت تلفون صلوح وجثيت عليه ., الخطة كانت اني أدق عليه وأنعم صوتي ., على أساس أنا قمر .,وأتفقنة مع قمر أنها تنطرة بالكفتيريا عشان العموم راح يكونون مناك ., وبعد مايتيمعون الربع ., أقولة بشوفك بالكافتيريا أبي أعطيك بوسة )

مشاري : يلا بوصلوح عطني الفون

صالح : تفضل ., أتفقت مع قمر .,

مشاري : اي ., جمعت كل الطلاب بالكفتيريا .,

ثنيان : اممم ., بس نظرية واحد ماتمشي مه هاذي المسألة ( وانا أحل الواجب ولا يرن تلفوني ,, رقم غريب ,’ ) : اللو

مشاري ( نعمت صوتي حيل ., صار نفس صوت البنات ) : اللووو

ثنيان : هلا أختي منو معاي

مشاري : شدعوة ثيوي ماعرفتني ., انا قمر ., وهل يخفى القمر ههههاااي

ثنيان ( تخصبقت يوم سمعت صوت قمر ماعرفت شرد ., ) : ههه...هلا قمر ., اتي وي رحتي خليتيني بروحي

مشاري: أنا رحت الكفتيريا ., ثنيان تعال الكفتيريا بعطيك بوسة ناطرتك .,

ثنيان : ششنو ., تبوسيني ,, جدام الكل

مشاري : اي جدام الكل ., ليش تستحي أبي الكل يعرف أني أحبك

ثيان : بس قمر

مشاري: ترى أزعل ., يلا ناطرتك ., باااي حبيبي .,

ثنيان ( ماي مصدق الي سمعته قمر تبي تبوسني وجدام الكل ., أنا بحلم ولا بعلم ., مشيت بكل ثقة بالممرات وصلت الكفتيريا وكانت قمر ناطرتني على كراسي الكافتيريا ., وصلت عندها وأا حدي مستحي ., ويهي صار أحمر ., )

قمر : هلا حبيبي ., تعال قرب خدك

ثيان ( قربت خدي منها ناطر البوسة ., بس قمر بدال ماتبوسني عطتني كف على ويهي كلش ماأنساه ., )

قمر : ياقليل الادب ., ( أنا ماكان لازم أعطيه كف ., كان لازم أفشلة وأكت على راسة الماي ., الكل أنصدم من تصرفي وخاصة مشاري ., وبرقع الموضوع رحت ركضت عند الابلة وقتلها أنا ثنيان يتحرش فيني وقالي بعطيج بوسة ., )

برب للتكملة ..,

ثنيان ( حطيت أيدي على خدي وحسيت بحرارة الكف الي عطتنياه قمر ., حسيت أني صغير ., نزلت كرامتي بالارض على شنو ., طلعت من الكفتيريا ورحت الحمام ., سكرت باب الحمام وقعدت أبجي ., بجيت نفس اليهال ., مشاري وصلوح والشباب لحقوني الحمام وطاحولة ظقاط فيني ., )

صالح : كاااك ., انت والله مصدق عمرك يبا هاذي قمر ., شعبالك بسهولة بتييب راسها

مشاري : جم مرة معلمك وقايلك لا تحب بنت ., أنت ويهك مو ويه حب .,

محمد : كاااك بس والله الكف قوي ماأنساه

مشاري : قوم يالدعلة روح أعتذر منها لايعطونك فصل

ثنيان ( كنت قاعد أبجي نفس البنات ., ) : انتوا شتبون ., وخروا عني

مشاري قرص خدي : أسم الله ., قوم أعتذر من البنت ., ترى الادراة متحلفين يفصلونك

ثنيان ( أستسلمت للوضع وتأسفت من قمر ., انا ماكنت غلطان بس كنت غبي ., الانسان أذا صار طيب مثلي زيادة عن اللزوم الكل يدوس على راسة ., )

تعبتْ وما صِدَقْ حَظي وفوق الهمأشيل الهم

صغيرٍ في العمر آنا ... وكبيره حيل مأساتي

محدْ يدري عن أخباريمحد في دنيتي مهتم

وحيدْ أمشي مع همِّي وكبيرْ الحزْن في ذاتي

...

( كلية الاعلام )

▌¦ هڪذآ هي آلـפـيآة ’

▌¦ حلم يتحقق و حلم يتعثر:

▌¦ و تبقىےآحلآمنآعـقيد آلآنتظآر♪..

علي ( وصلت الكلية وكان تفكيري كلة بأشواق ., شلونها الحين ., شنو تاكل ., شنو تشرب ., مرتاحة ., متظايقة ., ولا يقطع حبل أفكاري صوت دلال تناديني من بعيد ., ولييه ., مالي خلق كلش أجامل هالبنت )

دلال : علآوي ., علآوي

علي : هلا ., هلا دلال .,

دلال : انت وينك تأخرت اليوم على المحاضرة ., وكنت سرحان شلسالفة ., ترى الدكتور قالي أكلمك ., قالي شوفي شنو سالفتة

علي : ايي ., أنتي متأكدة الدكتور الي قالج شوفي علي شفيه

دلال أنحرجت ., : علي شرايك أعزمك على كوب قهوة

علي : مشكورة دلال بس مو ياي بمزاجي أشرب قهوة

دلال : امم ., انزين شرايك ناكل تشيز كيك ., انت وايد تحبة .,

علي : دلال مو مشهي شي .,

دلال : علي شفيك ., عسى ماشر ., انت صاير معاك شي .,

علي : أعتقد هاذي خصوصيات وانا ريال ماحب أحد يتدخل في خصوصياتي .,

دلال : آسفة علي

( أنا هالريال ودي أفهمة ., مادري ليش يعاملني بهالطريقة ., شفيه ., ليش موراضي يحس فيني ., أمبييه ., لاتقولين انج تحبين علي ., لا لا علي مجرد صديق لا أكثر ولت أقل ., )

تبيهآ لعبـﮧ آهمآل؟

..............ترآني حيييييل آضبطهآ..’

...

( بالقاعه )

علي ( أنا لازم ألاقي طريقة أتطمن فيها على أشواق بكل وكت ,’ بس شلون ., امم أخاف أشتري لها تلفون وأبوها يطيح عليي ويسويلي سالفة ., لا ماعتقد أبوها سكران طيبنة مايدري عن نفسة أصلن ., خلاص لازم أخلي طوم تزورها بالبيت عساس رفيجتها ., منها تطمني عليها ومنها تعطيها التلفون ., خل أدز حق فطوم بي سي ., أكيد فوها معاها )

علي : فطفط

فاطمة : عليوي فظحتني أنشاءالله ماتكلمني وانا بالمدرسة ., ماكنت محولة تلفوني صامت زين الابلة ماأنبهت

علي : ههههه محد قالج تاخذين فونج المدرسة ., المهم أبيج بموضوع

فاطمة : وماتعرف تأجل الموضوع لي البيت

علي : لا ماقدر .,

فاطمة : شنو هالموضوع

علي : اليوم أبيج تزورين أشواق بيتهم وتتطمنين عليها ., وبعطيج تلفون توصلينة لها عشان أكلمها منة

فاطمة : لاا مومن صجك ., عليوي تبيني أروح بيت السكير مينونة أنا .,

يتبع ,,,

👇👇👇