رواية قلوب تتراقص على انغام الالم -65
جلست على طرف السرير:أي صباح الساعة ثنيتين الظهر ..
اتسعت ابتسامته:أدري بس ما أحب يمر يوم من غير ما أصبحك ..
جوري:اهاا .. طيب صباحك سكر ..
نواف:عساك ارتحتي فـ السرير .. أكيد وجعك ظهرك قاسي شوي ..
جوري:بالعكس .. ارتحت كثير يكفي إن ريحتك فيه ..
نواف:بعد عمري و الله ..
ابتسمت من جديد بكل خجل:موب جاي ..
نواف:إلا أكيد ؟؟ بس للحين ما جلست مع دلال ..
جوري:توقعتكم تفاهمتوا أمس ..؟!
نواف:لااء .. وصلنا للبيت قالت تعبانة و بتنوم .. و أنا مهدود حيلي من الطريق ..
جوري بكل لوم .. و تحاول تبعد عن سالفة دلال:قلت لك احجز فـ القطار مرة ثانية بس ما طعتني ..
نواف:ما شفتي الحجوزات كلها زحمة و اللي فاتتنا الإثنين ما فيه غيرها إلا الأربعاء و الكل مجتمع أمس عشاننا ..!
زفرت بكل ضيق:خلاص اللي صار صار .. يا لله حبيبي أنا بسكر لأني قلت لريم بلحقها و ما أبي أتاخر ..
نواف:طيب حياتي .. نص ساعة بالكثير و أكون عندكم ..
جوري:إن شاء الله حبي ..
.._.._.._.._.._..
ريناد بكل لهفة وشوق:وينك حبيبي أشغلتني عليك ..؟!
بسام بكل آسف:و الله موب بيدي .. تعرفين الجوال بعيد عني .. و عادل موب فاضي لي ..
ريناد لكل لوم:بس أنا علمتك على الاتصال السريع ..!!
بسام:خلاص حياتي .. المهم الحين أخبارك و أخبار البيبي ..؟!
ريناد:أنا موب بخير دامك موب حولي ..
زفر بكل ضيق:ما عليه حياتي .. كلها يومين و راجع ..
ريناد:يومين ..!!! .. اووف وش يصبرني ..؟
بسام:ما عليه لما أرجع .. بتعرفين كل شيء و صدقيني أنك بتفرحين عشاني ..
ريناد بكل فضول:ليش أفرح .. أنت وش تسوي هناك ..؟!
بسام:قلت لك لما أرجع ..
ريناد:طيب عمري أخبارك أنت .. وش مسوي هناك و عساك مرتاح ..
بكل راحة:الحمد الله .. عادل موب مقصر معي ..
ريناد بكل غيض:ترا صرت أغار من هالعادل .. تكلمه و تجلس معها أكثر مني ..
بسام و ابتسامته تتسع:تراهم كلهم يومين .. لا تحقدين على الرجال ..
ريناد:لا بكرهه دامه مأخذك مني ..
بسام:ما عليه بكرة تحبينه ..
.._.._.._.._.._..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نزلت من شقتها و هي تلبس عبايتها ..
ابتسمت وعد:على وين القمر رايح ..؟!
ردت لها الابتسامة ليان:بروح أزور أمي و أشوف أخواني ..
أم راكان و هي تنزل الفنجال:سلمي عليها يا يمة ..
ليان:إن شاء الله ..
نزلت وراها:على وين العزم توك جاية و إلا رجلك مأخذه ع الطلعات ..؟!
ناظرت وعد فـ نسرين بكل حدة:يا فتاح يا عليم ..!
نسرين بكل احتقار:خلك على جنب يالبزر ..
أم راكان بكل ضيق:يعني أنتي اللي ما تطلعين ..
نسرين بكل لوم:خالتي ..!!!
أم راكان بكل غيض:على الأقل ليان رايحة لأهلها لكن أنتي كل يوم عند خالاتك و مناسبات ما لها داعي ..
نسرين بكل ضيق:ايه استقو علي .. صارت عندكم مرت ولد ثانية .. و بتجحدوني ..!!
وعد بكل غيض:ثالثة بس تراك صادقة .. بالنسبة لنا ما عندي غير حريم عيال ثنتين بس ..
نسرين بكل حقد:طيب يا وعوود أنا أوريك ..
ليان بكل ربكة:يا جماعة هدو ما تستـ ..
قاطعتها بكل عصبية:أنتي و لا كلمة .. أنتي أساس البلاء فـ هالبيت من دخلتي الكل منقلب علي ..
أم راكان:نسرين .. قصري حسك بوجودي و بعدين ليان موب أصغر عيالك عشان تصارخين عليها ..
ليان بكل إحراج:ما عليه يا خالتي ..
نسرين بنفس نبرة العصبية:طبعا .. أنتي الطاهرة الشريفة .. و البريئة ..
ليان بكل ضيق:نسرين ..!!!
نسرين:ايه .. ايه اطلعي على حقيقتك ..
سحبت وعد ليان من يدها ..:اطلعي بس تلقين راكان ينتظرك على نار ..
ليان:بسسس ..
نسرين بكل غيض:تسكتينها عشان ما تتمادى بس أنا أوريك ..-خلصت كلامها و رجعت تطلع لفوق ..
ليان بكل خوف:كان خليتيني أكلمها ..
همست وعد:هاذي إنسانة مريضة .. يتقعد تجرك فـ الكلام لحد ما تغلطين و عقبها تقلب الموضوع عليك ..
زفرت أم راكان بكل ضيق .. و هي تهمس:استغفر الله العلي العظيم ..
..
نزلت النقاب على وجهها و عيونها كلها لوم لـ وعد ..
طلعت و الضيق يخنقها .. ما تعدوت على هوشات بهالحجم ..!!
..
ركبت السيارة .. و كملها راكان:كان نمتي بعد ..؟!
ليان بكمل ضيق:راكان الله يخليك موب وقتك ..؟!
رجع يهدي نبرته:وش فيك ..؟!
ليان:مرت أخوك نزلت تتهاوش معي و مع أختي ..
زفر بكل ضيق:عسى ما تكونين رديتي عليها ..؟!
ليان:كلمتين بس و سكتتني وعد ..
زفر بكل ضيق و هو يحرك السيارة:الله يستر .. برجع و القى حمد نافخ الصدر و معصب ..
ليان بكل خوف:ليه دايم يصير كذا ..
راكان و عيونه على الطريق بكل تركيز:هي كذا كل ما قامت فترة تهاوشت مع وعد و تعرفين وعد ما تسكت لها .. و تشب حريقة فـ البيت ..
عاد الحين شيء جديد .. أكيد بتفنن فـ الكذب على حمد ..
ليان بكل ضيق:أخوك موب بزر .. و بعدين هي موب أول مرة المفروض يعرف إن زوجته شرانية ..!
راكان:هنا المشكلة .. موب معترف إن زوجته شرانية و كل مرة نسكت حتى ما تكبر المشكلة ..-تنهد بكل ضيق ..
ارتسمت بعيونها نظرة حزن .."أووف من أولها مشاكل .. الله يستر منها شكلها عقربه و موب فاكتني من شرها ..!!" ..
وقف سيارته فـ موقف العمارة .. حس بالتردد يوتر أعصابه ..
جمان و الاستغراب بعيونها:ويننا فيه ..؟!
مياف:هاذي العمارة اللي ساكن فيها أنا .. أنا ساكن بشقة لحالي ..
جمان بكل تردد:يعني أنا وياك بنكون لحالنا ..؟!
مياف بربكة:تقريبا ..
جمان:أكيد فيه غرفتين بالشقة ..
حك رأسه بكل إحراج:أكيد فيه .. بس فيه شيء أبي أقول لك عنه ..؟!
جمان وحيرتها تزيد:وش هالشيء ..؟!
زفر بكل ضيق:فيه شخص فـ الشقة ..
جمان بكل صدمة:صديقك ..؟!
هز رأسه بالنفي:لاء .. وحدة ..
بلعت ريقها بكل خوف:من هالوحدة ..؟!
فرك جبينه بكل توتر .. زفر بكل ضيق .. ما في مجال للتهرب أكثر ..
... :وحدة كنت أعرفها من زمان .. و الحين هي بأزمة و تاركه بيت أهلها فـ سكنتها عندي ..
زفرت بكل ضيق .."دايم تسمع .. عن العلاقات المحرمة .. و عن مواعيد الشباب و البنات .. بس بحياتها ما كانت تصدق أبد ... تحس هالشيء بعيد عن مجتمعنا او بالأحراى ما شافته بمجتمعها اللي يحيط بها ..
زفرت بكل ضيق:فهمت عليك .. أصلا كذا أحسن عشان ما نكون لحالنا ..
ابتسم براحة:يالله انزلي ..
فتحت الباب بكل ضيق .."بشوف الحرام و بسكت غصبن عني مو بيدي ..!"..
.._.._.._.._.._..
نزلت شنطتها و علامات عدم الرضا واضحة على وجهها ..
ابتسمت أختها لها:نورتي البيت ..
خذت نفس و هي تحس بالمكان يضيق بها:شكرا ..
نزلت من الدرج بكل حماس:هلااااااا و الله و غلااااااا ..
نزلت الجازي عبايتها:اقربي نوف سلمي على خالتك ..
قربت نوف و بكل حماس:حيا الله خالتوو .. و اخيرااا ..!
الجازي:بنت .. شوي .. شوي ..
سحبتها مع يدها و جلستها:شكلك توك صغيرة كم عمرك ..؟!
ناظرتها جنى بكل استغراب .."مطيحة الميانة من أولها" ..
لفت على أمها ..:وش فيها ما تتكلم ..؟!
الجازي:أكيد تعبانة من الطريق .. قومي جيبي لها كاس موية ..
نوف بكل ضيق و هي تمشي للمطبخ:حشى لو أنها جاية من جدة ..!
جلست قبال جنى و بكل هدوء:أدري موب سهل عليك ..بس ما في شيء توقف الحياة عليه ..!
زفرت بكل ضيق:وين غرفتي ..؟!
الجازي:فوق بدل الغرفة ثلاث غرف فاضيات .. بس أنا أبيك تجلسين معنا و تصيرين وحدة فينا ..
زفرت بكل ضيق:موب مستعدة لـ هالشيء ..!
الجازي:الانسان يتكيف مع أي مكان و فـ أي وقت ..
تنهدت بكل ضيق و عيونها تحوم فـ المكان ..
طلعت من المطبخ و بيدها كاس الموية .. مدت لها:تفضلي ..
خذته منها و همست:شكرا ..
جلست نوف جنيها:وش هالحكي .. الأهل ما يقولون كذا لبعض ..
الجازي بكل لوم:نويفة موب وقت فلسفتك ..!
ناظرت فـ أمها بكل لوم:هذا جزاي أبي أدخلها جو ..!
الجازي:خلك ساكتة أصرف ..-رجعت ترفع عيونها على جنى:أتوقع أنك متحمسة مثلي نلتقي بـ أبوي و باقي خواتي ..
ارتجفت بكل خوف:أبوي ..!
الجازي:ايه أبوي .. أنا عندي رقمه و عنوان بيته .. و إلا وش رايك نروح لشركته .. بس أنا ودي ألم شمل خواتي قبل ..
خذت نفس بكل راحة:طيب وش تعرفين عن باقي خواتنا ..!
الجازي:توأمك .. عندي عنوان الحرمة اللي حطتها أمي عندها ..!
جنى بحماس مفاجئ:صدق ..!
ابتسمت الجازي:ايه .. وش رايك نروح لها بكرة ..؟!
جنى بكل تردد:طيب وش بنقول لها ..
اتسعت ابتسامة الجازي و هي تلاحظ حماس جنى معها:عندي أوراق أمي كتبتها بخط يدها عن مكان جواهر و أكيد هي ما راح تقدر تنكر و خاصتن أنها عقيم ..
جنى بكل صدمة:عقيم ..!
هزت رأسها بالتأكيد:ايه ..
جنى بكل تردد:طيب أنتي قلتي إننا أربعه و الرابعة وينها ..؟!
الجازي بكل ضيق:مدري .. بس أكيد راح نوصلها .. لأنها مسجلة باسم ابوي .. مثلي ..
رجعت نظرة الحزن ترتسم بعيون جنى:أنا أمي ..-سكتت لثواني:قصدي جدتي سجلتني باسمها وش بيصير على اسمي ..؟!
الجازي:هاذي قضية تزوير .. بس دام جدتي ماتت الله يرحمها محد بـ يتحاكم .. و إن شاء الله لما نلتقي بأبونا و يعترف بنا يتغير اسمك فـ كل شيء ..
زفرت بكل ضيق:وشلون برجع الجامعة كذا ..!
نوف بكل حماس و اخيرا لقت نقطة قدرت تدخل نفسها فيها:أنتي بالجامعة ..؟!
هزت رأسها بالتأكيد:ايه ..
نوف:حلو .. أنا السنة الجاية بروح الجامعة .. و أحس إني خايفة ..
ابتسمت جنى:أول ما تدخلين الجامعة بيتغير احساسك و بتحبينها ..
وقفت الجازي و إحساس السعادة يتملكها و هي تشوف أختها تدخل جو مع بنتها و من ثواني تحمست لـ نفس هدفها .. لمّ شمل العايلة من جديد ..
..
توجهت للمطبخ حتى تجهز القهوة و الشاي و كلها أمل ما تغيب شمس النهار إلا و جنى يغيب إحساسها بالخوف و الغربة ..!
.._.._.._.._.._..
زفر بكل ضيق:أنا لحين موب فاهم وش تبين يا دلال ..؟!
حطت رجل على رجل:لا فاهم بس تستغبي علي ..!!
نواف بكل ضيق:دلال أنا وأنتي موب بزران .. قولي وش عندك على بلاطة ..؟!
دلال:قدم نقل للشرقية .. وارجع أنت وياها هنا مثل قبل ..
نواف:نعم ..!
دلال:مثل ما سمعت ..
نواف:بسس ..!
دلال:هذا شرطي الوحيد .. حتى ابقى على ذمتك ..
نواف بكل ضيق:ما أقدر .. إذا رجعت بينزل الراتب و مميزات كثيرة بخسرها ..
دلال بكل عصبية:يعني شغلك أهم ..
نواف:أنا قلت لك ... تعالي معي بس أنتي ما طعتي ..
دلال بكل تردد:و اترك بيتي ..!
نواف:موب ضايع ..
دلال:يعني للحين تبيني اجي معك ..؟!
نواف:ايه اكيد .. مثل ما جبت شقة لـ جوري أقدر أجيب لك ..
دلال:طيب و بيتي ..؟!
نواف بكل عصبية:بيتي .. و بيتي .. اللي يسمعك يقول ما تطلعين شبر منه ..
دلال:أنت تدري وش قد صعب الواحد ينتقل من بيت لـ شقة ..!
نواف:يا سلام ..!! أنتي فـ بيت أهك 24 ساعة محبوسة فـ غرفة ..
دلال:من قال ..؟!
زفر بكل ضيق:موب قصدي بس أنتي هناك جالسة فـ غرفة موب قسم ..!
تنهدت بكل ضيق:بس أنا ما أحب الرياض ..!
نواف:طيب قولي لي وش تبين و أنا أنفذه لك ..
دلال:خلني أفكر ..!
وقف:خلاص خذي راحتك فـ التفكير و أنا رايح لـ بيت أهلي ..
دلال بكل ضيق:أمداك تشتاق لها .. بتروح تشوفها ..
زفر بكل ضيق:لا بروح أشوف أهلي .. تبين تصدقين تعالي ..
بكل غرور:ما اجتمع معها فـ مكان .. حط فـ بالك هالشيء كـ واحد من شروطي ..
نواف:بكيفك .. أنا موب جابرك على شيء ما تبينه ..!!
.._.._.._.._.._..
يسوق بسيارته بين الشوارع .. من غير ما يحدد وجهته .. المهم يتمشى مع ولد عمه و بس ..
عامر:يعني خلاص وافقوا ..
ريان جالس جنبه:ايه .. أبوي فتح الموضوع و الكل مأيده ..
عامر وعيونه على الطريق:لأن الكل عارف بالسالفة قبل لا يتكلم ..
ريان و هو متفاجئ:صدق ..!
عامر:ايه أمس سمعت أمي تقول لأبوي عن السفرة و سمعتها تقول إن خالتي أم بسام هي اللي مقترحة الموضوع يعني الكل داري ..
ريان بكل استهزاء:يا حبهم لاستهبال ..
عامر:أهم شيء كسبنا إجازة مجانا .. من غير ما نطلبها أو ينخصم من مرتباتنا ..!
ريان و بعيونه نظرة تفكير:جنى بتجي معنا ..؟!
عامر:لا وين تجي ..؟! اليوم راحت لـ بيت أختها ..
ريان بكل صدمة:أختها ..؟!
عامر:ايه ما دريت ..؟!
هز رأسه بالنفي و بصوته نبرة خيبة أمل:لاء ..
عامر:أختها الكبيرة أصرت تأخذها عندها تقول جلستها عندنا غلط ..
زفر بكل ضيق:يعني ما راح نقدر نطلع معها ..؟!
عامر:بهالوقت لاء .. بس بعدين نقدر .. بما أنها أختنا من الرضاعة ..
زفر بكل ضيق:خسارة ..
عامر بكل فضول:ليش وش عندك مع جنو ..؟!
ريان بكل ضيق:و لا شيء بس حبيت نطلع معها .. أكيد ضيقتها بتزيد ..
زفر بكل ضيق:الله يعينها ..
.._.._.._.._.._..
فتح باب الشقة:حياك ادخلي برجلك اليمين ..
ابتسمت من وراء الغطاء و هي تحس براحة نسبية ..
سكر الباب و هو يعلي صوته:غزل .. غزززل ..
اتسعت ابتسامتها أول ما مرت صورت صديقتها فـ بالها ..
طلعت من الغرفة و هي مستغربة حماس مياف:نعم ..-زادت غرابتها و هي تشوف وحدة محتشمة فـ حجابها لـ درجة أنها موب مبينة منها غير حبات عيونها ..
رفعت النقاب من على وجهها .. و ملامح الصدمة تتعمق فـ وجهها .. همست بكل صدمة:غزل ..!
غزل و صدمتها تفوق جمان:جماااان ..!
تلاشت ابتسامته .. و الصدمة تأخذ مكانها بوجهه:تعرفون بعض ..!
.._.._.._.._.._..
بكل حماس:الحمد الله همّ وانزاح ..
سامية من وراء السماعة:يا لله عاد شدي الهمة نبي الرجال يتعلق فيك ..
لوجين بكل غرور:تاركته آخر شيء أنا متأكدة أنه من نظرة وحدة بيموت فيني ..
سامية:يا ليل الثقة ..
لوجين بكل عصبية:سامية ..!
سامية:يا أختي وش فيك أنبهك .. هذا الجزا ..؟!
لوجين:أنتي قاعدة تحطمين ..
سامية:خلك من بدر و جنى الحين .. عيسى وش بتسوين معه ..؟!
لوجين:هذا أنا مزعج أمي من أسبوع عشان أروح الشرقية و قابلة .. موب حب فيه بس عشان يخلص لي سالفة ريتاج بسرعة ..
سامية:طيب ليش ما تروحين معي بكرة .. أنا ماشية الصبح عشان سميرة مسوية بارتي هناك ..
لوجين بكل حسرة:ياليت أهلي مثل أهلك .. كان كل يومين هناك ..
زفرت بكل ضيق .."أهلي وينهم ..!" ..:طيب متى بتروحين ..؟!
لوجين بكل ضيق:للحين المحكمة العليا ما حددت متى بالضبط ..
سامية:خلاص أجل بجلس هناك لحد ما تروحين و لـ وصلتي علميني عشان أطلع معك .. أعلمك على الأماكن هناك و بنفس الوقت أهلك ما ينشبون فيك ..!!
.."مجنونة أنا عشان تسرقين عيسى مني مثل اللي قبله" ..:أوك حياتي .. متى ما قرروا بـ أعطيك خبر ..
سامية:طيب حياتي .. أنا مضطرة أسكر عشان أجهز لبارتي الليلة ...
لوجين بكل حماس:عندك بارتي اليوم ..؟!
سامية:يب نصور مسوية ..؟!
لوجين بخيبة أمل:مختلط لاء مقدر أروح خسارة ..
سامية:الحين وش الفرق بين أنك تقابلين شباب فـ مطعم او كافي شوب و أنك تشوفينهم فـ بارتي بالعكس .. فـ البارتي مجموعة و محد يقعد يألف عليك كلام ..
زفرت بكل ضيق:ما عندي مشكلة .. بس ما أبي أتورط فـ شيء و أنا مع عيسى تعرفينه شكاك و عصبي ..
سامية تمشي كذبتها لها:ايييه صادقة .. يا الله حبيبي .. بسكر لازم أروح ..
لوجين:أوك باي ..-سكرت الخط و رمت الجوال ..:لو علي نطيت هناك من المغرب .. بس ما عندي غير علل .. قضيت من سطام و طلع لي بسام و زوجته ..
.
..
.
فـ الدور الأرضي .. ليان بكل لوم:ليش ما قلتوا لي يعني حلوه تكلمني جنى و تتشكى لي و أنا موب عارفة وش السالفة ..!
ريناد بنفس نبرة الوم:كلنا ما عرفنا إلا بنفس وقت زواجك .. يعني لو قلنا لك كان أشغلناك .. و أنتي خلقه منشغله و متوترة ..!
ليان:بس حتى ولو ..
قاطعتها فجر:خلاص اللي صار صار و انتهى .. كثر الكلام وش بيفيد ..
ليان:عاجبكم كذا .. الحين جنى راحت عند أختها و متى راح نشوفها أكيد بتقاطعنا فترة ..
وقفت ريتاج بكل ضيق:ليون اعقلي .. تراك صدعتي روسنا ..!!
وقفت أروى:أي والله .. نروح نسولف مع ماريا أبرك ..
مشوا ثنتينهم وراء بعض للمطبخ ..
ريناد بكل حيرة:ليون وش فيك .. أعصابك مررة فلتانة موب من طبعك ..؟!
زفرت بكل ضيق:قبل لا أطلع بغى يشب البيت حريقة ..؟!
فجر بكل خوف:أوف .. أكيد وعد تطبخ ..
ابتسم بتلقائية:لا موب قصدي حريقة حقيقية .. قصدي هوشة ..
ريناد:أكيد زوجة حمد ..؟!
ليان و بعيونها نظرة توهان:وش دراك ..؟!
فجر:هههههههه .. وعد نبهتنا يوم عرسك ..
ليان:صدق ..!
ريناد:ايه والله .. قالت لنا أنها شرانية و كنا بنقول لك .. بس يوم عرسك صعععبة ..
زفرت بكل ضيق:كلمة شرانية قليلة عليها ..
فجر:لازم تتعودين عليها .. لان شكل نفسها طويل ..!
.._.._.._..
نهاية الجزء ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الـ|[32]|ـثاني و الثلاثون ..
..
.
صرخت فيها بكل عصبية:تركني لحالي فـ الشقة و مدري كم مضى من وقت و أنا نايمة .. لو تركي حاط فـ باله يرجع للبيت ظنك بيتركني يعني ..!!
وش بيقول لأهله و أهلي هاااه ..؟! و لو رحت لبيت أهلي أنا وش أقول لهم .. خذاني لشقة لحالي و ربطني مثل المجرمين و لما اكتشف أنه غلطان راح و تركني ..
متخيلة وش حجم المشاكل اللي بتجي من ورا هالكلام ..!
زفرت جمان بكل ضيق:حتى ولو .. قعدتك مع مياف فـ مكان واحد غلط .. و هالكلام كله أنتي أقنعتي نفسك به .. حتى تعذرين نفسك وبس ..
زفرت بكل ضيق و هي تبعد عن السرير:ما راح تفهميني أبد لأنك ما جربتي اللي جربته ..
جمان و هي تهدي نبرة صوتها:غلط يا غزل غلط ..!
بلعت ريقها بكل توتر:طيب هذا أنتي هنا ..!!
جمان:أنا مع ولد عمي موب مثلك غريب ..
غزل بكل صدمة:مياف .. ولد عمك ..!
خذت أنفاسها:ايه .. عمي اللي قلت لكم عنه .. طلع مياف ولده ..!!
رجعت تجلس جنبها على السرير:وشلون .. طيب أمك وينها ليش ما جت معك ..؟!
جمان:أمي توفت من أسبوع ..
غزل و بعيونها نظرة حزن:عظم الله أجرك ..
جمان:أجرنا و أجرك .. –لحظة صمت ...............:تصدقين .. همّ عمي نساني حزني على أمي ..
غزل:ليش أبو مياف وش فيه ..؟!
جمان:ما تدرين .. صار لها أسبوع فـ العناية ..!
غزل بكل صدمة:صدق ..!
جمان بكل استغراب:ما تدرين ..؟!
هزت رأسها بالنفي:ما صار لي غير يومين هنا و ما كمل اليوم الثاني بعد ..!
زفرت بكل ضيق:موب المفروض ترجعين لـ بيت أهلك ..!
تنهدت و خذت نفًسها .. و قبل لا تنطق سبقها مياف بـ طق الباب ..
مشت بكل تردد و فتحت الباب .. ناظرت فيه بكل استغراب ..
مد لها أكياس الأكل:جبت لكم شيء تأكلونه أكيد جوعانين ..!!
.._.._.._.._.._..
صرخ و صوته يرد صداه فـ كل مكان فـ البيت:يعني لو زوجتك هي الغلطانة كان بتسكت ..
رص على أسنانه حتى يمسك أعصابة .. راكان:حمد تعوذ من ابليس و اجلس ..
حمد بنفس العصبية:لا موب ساكت و لا متعوذ ..
راكان:ترا على فكرة زوجتك من يومها شرانية و أنا متأكد من غير ما اسمع أي شيء أنها هي الغلطانة ..
تطايرت شرارة الشر من عيونه:ايه طبعا زوجتي الشماعة فـ هالبيت أي مشكلة تصير غلطتها ..!!
صرخ بكل عصبية يقطع حوارهم الحاد .. أبو راكان:بس أنت وياه ..!! ما تستحون على وجيهكم أنا واقف طول بعرض بينكم و لا لي أي هيبة ..!
وطى راكان رأسه:العذر و السموحة يبه ..
حمد و بنفس مستوى العصبية:يبه ما تسمعه وش يقول يتبلى على زوجتي ..
أبو راكان بكل حدة:قلت بس ..!! .. –خذا نفس:إن جيت للحق زوجتك شرانية .. و زوجة راكان .. أسبوع ما لها حس و حتى الخدم يذكرونها بالخير ..
حمد بكل ضيق:يعني زوجتي هي الحية فـ هالبيت ..
همست وعد بكل ضيق:حيتين بعد ..!
خزتها أمها بكل حدة ..
أبو راكان:زوجتك راعية شر .. و ما في أحد سلم منها ..!!
حمد بكل ضيق:ايه ما ألومها لـ بغيت تطلع من البيت بس الشرهة علي لأني مأخذ بحسابكم و خايف تزعلون ..!
نطقت بصوت عالي .. لعل و عسى يعاندها و يصر على الطلعة:أبركها من ساعة يوم تطلعون ..
صرخت فيها أمها:وعد ..!!
ناظرها بكل حقد:تدرين موب طالع و قاعد على قلبك مثل الهمّ ..
ابتسمت بكل استهزاء .. همست:طيب تطلع و هي تبي تجلس للمشاكل و الغثا ..!
حمد بكل ضيق:شفت عيالك كلهم ضد زوجتي و كل اللي يسونها عشان يطفشوني و يطفشونها ..
زفر بكل ضيق:خلك من أختك .. اسمع أنت وياه .. مشاكل حريمكم بينهم ..
اللي بيجيني و يقول زوجتي و زوجة أخوي يأخذ زوجته بعيد عن هنا ..
زفر بكل ضيق .. و سكت لأنه عارف وش بيجيه من نسرين لـ عرفت أنها بيطلع من بيت أبوه ..
أما راكان عكسه .. زفر بكل راحة .."أهم شيء ليان ما انظلمت و إلا أنا وين و المشاكل وين" ..
خز الكل من أبوه لـ أمه و أخوه و أخته .. و طلع لـ شقته و هو كله حسرة و غيض على موقفه الضعيف ..
زفر أبو راكان و هو يرجع يجلس على الكنبه ..:استغفر الله العلي العظيم ..!
وعد بكل حماس:زين يا ركون تكلمت .. و ما سويت مثل أيام مرام ..-رجع تسكت و هي تحس بنفسها تغلط فـ الكلام ..
أم راكان بكل عصبية:وبعدين معك أنتي .. تبين تتهزئين مثل أخوانك ..
زفر بكل ضيق:رايح أجيب ليان .. سلااام ..-مشى بخطوات ثقيلة لبرا البيت ..
.._.._.._.._.._..
بأحضان سريرها الجديد ..
تنهدت بكل ضيق و هي تتأمل الغرفة الواسعة اللي راح تقضي فيها باقي عمرها ..
لمعة الدموع بعيون جنى و هي تذكر أمها .. و حنانها و خوفها عليها .. مستحيل وقتها يحس أي أحد أنها مو أمها ..!
نفضت المفرش بعيد عنها .. و قررت تتطلع و تتمشى فـ البيت لعل و عسى يرحمها الأرق و يغلبها النوم ..
فتحت الباب بكل هدوء .. مشت بخطوات هادية حتى ما تزعج أختها و بنتها .. نزلت لـ تحت .. و عيونها تحوم فـ المكان ..
أول ما وصلت آخر الدرج لمحت نور خافت جاي من غرفة ما تدري وش ممكن تكون ..!
قررت تستكشف المكان بنفسها .. و بنفس الخطوات توجهت لـ هالغرفة ..
وقفت قريب من الباب و نظرة الاستغراب تملا عيونها .."الجازي سهرانة غريبة .. توقعتها من الناس اللي تنوم من ثمان" ..
..
مريحة جسمها على الكنبة .. و الكتاب فـ حضنها .. هدوء المكان خلاها تستشعر أنفاس جنى ..
رفعت الجازي راسها و التقت عيونها بعيون جنى ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك