رواية قلوب تتراقص على انغام الالم -72
عامر:هذا أنتي قلتيها مقفل يعني هي مقفلته ..
أم تركي:عن السخافة بس و اطلع أنت و ريان دورا عليها ..
عامر بكل ضيق:وين ندور عليه .. هم شارعين اللي نعرفهم هنا تبينا نضيع ..!
أم تركي بكل ضيق:ايه طيب شارعين ..! أقص يدي من فوق كانكم حافظينها بيت بيت ..
زفر بكل ضيق:أصلا إنا ما نجي لـ هنا و أنتي عارفة ..!
زفرت بكل ضيق:يووه منك .. رح دورها و خلاص و إلا أنت ما يقدر الواحد يعتمد عليك ..-تنهدت بكل ضيق:الله يذكر بالخير يا تركي ..!
.._.._.._.._.._..
صرخت فـ الممرضة:قلت لك لاء ..
الممرضة بكل ترجي:الله يخليك خليني أركبه لو تجي الدكتورة و ما تشوف العلاج مركب و الله تسوي لي مشكلة ..
قربت فجر من أختها و بكل ترجي:غزل حبيبتي خليها تركبه لك ..
غزل رغم عصبيتها لكن الرجفة واضحة بصوتها:ما أبي .. ما أبي أتعالج بكيماوي .. مستعدة أسوي أي شيء إلا هذا .. أصلا وشلون توافقون من غير ما تشاوروني ..!
فجر بنفس نبرة الترجي:هذا علاجك الوحيد .. خليها تركبة لك .. شوفي كيف شكله مثل المغذي ..
غزل:بس لونه يختلف و بعدين إنتي ما تسمعين عن اللي يتعالجون به وش يصير فيهم ..؟!
فجر:ما عليه كلها كم أسبوع بتحسين بألم خفيف .. بس ما عليه ضريبة صحتك ..
هزت رأسها بالنفي:ما أبي ..
طقت الباب و دخلت:السلام عليكم .. هاه كيف الـ-علت صوتها بكل عصبية:للحين ما ركبيته ..
فجر:ما عليه أختي خايفة شوي ..!
زفرت بكل ضيق:ما فيه شيء يخوف يا ماما .. و بعدين هذا ..
قاطعتها:ما أبي أسمع شيء قلت ما أبي أتعالج يعني ما أبي ..!
زفرت بكل ضيق:بس أهلك وافقوا و دفعوا تكاليف العلاج .. ما يصير ..!!
قاطعتها فجر:ما عليه دكتورة .. ممكن تتركونا شوي .. أنا بقنعها ..
زفرت بكل ضيق و هي تنسحب مع الممرضة ..
فجر بكل لوم:لهالدرجة حياتك ما عادت تسوى عندك شيء ..؟!
لفت وجهها بعيد عنها ..
فجر:طيب أنتي ما تبين تعيشين ما فكرت فيني وش بيصير عقب عينك ..!
زفرت بكل ضيق:مو محتاجة أسمع هالحكي ..
زفرت بكل ضيق:ما عليه أنا مالي خاطر عندك .. بس على الأقل قدري تعب عبد العزيز حتى يسد تكاليف علاجك .. و فكري فـ أبوي اللي للحين ما يدري عنك ..!!
وش ممكن يجي له من هالخبر .. على الأقل يمكن علاجك يخفف عليه ..
زفرت بكل ضيق .."أبوي ...!!" .. توقف مخها ما فيه و لا ذكرى حلوة لها معه .. كل اللي تذكرة نظرة انكسار ترتسم على عيونه فـ كل مرة تلتقي عيونهم مع بعض ..!
زفرت بكل ضيق:بأخذ العلاج بس بشرط ما أبي أحد يكون معي ..
ناظرتها بنص عين:موب على كيفك ..!-وقفت و فتحت الباب ..
دخلوا من غير ما ينتظرون الدعوة .. طلعت الممرضة الأغراض من جديد ..
و الدكتور وقفت جنبها تراقبها و تعلمها الخطوات ..
دقيقة .. ثنتين .. انغرست الابرة فـ الوريد .. و بدت قطرات العلاج قطرة وراء الثانية ..
و بأجزاء من الثانية .. اختلط العلاج بدم غزل ..
ابتسمت الدكتور:ما راح تحس بأي شيء الحين .. لكن بعد العلاج ضروري يكون أحد معها ...
ابتسمت فجر:ما راح أطلع من هنا إلا بعد ما تخلص و تنوم بعد ..
ابتسمت لها:عن أذنكم ..
رفعت عيونها تراقب الكيس .. ارتسمت نظرة حزن بعيونها:كم وقت بيأخذ ..؟!
فجر و هي تمسح على رأس أختها:شكله مثل المغذي يمكن ,, أربع أو خمس ساعات ..
زفرت بكل ضيق و هي تسكر عيونها و كلها أمل .. تغفى و ما تصحى أبد ..!
تركي بكل تردد:و أنا جاي لك فـ الطريق شفت أخوها ..
الدكتور:متوهم يعني ..؟!
هز رأسه بالنفي:لاء .. أنا متأكد أنه حقيقة .. –بكل ربكة:سألت قالو أنها هنا ..
ابتسم له:و كأن رب العالمين كاتب لك عمر معها .. لازم ترجع لها و توضح لـ ..
قاطعه:مستحيل .. أنا خايف من ردة فعلها أكيد ما راح تتقبلني ..!
الدكتور:أنت أقوى من كذا ... و مثل ما قلت هاذي فرصتك و يمكن تكون الفرصة الأخيرة لك معها ..!
زفر بضيق أكبر:سألت عنها قالوا لي أنها مريضة .. –سكت لـثواني:مريضة بالسرطان ..!
الدكتور:لا حول و لا قوة إلا با الله ..
تركي بكل ربكة و توتر:أنا خايف لما أرجع لها تقول عني أستغل مرضها أكيد و لو كانت بمكان ثاني غير المستشفى كانت بتقول للكل عن اللي صار بيني و بينها ..
الدكتور:و ليه ضامن أنها ما قالت لهم ..!!
تركي:صح إنها وصلت المستشفى أمس على كلام الممرضة .. بس لو كانت قايلة لأخوها كان ما سكت ..
أنا أعرف عبد العزيز طيب و حبوب .. بس عنده الكرامة فوق كل شيء ..-بكل ضيق:و أنا ما قصرت ..
الدكتور:تركي .. أنت الحين تعالجت و لو ما كنت واعي كان ما لجأت للطب النفسي ..
كثير يشوفنه جنون و يكون آخر شيء يفكرون به بس أنت فكرت بعقل بعز محنتك ..
رجعت للشقة متأخر .. بس رحمة من ربك زوجتك وصلت هنا فـ الأخر .. و مثل ما قلت لك هاذي فرصة من رب العالمين .. حتى ترجع كل اللي هديته .. و أحسن بعد ..
هز رأسه بالنفي:كل ما فكرت إني راح أواجهها أحس بالفكرة مستحيلة ..!
خذا نفس عميق:تدري أنت موب خابف منها و لا من نفسك أنت خايف من أهلها صح ..!
تركي بكل استسلامية:مفتشل منهم .. سلموني أختهم أمانة و أنا ..-سكت و هو يحس بعجزه عن التعبير ..
الدكتور:خلاص هذا المهم .. أنك موب خايف من مواجهة زوجتك .. كل اللي عليك تنتظر لـ بعد الزيارة و تروح لها ..
تنهد بكل ضيق:اليوم بيبداء علاجها .. و ما أتوقع أهلها يتركونها أبد ..
الدكتور بكل استغراب:اليوم .. بهالسرعة ..
ابتسم رغم الألم الواضح بعيونه:سمعت الممرضات يتكلمون عن الموضوع قالوا لأنه فيه دكتور له يد فـ المستشفى قدر يعجل علاجها ..!
الدكتور:ما عليه أنا مستعد أدخلك للمستشفى بوقت متأخر .. بس أهم شيء ما تحطم كل تعبك فـ العلاج الأيام الماضية .. صدقني عشانك موب عشاني ..!
زفر بكل ضيق .."يا رب تسهل" ..
.._.._.._.._.._..
رفعت طرحتها فوق رأسها:يا الله أشوفك على خير ..
جنى بكل لوم:وين تو الناس ..!
ريناد:وش تو الناس .. أشغلتك و خسرتك غداء من برا .. وش تبين بعد ..!!
جنى:خلك للمغرب على الأقل ..
ريناد:لاء ما أقدر .. ما عاد بقي غير ربع ساعة و يوصل بسام .. و هذا كله وقت الطريق حد ما أوصل لـ بيت عمي أبو بسام ..
ناظرتها بطرف عين:جاية عندي عشان بسام .. ما رحتي معهم و تشوفين حبيب القلب ..!
ابتسمت بكل إحراج:وش أسوي لك كل ما جيت أقول لك سكتيني ..!
جنى بكل لوم:ما كنت دارية كان عطيتك كم محاضرة .. من زمان عن المحاضرات و الله ..
ناظرتها بطرف عينها:وش عليك جوري صارت أختك ..! الله يرزقنا بس ..
جنى:ههههههههههههههه .. السنة الجاية بتصير ريتاج معك ..
ريناد:ويييييييينك أنتي .. ريتاج أنخطبت ..!!
جنى:أدري ..!
ريناد:قصدي راح تروح تعيش معه هناك ..
جنى بكل صدمة:فـ الشرقية احللفي ..
ريناد:ايه و الله هذا ... إذا تزوجوا قبل الدراسة ..!
جنى:توقعت العكس .. قلت أكيد بيجي هنا ..
ريناد:لا ما يصر الحرمة اللي تتبع زوجها موب العكس ..!
جنى:لا ما فكرت كذا .. قلت دامه خطب من الرياض أكيد بيستقر هنا ..!
ريناد:لا بيروحون هناك .. من كم يوم أمه دقت على أمي و اتفقو على كل شيء .. لما يرجعون من الشرقية الملكة و عقبها يشوفون متى العرس .. بس أظنه قريب ..
جنى:ليه وش معنى هالظن ..!
ريناد:حسيته مستعجل ..
جنى:الله يوفقهم يارب ..
ريناد:آمين .. يا الله بطلع قبل لا أتأخر على زهيد ..
جنى:زهيد ..!!!
ريناد:ايه هو الوحيد اللي ما راح .. عشان الأخ سطام ..!
جنى:سطام ..! وش دخل زهيد فـ سطام و بعدين هو رجع للبيت ..!؟
ريناد:لاء .. بس دايم يدق على خالتي و يطلب السواق و زهيد هو الوحيد اللي ما راح يروح .. و جت من رب العالمين .. عشان يوصلني ..
جنى:يا الله اطلعي قبل لا يفضحك ..
ابتسمت:ايه و الله .. يالله سلام ..
اتسعت ابتسامتها و هي تراقبها تبعد:سلام ...
.._.._.._.._.._..
ريتاج بكل عصبية:وشلون يعني جينا هنا عشان حضرتها تنكد علينا ..
خزتها أمها و بكل ضيق:رتوج ..!!
أروى:ما قالت شيء يا خالتي .. و الله صادقة الواحد يسافر عشان يستانس و هي تطلع و تنكد علينا يومنا كله ..
أم تركي بكل عصبية:و بعدين معك أنتي وياها ..طفشانين هذا البحر قدامكم فارقوا عنا ..
وقفت أروى:من زين هالجلسة عاد .. –طلعت لـ برا و لحقتها ريتاج ..
أم بسام بصوت مبحوح من الصياح:يا ربي وين راحت ..؟!
أم بدر:يا بنت الحلال اذكري الله ما صار لها غير أربع ساعات من طلعت .. أنتي ما قلتي إنها لها صديقات هنا ..!
أم بسام:إلا قالت لي عنهم .. بس ما أعرفهم ..
زفرت أم تركي بكل ضيق:العيال طلعوا يدورون عليها .. وإن ما لقوها بيبلغون الشرطة ..
أم بسام بكل صدمة:الشرطة .. يا فضيحتنا .. عند الناس ..!
أم بدر:أجل وش بيدنا نسوي غير كذا ...!
أم تركي:أذكروا الله و أدعو أنها ترجع سالمة ..!
..
.
..
زفرت بكل ضيق:إن شاء الله ما ترجع أبد ..
ريتاج:حرام عليك على أنها سبب كل مشاكلي و قلقي .. بس حتى ولو ..!!
أروى بكل ضيق:أنا ما صدقت أسافر و أغير جو تطلعي ذي بعد ..؟!
تنهدت بكل ضيق:أنا متأكدة أنها مستانسة الحين .. و لا هي بـ دارية عن الدنيا ..
أروى بكل طفش:وش قصدك ..؟!
ريتاج:قبل لا تنقطع علاقتي معها هي كانت تعرف واحد هنا اسمه عيسى و أكيد هي دبرت كل هالموضوع عشان بس تشوفه ..
أروى بكل صدمة:يعني فوق ما تكلم بعد تطلع ..
ريتاج:ايه و الحمد الله أني ما طاوعتها كان الحين أنا تحت الأرض ..!
أروى:الله يكافينا الشر .. لو يصير معها شيء و إلا تمسكها الهيئة بننفضح فـ المملكة كلها ..!
ريتاج:أنا خايفة منها لما ترجع أخاف تجر رجلي فـ موضوعها ..
أروى:خلاص اللي كنتي تعرفينه و بتأخذينه قريب إن شاء الله .. –بنبرة تشكيك:و إلا تعرفين غيره ..!
ريتاج بكل ربكة:فيه غيره بس كلهم كلمتهم يومين ثلاث و قطعتهم .. حقيرين و واطين ..
ناظرتها بنص عين:الله يستر بس .. ما يطلع هالفيصل ما عنده ما عند جدتي .. يطلع الحين ما يحبك و يبيك عشان ينتقم منك ..!
ريتاج بكل خوف:وش هالكلام وجع .. و بعدين شلون يرضى يتعب أهله فـ مشوار بعيد من الشرقية للرياض .. عشان بس يأدبني أو يربني ..!!!
أروى:و الله الرجاجيل تجي منهم .. غربان ما يحتاج أقول لك ..!
زفرت بكل ضيق:أرووه ووجع .. ترا صدق أخاف ..
ضحكت عليها:هههههههههههههههههه .. من جد خبلة من الحين ما عندك ثقة فيه ..!
ناظرتها بنص عين:بتجيبين لي الاكتئاب و الوسوسة من قبل ما يتملك علي حتى ..
قربت منها:ما عليك مني ..-همست:ما دق عليك و لا شيء ..
ريتاج بكل هجومية:أصلا ما عاد أكلمة و هو ما يدري إني هنا ..
أروى:صدق أجل بكلمه و أعلمه ..
ريتاج و نبرة الغيرة بصوتها:أشوف خذتي عليه و طاحت الميانة بينكم ..!
أروى:هههههههههههههههههههههه .. يا حبي لك يا بنت عمي و الله أنك هبلة ..
دفتها بكل غيض:و يا ثقل دمك بعد ..!
..
.
زفر بكل ضيق:وين نروح بعد ..؟!
ريان و هو يهمس:أحس راعي التاكسي طفش مننا ..
عامر بكل لوم:قلت لك نستأجر سيارة ما طعتني ..
ريان:خلنا نرجع بس .. و سلطان أخوك يكمل الباقي ..
عامر:تستهبل تبي أمي تفضحني ..
ريان بكل ضيق:خلاص يكفي أخوك ..!
هز رأسه بالنفي:مستحيل ..
تنهد بكل ضيق:يا رب .. رحممممتك ..
عامر بكل غيض:حسبي الله و نعم الوكيل فيها من بنت .. و الله ما عاد ألوم أروى على كلامها عنها ..!
ريان بكل ربكة:ليش وش تقول عنه ..؟!
عامر:ما فيه سالفة محددة بس على طول تذم فيها ..
زفر بكل ضيق:عامر خلنا نرجع .. تكففففى ..
عامر بكل استسلامية:خلاص بس أدق على سلطان و أعلمه ..
.._.._.._.._.._..
رفعت الفستانين .. و بكل حيرة ..:البس هذا و إلا هذا ..
زفرت ريناد بكل ضيق:وش دعوة بيكون مهم .. ما راح يشوف لا هذا و لا ذا ..!
رمت بثقلها على السرير و رفعت يدها على بطنها ..:أوف وش فيني ما عاد أتحمل أي شيء على بطني ..
رجعت توقف:لازم أتروش و بس وبس ..-سحبت فستان صيفي خفيف من بين الملابس المسفطة .. و دخلت الحمام ..
..
.
فتح الباب بكل هدوء .. عرف أنها فـ الحمام من صوت الدش .. خذا لفة بنظرة كل زاوية يشوف فيها ريناد ..
دخل و جلس بكل راح على الكنبة .. "أكيد ريناد غيرت فـ الغرفة أعرف ذوق ليان" ..
رجع يوقف مشى لـ عند السرير و رفع الفساتين فوق .. اتسعت ابتسامته:حتى ذوقها فـ الملابس نفسه .. حلو وفخم و بنفس الوقت ناعم ..!!
تملكة الفضول يشوف أشياء أكثر .. لكن ريناد ما عطته مجال ..
..
لفت الروب على جسمها بكل رقة .. ناظرت فـ المرايا ..:عيوني بدت تحمر .. المفروض أنوم .. بس موب وقته .. –زفرت بكل ضيق و هي تغسل عيونها بالموية ..
"بعد هالحمام .. شكلي بـ أدخل فـ نوم عميق .. يا رب يوصل قريب" ..
شدت الروب على جسمها أكثر .. فتحت الباب و طلعت أخيرا ..
رفع عينها عليها بكل صدمة .. ما توقعها تطلع ..
ابتسمت أول ما شفته .. لكن على طول تلاشت ابتسامتها و هي تراقب عيونه الي التقت بعيونها ..
ابتسم:نعيما ..
تنحت لـ ثواني .. او يمكن لـ دقايق .. حاسة بالصدمة تشل كل ذرة فـ جسمها ..
نطقت بكل استغراب:بسام ..!
قرب منها مسك يدها و هو يتفحصهم .. غمض عيونه لـ ثواني .."كل شيء فـ ريناد مثل ما هو" ..
رجع يفتح عيونه و يعلقها بعيونه:ما في حمد الله ع السلامة و لا أي شيء مثل كذا ..!!
ابتسمت و هي ما زالت مترددة بين أنه واقع أو حلم:بسام تشوف ...!!
بسام بكل ثقة:وش رأيك بالمفاجأة ..
لمعت الدموع بعيونها .. رفعت يده على فمها تمنع الشهقات اللي غزتها فجأة ..
بسام بكل خوف:ريناد ..!
نزلت دموعها:شلون ..!
ابتسم:امم .. سويت عملية و بفضل رب العالمين ثم دعوتك الله سهل ..
ضمته و هي لحد هاللحظة مو مصدقة ..!!
اتسعت ابتسامته و هو يضمه أكثر .."الله لا يحرمني منك دوم" ..
.._.._.._.._.._..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نزلت صينية الشاي و بكل ضيق:وش فيها بالضبط ..؟!
راكان بكل عصبية: و أنتي وش دخلك ..؟!
ناظرته بنص عين و هي تجلس:أمس كانت متحمسة حتى قالت لي أنها بتجهز السلطة فـ شقتها و تنزلها معها فجأة قررت ما تنزل ..
أم راكان بكل عصبية:و تضيقين بعد لما أقولك غبية .. الولد من جلس و هو يقول لك تعبانة ..!
وعد بكل عناد:وش هاللي جاها فجأءة ..
أبو راكان:خلصنا .. لا تقعدون تصدعون روسنا ...-لف على راكان:قم يبه رح لـ زوجتك كان تعبها زاد ودها للمستشفى و إن ما صار فيها شيء خلك عندها يمكن تحتاجك ..
وقف راكان:إن شاء الله يبه ..
رفع عينه على بنته:رحتي لـ حمد ..
وعد بكل طفش و هي تعيد هالكلام للمرة العاشرة:طقيت و طقيت و طقيت و طاحت يدي و أنا أطق محد رد علي ..
أم راكان:يمكن طلعوا ..
أبو راكان بكل ضيق:وشلون يطلعون من غير ما تشوفينهم ..!
أم راكان بكل ضيق:ما تعرف زوجة ولدك ...!
زفر بكل ضيق:قومي صبي لي بيالة شاهي ..
وقفت وعد و توجهت للطاولة:إن شاء الله ..
..
.
..
فتح الباب بكل هدوء و دخل .. زفر بكل ضيق ..
..
ست شهور عاشهم مع مرام .. ما عاش معها قصة حب و لا كان بينهم غراميات قبل الزواج ..
لكن الأيام اللي عاشها معها كانت خرافية لـ حد الجنون .. حبها و تعلق فيها .. و عطاها كل عمره ..
ما يذكر يوم تهاوش معها و لا يعرف كيف يراضي .. زفر بكل ضيق و هو ينزل عيونه على التذاكر .. حتى أسهل شيء موب قادر يقدمه ..
ابتسم بتلقائية و هو يتذكر كل ذكرى حلوة مرت عليه مع ليان .. يمكن أيامهم كلها ما كانت عسل مثل أيامه مع مرام ..
بس للمرة الأولى يحس بمسؤلية الزواج .. و للمرة الأولى إحساس التعب بـ ذكرى مرام يتمكن منه لـ درجة وصل فيها للهلاك ..
رمى بثقله على الكنب .."أنا فعلا كل شيء قاعد أقارنه بينها و بين ليان .. –نزل عيونه على الطاولة و طاحت عينه على الكاس .."حتى كاس الموية لما تقدمه لي أذكرها على طول ..!" ..
خذا نفسه و رجع يستجمع قوته .. وقف و توجهه للغرفة و كله عزيمة .. يبدا من جديد و يكون راكان نفسه .. مو راكان زوج مرام ..!!!
..
إحساس بالطفش خلاها تندم على هوشتها معه الصبح .."أكيد وعد قاعدة تنكت و تضحك .. لو إني نازلة كان أحسن لي من هالاكتئاب" ..
نزلت يدها على بطنها .."يا ربي بديت أجوع .. بطلع أكل أي شيء قبل لا يرجع على الأقل ما يفضحني بطني قدامه" ..
وقفت و توجهت للباب و كلها حماس تطلع و تتمم مهمتها قبل رجعته ..
لكن قبل ما توصل و بـ ثواني سبقها بـ دخوله ..
..
تجمدت فـ مكانها لـثواني .. خانه التعبير و ظل واقف مكانه و كأنه ينتظرها تتحرك ..
تراجعت خطوتين لـ وراء و جلست على طرف السرير بكل هدوء ..
دخل و سكر الباب وراه .. قرب و جلس قريب منها ..
حس بالربكة و التوتر تسيطر عليه .. خاف يغلط و يزيد الطين بله ..
لكن إلى متى راح يستمر هالوضع على ما هو عليه ..!!
خذا أنفاسه و احتار وش ممكن يبداء به:للحين زعلانة ..؟!
رفعت عينها عليه .. نظرة توهان ارتسمت بعيونها .. سؤال ما له أي معنى ..
كمل كلامه بكل تردد:كل اللي قلتيه اليوم موب صحيح .. بس أنا للحين مو مستوعب حياتي الجديدة ..
ليان بكل لوم:ليش خذيتني من بيت أهلي ما دامك موب مستعد ..؟!
زفر بكل ضيق و حس أن السؤال صعب جوابه و يمكن ما له جواب ..
ليان:أقدر أنا أقعد في بيت أهلي و أنت تجلس هنا و كل واحد يحفظ كرامته ..
راكان بكل لوم:ليان وش هالكلام ..!! .. أنا توقعتك مرتاحة هنا ..
ليان:راكان لا تقعد تلف و تدور .. وش اللي جاي تقوله بالضبط ..
زفر بكل ضيق .. حس بالكلمة تغص بحلقة .. يمكن نطقها من قبل و كثير .. بس كل مرة ما يعنيها مثل هالمرة ..!
..:أنا آسف لأني أزعجتك و ضايقتك بـ تصرفاتي .. بس كنت محتاج شوية وقت ..
تملكتها الحيرة .. الحين القرار صار بيدها .. تنهي هالمشكلة أو تستمر .. !!
خذت نفسها:يعني كلامي كان صح ..
راكان و بصوته شيء من العناد:بس موب كله ..
زفرت بكل ضيق:خلاص انسى اللي صار ...-ناظرته بنص عين:بس موب بـ هالسهولة طبعا ..!
ابتسم بكل عفوية مد يده لـ داخل جيبه و طلع التذاكر ..
استغربت:وش هذا ..؟!
راكان:يعني وشو .!
ليان:أدري تذاكر .. بس قصدي لـ وين ..؟!
راكان:للشرقية موب هذا اللي تبينه .. و بعد لي و لك و لأمي و أبوي ووعد ..
ليان بكل حماس:و الله ..!
راكان:يا الله قومي غيري ملابسك و خلينا ننزل تحت الكل قلقان عليك ..
وقفت:ثواني بس ..!-طلعت لها جلابية من الدولاب و طلعت ركض للحمام تبدل ..
زفر بكل راحة .."و الله الموضوع سهل .. أسهل من ما توقعت بكثير ..!" .. اتسعت ابتسامته و هو يذكر ابتسامتها .. "الحزن ما يركب عليها ابد" ..!!
.._.._.._.._.._..
ركبت السيارة بكل ضيق:حرك ..
جنى و هي تناظر أختها بكل استغراب:ليه ..؟!
الجازي:سألت عنه .. قالوا لي أنها فـ المستشفى من أسبوع و أكثر ..
جنى:طيب وش بنسوي ..؟!
الجازي:نرجع البيت ..
جنى بكل صدمة:ليه نرجع ..!!
الجازي:يعني وين نروح ..؟!
جنى:نروح له فـ المستشفى ..
الجازي:مانعين عنه الزيارات ..
جنى:ما قالوا لك وش فيه ..؟!
الجازي:لاء ..
جنى:نروح نتطمن عليه .. أو نروح لـ بيته ..!
الجازي:نروح هناك وش نسوي ..!
جنى:مو مهم .. إنا خواتهم و ما راح يطردوننا ..
الجازي:مستحيل .. ما خططنا لـ كذا ..
جنى بكل إصرار:موب كل شيء نخطط له يصير ..
الجازي:ما ينفع يا جني صد ..
قاطعتها:نجرب .. على الأقل نكون طلعنا اليوم بـ فايدة ..
زفرت بكل ضيق:خلاص أمرك يا آنسه جنى .. و الله يستر من هالتهور ..
ابتسمت اخيرا:يا الله عطي السواق العنوان ..
فتحت شنطتها و هي تزفر بكل ضيق .. علامة لـ عدم اقتناعها ..
.._.._.._.._.._..
همست له فـ الجوال:وينك ..
عيسى و هو يراقب الشاليهات:قدام شاليهكم بالضبط .. اطلعي بسرعة ..
طلعت بكل هدوء .. و هي تتسحب .. ابتسمت أول ما لمحت سيارته ..
همست له فـ الجوال:جاية يا عمري ..
قربت من السيارة و ركبت جنبه ..
عيسى بكل ضيق:وش تسوين ..!
لوجين:وش فيك ركبت ..؟!
عيسى:قومي اركبي وراء لو لمحك أحد و إلا شيء على الأقل تقولين لهم إني سواق ..
نزلت اللثمة من على وجهها:أوكية حياتي ..-بثواني بسيط صارت وراه ..
رفع جواله و رن رنة عليهم ..
دقيقة و يمكن أقل .. انفتحوا البابين .. يسار و يمين لوجين ..
انقبض قلبها و ارتبكت:عيسى ..!
سكروا الأبواب .. همس اللي على يمينها:هلا و الله بـ الغلا كله ..
الثاني:عيسى حررك ..
لوجين بكل ضيق:عيسى ..!
رجع يتكلم اللي على يمينها:حنا ربعه .. لا تخافين بس جينا نستانس وياكم فـ هالطلعة ..
صرخ بكل عصبية و هي تشوف السيار تبعد كثير:عيسى ما كان هذا اتفاقنا ..!!
..
.
طلع نفسه الأخير من السيجارة:بس هذا اتفاقي أنا مع نفسي ..
تلفت حوله الاستراحة فاضية .. رفع محمد رأسه:تكلمني عيسى ..
وقف عيسى و هو يترنح من الشرب:معك سيجارة .. سجارتي خلصت ..!
طلع له وحدة:هاذي آخر وحدة و بكرة تجيب لي بدل هاللي شربتهم كلهم ..
فتحوا الباب و دخلوا .. خوف رهبة .. حتى لونهم مخطوف ..
محمد:هاه بشروا ..؟!
سعد و هو يقرب:رميناها على البحر .. و هربنا ..
محمد بكل صدمة:ع الكورنيش ..!!
سعد:مجنون أنت .. أكيد بيشوفنا احد ..!! رميناها فـ العزيزية ..
عيسى و هو يأخذ نفسه من سيجارته:من هاذي ..
سعد:خلك فـ اللي أنت فيه أبرك ..
محمد:و سامي وينه ليه ما رجع معك ..؟!
سعد:رجع لـبيتهم .. يقول تعبان و أنت بعد تعرف أمه قلق .. و صداع فظيييع ..
محمد و هو يأخذ نفس من الشيشة بكل راحة:الحين الواحد يمخمخ من جديد ..
سعد و هو يغمز:بالله ما مخمخت معها ..!
سعد و ابتسامة الخبث على وجهه:كثيير .. بس الله يقلعها طيرت كل الروقان اللي فـ مخي يوم طاحت علينا ..
عيسى و هو يريح جسمه:اششش خلوني أتفاهم مع سيجارتي لا تزعجونا لو سمحتوا ..
سعد:وش فيه هذا ..؟!
محمد:روقت له مخه ..
سعد:طبعا هو أول واحد بدا فيها .. ما حس بالمصيبة اللي كنا فيها ..!
.._.._.._.._.._..
ريناد بكل لوم:ليش ما قلت لي عن العملية ..؟!
بسام و عيونه كلها شوق و لهفة لـ شوفتها:ما حبيتا شغلك أدري وش قد أنتي حساسة ..
رفع يده و تحسست عيونه:مو مصدقة ..!!
ابتسم:لا يا عمري صدقي ..!-علق عيونه بـ عيونه .. غدر فيها للحظة و طبع بوسة على خدها ..
قربت منه وضمته .. مشتاقه له و منحرجة من تصرفه .. كل شيء صار يختلف بالنسبة لها ..
دقيقة .. ثنتين .. ثلاث .. رجعت همس و هي دافنة نفسها بين أحضانه:بسام الله يخليك قلي أني موب قاعدة احلم ..!!
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك