رواية انت الوحيد اللي ماسكن في القلب غيرك -6
(البارت 13)
في المستشفى
الدكتور:لو تاخرت دقيقة قد تخسرها
رعد:وش في يادكتور
الدكتور:نسبة السكر ارتفعت جدا
رعد"سكر؟؟؟":طيب كيفها الحين
الدكتور:لقد خفظنا لها السكر والان هي نائمة
رعد:شكرا لك يادكتور
دخل رعد غرفتها وجلس يتامل ملامح وجها
اسيا:ماما ماما
رعد:اسيا انا رعد
اسيا:ابي ماما
رعد:اسيا امك ماتقدر ولية تقولين لي خذتي الدواء وانتي ماخذتيه
اسيا:ابي اموت وافتك منك
رعد :بلا كلام فاضي ويالله بوديك احلى مطعم هنا
ا سيا:مابي رجعني عند امي ولفت الجهه الثاني يعني زعلانه
رعد"بزر ههههه"وجا وباسها
اسيا:وع وخر ياوسخ
رعد:انا وسخ
اسيا:ايه
رعد:لو ماكنتي في المستشفى كان وريتك الوسخ
اسيا"الحمدلله احنا بالمستشفى"
رعد:يالله البسي خلينا نطلع
طلعوو بعد ماتغدو لسوق
دقت منال على رعد وجلس يكلمها ويمشي نسى اسيا
اسيا:يمة وين راح رعد رعد
الشاب: اختي انتي ضايعة
اسيا:يمة من انت
الشاب:انا خالد ممكن اوصلك
اسيا:انا جالسة ادور زوجي
خالد:انتي متزوجة
اسيا:أي
خالد : اها اجل تعالي ندور عليه
وكانو يمشون يدورون على رعد
رعد :منولتي يالله باي
رعد يدور اسيا:وين راحت ويلف ويدور عليها ولقاها ججالسة على كرسي ومعها واحد يعطيها موية
وراح لها ركض
رعد :وين كنتي
اسيا :انت اللي وين كنت
رعد :لا والله انا ولا انتي
اسيا:انت انشغلت بالحبيبة وسرت تمشي بسرعه
خالد:انا استاذن مدام لقيتي زوجك
رعد:ومن ذا بعد
اسيا:هذا خالد كان يدور معي عليك
رعد:ماشاء الله وعرفتي اسمة كمان
اسيا :ايه على الاقل جا ساعدني مو مثلك
رعد :قومي امشي البيت دام النفس عليك طيبة
اسيا :اووف
في البيت
رعد :خذي دواك
اسيا:مالك دخل
رعد يجي يمسكها من شعرها :لي دخل ونص
اسيا : لو سمحت فك شعري ماسمح لك
رعد : ومن انتي عشان تسمحين لي
اسيا :اسيا بنت نايف ال........
رعد :اقول قومي خذي دواك ماببي ابتلش فيك
اسيا:كيفي ماني ماخذته خلني اموت وش عليك
رعد"مجنونه انتي تموتين وتخليني":بلا عبط وروحي خذية
اسيا دخلت المطبخ وطلعت لها 2 توكس و3مالتيزر و3كت كات و2كولا
وجت حطتهم فوق الطاوله حقت الصالة وجلست تاكل التوكس وتشرب كولا
رعد :هي انتي بترفعين سكرك
اسيا:كيفي
رعد اخذهم وراح المطبخ يركض
اسيا:رعععد جيبهم
رعد :مابي ويمد لسانة
اسيا تروح تركض علية
رعد يرفع الجلكسيات بيده
اسيا:جيبهم
رعد:تبينهم تعالي خذيهم
اسيا بدلع :رععد جييب
رعد : نو نو
اسيا تنقز تبي توصل لهم يجي رعد ويشيلها
رعد :نو تبين تموتين روحك
اسيا : رعد نزلني
رعد :لا
اسيا :رععد بروح اخاذ دواي
رعد :اللحين بتاخذينه
اسيا :ايه
رعد وهو مازال شايلها وودها الغرفة
جلسها بحضنه:دواك باي شنطة
اسيا:بالدرج
رعد يطلعه ويعطيها : يالله خذية
اسيا توخر من حضنه:طيب بروح اجيب موية
رعد يسحبها له :هاذي موية
اسيا تشرب ويجي رعد ياخذ الموية ويشرب منها
اسيا : هي حقتي
رعد :يحضنها و................................................. ....................
وهم نايمين يدق جوال رعد خذة وشاف انها منال اسيا كانت بحضنة وشافة الاسم ووخرت من حضنة رعد حطة صامت وقفل الجوال وسحب اسيا لحضنة
رعد:لية وخرتي
اسيا :عشان تكلم براحتك
رعد:وانا معك مايشغلني شي عنك
اسيا:حتى منال
رعد: حتى منوول
اسيا :لادلعها قدامي
رعد يهمس باذنها:تغارين
اسيا :اية
المهم بعد اسوبعين هادييين
عند فيصل ولجين
لجين :فيصل تعال بسرعه
فيصل :لحضة ياقلبي
دخل فيصل الصالة لقاها مليانة بالونات وشموع
فيصل:الله شو هذا
لجين : هابي برذداي فصوولي
فيصل :وش دراك
لجين:انا جوجو كيف ماتبيني اعرف عن فصولي حبيبي
(البارت 14)
بعد ماحتفلو وخلصوو
لجين خذت لحافها عشان جتها العلة
فيصل :وين رايحة
لجين :بنام
فيصل:السرير هنا
لجين :مابي
فيصل :نعم وش ماتبين
لجين :احم مابي وخلاص
فيصل:اجل برى
لجين:ايش
فيصل:برى
طلعت لجين تبكي
ونامت بالصالة
بالصبح قامت ودخلت الغرفة تسبحت ولبسة جلابية مخصرة لونها عودي وذهبي ورشت من عطرها وحطت قلووس
وهي بالمطبخ سوت لها كوفي وخذت قطعة جلكسي وراحت فتحت الاب توب لقت جنا
وجلسوا يسولفون حتى الساعة 2 الظهر
قام فيصل وتسبح وطلع من الغرفة شاف لجين ماسلم ولا شي مر من جنبها وطلع
وهي كانت تكلم جنا بالكام وجنا شافت فيصل وهو مار وطلع
جنا:جوجو هذا فيصل
لجين :هاه ايه
جنا:كانه تعبان ا وفية شي
لجين:لالا بس طلع يجيب غدى يالله اكلمك بعدين باي
جنا:باي
فيصل طوول وهو برى
ولجين:يووه وين راح اقول انا جعت بروح اسوي لي توست
دخل فيصل ولاسلم ولاشي جت لجين الصالة الا تشوفة ويطيح الصحن خافت مانتبهت له وهو يدخل
فيصل:شايفة جني
لجين ماردت كانت متضايقة من طرده لها امس
جت تشيل الاقزاز وحطتة بالسلة المهملات و تنجرح يدها
وتنزل دموعها وتروح تركض الغرفة
فيصل: اشبك
لجين دخلت تغسل الجرح وطلعت تدور على ضمادت جروح مالقت
قامت خذت منديل ولفته علية وطلعت
فيصل:لجين ايش فيك
لجين ماردت علية اعطته نظرة سكتته
وراحت تجلس بالشرفة(البلكونه)
جلست على الكرسي وخذتها نومة
فيصل:جا العشاء وهي لسى نايمة لا يكون فيها شي
فيصل:جا عندها:لجين
لجين فزت(ارتجفت) :نعم
فيصل:قومي صلي المغرب والعشاء طافوك وخلينا نطلع نتعشى
لجين"يووه وش اسوي الحين"احم ماصلي
فيصل:ايش
لجين:معذورة ماعلي صلاة
فيصل:اااا
لجين :عشان كذا طردتني امس وما خليتني افهمك
وتنزل دموعها وتروح الغرفة تركض
فيصل يضرب على جبهته:صدق اني غبي
وراح الغرفة لقاها واقفة على نافذة الغرفة جاى حضنها من ورى وهمس لها :اسف ياقلبي ماكنت ادري سامحيني
لجين :مفروض تسال مو تحكم على طول
فيصل :خلاص ياقلبي وهذي بوسة
ها رضيتي
لجين :مستحيل ازعل منك
فيصل:فديتك يالله نروح ناكل ماكلتي شي ياقلبي
مر الاسبوع بسلام وجاء موعد الطيارة لرجوع للسعودية
وصلو (فيصل و لجين) كان بنتظارهم بدر
بدر:الحمد لله على سلامتكم
لجين وفيصل:الله يسلم غاليك
بدر:والله ولكم وحشة
لجين :هههههه اكيد انا جوجو مو حي الله
راحو عند اهل لجين اول وسلمو علييهم بعدين لاهل فيصل
وهم ببيتهم
فيصل: وش رايك
لجين :ماشاء الله ذووق
فيصل:هذا زوجك مو حي الله
لجين :وي فديته والله
فيصل يحضنها وباسها :اه ياقلبي عليهم و.............................................
عند رعد و اسيا
وصلوا وراحوا يسلمون على ام اسيا
واللحين هم بالسيارى بيروحون لبيتهم اللي هو بيت اهل رعد
رعد :اسيا ترى بتسكنين هنا مع اهلي لنا جناح فوق وقت ماتبين تنزلين لاهلي انزلي
اسيا:ايه زين عشان اذا رحت لنسرة الاقي حد يونسني
رعد :احترمي نفسك ماسمحلك
اسيا "اسكت لاني لو تكلمت مابيفكني"
دخلوا وسلمو على الكل
رعد :يالله احنا بنطلع نريح
ام رعد :روح يمة تصبح على خير
رعد & اسيا :وانتي من اهل الخير
في اليوم الثاني
ابو رعد : رعد قول لمرتك ان بعد يومين بنسوي عشاء بالاستراحة وخلها تعزم اهلها كلهم
رعد :طيب يبة ومنال
ابو رعد : حتى منال
في جناح رعد
رعد :اسيا بعد بكرا بنروح الاستراحة كلمي اهلك كلهم
اسيا :ولله وناسة يالله بروح اكلمهم
رعد :انا بنام اليوم عند منال
اسيا:طيب سلم عليها
رعد"غريبة":طيب
اسيا كلمت اهلها كلهم
لجين تكلمها بالفوون:سوسو تقدرين تجين عند امي احنا كلنا هنا
اسيا :والله وناسة بس رعد مو في البيت
لجين :متى بيرجع على المغرب كذا
اسيا:ههههه لا بينايم عند النسرة
لجين :جعلها الماحي اللي يمحيها من على وجه الارض
اسيا :هههههه
لجين :كلمية ووشوفي
اسيا:طيب يالله باي
تدق على رعد وترد منال
اسيا:اللووو
منال:خير
اسيا:وين رعودي
منال:مالك دخل
اسيا :عطيني اياه بسرعه
رعد :منوولي مين بالجوال
منال:هاه محد
اسيا :عطيني رعد بسرعه
منال تقفل بوجهها
رعد جا ومسك جواله وشاف المتصل اسيا:ليه ماقلتي انها هي
منال:كذا ماشبعت منها شهر
رعد :ولو افرضي اهلي فيهم شي
ويدق عليها
اسيا:نعم
رعد :اسيا وش بغيتي
اسيا:ابي اروح بيتنا اهلي كلهم هناك
رعد :طيب روحي مين بيوديك
اسيا:مدري بكلم لجين ترسل السواق
رعد :طيب انتبهي على نفسك
اسيا :يمكن انام هناك
رعد :طيب
اسيا :شكرا
رعد :لاعاددي
قفلت وراحت عندهم
جلسوو يلعبوون لعبت سوال او حكم(لعبتهم المفضل دايم يلعبونها )
اسيا:انا بدور القارورة
لجين :يالله ويجي على حسن واسيا
اسيا:سوال ولا حكم
حسن : حكم
اسيا: قوم ارقص
حسن :لالالا خير
اسيا:قووم هذا حكم
ويدق جوالها الا رعد
اسيا"يووه وش يبي":الوو
رعد:انتي عند اهلك
اسيا:يمة ايه
رعد :دواك خذتية
اسيا:يب يب
رعد :متاكده
اسيا:وش رايك
رعد:وش هاذا الازعاج
اسيا:هههههه هي اسكتوا ازعجتو رعد
الاكل:مالك دخل
اسيا:ههههههههه
رعد"اول مرة تضحك "مين هذوول
اسيا:بنات خالي وازواجهم وعيال خالي
رعد :وش تسوون
اسيا:نلعب
رعد :اها يلا ماشغلك
لجين :هي حسن بيرقص يالله شجعوو حسن حسن
اسيا:باي باي بيفوتني نص عمري وتقفل
رعد:حسن؟ حسن معهم
في اليوم الثاني
قامت اسيا الساعة 1:30ولبسة جلابية بنية مع نقش سكري يجنن حطت قلوس وكحل ونزلت
اسيا:سلام بابا & ماما
الاب:هلا يبوك تعالي افطري
جت جلست مععهم
الام:تبين حليب ولا شاي
اسيا:مممم لا هاتي شاي
ترررررررررررن ترررررررن(الجرس)
الام:قومي شوفي
اسيا:من عيوني
وقامت تفتح الباب الا يطلع
يطلع
يطلع
يطلع
يطلع
(رعد)
اسيا:رعد
رعد:ماشتقتي لي
لكم حرية التوقع اللي تبوون :
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(البارت 15)
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك