رواية قلوب تتراقص على انغام الالم -69
زفرت بكل ضيق:مياف كلها كم أسبوع و يرجع هنا .. و بعدين هذا بيت أبوك و للمعلومية ترها مو بأسم أمي .. عشان تقولين بيتها و حقها و مدري ايش ..!
هزت رأسها بالنفي:بس حتى ولو .. ما لي الحق أتصرف بحرية تضايقها ..!
وسن بكل ضيق:أووف منك على طول معقدة الأمور ..!
طقت الباب و دخلت:صباح الخير ..
وسن بكل ضيق:صباح النور ..
دخلت دينا و بكل استغراب:وسن معصبة غريبة .. قلت اليوم ما راح نشوف غير الابتسامة دامها لقت غيرنا ..!
وسن بكل ضيق:تعالي شوفي جمان .. تقول ما راح تنزل ..
دينا بكل استغراب:يوه وش هالكلام .. كل أخواني ينتظرونكم تحت على السفرة ..
جمان بكل صدمة:كلهم ..
دينا:مع إننا ما نجتمع على طول .. بس أخواني يقدسون الجمّعة على الاكل طبعا عادت أبوي .. الله يقومه بالسلامة ..
همست:آمين ..
وقفت وسن:يالله قومي ..
دينا بكل حماس:يالله خلونا ننزل ..
.._.._.._.._.._..
واقفين بالمطبخ يجهزون الفطور ..
طيبة بكل إحراج:ما عليه يا وخيتي .. مضيقين عليك أنتي و زوجك ..
عايشة بكل ضيق:وش هالكلام يا طيوب و الله لا أزعل عليك ..و بعدين منصور مرتاح بجلستكم هنا ..
تدرين أمس قاعد يتحمد رب العالمين .. صح إن الحريق شيء كبير بس خلاه يروح مناوباته و هو مرتاح ..
طيبة:صح أنه أغلب وقته برا البيت بس لما يجي لـ هنا .. أحس إننا نكتم حريتكم يكفي وقت الأكل هو مع نايف و أنتي معي ..!!
ابتسمت و عيونها على الصحون:خلنا نأخذ إجازة من وجيه بعض .. و بعدين تغير جو .. و الله قعدتكم معي مونستني و مريحة بال منصور ..
زفرت بكل راحة:الحمد الله .. بس يا خوفي هالوضع يطول ..
عايشة بكل حماس:أبركها من ساعة و الله ..
ابتسمت لها:الله يسلمك .. بس صدق شوفي كم يوم مر و للحين الشرطة ما جابت و لا خبر ..
عايشة:تبين شوري أكتبي خطاب لـ أمير المنطقة أو الملك بكبره ..
طيبة بكل صدمة:من جدك تتكلمين ..ظ!
عايشة:أي والله .. شفتي ماجدة أخت منصور .. لما توفى زوجها كتبت خطاب للأمارة بسبب ديونه اللي تركها وراه .. و الحمد الله عطوها فوق الـ 60 ألف ..
طيبة بكل صدمة:صدق ..!
عايشة:ايه والله .. و يمكن فـ حالتك يعطونك أكثر بما أن نايف مُقعد ..
طيبة:عاد يا خوفي أقدم هالأسبوع و ما يجيني شيء غير السنة الجاية ..
عايشة و هي تقص السفرة:لا والله ماجدة قدمته من هنا أسبوعين إلا و هم مكلمينها .. –رفعت صينية الأكل:بدق عليها اليوم أخليها تكتب لك خطاب و توصله ..
طيبة:بس أخاف نثقل عليها ..!
عايشة:لا وش دعوة .. أصلا هي على طول تقول لي إن احتجتي شيء دقي علي و هذا وقتها .. أكيد بتفرح ..
رفعت صينية الشاي:الله يجزاها و يجزاك كل خير ...
ابتسمت لأختها و هي تتقدمها بالأكل ..
.._.._.._.._.._..
رفع المرايا للمرة العشرين بعد المية ..
ابتسم عادل:ها ما مليت من وجهك ..
اتسعت ابتسامة بسام:موب مصدق ..!
عادل بكل لوم:قلت لك ما ضاقت إلا فُرجت ..
زفر بكل راحة:الحمد الله .. –رجع يتأمل وجهه بالمرايا:أنا لازم أسافر لـ مكة أعتمر شكر لربّ العالمين ..
عادل:يا الله و أنا معك ..
نزل المرايا:لا أنت أرجع لبيتكم .. أحس أهلك كرهوني قبل لا يعرفوني ..
عادل:لا بالعكس .. أمي تفرح من تسمع طاريك و غير كذا مستغنين عن وجودي فـ البيت ..
بسام و هو يرجع يرفع المرايا:الله يصلحك بس وش هالكلام ..؟!
عادل و هو يضحك:هههههههههههههه .. يا ابن الحلال خلاص اعتق المرايا ..
ابتسم:يا أخي أحس وجهي متغير ..
عادل:أصلا الواحد و هو مفتح ما يدقق فـ ملامحه و شلون و هو لما يكون ما شاف نفسه من شهور ..!!
همس و هو ينزل المرايا:الحمد الله على كل حال ..
وقف عادل:يا الله اسمح لي الحين بروح أرتاح ..
بسام بكل لوم:الله يهديك من ساعتين و أنا أزنّ عليك .. بس أنت ..
ابتسم:خلاص هذا أنا رايح .. يا الله فـ أمان الله ..
راقبه و هو يطلع:فـ حفظ الرحمن ..
مد يده لـ جواله و رجع يقرا رسالة أخته بكل فرحة ..
طلب رقم ريناد بعد تردد كبير .. و ما انتظر كثير لأنها ردت بكل سرعتها ..
ريناد بكل شوق و لهفة:هلا و الله ..
ابتسم:هلا بك .. عسى ما صحيتك ..؟!
ريناد:وين تصحيني أنا ما نمت أساسا ..
بكل لوم:يعني كلام ليان صحيح ..
ريناد .."كلامها صدق..!" ..:وش قالت لك ..؟!
بسام:قالت لك أنك مهملة فـ عمرك .. يعني تبين البيبي يروح من بين يدنا ..
ريناد و الضيق يخنق صوتها:بسام وش هالكلام ..؟!
خذا أنفاسه و ابتسم:وش أسوي لازم أخوفك على البيبي عشان تخافين على نفسك شيء ..!!
بلعت ريقها بكل توتر:متى بترجع ...؟!
بسام:امممم .. أنا تقريبا خلصت بس ودي بـ سفره لـ مكة لأني الحمد الله كل شيء كنت أبيه صار و تسهل ..
ريناد بكل ترجي:أبروح معك ..؟!
بسام:بس ..!
ريناد بكل لوم:وشو بعد .. ما تقدر تروح مكة إلا لما تمر على الرياض و إلا كل شيء تسويه لحالك يفرحك أكثر ..!!
بسام:لا والله بالعكس ..
ريناد:خلاص براحتك .. بس كنت ابي أشوف ردك ..!
زفر بكل ضيق:ريناد وش فيك ..!! ع العموم خلاص جهزي نفسك .. متى ما خلصت مريتك و مشينا لـ مكة ..
ريناد بكل خيبة أمل:خلاص .. ما يحتاج تمر .. بعطلك..!
بسام بكل ترجي:رنود حياتي لا تعقدين الأمور .. و بعدين عندي لك مفاجأة صدقيني لو شفتيها راح تنسين نفسك ..
ريناد:ايه ألعب علي من الحين ..
بسام:افا بس افا .. ما توقعت أسمع هالكلام منك ..؟!
همست و صوتها يختنق:بسام أنا قاعدة أموت فـ اليوم أكثر من مرة و أنت موب حاس فيني ..؟!
بسام بكل ضيق:الله يهديك بس وش هالكلام ..؟!
ريناد:ما جبته من عندي .. كل أفعالك تقول كذا ..
بسام بكل همس:أدري مقصر معك بس لما تشوفين صدقيني كل شيء بيتغير ..
بلعت ريقها تضيع عبراتها:طيب يصير خير إن شاء الله ..
بسام:طيب حياتي .. أنا لازم أسكر عشان أنتي ترتاحين و أنا بعد ..
ريناد:ليش ما نمت أنت بعد ..؟!
بسام:لا ما ..
قاطعته بكل خوف:عسى بس ما يوجعك شيء ..؟!
ابتسم و بصوته نبرة لوم:لاء .. كلام ليان أقلقني عليك و خفت أدق فـ الليل و أصحيك .. ما دريت أنك ما نمتي ..
زفرت بكل راحة .. و كلامه يحرك شيء بداخلها:طيب حبيبي أنا بسكر عشان أنت ترتاح بعد ..
ابتسم:مع السلامة يا عمري ..
نزلت الجوال .. زفرت بكل راحة و لا شعوريا غلبها النوم .. شلون ما ترتاح بعد ما سمعت صوته .. !!
.._.._.._.._.._..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
عبد العزيز بكل صدمة:سرطان ..
اختنق صوتها:طيب يا دكتور وش علاجها ..؟!
زفر عبد الملك بكل ضيق:تبديل الدم نهاية كل شهر .. لكن أنا أفضل الكيماوي .. حتى تتخلص من المرض بشكل نهائي ..!!
فجر:بس الكيماوي .. يتعب ..؟!
عبد الملك:و المرض راح يتعبها أكثر ..
زفر عبد العزيز بكل ضيق:و العلاج راح يكلف كثير ..
عبد الملك:أنا ما عندي الخبرة الكافية فـ هالموضوع بس أنا استلمت الحالة أمس و عشان كذا مسئولية إبلاغكم هي مسئولتي ..
خذا نفس بكل توتر:جزاك الله خير ..
وقفت و سبقت أخوها لـ برا ..
وقف سلم على عبد الملك و طلع ... ناظر فـ أخته بكل لوم:وش فيك ..؟!
اختنق صوتها من الصياح:وش بيصير فيني .. عقب اللي سمعته ..!
عبد العزيز:وكلي أمرك لـ رب العالمين .. هذا قضاء و قدر ..
زفرت بكل ضيق .. مسحت دموعها من وراء نقابها:باقي من مهرها كثير .. ينفع نستخدمه فـ العلاج ..
عبد العزيز بكل ضيق:تستهبلين ما نقدر نوافق على أي شيء .. هي متزوجة و على ذمة رجال ..
فجر بكل عصبية:و هالرجال وينه ..!!
عبد العزيز و بعيونه نظرة تفكير:صحيح تركي وينه ..؟!
فجر:أنا قلبي قارصني من اختفوا فجأة ..!!!
زفر بكل ضيق:خلاص الغايب حجته معه .. خليني نطمن على أختك ..
فجر بكل لهفة:من جيت و أنا أبي أدخل بس السسترات ..
عبد العزيز:خلاص قابلنا الدكتور .. امشي معي ..-تنهد بكل ضيق و عيونه تتنقل بين أرقام الغرف ..
.._.._.._.._.._..
أم تركي بكل ضيق:وشلون يعني ..؟!
سلطان بقلة صبر:يعني وش أسوي لك يمة .. قلت لك مابي .. مااااا .. ابي ..!
أم تركي:يعني بتقعد كذا زي بيت الوقف ..؟!
قاطعها بكل طفش .. أبو تركي:يا بنت الحلال خلي الولد على راحته ..
أم تركي:وش على راحته .. البنات كل وحدة تقول الزين عندي .. بيقعد يرفض لين ما عاد يبقلى غير معنسات و عجايز ..
زفر بكل ضيق:لا معنسات و لاغيرهم .. الزواج شيء منتهي من حياتي ..
أم تركي بكل عصبية:ليه .. لمى آخر وحدة أنولدت بهالكون و إلا ما عاد به عقبها بنات ..
سلطان بكل ضيق:الله يهديك بس يمة .. وش جاب طاري هالبنت الحين ..؟!
أم تركي:هي من يوم رفضتك و أنت ..
قاطعت أمها بكل طفش:يمة حرام عليك .. الرحممممممة .. خلاااص ما يبي يتزوج غصب ..!
أم تركي:أنتي اكرمينا بسكوتك ..
زفر بكل ضيق:خلكم من سلطان الحين .. كل ما جلسنا فتحتوا هالسيرة و نسيتوني الشيء المهم اللي أبي أقوله ..
أروى بكل حماس .. حتى تنهي سالفة سلطان:خير يبه ..؟!
أبو تركي:اتفقنا نمشي بكرة للشرقية ..
نطق بعد ما كان كلامهم مسببه الملل .. عامر:صدق يبه ..!
أبو تركي:ايه .. من أمس بقول لكم .. بس نسيتوني ..
وقفت أروى و بكل حماس:بطلع أجهز أغراضي ..
ام تركي بكل ضيق:قدامك اليوم كله .. خلك جالسة لحد ما نتغداء و نخلص ..
أروى بكل ضيق:أي غداء يمة و أنا توني مفطرة ..؟!
أم تركي:بتتغدين يعني بتتغدين موب كل يوم تنحاشين لـ غرفتك ..
أروى و هي تركض للدرج:طيب أشوف وش بأخذ و أنزل ..
راقبتها بكل لوم .. و زفرت بكل ضيق ..
..
.
دخلت لغرفتها بكل حماس .. سحبت الجوال و طلبت رقمها ..
من وراء السماعة:هلا و غلا ..
أروى:هلا بالزين كله هلا بدنيتي و عمري و كلي ..
جنى:الله .. الله ..!! كل هذا لي ..؟!
أروى:يوه مسترخصة عمرك يعني ..!!
جنى:لاء بس ما قد سمعتك تقولين كل هالكلام دفعة وحدة ..!
رمت نفسها بكل ثقلها على السرير:خلك م هالحكي لحين .. عماني كلهم اتفقوا يسافرون للشرقية ..
جنى:و الله حلو .. الله يهني قلوبكم بالعافية ..
أروى:خلي عنك هالكلام .. تراك بتروحين معنا غصب ..
جنى:لا وين .. أنا وين و أنتي وين ..؟!
أوى بكل ضيق:وش قصدك يعني ..؟!
جنى:أنا الحين محتاسة و مشغولة بسالفة أهلي اللي للحين مدري منهم .. و مدري متى بتستقر أحوالي ..؟!
أروى:ليش موب على أساس الجازي عندها كل شيء ...
جنى:ايه عندها كل المعلومات على قولتهم .. بس ما تعرف أي أحد .. اليوم بنروح لوحدة كانت صديقة أمي و هي تعرف مكان توأمي ..
أروى:صدق ..! ونااسة جنو فيه منها ثنتين ..؟!
ابتسمت:جد ما اتخيل أشوف انسانة تشبه لي تماما ..!!
أروى:ياااي وناسة .. طبعا لـ جمعتي خواتك على قولتك لازم تزورونا بعد أبوي خالك و أنا بنت خالك ..!
جنى:ايه أكيد بس يالله تستقر الأمور بعد شهر شهرين ..
أروى:وش هالكلام .. أختكم و اليوم بتعرفون طريقها و أبوك ..!-رجعت تسكت:إلا صحيح عرفتي من هو أبوك ..؟!
زفرت بكل ضيق:كان ودي نزوره اليوم فـ شغله .. بس تعرفين جمعة و الكل مأجز ..
أروى:ايه صح .. طيب ليه ما تروحون له لـ بيته ..؟!
جنى:ما نبي نسوي مشاكل .. أمي كانت الزوجة الثانية يمكن محد يعرف عنها ثم نربك أبوي و نقلب بيته ..!
أروى:لو كنت مكانكم طبيت عليه فجأة .. بعد أنتوا بناته و خاصتن أنتي حالتك .. خاصة اسمك يبيله تعديل و كل شيء فـ حياتك بيتغير و الواحد ما يضمن عمره .. يعني ما تدرين من اليوم لـ بكرة أبوك يجيه شيء ..
جنى:بسم الله عليه .. فال الله فالك ..
أروى:من الحين بدينا ..
ابتسمت:ايه أكيد أبوي بعد ..!
أروى:الله يهنيكم ببعض .. عاد إن شاء الله يتقبلكم و يعترف فيكم ..!
جنى:من ناحية العقل بيسوي كذا .. بس صراحة مدري ..؟!
أروى:وش اللي ما تدرين .. تلقينه الحين شايب رجله و القبر ما يكفيه كل اللي صار لكم بعد ما راح يعترف فيكم ..!!
زفرت بكل ضيق:قلبتي المواجع علي ..
أروى:وش مواجعه .. أصلا هالأمور ما راح يرتاح فكرك منها إلا لما تنتهي ..
جنى:الله يعين ..
رجعت تجلس:على طاري المواجع أخبار لموو صديقتك ..؟!
جنى:وش دخل لمى فـ المواجع ..؟!
أروى:يعني يقال لك ما تعرفين ..؟! .. لمى و سلطان ..
جنى:ايه أخبار أخوك الحين ..؟!
أروى:كأنه عقل .. بس مسكين عاف=كره" الزواج ..
جنى:ما عليه فترة مؤقته و عقبها هو اللي بيجكم و يطلب تخطبون له ..
أروى:تبين الصراحة بعد أمي تزن عليه زن موب طبيعي .. عشانها تدوّر لـ عبد العزيز و كل ما لقت بنت تمنتها لـ سلطان أو عامر ..
جنى:كل الأمهات كذا .. –و كأنها تذكرت:يوه ذكرتيني أخبار عامر .. ؟!
أروى:بدري .. !! يوم عرف أنك رحتي معك أختك عصب علي .. !!
جنى:موب لهالدرجة ..؟!
أروى:ريانوه عصب عليه و طلع حرته فيني ..؟!
جنى:وش دخل ريان ..؟!
أروى:مدري بس اللي فهمته عن عامر و ريان كانوا يبون يطلعون يتمشون معك و اللي فهمته بعد إن ريان بيك فـ موضوع مهم ..
زفرت بكل ضيق:آآخ .. عاد أبد موب فاضية . بس أركد و أخلص من هالدوامة .. أدق عليه أشوف ..
أروى:خلاص .. صح دوبة ما قلتي أخبار لمى ..؟!
فركت جبينها بكل تعب:أمس دقيت عليها .. و الله ما عليها بخير ..
أروى:أكيد نست ألمى ..
جنى:لا و الله بعد عمري .. للحين كل ما ذكرتها تغير صوتها .. بس الدنيا ما توقف عند أحد ..
أروى:الله يرحمها ..
جنى:اللهم آمين ..
أروى:و يوفق هالمو و يجيب لها ولد الحلال اللي يبعدها عن بال أخوي ..
جنى:لا تطمني شكلها بتتزوج قريب ..؟!
أروى بكل صدمة:نعم ..!
ارتبكت:أقول إن شاء الله .. تعرفين الحين صارت بين أهلها عزايم و طلعات يعني أكيد صارت تنخطب كثير ..
أروى:ايه الله يوفقها .. يالله أنا بنزل قبل لا تفضحني أمي ..
جنى:عشان ..؟!
أروى:تبين أتغدا ..
ناظرت فـ ساعتها:يوه احد يتغدا المغرب ..؟!
أروى:ما فطروا إلا 11 قبل صلاة الجمعة بشوي .. المفروض يصير عشاء بعد ..
جنى:بالعافية على قلبك .. يالله حتى أنا بسكر لأننا بنطلع بعد شوي ..
أروى ...:يالله باي ..
.._.._.._.._.._..
ناظرت فـ ساعتها بكل ضيق:وينك يا نواف تأخرت ..!
رخت جسمها على الكنبة:شكلها لهى مع دلال و نساني ..-زفرت بكل ضيق .."هو أساسا قال لي لا تعتمدين" ..
تنهدت و لمعة الدموع بـ عيونها .. "الحين نواف ما عاد هو لـ حالي حقيقي ..
و إذا استمر موضوع أهلي مجهول .. أكيد راح يبداء يحتقرني" ..
مددت جسمها على الكنبة وكلها أمل تغفى مثل ولدها ..
رغم تعبها عقب الطريق لكنها لـ حد هاللحظة ما قدرت تنوم بسبب فكرها المشغول ..
..
.
..
راكب سيارته .. عند باب العمارة .. زفر بكل ضيق و الجوال بأذنه:وبعدين يعني ..؟!
دلال من وراء السماعة:أنتي اللي و بعدين معك .. المفروض اليوم تكون عندي .. شلون تطلع و تتركني ..؟!
نواف بكل عصبية:قلت لك مشوار مهم .. بوصلها و أول ما أرجعها للبيت بجيك ..
زفرت بكل ضيق:ايه من بدايتها أظلمني ..
زفر بكل ضيق:دلال يرحم لي أمك .. أنا خلقه حيلي مهدود من الطريق و الشغل لا تكملين علي ..!
دلال:ايه قلها .. أنا قلق و ثقل عليك .. هذا و أنا توني أول يوم ..
نواف بكل عصبية:ايه قلق و ثقل .. بس أحب أقول لك لو كانت جوري مكانك ما سوت مثلك ..-سكر السماعة فـ وجهها و قفل الجوال ..
ريج ظهره على ظهر كرسي السيارة .."أووف يارب خل هاليوم يعدي على خير" ..
زفر بكل ضيق وهو يفتح الباب و ينزل ..
.._.._.._.._.._..
مدت لها الفنجال:سمّي خالتي ..
أم راكان:الله يكف يدياتك عن النار ..
ابتسمت ليان لها:اللهم آمين ..
ناظرتها و عد و بنبرة صوت كلها غيرة:ايه أنا أجيب لك كل شيء ما فيه غير الله يهديك غصبن عليك و الله يصلحك و إلا يأخذك لـ بيت رجلك و يريحني ..!
ناظرتها أمها بنص عين:تعلمي السناعة من مرت أخوك ثم تعالي كلميني ..؟!
جلست جنب راكان و هي تنزل ترمس القهوة تحت رجلها .. و الفخر يتملكها ..
ابتسم بتلقائية .. كل مرة يفكر بالندم على هالزواج ..
أشياء كثيرة تمنعه .. و أكيد يكفيه أن أمه و أبوه مرتاحين و مبسوطين منها ..
أبو راكان:وين حمد و زوجته ..؟!
وعد و عيونها على شاشة التلفزيون:طلعوا من العصر ..
أم راكان:الله يسهل دربهم وين ما راحوا ..
سكت الكل .. و بانت على وجهه علامة عدم رضا على هالدعوة ..
تكلمت بكل حماس:الله يمة .. شوفي الشرقية شلون تغيرت .. –لفت على أبوها:يبه خلنا نروح لها ..
رفعت أم راكان عيونها على التلفزيون:القناة الأولى .. ايه أكيد بمدحونها لك .. بس حر و رطوبة ..
وعد بكل حماس:حلاتها بـ حرها ..
لف راكان على ليان و بانت نظرة استغراب بعيونه ..
همست:التلفزيون بعد ما قلت شيء ..؟!
أبو راكان:وش عندك يا أبوك أنت و زوجتك ..؟!
راكان:و لا شيء يبه ..
ابتسمت بكل خبث رغم خوفها منه بس إحساس تحدي و حماس خلها تتكلم:صار لي يومين أزنّ على راكان عشان نروح للشرقية كلنا .. بس هو يقول أبوي ما يبي ..
وعد:يا لبيه فديت توارد الأفكار ..
ام راكان:وشووو ..؟!
وعد:يعني أنا وياها نفكر بنفس الشيء ..!
ناظرتها بطرف عينها .. رجعت تلف على ليان:وين يا يمة تروحون و راكان ماسك مطعم صديقة و شغله ما صار له غير يومين رجع له ..
ليان:صديقة راجع بكرة إن شاء الله .. و إجازة العمل للحين ما انتهت ..
وعد:ايه يمة نسيتي ولدك عنده إجازات مجمعة من ثلاث سنين ..!!
أبو راكان:كان خاطركم بـ هالسفرة .. روحوا أنتوا و كملوا ذا الشهر ..
ابتسم راكان بانتصار .. ما نطق بـ ولا كلمة .. لكن رايه هو اللي كان بيمشي لحد هاللحظة على الأقل ...
..
ليان بكل حماس:هو صراحة كنا مفكرين نكمل شهر العسل بالشرقية بس قلنا دامها عطله ووعد المسكينة جالسة فـ البيت ..
وعد:ايه يبه .. بالله ما أنرحم .. ؟!
كلمت ليان:و بعد أنت يا عمي مع خالتي تغيرون جو و خاصتن إن أهلي مسافرين لـ هناك ..
ابتسمت أم راكان أخيرا:صدق من بيروح ..؟!
ليان و بعيونها نظرة انتصار:كل أعمامي .. عمي ابو بدر و أبو تركي و أبوي ..
أم راكان:صدق .. و الله رفقتهم ما تتفوت ..!
أبو راكان:خلاص يا أبوك شورك و هداية الله ..
ناظرها بكل غيض .. ابتسمت له بكل براءة ..
رن الجرس يقطع جو التوتر و الفرحة .. وقفت وعد .. صرخ فيها:على وين ..؟!
وقف راكان:أنا بفتح الباب ..
وقفت أم راكان:أكيد هذولا الحريم اللي دقوا العصر ..!!
.._.._.._.._.._..
وسن بكل ضيق:شفتي كيف ..!
وهج بكل لوم:الله يهديك بس يا جمان .. يعني انتي جاية هنا بتحبسين نفسك فـ الغرفة ..
تلفتت جمان حولها .. "هالغرفة أوسع من البيت اللي كنت ساكنة فيه حتى" .. ابتسمت بكل إحراج:ما عليه ما أبي أسبب لكم أي إحراج .. و أضيق عليكم فـ جلستكم ..
وهج بكل ضيق:يعني تبين مياف يجي و يقلب البيت علينا ..
وسن:ايه و الله .. عشان خاطر مياف على الأقل ..؟!
زفرت بكل استسلامية:طيب بنزل معكم ..
وقفت وسن و بكل حماس:يا الله قدامي ..
جمان:أنزلوا و بلحقكم ..؟!
وسن:لا يا عمري .. تسوين فيني مثل الصبح ..!!
وهج:على الأقل انزلي اجلسي مع وسن وصديقتها ..؟!
ضربت على جبينها على خفيف:أوووتش .. نسيت بيش ..
ناظرتها بكل لوم:دينا معها عشان كذا أنا ساكتة لك ...-رجعت ترفع عينها على جمان:يالله غيري ملابسك و انزلي ..-ابتسمت لها و هي توقف و تنفذ أوامرها ..
.._.._.._..
نهاية الجزء ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء الـ|[34]|ـرابع و الثلاثون ..
..
.
جلست جنب خالتها بعد ما قدمت لهم القهوة .. و هي للحين ما استوعبت اللي قاعد يصير ..
أم راكان:ما شاء الله تبارك الرحمن أنتو بنات نورة ..!
ابتسمت الجازي:ايه يا خالة .. أكيد كنتي تعرفين أمنا ..
أم راكان:و الله هي مرتين اللي شفتهم فيها .. بس ما شاء الله كانت على طول تذكر الله ..
زفرت ليان بكل ضيق .."الحين خالتي وش تقرب لهم" ..
جنى:تعرفين عنها شيء ..؟!
أم راكان:من أمكم ..!! لا والله .. بس هي كانت صديقة أختي سمر الله يرحمها ..
الجازي بكل صدمة:توفت ..
همست جنى:الله يرحمها ..
الجازي:طيب ما تدرين شيء عن البنت اللي كانت معها ..!!
أم راكان:قصدكم أختكم ..!
جنى بكل حماس:تعرفينها يعني ..؟!
أم راكان:أكيد بعرفها .. يعني أختنا بتجيب وحدة غريبة عندها و ما يكون عندنا علم ..!
الجازي:طيب وينها الحين ..؟!
أم راكان:سمر توفت من 11سنة .. فـ حادث سيارة على طريق الشرقية .. و محد من الأهل رضى يأخذ جوري عنده ..!
جنى:جوري .. بس هي اسمها جواهر ..!!
زفرت بكل ضيق:سمر الله يسامحها .. غيرت اسمها و سجلتها باسم زوجها الله يرحمه ..
الجازي:طيب بعد الحادث وش صار ..؟!
أم راكان:دخلوها ملجأ أيتام و عاشت هناك بس ..
قاطعتها ليان بكل صدمة:لحظة ..-لفت على جنى:موب هاذي سالفة جوري صديقتك ..
نظرة توهان بانت بعيون جنى ..
طقت وعد الباب بكل هدوء و دخلت .. :السلام عليكم ..
أم راكان:خير وش جايبك ..؟!
ناظرة امها بنص عين:فيه وحدة عند الباب .. سألت عنك و عن ليان ..! –بكل ضيق:اليوم معجبيكم كثير ..؟!
وقفت ليان:أنا بروح أشوف من هي ..؟!
لفت جنى على الجازي:أكيد أنها تقصد جوري صديقتي .. أنا أعرف عنوانها و هي عايشة هنا ..
أم راكان بكل استغراب:ايه صحيح و أنا شفتها بـ زواج ليان ..
جنى:أجل هي ..
دخلت ليان و تنحنحت:احم .. احم ..
التفت الكل عليها مستغرب ..!
ابتسم جوري بكل إحراج:السلام عليكم .. آسفة جيت من غير ما اتصل ..!
.._.._.._.._.._..
بشاير:لا تخافين .. نص ساعة و كل شيء قاضي ..
وسن:يا بعد عمري و الله إني قلته محد غيرك بيخلص موضوعي ..
ابتسمت:افا عليك بس .. كم سوسو عندنا ..-رفعت عيونها جمان:إلا أختك وش فيها ما تتكلم .. – همست:طرمة ..!
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك